ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﯘﻳﻐﯘﺭ ﺋﯧﻠﯩﺪﻩ ﭼﺎﺭﯞﺍ ﻣﺎﻟﻼﺭﻏﺎ ﻛﯧﺴﻪﻝ ﺗﺎﺭﻗﺎﻟﻐﺎﻧﻠﯩﻘﯩﻨﻰ ﻳﯘﺷﯘﺭﻣﺎﻗﺘﺎ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﮭﺮﻩﻧﯩﯔ ﺑﯘ ﮬﻪﻗﺘﯩﻜﻰ ﭘﺮﻭﮔﺮﺍﻣﻤﯩﺴﯩﻨﻰ ﺋﺎﯕﻼﯓ
• Download story audio

ﺋﯘﻳﻐﯘﺭ ﺋﯧﻠﯩﺪﯨﻦ ﺋﯩﮕﯩﻠﯩﺸﯩﻤﯩﺰﭼﻪ ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﯩﺪﻩ ﻗﻮﻱ ، ﻛﺎﻻ ﻗﺎﺗﺎﺭﻟﯩﻖ ﭼﺎﺭﯞﺍ ﻣﺎﻟﻼﺭﻏﺎ ﺑﯩﺮ ﺧﯩﻞ ﺗﯧﺰ ﻳﯘﻗﯩﺪﯨﻐﺎﻥ ﻳﯘﻗﯘﻣﻠﯘﻕ ﻛﯧﺴﻪﻝ ﺗﺎﺭﻗﺎﻟﻤﺎﻗﺘﺎ. ﺑﯘ ﺧﯩﻞ ﻛﯧﺴﻪﻟﻠﯩﻚ ﺑﯩﻠﻪﻥ ﻳﯘﻗﯘﻣﻼﻧﻐﺎﻥ ﭼﺎﺭﯞﯨﻼﺭﺩﺍ ﺋﺎﻏﺰﯨﺪﯨﻦ ﺷﺎﻟﯟﺍﻕ ﺋﯧﻘﯩﺶ ، ﺗﯘﻳﺎﻗﻠﯩﺮﻯ ﺳﯧﺴﯩﺶ ، ﺗﯩﻠﻰ ﺳﺎﯕﮕﯩﻼﺵ ،ﺋﯧﻐﯩﺮ ﺑﻮﻟﻐﺎﻧﺪﺍ ﺋﯚﻟﯜﭖ ﻗﯧﻠﯩﺸﻘﺎ ﺋﻮﺧﺸﺎﺵ ﺋﺎﻻﻣﻪﺗﻠﻪﺭ ﻛﯚﺭﯛﻟﯩﯟﺍﺗﻘﺎﻥ ﺋﯩﻜﻪﻥ . ﮔﻪﺭﭼﻪ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﭼﺎﺭﯞﯨﭽﯩﻠﯩﻖ ﺭﺍﻳﻮﻧﻠﯩﺮﯨﺪﺍ ﺑﯩﺮ ﺋﺎﻱ ﺑﯘﺭﯗﻥ ﺗﺎﺭﻗﯩﻠﯩﺸﻘﺎ ﺑﺎﺷﻠﯩﻐﺎﻥ ﺑﯘ ﺧﯩﻞ ﻛﯧﺴﻪﻟﻠﯩﻜﻨﻰ ﻛﻮﻧﺘﺮﯗﻝ ﻗﯩﻠﯩﺶ ﺋﯜﭼﯜﻥ ﮬﻪﺭﯨﻜﻪﺕ ﻗﯩﻠﯩﺸﻘﺎ ﺑﺎﺷﻠﯩﻐﺎﻥ ﺑﻮﻟﺴﯩﻤﯘ ، ﺑﯘ ﺧﯩﻞ ﻛﯧﺴﻪﻟﻠﯩﻜﻨﯩﯔ ﺧﺎﺭﺍﻛﺘﯧﺮﻯ ﮬﻪﻣﺪﻩ ﺗﺎﺭﻗﯩﻠﯩﺶ ﺋﻪﮬﯟﺍﻟﯩﻨﻰ ﺋﺎﻣﻤﯩﺪﯨﻦ ﯞﻩ ﺋﺎﺧﭙﺎﺭﺍﺕ ﺋﻮﺭﯗﻧﻠﯩﺮﯨﺪﯨﻦ ﻳﯘﺷﯘﺭﯗﯞﺍﺗﻘﺎﻧﻠﯩﻘﻰ ،ﭼﺎﺭﯞﯦﭽﯩﻼﺭﺩﺍ ﮬﻪﻣﺪﻩ ﺑﯘﻧﯩﯖﺪﯨﻦ ﺧﻪﯞﻩﺭﺩﺍﺭ ﺑﻮﻟﻐﺎﻥ ﺋﺎﻣﻤﯩﺪﺍ، ﮬﻪﺭ ﺧﯩﻞ ﺗﻪﺷﯟﯦﺸﻠﻪﺭﻧﻰ ﭘﻪﻳﺪﺍ ﻗﯩﻠﻤﺎﻗﺘﺎ ﺋﯩﻜﻪﻥ .

ﮔﯘﻣﺎﻧﻠﯩﻖ ﻛﯧﺴﻪﻝ

ﺑﯩﺰ ﮔﻪﺭﭼﻪ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﺳﻪﮬﯩﻴﻪ ﺗﺎﺭﻣﺎﻗﻠﯩﺮﯨﺪﯨﻦ ﭼﺎﺭﯞﺍ ﻣﺎﻟﻼﺭﺩﺍ ﻛﯚﺭﯛﻟﯩﯟﺍﺗﻘﺎﻥ ﻛﯧﺴﻪﻟﻨﯩﯔ ﻧﯩﻤﻪ ﻛﯧﺴﻪﻝ ﺋﯩﻜﻪﻧﻠﯩﻜﻰ ﮬﻪﻗﻘﯩﺪﻩ ﺟﺎﯞﺍﭖ ﺋﯧﻠﯩﺸﻘﺎ ﺗﯩﺮﯨﺸﻘﺎﻥ ﺑﻮﻟﺴﺎﻗﻤﯘ ، ﺧﯩﺘﺎﻱ ﮬﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺑﯘ ﮬﻪﻗﺘﯩﻜﻰ ﺋﯘﭼﯘﺭﻻﺭﻧﻰ ﻗﺎﺗﺘﯩﻖ ﻗﺎﻣﺎﻝ ﻗﯩﻠﻐﺎﻧﻠﯩﻘﻰ ﺋﯜﭼﯜﻥ ﻗﺎﻧﺎﺋﻪﺗﻠﯩﻨﻪﺭﻟﯩﻚ ﺟﺎﯞﺍﭖ ﺋﺎﻻﻟﻤﯩﺪﯗﻕ.

ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺑﯩﺰ ﺗﯧﻠﯧﻔﻮﻥ ﺋﺎﺭﻗﯩﻠﯩﻖ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺑﯩﺮﻗﺎﻧﭽﻪ ﻛﯩﺸﯩﻨﻰ ﺯﯨﻴﺎﺭﻩﺕ ﻗﯩﻠﯩﭗ، ﺋﯘﻻﺭﻧﯩﯔ ﺑﯘ ﻛﯧﺴﻪﻝ ﮬﻪﻗﻘﯩﺪﯨﻜﻰ ﻗﺎﺭﯨﺸﻰ ﯞﻩ ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﺑﯘ ﮬﻪﻗﺘﯩﻜﻰ ﭼﺎﺭﯨﻠﯩﺮﻯ ﮬﻪﻗﻘﯩﺪﻩ ﺳﻮﺭﯨﺪﯗﻕ.

• ﺋﯘﻻﺭ ﺑﯘ ﮬﻪﻗﺘﻪ ﻣﯘﻧﺪﺍﻕ ﺳﯚﺯﻟﻪﭖ ﺑﻪﺭﺩﻯ
• Download story audio

ﻣﯘﺗﻪﺧﻪﺳﺴﯩﺴﻠﻪﺭ ﻧﯩﻤﻪ ﺩﻩﻳﺪﯗ

ﺑﯩﺰ ﻣﻪﺯﻛﯜﺭ ﻣﻪﻟﯘﻣﺎﺗﻼﺭﻏﺎ ﺋﯧﺮﯨﺸﻜﻪﻧﺪﯨﻦ ﻛﯧﻴﯩﻦ ،ﭼﺎﺭﯞﯦﻼﺭﺩﯨﻜﻰ ﺑﯘ ﺧﯩﻞ ﻛﯧﺴﻪﻟﻨﯩﯔ ﺯﺍﺩﻯ ﻗﺎﻧﺪﺍﻕ ﻛﯧﺴﻪﻝ ﺑﻮﻟﯩﺸﻰ ﻣﯜﻣﻜﯩﻨﻠﯩﻜﻰ ﮬﻪﻣﺪﻩ ﺋﯘﻧﯩﯔ ﺋﺎﺩﻩﻣﻠﻪﺭﮔﻪ ﻳﯘﻗﯘﺵ ﺋﯧﮭﺘﯩﻤﺎﻟﻠﯩﻘﻰ ﺑﺎﺭ ﻳﻮﻗﻠﯩﻘﻰ ﮬﻪﻗﻘﯩﺪﻩ ﺋﯘﻳﻐﯘﺭ ﺋﯧﻠﻰ ﺧﻪﻟﻘﯩﻨﻰ ﺗﻮﻏﺮﺍ ﻣﻪﻟﯘﻣﺎﺗﻼﺭﺩﯨﻦ ﺧﻪﯞﻩﺭﺩﺍﺭ ﻗﯩﻠﯩﺶ ﺋﯜﭼﯜﻥ ﺧﻪﻟﻘﺎﺭﺍﺩﯨﻜﻰ ﻣﯘﺗﻪﺧﻪﺳﺴﯩﺴﻠﻪﺭﺩﯨﻦ ﺑﯘ ﻣﻪﺳﯩﻠﻪ ﮬﻪﻗﻘﯩﺪﻩ ﻣﻪﺳﻠﯩﮭﻪﺕ ﺳﻮﺭﯨﺪﯗﻕ .

ﺋﺎﻣﯧﺮﻛﺎ ﻳﯧﺰﺍ ﺋﯩﮕﯩﻠﯩﻚ ﻣﯩﻨﯩﺴﺘﯧﺮﻟﯩﻘﻰ ﻣﯘﺗﻪﺧﻪﺳﯩﺴﻠﯩﺮﯨﻨﯩﯔ ﻛﯚﺭﺳﯩﺘﯩﺸﯩﭽﻪ ، ﺗﯘﻳﺎﻕ ، ﺋﯧﻐﯩﺰ ﻳﯘﻗﯘﻣﻠﯘﻕ ﯞﯦﺮﻭﺳﻰ ﻧﺎﻣﻠﯩﻖ ﺑﯩﺮ ﺧﯩﻞ ﻛﯧﺴﻪﻟﻠﯩﻚ ﺑﻮﻟﯘﭖ ، ﺋﯘﻧﯩﯔ ﺋﺎﻻﻣﻪﺗﻠﯩﺮﻯ ﺋﺎﺳﺎﺳﻪﻥ ﺋﯘﻳﻐﯘﺭ ﺋﯧﻠﯩﺪﯨﻜﻰ ﭼﺎﺭﯞﺍ ﻣﺎﻟﻼﺭﺩﺍ ﺗﺎﺭﻗﯩﻠﯩﯟﺍﺗﻘﺎﻥ ، ﺧﯩﺘﺎﻱ -5ﻧﻮﻣﯘﺭﻟﯘﻕ ﻛﯧﺴﻪﻝ ﺩﻩﭖ ﺋﺎﺗﯩﻐﺎﻥ ﺑﯘ ﺧﯩﻞ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻚ ﺑﯩﻠﻪﻥ ﺋﻮﺧﺸﺎﺵ ﺋﯩﻜﻪﻥ .

ﺋﺎﻻﻣﻪﺕ ﯞﻩ ﺋﺎﻗﯩﯟﻩﺕ

ﻳﻪﻧﻰ ﺑﯘ ﺗﯘﻳﺎﻕ ﺋﯧﻐﯩﺰ ﻳﯘﻗﯘﻣﻠﯘﻕ ﯞﯦﺮﻭﺳﻰ ﺋﺎﺳﺎﺳﻪﻥ ﻗﻮﻱ ، ﻛﺎﻻ، ﺋﯚﺷﻜﻪ، ﺑﯘﻏﺎ ﻗﺎﺗﺎﺭﻟﯩﻖ ﺗﯘﻳﺎﻗﻠﯩﻖ ﮬﺎﻳﯟﺍﻧﻼﺭﻏﺎ ﻳﯘﻗﯘﺩﯨﻜﻪﻥ. ﺋﻪﯓ ﺋﯧﻨﯩﻖ ﺑﻮﻟﻐﺎﻥ ﻛﯧﺴﻪﻟﻠﯩﻚ ﺋﺎﻣﺎﻟﻪﺗﻠﯩﺮﻯ ﺋﺎﺳﺎﺳﻪﻥ ، ﺋﺎﻏﺰﯨﺪﯨﻦ ﺷﯚﻟﮕﻪﻱ ﺋﯧﻘﯩﺶ، ﮬﻪﻣﺪﻩ ﺗﯘﻳﺎﻗﻠﯩﺮﻯ ﺳﯧﺴﯩﺶ ﺑﻮﻟﯘﭖ ، ﺑﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ، ﻗﯩﺰﺯﯨﺘﻤﯩﺴﻰ ﺋﯚﺭﻟﻪﺵ، ﺗﯩﻠﻰ ﺳﺎﯕﮕﯩﻼﺵ ﻗﺎﺗﺎﺭﻟﯩﻖ ﺑﻪﻟﮕﯩﻠﯩﺮﯨﻤﯘ ﻛﯚﺭﯛﻟﯩﺪﯨﻜﻪﻥ.

ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺑﯩﻠﺪﯛﺭﯨﺸﯩﮕﻪ ﻗﺎﺭﯨﻐﺎﻧﺪﺍ ، ﺗﯘﻳﺎﻕ ﺋﯧﻐﯩﺰ ﻳﯘﻗﯘﻣﻠﯘﻕ ﯞﯦﺮﻭﺳﻰ ، ﻛﻮﻧﺘﯘﺭﯗﻝ ﻗﯩﻠﯩﺶ ﺋﻪﯓ ﻗﯩﻴﯩﻦ ﺑﻮﻟﻐﺎﻥ، ﭼﺎﺭﯞﯦﭽﯩﻼﺭ ﮬﻪﻣﻤﯩﺪﯨﻦ ﺑﻪﻙ ﻗﻮﺭﻗﯩﺪﯨﻐﺎﻥ ، ﺗﯘﻳﺎﻗﻠﯩﻖ ﭼﺎﺭﯞﺍ ﻣﺎﻟﻼﺭﺩﺍ ﺗﯘﻳﯘﻗﺴﯩﺰ ﻛﯚﺭﯛﻟﯩﺪﯨﻐﺎﻥ ﻛﯧﺴﻪﻟﻠﯩﻚ ﺑﻮﻟﯘﭖ ، ﮬﺎﻳﯟﺍﻥ، ﺋﺎﺩﻩﻡ، ﻗﺎﺗﻨﺎﺵ ﻗﻮﺭﺍﻟﻠﯩﺮﻯ ﯞﻩ ﺑﺎﺷﻘﺎ ﺋﻪﺳﻠﯩﮭﻪﻟﻪﺭ ﺋﺎﺭﻗﯩﻠﯩﻖ ﻛﻪﯓ ﺩﺍﺋﯩﺮﯨﺪﻩ ﻳﯘﻗﯘﺵ ﺋﯧﮭﺘﯩﻤﺎﻟﻰ ﺑﻮﻟﻐﺎﭼﻘﺎ ، ﺗﺎﺭﻗﯩﻠﯩﺸﻰ ﻧﺎﮬﺎﻳﯩﺘﻰ ﺗﯧﺰ ﺑﻮﻟﯩﺪﯨﻜﻪﻥ.

ﺋﻪﮔﻪﺭﺩﻩ ﭼﺎﺭﯞﺍ ﻣﺎﻟﻼﺭ ﺑﯘ ﺧﯩﻞ ﯞﯦﺮﻭﺱ ﺑﯩﻠﻪﻥ ﻳﯘﻗﯘﻣﻼﻧﺴﺎ ، ﻛﯚﭖ ﺳﺎﻧﺪﺍ ﭼﺎﺭﯞﯨﻼﺭ ﺋﯚﻟﯜﭖ ﻛﯧﺘﯩﺪﯨﻜﻪﻥ ،ﺋﯘﻧﯩﯔ ﺋﯩﻘﺘﯩﺴﺎﺩﻯ ﯞﻩ ﺳﻪﮬﯩﻴﻪ ﺟﻪﮬﻪﺗﺘﯩﻦ ﺋﯧﻠﯩﭗ ﻛﯧﻠﯩﺪﯨﻐﺎﻥ ﺯﯨﻴﯩﻨﻰ ﮬﻪﻣﻤﯩﺪﯨﻦ ﺋﯧﻐﯩﺮ ﺑﻮﻟﯘﭖ ، 2001 - ﻳﯩﻠﻰ ﺋﻪﻧﮕﯩﻠﯩﻴﯩﺪﻩ ﭼﺎﺭﯞﺍ ﻣﺎﻟﻼﺭﻏﺎ ﺑﯘ ﺧﯩﻞ ﻛﯧﺴﻪﻝ ﺗﺎﺭﻗﺎﭖ 11.6 ﻣﯩﻠﻴﺎﺭﺩ ﺩﻭﻟﻼﺭ ﻗﯩﻤﻤﯩﺘﯩﺪﻩ ﺯﯨﻴﺎﻥ ﺋﯧﻠﯩﭗ ﻛﻪﻟﮕﻪﻥ.

ﺩﯗﻧﻴﺎﺩﺍ 2002 - ﻳﯩﻠﻐﯩﭽﻪ 48 ﺩﯙﻟﻪﺗﻼ ﺑﯘ ﺧﯩﻞ ﯞﯦﺮﻭﺳﻨﯩﯔ ﺗﺎﺭﻗﯩﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﺎﻻﻟﻠﯩﻐﺎﻥ ﺑﻮﻟﯘﭖ ، ﺋﺎﻣﯧﺮﻛﺎ ﻗﻮﺷﻤﺎ ﺷﯩﺘﺎﺗﻠﯩﺮﯨﺪﺍ 1926 - ﻳﯩﻠﯩﺪﯨﻦ ﺑﯘﻳﺎﻥ ﺑﯘ ﺧﯩﻞ ﻛﯧﺴﻪﻟﻠﯩﻚ ﻛﯚﺭﯛﻟﻤﯩﮕﻪﻥ.

ﻧﯚﯞﻩﺗﺘﻪ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻣﺎﻝ ﭼﺎﺭﯞﯨﻼﺭﻏﺎ ﺗﺎﺭﯨﻠﯩﯟﺍﺗﻘﺎﻥ ﻛﯧﺴﻪﻟﻠﯩﻚ ﺋﺎﻻﻣﻪﺗﻠﯩﺮﯨﻨﻰ ﻳﯘﺷﯘﺭﯨﺸﻰ ﺗﯜﺭﻟﯜﻙ ﮔﯘﻣﺎﻧﻼﺭﻧﻰ ﻗﻮﺯﻏﺎﯞﺍﺗﻘﺎﻥ ﺑﻮﻟﯘﭖ ، ﻣﯘﺗﻪﺧﻪﺳﺴﯩﺴﻠﻪﺭ " ﺋﻪﮔﻪﺭ ﻣﻪﺯﻛﯜﺭ ﻛﯧﺴﻪﻟﻠﯩﻚ ﺋﯜﻧﯜﻣﻠﯜﻙ ﻗﺎﻣﺎﻝ ﻗﯩﻠﯩﺶ ﺗﻪﺩﺑﯩﺮﻟﯩﺮﻯ ﺑﯩﻠﻪﻥ ﻛﻮﻧﺘﺮﯗﻝ ﻗﯩﻠﯩﻨﻤﯩﻐﺎﻧﺪﺍ ، ﺋﯧﻠﯩﭗ ﻛﯧﻠﯩﺪﯨﻐﺎﻥ ﺯﯨﻴﺎﻧﻠﯩﺮﯨﻨﻰ ﻣﯚﻟﭽﻪﺭﻟﻪﺵ ﻗﯩﻴﯩﻦ" ﺩﻩﭖ ﺑﯩﻠﺪﯛﺭﻣﻪﻛﺘﻪ. (ﮔﯜﻟﭽﯧﮭﺮﻩ)