ﻳﻪﺭ ﺷﺎﺭﯨﻨﯩﯔ ﻛﯩﻠﯩﻤﺎﺗﯩﺪﯨﻜﻰ ﺑﯩﻨﻮﺭﻣﺎﻝ ﺋﯩﻠﻠﯩﺶ ﻗﺎﻧﺪﺍﻕ ﺑﺎﻻﻳﻰ ﺋﺎﭘﻪﺗﻠﻪﺭﻧﻰ ﺋﯧﻠﯩﭗ ﻛﯧﻠﯩﺸﻰ ﻣﯘﻣﻜﯩﻦ؟
2006-04-26
ﻳﻪﺭ ﺷﺎﺭﻯ ﻛﯧﻠﯩﻤﺎﺗﯩﺪﺍ ﺋﻮﻣﯘﻣﻴﯜﺯﻟﯜﻙ ﻫﺎﻟﺪﺍ، ﻫﺎﯞﺍ ﺗﯧﻤﭙﯧﺮﺍﺗﯘﺭﯨﺴﯩﻨﯩﯔ ﺑﺎﺭﻏﺎﻧﭽﻪ ﻳﯘﻗﯩﺮﻯ ﻛﯚﺗﯜﺭﯛﻟﯜﭖ، ﺑﺎﻟﺪﯗﺭ ﺋﯩﻠﻠﯩﺶ ﻫﺎﻟﻪﺗﻠﯩﺮﯨﻨﯩﯔ ﻛﯚﺭﯨﻠﯩﯟﺍﺗﻘﺎﻧﻠﯩﻘﻰ ﻧﯚﯞﻩﺗﺘﻪ ﭘﯜﺗﯜﻥ ﺩﯗﻧﻴﺎﻧﯩﯔ ﺋﺎﺳﺎﺳﻠﯩﻖ ﺩﯨﻘﻘﻪﺕ ﻧﯘﻗﺘﯩﺴﯩﻐﺎ ﺋﺎﻳﻼﻧﺪﻯ.
ﻗﯩﻴﺎﺳﻼﺭ
ﻳﯧﻘﯩﻨﺪﺍ ﺩﯗﻧﻴﺎ ﺗﻪﺑﯩﺌﻪﺕ ﻫﻪﻣﺪﻩ ﻣﯘﻫﯩﺖ ﻓﻮﻧﺪﻯ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻜﻪ "ﻳﻪﺭ ﺷﺎﺭﻯ ﺧﺎﺭﺍﻛﺘﯧﺮﻟﯩﻚ ﺋﯩﻠﻠﯩﺶ ﺧﯘﺩﺩﻯ ﻳﻪﺭ ﺷﺎﺭﯨﻐﺎ ﺋﻮﺭﻧﯩﺘﯩﻠﻐﺎﻥ ﺑﻮﻣﺒﺎ" ﺩﻩﭖ ﺋﯧﻼﻥ ﻗﯩﻠﺪﻯ. ﺑﯘ ﻓﻮﻧﺪﯨﻨﯩﯔ ﻳﻪﺭ ﺷﺎﺭﻯ ﻛﯩﻠﯩﻤﺎﺗﻰ ﻫﻪﻗﻘﯩﺪﯨﻜﻰ ﺗﻪﺗﻘﯩﻘﺎﺕ ﺩﻭﻛﻼﺗﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ ﻳﻪﺭ ﺷﺎﺭﯨﻨﯩﯔ ﺗﯧﻤﭙﯧﺮﺍﺗﯘﺭﺳﻰ 2026 - ﻳﯩﻠﯩﻐﺎ ﺑﺎﺭﻏﺎﻧﺪﺍ ﺋﻮﺗﺘﯘﺭﺍ ﻫﯧﺴﺎﺏ ﺑﯩﻠﻪﻥ ﺋﯩﻜﻜﻰ ﺳﯧﻠﺴﯩﻴﻪ ﮔﯩﺮﺍﺩﯗﺱ ﻳﯘﻗﯩﺮﻯ ﺑﻮﻟﯩﺸﻰ ﻣﯘﻣﻜﯩﻦ ﺋﯩﻜﻪﻥ.
ﻛﯩﺸﯩﻠﻪﺭ ﺑﻪﻟﻜﯩﻢ ﺑﯘ ﺋﯩﻜﻜﻰ ﺳﯧﻠﺴﯩﻴﻪ ﮔﯩﺮﺍﺩﯗﺱ ﭘﯜﺗﯜﻥ ﺩﯗﻧﻴﺎ ﺋﯩﻘﻠﯩﻤﻰ ﻫﻪﻣﺪﻩ ﺗﻪﺑﯩﺌﻪﺕ ﻣﯘﻫﯩﺘﻰ ﺟﺎﻧﻠﯩﻘﻼﺭ ﻳﻪﻧﻰ ﻳﻪﺭ ﺷﺎﺭﯨﺪﯨﻜﻰ ﭘﯜﺗﯜﻥ ﻫﺎﻳﺎﺗﻠﯩﻖ ﺋﯜﭼﯜﻥ ﻗﺎﻧﭽﯩﻠﯩﻚ ﺯﻭﺭ ﭘﻪﺭﻗﻠﻪﺭﻧﻰ ﺋﯧﻠﯩﭗ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﻗﯩﻴﺎﺱ ﻗﯩﻼﻟﻤﺎﺳﻠﯩﻘﻰ ﻣﯘﻣﻜﯩﻦ. ﺋﻪﻣﻤﺎ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺑﯩﻠﺪﯛﺭﯛﺷﯩﭽﻪ ﺋﻪﮔﻪﺭ ﻳﻪﺭ ﺷﺎﺭﻯ ﺗﯧﻤﭙﯧﺮﺍﺗﯘﺭﯨﺴﻰ ﺋﯩﻜﻜﻜﻰ ﮔﯩﺮﺍﺩﯗﺱ ﺋﯚﺭﻟﯩﮕﻪﻧﺪﻩ ﺷﯩﻤﺎﻟﯩﻲ ﻣﯘﺯ ﺋﻮﻛﻴﺎﻧﻨﯩﯔ ﻫﺎﯞﺍ ﺗﯧﻤﭙﯧﺮﺍﺗﯘﺭﯨﺴﻰ 3.2ﺳﯧﻠﺴﯩﻴﻪ ﮔﺮﺍﺩﯗﺳﺘﯩﻦ 6.6 ﺳﯧﻠﺴﯩﻴﻪ ﮔﺮﺍﺩﯗﺳﻘﯩﭽﻪ ﻳﯘﻗﯩﺮﻯ ﺋﯚﺭﻟﻪﻳﺪﯨﻜﻪﻥ.
ﺋﯩﻨﺴﺎﻧﻼﺭ ﻛﻪﻟﮕﯜﺳﻰ ﻳﯜﺯ ﻳﯩﻠﺪﺍ ﺑﺎﻫﺎﺭ ﭘﻪﺳﻠﯩﻨﻰ ﻫﺎﺯﯨﺮﻗﯩﺪﯨﻦ ﺗﻪﺧﻤﯩﻨﻪﻥ ﺑﯩﺮ ﺋﺎﻱ ﺑﯘﺭﯗﻥ ﻛﯜﺗﯜﯞﺍﻟﯩﺪﯨﻜﻪﻥ. ﻳﻪﺭ ﺷﺎﺭﻯ ﻛﯩﻠﯩﻤﺎﺗﯩﺪﯨﻜﻰ ﺑﯩﻨﻮﺭﻣﺎﻝ ﺋﯩﻠﻠﯩﺸﻰ ﺑﯩﻠﻪﻥ ﻣﯘﺯﻟﯘﻗﻼﺭ ﺷﯩﺪﺩﻩﺕ ﺑﯩﻠﻪﻥ ﺋﯧﺮﯨﭗ ﺩﯦﯖﯩﺰ ﻳﯜﺯﯨﻨﯩﯔ ﺑﺎﺭﻏﺎﻧﭽﻪ ﻛﯚﺗﯜﺭﯛﻟﯜﺷﻰ ﺑﯩﻠﻪﻥ ﻗﯘﺭﯗﻗﻠﯘﻗﻼﺭﻧﻰ ﺑﺎﺭﺍ - ﺑﺎﺭﺍ ﻳﯘﺗﯘﭖ ﻛﯧﺘﯩﺪﯨﻜﻪﻥ. ﺑﯘ ﭘﯜﺗﯜﻥ ﻳﻪﺭ ﺷﺎﺭﯨﻨﯩﯔ ﻧﻮﺭﻣﺎﻝ ﻛﯩﻠﯩﻤﺎﺗﯩﻐﺎ ﺟﯩﺪﺩﻯ ﺗﻪﺳﯩﺮ ﻛﯚﺭﺳﯩﺘﯩﭗ ﺋﯩﻨﺴﺎﻧﻼﺭ ﺗﻮﺳﯘﺷﻘﺎ ﻗﯘﺭﺑﻰ ﻳﻪﺗﻤﻪﻳﺪﯨﻐﺎﻥ ﻗﻮﺭﻗﯘﻧﯘﭼﻠﯘﻕ ﺗﻪﺑﯩﻲ ﺋﺎﭘﻪﺗﻠﻪﺭ ﻛﯧﻠﯩﭗ ﭼﯩﻘﯩﺪﯨﻜﻪﻥ ﻫﻪﻣﺪﻩ ﺑﯘﻧﯩﯔ ﺑﯩﻠﻪﻥ ﻳﯜﺯ ﺑﯧﺮﯨﺪﯨﻐﺎﻥ ﺟﺎﻧﻠﯩﻘﻼﺭﻧﯩﯔ ﻗﯩﺮﯨﻠﯩﺶ ﺋﺎﭘﻪﺗﻠﯩﺮﯨﻨﻰ ﻗﯩﻴﺎﺱ ﻗﯩﻠﯩﺶ ﺗﻪﺱ ﺋﯩﻜﻪﻥ.
ﻳﻪﺭ ﺷﺎﺭﻯ ﺧﺎﺭﺍﻛﺘﯧﺮﻟﯩﻚ ﺋﯩﻠﻠﯩﺸﻨﻰ ﻧﯧﻤﻪ ﻛﻪﻟﺘﯜﺭﯛﭖ ﭼﯩﻘﺎﺭﺩﻯ؟
ﺋﯘﻧﺪﺍﻗﺘﺎ ﻳﻪﺭ ﺷﺎﺭﻯ ﺧﺎﺭﺍﻛﺘﯧﺮﻟﯩﻚ ﺋﯩﻠﻠﯩﺸﻨﻰ ﻧﯧﻤﻪ ﻛﻪﻟﺘﯜﺭﯛﭖ ﭼﯩﻘﺎﺭﺩﻯ؟ ﻧﯚﯞﻩﺗﺘﻪ ﻳﻪﺭ ﺷﺎﺭﻯ ﻛﯩﻠﯩﻤﺎﺗﯩﻨﻰ ﺗﻪﻗﯩﻖ ﻗﯩﻠﯩﯟﺍﺗﻘﺎﻥ ﻛﯚﭖ ﺳﺎﻧﺪﯨﻜﻰ ﻣﯘﺗﻪﺧﻪﺳﺴﯩﺴﻠﻪﺭ ﺑﯩﺮﺩﻩﻙ "ﻳﻪﺭ ﺷﺎﺭﻯ ﺧﺎﺭﺍﻛﺘﯧﺮﻟﯩﻚ ﺋﯩﻠﻠﯩﺶ ﺋﯩﻨﺴﺎﻧﻼﺭ ﺳﺎﻧﺎﺋﻪﺗﻠﻪﺷﻜﻪﻥ ﺟﻪﻣﺌﯩﻴﻪﺗﻜﻪ ﻗﻪﺩﻩﻡ ﻗﻮﻳﻐﺎﻧﺪﯨﻦ ﺑﺎﺷﻼﻧﺪﻯ، ﻳﻪﺭ ﻳﯜﺯﯨﺪﯨﻦ ﺋﺎﺗﻤﻮﺳﻔﯧﺮﺍﻏﺎ ﻗﻮﻳﯘﭖ ﺑﯧﺮﯨﻠﯩﯟﺍﺗﻘﺎﻥ ﻛﺎﺭﺑﻮﻥ ﺗﯚﺕ ﺋﻮﻛﺴﯩﺪﻯ ﻣﯩﻘﺪﺍﺭﯨﻨﯩﯔ ﺷﯩﺪﺩﻩﺕ ﺑﯩﻠﻪﻥ ﻛﯚﭘﯩﻴﯩﺸﻰ ﺳﻪﯞﻩﺑﯩﺪﯨﻦ ﻳﻪﺭ ﺷﺎﺭﻯ ﺧﺎﺭﺍﻛﺘﯧﺮﻟﯩﻚ ﻫﺎﯞﺍ ﺋﯩﻠﻠﯩﺶ ﻛﯧﻠﯩﭗ ﭼﯩﻘﻤﺎﻗﺘﺎ" ﺩﯦﮕﻪﻥ ﻳﻪﻛﯜﻧﮕﻪ ﻛﻪﻟﺪﻯ.ﻣﯘﺗﻪﺧﻪﺳﺴﯩﺴﻠﻪﺭ ﺩﻩﻳﺪﯗﻛﻰ ﻧﯚﯞﻩﺗﺘﻪ ﺋﺎﺗﻤﻮﺳﻔﯧﺮﺍﻏﺎ ﻗﻮﻳﯘﭖ ﺑﯧﺮﯨﻠﯩﯟﺍﺗﻘﺎﻥ ﻛﺎﺭﺑﻮﻥ ﺗﯚﺕ ﺋﻮﻛﺴﯩﺪﻯ ﻣﯩﻘﺪﺍﺭﻯ 19 ﺋﻪﺳﯩﺮﻧﯩﯔ ﺋﺎﻟﺪﯨﺪﯨﻜﯩﺪﯨﻦ ﺋﯩﻜﻜﻰ ﻫﻪﺳﺴﻪ ﻳﯘﻗﯩﺮﻯ ﺋﯩﻜﻪﻥ. ﺷﯘﯕﺎ ﺋﯘﻻﺭ ﭘﯜﺗﯜﻥ ﺩﯗﻧﻴﺎﺩﯨﻜﻰ ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭﻧﯩﯔ ﺟﯩﺪﺩﻯ ﺗﻪﺩﺑﯩﺮ ﺋﯧﻠﯩﭗ ﻫﺎﯞﺍﻏﺎ ﻗﻮﻳﯘﭖ ﺑﯧﺮﯨﻠﯩﺪﯨﻐﺎﻥ ﻛﺎﺭﺑﻮﻥ ﺗﯚﺕ ﺋﻮﻛﺴﯩﺪﻯ ﻣﯩﻘﺪﺍﺭﯨﻨﻰ ﺋﺎﺯﺍﻳﺘﯩﺶ ﺋﯜﭼﯜﻥ ﻫﻪﺭﻛﻪﺕ ﻗﯩﻠﯩﺸﻘﺎ ﭼﺎﻗﯩﺮﻣﺎﻗﺘﺎ.
ﻳﻪﺭ ﺷﺎﺭﯨﻨﯩﯔ ﺑﯩﻨﻮﺭﻣﺎﻝ ﺋﯩﻠﻠﯩﺸﻰ ﻗﺎﻧﺪﺍﻕ ﺑﺎﻻﻳﻰ ﺋﺎﭘﻪﺗﻠﻪﺭﻧﻰ ﺋﯧﻠﯩﭗ ﻛﯧﻠﯩﺸﻰ ﻣﯘﻣﻜﯩﻦ؟
ﺧﻪﻟﻘﺌﺎﺭﺍ ﺗﻪﺑﯩﺌﻪﺕ ﯞﻩ ﻣﯘﻫﯩﺖ ﻓﻮﻧﺪﯨﻨﯩﯔ ﺩﻭﻛﻼﺗﯩﺪﺍ ﺗﻪﻛﯩﺘﻠﯩﻨﯩﺸﯩﭽﻪ، ﻳﻪﺭ ﺷﺎﺭﻯ ﻫﺎﯞﺍ ﺗﯧﻤﭙﯧﺮﺍﺗﯘﺭﯨﺴﯩﻨﯩﯔ ﺩﺍﯞﺍﻣﻠﯩﻖ ﻳﯘﻗﯩﺮﻯ ﻛﯚﺗﯩﺮﯨﻠﯩﺸﯩﻨﯩﯔ ﻣﯘﺯﻟﯘﻗﻼﺭﻏﺎ ﻛﯚﺭﺳﯩﺘﯩﺪﯨﻐﺎﻥ ﺗﻪﺳﯩﺮﻯ ﻫﻪﻣﻤﯩﺪﯨﻦ ﺯﻭﺭ ﺑﻮﻟﯘﭖ، ﻣﯘﺷﯘ ﺋﻪﺳﯩﺮﻧﯩﯔ ﺋﺎﺧﯩﺮﯨﻐﯩﭽﻪ ﺗﻪﺧﻤﯩﻨﻪﻥ3ﻣﯩﻠﻴﺎﺭﺕ ﺋﯩﻨﺴﺎﻧﻨﯩﯔ ﺋﯚﻱ ﺯﯦﻤﯩﻨﻨﻰ ﺳﯘ ﺋﺎﺳﺘﯩﺪﺍ ﻗﺎﻟﯩﺪﯨﻜﻪﻥ.ﺩﯦﯖﯩﺰ ﺋﻮﻛﻴﺎﻥ ﺳﯘﻟﯩﺮﻯ ﻳﻪﺭ ﺋﺎﺳﺘﻰ ﺗﺎﺗﻠﯩﻖ ﺳﯘﻟﯩﺮﯨﻐﺎ ﺳﯩﯖﯩﭗ ﺋﯩﻨﺴﺎﻧﻼﺭ ﺋﯩﺸﻠﯩﺘﻪﻟﻪﻳﺪﯨﻐﺎﻥ ﺳﯘ ﻣﻪﻧﺒﻪﺳﻰ ﺷﯩﺪﺩﻩﺗﻠﯩﻚ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﺍﻳﺪﯨﻜﻪﻥ. ﺑﯘﻧﯩﯔ ﺑﯩﻠﻪﻥ ﺯﻩﻧﺠﯩﺮﺳﯩﻤﺎﻥ ﺋﺎﭘﻪﺗﻠﻪﺭ ﻛﯧﻠﯩﭗ ﭼﯩﻘﯩﺪﯗ ﺋﻪﻟﯟﻩﺗﺘﻪ.
ﻫﺎﯞﺍﻧﯩﯔ ﺋﺎﺩﻩﺗﺘﯩﻦ ﺗﺎﺷﻘﯩﺮﻯ ﻫﻪﻣﺪﻩ ﺑﺎﻟﺪﯗﺭ ﺋﯩﻠﻠﯩﺸﻰ ﺑﯩﻠﻪﻥ ﻫﻪﺭ ﺧﯩﻞ ﻛﯧﺴﻪﻟﻠﯩﻚ ﻣﻜﺮﻭﺑﻠﯩﺮﯨﻨﯩﯔ ﻛﯚﭘﯩﻴﯩﺶ ﺳﯜﺭﺋﯩﺘﻰ ﺗﯧﺰﻟﻪﭖ ﭘﯜﺗﯜﻥ ﺩﯗﻧﻴﺎ ﻣﯩﻘﻴﺎﺳﯩﺪﺍ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻠﻪﺭ ﻳﺎﻣﺮﺍﻳﺪﯨﻜﻪﻥ. ﭘﺎﺷﺎ ﭼﯩﯟﯨﻨﮕﻪ ﺋﻮﺧﺸﺎﺵ ﺯﯨﻴﺎﻧﺪﺍﺷﻼﺭﻧﯩﯔ ﻛﯚﭘﯩﻴﯩﺸﯩﻤﯘ ﺗﻪﺑﯩﺌﻪﺕ ﻫﻪﻣﺪﻩ ﺋﯩﻨﺴﺎﻧﻼﺭﻏﺎ ﺗﯜﺭﻟﯜﻙ ﺋﺎﭘﻪﺗﻠﻪﺭﻧﻰ ﺋﯧﻠﯩﭗ ﻛﯧﻠﯩﺪﯨﻜﻪﻥ.
ﻫﺎﯞﺍ ﺗﯧﻤﭙﯧﺮﺍﺗﯘﺭﯨﺴﯩﻨﯩﯔ ﻳﯘﻗﯩﺮﻯ ﺑﻮﻟﯩﺸﻰ ﻳﻪﻧﻪ ﺋﺎﻟﺪﻯ ﺑﯩﻠﻪﻥ ﺩﯦﯖﯩﺰ ﻗﯘﺭﯗﻗﻠﯘﻗﺘﯩﻜﻰ ﻛﯚﻟﻠﻪﺭﻧﻰ ﭘﺎﺭﻏﺎ ﺋﺎﻳﻼﻧﺪﯗﺭﯗﭖ، ﻳﻪﺭ ﻳﯜﺯﯨﺪﯨﻜﻰ ﺗﻪﺑﯩﻲ ﻳﺎﻳﻼﻗﻼﺭﻧﻰ ﻛﯚﻳﺪﯛﺭﯛﭖ ﻳﺎﻳﻼﻗﻨﯩﯔ ﭼﯧﻜﯩﻨﯩﺸﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻜﻪﻥ. ﺑﯘﻧﯩﯔ ﺑﯩﻠﻪﻥ ﺋﯧﻜﻮﻟﻮﮔﯩﻴﯩﮕﻪ ﺗﻪﺳﻪﯞﯞﯗﺭ ﻗﯩﻠﻐﯘﺳﯩﺰ ﭼﻮﯓ ﺑﯘﺯﯗﻟﯘﺷﻘﺎ ﻳﯜﺯﻟﯩﻨﯩﺪﯨﻜﻪﻥ.
ﻧﯚﯞﻩﺗﺘﻪ ﭘﯜﺗﯜﻥ ﺩﯗﻧﻴﺎﺩﺍ ﻛﯚﺭﯛﻟﯜﯞﺍﺗﻘﺎﻥ ﺑﯩﻨﻮﺭﻣﺎﻝ ﺋﯩﻘﻠﯩﻢ ﺋﯚﺯﮔﯩﺮﯨﺸﻠﯩﺮﻯ ﻫﻪﻣﺪﻩ ﺗﻪﺑﯩﻲ ﺋﺎﭘﻪﺗﻠﻪﺭ ﺑﯘﻧﯩﯔ ﺋﺎﻟﺪﯨﻨﻘﻰ ﺑﻪﻟﮕﯩﻠﯩﺮﻯ ﺋﯩﻜﻪﻥ.
ﺋﯩﻨﺴﺎﻧﻼﺭ ﺑﯘﻧﯩﯖﺪﯨﻦ ﻛﯧﻠﯩﭗ ﭼﯩﻘﯩﺪﯨﻐﺎﻥ ﺋﺎﭘﻪﺗﻠﻪﺭﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ ﻧﯧﻤﻪ ﻗﯩﻼﻻﻳﺪﯗ؟
ﺩﯗﻧﻴﺎ ﺗﻪﺑﯩﺌﻪﺕ، ﻣﯘﻫﯩﺖ ﻓﻮﻧﺪﻯ ﺩﯗﻧﻴﺎﻏﺎ " ﺋﯩﻨﺴﺎﻧﻼﺭ ﻛﯧﻠﯩﻤﺎﺗﻨﯩﯔ ﺋﯧﻠﯩﭗ ﻛﯧﻠﯩﯟﺍﺗﻘﺎﻥ ﺗﻪﺳﯩﺮﻟﯩﺮﯨﮕﻪ ﺗﺎﻗﺎﺑﯩﻞ ﺗﯘﺭﯗﺵ ﺋﯜﭼﯜﻥ ﺩﻩﺱ ﺗﯘﺭﯗﺷﻰ ﻛﯧﺮﻩﻙ،ﻣﯘﻫﯩﻤﻰ ﻫﻪﺭﮔﯩﺰﻣﯘ ﺋﯜﻣﯩﺪﺳﯩﺰﻟﻪﻧﻤﻪﺳﻠﯩﻚ ﻻﺯﯨﻢ، ﺋﯩﺸﯩﻨﯩﻤﯩﺰﻛﻰ ﺋﯩﻨﺴﺎﻧﻼﺭ ﺋﻮﺭﺗﺎﻕ ﻫﻪﺭﻛﻪﺕ ﻗﯩﻠﯩﭗ ﻛﻪﻟﮕﯜﺳﻰ ﻛﯧﻠﯩﭗ ﭼﯩﻘﯩﺪﯨﻐﺎﻥ ﺋﺎﭘﻪﺗﻠﻪﺭﻧﻰ ﺋﻪﯓ ﺗﯚﯞﻩﻧﻜﻰ ﺩﻩﺭﯨﺠﯩﮕﻪ ﭼﯜﺷﯜﺭﻩﻟﻪﻳﺪﯗ. ﻣﻪﺳﯩﻠﻪﻥ ﺑﯘﻧﯩﯔ ﺋﯜﭼﯜﻥ ﻳﺎﺩﺭﻭ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﻠﯩﺮﯨﻨﯩﯔ ﺋﻮﺭﻧﯩﻐﺎ ﺳﯘ، ﺷﺎﻣﺎﻝ ﯞﻩ ﻳﺎﻛﻰ ﺗﻪﺑﯩﻲ ﮔﺎﺯﻟﯩﻖ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﻠﯩﺮﯨﻨﻰ ﻗﯘﺭﯗﺷﻘﺎ ﺋﻮﺧﺸﺎﺵ ﺋﯘﺳﯘﻟﻼﺭ ﺋﺎﺭﻗﯩﻠﯩﻖ ﻛﺎﺭﺑﻮﻥ ﺗﯚﺕ ﺋﻮﻛﺴﯩﺪﯨﻨﯩﯔ ﻗﻮﻳﯘﭖ ﺑﯧﺮﯨﻠﯩﺸﯩﻨﻰ ﻛﯧﻤﻪﻳﺘﻜﯩﻠﻰ ﺑﻮﻟﯩﺪﯗ." ﺩﻩﭖ ﭼﺎﻗﯩﺮﯨﻖ ﻗﯩﻠﻤﺎﻗﺘﺎ.(ﮔﯜﻟﭽﯧﮭﺮﻩ)
- ﺋﯘﻳﻐﯘﺭ ﺋﯧﻠﯩﺪﻩ ﻫﺎﯞﺍﺭﺍﻳﯩﺪﯨﻜﻰ ﻧﻮﺭﻣﺎﻟﺴﯩﺰﻟﯩﻖ ﺋﯧﻐﯩﺮ ﺯﯨﻴﺎﻥ ﺋﯧﻠﯩﭗ ﻛﻪﻟﺪﻯ
- ﻫﺎﯞﺍﺭﺍﻳﻰ ﺋﯚﺯﮔﯩﺮﯨﺸﻠﯩﺮﻯ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺧﻪﻟﻘﻠﻪﺭﻧﯩﯔ ﺗﯘﺭﻣﯘﺵ ﻫﻪﻡ ﺳﺎﻻﻣﻪﺗﻠﯩﻜﯩﮕﻪ ﺋﯧﻐﯩﺮ ﺗﻪﺳﯩﺮ ﻛﯚﺭﺳﻪﺗﺘﻰ
- ﺧﯩﺘﺎﻱ ﯞﻩ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﯘﻫﯩﺖ ﯞﻩ ﺋﯩﭽﯩﻤﻠﯩﻚ ﺳﯘ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﺎﻧﻤﺎﻗﺘﺎ
- ﺧﯩﺘﺎﻳﺪﯨﻜﻰ ﻣﯘﻫﯩﺖ ﺑﯘﻟﻐﯩﻨﯩﺶ ﻣﻪﺳﯩﻠﯩﺴﻰ ﮔﯧﺮﻣﺎﻧﯩﻴﻪ ﻣﻪﺗﺒﯘﺋﺎﺗﻠﯩﺮﯨﺪﺍ ﭘﺎﺵ ﻗﯩﻠﯩﻨﻤﺎﻗﺘﺎ
- ﺋﯘﻳﻐﯘﺭ ﺋﯧﻠﯩﺪﯨﻜﻰ ﺳﯘ ﯞﻩ ﻫﺎﯞﺍﻧﯩﯔ ﺑﯘﻟﻐﯩﻨﯩﺸﻰ ﻛﯩﺸﯩﻨﻰ ﺋﻪﻧﺪﯨﺸﯩﮕﻪ ﺳﺎﻟﻤﺎﻗﺘﺎ
- ﺗﺎﺭﯨﻢ ﺩﻩﺭﻳﺎﺳﻰ ﻣﻪﺳﯩﻠﯩﺴﻰ ﻧﯧﻤﻪ ﺋﯜﭼﯜﻥ ﻫﻪﻝ ﺑﻮﻟﻤﺎﻳﺪﯗ؟
- ﺧﯩﺘﺎﻳﺪﯨﻜﻰ ﻣﯘﻫﯩﺖ ﻣﻪﺳﯩﻠﯩﻠﯩﺮﻯ ﻛﯩﺸﯩﻨﻰ ﭼﯜﭼﯜﺗﯩﺪﯗ
- ﺧﺎﺑﺎﺭﻭﯞﺳﯩﻜﯩﺪﻩ ﺧﯩﺘﺎﻳﻐﺎ ﻗﺎﺭﺷﻰ ﻛﻪﻳﭙﯩﻴﺎﺕ ﻛﯜﭼﻪﻳﻤﻪﻛﺘﻪ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ
ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ ﯞﻩ ﺋﻮﻗﯘﺭﻣﻪﻧﻠﻪﺭ، ﺋﯩﺴﺘﺎﻧﺴﯩﻤﯩﺰ ﺋﯘﻳﻐﯘﺭ ﺑﯚﻟﯜﻣﻰ24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ ﺗﻪﺳﯩﺲ ﻗﯩﻠﺪﻯ.
