ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ 62 ‏- ﻧﯚﯞﻩﺗﻠﯩﻚ ﻗﯘﺭﯗﻟﺘﯩﻴﻰ ﺑﺎﺷﻼﻧﺪﻯ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﻳﯩﻠﻠﯩﻖ ﺋﻮﻣﯘﻣﯩﻲ ﻳﯩﻐﯩﻨﻰ 62- ﻗﯘﺭﯗﻟﺘﯩﻴﯩﻐﺎ ﻗﺎﺗﻨﯩﺸﯩﺶ ﺋﯜﭼﯜﻥ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﻛﻪﻟﮕﻪﻥ ﺩﯙﻟﻪﺕ ﺭﻩﻫﺒﻪﺭﻟﯩﺮﻯ ﺗﯜﻧﯜﮔﯜﻥ ﺋﺎﻣﯧﺮﯨﻜﯩﻨﯩﯔ ﻧﻴﯘ-ﻳﻮﺭﻙ ﺷﻪﻫﯩﺮﯨﮕﻪ ﻳﯧﺘﯩﭗ ﻛﻪﻟﮕﻪﻥ ﺋﯩﺪﻯ.

ﻳﯩﻐﯩﻦ ﺑﯜﮔﯜﻥ 25- ﺳﯧﻨﺘﻪﺑﯩﺮ ﺭﻩﺳﻤﯩﻲ ﺑﺎﺷﻼﻧﻐﺎﻥ ﺑﻮﻟﯘﭖ، ﻳﯩﻐﯩﻦ ﺑﯧﺸﯩﺪﺍ ﺳﯚﺯﮔﻪ ﭼﯩﻘﻘﺎﻥ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺑﯩﺨﻪﺗﻪﺭﻟﯩﻚ ﻛﯧﯖﯩﺸﯩﻨﯩﯔ ﺑﺎﺵ ﻛﺎﺗﯩﭙﻰ ﺑﺎﻥ ﻛﻰ-ﻣﯘﻥ، ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﻛﻪﻟﮕﻪﻥ ﺭﻩﻫﺒﻪﺭﻟﻪﺭﻧﻰ، ﻫﻪﺭﺧﯩﻞ ﻗﻮﺭﻗﯘﻧﭽﻠﯘﻕ ﺭﯨﻘﺎﺑﻪﺗﻠﻪﺭﮔﻪ ﺗﯧﺨﯩﻤﯘ ﺋﯜﻧﯜﻣﻠﯜﻙ ﺗﺎﻗﺎﺑﯩﻞ ﺗﯘﺭﯗﺵ ﺋﯜﭼﯜﻥ، ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﺪﺍ ﺋﯚﺯﮔﻪﺭﺗﯩﺶ ﺋﯧﻠﯩﭗ ﺑﯧﺮﯨﺸﻨﻰ ﻗﻮﻟﻼﺷﻘﺎ ﭼﺎﻗﯩﺮﺩﻯ.

ﺑﺎﻥ- ﻛﻰ-ﻣﯘﻥ ﺳﯚﺯﯨﺪﻩ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺋﯩﺶ ﺑﯧﺠﯩﺮﯨﺶ ﺋﯘﺳﯘﻟﯩﺪﺍ ﺋﺎﺷﻜﺎﺭﺍ ﺑﻮﻟﯘﺷﻨﻰ ﺋﯩﻠﮕﯩﺮﻯ ﺳﯜﺭﯛﺷﻨﻰ ﯞﻩ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺋﯩﻨﺎﯞﯨﺘﯩﻨﻰ ﻳﯘﻗﯩﺮﻯ ﻛﯚﺗﯜﺭﯛﺷﻨﻰ ﺗﻪﻛﯩﺘﻠﯩﺪﻯ.

ﺑﺎﺵ ﻛﺎﺗﯩﭗ ﺑﺎﻧﻜﻰ-ﻣﯘﻥ ﻳﻪﻧﻪ، ﺩﯗﻧﻴﺎ ﺩﯗﭺ ﻛﯧﻠﯩﯟﺍﺗﻘﺎﻥ، ﯞﻩﻳﺮﺍﻥ ﻗﯩﻠﯩﺶ ﺧﺎﺭﺍﻛﺘﯧﺮﯨﺪﯨﻜﻰ ﻗﻮﺭﺍﻟﻼﺭﻧﯩﯔ ﻛﯧﯖﯩﻴﯩﭗ ﻛﯧﺘﯩﺸﯩﻨﻰ ﺋﺎﺯﺍﻳﺘﯩﺶ، ﺩﯗﻧﻴﺎﻧﯩﯔ ﻛﯩﻠﯩﻤﺎﺕ ﺋﯚﺯﮔﯩﺮﯨﺸﯩﮕﻪ ﺗﺎﻗﺎﺑﯩﻞ ﺗﯘﺭﯗﺵ ﻗﺎﺗﺎﺭﻟﯩﻖ ﺑﯩﺮ ﻧﻪﭼﭽﻪ ﺗﯜﺭﻟﯜﻙ ﻛﯜﭼﻠﯜﻙ ﺭﯨﻘﺎﺑﻪﺗﻠﻪﺭﻧﻰ ﺭﻩﺗﻜﻪ ﺗﯩﺰﺩﻯ.

ﺋﯘ ﺩﯗﻧﻴﺎ ﻫﺎﯞﺍ ﻛﯩﻠﯩﻤﺎﺗﯩﺪﯨﻜﻰ ﺋﯚﺯﮔﯩﺮﯨﺸﻜﻪ ﺗﺎﻗﺎﺑﯩﻞ ﺗﯘﺭﯗﺷﺘﺎ ﭘﯜﺗﯜﻥ ﺩﯗﻧﻴﺎ ﻣﯩﻘﻴﺎﺳﯩﺪﯨﻜﻰ ﺩﯙﻟﻪﺗﻠﻪﺭﻧﯩﯔ ﺋﻮﺭﺗﺎﻕ ﻗﺎﺗﻨﯩﺸﯩﺸﻨﯩﯔ ﺯﯙﺭﯛﺭﻟﯜﻛﯩﻨﻰ ﻛﯚﺭﺳﯩﺘﯩﭗ ﺋﯚﺗﺘﻰ ﯞﻩ: " ﺑﯩﺰ ﺩﯗﻧﻴﺎ ﻫﺎﯞﺍ ﻛﯩﻠﯩﻤﺎﺗﯩﻨﯩﯔ ﺋﯚﺯﮔﯩﺮﯨﺸﯩﮕﻪ ﺗﺎﻗﺎﺑﯩﻞ ﺗﯘﺭﯗﺷﺘﺎ ﺑﯘ ﺧﯩﺰﻣﻪﺗﻨﻰ ﺋﯜﻧﯜﻣﻠﯜﻙ ﺋﯧﻠﯩﭗ ﺑﯧﺮﯨﺸﺘﺎ ﺯﯙﺭﯛﺭ ﺑﻮﻟﻐﺎﻥ ﭘﯜﺗﯜﻥ ﺩﯗﻧﻴﺎ ﺋﻮﺭﺗﺎﻕ ﻫﻪﺭﯨﻜﻪﺕ ﺋﻪﻧﺪﯨﺰﯨﺴﻰ ﺋﯩﭽﯩﺪﻩ ﻫﻪﺭﯨﻜﻪﺕ ﻗﯩﻠﯩﺸﯩﻤﯩﺰ ﻛﯧﺮﻩﻙ" ﺩﯦﺪﻯ. ﺋﯘ ﻳﻪﻧﻪ، ﺳﯘﺩﺍﻧﻨﯩﯔ ﺩﺍﺭﻓﯘﺭ ﯞﻩ ﺑﺎﺷﻘﺎ ﺟﺎﻳﻼﺭﺩﺍ ﻳﯜﺯ ﺑﯧﺮﯨﯟﺍﺗﻘﺎﻥ ﻛﯩﺸﯩﻠﯩﻚ ﻫﻮﻗﯘﻕ ﻛﺮﯨﺰﯨﺴﻼﺭﻧﻰ ﺋﺎﻳﺎﻏﻼﺷﺘﯘﺭﯗﺷﺘﺎ ﻣﯘﻧﺎﺳﯩﯟﻩﺗﻠﯩﻚ ﺩﯙﻟﻪﺗﻠﻪﺭ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﺪﻯ.

ﻛﯩﺸﯩﻠﯩﻚ ﻫﻮﻗﯘﻕ ، ﺋﯩﻨﺴﺎﻧﻼﺭﻧﯩﯔ ﺑﺎﺭﺍﯞﻩﺭﻟﯩﻜﻰ ﯞﻩ ﻣﻪﺩﻩﻧﯩﻴﻪﺕ ﺋﯚﺯﮔﯩﭽﯩﻠﯩﻜﯩﻨﻰ ﻫﯚﺭﻣﻪﺕ ﻗﯩﻠﯩﺶ ‏- ﺋﺎﺳﺎﺳﯩﻲ ﺗﯧﻤﺎ

ﻫﺎﻟﺒﯘﻛﻰ، ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺑﯘ ﻳﯩﻠﻠﯩﻖ ﻳﯩﻐﯩﻨﯩﺪﺍ ﺩﯗﻧﻴﺎ ﻫﺎﯞﺍ ﻛﯩﻠﯩﻤﺎﺗﯩﻨﯩﯔ ﺋﯚﺯﮔﯩﺮﯨﺸﻰ ﺋﺎﺳﺎﺳﻠﯩﻖ ﺗﯧﻤﯩﻼﺭﻧﯩﯔ ﺑﯩﺮﯨﮕﻪ ﺋﺎﻳﻼﻧﻐﺎﻥ ﺑﻮﻟﺴﯩﻤﯘ، ﺑﯜﮔﯜﻥ ﭼﯜﺷﺘﯩﻦ ﻛﯧﻴﯩﻦ ﺳﯚﺯﮔﻪ ﭼﯩﻘﻘﺎﻥ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ ﯞﻩ ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﻧﯩﻜﻮﻻﺱ ﺳﺎﺭﻛﻮﺯﯨﻴﻼﺭﻧﯩﯔ ﻧﯘﺗﻘﯩﺪﺍ، ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺑﺎﺭﻟﯩﻖ ﺋﯩﻨﺴﺎﻧﻼﺭﻧﯩﯔ ﺑﺎﺭﺍﯞﻩﺭﻟﯩﻜﻰ ، ﻣﻪﺩﻩﻧﯩﻴﻪﺕ ﺋﯚﺯﮔﯩﭽﯩﻠﯩﻜﯩﻨﻰ ﻫﯚﺭﻣﻪﺕ ﻗﯩﻠﯩﺶ ﻗﺎﺗﺎﺭﻟﯩﻘﻼﺭ ﻣﯘﻫﯩﻢ ﺳﺎﻟﻤﺎﻗﻨﻰ ﺋﯩﮕﯩﻠﯩﺪﻯ.

ﺑﯜﮔﯜﻥ ﭼﯜﺷﺘﯩﻦ ﻛﯧﻴﯩﻦ ﺋﯚﺯ ﻧﯚﯞﯨﺘﯩﺪﻩ ﺳﯚﺯﮔﻪ ﭼﯩﻘﻘﺎﻥ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ ﺳﯚﺯﯨﻨﻰ ﻛﯩﺸﯩﻠﯩﻚ ﻫﻮﻗﯘﻗﺘﯩﻦ ﺑﺎﺷﻠﯩﺪﻯ ﯞﻩ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﻰ ﺋﯩﻨﺴﺎﻧﻼﺭﻧﻰ " ﻣﯘﺳﺘﻪﺑﯩﺘﻠﯩﻚ ﯞﻩ ﺯﻭﺭﺍﯞﺍﻧﻠﯩﻖ" ﻧﯩﯔ ﭼﺎﯕﮕﯩﻠﯩﺪﯨﻦ ﺋﺎﺯﺍﺕ ﻗﯩﻠﯩﺸﺘﺎ ﻫﻪﺭﯨﻜﻪﺕ ﻗﯩﻠﯩﺸﻘﺎ ﻗﯩﺴﺘﯩﺪﻯ.

ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﯘﺵ ﺑﯘ ﻧﯚﯞﻩﺗﻠﯩﻚ ﺏ ﺩ ﺕ ﻧﯘﺗﻘﯩﺪﺍ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺑﺎﺵ ﺗﯧﻤﺎ ﻗﯩﻠﻐﺎﻥ ﺑﻮﻟﯘﭖ، ﻳﯧﺮﯨﻢ ﺋﻪﺳﯩﺮﺩﯨﻦ ﻛﯚﭘﺮﻩﻙ ﯞﺍﻗﯩﺖ ﺋﯩﻠﮕﯩﺮﻯ ﺋﻮﻥ ﻧﻪﭼﭽﻪ ﺩﯙﻟﻪﺕ ﯞﻩﻛﯩﻠﻠﯩﺮﯨﺪﯨﻦ ﺗﻪﺷﻜﯩﻞ ﺗﺎﭘﻘﺎﻥ ﺑﯩﺮ ﮔﯘﺭﯗﭘﭙﺎ ﻛﯩﺸﯩﻠﻪﺭﻧﯩﯔ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺧﯩﺘﺎﺑﻨﺎﻣﯩﺴﯩﻨﻰ ﺑﯧﻜﯩﺘﯩﺸﻜﻪ ﻳﯩﻐﯩﻠﻐﺎﻧﻠﯩﻘﯩﻨﻰ، ﻣﻪﺯﻛﯘﺭ ﺧﯩﺘﺎﺑﻨﺎﻣﯩﻨﯩﯔ ﭘﯜﺗﻜﯜﻝ ﺋﯩﻨﺴﺎﻧﯩﻴﻪﺗﻨﯩﯔ ﺋﺎﺯﺍﺩﻟﯩﻘﯩﺪﺍ ﺑﯩﺮ ﺳﻪﻣﻪﺭﯨﻠﯩﻚ ﻧﺎﻣﺎﻳﻪﻧﺪﻩ ﺳﯜﭘﯩﺘﯩﺪﻩ ﻣﻪﯞﺟﯘﺩ ﺑﻮﻟﯘﭖ ﺗﯘﺭﯨﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ ﯞﻩ: " ﻣﻪﺯﻛﯘﺭ ﺧﯩﺘﺎﺑﻨﺎﻣﻪ ﺋﯩﻨﺴﺎﻧﻼﺭﻏﺎ ﺋﯩﮕﯩﺴﻰ ﺗﻪﺭﯨﭙﯩﺪﯨﻦ ﺑﯧﺮﯨﻠﮕﻪﻥ ﻗﻪﺩﺭﻯ ﻗﯩﻤﻤﯩﺘﻰ، ﺑﺎﺭﺍﯞﻩﺭﻟﯩﻚ ﻫﻮﻗﯘﻗﻰ ﯞﻩ ﭘﯜﺗﻜﯜﻝ ﺋﯩﻨﺴﺎﻧﻼﺭ ﺟﻪﻣﺌﯩﻴﯩﺘﻰ ﻫﻪﺭ ﺑﯩﺮ ﺋﻪﺯﺍﺳﯩﻨﯩﯔ ﺗﺎﺭﺗﯩﯟﺍﻟﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﻛﯩﺸﯩﻠﯩﻚ ﻫﻮﻗﯘﻗﯩﻨﯩﯔ ﺩﯗﻧﻴﺎﺩﯨﻜﻰ ﺋﺎﺩﺍﻟﻪﺕ ﯞﻩ ﺗﯩﻨﭽﻠﯩﻘﻨﯩﯔ ﺋﺎﺳﺎﺳﻰ ﺋﯩﻜﻪﻧﻠﯩﻜﯩﻨﻰ ﻧﻪﺯﻩﺭﮔﻪ ﺋﯧﻠﯩﺸﻨﻰ ﻣﯩﺰﺍﻥ ﻗﯩﻠﻐﺎﻥ" ﺩﯦﺪﻯ.

ﺑﯘﺵ : ﻣﻪﺩﻩﻧﯩﻴﻪﺗﻠﯩﻚ ﺩﯙﻟﻪﺗﻠﻪﺭﻧﯩﯔ ﺩﯨﻜﺘﺎﺗﻮﺭﯨﻠﯩﻖ ﺗﯜﺯﯛﻣﻠﯩﺮﻯ ﺋﺎﺳﺘﯩﺪﺍ ﺋﺎﺯﺍﺏ ﭼﯧﻜﯩﯟﺍﺗﻘﺎﻧﻼﺭﻧﻰ ﻗﻮﻟﻼﺵ ﻣﻪﺳﺌﯘﻟﯩﻴﯩﺘﻰ ﺑﺎﺭ

ﺟﻮﺭﺝ ﺑﯘﺵ ﺏ ﺩ ﺕ ﺋﻪﺯﺍﻟﯩﺮﯨﺪﯨﻦ ﺋﺎﺷﯘ ﻛﯩﺸﯩﻠﯩﻚ ﻫﻮﻗﯘﻗﻰ ﺧﯩﺘﺎﺑﻨﺎﻣﯩﺴﯩﻨﯩﯔ ﺋﯚﻟﭽﻪﻣﻠﯩﺮﯨﻨﻰ ﺋﯚﺯ ﺧﯩﺰﻣﻪﺗﻠﯩﺮﯨﻨﯩﯔ ﻗﯩﺒﻠﯩﻨﺎﻣﯩﺴﻰ ﻗﯩﻠﯩﺸﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﯩﺪﻯ ﯞﻩ ﺏ ﺩ ﺕ ﻏﺎ ﺋﻪﺯﺍ ﺩﯙﻟﻪﺗﻠﻪﺭﺩﯨﻦ، ﻳﯧﯖﯩﺪﯨﻦ ﻣﻪﻳﺪﺍﻧﻐﺎ ﻛﯧﻠﯩﯟﺍﺗﻘﺎﻥ ﺩﯦﻤﻮﻛﺮﺍﺗﯩﻚ ﺩﯙﻟﻪﺗﻠﻪﺭﻧﻰ ﻗﻮﻟﻼﺵ، ﻣﯘﺳﺘﻪﺑﯩﺖ ﯞﻩ ﺯﺍﻟﯩﻢ ﻫﯚﻛﯜﻣﻪﺗﻠﻪﺭﮔﻪ ﻗﺎﺭﺷﻰ ﺗﯘﺭﯗﺷﺘﺎ ﺑﯩﺮﻟﯩﻜﺘﻪ ﻫﻪﺭﯨﻜﻪﺕ ﻗﯩﻠﯩﺸﯩﻨﻰ ﺗﻪﻟﻪﭖ ﻗﯩﻠﺪﻯ ﻫﻪﻡ ﻣﯘﻧﺪﺍﻕ ﺩﯦﺪﻯ: "ﻫﻪﺭ ﺑﯩﺮ ﻣﻪﺩﻩﻧﯩﻴﻪﺗﻠﯩﻚ ﺩﯙﻟﻪﺗﻨﯩﯔ ﺩﯨﻜﺘﺎﺗﻮﺭﯨﻠﯩﻖ ﺗﯜﺯﯛﻣﻠﯩﺮﻯ ﺋﺎﺳﺘﯩﺪﺍ ﺋﺎﺯﺍﺏ ﭼﯧﻜﯩﯟﺍﺗﻘﺎﻥ ﺋﯩﻨﺴﺎﻧﻼﺭ ﺋﯜﭼﯜﻥ ﻛﯚﻛﺮﻩﻙ ﻛﯩﺮﯨﭗ ﻣﻪﻳﺪﺍﻧﻐﺎ ﭼﯩﻘﯩﺶ ﻣﻪﺳﺌﯘﻟﯩﻴﯩﺘﻰ ﺑﺎﺭ."

ﺑﯘﺵ : ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﻰ ﺋﺎﻣﯧﺮﯨﻜﺎ ﺧﻪﻟﻘﯩﻨﻰ ﻧﺎﺋﯜﻣﯩﺪ ﻗﻮﻳﺪﻯ

ﺑﯘﺵ ﻧﯘﺗﻘﯩﺪﺍ، ﻛﯩﺸﯩﻠﯩﻚ ﻫﻮﻗﯘﻗﻘﺎ ﺋﯧﻐﯩﺮ ﺧﯩﻼﭘﻠﯩﻖ ﻗﯩﻠﯩﯟﺍﺗﻘﺎﻥ ﺩﯙﻟﻪﺗﻠﻪﺭﺩﯨﻦ ﺑﯩﺮﻣﺎ، ﻛﯘﺑﺎ ، ﺋﯩﺮﺍﻥ ، ﺳﯜﺭﯨﻴﻪ ﯞﻩ ﺷﯩﻤﺎﻟﯩﻲ ﻛﻮﺭﯨﻴﯩﻠﻪﺭﻧﻰ ﺗﯩﺰﺩﻯ ﯞﻩ ﺋﯘ ﻻﺭﻧﻰ "ﯞﻩﻫﺸﯩﻲ ﺩﯨﻜﺘﺎﺗﻮﺭ" ﺩﯙﻟﻪﺗﻠﻪﺭ ﺩﻩﭖ ﺋﺎﺗﯩﺪﻯ ﻫﻪﻣﺪﻩ، ﺑﯧﺮﻣﯩﻐﺎ ﻗﺎﺭﯨﺘﯩﻠﻐﺎﻥ ﺋﯩﻘﺘﯩﺴﺎﺩﻯ ﺟﺎﺯﺍﻧﻰ ﻛﯜﭼﻪﻳﺘﯩﺶ ﺗﻪﻛﻠﯩﭙﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﭘﺮﯦﺰﯨﺪﯦﻨﺖ ﺑﯘﺵ ﻳﻪﻧﻪ، ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﯩﻨﯩﯔ ﺧﯩﺰﻣﻪﺗﻠﯩﺮﯨﮕﻪ ﻧﺎﺭﺍﺯﯨﻠﯩﻘﯩﻨﻰ ﺑﯩﻠﺪﯛﺭﺩﻯ ﯞﻩ: "ﺋﺎﻣﯧﺮﯨﻜﺎ ﺏ ﺩ ﺕ ﻧﯩﯔ ﻛﯜﭼﻠﯜﻙ ﯞﻩ ﻫﻪﺭﯨﻜﻪﺗﭽﺎﻥ ﺗﻪﺷﻜﯩﻼﺕ ﺑﻮﻟﯘﺷﯩﻐﺎ ﺋﯚﺯﯨﻨﻰ ﺑﯧﻐﯩﺸﻠﯩﻐﺎﻥ ﺋﯩﺪﻯ. ﺋﻪﻣﻤﺎ، ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﻰ ﺋﺎﻣﯧﺮﯨﻜﺎ ﺧﻪﻟﻘﯩﻨﻰ ﻧﺎﺋﯜﻣﯩﺪ ﻗﻮﻳﺪﻯ" ﺩﯦﺪﻯ ﻫﻪﻣﺪﻩ ﺩﯗﻧﻴﺎﺩﯨﻜﻰ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺗﯧﺨﯩﻤﯘ ﻳﺎﺧﺸﻰ ﻫﯩﻤﺎﻳﻪ ﻗﯩﻠﯩﺸﺘﺎ ﺋﯩﻨﺎﯞﯨﺘﯩﻨﻰ ﺋﯚﺳﺘﯜﺭﯛﺵ ﺋﯜﭼﯜﻥ، ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﯩﻨﻰ ﻗﺎﻳﺘﺎ ﺗﻪﺷﻜﯩﻠﻠﯩﺸﻰ ﻛﯧﺮﻩﻙ" ﺩﻩﭖ ﺗﻪﻟﻪﭖ ﻗﯩﻠﺪﻯ.

ﺳﺎﺭﻛﻮﺯﯨﻲ : ﺋﯧﺘﯩﻘﺎﺩ، ﺗﯩﻞ، ﻣﻪﺩﻩﻧﯩﻴﻪﺕ، ﻳﺎﺷﺎﺵ ﺋﯘﺳﯘﻟﻰ، ﺋﻮﻱ-ﭘﯩﻜﺮﻯ ﻫﻪﻗﻠﯩﻖ ﯞﻩ ﭼﯩﻦ ﺋﯩﻨﺴﺎﻧﯩﻲ ﻫﻮﻗﯘﻗﺘﯘﺭ

ﺏ ﺩ ﺕ ﻧﯩﯔ ﺑﯜﮔﯜﻧﻜﻰ ﻳﯩﻐﯩﻨﻰ ﺟﻪﺭﻳﺎﻧﯩﺪﺍ ﺳﯚﺯﮔﻪ ﭼﯩﻘﻘﺎﻥ ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﻧﯩﻜﻮﻻﺱ ﺳﺎﺭﻛﻮﺯﯨﻴﻤﯘ ﺩﯗﻧﻴﺎﯞﯨﻲ ﻫﻪﻕ ‏- ﺋﺎﺩﺍﻟﻪﺕ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ ﯞﻩ "ﺋﺎﺩﺍﻟﻪﺕ" ﻛﻪﻟﯩﻤﯩﺴﯩﮕﻪ ﺋﯩﺰﺍﻫﺎﺕ ﺑﯧﺮﯨﭗ: "ﺋﺎﺩﺍﻟﻪﺕ ﺩﯦﮕﯩﻨﯩﻤﯩﺰ ﺩﯗﻧﻴﺎﺩﯨﻜﻰ ﻫﻪﺭ ﺑﯩﺮ ﺑﺎﻱ ﺑﺎﻻ ﺋﯧﺮﯨﺸﻜﻪﻥ ﻧﻪﺗﯩﺠﻪ ﻗﺎﺯﯨﻨﯩﺶ ﭘﯘﺭﺳﯩﺘﯩﮕﻪ ﻫﻪﺭﺑﯩﺮ ﻧﺎﻣﺮﺍﺕ ﺑﺎﻟﯩﻨﯩﯖﻤﯘ ﺋﻮﺭﺗﺎﻕ ﺋﯧﺮﯨﺸﻪﻟﯩﺸﻰ" ﺩﯦﺪﻯ.

ﺳﺎﺭﻛﻮﺯﯨﻲ ﻳﻪﻧﻪ، ﻛﯚﭖ ﺧﯩﻠﻠﯩﻖ، ﻣﯩﻠﻠﯩﻲ ﻛﯩﻤﻠﯩﻚ، ﺩﯨﻦ، ﺋﯧﺘﯩﻘﺎﺩ ﯞﻩ ﻣﻪﺩﻩﻧﯩﻴﻪﺕ ﺟﻪﻫﻪﺗﺘﯩﻜﻰ ﺋﻮﺧﺸﯩﻤﺎﻳﺪﯨﻐﺎﻥ ﺗﻪﺭﻩﭘﻠﻪﺭﻧﻰ ﻫﯚﺭﻣﻪﺕ ﻗﯩﻠﯩﺸﻘﺎ ﭼﺎﻗﯩﺮﺩﻯ: " ﺑﯩﺮﺍﯞﻧﯩﯔ ﺋﯧﺘﯩﻘﺎﺩﻯ، ﺗﯩﻠﻰ، ﻣﻪﺩﻩﻧﯩﻴﯩﺘﻰ، ﻳﺎﺷﺎﺵ ﺋﯘﺳﯘﻟﻰ، ﺋﻮﻱ-ﭘﯩﻜﺮﻯ - ﺑﯘﻻﺭﻧﯩﯔ ﻫﻪﻣﻤﯩﺴﻰ ﺑﯩﺮ ﺗﻪﺑﯩﺌﯩﻴﻠﯩﻚ ﺑﻮﻟﯘﭖ، ﻫﻪﻗﻠﯩﻖ ﯞﻩ ﭼﯩﻦ ﺋﯩﻨﺴﺎﻧﯩﻲ ﻫﻮﻗﯘﻗﺘﯘﺭ" ﺩﯦﺪﻯ.

ﺳﺎﺭﻛﻮﺯﯨﻲ ﻫﺎﺯﯨﺮ ﺩﯗﻧﻴﺎﺩﺍ ﻣﻪﯞﺟﯘﺩ ﺑﻮﻟﯘﭖ ﺗﯘﺭﯗﯞﺍﺗﻘﺎﻥ ﻣﻪﺩﻩﻧﯩﻴﻪﺗﻠﻪﺭ ﺗﻮﻗﯘﻧﯘﺷﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ "ﻣﻪﺩﻩﻧﯩﻴﻪﺗﻠﻪﺭ ﺗﻮﻗﯘﻧﯘﺷﻰ، ﻫﻪﻣﻤﻪ ﺋﺎﺩﻩﻣﻨﻰ ﺋﻮﺧﺸﺎﺵ ﺋﻮﻳﻼﻳﺪﯨﻐﺎﻥ ﯞﻩ ﺋﻮﺧﺸﺎﺵ ﻧﻪﺭﺳﯩﮕﻪ ﭼﻮﻗﯘﻧﯩﺪﯨﻐﺎﻥ ﺑﻮﻟﯘﺷﻘﺎ ﻗﯩﺴﺘﺎﺵ ﺑﻮﻟﻤﺎﺳﺘﯩﻦ، ﺑﻪﻟﻜﻰ ﻣﻪﺩﻩﻧﯩﻲ ﯞﻩ ﺩﯨﻨﯩﻲ ﻛﯚﭖ ﺧﯩﻠﻠﯩﻘﻤﯘ ﻫﻪﺭ ﻳﻪﺭﺩﻩ ، ﻫﻪﻣﻤﻪ ﺋﺎﺩﻩﻡ ﺗﻪﺭﯨﭙﯩﺪﯨﻦ ﻗﻮﺑﯘﻝ ﻗﯩﻠﯩﻨﯩﺪﯨﻐﺎﻥ ﺑﻮﻟﯘﺷﻰ ﻛﯧﺮﻩﻙ" ﺩﯦﺪﻯ.

ﻳﯩﻐﯩﻦ ﺟﻪﺭﻳﺎﻧﯩﺪﺍ ﻫﻪﺭ ﺑﯩﺮ ﺩﯙﻟﻪﺗﻠﻪﺭﻧﯩﯔ ﺭﻩﻫﺒﻪﺭﻟﯩﺮﯨﮕﻪ 15 ﻣﯩﻨﯘﺕ ﺳﯚﺯﻟﻪﺵ ﭘﯘﺭﺳﯩﺘﻰ ﺑﯧﺮﯨﻠﯩﺪﯨﻐﺎﻥ ﺑﻮﻟﯘﭖ، 200 ﮔﻪ ﻳﯧﻘﯩﻦ ﻧﯘﺗﯘﻕ ﺳﯚﺯﻟﯩﻨﯩﺪﯗ.

ﺑﯜﮔﯜﻧﻜﻰ ﻳﯧﻐﯩﻨﻐﺎ ﻳﯜﺯﮔﻪ ﻳﯧﻘﯩﻦ ﺩﯙﻟﻪﺗﻠﻪﺭﻧﯩﯔ ﺑﺎﺵ ﻣﯩﻨﯩﺴﺘﯩﺮﻟﯩﺮﻯ ﯞﻩ ﭘﺮﯦﺰﯨﺪﯦﻨﺘﻠﯩﺮﻯ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﺋﻪﺟﻪﺑﻠﯩﻨﻪﺭﻟﯩﻜﻰ، ﺑﯘ ﻳﯩﻠﻠﯩﻖ ﺏ ﺩ ﺕ ﻧﯩﯔ ﻗﯘﺭﯗﻟﺘﯩﻴﯩﻐﺎ ﭘﺎﻛﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﭘﻪﺭﯞﺍﺯ ﻣﯘﺷﻪﺭﺭﻩﭖ ﯞﻩ ﯞﯦﻨﯧﺴﯘﺋﯧﻼ ﭘﺮﯦﺰﯨﺪﯦﻨﺘﻰ ﺧﻮﮔﻮ ﺷﺎﯞﻩﺯ ﻗﺎﺗﺎﺭﻟﯩﻘﻼﺭ ﻛﯧﻠﻪﻟﻤﯩﮕﻪﻥ. (ﺟﯜﻣﻪ)