ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﺋﯩﺸﻼﺭ ﺑﯩﺮﻟﻪﺷﻤﻪ ﻛﻮﻣﯩﺘﯧﺘﻰ 2007- ﻳﯩﻠﻠﯩﻖ ﻛﯩﺸﯩﻠﯩﻚ ﻫﻮﻗﯘﻕ ﺩﻭﻛﻼﺗﻰ ﺋﯧﻼﻥ ﻗﯩﻠﺪﻯ (2‏)

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺩﻭﻛﻼﺗﻨﯩﯔ ﺧﯩﺘﺎﻳﺪﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﻣﯩﻠﻠﯩﻲ ﻫﻮﻗﯘﻗﻰ ﻗﯩﺴﯩﻤﺪﺍ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﺋﯩﺸﻠﯩﺮﻯ ﺑﯩﺮﻟﻪﺷﻤﻪ ﻛﻮﻣﯩﺘﯧﺘﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺲ ﯞﻩ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﯨﻨﻰ ﺧﯩﺘﺎﻳﺪﯨﻜﻰ ﻣﯩﻠﻠﯩﻲ ﻫﻮﻗﯘﻗﻠﯩﺮﻯ ﺩﻩﭘﺴﻪﻧﺪﻩ ﻗﯩﻠﯩﻨﯩﯟﺍﺗﻘﺎﻥ ﻣﯩﻠﻠﻪﺗﻠﻪﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﻠﻪﺭﮔﻪ ﻛﯚﭘﺮﻩﻙ ﻛﯚﯕﯜﻝ ﺑﯚﻟﯜﺷﻜﻪ ﺭﯨﻐﺒﻪﺗﻠﻪﻧﺪﯛﺭﯛﭖ ﺗﯚﺕ ﺗﯜﺭﻟﯜﻙ ﺗﻪﻛﻠﯩﭗ ﺑﻪﺭﺩﻯ.

ﺗﻪﻛﻠﯩﭙﺘﻪ، ﺧﯩﺘﺎﻳﺪﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻗﻰ ﺑﻮﻟﯘﭘﻤﯘ ﺋﯘﻳﻐﯘﺭﻻﺭﻏﺎ ﺋﺎﺋﯩﺖ ﻣﻪﺯﻣﯘﻧﻼﺭ ﺧﯧﻠﻰ ﻛﯚﭖ ﺳﺎﻟﻤﺎﻗﻨﻰ ﺋﯩﮕﯩﻠﻪﻳﺪﯗ.

ﺋﯘﻳﻐﯘﺭﻻﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻗﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ ﺋﯜﭼﯜﻥ ﻫﻪﺭﯨﻜﻪﺕ ﻗﯩﻠﯩﯟﺍﺗﻘﺎﻥ ﺗﻪﺷﻜﯩﻼﺗﻼﺭﻏﺎ ﻣﺎﺩﺩﯨﻲ ﺟﻪﻫﻪﺗﺘﯩﻦ ﻳﺎﺭﺩﻩﻡ ﺑﯧﺮﯨﺸﯩﻨﻰ ﻗﻮﻟﻼﺵ ﻛﯧﺮﻩﻙ

ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﻣﯩﻠﻠﯩﻲ ﻫﻮﻗﯘﻗﯩﻐﺎ ﺋﺎﺋﯩﺖ ﺗﻪﻳﻴﺎﺭﻟﯩﻐﺎﻥ ﯞﻩ ﻳﺎﻛﻰ ﺗﯜﺯﯨﺘﯩﺶ ﺟﻪﻫﻪﺗﺘﻪ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﯩﺘﯩﯟﺍﺗﻘﺎﻥ ﺋﻪﺩﻟﯩﻴﻪ ﯞﻩ ﻗﺎﻧﯘﻥ ﺋﯩﺴﻼﻫﺎﺗﯩﻐﺎ ﺗﯧﺨﻨﯩﻜﯩﻠﯩﻖ ﻳﺎﺭﺩﻩﻡ ﺑﯧﺮﻩﻟﻪﻳﺪﯨﻐﺎﻥ ﺋﺎﻣﯧﺮﯨﻜﺎ ﺗﻪﺷﻜﯩﻼﺗﻠﯩﺮﯨﻨﻰ ﻗﻮﻟﻼﺵ ﯞﻩ ﺋﯘﻻﺭﻏﺎ ﻳﺎﺭﺩﻩﻡ ﺑﯧﺮﯨﺶ. ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭ، ﺗﯩﺒﻪﺗﻠﻪﺭ ﯞﻩ ﻣﻮﯕﻐﯘﻟﻼﺭ ﻗﺎﺗﺎﺭﻟﯩﻖ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﻗﺎﻧﯘﻧﺪﺍ ﺑﻪﻟﮕﯩﻠﻪﻧﮕﻪﻥ ﺳﯚﺯ-ﭘﯩﻜﯩﺮ ﺋﻪﺭﻛﯩﻨﻠﯩﻜﯩﻨﻰ ﺑﺎﺳﺘﯘﺭﯗﺵ ﯞﻩ ﺷﯘ ﺋﯧﺘﻨﯩﻚ ﮔﯘﺭﯗﭘﭙﯩﻼﺭﻏﺎ ﺗﻪﯞﻩ ﺷﻪﺧﺴﻠﻪﺭﻧﯩﯔ ﺋﯚﺯ ﻣﻪﻳﺪﺍﻧﯩﻨﻰ ﺋﯩﭙﺎﺩﯨﻠﻪﭖ ﺋﯧﻠﯩﭗ ﺑﺎﺭﻏﺎﻥ ﺗﯩﻨﭻ ﻳﻮﺳﯘﻧﺪﯨﻜﻰ ﻫﻪﺭﯨﻜﻪﺗﻠﯩﺮﯨﻨﻰ " ﺩﯙﻟﻪﺗﻨﻰ ﭘﺎﺭﭼﯩﻼﺵ"، " ﺩﯙﻟﻪﺕ ﺑﯩﺨﻪﺗﻪﺭﻟﯩﻜﯩﮕﻪ ﺗﻪﻫﺪﯨﺖ ﺳﯧﻠﯩﺶ" ﺩﻩﭖ ﺳﯜﺭﻩﺗﻠﻪﭖ ﺟﺎﺯﺍﻏﺎ ﺗﺎﺭﺗﯩﺶ ﻳﺎﻛﻰ ﺗﯜﺭﻣﯩﮕﻪ ﺗﺎﺷﻼﺵ ﻗﯩﻠﻤﯩﺸﻠﯩﺮﯨﻨﻰ ﺋﺎﻳﺎﻏﻼﺷﺘﯘﺭﯗﺵ ﺟﻪﻫﻪﺗﺘﻪ ﺧﯩﺘﺎﻳﻐﺎ ﺑﯧﺴﯩﻢ ﺋﯩﺸﻠﯩﺘﯩﺶ ﻗﺎﺗﺎﺭﻟﯩﻘﻼﺭ.

ﺑﯘ ﻣﺎﺩﺩﯨﺪﺍ ﻳﻪﻧﻪ، ﺋﯘﻳﻐﯘﺭﻻﺭﻧﯩﯔ ﭼﻪﺗﺌﻪﻟﻠﻪﺭﺩﻩ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻣﯩﻠﻠﯩﻲ ﺋﻪﺭﻛﯩﻨﻠﯩﻚ ﯞﻩ ﺩﯦﻤﻮﻛﺮﺍﺗﯩﻚ ﻫﻪﺭﯨﻜﻪﺗﻠﯩﺮﯨﮕﻪ ﺯﻭﺭ ﺋﯩﻠﻬﺎﻡ ﺑﯧﺮﯨﺪﯨﻐﺎﻥ ﺑﯩﺮ ﻣﻪﺯﻣﯘﻥ ﺑﺎﺭ ﺑﻮﻟﯘﭖ ، ﺋﯘﻧﯩﯖﺪﺍ ﻣﯘﻧﺪﺍﻕ ﻛﯚﺭﺳﯩﺘﯩﻠﮕﻪﻥ: " ﺷﯩﻨﺠﻴﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ ﺋﯜﭼﯜﻥ ﻫﻪﺭﯨﻜﻪﺕ ﻗﯩﻠﯩﯟﺍﺗﻘﺎﻥ ﺗﻪﺷﻜﯩﻼﺗﻼﺭﻏﺎ ﻣﺎﺩﺩﯨﻲ ﺟﻪﻫﻪﺗﺘﯩﻦ ﻳﺎﺭﺩﻩﻡ ﺑﯧﺮﯨﺸﯩﻨﻰ ﻗﻮﻟﻼﺵ. ﻣﻪﺯﻛﯘﺭ ﺭﺍﻳﻮﻧﺪﯨﻜﻰ ﺋﺎﻣﻤﯩﯟﻯ ﺗﻪﺷﻜﯩﻼﺗﻼﺭﻏﺎ ﻗﻮﻳﯘﻟﯩﺪﯨﻐﺎﻥ ﭼﻪﻙ ﺗﯜﭘﻪﻳﻠﻰ،( ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺗﻪﻣﯩﻨﻠﻪﻳﺪﯨﻐﺎﻥ) ﺷﯘ ﺧﯩﻠﯩﺪﯨﻜﻰ ﻣﺎﺩﺩﯨﻲ ﻳﺎﺭﺩﻩﻡ ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﺳﯩﺮﺗﯩﺪﺍ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﯧﻠﯩﺸﻰ ﻛﯧﺮﻩﻙ. "

ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺋﺎﺋﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﯜﺵ ﻛﯧﺮﻩﻙ

ﺗﻪﻛﻠﯩﭙﺘﻪ ﻳﻪﻧﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﻠﻪﻥ ﺋﯧﻠﯩﭗ ﺑﯧﺮﯨﻠﻐﺎﻥ ﻳﺎﺯﻣﺎ ﯞﻩ ﺋﺎﻏﺰﺍﻛﻰ ﺩﯨﺌﺎﻟﻮﮔﻼﺭﺩﺍ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﻣﯩﻠﻠﯩﻲ ﻫﻮﻗﯘﻗﯩﻨﻰ ﺗﻪﺭﻏﯩﺐ ﻗﯩﻠﻐﺎﻧﻠﯩﻘﻰ ﺋﯜﭼﯜﻥ ﺗﯜﺭﻣﯩﮕﻪ ﺗﺎﺷﻼﻧﻐﺎﻥ ﭘﯘﻗﺮﺍﻻﺭﻧﻰ ﺗﯜﺭﻣﯩﺪﯨﻦ ﻗﻮﻳﯘﭖ ﺑﯧﺮﯨﺸﻜﻪ ﭼﺎﻗﯩﺮﯨﺶ، ﺷﯘﻧﺪﺍﻕ ﺩﯨﺌﺎﻟﻮﮔﻼﺭﺩﺍ، ( ﻳﺎﯞﺍ ﻛﻪﭘﺘﻪﺭ ﻫﻪﻗﻘﯩﺪﻩ ﻫﯧﻜﺎﻳﻪ ﻳﺎﺯﻏﺎﻧﻠﯩﻘﻰ ﺋﯜﭼﯜﻥ 10 ﻳﯩﻠﻠﯩﻖ ﻗﺎﻣﺎﻗﻘﺎ ﻫﯚﻛﯜﻡ ﻗﯩﻠﯩﻨﻐﺎﻥ) ﺋﯘﻳﻐﯘﺭ ﻳﺎﺯﻏﯘﭼﻰ ﻧﯘﺭﻣﻪﻣﻪﺕ ﻳﺎﺳﯩﻦ، ﻣﻮﯕﻐﯘﻝ ﻛﯩﺘﺎﺏ ﭘﯘﺭﯗﭺ ﻫﺎﺩﺍ ﯞﻩ ﺗﯩﺒﻪﺗﻠﯩﻚ ﺋﻮﻗﯘﺗﻘﯘﭼﻰ ﺩﺭﻭﻟﻤﺎ ﻛﻴﺎﺏ ﻗﺎﺗﺎﺭﻟﯩﻘﻼﺭ ﭼﻮﻗﯘﻡ ﺗﯩﻠﻐﺎ ﺋﯧﻠﯩﻨﯩﺶ ﻛﯧﺮﻩﻛﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺧﯩﺘﺎﻳﺪﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﻣﯩﻠﻠﯩﻲ ﻣﻪﻧﭙﻪﺋﻪﺗﯩﮕﻪ ﺋﺎﺋﯩﺖ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﯞﻩ ﺩﯙﻟﻪﺕ ﻣﻪﺟﻠﯩﺴﯩﮕﻪ ﺑﯧﺮﯨﻠﮕﻪﻥ ﻣﻪﺯﻛﯘﺭ ﺗﯚﺕ ﺗﯜﺭﻟﯜﻙ ﺗﻪﻛﻠﯩﭙﻨﯩﯔ ﺗﯚﺗﯩﻨﭽﻰ ﻣﺎﺩﺩﯨﺴﯩﺪﺍ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﯞﻩ ﺩﯙﻟﻪﺕ ﻣﻪﺟﻠﯩﺴﯩﺪﯨﻦ، ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺧﯩﺘﺎﻱ ﺗﯜﺭﻣﯩﺴﯩﮕﻪ ﺗﺎﺷﻼﻧﻐﺎﻥ ﯞﻩ ﺋﯩﺰﭼﯩﻞ ﺧﻮﺭﻟﯘﻗﻘﺎ ﺋﯘﭼﺮﺍﯞﺍﺗﻘﺎﻥ ﺋﺎﺋﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﯜﺵ ﺗﻪﻛﯩﺘﻠﻪﻧﮕﻪﻥ.

ﺋﯘﻳﻐﯘﺭ ﺗﯩﻠﻰ ﯞﻩ ﺋﻪﺩﻩﺑﯩﻴﺎﺗﯩﻨﻰ ﺳﺎﻗﻼﭖ ﻗﯩﻠﯩﺶ ﺋﯜﭼﯜﻥ ﺋﯘﻻﺭﻏﺎ ﺋﯩﻘﺘﯩﺴﺎﺩﻯ ﻳﺎﺭﺩﻩﻡ ﺑﯧﺮﯨﺶ ﻛﯧﺮﻩﻙ

ﺑﯘ ﻣﺎﺩﺩﯨﺪﺍ ﻳﻪﻧﻪ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﺋﯩﭽﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻫﻮﻗﯘﻗﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ، ﯞﻩﻳﺮﺍﻧﭽﯩﻠﯩﻘﻘﺎ ﺋﯘﭼﺮﺍﯞﺍﺗﻘﺎﻥ ﻣﯩﻠﻠﯩﻲ ﺗﯩﻠﻰ ﯞﻩ ﻣﻪﺩﻩﻧﯩﻴﯩﺘﯩﻨﻰ ﻗﻮﻏﺪﺍﺷﺘﯩﻜﻰ ﺗﯩﺮﯨﺸﭽﺎﻧﻠﯩﻘﯩﻨﻰ ﻫﻪﺳﺴﯩﻠﻪﭖ ﺋﺎﺷﯘﺭﯗﺵ ﺗﻪﻟﻪﭖ ﻗﯩﻠﯩﻨﻐﺎﻥ ﺑﻮﻟﯘﭖ، ﺗﻪﻛﻠﯩﭙﺘﻪ ﻣﯘﻧﺪﺍﻕ ﺩﯦﻴﯩﻠﮕﻪﻥ: " ﺑﻮﻟﯘﭘﻤﯘ ( ﺧﯩﺘﺎﻱ ﻫﯚﻛﯜﻣﯩﺘﻰ) ﺷﯩﻨﺠﻴﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺋﯘﻳﻐﯘﺭ ﺗﯩﻠﯩﺪﺍ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ ﻣﺎﺋﺎﺭﯨﭗ ﻛﯚﻟﯩﻤﯩﻨﻰ ﻛﯩﭽﯩﻜﻠﯩﺘﯩﺶ ﺋﯜﭼﯜﻥ ﺑﯩﺮ ﻗﺎﺗﺎﺭ ﺗﻪﺩﺑﯩﺮﻟﻪﺭﻧﻰ ﺋﺎﻟﺪﻯ، ﺷﯘﯕﺎ ﯞﻩﻳﺮﺍﻧﭽﯩﻠﯩﻘﻘﺎ ﺋﯘﭼﺮﺍﯞﺍﺗﻘﺎﻥ ﺋﯘﻳﻐﯘﺭ ﺗﯩﻠﻰ ﯞﻩ ﺋﻪﺩﻩﺑﯩﻴﺎﺗﯩﻨﻰ ﺳﺎﻗﻼﭖ ﻗﯩﻠﯩﺶ ﺋﯜﭼﯜﻥ ﻫﻪﺭﯨﻜﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺗﻪﺷﻜﯩﻼﺕ ﯞﻩ ﻗﯘﺭﯗﻟﯘﺵ ﺗﯜﺭﻟﯩﺮﯨﻨﻰ ﺭﯨﻐﺒﻪﺗﻠﻪﻧﺪﯛﺭﯛﺵ ﯞﻩ ﺋﯘﻻﺭﻏﺎ ﺋﯩﻘﺘﯩﺴﺎﺩﻯ ﻳﺎﺭﺩﻩﻡ ﺑﯧﺮﯨﺶ ﻛﯧﺮﻩﻙ."

ﺗﻪﻛﻠﯩﭙﺘﻪ ﻳﻪﻧﻪ، ﺷﯘ ﺧﯩﻠﺪﯨﻜﻰ ﺋﯩﻘﺘﯩﺴﺎﺩﻯ ﻳﺎﺭﺩﻩﻣﻨﯩﯔ ﺋﯘﻳﻐﯘﺭ ﺑﺎﻟﯩﻼﺭﻏﺎ ﺋﯘﻳﻐﯘﺭ ﺗﯩﻠﻰ ﺋﯚﮔﯩﺘﯩﺪﯨﻐﺎﻥ ﻣﻪﻛﺘﻪﭖ ﯞﻩ ﺋﯩﺠﺘﯩﻤﺎﺋﯩﻲ ﺟﻪﻣﺌﯩﻴﻪﺕ ﺋﯩﻨﺴﺘﯩﺘﯘﺗﻠﯩﺮﯨﻐﺎ، ﺋﯘﻳﻐﯘﺭ ﺗﯩﻠﯩﺪﺍ ﻧﻪﺷﺮ ﻗﯩﻠﯩﻨﯩﺪﯨﻐﺎﻥ ﺗﯩﻞ ‏- ﺋﻪﺩﻩﺑﯩﻴﺎﺕ ﮊﯗﺭﻧﺎﻟﻠﯩﺮﯨﻐﺎ، ﺧﯩﺘﺎﻱ ﺋﯩﭽﻰ ﯞﻩ ﺳﯩﺮﺗﯩﺪﺍ ﺋﯘﻳﻐﯘﺭ ﺗﯩﻠﯩﺪﺍ ﻧﻪﺷﺮ ﻗﯩﻠﯩﻨﻐﺎﻥ ﻣﺎﺗﯧﺮﯨﻴﺎﻟﻼﺭﻧﻰ ﺗﻮﭘﻼﻳﺪﯨﻐﺎﻥ ﻛﯘﺗﯘﭘﺨﺎﻧﺎ ﻗﯘﺭﯗﻟﯘﺷﻰ ﯞﻩ ﺋﯘﻳﻐﯘﺭ ﺗﯩﻠﯩﺪﯨﻜﻰ ﻛﯩﺘﺎﺑﻼﺭﻧﯩﯔ ﻛﺎﺗﺎﻟﻮﮔﯩﻨﻰ ﻛﯩﺘﺎﺑﻼﺭﻧﯩﯔ ﺧﯩﺘﺎﻳﭽﻪ ﺗﯧﻤﯩﺴﻰ ﺑﯩﻠﻪﻥ ﺋﻪﻣﻪﺱ ﺑﻪﻟﻜﻰ ﺋﯘﻳﻐﯘﺭﭼﻪ ﺗﯧﻤﯩﺴﻰ ﺑﯩﻠﻪﻥ ﻛﺎﺗﺎﻟﻮﮒ ﺗﯘﺭﻏﯘﺯﯗﺵ ﻗﯘﺭﯗﻟﯘﺷﯩﻐﺎ ﺑﯧﺮﯨﻠﯩﺸﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺧﯩﺘﺎﻱ ﺋﺎﺩﻩﻡ ﻗﺎﭼﺎﻗﭽﯩﻠﯩﻘﯩﻐﺎ ﻗﺎﺭﺷﻰ ﻛﻪﺳﻜﯩﻦ ﺑﻪﻟﮕﯩﻠﯩﻤﯩﻠﻪﺭﻧﻰ ﺋﯧﻠﯩﺸﻰ ﻛﯧﺮﻩﻙ

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﺋﯩﺸﻼﺭ ﺑﯩﺮﻟﻪﺷﻤﻪ ﻛﻮﻣﯩﺘﯧﺘﻰ ﺋﯧﻼﻥ ﻗﯩﻠﻐﺎﻥ ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻚ ﻫﻪﻗﻘﯩﺪﻩ ﺗﻪﻳﻴﺎﺭﻻﻧﻐﺎﻥ ﻣﻪﺯﻛﯘﺭ 300 ﺑﻪﺗﻠﯩﻚ ﺩﻭﻛﻼﺗﺘﺎ، ﺧﯩﺘﺎﻳﻨﯩﯔ ﻧﻮﭘﯘﺱ ﯞﻩ ﭘﯩﻼﻧﻠﯩﻖ ﺗﯘﻏﯘﺕ ﺳﯩﻴﺎﺳﯩﺘﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺟﯩﻨﺲ ﺋﺎﻳﺮﯨﻤﯩﺴﻰ ﺟﻪﻫﻪﺗﺘﯩﻜﻰ ﺗﻪﯕﭙﯘﯕﺴﯩﺰﻟﯩﻖ ﯞﻩ ﺑﯘﻧﯩﯖﻐﺎ ﻗﺎﺭﺷﻰ ﺋﻮﺯ ﭘﯩﻜﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻛﯩﺸﯩﻠﻪﺭﻧﯩﯔ ﺗﯜﺭﻣﯩﮕﻪ ﺗﺎﺷﻼﻧﻐﺎﻧﻠﯩﻘﻰ، ﺧﯩﺘﺎﻳﺪﺍ ﻛﯩﺸﯩﻠﻪﺭﻧﯩﯔ ﺋﻪﺭﻛﯩﻦ ﻛﯚﭼﯜﭖ ﺋﻮﻟﺘﯘﺭﺍﻗﻠﯩﺸﯩﺶ ﻫﻮﻗﯘﻗﯩﻨﯩﯔ ﻳﻮﻗﻠﯘﻗﻰ، ﺋﺎﻳﺎﻟﻼﺭ ﻣﻪﺳﯩﻠﯩﺴﻰ، ﺋﯘﻻﺭﻧﯩﯔ ﺋﻮﺭﻧﻰ، ﺋﺎﻳﺎﻟﻼﺭ ﯞﻩ ﺑﺎﻟﯩﻼﺭﻧﯩﯔ ﺧﯩﺘﺎﻳﺪﯨﻜﻰ ﺋﺎﺩﻩﻡ ﺑﯧﺪﯨﻜﻠﯩﺮﯨﻨﯩﯔ ﺯﯨﻴﺎﻧﻜﻪﺷﻠﯩﻜﯩﮕﻪ ﺋﯘﭼﺮﺍﭖ ﻛﯧﻠﯩﯟﺍﺗﻘﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﯘﭖ، ﺧﯩﺘﺎﻳﻨﯩﯔ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺋﺎﺩﻩﻡ ﻗﺎﭼﺎﻗﭽﯩﻠﯩﻘﯩﻐﺎ ﻗﺎﺭﺷﻰ ﺑﻪﻟﮕﯩﻠﯩﻤﯩﻠﯩﺮﯨﮕﻪ ﺋﺎﺳﺎﺳﻪﻥ ﺧﯩﺘﺎﻳﺪﺍ ﺋﺎﺩﻩﻡ ﻗﺎﭼﺎﻗﭽﯩﻠﯩﻘﯩﻐﺎ ﻗﺎﺭﺷﻰ ﻛﻪﺳﻜﯩﻦ ﺑﻪﻟﮕﯩﻠﯩﻤﯩﻠﻪﺭﻧﻰ ﺋﯧﻠﯩﺸﻰ ﻛﯧﺮﻩﻛﻠﯩﻜﻰ ﺗﻪﻛﯩﺘﻠﻪﻧﮕﻪﻥ.

ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺗﻠﻪﺭﺩﻩ ﻗﻮﻟﻐﺎ ﺋﯧﻠﯩﻨﻐﺎﻧﻼﺭ ﺗﯜﺭﻣﯩﻠﻪﺭﺩﻩ ﺋﯧﻐﯩﺮ ﻗﯩﻴﯩﻦ- ﻗﯩﺴﺘﺎﻗﻘﺎ ﺋﯘﭼﺮﺍﻳﺪﯗ

ﺩﻭﻛﻼﺗﺘﺎ ﻳﻪﻧﻪ، ﮔﻪﺭﭼﻪ ﺧﯩﺘﺎﻳﺪﺍ ﺟﯩﻨﺎﻳﻪﺗﭽﯩﻠﻪﺭﻧﻰ ﻗﯩﻴﻨﺎﺵ ﻗﺎﻧﯘﻧﻐﺎ ﺧﯩﻼﭖ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺗﻠﻪﺭﺩﻩ ﻗﻮﻟﻐﺎ ﺋﯧﻠﯩﻨﻐﺎﻥ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﺗﯜﺭﻣﯩﻠﻪﺭﺩﻩ ﺋﯧﻐﯩﺮ ﻗﯩﻴﯩﻦ- ﻗﯩﺴﺘﺎﻗﻘﺎ ﺋﯘﭼﺮﺍﻳﺪﯨﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ ﺑﻮﻟﯘﭖ، ﺩﻭﻛﻼﺗﺘﺎ ﻛﺎﻟﯩﻔﻮﺭﻧﯩﻴﯩﮕﻪ ﺟﺎﻳﻼﺷﻘﺎﻥ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻰ ﺩﯨﺌﺎﻟﻮﮒ ﺗﻪﺷﻜﯩﻼﺗﯩﻨﯩﯔ ﺩﻭﻛﻼﺗﯩﺪﯨﻦ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﻠﯩﺸﯩﭽﻪ، 1990 ‏- ﻳﯩﻠﻼﺭﺩﯨﻦ ﺑﯘﻳﺎﻥ ﺋﯘﻳﻐﯘﺭ ﺋﯧﻠﯩﺪﻩ " ﺑﯚﻟﮕﯜﻧﭽﯩﻠﯩﻚ" ﯞﻩ ﺑﺎﺷﻘﺎ ﺳﯩﻴﺎﺳﯩﻲ ﺗﻪﺷﻜﯩﻼﺗﻼﺭ ﺑﯩﻠﻪﻥ ﺋﺎﻻﻗﯩﺴﻰ ﺑﺎﺭ ﺩﻩﭖ ﺋﯩﺴﭙﺎﺗﻼﻧﻐﺎﻥ ﺷﻪﺧﺴﻠﻪﺭﻧﻰ ﺋﯚﻟﯜﻣﮕﻪ ﻫﯚﻛﯜﻣﮕﻪ ﻗﯩﻠﯩﺶ ﺋﯩﺸﻠﯩﺮﻯ ﻛﯚﺭﯛﻧﻪﺭﻟﯩﻚ ﺋﺎﺷﻘﺎﻥ.

ﺋﯘﻳﻐﯘﺭ ﺋﯧﻠﯩﺪﻩ 800 ﻣﯩﯔ ﺋﻮﻗﯘﻏﯘﭼﻰ 2006 - ﻳﯩﻠﻰ ﭘﺎﺧﺘﺎ ﺗﯩﺮﯨﺸﻜﻪ ﺳﯧﻠﯩﻨﻐﺎﻥ

ﺩﻭﻛﻼﺗﻨﯩﯔ ﻗﻮﺭﺍﻣﯩﻐﺎ ﻳﻪﺗﻤﯩﮕﻪﻧﻠﻪﺭﻧﻰ ﺋﻪﻣﮕﻪﻛﻜﻪ ﺳﯧﻠﯩﺶ ﺗﻮﻏﺮﯨﺴﯩﺪﺍ ﻣﻪﻟﯘﻣﺎﺕ ﺑﯧﺮﯨﻠﮕﻪﻥ ﻗﯩﺴﻤﯩﺪﺍ، ﺧﯩﺘﺎﻳﺪﺍ ﺑﺎﺷﻼﻧﻐﯘﭺ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﻛﯜﺯﻟﯜﻙ ﻳﯩﻐﯩﻢ ﯞﻩ ﺑﺎﺷﻘﺎ ﺟﯩﺴﻤﺎﻧﯩﻲ ﺋﻪﻣﮕﻪﻛﻠﻪﺭﮔﻪ ﺳﯧﻠﯩﻨﻐﺎﻧﻠﯩﻘﻰ، ﺋﯘﻳﻐﯘﺭ ﺋﯧﻠﯩﺪﻩ 800 ﻣﯩﯔ ﺋﻮﻗﯘﻏﯘﭼﯩﻨﯩﯔ 2006 - ﻳﯩﻠﻠﯩﻖ ﺋﻮﻗﯘﺵ ﻳﯩﻠﯩﻨﻰ ﭘﺎﺧﺘﺎ ﺗﯧﺮﯨﺶ ﺑﯩﻠﻪﻥ ﺑﺎﺷﻠﯩﻐﺎﻧﻠﯩﻘﻰ، ﻫﻪﺗﺘﺎ ﺋﯘﻳﻐﯘﺭ ﺋﯧﻠﯩﻨﯩﯔ ﺑﻪﺯﻯ ﺟﺎﻳﻠﯩﺮﯨﺪﺍ ﺑﺎﺷﻼﻧﻐﯘﭺ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﻗﯘﻟﻤﺎﻕ ﻳﯩﻐﯩﺶ ﺋﻪﻣﮕﯩﻜﯩﮕﻪ ﺳﯧﻠﯩﻨﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ. ﺩﻭﻛﻼﺗﻨﯩﯔ ﺑﯘ ﻗﯩﺴﻤﯩﺪﺍ،" ﻣﻪﺯﻛﯘﺭ ﺭﺍﻳﻮﻧﺪﯨﻦ ﻛﻪﻟﮕﻪﻥ ﺩﻭﻛﻼﺗﻼﺭﻏﺎ ﻗﺎﺭﯨﻐﺎﻧﺪﺍ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺋﻮﻗﯘﻏﯘﭼﯩﻼﺭ 12 ﺳﺎﺋﻪﺗﻠﻪﭖ ﻧﯚﯞﻩﺕ ﺑﯩﻠﻪﻥ ﺋﻪﻣﮕﻪﻛﻜﻪ ﺳﯧﻠﯩﻨﻐﺎﻥ، ﻳﺎﺭﯨﻠﯩﻨﯩﺶ ﯞﻩ ﻗﯩﺰ ﺋﻮﻗﯘﻏﯘﭼﯩﻼﺭﻧﯩﯔ ﺑﺎﺷﻘﺎ ﺋﻪﺭ ﺋﯩﺸﻠﻪﻣﭽﯩﻠﻪﺭﻧﯩﯔ ﺟﯩﻨﺴﯩﻲ ﺧﻮﺭﻟﯩﺸﯩﻐﺎ ﺋﯘﭼﺮﺍﺵ ﺋﻪﻫﯟﺍﻟﻠﯩﺮﻯ ﻛﯚﺭﯛﻧﻪﺭﻟﯩﻚ ﺋﺎﺷﻘﺎﻥ" ﺩﻩﭖ ﻛﯚﺭﺳﯩﺘﯩﻠﮕﻪﻥ.

ﺩﻭﻛﻼﺗﻨﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻚ ﻗﯩﺴﻤﯩﺪﺍ، ﺧﯩﺘﺎﻳﺪﺍ ﺋﯘﻳﻐﯘﺭ ﻣﯘﺳﯘﻟﻤﺎﻧﻼﺭ ﯞﻩ ﺗﯩﺒﻪﺕ ﺭﺍﻫﯩﺒﻠﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺩﯨﻨﻐﺎ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻜﻰ ﺑﻮﻏﯘﻟﯩﯟﺍﺗﻘﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ ﺑﻮﻟﯘﭖ، " 2001- ﻳﯩﻠﯩﺪﯨﻦ ﺑﯘﻳﺎﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺷﯩﻨﺠﻴﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭﮔﻪ ﺯﻩﺭﺑﻪ ﺑﯧﺮﯨﺶ ﺋﯩﺸﻠﯩﺮﯨﻨﻰ ﺗﯧﺨﯩﻤﯘ ﺋﯧﻐﯩﺮﻻﺷﺘﯘﺭﺩﻯ" ﺩﻩﭖ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﻫﯚﺭﻣﻪﺗﻠﯩﻚ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ ، ﺩﻭﻛﻼﺗﻨﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻚ ﻗﯩﺴﻤﯩﺪﺍ ﺋﯘﻳﻐﯘﺭﻻﺭﻧﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻜﯩﻨﻰ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺋﯧﻐﯩﺮ ﺩﻩﺧﻠﻰ ﺗﻪﺭﯗﺯﮔﻪ ﺋﯘﭼﺮﺍﭖ ﻛﻪﻟﮕﻪﻧﻠﯩﻜﻰ ﺳﺎﻧﻠﯩﻖ ﻣﻪﻟﯘﻣﺎﺗﻼﺭ ﺑﯩﻠﻪﻥ ﺗﻪﭘﺴﯩﻠﯩﻲ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺑﻮﻟﯘﭖ، ﻛﯧﻠﻪﺭ ﻗﯧﺘﯩﻤﻠﯩﻖ ﭘﺮﻭﮔﺮﺍﻣﻤﯩﻤﯩﺰﺩﺍ ﺩﺍﯞﺍﻣﻠﯩﻖ ﺗﻮﻧﯘﺷﺘﯘﺭﯗﺵ ﺋﯧﻠﯩﭗ ﺑﺎﺭﯨﻤﯩﺰ. (ﺟﯜﻣﻪ)