ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﺋﯩﺸﻼﺭ ﺑﯩﺮﻟﻪﺷﻤﻪ ﻛﻮﻣﯩﺘﯧﺘﻰ 2007- ﻳﯩﻠﻠﯩﻖ ﻛﯩﺸﯩﻠﯩﻚ ﻫﻮﻗﯘﻕ ﺩﻭﻛﻼﺗﻰ ﺋﯧﻼﻥ ﻗﯩﻠﺪﻯ (3‏)

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

10- ﺋﯚﻛﺘﻪﺑﯩﺮ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﻫﯚﻛﯜﻣﻪﺗﻨﯩﯔ ﺧﯩﺘﺎﻱ ﺋﯩﺸﻠﯩﺮﻯ ﺑﯩﺮﻟﻪﺷﻤﻪ ﻛﻮﻣﯩﺘﯧﺘﻰ ﺑﯩﺮﻟﯩﻜﺘﻪ ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﯩﯔ ﻫﺎﺯﯨﺮﻗﻰ ﺋﻪﻫﯟﺍﻟﻰ ﻫﻪﻗﻘﯩﺪﻩ 300 ﺑﻪﺗﻠﯩﻚ ﺑﯩﺮ ﺩﻭﻛﻼﺕ ﺗﻪﻳﻴﺎﺭﻻﭖ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﻣﻪﺯﻛﯘﺭ ﺩﻭﻛﻼﺗﺘﺎ ﺋﯘﻳﻐﯘﺭﻻﺭﻏﺎ ﺋﺎﺋﯩﺖ ﻣﻪﺯﻣﯘﻧﻼﺭ ﺋﺎﻻﻫﯩﺪﻩ ﻛﻮﭖ ﺳﺎﻟﻤﺎﻗﻨﻰ ﺋﯩﮕﯩﻠﻪﻳﺪﯗ. ﺩﻭﻛﻼﺗﻨﯩﯔ ﺧﯩﺘﺎﻳﺪﯨﻜﻰ ﻣﯘﺳﯘﻟﻤﺎﻧﻼﺭﻧﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻚ ﺩﯦﮕﻪﻥ ﻗﯩﺴﯩﻤﺪﺍ ﺋﯘﻳﻐﯘﺭ ﺋﯧﻠﯩﺪﻩ ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭﻧﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻚ ﻫﻮﻗﯘﻗﯩﻨﻰ ﻧﻪﻗﻪﺩﻩﺭ ﻗﺎﺗﺘﯩﻖ ﺑﻮﻏﯘﯞﺍﺗﻘﺎﻧﻠﯩﻘﻰ ﺗﻪﭘﺴﯩﻠﯩﻲ ﻛﯚﺭﺳﯩﺘﯩﻠﮕﻪﻥ. ﺩﻭﻛﻼﺗﺘﺎ ﻣﯘﻧﺪﺍﻕ ﺩﯦﻴﯩﻠﮕﻪﻥ: "ﻫﯚﻛﯜﻣﻪﺕ ﺋﯩﺴﻼﻡ ﺩﯨﻨﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﺸﻨﻰ ﻗﺎﺗﺘﯩﻖ ﻛﻮﻧﺘﺮﻭﻝ ﻗﯩﻠﯩﺪﯗ ﯞﻩ ﺋﯘﻳﻐﯘﺭ ﺋﯧﻠﯩﺪﻩ ﺩﯨﻨﻐﺎ ﺑﻮﻟﻐﺎﻥ ﺑﯧﺴﯩﻢ ﺋﯧﻐﯩﺮ. ﺑﻮﻟﯘﭘﻤﯘ ﺑﯘ ﺧﯩﻞ ﺑﯧﺴﯩﻢ ﺋﯘﻳﻐﯘﺭ ﻣﯩﻠﻠﯩﺘﯩﮕﻪ ﺗﯧﺨﯩﻤﯘ ﻗﺎﺗﺘﯩﻖ ﻳﯜﺭﮔﯜﺯﯛﻟﯩﺪﯗ."

ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺩﻭﻛﻼﺗﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﺩﻯ

ﺋﻪﻣﻤﺎ، ﭘﻪﻳﺸﻪﻧﺒﻪ ﻛﯜﻧﻰ، ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺋﺎﻣﯧﺮﯨﻜﯩﻨﯩﯔ ﻣﻪﺯﻛﯘﺭ ﺩﻭﻛﻼﺗﯩﻐﺎ ﻗﺎﺭﯨﺘﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﭖ، ﺋﺎﻣﯧﺮﯨﻜﯩﻨﯩﯔ ﺩﻭﻛﻼﺗﯩﻨﯩﯔ ﺋﺎﺳﺎﺳﺴﯩﺰ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﻪﺗﺘﻰ.

ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺑﯘ ﻫﻪﻗﺘﻪ 17 - ﺋﯚﻛﺘﻪﺑﯩﺮ ﺑﻪﺭﮔﻪﻥ ﺧﻪﯞﯨﺮﯨﺪﻩ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺑﺎﻳﺎﻧﺎﺗﭽﯩﺴﻰ ﻟﻴﯘ ﺟﻴﻪﻧﭽﺎﯞﻧﯩﯔ ﺋﯧﻴﺘﻘﺎﻧﻠﯩﺮﯨﻨﻰ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﺋﯩﺸﻠﯩﺮﻯ ﺑﯩﺮﻟﻪﺷﻤﻪ ﻛﻮﻣﯩﺘﯧﺘﻰ ﺧﯩﺘﺎﻳﻨﯩﯔ ﺋﯩﺠﺘﯩﻤﺎﺋﯩﻲ ﯞﻩ ﺋﻪﺩﻟﯩﻴﻪ ﺳﯩﺴﺘﯧﻤﯩﺴﻰ، ﻣﯩﻠﻠﯩﻲ ﯞﻩ ﺩﯨﻨﯩﻲ ﺳﯩﻴﺎﺳﯩﺘﻰ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﺋﻪﻫﯟﺍﻟﯩﻨﻰ ﺋﻪﻳﯩﺒﻠﻪﭖ ﺋﯧﻼﻥ ﻗﯩﻠﻐﺎﻥ 2007- ﻳﯩﻠﻠﯩﻖ ﺩﻭﻛﻼﺗﯩﻐﺎ ﻛﻪﺳﻜﯩﻦ ﻗﺎﺭﺷﻰ ﺗﯘﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﯞﻩ ﺋﺎﻣﯧﺮﯨﻜﯩﻨﯩﯔ ﺋﻪﻳﯩﺒﻠﻪﺷﻠﯩﺮﯨﻨﯩﯔ ﺋﺎﺳﺎﺳﺴﯩﺰ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺘﻨﯩﯔ ﺑﯩﻠﺪﯛﺭﯛﺷﯩﭽﻪ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ، ﺋﯘﻳﻐﯘﺭ ﺋﯧﻠﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺋﻪﻫﯟﺍﻟﯩﺪﺍ ﻫﯧﭽﻘﺎﻧﺪﺍﻕ ﻳﯜﻛﺴﯩﻠﯩﺶ ﺑﻮﻟﻤﺎﻳﻼ ﻗﺎﻟﻤﺎﺳﺘﯩﻦ، ﺋﻪﻛﺴﯩﭽﻪ، ﻛﯜﻧﺴﺎﻳﯩﻦ ﻧﺎﭼﺎﺭﻟﯩﺸﯩﭗ ﻛﻪﺗﻜﻪﻥ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﺎﻣﯧﺮﯨﻜﯩﻨﯩﯔ ﻣﻪﺯﻛﯘﺭ ﺩﻭﻛﻼﺗﯩﻐﺎ ﻗﺎﻳﺘﯘﺭﻏﺎﻥ ﺋﯩﻨﻜﺎﺳﻰ ﺑﻮﻟﺴﺎ، ﺧﯩﺘﺎﻳﻨﯩﯔ ﺋﯘﻳﻐﯘﺭ ﻣﻪﺳﯩﻠﯩﺴﯩﻨﯩﯔ ﺩﯗﻧﻴﺎﯞﯨﻴﻠﯩﺸﯩﭗ ﻛﯧﺘﯩﺸﯩﺪﯨﻦ ﺋﻪﻧﺴﯩﺮﯨﮕﻪﻧﻠﯩﻜﯩﺪﯨﻦ ﺑﻮﻟﻐﺎﻥ.

ﺩﻭﻛﻼﺗﺘﺎ ﺧﯩﺘﺎﻳﻨﯩﯔ ﺋﯘﻳﻐﯘﺭ ﻣﯘﺳﯘﻟﻤﺎﻧﻠﯩﺮﯨﻨﯩﯔ ﭘﺎﺳﭙﻮﺭﺗﯩﻨﻰ ﻳﯩﻐﯩﯟﺍﻟﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ

ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﻣﯧﺮﯨﻜﺎ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﻨﻰ " ﺋﺎﺳﺎﺳﺴﯩﺰ" ﺩﻩﭖ ﺟﺎﺭ ﺳﯧﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺩﻭﻛﻼﺗﻨﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻚ ﻗﯩﺴﻤﯩﺪﺍ، ﺋﯘﻳﻐﯘﺭ ﺋﯧﻠﯩﺪﻩ ﻫﯚﻛﯜﻣﻪﺗﻨﯩﯔ ﻣﻪﺳﭽﯩﺘﻜﻪ ﺑﯧﺮﯨﺸﻨﻰ ﻗﺎﺗﺘﯩﻖ ﭼﻪﻛﻠﻪﻳﺪﯨﻐﺎﻧﻠﯩﻘﯩﻨﻰ، ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ ﻛﯩﺸﯩﻠﻪﺭﻧﻰ "ﺩﯨﻨﯩﻲ ﺋﻪﺳﻪﺑﯩﻴﻠﯩﻚ" ﺑﯩﻠﻪﻥ ﺷﯘﻏﯘﻟﻼﻧﺪﻯ ﺩﻩﭖ ﺗﯜﺭﻣﯩﮕﻪ ﺗﺎﺷﻠﯩﻐﺎﻧﻠﯩﻘﻰ ﻫﻪﺗﺘﺎ ﺗﯧﺨﻰ ﻳﯧﻘﯩﻨﺪﯨﻼ ﺋﯘﻳﻐﯘﺭ ﻣﯘﺳﯘﻟﻤﺎﻧﻼﺭﻧﯩﯔ ﭘﺎﺳﭙﻮﺭﺗﻠﯩﺮﯨﻨﻰ ﻳﯩﻐﯩﯟﺍﻟﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ ﺑﻮﻟﯘﭖ، ﺩﻩﺭﯞﻩﻗﻪ ﺑﯘ ﻳﯩﻞ 6 - ﺋﺎﻳﺪﯨﻦ ﺑﺎﺷﻼﭖ ﻫﯚﻛﯜﻣﻪﺕ ﺋﯘﻳﻐﯘﺭ ﺋﯧﻠﯩﺪﻩ ﻣﯘﺳﯘﻟﻤﺎﻧﻼﺭﻧﯩﯔ ﭘﺎﺳﭙﻮﺭﺗﯩﻨﻰ ﻳﯩﻐﯩﯟﯦﻠﯩﺸﻨﻰ ﺑﺎﺷﻠﯩﻐﺎﻥ.

ﺋﯩﺴﺘﺎﻧﺴﯩﻤﯩﺰ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﺗﻪﯕﺮﯨﺘﺎﻍ ﺭﺍﻳﻮﻧﻠﯘﻕ ﺳﺎﻗﭽﻰ ﺋﯩﺪﺍﺭﯨﺴﯩﺪﯨﻜﻰ ﺑﯩﺮ ﺧﺎﺩﯨﻤﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘﻳﻐﯘﺭ ﺋﯧﻠﯩﺪﻩ ﭘﺎﺳﭙﻮﺭﺕ ﻳﯩﻐﯩﺶ ﺑﺎﺷﻼﻧﻐﺎﻥ ﺑﻮﻟﯘﭖ ﺋﯘﻳﻐﯘﺭ ﺋﯧﻠﯩﺪﻩ ﭘﺎﺳﭙﻮﺭﺕ ﻳﯩﻐﯩﺸﻘﺎ ﺋﺎﻻﻗﯩﺪﺍﺭ ﺧﺎﺩﯨﻤﻼﺭ ﻫﯚﻛﯜﻣﻪﺕ ﺋﯘﻳﻐﯘﺭ ﻣﯘﺳﯘﻟﻤﺎﻧﻼﺭﻧﯩﯔ ﺗﺎﺭﻗﺎﻕ ﻫﻪﺝ ﻗﯩﻠﯩﺶ ﺋﯩﺸﻠﯩﺮﯨﻨﻰ ﺗﯩﺰﮔﯩﻨﻠﻪﺵ ﺋﯜﭼﯜﻥ ﻣﻪﺧﺴﯘﺱ ﺋﯘﻳﻐﯘﺭﻻﺭﻧﯩﯔ ﭘﺎﺳﭙﻮﺭﺗﯩﻨﻰ ﻳﯩﻐﯩﯟﯦﻠﯩﺶ ﺋﯘﻗﺘﯘﺭﯗﺷﻰ ﭼﯩﻘﺎﺭﻏﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

"ﺋﯘﻳﻐﯘﺭ ﺋﯚﺳﻤﯜﺭﻟﯩﺮﯨﻨﯩﯔ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭ ﺑﯩﻠﻪﻥ ﺷﯘﻏﯘﻟﻠﯩﻨﯩﺸﻰ ﻗﺎﺗﺘﯩﻖ ﭼﻪﻛﻠﯩﻨﯩﺪﯗ"

ﺩﻭﻛﻼﺗﻨﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻚ ﻗﯩﺴﻤﯩﺪﺍ، ﺋﯘﻳﻐﯘﺭ ﺋﯩﻠﯩﺪﯨﻜﻰ ﺑﺎﻟﯩﻼﺭﻧﯩﯔ ﺩﯨﻨﯩﻲ ﺗﻪﺭﺑﯩﻴﻪ ﺋﯧﻠﯩﺶ ﺋﯩﺸﻠﯩﺮﯨﻨﯩﯔ ﻗﺎﺗﺘﯩﻖ ﭼﻪﻛﻠﯩﻨﯩﺪﯨﻐﺎﻧﻠﯩﻘﻰ ﯞﻩ ﺋﯘﻳﻐﯘﺭﻻﺭﻧﯩﯔ ﻫﯚﻛﯜﻣﻪﺕ ﺑﻪﻟﮕﯩﻠﻪﭖ ﺑﻪﺭﮔﻪﻥ ﺩﯨﻨﯩﻲ ﻛﯩﺘﺎﺑﻼﺭﺩﯨﻦ ﺑﺎﺷﻘﺎ ﺩﯨﻨﯩﻲ ﻣﺎﺗﯧﺮﯨﻴﺎﻝ ﺳﺎﻗﻠﯩﺸﯩﻐﺎ ﻳﻮﻝ ﻗﻮﻳﯘﻟﻤﺎﻳﺪﯨﻐﺎﻧﻠﯩﻘﻰ ﺩﻩﻟﯩﻞ ‏- ﺋﯩﺴﭙﺎﺗﻼﺭ ﺑﯩﻠﻪﻥ ﻛﯚﺭﺳﯩﺘﯩﻠﮕﻪﻥ. ﺩﻭﻛﻼﺗﺘﺎ ﻣﯘﻧﺪﺍﻕ ﺩﯦﻴﯩﻠﮕﻪﻥ: "ﺧﯩﺘﺎﻳﻨﯩﯔ ﺑﺎﺷﻘﺎ ﺟﺎﻳﻠﯩﺮﯨﻐﺎ ﻗﺎﺭﯨﻐﺎﻧﺪﺍ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺋﯚﺳﻤﯜﺭﻟﻪﺭﻧﯩﯔ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭ ﺑﯩﻠﻪﻥ ﺷﯘﻏﯘﻟﻠﯩﻨﯩﺸﻰ ﻗﺎﺗﺘﯩﻖ ﭼﻪﻛﻠﯩﻨﯩﺪﯗ."

ﺑﯘ 300 ﺑﻪﺗﻠﯩﻚ ﺩﻭﻛﻼﺗﺘﺎ ﺋﯘﻳﻐﯘﺭﻻﺭﻏﺎ ﺋﺎﻻﻗﯩﺪﺍﺭ ﻣﻪﺯﻣﯘﻧﻼﺭ ﺋﺎﻻﻫﯩﺪﻩ ﻛﯚﭖ ﺑﻮﻟﯘﭖ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺋﯩﺠﺮﺍﺋﯩﻴﻪ ﻛﻮﻣﯩﺘﯧﺘﯩﻨﯩﯔ ﺭﻩﺋﯩﺴﻰ ﯞﻩ ﺋﺎﻣﯧﺮﯨﻜﺎ ﺋﯘﻳﻐﯘﺭ ﺑﯩﺮﻟﻪﺷﻤﯩﺴﯩﻨﯩﯔ ﺑﺎﺵ ﻛﺎﺗﯩﭙﻰ ﺋﺎﻟﯩﻢ ﺳﯧﻴﯩﺘﻮﻓﻨﯩﯔ ﺑﯩﻠﺪﯛﺭﯛﺷﯩﭽﻪ، ﺑﯘ ﺧﯩﻞ ﺋﻪﻫﯟﺍﻝ ﺑﯩﺮﯨﻨﭽﯩﺪﯨﻦ، ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ، ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺋﺎﻣﯧﺮﯨﻜﯩﻐﺎ ﭼﯩﻘﻘﺎﻧﺪﯨﻦ ﻛﯧﻴﯩﻦ ﭼﻪﺗﺌﻪﻟﻠﻪﺭﺩﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺧﯩﺰﻣﯩﺘﻰ ﺗﯧﺨﯩﻤﯘ ﺳﯩﺴﺘﯧﻤﯩﻼﺷﻘﺎﻥ ﺑﻮﻟﯘﭖ، ﭼﻪﺗﺌﻪﻟﺪﯨﻜﻰ ﺗﻪﺷﻜﯩﻼﺗﻼﺭ ﺋﯘﻳﻐﯘﺭﻻﺭﻏﺎ ﺋﺎﺋﯩﺖ ﺗﻮﭘﻠﯩﻐﺎﻥ ﻣﺎﺗﯧﺮﯨﻴﺎﻟﻼﺭﻧﻰ ﺋﺎﻣﯧﺮﯨﻜﯩﻨﯩﯔ ﻣﯘﻧﺎﺳﯩﯟﻩﺗﻠﯩﻚ ﺋﻮﺭﮔﺎﻧﻠﯩﺮﯨﻐﺎ ﯞﺍﻗﺘﻰ- ﯞﺍﻗﺘﯩﺪﺍ ﻳﻪﺗﻜﯜﺯﯛﭖ ﺗﯘﺭﻏﺎﻧﻠﯩﻘﯩﺪﯨﻦ ﺑﻮﻟﺴﺎ، ﺋﯩﻜﻜﯩﻨﭽﯩﺪﯨﻦ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﯞﻩ ﻣﯘﻧﺎﺳﯩﯟﻩﺗﻠﯩﻚ ﺋﻮﺭﮔﺎﻧﻠﯩﺮﯨﻨﯩﯔ ﺋﯘﻳﻐﯘﺭ ﻣﻪﺳﯩﻠﯩﺴﯩﮕﻪ ﯞﻩ ﺋﯘﻳﻐﯘﺭﻻﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺋﻪﻫﯟﺍﻟﯩﻐﺎ ﺑﯘﺭﯗﻧﻘﯩﻐﺎ ﻗﺎﺭﯨﻐﺎﻧﺪﺍ ﺗﯧﺨﯩﻤﯘ ﺋﻪﺳﺘﺎﻳﯩﺪﯨﻞ ﻛﯚﯕﯜﻝ ﺑﯚﻟﯜﺷﻜﻪ ﺑﺎﺷﻠﯩﻐﺎﻧﻠﯩﻘﯩﺪﯨﻦ ﺩﯦﺮﻩﻙ ﺑﯧﺮﯨﺪﯨﻜﻪﻥ.

ﺩﻭﻛﻼﺕ ﺋﯘﻳﻐﯘﺭ ﺩﯦﻤﻮﻛﺮﺍﺗﯩﻴﻪ ﻫﻪﺭﯨﻜﻪﺗﻠﯩﺮﯨﻨﯩﯔ ﻗﺎﻧﺎﺕ ﻳﯧﻴﯩﺸﯩﺪﺍ ﺋﯩﺠﺎﺑﯩﻲ ﺭﻭﻝ ﺋﻮﻳﻨﺎﻳﺪﯗ

ﺋﺎﻟﯩﻢ ﺳﯧﻴﯩﺘﻮﻓﻨﯩﯔ ﻗﺎﺭﯨﺸﯩﭽﻪ، ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﺋﯩﺸﻠﯩﺮﻯ ﺑﯩﺮﻟﻪﺷﻤﻪ ﻛﻮﻣﯩﺘﯧﺘﻰ ﺋﯧﻼﻥ ﻗﯩﻠﻐﺎﻥ ﻛﯩﺸﯩﻠﯩﻚ ﻫﻮﻗﯘﻕ ﺩﻭﻛﻼﺗﯩﻐﺎ ﺋﻮﺧﺸﺎﺵ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻳﻐﺎ ﺋﺎﺋﯩﺖ ﻳﯩﻠﻠﯩﻖ ﺩﻭﻛﻼﺗﻠﯩﺮﯨﺪﺍ ﺋﯘﻳﻐﯘﺭ ﻣﻪﺳﯩﻠﯩﺴﯩﻨﯩﯔ ﻛﯚﭖ ﺗﯩﻠﻐﺎ ﺋﯧﻠﯩﻨﯩﺸﻰ ﺋﯘﻳﻐﯘﺭﻻﺭ ﺋﯘﭼﯘﻥ ﺋﯩﻨﺘﺎﻳﯩﻦ ﻣﯘﻫﯩﻢ ﺋﻪﻫﻤﯩﻴﻪﺗﻜﻪ ﺋﯩﮕﻪ ﺑﻮﻟﯘﭖ، ﺋﯘﻳﻐﯘﺭ ﺩﯦﻤﻮﻛﺮﺍﺗﯩﻴﻪ ﻫﻪﺭﯨﻜﻪﺗﻠﯩﺮﯨﻨﯩﯔ ﺗﯧﺨﯩﻤﯘ ﻛﻪﯓ ﻗﺎﻧﺎﺕ ﻳﯧﻴﯩﺸﯩﺪﯨﻤﯘ ﺋﯩﺠﺎﺑﯩﻲ ﺭﻭﻝ ﺋﻮﻳﻨﺎﻳﺪﯨﻜﻪﻥ.

ﺋﯘﻧﯩﯖﺪﯨﻦ ﺑﺎﺷﻘﺎ ﺩﻭﻛﻼﺗﺘﺎ ﻳﻪﻧﻪ، ﺋﯘﻳﻐﯘﺭ ﻣﯘﺳﯘﻟﻤﺎﻧﻠﯩﺮﯨﻨﯩﯔ ﺧﯩﺘﺎﻱ ﻫﯚﻛﯜﻣﯩﺘﻰ ﺑﻪﻟﮕﯩﻠﻪﭖ ﺑﻪﺭﮔﻪﻥ ﺳﺎﻥ ﺑﯘﻳﯩﭽﻪ ،ﻫﯚﻛﯜﻣﻪﺗﻨﯩﯔ ﺋﻮﺭﯗﻧﻼﺷﺘﯘﺭﯗﺷﻰ ﺑﯩﻠﻪﻥ ﻫﻪﺝ ﻗﯩﻠﯩﺸﻘﺎ ﺑﺎﺭﺍﻻﻳﺪﯨﻐﺎﻧﻠﯩﻘﻰ ، ﺋﻪﻣﻤﺎ ﺋﯚﺯ ﺋﺎﻟﺪﯨﻐﺎ ﻫﻪﺝ ﻗﯩﻠﯩﺸﻘﺎ ﭼﯩﻘﻘﺎﻧﻼﺭﻧﯩﯔ 3- ﺑﯩﺮ ﺩﯙﻟﻪﺗﺘﯩﻦ ﻫﻪﺭﻩﻣﮕﻪ ﺑﯧﺮﯨﺶ ﯞﯨﺰﯨﺴﻰ ﺋﺎﻻﻟﻤﺎﻳﺪﯨﻐﺎﻧﻠﯩﻘﯩﻤﯘ ﺑﺎﻳﺎﻥ ﻗﯩﻠﯩﻨﻐﺎﻥ ﺑﻮﻟﯘﭖ، ﺑﯘﻧﯩﯖﺪﯨﻦ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻥ ﺑﯩﻠﻪﻥ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﻣﯘﺳﯘﻟﻤﺎﻧﻠﯩﺮﯨﻨﻰ ﻫﻪﺝ ﻗﯩﻠﯩﺶ ﺋﯩﺸﻠﯩﺮﯨﺪﯨﻦ ﭼﻪﻛﻠﻪﺵ ﺋﯘﭼﯘﻥ ﺑﺎﺷﻘﺎ ﺑﯩﺮ ﺩﯙﻟﻪﺗﺘﯩﻦ ﯞﯨﺰﺍ ﺋﯧﻠﯩﺶ ﺋﯩﺸﻠﯩﺮﯨﻨﻰ ﭼﻪﻛﻠﻪﺵ ﺗﻮﻏﺮﯨﺴﯩﺪﺍ ﻛﯧﻠﯩﺸﯩﻢ ﻫﺎﺳﯩﻞ ﻗﯩﻠﻐﺎﻧﻠﯩﻘﻰ ﺋﺎﺷﻜﺎﺭﯨﻼﻧﻐﺎﻥ.

ﻫﯚﺭﻣﻪﺗﻠﯩﻚ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ ، ﻳﯘﻗﯩﺮﯨﺪﺍ ﺳﯩﻠﻪﺭ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﺋﯩﺸﻠﯩﺮﻯ ﺑﯩﺮﻟﻪﺷﻤﻪ ﻛﻮﻣﯩﺘﯧﺘﻰ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﮕﻪ ﺋﺎﺋﯩﺖ ﺗﻪﻳﻴﺎﺭﻟﯩﻐﺎﻥ 2007- ﻳﯩﻠﻠﯩﻖ ﺩﻭﻛﻼﺗﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺋﺎﯕﻠﯩﺪﯨﯖﻼﺭ. (ﺟﯜﻣﻪ)