ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﺋﯩﺸﻼﺭ ﺑﯩﺮﻟﻪﺷﻤﻪ ﻛﻮﻣﯩﺘﯧﺘﻰ 2007- ﻳﯩﻠﻠﯩﻖ ﻛﯩﺸﯩﻠﯩﻚ ﻫﻮﻗﯘﻕ ﺩﻭﻛﻼﺗﻰ ﺋﯧﻼﻥ ﻗﯩﻠﺪﻯ (4)

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﯚﺗﻜﻪﻥ ﻫﻪﭘﺘﯩﺪﯨﻦ ﺑﯧﺮﻯ ﺑﯩﺰ، ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﯞﻩ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﺋﯩﺸﻠﯩﺮﻯ ﺑﯩﺮﻟﻪﺷﻤﻪ ﻛﻮﻣﯩﺘﯧﺘﻰ، ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺋﻪﻫﯟﺍﻟﻐﺎ ﺋﺎﺋﯩﺖ ﺋﯧﻼﻥ ﻗﯩﻠﻐﺎﻥ 2007- ﻳﯩﻠﻠﯩﻖ ﺩﻭﻛﻼﺗﯩﻨﻰ ﺗﻮﻧﯘﺵ ﺗﯘﺭﯗﭖ ﻛﯧﻠﯩﯟﺍﺗﻘﺎﻥ ﺋﯩﺪﯗﻕ. ﺟﻪﻣﺌﯩﻲ 300 ﺑﻪﺗﻠﯩﻚ ﺑﯘ ﺩﻭﻛﻼﺗﺘﺎ ﺋﯘﻳﻐﯘﺭﻻﺭﻏﺎ ﺋﺎﻻﻗﯩﺪﺍﺭ ﻣﻪﺯﻣﯘﻧﻼﺭ ﺋﺎﻻﻫﯩﺪﻩ ﻛﯚﭖ ﺑﻮﻟﯘﭖ، ﻛﯩﺸﯩﻨﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﯩﺪﯗ.

ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﻨﯩﯔ ﺳﺎﻏﻼﻣﻠﯩﻖ ﻣﻪﺳﯩﻠﯩﻠﯩﺮﯨﻨﻰ ﻫﻪﻝ ﻗﯩﻠﯩﺸﺘﯩﻜﻰ ﻻﻳﻐﻪﺯﻩﻝ ﺳﯩﻴﺎﺳﯩﺘﻰ، ﻳﯧﺰﺍ ﺋﺎﻳﺎﻟﻠﯩﺮﯨﻨﯩﯔ ﺳﺎﻏﻼﻣﻠﯩﻘﯩﻐﺎ ﺋﯧﻐﯩﺮ ﺩﻩﺭﯨﺠﯩﺪﻩ ﺋﻪﻛﺲ ﺗﻪﺳﯩﺮ ﻛﯚﺭﺳﻪﺗﻜﻪﻥ

ﺩﻭﻛﻼﺗﻨﯩﯔ ﺋﻪﻳﺪﯨﺰ ﻛﯧﺴﯩﻠﻰ ﯞﻩ ﺳﺎﻻﻣﻪﺗﻠﯩﻚ ﻗﯩﺴﻤﯩﺪﺍ، ﺧﯩﺘﺎﻱ ﺳﺘﺎﺗﯩﺴﺘﯩﻜﺎ ﺳﺎﻧﻠﯩﻖ ﻣﻪﻟﯘﻣﺎﺗﻠﯩﺮﯨﺪﯨﻦ ﻧﻪﻗﯩﻞ ﺋﯧﻠﯩﻨﯩﭗ، ﺋﯚﺗﻜﻪﻥ ﺑﻪﺵ ﻳﯩﻞ ﻣﺎﺑﻪﻳﻨﯩﺪﻩ ﺧﯩﺘﺎﻳﺪﺍ ﺋﺎﻳﺎﻟﻼﺭﻧﯩﯔ ﺟﻪﻣﺌﯩﻴﻪﺗﺘﯩﻜﻰ ﺋﻮﺭﻧﯩﻐﺎ ﺩﺍﯞﺍﻣﻠﯩﻖ ﺳﻪﻝ ﻗﺎﺭﯨﻠﯩﭗ ﻛﯧﻠﯩﻨﮕﻪﻧﻠﯩﻜﻰ، ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﻨﯩﯔ ﺳﺎﻏﻼﻣﻠﯩﻖ ﻣﻪﺳﯩﻠﯩﻠﯩﺮﯨﻨﻰ ﻫﻪﻝ ﻗﯩﻠﯩﺸﺘﯩﻜﻰ ﻻﻳﻐﻪﺯﻩﻝ ﺳﯩﻴﺎﺳﯩﺘﻰ ﺋﺎﻳﺎﻟﻼﺭ ﺳﺎﻏﻼﻣﻠﯩﻘﯩﻐﺎ ﺑﻮﻟﯘﭘﻤﯘ ﻳﯧﺰﺍ ﺋﺎﻳﺎﻟﻠﯩﺮﯨﻨﯩﯔ ﺳﺎﻏﻼﻣﻠﯩﻘﯩﻐﺎ ﺋﯧﻐﯩﺮ ﺩﻩﺭﯨﺠﯩﺪﻩ ﺋﻪﻛﺲ ﺗﻪﺳﯩﺮ ﻛﯚﺭﺳﻪﺗﻜﻪﻧﻠﯩﻜﻰ ﻛﯚﺭﺳﯩﺘﯩﻠﮕﻪﻥ.

ﭘﻪﻗﻪﺕ 2005 - ﻳﯩﻠﺪﺍ ﺧﯩﺘﺎﻱ ﺑﻮﻳﯩﭽﻪ ﻳﯧﯖﯩﺪﯨﻦ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭﻧﯩﯔ ﻛﯚﭖ ﻗﯩﺴﻤﯩﻨﻰ ﺋﺎﻳﺎﻟﻼﺭ ﺗﻪﺷﻜﯩﻞ ﻗﯩﻠﻐﺎﻥ ﺑﻮﻟﯘﭖ، ﺩﻭﻛﻼﺗﺘﺎ " ﺑﯘ ﺧﯩﻞ ﺧﺎﻫﯩﺶ 2006 - ﯞﻩ 2007 - ﻳﯩﻠﻠﯩﻖ ﺩﻭﻛﻼﺕ ﻣﻪﯞﺳﯘﻣﯩﺪﯨﻤﯘ ﺋﯩﺰﭼﯩﻞ ﺩﺍﯞﺍﻡ ﺋﻪﺗﺘﻰ" ﺩﻩﭖ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺩﻭﻛﻼﺗﻨﯩﯔ ﺑﯘ ﻗﯩﺴﻤﯩﺪﺍ ﻳﻪﻧﻪ، ﮔﻪﺭﭼﻪ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺋﻪﻳﺪﯨﺰﮔﻪ ﻗﺎﺭﺷﻰ ﺟﻪﯓ ﻗﯩﻠﯩﺶ ﺳﺎﻟﻤﯩﻘﯩﻨﻰ ﺋﻮﻣﯘﻣﯩﻲ ﺟﻪﻫﻪﺗﺘﯩﻦ ﺋﺎﺷﯘﺭﻏﺎﻥ ﺑﻮﻟﺴﯩﻤﯘ، ﺧﯩﺘﺎﻱ ﺭﻩﻫﺒﻪﺭﻟﯩﺮﯨﻨﯩﯔ ﺧﯩﺘﺎﻳﺪﯨﻜﻰ ﺋﻪﻳﺪﯨﺰ ﺳﺎﻫﻪﺳﯩﺪﻩ ﺧﯩﺰﻣﻪﺕ ﻗﯩﻠﯩﯟﺍﺗﻘﺎﻥ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﻧﯩﯔ ﺧﯩﺰﻣﻪﺕ ﺩﺍﺋﯩﺮﯨﺴﯩﻨﻰ ﭼﻪﻛﻠﻪﭖ ﺋﯘﻻﺭﻧﯩﯔ ﺋﻪﻳﺪﯨﺰﻧﻰ ﻛﻮﻧﺘﺮﻭﻝ ﻗﯩﻠﯩﺸﺘﯩﻜﻰ ﺧﯩﺰﻣﻪﺕ ﺋﯜﻧﯜﻣﯩﮕﻪ ﺋﯧﻐﯩﺮ ﺩﻩﺧﻠﻰ ﻗﯩﻠﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ.

ﺩﻭﻛﻼﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻳﺪﯨﻜﻰ ﺗﯘﻧﺠﻰ ﺋﻪﻳﺪﯨﺰ ﺑﯩﻤﺎﺭﻯ 1989- ﻳﯩﻠﻰ ﺑﺎﻳﻘﺎﻟﻐﺎﻥ ﺑﻮﻟﯘﭖ، 2002- ﻳﯩﻠﯩﻐﺎ ﻛﻪﻟﮕﻪﻧﺪﻩ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺭﻩﺳﻤﯩﻲ ﺳﺎﻧﻠﯩﻖ ﻣﻪﻟﯘﻣﺎﺗﻠﯩﺮﯨﺪﺍ ﺧﯩﺘﺎﻳﺪﯨﻜﻰ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭﻧﯩﯔ ﺳﺎﻧﻰ 1 ﻣﯩﻠﻴﻮﻧﺪﯨﻦ 1.5 ﻣﯩﻠﻴﻮﻧﻐﯩﭽﻪ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﻰ ﺗﻪﺧﻤﯩﻦ ﺋﯧﺘﯩﻠﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﻳﯧﻘﯩﻨﻘﻰ ﺳﺎﻧﻠﯩﻖ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ، ﻫﺎﺯﯨﺮ ﺧﯩﺘﺎﻳﺪﺍ ﺋﻪﻳﺪﯨﺰ ﯞﯨﺮﯗﺳﯩﻨﻰ ﺋﯧﻠﯩﭗ ﻳﯜﺭﮔﯜﭼﯩﻠﻪﺭﻧﯩﯔ ﺳﺎﻧﻰ 650 ﻣﯩﯔ ﻧﻪﭘﻪﺭﮔﻪ ﻳﯧﺘﯩﺪﯨﻜﻪﻥ.

ﻟﯧﻜﯩﻦ ﺩﻭﻛﻼﺗﺘﺎ، ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﻣﯚﻟﭽﻪﺭﻟﯩﺮﯨﺪﯨﻦ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﻣﯚﻟﭽﻪﺭ ﻣﯧﺘﻮﺩﻭﻟﻮﮔﯩﻴﯩﺴﻰ ﯞﻩ ﺋﯩﺶ ﺗﻪﺭﺗﯩﭙﯩﺪﯨﻜﻰ ﺋﯚﺯﮔﯩﺮﯨﺶ ﺟﻪﻫﻪﺗﺘﯩﻦ ﺋﺎﻟﻐﺎﻧﺪﺍ، ﻳﯘﻗﯩﺮﯨﻘﻰ ﻣﯚﻟﭽﻪﺭ ﺳﺎﻥ ﺑﻪﻙ ﺗﯚﯞﻩﻥ ﺑﻮﻟﯘﭖ ﻗﺎﻟﻐﺎﻥ ﺋﯩﻜﻪﻥ.

ﺋﯘﻳﻐﯘﺭ ﺋﯧﻠﯩﺪﻩ ﻛﯜﻧﯩﮕﻪ ﺋﻮﺗﺘﯘﺭﺍ ﻫﯧﺴﺎﺏ ﺑﯩﻠﻪﻥ17 ﺋﺎﺩﻩﻡ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻠﯩﻨﯩﺪﯗ

ﺩﻩﺭﯞﻩﻗﻪ، ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ 2006- ﻳﯩﻠﻰ 30 - ﻧﻮﻳﺎﺑﯩﺮ ﺋﯜﺭﯛﻣﭽﯩﺪﯨﻦ ﺑﻪﺭﮔﻪﻥ ﺋﻪﻳﺪﯨﺰ ﻳﯘﻗﯘﻣﻠﯩﻨﯩﺶ ﺋﻪﻫﯟﺍﻟﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﮔﻪ ﻗﺎﺭﯨﻐﺎﻧﺪﺍ، 2005- ﻳﯩﻠﻰ 9- ﺋﺎﻳﺪﯨﻦ 2006- ﻳﯩﻠﻰ 9 - ﺋﺎﻳﻐﯩﭽﻪ، ﺋﯘﻳﻐﯘﺭ ﺋﯧﻠﯩﺪﻩ 6000 ﺋﺎﺩﻩﻡ ﻳﯧﯖﯩﺪﯨﻦ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻥ ﺑﻮﻟﯘﭖ، ﻳﯘﻗﯘﻣﻠﯩﻨﯩﺶ ﻧﯩﺴﺒﯩﺘﻰ ﻛﯜﻧﯩﮕﻪ ﺋﻮﺗﺘﯘﺭﺍ ﻫﯧﺴﺎﺏ ﺑﯩﻠﻪﻥ17 ﺋﺎﺩﻩﻣﺪﯨﻦ ﺗﻮﻏﺮﺍ ﻛﻪﻟﮕﻪﻥ. ﺧﻪﯞﻩﺭﺩﻩ ﻳﻪﻧﻪ، 2006- ﻳﯩﻠﻰ 9- ﺋﺎﻳﻐﯩﭽﻪ ﺋﯘﻳﻐﯘﺭ ﺋﯧﻠﯩﺪﻩ ﺋﻪﻳﺪﯨﺰ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭﻧﯩﯔ ﺳﺎﻧﻰ 60 ﻣﯩﯖﺪﯨﻦ ﺋﯧﺸﯩﭗ ﻛﻪﺗﻜﻪﻧﻠﯩﻜﻰ ﻛﯚﺭﺳﯩﺘﯩﻠﮕﻪﻥ.

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺧﯩﺘﺎﻱ ﺋﯩﺸﻠﯩﺮﻯ ﻛﻮﻣﯩﺘﯧﺘﻰ ﺗﻪﻳﻴﺎﺭﻟﯩﻐﺎﻥ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﻰ ﻫﻪﻗﻘﯩﺪﯨﻜﻰ ﺩﻭﻛﻼﺗﺘﺎ، 2007- ﻳﯩﻠﯩﻨﯩﯔ ﺩﻩﺳﻠﻪﭘﻜﻰ ﻳﯧﺮﯨﻤﯩﺪﺍ ﺧﯩﺘﺎﻳﺪﺍ ﻳﯧﯖﯩﺪﯨﻦ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭﻧﯩﯔ ﺳﺎﻧﻰ 18 ﻣﯩﯔ 543 ﺋﯩﻜﻪﻧﻠﯩﻜﯩﻨﻰ، ﺑﯘﻧﯩﯔ 2006- ﻳﯩﻠﯩﺪﺍ ﻳﯘﻗﯘﻣﻼﻧﻐﺎﻥ ﻛﯩﺸﯩﻠﻪﺭﻧﯩﯔ ﺋﻮﻣﯘﻣﯩﻲ ﺳﺎﻧﯩﺪﯨﻦ ﺋﯧﺸﯩﭗ ﻛﯧﺘﯩﺪﯨﻐﺎﻧﻠﯩﻘﻰ، ﺧﯩﺘﺎﻳﺪﺍ ﻫﻪﺭ ﻛﯜﻧﻰ ﺗﻪﺧﻤﯩﻨﻪﻥ 200 ﺋﺎﺩﻩﻣﻨﯩﯔ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻠﯩﻨﯩﺪﯨﻐﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺋﻪﻳﺪﯨﺰ ﭘﺎﺋﺎﻟﯩﻴﻪﺗﭽﯩﻠﯩﺮﻯ ﻛﻪﻣﺴﯩﺘﯩﺸﻜﻪ ﯞﻩ ﭘﺎﺭﺍﻛﻪﻧﺪﯨﭽﯩﻠﯩﻜﻜﻪ ﺋﯘﭼﺮﺍﭖ ﻛﻪﻟﺪﻯ

ﺩﻭﻛﻼﺗﻨﯩﯔ ﺑﯘ ﻗﯩﺴﻤﯩﺪﺍ، ﺧﯩﺘﺎﻳﺪﺍ ﺋﻪﻳﺪﯨﺰ ﮔﻪ ﻗﺎﺭﺷﻰ ﻛﯜﺭﻩﺵ ﻗﯩﻠﯩﺸﻰ ﻣﻪﻟﯘﻡ ﺟﻪﻫﻪﺗﺘﯩﻦ ﻣﯘﺋﻪﻳﻴﻪﻥ ﺋﯩﻠﮕﯩﺮﯨﻠﻪﺷﻠﻪﺭﻧﻰ ﻫﺎﺳﯩﻞ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﻪﻳﺪﯨﺰ ﺑﯩﻤﺎﺭﻟﯩﺮﻯ ﯞﻩ ﺋﻪﻳﺪﯨﺰ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﯨﻨﯩﯔ ﻛﻪﻣﺴﯩﺘﯩﺸﯩﮕﻪ ﯞﻩ ﭘﺎﺭﺍﻛﻪﻧﺪﯨﭽﯩﻠﯩﻚ ﺳﯧﻠﯩﺸﯩﻐﺎ ﺋﯘﭼﺮﺍﭖ ﻛﻪﻟﮕﻪﻧﻠﯩﻜﻰ ﻛﯚﺭﺳﯩﺘﯩﻠﮕﻪﻥ، ﺑﯘﻧﯩﯔ ﻣﯩﺴﺎﻟﻰ ﻫﻪﻗﻘﯩﺪﻩ ﺧﯩﺘﺎﻳﺪﺍ ﺋﻪﻳﺪﯨﺰ ﺑﯩﻠﻪﻥ ﻳﯘﻗﯘﻣﻠﯩﻨﯩﺶ ﺋﻪﯓ ﺋﯧﻐﯩﺮ ﺑﻮﻟﻐﺎﻥ ﺧﯧﻨﻪﻥ ﺋﯚﻟﻜﯩﺴﯩﺪﯨﻜﻰ ﺋﻪﻳﺪﯨﺰ ﻳﯧﺰﯨﺴﻰ ‏- ﺷﻴﯘﯕﭽﺎﯞ ﻳﯧﺰﯨﺴﯩﺪﺍ ﺳﺎﻗﭽﯩﻼﺭﻧﯩﯔ ﺑﯘ ﻳﯧﺰﯨﻐﺎ ﺑﺎﺳﺘﯘﺭﯗﭖ ﻛﯩﺮﯨﭗ ﻳﻪﺭﻟﯩﻜﻠﻪﺭﻧﯩﯔ ﺋﯚﻳﻠﯩﺮﯨﻨﻰ ﭼﺎﻗﻘﺎﻥ ﯞﻩ ﻣﺎﻝ ﺑﯩﺴﺎﺗﯩﻨﻰ ﯞﻩﻳﺮﺍﻥ ﻗﯩﻠﯩﭗ، ﻫﯚﻛﯜﻣﻪﺕ ﯞﻩﺩﻩ ﻗﯩﻠﻐﺎﻥ ﺋﻪﻳﺪﯨﺰ ﻛﯧﺴﯩﻠﻰ ﺩﺍﯞﺍﻟﯩﻨﯩﺶ ﻳﺎﺭﺩﻩﻡ ﭘﯘﻟﯩﻨﻰ ﺗﻪﻟﻪﭖ ﻗﯩﻠﯩﭗ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﺎﺭﻏﺎﻥ 13 ﺋﺎﺩﻩﻣﻨﻰ ﻗﻮﻟﻐﺎ ﺋﺎﻟﻐﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ.

ﺋﯘﻳﻐﯘﺭ ﺋﯧﻠﯩﺪﻩ ﺑﻮﻟﺴﺎ، 2006- ﺋﯚﻛﺘﻪﺑﯩﺮﺩﻩ ﺧﯩﺘﺎﻱ ﻳﻪﺭﻟﯩﻚ ﻫﺎﻛﯩﻤﯩﻴﯩﺘﯩﻨﯩﯔ ﺋﯜﺭﯛﻣﭽﯩﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻗﺎﺭ ﻟﻪﻳﻠﯩﺴﻰ ﺋﻪﻳﺪﯨﺰ ﺟﻪﻣﺌﯩﻴﯩﺘﯩﻨﻰ ﺗﺎﻗﯩﯟﻩﺗﻜﻪﻧﻠﯩﻜﻰ ﻛﯚﺭﺳﯩﺘﯩﻠﮕﻪﻥ ﺑﻮﻟﯘﭖ، ﺭﺍﺩﯨﺌﻮﻣﯩﺰ ﺷﯘ ﯞﺍﻗﯩﺘﺘﺎ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﻳﻪﺭﻟﯩﻚ ﺳﺎﻗﭽﻰ ﺩﺍﺋﯩﺮﯨﻠﯩﺮﻯ ﻣﻪﺯﻛﯘﺭ ﺗﻪﺷﻜﯩﻼﺗﻨﯩﯔ ﺑﺎﺷﻠﯩﻘﻰ ﭼﺎﯓ ﻛﯜﻧﮕﻪ ﺗﻪﻫﺪﯨﺖ ﺳﺎﻟﻐﺎﻥ ﺋﯩﻜﻪﻥ.

ﺋﻪﻣﻤﺎ، ﻳﻪﺭﻟﯩﻚ ﺳﺎﻗﭽﻰ ﺋﯩﺪﺍﺭﯨﻠﯩﺮﻯ ﻗﺎﺭﻟﻪﻳﻠﯩﺴﻰ ﺋﻪﻳﺪﯨﺰ ﺗﻪﺷﻜﯩﻼﺗﯩﻨﯩﯔ ﻗﺎﻧﯘﻧﺴﯩﺰ ﻫﺎﻟﺪﺍ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﺎﺭﻏﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﻣﻪﺯﻛﯘﺭ ﺗﻪﺷﻜﯩﻼﺗﯩﻨﯩﯔ ﻗﯘﺭﻏﯘﭼﯩﺴﻰ ﺭﺍﺩﯨﺌﻮﻣﯩﺰﻏﺎ، ﺋﯜﺭﯛﻣﭽﻰ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﻳﺎﻟﻐﺎﻥ ﺋﯧﻴﺘﻘﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ، ﺋﯚﺯﻟﯩﺮﯨﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻳﻪﺭﻟﯩﻚ ﺳﻪﻫﯩﻴﻪ ﺋﻮﺭﮔﺎﻧﻠﯩﺮﻯ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﭗ ﻧﯘﺭﻏﯘﻥ ﺧﯩﺰﻣﻪﺗﻠﻪﺭﻧﻰ ﺋﯩﺸﻠﯩﮕﻪﻧﻠﯩﻜﯩﻨﻰ ﻫﻪﻣﺪﻩ ﻳﻪﺭﻟﯩﻚ ﺋﺎﺧﺒﺎﺭﺍﺕ ﺋﻮﺭﮔﺎﻧﻠﯩﺮﯨﻨﯩﯔ ﺋﯘﻻﺭﻧﯩﯔ ﺧﯩﺰﻣﯩﺘﯩﻨﻰ ﻛﻪﯓ ﺗﻪﺷﯟﯨﻖ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺋﻪﺳﻠﯩﺪﻩ ﺑﯘ ﺋﻪﻳﺪﯨﺰ ﺗﻪﺷﻜﯩﻼﺗﯩﻨﯩﯔ ﺗﺎﻗﯩﯟﯦﺘﯩﻠﯩﺸﯩﮕﻪ ﺑﯩﺮﺩﯨﻦ ‏- ﺑﯩﺮ ﺳﻪﯞﻩﺏ ﺑﻮﻟﻐﺎﻥ ﻧﻪﺭﺳﻪ ﺋﯘﻻﺭﻧﯩﯔ ﺋﯜﺭﯛﻣﭽﻰ ﺷﻪﻫﻪﺭﻟﯩﻚ 15- ﺋﻮﺗﺘﯘﺭﺍ ﻣﻪﻛﺘﻪﭘﺘﯩﻦ ﺏ ﺗﯩﭙﻠﯩﻖ ﺟﯩﮕﻪﺭ ﻳﺎﻟﻠﯘﻏﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻠﯩﻘﻰ ﺳﻪﯞﻩﺑﻠﯩﻚ ﻣﻪﻛﺘﻪﭘﺘﯩﻦ ﭼﯧﻜﯩﻨﺪﯛﺭﯛﻟﮕﻪﻧﻠﻪﺭﻧﯩﯔ ﻣﺎﻫﯩﻴﻪﺕ ﺟﻪﻫﻪﺗﺘﻪ ﺑﯩﺮ ﺧﯩﻞ ﻛﻪﻣﺴﯩﺘﯩﺶ ﺋﯩﻜﻪﻧﻠﯩﻜﯩﻨﻰ ﺋﺎﺧﺒﺎﺭﺍﺕ ﺳﺎﻫﻪﺳﯩﮕﻪ ﺋﺎﺷﻜﺎﺭﯨﻠﯩﻐﺎﻧﻠﯩﻘﻰ ﺑﻮﻟﻐﺎﻥ ﺋﯩﻜﻪﻥ.

ﺧﯩﺘﺎﻳﺪﺍ ﺗﯩﭙﻠﯩﻖ ﺟﯩﮕﻪﺭ ﻳﺎﻟﻠﯘﻏﻰ ﯞﯨﺮﯗﺳﯩﻨﻰ ﺋﯧﻠﯩﭗ ﻳﯜﺭﮔﯜﭼﯩﻠﻪﺭﻣﯘ ﻛﻪﻣﺴﯩﺘﯩﻠﯩﺸﻜﻪ ﺋﯘﭼﺮﺍﻳﺪﯗ

ﺋﯘﻧﯩﯖﺪﯨﻦ ﺑﺎﺷﻘﺎ ﻣﻪﺯﻛﯘﺭ ﺩﻭﻛﻼﺗﺘﺎ ﻳﻪﻧﻪ، ﺧﯩﺘﺎﻳﺪﯨﻜﻰ ﺏ ﺗﯩﭙﻠﯩﻖ ﺟﯩﮕﻪﺭ ﻳﺎﻟﻠﯘﻏﻰ ﯞﻩ ﺋﯘﻧﯩﯔ ﻳﯘﻗﯘﻡ ﺋﻪﻫﯟﺍﻟﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻳﺪﺍ 120 ﻣﯩﻠﻴﻮﻥ ﺏ ﺗﯩﭙﻠﯩﻖ ﺟﯩﮕﻪﺭ ﻳﺎﻟﻠﯘﻏﻰ ﯞﯨﺮﯗﺳﯩﻨﻰ ﺋﯧﻠﯩﭗ ﻳﯜﺭﮔﯜﭼﯩﻠﻪﺭ ﺑﺎﺭ ﺑﻮﻟﯘﭖ ﭘﯜﺗﯜﻥ ﺩﯗﻧﻴﺎ ﻣﯩﻘﻴﺎﺳﯩﺪﯨﻜﻰ 400 ﻣﯩﻠﻴﻮﻥ ﺏ ﺗﯩﭙﻠﯩﻖ ﺟﯩﮕﻪﺭ ﻳﺎﻟﻠﯘﻏﻰ ﯞﯨﺮﯗﺳﯩﻨﻰ ﺋﯧﻠﯩﭗ ﻳﯜﺭﮔﯜﭼﯩﻠﻪﺭﻧﯩﯔ 30 ﭘﯩﺮﺳﻪﻧﺘﻰ ﺧﯩﺘﺎﻳﺪﺍ ﺋﯩﻜﻪﻥ.

ﺩﻭﻛﻼﺗﺘﺎ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﮔﻪﺭﭼﻪ ﻣﯘﺗﻪﺧﻪﺳﺴﯩﺴﻠﻪﺭ ﺏ ﺗﯩﭙﻠﯩﻖ ﺟﯩﮕﻪﺭ ﻳﺎﻟﻠﯘﻏﯩﻨﯩﯔ ﻣﻪﻛﺘﻪﭖ ﯞﻩ ﺧﯩﺰﻣﻪﺕ ﻣﯘﻫﯩﺘﯩﺪﺍ ﻳﯘﻗﯘﻣﻠﯩﻨﯩﺶ ﻛﻪﻟﺘﯜﺭﯛﭖ ﭼﯩﻘﺎﺭﻣﺎﻳﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻳﺪﺍ، ﺏ ﺗﯩﭙﻠﯩﻖ ﺟﯩﮕﻪﺭ ﻳﺎﻟﻠﯘﻏﻰ ﻗﺎﺗﺎﺭﻟﯩﻖ ﻛﯧﺴﻪﻟﻠﯩﻜﻠﻪﺭ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭﻧﯩﯔ ﻛﻪﻣﺴﯩﺘﯩﻠﯩﺸﻜﻪ ﺋﯘﭼﺮﺍﻳﺪﯨﻐﺎﻧﻠﯩﻘﻰ ﻫﻪﻣﺪﻩ ﺷﯘ ﺳﻪﯞﻩﺏ ﺑﯩﻠﻪﻥ ﺧﯩﺰﻣﻪﺕ ﯞﻩ ﺋﻮﻗﯘﺵ ﭘﯘﺭﺳﯩﺘﯩﺪﯨﻦ ﻣﻪﻫﺮﯗﻡ ﻗﺎﻟﺪﯗﺭﯗﻟﯩﺪﯨﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ ﺑﻮﻟﯘﭖ، ﺑﯘﻧﯩﯖﺪﺍ 2005- ﻳﯩﻠﻰ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﯩﻜﻜﻰ ﺋﯘﻧﯩﯟﯦﺮﺳﯩﺘﯧﺘﺘﺎ ﺏ ﺗﯩﭙﻠﯩﻖ ﺟﯩﮕﻪﺭ ﻳﺎﻟﻠﯘﻏﻰ ﺑﺎﻳﻘﺎﻟﻐﺎﻥ 156 ﻧﻪﭘﻪﺭ ﺋﻮﻗﯘﻏﯘﭼﯩﻨﯩﯔ ﺋﻮﻗﯘﺷﺘﯩﻦ ﺗﻮﺧﺘﯩﺘﯩﭗ ﻗﻮﻳﯘﻟﻐﺎﻧﻠﯩﻘﻰ ﯞﻩ 2006- ﺳﯧﻨﺘﻪﺑﯩﺮﺩﻩ ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﻣﺎﺋﺎﺭﯨﭗ ﺧﺎﺩﯨﻤﻠﯩﺮﯨﻨﯩﯔ، ﺏ ﺗﯩﭙﻠﯩﻖ ﺟﯩﮕﻪﺭ ﻳﺎﻟﻠﯘﻏﻰ ﺑﺎﻳﻘﺎﻟﻐﺎﻥ 19 ﻧﻪﭘﻪﺭ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﺴﯩﻨﻰ ﻣﻪﻛﺘﻪﭘﺘﯩﻦ ﻫﻪﻳﺪﻩﭖ ﭼﯩﻘﯩﺮﯨﯟﻩﺗﻜﻪﻧﻠﯩﻜﻰ ﻛﯚﺭﺳﯩﺘﯩﻠﮕﻪﻥ.

ﺧﯩﺘﺎﻱ ﺩﺍﯞﺍﻟﯩﻨﯩﺶ ﺳﯩﺴﺘﯧﻤﯩﺴﯩﺪﺍ ﻧﯘﻗﺴﺎﻧﻼﺭ ﺑﻪﻙ ﺋﯧﻐﯩﺮ

ﺩﻭﻛﻼﺗﻨﯩﯔ ﺧﯩﺘﺎﻳﻨﯩﯔ ﺩﺍﯞﺍﻻﺵ ﺳﯩﺴﺘﯧﻤﯩﺴﯩﺪﯨﻜﻰ ﻧﯘﻗﺴﺎﻧﻼﺭ ﻛﯚﺭﺳﯩﺘﯩﻠﮕﻪﻥ ﻗﯩﺴﻤﯩﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﯩﺸﯩﭽﻪ، ﺩﯦﻬﻘﺎﻧﻼﺭﻧﯩﯔ ﺩﺍﯞﺍﻟﯩﻨﯩﺶ ﺋﻪﻫﯟﺍﻟﯩﺪﺍ ﻛﯚﺭﯛﻧﻪﺭﻟﯩﻚ ﺋﯩﻠﮕﯩﺮﯨﻠﻪﺵ ﺑﻮﻟﻤﯩﻐﺎﻥ ﺑﻮﻟﯘﭖ، 1980- ﻳﯩﻠﻼﺭﺩﺍ ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ ﻳﯧﺰﺍ ﺩﺍﯞﺍﻟﯩﻨﯩﺶ ﺳﯘﻏﯘﺭﺗﺎ ﺳﯩﺴﺘﯧﻤﯩﺴﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﻏﺎﻥ ﺑﻮﻟﺴﯩﻤﯘ، ﺋﻪﻣﻤﺎ 2003 ‏- ﻳﯩﻠﻐﺎ ﻗﻪﺩﻩﺭ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﻐﺎﻥ ﺳﯩﺴﺘﯧﻤﯩﻨﯩﯔ ﺋﻮﺭﻧﯩﻐﺎ ﻳﯧﯖﻰ ﺑﯩﺮ ﺳﯩﺴﺘﯧﻤﯩﻨﻰ ﺩﻩﺳﺴﻪﺗﻤﯩﮕﻪﻧﻠﯩﻜﻰ ﻛﯚﺭﺳﯩﺘﯩﻠﯩﭗ، 1977- ﻳﯩﻠﯩﺪﯨﻦ 2002- ﻳﯩﻠﻐﺎ ﻛﻪﻟﮕﯜﭼﻪ، ﺧﯩﺘﺎﻱ ﻳﯧﺰﯨﻠﯩﺮﯨﺪﺍ ﺧﯩﺰﻣﻪﺕ ﻗﯩﻠﯩﺪﯨﻐﺎﻥ ﺩﻭﺧﺘﯘﺭﻻﺭﻧﯩﯔ ﺳﺎﻧﻰ 1.8 ﻣﯩﻠﻴﻮﻧﺪﯨﻦ 800 ﻣﯩﯖﻐﺎ ﭼﯜﺷﯜﭖ ﻗﺎﻟﻐﺎﻧﻠﯩﻘﻰ، 80 ﭘﯩﺮﺳﻪﻧﺘﺘﯩﻦ ﺋﺎﺭﺗﯘﻕ ﺩﻩﯞﺍﻻﺵ ﻣﻪﻧﺒﻪﻟﯩﺮﯨﻨﯩﯔ ﺷﻪﻫﻪﺭﻟﻪﺭﮔﻪ ﻣﻪﺭﻛﻪﺯﻟﻪﺷﻜﻪﻧﻠﯩﻜﻰ، ﺷﻪﻫﻪﺭﻟﻪﺭﺩﻩ ﻳﺎﺷﺎﻳﺪﯨﻐﺎﻥ ﻛﯩﺸﯩﻠﻪﺭﻧﯩﯔ ﺋﻮﺗﺘﯘﺭﯨﭽﻪ ﺋﯚﻣﺮﯨﻨﯩﯔ ﻳﯧﺰﯨﺪﺍ ﻳﺎﺷﺎﻳﺪﯨﻐﺎﻧﻼﺭﺩﯨﻦ 12 ﻳﯩﻞ ﻛﯚﭖ ﺑﻮﻟﯩﺪﯨﻐﺎﻧﻠﯩﻘﻰ ﻫﻪﻣﺪﻩ، ﻳﯧﺰﯨﻼﺭﺩﺍ ﺑﻮﯞﺍﻗﻼﺭﻧﯩﯔ ﺋﯚﻟﯜﺵ ﻧﯩﺴﺒﯩﺘﯩﻨﯩﯔ ﺷﻪﻫﻪﺭﻟﻪﺭﺩﯨﻜﯩﮕﻪ ﻗﺎﺭﯨﻐﺎﻧﺪﺍ 9 ﻫﻪﺳﺴﻪ ﻳﯘﻗﯩﺮﻯ ﺑﻮﻟﯩﺪﯨﻐﺎﻧﻠﯩﻘﻰ ﺋﺎﺷﻜﺎﺭﯨﻼﻧﻐﺎﻥ.

ﺧﯩﺘﺎﻱ ﺩﯦﻬﻘﺎﻧﻠﯩﺮﯨﻨﯩﯔ 50 ﭘﯩﺮﺳﻪﻧﺘﻰ ﺩﺍﯞﺍﻟﯩﻨﯩﺶ ﺳﯘﻏﯘﺭﺗﯩﺴﻰ ﺋﺎﻟﻤﺎﻳﺪﯗ

ﺩﻭﻛﻼﺗﻨﯩﯔ ﺑﯘ ﻗﯩﺴﻤﯩﺪﺍ ﻳﻪﻧﻪ، ﮔﻪﺭﭼﻪ 2003- ﻳﯩﻠﯩﺪﯨﻦ ﺑﺎﺷﻼﭖ ﺧﯩﺘﺎﻱ ﻳﯧﺰﯨﻠﯩﺮﯨﺪﺍ ﺑﯩﺮﻟﻪﺷﻤﻪ ﺩﺍﯞﺍﻻﺵ ﺳﯩﺴﺘﯧﻤﯩﺴﻰ ﻳﻮﻟﻐﺎ ﻗﻮﻳﯘﻟﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﻪﺯﻯ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺧﯩﺘﺎﻱ ﺋﻪﻣﻪﻟﺪﺍﺭﻟﯩﺮﻯ ﯞﻩ ﻣﯘﺗﻪﺧﻪﺳﺴﯩﺴﻠﻪﺭ ﺧﯩﺘﺎﻳﺪﺍ ﻳﻮﻟﻐﺎ ﻗﻮﻳﯘﻟﻐﺎﻥ ﻣﻪﺯﻛﯘﺭ ﺩﺍﯞﺍﻻﺵ ﺗﯜﺯﯛﻣﯩﺪﯨﻜﻰ ﺋﺎﺩﯨﻠﻠﯩﻘﻘﺎ ﯞﻩ ﺋﯜﻧﯜﻣﺪﺍﺭﻟﯩﻘﻘﺎ ﮔﯘﻣﺎﻧﯩﻲ ﻧﻪﺯﻩﺭ ﺑﯩﻠﻪﻥ ﻗﺎﺭﺍﻳﺪﯨﻐﺎﻥ ﺑﻮﻟﯘﭖ، ﺧﯩﺘﺎﻱ ﻳﯧﺰﯨﻠﯩﺮﯨﺪﺍ ﺩﯦﻬﻘﺎﻧﻼﺭﻧﯩﯔ 50 ﭘﯩﺮﺳﻪﻧﺘﻰ ﺩﺍﯞﺍﻟﯩﻨﯩﺶ ﺳﯘﻏﯘﺭﺗﺎ ﻫﻪﻗﻘﯩﻨﻰ ﻗﯩﻤﻤﻪﺕ ﻛﯚﺭﯛﭖ ﺳﯘﻏﯘﺭﺗﺎ ﺋﺎﻟﻤﺎﻳﺪﯨﻐﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺑﻮﻟﺴﺎ، ﻳﯧﺰﯨﻼﺭﺩﺍ ﻗﺎﺯﺍ ﻗﯩﻠﻐﺎﻥ ﺑﺎﻟﯩﻼﺭﻧﯩﯔ ﻳﯧﺮﯨﻤﻰ ﺩﯦﮕﯜﺩﻩﻙ ﺩﺍﯞﺍﻟﯩﻨﯩﺸﻘﺎ ﺋﯧﺮﯨﺸﻪﻟﻤﻪﻱ ﺋﯚﻟﯜﭖ ﻛﯧﺘﯩﺪﯨﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ.

ﺩﻭﻛﻼﺗﺘﺎ، ﺧﯩﺘﺎﻱ ﺋﯩﺠﺘﯩﻤﺎﺋﯩﻲ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﻰ ﺋﯧﻠﯩﭗ ﺑﺎﺭﻏﺎﻥ " ﺋﯩﻨﺎﻕ ﺟﻪﻣﺌﯩﻴﻪﺕ ﺑﻪﺭﭘﺎ ﻗﯩﻠﯩﺸﻘﺎ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻥ ﺋﺎﻣﯩﻠﻼﺭ" ﻧﺎﻣﻠﯩﻖ ﺗﻪﻛﺸﯜﺭﯛﺵ ﺩﻭﻛﻼﺗﯩﺪﯨﻦ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻳﺪﺍ ﻫﺎﺯﯨﺮ ﺩﺍﯞﺍﻟﯩﻨﯩﺶ ﭼﯩﻘﯩﻤﻰ ﺑﺎﺭﻏﺎﻧﭽﻪ ﺋﯧﻐﯩﺮﻟﯩﺸﯩﭗ ﺑﯧﺮﯨﯟﺍﺗﻘﺎﻥ ﺑﻮﻟﯘﭖ، ﻣﻪﺯﻛﯘﺭ ﭼﯩﻘﯩﻢ ﺋﺎﺩﻩﺗﺘﯩﻜﻰ ﺑﯩﺮ ﺋﺎﺋﯩﻠﯩﻨﯩﯔ ﻳﯩﻠﻠﯩﻖ ﺋﻮﻣﯘﻣﯩﻲ ﻛﯩﺮﯨﻤﯩﻨﯩﯔ 11.8 ﭘﯩﺮﺳﻪﻧﺘﯩﻨﻰ ﺋﯩﮕﯩﻠﻪﻳﺪﯨﻜﻪﻥ. (ﺟﯜﻣﻪ)