ﻛﯩﺸﯩﻠﯩﻚ ﻫﻮﻗﯘﻕ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺋﺎﻣﺴﺘﯧﺮﺩﺍﻣﻐﺎ ﻛﻪﻟﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯘ ﻛﯩﺸﻠﯩﻚ ﻫﻮﻗﯘﻕ ﻣﻪﺷﺌﯩﻠﯩﻨﯩﯔ ﺑﺎﺷﻠﯩﻨﯩﺶ ﻧﯘﻗﺘﯩﺴﻰ ﺋﺎﻓﯩﻨﺎﺩﯨﻜﻰ ﻛﯚﺭﯛﻧﯜﺷﻰ. AFP Photo

ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻛﯩﺸﯩﻠﯩﻚ ﻫﻮﻗﯘﻗﻰ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺑﯘ ﻳﯩﻞ 8 ‏- ﺋﺎﻳﺪﺍ ﮔﺮﯦﺘﺴﯩﻴﻪ ﭘﺎﻳﺘﻪﺧﺘﻰ ﺋﺎﻓﯧﻨﺎﺩﺍ ﺑﺎﺷﻠﯩﻨﯩﭗ، ﺭﻭﻣﺎﻧﯩﻴﻪ، ﺋﺎﯞﺳﺘﯩﺮﯨﻴﻪ، ﺳﻼﯞﺍﻛﯩﻴﻪ، ﻟﯩﺘﯟﺍ ﻗﺎﺗﺎﺭﻟﯩﻖ ﻳﺎﯞﺭﻭﭘﺎ ﺩﯙﻟﻪﺗﻠﯩﺮﯨﻨﻰ ﺑﯧﺴﯩﭗ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺋﯚﺗﻜﻪﻥ ﻫﻪﭘﺘﻪ ﮔﻮﻟﻼﻧﺪﯨﻴﻪ ﭘﺎﻳﺘﻪﺧﺘﻰ ﺋﺎﻣﺴﺘﯧﺮﺩﺍﻣﻐﺎ ﻳﯧﺘﯩﭗ ﻛﻪﻟﺪﻯ ﯞﻩ ﺋﺎﻣﺴﺘﯧﺮﺩﺍﻣﺪﺍ ﻛﯜﺗﯩﯟﯦﻠﯩﺶ ﭘﺎﺋﺎﻟﯩﻴﯩﺘﻰ ﺋﯚﺗﻜﯜﺯﯛﻟﺪﻯ.

ﮔﻮﻟﻼﻧﺪﯨﻴﻪ، ﻛﯩﺸﯩﻠﯩﻚ ﻫﻮﻗﯘﻗﻰ ﻣﻪﺷﺌﯩﻠﻰ ﺑﯧﺴﯩﭗ ﺋﯚﺗﯩﺪﯨﻐﺎﻥ ﺋﻪﻟﻠﻪﺭ ﺋﯩﭽﯩﺪﻩ ﺳﯩﻤﯟﻭﻟﻠﯘﻕ ﺋﻪﻫﻤﯩﻴﯩﺘﻰ ﺯﻭﺭ ﺩﯙﻟﻪﺗﻠﻪﺭﻧﯩﯔ ﺑﯩﺮﻯ ﺑﻮﻟﯘﭖ، ﺑﯘﻧﯩﯔ ﺋﻪﻫﻤﯩﻴﯩﺘﻰ ﺧﻪﻟﻘﺌﺎﺭﺍ ﺳﻮﺕ ﻣﻪﻫﻜﯩﻤﯩﺴﯩﻨﯩﯔ ﮔﻮﻟﻼﻧﺪﯨﻴﯩﮕﻪ ﺟﺎﻳﻼﺷﻘﺎﻧﻠﯩﻘﻰ ﺷﯘﻧﺪﺍﻗﻼ ﮔﻮﻟﻼﻧﺪﯨﻴﻪ ﺧﯩﺘﺎﻱ ﺳﺎﻳﺎﻫﻪﺗﭽﯩﻠﯩﺮﻯ ﺋﻪﯓ ﻛﯚﭖ ﺳﺎﻳﺎﻫﻪﺕ ﻗﯩﻠﯩﺪﯨﻐﺎﻥ ﺩﯙﻟﻪﺕ ﺑﻮﻟﻐﺎﻧﻠﯩﻘﯩﺪﯗﺭ. ﻛﯩﺸﯩﻠﯩﻚ ﻫﻮﻗﯘﻗﻰ ﺯﯨﻴﺎﻧﻜﻪﺷﻠﯩﻜﻰ، ﻓﺎﻟﯘﻧﮕﻮﯓ ﯞﻩ ﺩﯨﻨﯩﻲ ﮔﯘﺭﯗﻫﻼﺭﻏﺎ ﺯﻩﺭﺑﻪ ﺑﯧﺮﯨﺶ، ﺋﯚﻟﯜﻡ ﺟﺎﺯﺍﺳﻰ ﺷﯘﻧﺪﺍﻗﻼ ﺗﯩﺒﻪﺕ ﻫﻪﻡ ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﮕﻪ ﻗﺎﺭﺷﻰ ﺗﯘﺭﯛﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ ﻛﯩﺸﯩﻠﯩﻚ ﻫﻮﻗﯘﻗﻰ ﻣﻪﺷﺌﯩﻠﻰ، ﮔﻮﻟﻼﻧﺪﯨﻴﯩﺪﻩ ﺋﺎﻟﺪﻯ ﺑﯩﻠﻪﻥ ﺧﻪﻟﻘﺌﺎﺭﺍ ﺳﻮﺕ ﻣﻪﻫﻜﯩﻤﯩﺴﻰ ﺟﺎﻳﻼﺷﻘﺎﻥ ﮔﺎﺋﺎﮔﺎ ﺷﻪﻫﯩﺮﯨﮕﻪ ﺋﯘﻻﺷﺘﯘﺭﯗﻟﺪﻯ ﯞﻩ ﺑﯘ ﻳﻪﺭﺩﯨﻦ ﭘﺎﻳﺘﻪﺧﺖ ﺋﺎﻣﺴﺘﯧﺮﺩﺍﻣﻐﺎ ﻳﻪﺗﻜﯜﺯﯛﻟﺪﻯ. ﺋﺎﻣﺴﺘﯧﺮﺩﺍﻡ ﺧﯩﺘﺎﻱ ﺳﺎﻳﺎﻫﻪﺗﭽﯩﻠﯩﺮﯨﻨﯩﯔ ﯞﻩ ﺧﯩﺘﺎﻱ ﻫﯚﻛﯜﻣﻪﺕ ﺳﺎﻳﺎﻫﻪﺕ ﺋﯚﻣﻪﻛﻠﯩﺮﯨﻨﯩﯔ ﻛﯚﺭﯛﺷﻜﻪ ﺋﺎﻟﺪﯨﺮﺍﻳﺪﯨﻐﺎﻥ ﺳﺎﻳﺎﻫﻪﺕ ﻣﻪﻧﺰﯨﻠﻰ ﺑﻮﻟﯘﭖ، ﺋﺎﻣﺴﺘﯧﺮﺩﺍﻣﺪﯨﻜﻰ " ﻗﯩﺰﯨﻞ ﭼﯩﺮﺍﻍ ﺭﺍﻳﻮﻧﻰ" ﺧﯩﺘﺎﻱ ﺳﺎﻳﺎﻫﻪﺗﭽﯩﻠﯩﺮﯨﻨﻰ ﺋﻪﯓ ﺟﻪﻟﭗ ﻗﯩﻠﯩﺪﯨﻐﺎﻥ ﺳﺎﻳﺎﻫﻪﺗﮕﺎﻫﻼﺭﻧﯩﯔ ﺑﯩﺮﯨﺪﯗﺭ. ﺷﯜﺑﻬﯩﺴﯩﺰﻛﻰ ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻛﯩﺸﯩﻠﯩﻚ ﻫﻮﻗﯘﻗﻰ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ، ﺋﺎﻣﺴﺘﯧﺮﺩﺍﻡ ﯞﻩ ﮔﺎﺋﺎﮔﺎﺩﯨﻜﻰ ﺧﯩﺘﺎﻱ ﺳﺎﻳﺎﻫﻪﺗﭽﯩﻠﯩﺮﯨﻨﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﻤﺎﻱ ﻗﺎﻟﻤﺎﻳﺘﺘﻰ.

"ﺋﯘﻳﻐﯘﺭ ﺋﯩﻠﻰ ﺧﯩﺘﺎﻳﻨﯩﯔ ﺗﯧﻤﯩﺸﯟﺍﺭﺍﺳﻰ ﺑﻮﻟﯘﭖ ﻗﺎﻟﯩﺪﯗ "

ﮔﻮﻟﻼﻧﺪﯨﻴﻪ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺸﻨﻰ ﻗﻮﻟﻼﻳﺪﯨﻐﺎﻥ ﺗﻪﺷﻜﯩﻼﺗﻼﺭﻧﯩﯔ ﺑﯩﺮﻯ ﺑﻮﻟﯘﭖ، ﻣﻪﺯﻛﯘﺭ ﺟﻪﻣﺌﯩﻴﻪﺗﻨﯩﯔ ﺭﻩﺋﯩﺴﻰ ﺑﻪﺧﺘﯩﻴﺎﺭ ﺷﻪﻣﺸﯩﺪﺩﯨﻦ، ﻛﯩﺸﯩﻠﯩﻚ ﻫﻮﻗﯘﻗﻰ ﻣﻪﺷﺌﯩﻠﯩﻨﻰ ﺋﺎﻣﺴﺘﯧﺮﺩﺍﻣﺪﺍ ﺋﺎﻳﻼﻧﺪﯗﺭﯗﺷﻨﯩﯔ ﺋﻪﻫﻤﯩﻴﯩﺘﻰ ﯞﻩ ﮔﻮﻟﻼﻧﺪﯨﻴﯩﺪﯨﻜﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺶ ﭘﺎﺋﺎﻟﯩﻴﯩﺘﻰ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ. ﻛﯩﺸﯩﻠﯩﻚ ﻫﻮﻗﯘﻗﻰ ﻣﻪﺷﺌﯩﻠﻰ ﺋﺎﻣﺴﺘﯧﺮﺩﺍﻣﻐﺎ ﻛﯧﻠﯩﺶ ﺳﻪﭘﯩﺮﯨﺪﻩ ﺑﯧﺴﯩﭗ ﺋﯚﺗﻜﻪﻥ ﻳﺎﯞﺭﻭﭘﺎ ﺷﻪﻫﻪﺭﻟﯩﺮﯨﻨﯩﯔ ﺑﯩﺮﻯ، ﺭﻭﻣﺎﻧﯩﻴﻪ ﻫﺎﺯﯨﺮﻗﻰ ﺯﺍﻣﺎﻥ ﺗﺎﺭﯨﺨﯩﺪﯨﻜﻰ ﻣﻪﺷﻬﯘﺭ ﺷﻪﻫﻪﺭ ﺗﯧﻤﯩﺸﯟﺍﺭﺍﺩﯗﺭ.

ﺗﯧﻤﯩﺸﯟﺍﺭﺍ، ﺭﻭﻣﺎﻧﯩﻴﯩﻨﯩﯔ ﻛﯩﭽﯩﻚ ﺑﯩﺮ ﻛﯚﻣﯜﺭ ﺳﺎﻧﺎﺋﻪﺕ ﻣﻪﺭﻛﯩﺰﻯ ﺑﻮﻟﯘﺷﯩﻐﺎ ﻗﺎﺭﯨﻤﺎﻱ، 1990 ‏-ﻳﯩﻠﻼﺭﺩﯨﻜﻰ ﺩﯗﻧﻴﺎ ﺳﻮﺗﺴﯩﻴﺎﻟﯩﺰﯨﻢ ﻻﮔﯩﺮﯨﻨﯩﯔ ﻳﯩﻘﯩﻠﯩﺶ ﺩﻩﯞﺭﯨﺪﻩ ﻧﺎﻣﻰ ﭼﯩﻘﻘﺎﻥ ﻣﻪﺷﻬﯘﺭ ﺑﯩﺮ ﺟﺎﻱ. ﺑﯘ ﺷﻪﻫﻪﺭﺩﻩ 1989 ‏- ﻳﯩﻠﻰ ﺭﻭﻣﺎﻧﯩﻴﻪ ﺩﯨﻜﺘﺎﺗﯘﺭﻯ ﻧﯩﻜﺠﻮﻻﻱ ﭼﯩﺌﻮﺳﯩﺴﻜﻮﻏﺎ ﻗﺎﺭﺷﻰ ﻛﯚﺗﯜﺭﯛﻟﮕﻪﻥ ﺧﻪﻟﻖ ﻗﻮﺯﻏﯩﻠﯩﯖﻰ، ﺭﻭﻣﺎﻧﯩﻴﯩﺪﻩ ﺳﻮﺗﺴﯩﻴﺎﻟﯩﺰﻣﻨﯩﯔ ﻳﯩﻘﯩﻠﯩﺶ ﯞﻩ ﭼﯩﺌﻮﺳﯧﺴﻜﻮ ﻫﻪﻡ ﺧﺎﻧﯩﻤﻰ ﺋﯧﻠﯩﻨﺎ ﭼﯩﺌﻮﺳﯧﺴﻜﻮﻧﯩﯔ ﺋﯚﻟﯜﻣﻰ ﺑﯩﻠﻪﻥ ﺋﺎﺧﯩﺮﻻﺷﻘﺎﻥ ﺋﯩﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ 1989 ‏- ﻳﯩﻠﻰ ﺗﻴﻪﻧﺌﻪﻧﻤﯧﻦ ﺩﯦﻤﻮﻛﺮﺍﺗﯩﻴﻪ ﻫﻪﺭﯨﻜﯩﺘﯩﻨﯩﯔ ﺋﻮﻗﯘﻏﯘﭼﯩﻼﺭ ﺭﻩﻫﺒﯩﺮﻯ ﺋﯚﺭﻛﻪﺵ ﺩﯙﻟﻪﺗﻨﻰ "ﺋﯘﻳﻐﯘﺭ ﺋﯩﻠﻰ ﺧﯩﺘﺎﻳﻨﯩﯔ ﺗﯧﻤﯩﺸﯟﺍﺭﺍﺳﻰ ﺑﻮﻟﯘﭖ ﻗﺎﻟﯩﺪﯗ ﺩﯦﺪﻯ " ﺩﻩﭖ ﺋﻪﻳﯩﺒﻠﯩﮕﻪﻥ . 4 ‏- ﺋﯩﻴﯘﻥ ﺩﯦﻤﻮﻛﺮﺍﺗﯩﻴﻪ ﻫﻪﺭﯨﻜﯩﺘﻰ ﺭﻩﻫﺒﻪﺭﻟﯩﺮﯨﻨﯩﯔ ﺑﯩﺮﻯ، ﻫﺎﺯﯨﺮ ﻓﺮﺍﻧﺴﯩﻴﯩﻨﯩﯔ ﭘﺎﺭﯨﮋ ﺷﻪﻫﯩﺮﯨﺪﻩ ﻳﺎﺷﺎﻳﺪﯨﻐﺎﻥ ﺟﺎﯓ ﺟﻴﻪﻥ، ﻛﯩﺸﯩﻠﯩﻚ ﻫﻮﻗﯘﻗﻰ ﻣﻪﺷﺌﯩﻠﯩﻨﯩﯔ ﺋﺎﻣﺴﺘﯧﺮﺩﺍﻣﻐﺎ ﻛﯧﻠﯩﺸﯩﻨﻰ ﻗﺎﺭﺷﻰ ﺋﯧﻠﯩﺶ ﭘﺎﺋﺎﻟﯩﻴﯩﺘﯩﮕﻪ ﻗﺎﺗﻨﺎﺷﻘﺎﻥ ﺧﯩﺘﺎﻱ ﺩﯦﻤﻮﻛﺮﺍﺗﻠﯩﺮﯨﻨﯩﯔ ﯞﻩﻛﯩﻠﻰ. ﺋﯘ، ﺋﺎﻣﺴﺘﯧﺮﺩﺍﻣﺪﯨﻜﻰ ﻗﺎﺭﺷﻰ ﺋﯧﻠﯩﺶ ﻣﯘﺭﺍﺳﯩﻤﻰ ﻫﻪﻗﻘﯩﺪﻩ ﻣﯘﺧﺒﯩﺮﯨﻤﯩﺰﻏﺎ ﻣﯘﻧﺪﺍﻕ ﺩﻩﻳﺪﯗ. "ﺑﯩﺰ ﻫﺎﺯﯨﺮ ﺋﺎﻣﺴﺘﯧﺮﺩﺍﻣﺪﺍ ﺗﯘﺭﯗﯞﺍﺗﯩﻤﯩﺰ. ﺋﺎﻣﺴﺘﯧﺮﺩﺍﻡ ﮔﻮﻟﻼﻧﺪﯨﻴﯩﻨﯩﯔ ﺋﻪﯓ ﻗﻪﺩﯨﻤﻰ ﯞﻩ ﺳﯘ ﺋﯜﺳﺘﯩﺪﯨﻜﻰ ﯞﯦﻨﯩﺘﺴﯩﻴﯩﮕﻪ ﺋﻮﺧﺸﺎﻳﺪﯨﻐﺎﻥ ﺷﻪﻫﯩﺮﻯ. ﺑﯜﮔﯜﻥ ﻳﻪﻧﻪ ﺑﯘ ﻳﻪﺭﺩﻩ ﺋﯩﻜﻜﻰ ﻣﻪﺷﻬﯘﺭ ﭘﯘﺗﺒﻮﻝ ﻛﻮﻣﺎﻧﺪﯨﺴﻰ ﻣﯘﺳﺎﺑﯩﻘﻪ ﺋﯚﺗﻜﯜﺯﯛﯞﺍﺗﯩﺪﯗ. ﻣﯘﺷﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺑﯜﮔﯜﻥ ﻣﻪﻳﺪﺍﻧﺪﺍ ﺋﺎﺩﻩﻡ ﻧﺎﻫﺎﻳﯩﺘﻰ ﻛﯚﭖ. ﺑﯘﻧﯩﯖﺪﯨﻦ ﺳﯩﯩﺮﺕ ﻳﻪﻧﻪ ،ﭘﺎﺋﺎﻟﯩﻴﯩﺘﯩﻤﯩﺰﮔﻪ ﻗﺎﺗﻨﯩﺸﯩﯟﺍﺗﻘﺎﻥ ﮔﻮﻟﻼﻧﺪﯨﻴﻪ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﯨﻨﯩﯔ ﺳﺎﻧﻰ ﺧﯧﻠﻰ ﻛﯚﭖ."

" ﻛﻮﻣﭙﺎﺭﺗﯩﻴﻪ ﻫﯚﻛﯜﻣﺮﺍﻧﻠﯩﻘﻰ ﯞﻩ ﻛﯩﺸﯩﻠﯩﻚ ﻫﻮﻗﯘﻗﻰ ﺯﯨﻴﺎﻧﻜﻪﺷﻠﯩﻜﻰ ﺑﻮﻟﻤﯩﻐﺎﻥ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﺷﻨﻰ ﻗﻮﻟﻼﻳﻤﯩﺰ "

ﻛﯩﺸﯩﻠﯩﻚ ﻫﻮﻗﯘﻗﻰ ﻣﻪﺷﺌﯩﻠﯩﻨﻰ ﻛﯜﺗﯜﯞﯦﻠﯩﺶ ﭘﺎﺋﺎﻟﯩﻴﯩﺘﻰ ﺋﺎﻣﺴﺘﯧﺮﺩﺍﻣﻨﯩﯔ ﻣﻪﺷﻬﯘﺭ ﺳﺎﻳﺎﻫﻪﺕ ﻣﻪﻧﺰﯨﻠﮕﺎﻫﻰ ﺩﺍﻣﯘ ﻣﻪﻳﺪﺍﻧﯩﺪﺍ ﺋﯚﺗﻜﯜﺯﯛﻟﺪﻯ. ﻛﺎﻧﺎﺩﺍ ﺗﻪﯞﻩﻟﯩﻜﯩﺪﯨﻜﻰ ﺋﺎﺩﯞﻭﻛﺎﺕ، ﺏ ﺩ ﺕ ﻧﯩﯔ ﺳﺎﺑﯩﻖ ﺳﻮﺗﭽﯩﺴﻰ ﺩﻩﻳﯟﯨﺪ ﻣﺎﺗﺎﺱ ﺋﺎﻣﺴﺘﯧﺮﺩﺍﻣﺪﯨﻜﻰ ﻣﯘﺭﺍﺳﯩﻤﺪﺍ ﺳﯚﺯ ﻗﯩﻠﻐﺎﻥ ﭼﻪﺗﺌﻪﻟﻠﯩﻚ ﻛﯩﺸﯩﻠﯩﻚ ﻫﻮﻗﯘﻗﻰ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﺑﯩﺮﯨﺪﯗﺭ. ﺋﯘ، ﻧﯘﺗﻘﯩﺪﺍ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﺷﻨﯩﯔ 6 ﺷﻪﺭﺗﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺋﻪﮔﻪﺭ ﺋﻮﻟﯩﻤﭙﯩﻚ ﻳﯩﻐﯩﻨﻰ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﻤﻪﻛﭽﻰ ﺑﻮﻟﺴﺎ، ﻫﻪﺭ ﻗﺎﻧﺪﺍﻕ ﻛﯩﺸﯩﻨﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﺶ ﻫﻮﻗﯘﻗﻰ ﺑﻮﻟﯘﺷﻰ ﻛﯧﺮﻩﻙ. ﺧﯩﺘﺎﻱ ﻫﯚﻛﯜﻣﯩﺘﻰ ﻓﺎﻟﯘﻧﮕﯘﯓ ﺗﻪﺭﯨﻘﯩﺘﻰ، ﺋﯧﺘﻨﯩﻚ ﯞﻩ ﺩﯨﻨﯩﻲ ﮔﯘﺭﯗﻫﻼﺭﻏﺎ ﻗﺎﺭﺍﺗﻘﺎﻥ ﺑﯘﺯﻏﯘﻧﭽﯩﻠﯩﻘﯩﻨﻰ ﺗﻮﺧﺘﯩﺘﯩﺶ، ﮔﺎﯞ ﺟﯩﺸﯩﯖﻐﺎ ﺋﻮﺧﺸﺎﺵ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﻗﻠﯩﻐﯘﭼﻰ ﺋﺎﺩﯞﻭﻛﺎﺗﻼﺭﻧﻰ ﻗﻮﻳﯘﯞﯦﺘﯩﺶ ﻗﺎﺗﺎﺭﻟﯩﻖ ﺷﻪﺭﺗﻠﻪﺭﻧﻰ ﻫﺎﺯﯨﺮﻟﯩﺴﺎ، ﺑﯩﺰ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﯩﯔ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﯜﺷﯩﻨﻰ ﻗﻮﻟﻼﻳﻤﯩﺰ، ﺩﻩﭖ ﺗﻪﻛﯩﺘﻠﯩﮕﻪﻥ.

ﮔﻮﻟﻼﻧﺪﯨﻴﻪ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﯩﯔ ﺭﻩﺋﯩﺴﻰ ﺑﻪﺧﺘﯩﻴﺎﺭ ﺷﻪﻣﺸﯩﺪﯨﻦ، ﻛﯩﺸﯩﻠﯩﻚ ﻫﻮﻗﯘﻗﻰ ﻣﻪﺷﺌﯩﻠﯩﻨﯩﯔ ﺋﺎﻣﺴﺘﯧﺮﺩﺍﻣﻐﺎ ﻳﯧﺘﯩﭗ ﻛﻪﻟﮕﻪﻧﻠﯩﻜﯩﻨﻰ ﻗﺎﺭﺷﻰ ﺋﯧﻠﯩﭗ، ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻨﯩﯔ ﺑﯘ ﭘﺎﺋﺎﻟﯩﻴﻪﺗﻨﻰ ﻗﻮﻟﻼﺷﺘﯩﻜﻰ ﺳﻪﯞﻩﺑﻠﯩﺮﯨﻨﻰ ﭼﯜﺷﻪﻧﺪﯛﺭﺩﻯ. ﭘﺎﺋﺎﻟﯩﻴﻪﺗﻨﻰ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﯜﭼﯩﻠﻪﺭﻧﯩﯔ ﺭﺍﺩﯨﺌﻮﻣﯩﺰﻏﺎ ﺋﻪﺳﻜﻪﺭﺗﯩﺸﯩﭽﻪ، ﺷﯘ ﻛﯜﻧﻰ ﺩﺍﻣﯘ ﻣﻪﻳﺪﺍﻧﺪﺍ ﺋﺎﺩﻩﻣﻠﻪﺭ ﻧﺎﻫﺎﻳﯩﺘﻰ ﻛﯚﭖ ﺑﻮﻟﯘﭖ، ﭘﺎﺋﺎﻟﯩﻴﻪﺗﻨﻰ ﺋﻮﻳﯘﺷﺘﯘﺭﻏﯘﭼﯩﻼﺭ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﻗﺎﺭﺷﻰ ﺗﻪﺷﯟﯨﻘﺎﺕ ﯞﻩﺭﻩﻗﯩﻠﯩﺮﯨﻨﻰ ﺗﺎﺭﻗﺎﺗﻘﺎﻥ ﯞﻩ ﺋﺎﻗﺒﻮﺯ ﺭﻩﺧﺘﻜﻪ ﺧﯩﺘﺎﻱ ﺧﻪﻟﻘﯩﻨﯩﯔ ﻛﻮﻣﭙﺎﺭﺗﯩﻴﻪ ﻫﯚﻛﯜﻣﺮﺍﻧﻠﯩﻘﻰ ﯞﻩ ﻛﯩﺸﯩﻠﯩﻚ ﻫﻮﻗﯘﻗﻰ ﺯﯨﻴﺎﻧﻜﻪﺷﻠﯩﻜﻰ ﺑﻮﻟﻤﯩﻐﺎﻥ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﺷﯩﻨﻰ ﻗﻮﻟﻼﻳﻤﯩﺰ، ﺩﯦﮕﻪﻥ ﻣﻪﺯﻣﯘﻧﺪﺍ ﺋﯩﻤﺰﺍ ﺗﻮﭘﻼﺵ ﭘﺎﺋﺎﻟﯩﻴﯩﺘﻰ ﺋﯧﻠﯩﭗ ﺑﯧﺮﯨﭗ، ﮔﻮﻟﻼﻧﺪﯨﻴﯩﻠﯩﻜﻠﻪﺭ ﯞﻩ ﮔﻮﻟﻼﻧﺪﯨﻴﯩﺪﯨﻜﻰ ﭼﻪﺗﺌﻪﻟﻠﯩﻚ ﺳﺎﻫﺎﻳﻪﺗﭽﯩﻠﻪﺭﻧﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﻰ ﯞﻩ ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻗﻰ ﺧﺎﺗﯩﺮﯨﺴﯩﮕﻪ ﺩﯨﻘﻘﯩﺘﯩﻨﻰ ﻗﻮﺯﻏﯩﻤﺎﻗﭽﻰ ﺑﻮﻟﺪﻯ. (ﺋﻪﺭﻛﯩﻦ)