ﺋﻪﻟﯩﺨﺎﻥ ﺗﯚﺭﯨﻨﯩﯔ ﺗﯜﺭﻛﯩﺴﺘﺎﻥ ﻗﺎﻳﻐﯘﺳﻰ ﻧﺎﻣﻠﯩﻖ ﻛﯩﺘﺎﺑﻰ ﺋﯘﻳﻐﯘﺭ ﺗﯩﻠﯩﺪﺍ ﻧﻪﺷﯩﺮ ﻗﯩﻠﯩﻨﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﯧﻠﯩﺨﺎﻥ ﺗﯚﺭﯨﻨﯩﯔ "ﺗﯘﺭﻛﯩﺴﺘﺎﻥ ﻗﺎﻳﻐﯘﺳﻰ" ﻧﺎﻣﻠﯩﻖ ﻛﯩﺘﺎﯞﯨﻨﯩﯔ ﺋﯘﻳﻐﯘﺭﭼﻪ ﺗﻪﺭﺟﯩﻤﯩﺴﻰ.

1944-ﻳﯩﻠﻰ 11-ﺋﺎﻳﻨﯩﯔ 12-ﻛﯜﻧﻰ ﻏﯘﻟﺠﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﯩﻨﯩﯔ ﺭﻩﺋﯩﺴﻰ ﺋﻪﻟﯩﺨﺎﻥ ﺗﯚﺭﻩ ﺳﺎﻏﯘﻧﻰ ﻳﺎﺯﻏﺎﻥ ﺗﯜﺭﻛﯩﺴﺘﺎﻥ ﻗﺎﻳﻐﯘﺳﻰ ﻧﺎﻣﻠﯩﻖ ﻛﯩﺘﺎﺑﻨﯩﯔ ﺑﯩﺮﯨﻨﭽﻰ ﻗﯩﺴﻤﻰ ﻧﻪﺷﯩﺮﺩﯨﻦ ﭼﯩﻘﺘﻰ. ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺗﻪﺭﯨﭙﯩﺪﯨﻦ ﻧﻪﺷﯩﺮ ﻗﯩﻠﺪﯗﺭﯗﻟﻐﺎﻥ ﻛﯩﺘﺎﺑﻨﻰ ﻫﺎﺟﻰ ﺋﺎﺑﺪﯗﺭﯦﺸﯩﺖ ﻛﯧﺮﯨﻤﻰ ﻫﺎﺯﯨﺮﻗﻰ ﺯﺍﻣﺎﻥ ﺋﯘﻳﻐﯘﺭ ﺗﯩﻠﻰ ﺋﯩﻤﻼﺳﻰ ﺑﻮﻳﯩﭽﻪ ﻳﯧﺰﯨﭗ ﭼﯩﻘﻘﺎﻥ. ﺋﻪﺳﻠﯩﻤﻪ ﺧﺎﺭﺍﻛﺘﯧﺮﯨﺪﯨﻜﻰ ﺑﯘ ﻛﯩﺘﺎﺑﺘﺎ ﺋﯚﺗﻜﻪﻥ ﺋﻪﺳﯩﺮﻧﯩﯔ 20-30- ﻳﯩﻠﻠﯩﺮﯨﺪﯨﻜﻰ ﺋﯘﻳﻐﯘﺭ ﺩﯨﻴﺎﺭﯨﻨﯩﯔ ﺋﻮﻣﯘﻣﻰ ﯞﻩﺯﯨﻴﯩﺘﻰ ﯞﻩ ﺋﻪﻟﯩﺨﺎﻥ ﺗﯚﺭﯨﻨﯩﯔ 1938-ﻳﯩﻠﻰ ﻛﯘﭼﺎﺩﺍ ﺗﯘﺗﻘﯘﻥ ﻗﯩﻠﯩﻨﯩﺸﯩﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﯩﺘﯩﻜﻰ ﺗﺎﺭﯨﺨﻰ ﺟﻪﺭﻳﺎﻥ ﺑﺎﻳﺎﻥ ﻗﯩﻠﯩﻨﻐﺎﻥ. ﻛﯩﺘﺎﺑﻨﻰ ﺋﻮﻗﯘﻏﯩﻨﯩﯖﯩﺰﺩﺍ ﭘﻪﻗﻪﺕ ﺋﻪﻳﻨﻰ ﺯﺍﻣﺎﻧﺪﯨﻜﻰ ﺋﯘﻳﻐﯘﺭ ﺩﯨﻴﺎﺭﯨﻨﯩﯔ ﯞﻩﺯﯨﻴﯩﺘﻰ ﺑﯩﻠﻪﻧﻼ ﺋﻪﻣﻪﺱ، ﺑﻪﻟﻜﻰ ﻏﻪﺭﺑﻰ ﺗﯜﺭﻛﯩﺴﺘﺎﻧﻨﯩﯔ ﻗﯩﺴﻤﻪﻥ ﺋﻪﻫﯟﺍﻟﻠﯩﺮﻯ ﺑﯩﻠﻪﻧﻤﯘ ﺗﻮﻧﯘﺷﯘﭖ ﭼﯩﻘﺎﻻﻳﺴﯩﺰ.

ﺗﯜﺭﻛﯩﺴﺘﺎﻥ ﻗﺎﻳﻐﯘﺳﻰ ﻧﺎﻣﻠﯩﻖ ﻛﯩﺘﺎﺑﻨﯩﯔ 1- ﻗﯩﺴﻤﻰ 269 ﺑﻪﺗﺘﯩﻦ ﺗﻪﺭﻛﯩﭗ ﺗﺎﭘﻘﺎﻥ ﺑﻮﻟﯘﭖ، ﺗﯚﯞﻩﻧﺪﯨﻜﯩﺪﻩﻙ ﺗﯧﻤﯩﻼﺭ ﻳﻪﺭ ﺋﺎﻟﻐﺎﻥ: ﺋﻪﻟﯩﺨﺎﻥ ﺗﯚﺭﻩﻣﻨﯩﯔ ﺗﻪﺭﺟﯩﻤﯩﻬﺎﻟﻰ، ﺗﯜﺭﻛﯩﺴﺘﺎﻥ ﻗﺎﻳﻐﯘﺳﻰ، ﻛﻮﻣﻤﯘﻧﺴﯩﺘﻼﺭﻧﯩﯔ ﺭﻩﺯﯨﻠﻠﯩﻜﻠﯩﺮﻯ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺋﯚﺗﯜﺷﯜﻣﻨﯩﯔ ﺳﻪﯞﻩﺑﻠﯩﺮﻯ، ﻗﻮﻗﻪﻧﺪﻩ ﻣﯘﺧﺘﺎﺭﯨﻴﯩﺘﯩﮕﻪ ﻣﯘﻧﺎﺳﯩﯟﻩﺗﻠﯩﻚ ﯞﻩﻗﻪﻟﻪﺭ ، ﺋﺎﺗﺘﯩﺌﯧﺰﯨﻢ ﺑﯩﻠﻪﻥ ﻛﯜﺭﻩﺵ، ﻛﻮﻣﻤﯘﻧﯩﺴﺘﯩﻚ ﺗﯜﺯﯛﻡ ﺑﯩﻠﻪﻥ ﭼﺎﺭ ﻫﯚﻛﯜﻣﯩﺘﯩﻨﯩﯔ ﭘﻪﺭﻗﻰ، ﻗﯘﺗﯘﻟﯘﺵ ﻳﻮﻟﻰ، ﻫﯩﺠﺮﯨﺘﯩﻤﯩﺰﻧﯩﯔ ﺗﻮﺧﺘﯩﻠﯩﺸﻰ، ﺗﯘﺗﻘﯘﻧﻠﯘﻕ ﯞﻩ ﻗﯧﭽﯩﺶ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﻫﯩﺠﺮﻩﺕ، ﻏﯘﻟﺠﺎ ﯞﻩ ﺋﯩﻠﻰ ﻫﻪﻗﻘﯩﺪﯨﻜﻰ ﺧﺎﺗﯩﺮﯨﻠﯩﺮﯨﻢ، ﻗﯘﻣﯘﻝ ﺋﯩﻨﻘﯩﻼﺑﻰ، ﺷﯩﯔ ﺩﯗﺑﻪﻧﻨﯩﯔ ﻛﯩﺮﯨﻤﻠﯩﻦ ﺗﻪﺭﯨﭙﯩﺪﯨﻦ ﯞﻩﺯﯨﭙﯩﮕﻪ ﺗﻪﻳﯩﻨﻠﯩﻨﯩﺸﻰ ﯞﻩ ﺧﻮﺗﻪﻥ ﺋﯩﻨﻘﯩﻼﺑﻰ، ﺷﯩﯔ ﺩﯗﺑﻪﻧﻨﯩﯔ ﺯﯗﻟﯘﻣﯩﺪﯨﻦ ﻗﯧﭽﯩﺶ ﯞﻩ ﺗﯜﺭﻣﻪ .

ﺋﻪﻟﯩﺨﺎﻥ ﺗﯚﺭﻩ ﺳﺎﻏﯘﻧﻰ ﺗﯜﺭﻛﯩﺴﺘﺎﻥ ﻗﺎﻳﻐﯘﺳﻰ ﻧﺎﻣﻠﯩﻖ ﺑﯘ ﻛﯩﺘﺎﺑﻨﻰ ﭼﺎﻏﺎﺗﺎﻱ ﺗﯩﻠﯩﺪﺍ 1966 - 1973-ﻳﯩﻠﻠﯩﺮﻯ ﺋﺎﺭﯨﺴﯩﺪﺍ ﺋﻪﺳﻠﯩﻤﻪ ﻗﯩﻠﯩﭗ ﻳﯧﺰﯨﭗ ﻗﺎﻟﺪﯗﺭﻏﺎﻥ ﺑﻮﻟﯘﭖ، ﻛﯩﺘﺎﺏ 40 ﻳﯩﻞ ﺋﺎﺭﯨﺪﯨﻦ ﻛﯧﻴﯩﻦ ﻫﺎﺯﯨﺮﻗﻰ ﺯﺍﻣﺎﻥ ﺋﯘﻳﻐﯘﺭ ﺗﯩﻠﻰ ﺑﯩﻠﻪﻥ ﺋﻮﻗﯘﺭﻣﻪﻧﻠﯩﺮﻯ ﺑﯩﻠﻪﻥ ﻳﯜﺯ ﻛﯚﺭﯛﺷﺘﻰ.

ﺑﯩﺰ ﺑﯘ ﻛﯩﺘﺎﺑﻨﻰ ﻫﺎﺯﯨﺮﻗﻰ ﺯﺍﻣﺎﻥ ﺋﯘﻳﻐﯘﺭ ﺗﯩﻠﯩﺪﺍ ﻧﻪﺷﯩﺮﮔﻪ ﺗﻪﻳﻴﺎﺭﻟﯩﻐﺎﻥ ﺋﺎﺑﺪﯗﺭﯦﺸﯩﺖ ﻛﯧﺮﯨﻤﻰ ﺋﻪﭘﻪﻧﺪﻯ ﺑﯩﻠﻪﻥ ﻛﯩﺘﺎﺑﻨﯩﯔ ﺗﻪﻳﻴﺎﺭﻟﯩﻨﯩﺶ ﺟﻪﺭﻳﺎﻧﻰ، ﻛﯩﺘﺎﺑﻨﯩﯔ ﺋﯩﻠﻤﻰ ﻗﯩﻤﻤﯩﺘﻰ ﯞﻩ ﺋﯚﺯﺑﯧﻜﭽﻪ ﻧﯘﺳﺨﯩﺴﻰ ﺑﯩﻠﻪﻥ ﺑﻮﻟﻐﺎﻥ ﭘﻪﺭﻗﻰ ﻫﻪﻗﻘﯩﺪﻩ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.

ﻳﯘﻗﯩﺮﯨﺪﯨﻜﻰ ﺋﯘﻟﯩﻨﯩﺸﺘﯩﻦ، ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺋﺎﺑﺪﯗﺭﯦﺸﯩﺖ ﻛﯧﺮﯨﻤﻰ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺳﯚﻫﺒﯩﺘﯩﻨﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﺰ.