ﻛﺎﻧﺎﺩﺍﺩﺍ ﻛﻮﻣﻤﯘﻧﯩﺰﻣﻨﯩﯔ ﻗﯘﺭﺑﺎﻧﻠﯩﺮﻯ ﺧﺎﺗﯩﺮﻩ ﻣﯘﻧﺎﺭﯨﺴﻰ ﺗﯩﻜﻠﯩﻨﯩﺪﯗ

• ﻣﯘﺧﺒﯩﺮﯨﻤﯩﺰ ﻛﺎﻣﯩﻞ ﺗﯘﺭﺳﯘﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻛﺎﻧﺎﺩﺍ ﭘﺎﺭﻻﻣﯧﻨﺘﻰ ﻛﯩﺸﯩﻠﯩﻚ ﻫﻮﻗﯘﻕ ﻛﻮﻣﯩﺘﯧﺘﯩﻨﯩﯔ ﺭﻩﺋﯩﺴﻰ ﯞﻩ ﻣﻪﺩﯨﻨﯩﻴﻪﺕ ﻣﯩﻨﺴﺘﯩﺮﻯ ﺟﯧﻴﺴﻮﻥ ﻛﯧﻨﻨﯧﻲ ﺗﻮﺭﻭﻧﺘﻮ ﺷﻪﻫﯩﺮﯨﺪﻩ، ﻛﻮﻣﻤﯘﻧﯩﺰﻣﻨﯩﯔ ﺩﻩﺭﺩﯨﻨﻰ ﺗﺎﺭﺗﻘﺎﻥ ﺷﻪﺭﻗﻰ ﻳﺎﯞﺭﻭﭘﺎﺩﯨﻜﻰ ﭘﻮﻟﺸﺎ، ﭼﯧﺦ، ﺳﻠﻮﯞﺍﻛﯩﻴﻪ، ﻻﺗﯟﯨﻴﻪ ﻫﻪﻣﺪﻩ ﻧﯚﯞﻩﺗﺘﻪ ﺑﯘ ﺗﯜﺯﯛﻣﺪﻩ ﺗﯘﺭﯗﯞﺍﺗﻘﺎﻥ ﻛﯘﺑﺎ، ﺷﯩﻤﺎﻟﯩﻲ ﻛﻮﺭﯨﻴﻪ،ﯞﻳﯧﺘﻨﺎﻡ ﯞﻩ ﺧﯩﺘﺎﻱ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﺩﯨﻦ ﻛﻪﻟﮕﻪﻥ ﺯﺍﺗﻼﺭ ﻗﺎﺗﻨﺎﺷﻘﺎﻥ ﻳﯩﻐﯩﻨﺪﺍ ﺳﯚﺯ ﻗﯩﻠﻐﺎﻧﺪﺍ، ﻛﻮﻣﻤﯘﻧﯩﺴﺘﯩﻚ ﻣﯘﺳﺘﻪﺑﯩﺖ ﻫﺎﻛﯩﻤﯩﻴﻪﺗﻠﻪﺭﻧﯩﯔ ﺯﯨﻴﺎﻧﻜﻪﺷﻠﯩﻜﯩﮕﻪ ﺋﯘﭼﺮﯨﻐﺎﻥ ﻧﻪﭼﭽﻪ ﻣﯩﻠﻴﻮﻧﻠﯩﻐﺎﻥ ﺋﯩﻨﺴﺎﻥ ﺋﯜﭼﯜﻥ ﻛﺎﻧﺎﺩﺍﺩﺍ ﺧﺎﺗﯩﺮﻩ ﻣﯘﻧﺎﺭﯨﺴﻰ ﺗﯩﻜﻠﯩﻨﯩﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﺪﻯ.

ﻛﻮﻣﻤﯘﻧﯩﺴﺘﯩﻚ ﺗﯜﺯﯛﻣﻨﯩﯔ ﺟﯩﻨﺎﻳﻪﺗﻠﯩﺮﻯ ﺋﯘﻧﺘﯘﻟﻤﺎﺳﻠﯩﻘﻰ ﻛﯧﺮﻩﻙ

ﺟﯧﻴﺴﻮﻥ ﻛﯧﻨﻨﯧﻴﻨﯩﯔ ﺗﻪﻛﯩﺘﻠﯩﺸﯩﭽﻪ، ﺑﯘ ﺧﺎﺗﯩﺮﻩ ﻣﯘﻧﺎﺭﯨﺴﻰ ﻗﺎﺑﺎﻫﻪﺗﻠﯩﻚ ﺗﯘﺯﯗﻣﻨﯩﯔ ﻗﯘﺭﺑﺎﻧﻠﯩﺮﯨﻨﻰ ﺧﺎﺗﯩﺮﯨﻠﻪﺷﺘﯩﻦ ﺑﺎﺷﻘﺎ، ﻳﺎﺵ ﺋﻪﯞﻻﺩﻻﺭﻏﺎ ﺗﺎﺭﯨﺨﻨﻰ ﺋﻪﺳﺘﯩﻦ ﭼﯩﻘﺎﺭﻣﺎﺳﻠﯩﻖ ﺷﯘﻧﺪﺍﻗﻼ ﻛﻮﻣﻤﯘﻧﯩﺴﺘﯩﻚ ﺩﯨﻜﺘﺎﺗﻮﺭ ﻫﺎﻛﯩﻤﯩﻴﻪﺗﻠﻪﺭﻧﯩﯔ ﺩﯗﻧﻴﺎﻏﺎ ﻛﻪﻟﺘﯜﺭﮔﻪﻥ ﺑﺎﻻﻳﻰ-ﺋﺎﭘﻪﺗﻠﯩﺮﯨﻨﻰ ﺋﯘﻧﺘﯘﭖ ﻗﺎﻟﻤﺎﺳﻠﯩﻖ ﺩﻩﺭﺳﻰ ﺑﯧﺮﯨﺸﻨﻰ ﻣﻪﻗﺴﻪﺕ ﻗﯩﻠﯩﺪﯨﻜﻪﻥ. ﺋﯘﻧﯩﯔ ﺋﻪﺳﻜﻪﺭﺗﯩﺸﯩﭽﻪ،ﻛﻮﻣﻤﯘﻧﯩﺰﻣﻨﯩﯔ ﻗﯘﺭﺑﺎﻧﻠﯩﺮﻯ ﺋﯜﭼﯜﻥ ﺧﺎﺗﯩﺮﻩ ﻣﯘﻧﺎﺭﯨﺴﻰ ﺗﯩﻜﻠﻪﺵ ﺧﯩﻴﺎﻟﻰ ﺋﯘﻧﯩﯖﺪﺍ 1989- ﻳﯩﻠﻰ ﭘﻪﻳﺪﺍ ﺑﻮﻟﻐﺎﻥ.

ﺋﯘ ﺳﯚﺯﯨﺪﻩ، 1989 -ﻳﯩﻠﻰ ﺗﻴﻪﻧﺌﻪﻧﻤﯧﻦ ﻣﻪﻳﺪﺍﻧﯩﺪﯨﻜﻰ ﺋﻮﻗﯘﻏﯘﭼﯩﻼﺭﻧﯩﯔ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﻯ ﻣﺎﯕﺎ ﻛﯜﭼﻠﯜﻙ ﺗﻪﺳﯩﺮ ﻗﯩﻠﻐﺎﻧﯩﺪﻯ.ﺋﻪﻳﻨﻰ ﯞﺍﻗﯩﺘﺘﺎ ﺷﻪﺭﻗﻰ ﻳﺎﯞﺭﻭﭘﺎﺩﯨﻜﻰ ﺗﯚﻣﯜﺭ ﭘﻪﺭﺩﯨﻠﯩﻚ ﻫﺎﻛﯩﻤﯩﻴﻪﺗﻠﻪﺭ ﺗﯧﺨﻰ ﺋﺎﻏﺪﯗﺭﯗﻟﻤﯩﻐﺎﻧﯩﺪﻯ. ﺑﺎﻟﯩﻠﯩﻖ ﯞﺍﻗﯩﺘﻠﯩﺮﯨﻤﺪﺍ ﺑﻪﺯﻯ ﺋﺎﺩﻩﻣﻠﻪﺭ ﺑﯘ ﻗﺎﺑﺎﻫﻪﺗﻠﯩﻚ ﺗﯜﺯﯛﻣﻨﻰ ﭘﻪﺩﻩﺯﻟﻪﭖ ﻛﯚﺭﺳﻪﺗﻜﻪﻧﻠﯩﺮﯨﺪﻩ ﺋﺎﺯﺍﭘﻠﯩﻨﺎﺗﺘﯩﻢ ﯞﻩ ﻛﻮﻣﻤﯘﻧﯩﺴﺘﯩﻚ ﻣﯘﺳﺘﻪﺑﯩﺖ ﺗﯜﺯﯛﻣﻠﻪﺭﻧﯩﯔ ﺟﯩﻨﺎﻳﻪﺗﻠﯩﺮﯨﻨﻰ ﻛﯩﺸﯩﻠﻪﺭﻧﯩﯔ ﻗﻪﻟﺒﯩﺪﻩ ﻗﺎﻧﺪﺍﻕ ﺳﺎﻗﻼﺵ ﻫﻪﻗﻘﯩﺪﻩ ﻛﯚﭖ ﺋﻮﻳﻠﯩﻨﺎﺗﺘﯩﻢ. ﻣﻪﻥ ﭘﺎﺭﻻﻣﯧﻨﺖ ﺋﻪﺯﺍﺳﻰ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﻛﺎﻧﺎﺩﺍﺩﺍ ﻛﻮﻣﻤﯘﻧﯩﺰﻣﻨﯩﯔ ﻗﯘﺭﺑﺎﻧﻠﯩﺮﻯ ﺋﯜﭼﯜﻥ ﺩﯙﻟﻪﺗﻠﯩﻚ ﺧﺎﺗﯩﺮﻩ ﻣﯘﻧﺎﺭﯨﺴﻰ ﺗﯩﻜﻠﻪﺵ ﺗﻪﻛﻠﯩﭗ ﻻﻳﯩﻬﯩﺴﯩﻨﻰ ﭘﺎﺭﻻﻣﯧﻨﺘﻘﺎ ﺳﯘﻧﺪﯗﻡ،‏- ﺩﯦﺪﻯ.

ﻛﻮﻣﻤﯘﻧﯩﺴﺘﯩﻚ ﻫﺎﻛﯩﻤﯩﻴﻪﺗﻠﻪﺭ ﻛﯩﺸﯩﻠﻪﺭﻧﯩﯔ ﺋﯩﺰﺯﻩﺕ-ﻫﯚﺭﻣﯩﺘﻰ ﯞﻩ ﺋﻪﺭﻛﯩﻨﻠﯩﻜﯩﻨﻰ ﺩﻩﭘﺴﻪﻧﺪﻩ ﻗﯩﻠﯩﺪﯗ

ﺟﯧﻴﺴﻮﻥ ﻛﯧﻨﻨﯧﻲ ﺩﯗﻧﻴﺎﺩﯨﻜﻰ ﻛﻮﻣﻤﯘﻧﯩﺴﺘﯩﻚ ﺗﯜﺯﯛﻣﻠﻪﺭﻧﯩﯔ ﺋﻮﺭﺗﺎﻕ ﺋﺎﻻﻫﯩﺪﯨﻠﯩﻜﻰ ﻛﯩﺸﯩﻠﻪﺭﻧﯩﯔ ﯞﯨﺠﺪﺍﻥ ﯞﻩ ﻏﯘﺭﯗﺭﯨﻨﻰ ﺩﻩﭘﺴﻪﻧﺪﻩ ﻗﯩﻠﯩﺶ، ﺋﻪﺭﻛﯩﻨﻠﯩﻜﻜﻪ ﺑﻮﻟﻐﺎﻥ ﺋﯧﺘﯩﻘﺎﺩﯨﻨﻰ ﺑﻮﻏﯘﺵ ﺷﯘﻧﺪﺍﻗﻼ ﺩﯨﻨﻐﺎ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﮔﯘﺭﯗﭘﭙﯩﻼﺭﻏﺎ ﺯﯨﻴﺎﻧﻜﻪﺷﻠﯩﻚ ﻗﯩﻠﯩﺸﻨﻰ ﺑﯩﺮﯨﻨﭽﻰ ﯞﻩﺯﯨﭙﯩﺴﻰ ﻗﯩﻠﻐﺎﻧﻠﯩﻘﯩﻨﻰ، ﺑﯘﻧﺪﺍﻕ ﺋﯚﺭﻧﻪﻛﻠﻪﺭﻧﯩﯔ ﺭﯗﺳﯩﻴﻪ ﯞﻩ ﺑﺎﺷﻘﺎ ﺳﺎﺑﯩﻖ ﻛﻮﻣﻤﯘﻧﯩﺴﺘﯩﻚ ﺗﯜﺯﯛﻣﺪﯨﻜﻰ ﺩﯙﻟﻪﺗﻠﻪﺭﺩﻩ ﻛﯚﭖ ﻛﯚﺭﯛﻟﮕﻪﻧﻠﯩﻜﯩﻨﻰ، ﺑﯜﮔﯜﻧﻜﻰ ﻛﯜﻧﺪﻩ ﺑﯘ ﺧﯩﻞ ﭘﺎﺟﯩﺌﻪﻟﻪﺭﻧﯩﯔ ﺧﯩﺘﺎﻳﺪﺍ ﺋﯧﻐﯩﺮ ﻫﺎﻟﺪﺍ ﺩﺍﯞﺍﻡ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﺪﻯ.

ﺟﯧﻴﺴﻮﻥ ﻛﯧﻨﻨﯧﻲ: "ﻣﻪﻥ ﺗﻪﻛﯩﺘﻠﻪﯞﺍﺗﻘﺎﻥ ﻛﻮﻣﻤﯘﻧﯩﺰﻣﻨﯩﯔ ﻗﯘﺭﺑﺎﻧﻠﯩﺮﻯ ﺗﺎﺭﯨﺨﺘﯩﻜﻰ ﻗﯘﺭﺑﺎﻧﻼﺭ ﺑﻮﻟﯘﭖ ﻗﺎﻟﻤﺎﺳﺘﯩﻦ، ﺑﻪﻟﻜﻰ ﺋﻪﯓ ﻣﯘﻫﯩﻤﻰ ﺑﯜﮔﯜﻧﻜﻰ ﻛﯜﻧﺪﯨﻤﯘ ﻳﻪﻧﯩﻼ ﺗﯜﺭﻣﯩﻠﻪﺭﺩﻩ، ﺗﯘﺗﯘﭖ ﺗﯘﺭﯗﺵ ﺋﻮﺭﮔﺎﻧﻠﯩﺮﯨﺪﺍ ﻗﺎﻣﯩﻠﯩﭗ، ﺯﯨﻴﺎﻧﻜﻪﺷﻠﯩﻜﻜﻪ ﯞﻩ ﺗﻪﻥ ﺟﺎﺯﺍﺳﯩﻐﺎ ﺋﯘﭼﺮﺍﯞﺍﺗﻘﺎﻥ، ﻫﻪﺗﺘﺎ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﯩﯟﺍﺗﻘﺎﻥ ﻛﯩﺸﯩﻠﻪﺭ ﻛﯚﺯﺩﻩ ﺗﯘﺗﯘﻟﯩﺪﯗ. ﺑﯘ ﺧﺎﺗﯩﺮﻩ ﻣﯘﻧﺎﺭﯨﺴﯩﻨﯩﯔ ﺗﯩﻜﻠﯩﻨﯩﺸﻰ، ﻣﻪﻟﯘﻡ ﻣﻪﻧﯩﺪﯨﻦ ﺋﯧﻴﺘﻘﺎﻧﺪﺍ، ﺑﯘ ﻛﯩﺸﯩﻠﻪﺭﻧﯩﯔ ﺋﺎﺭﺯﯗ-ﺋﺎﺭﻣﺎﻧﻠﯩﺮﯨﻨﯩﯔ ﺭﯦﺌﺎﻟﻠﯩﻘﻘﺎ ﺋﺎﻳﻠﯩﻨﯩﺸﺪﯗﺭ " ﺩﯦﺪﻯ.

ﺟﯧﻴﺴﻮﻥ ﻛﯧﻨﻨﯧﻲ : ﺋﯘﻳﻐﯘﺭﻻﺭ ﺧﯩﺘﺎﻱ ﺗﻪﺭﯨﭙﯩﺪﯨﻦ ﭘﯩﻼﻧﻠﯩﻖ ﺷﻪﻛﯩﻠﺪﻩ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻤﺎﻗﺘﺎ

ﺑﯘﻧﯩﯖﺪﯨﻦ ﺋﯩﻠﮕﯩﺮﻯ ﺟﯧﻴﺴﻮﻥ ﻛﯧﻨﻨﯧﻲ ﺧﯩﺘﺎﻱ ﺗﻪﺭﯨﭙﯩﺪﯨﻦ ﺋﯚﺯﺑﻪﻛﯩﺴﺘﺎﻧﺪﯨﻦ ﺯﻭﺭﻟﯘﻕ ﯞﺍﺳﺘﯩﻼﺭ ﺋﺎﺭﻗﯩﻠﯩﻖ ﺋﯧﻠﯩﭗ ﻛﯧﺘﯩﻠﯩﭗ،ﻣﯘﺩﺩﻩﺗﺴﯩﺰ ﻗﺎﻣﺎﻕ ﺟﺎﺯﺍﺳﻰ ﺑﯧﺮﯨﻠﮕﻪﻥ ﻛﺎﻧﺎﺩﺍ ﭘﯘﻗﺮﺍﺳﻰ، ﻫﯜﺳﻪﻳﯩﻦ ﺟﯧﻠﯩﻠﻨﯩﯔ ﺗﻪﯞﻩﻟﯩﻚ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻧﺪﺍ، ﻧﯚﯞﻩﺗﺘﻪ ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﻨﯩﯔ ﺯﯨﻴﺎﻧﻜﻪﺷﻠﯩﻜﯩﮕﻪ ﺋﯘﭼﺮﺍﯞﺍﺗﻘﺎﻧﻠﯩﻘﯩﻨﻰ ﺗﯩﻠﻐﺎ ﺋﯧﻠﯩﭗ: "ﺋﯘﻳﻐﯘﺭﻻﺭ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ ﭘﯩﻼﻧﻠﯩﻖ ﺷﻪﻛﯩﻠﺪﻩ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﺎﻧﻠﯩﻘﻰ ﺋﯜﭼﯜﻥ ﻛﺎﻧﺎﺩﺍ ﻫﯜﺳﻪﻳﯩﻦ ﺟﯧﻠﯩﻞ ﺋﻪﭘﻪﻧﺪﯨﮕﻪ ﺳﯩﻴﺎﺳﯩﻲ ﭘﺎﻧﺎﻫﻠﯩﻖ ﺳﺎﻻﻫﯩﻴﯩﺘﻰ ﺑﻪﺭﮔﻪﻧﯩﺪﻯ، ﻣﺎﻧﺎ ﺑﯜﮔﯜﻥ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺩﯗﻧﻴﺎﻧﯩﯔ ﻛﯚﺯ ﺋﺎﻟﺪﯨﺪﺍ ﻫﯜﺳﻪﻳﯩﻦ ﺟﯧﻠﯩﻠﻨﯩﯔ ﻫﻮﻗﯘﻗﻠﯩﺮﯨﻨﻰ ﻗﺎﻳﺘﯩﺪﯨﻦ ﺩﻩﭘﺴﻪﻧﺪﻩ ﻗﯩﻠﻤﺎﻗﺘﺎ " ﺩﯦﮕﻪﻥ ﺋﯩﺪﻯ.

ﺗﯘﻳﻐﯘﻥ ﺋﺎﺑﺪﯗﯞﻩﻟﻰ : ﺑﯘ ﻗﺎﺭﺍﺭ ﺋﯘﻳﻐﯘﺭﻻﺭﻧﻰ ﺧﻮﺷﺎﻝ ﻗﯩﻠﯩﺪﯗ

ﺧﯩﺘﺎﻳﻨﯩﯔ ﺗﯜﺭﻣﯩﺴﯩﺪﻩ 4 ﻳﯩﻞ ﻳﯧﺘﯩﺶ ﺟﻪﺭﻳﺎﻧﯩﺪﺍ ﺋﯧﻐﯩﺮ ﺳﯩﻴﺎﺳﯩﻲ ﯞﻩ ﺟﯩﺴﻤﺎﻧﯩﻲ ﺯﯨﻴﺎﻧﻜﻪﺷﻠﯩﻜﻠﻪﺭﮔﻪ ﺋﯘﭼﺮﯨﻐﺎﻥ،ﻛﺎﻧﺎﺩﺍﺩﯨﻜﻰ ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺗﭽﻰ ﺗﯘﻳﻐﯘﻥ ﺋﺎﺑﺪﯗﯞﻩﻟﻰ ﻛﻮﻣﻤﯘﻧﯩﺰﻣﻨﯩﯔ ﻗﯘﺭﺑﺎﻧﻠﯩﺮﻯ ﺧﺎﺗﯩﺮﻩ ﻣﯘﻧﺎﺭﯨﺴﯩﻨﯩﯔ ﻛﺎﻧﺎﺩﺍﺩﺍ ﺗﯩﻜﻠﯩﻨﯩﺸﯩﻨﯩﯔ ﺧﯩﺘﺎﻳﻨﯩﯔ ﺯﯗﻟﯘﻣﻰ ﺋﺎﺳﺘﯩﺪﺍ ﺋﯩﯖﺮﺍﯞﺍﺗﻘﺎﻥ ﺋﯘﻳﻐﯘﺭﻻﺭﻧﻰ ﺳﯜﻳﯜﻧﺪﯛﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘ، "ﺷﻪﺭﻗﻰ ﺗﯜﺭﻛﯩﺴﺘﺎﻧﺪﺍ ﺋﻮﻧﻤﯩﯖﻠﯩﻐﺎﻥ ﺋﯘﻳﻐﯘﺭ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺯﯗﻟﯘﻣﯩﻐﺎ ﺋﯘﭼﺮﺍﭖ ﺗﯜﺭﻣﯩﻠﻪﺭﺩﻩ ﻳﺎﺗﻤﺎﻗﺘﺎ. ﺑﯘ ﺋﯘﻳﻐﯘﺭﻻﺭ ﺋﯚﺯﻟﯩﺮﯨﻨﯩﯔ ﺋﯩﻨﺴﺎﻧﯩﻲ ﻫﻮﻗﯘﻗﻠﯩﺮﻯ، ﻛﯩﺸﯩﻠﯩﻚ ﻫﻮﻗﯘﻗﻠﯩﺮﻯ ﯞﻩ ﺋﯚﺯ ﯞﻩﺗﯩﻨﯩﻨﻰ ﺧﯩﺘﺎﻳﻨﯩﯔ ﻣﯘﺳﺘﻪﻣﻠﯩﻜﯩﺴﯩﺪﯨﻦ ﻗﯘﺗﯘﻟﺪﯗﺭﯗﺵ ﺋﯜﭼﯜﻥ ﻛﯚﺭﻩﺵ ﻗﯩﻠﻐﺎﻧﻠﯩﻘﻰ ﺋﯜﭼﯜﻥ ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺗﻪﺭﯨﭙﯩﺪﯨﻦ ﺗﯘﺗﯘﭖ ﺗﯘﺭﯗﻟﻤﺎﻗﺘﺎ ﺷﯘﻧﺪﺍﻗﻼ ﺋﯘﻻﺭ ﺋﯧﻐﯩﺮ ﺯﯗﻟﯘﻣﻼﺭﻏﺎ ﺋﯘﭼﺮﯨﻤﺎﻗﺘﺎ. ﻛﺎﻧﺎﺩﺍ ﻫﯚﻛﯜﻣﯩﺘﯩﻨﯩﯔ ﻛﺎﻧﺎﺩﺍﺩﺍ ﻛﻮﻣﻤﯘﻧﯩﺰﻣﻨﯩﯔ ﻗﯘﺭﺑﺎﻧﻠﯩﺮﻯ ﺧﺎﺗﯩﺮﻩ ﻣﯘﻧﺎﺭﯨﺴﻰ ﺗﯩﻜﻠﯩﻤﻪﻛﭽﻰ ﺑﻮﻟﯘﺷﻰ ﻣﻪﻥ ﯞﻩ ﻣﺎﯕﺎ ﺋﻮﺧﺸﺎﺵ ﺧﯩﺘﺎﻳﻨﯩﯔ ﺳﯩﻴﺎﺳﯩﻲ ﺯﯨﻴﺎﻧﻜﻪﺷﻠﯩﻜﻠﯩﺮﯨﮕﻪ ﺋﯘﭼﺮﯨﻐﺎﻥ ﺋﯘﻳﻐﯘﺭﻻﺭﻧﻰ ﺳﯚﻳﯜﻧﺪﯛﺭﯨﺪﯗ،" ﺩﯦﺪﻯ.

ﻛﺎﻧﺎﺩﺍ ﭘﺎﺭﻻﻣﯧﻨﺘﻰ ﻛﯩﺸﯩﻠﯩﻚ ﻫﻮﻗﯘﻕ ﻛﻮﻣﯩﺘﯧﺘﯩﻨﯩﯔ ﺭﻩﺋﯩﺴﻰ ﯞﻩ ﻣﻪﺩﻩﻧﯩﻴﻪﺕ ﻣﯩﻨﯩﺴﺘﯩﺮﻯ ﺟﯧﻴﺴﻮﻥ ﻛﯧﻨﻨﯧﻴﻨﯩﯔ ﺗﯩﻠﻐﺎ ﺋﯧﻠﯩﺸﯩﭽﻪ، ﺋﯘﻧﯩﯔ ﺑﯘ ﭘﯩﻼﻧﻰ ﻛﺎﻧﺎﺩﺍﺩﺍ ﻛﯜﭼﻠﯜﻙ ﻗﻮﻟﻼﺷﻘﺎ ﺋﯧﺮﯨﺸﻜﻪﻥ ﺑﻮﻟﯘﭖ، ﺑﯘ ﻗﯘﺭﯗﻟﯘﺵ ﻳﯧﻘﯩﻨﺪﺍ ﺭﻩﺳﻤﯩﻲ ﺋﯩﺸﻘﺎ ﭼﯜﺷﯩﺪﯨﻜﻪﻥ. (ﻛﺎﻣﯩﻞ ﺗﯘﺭﺳﯘﻥ)