ﺧﯩﺘﺎﻳﺪﯨﻜﻰ ﺟﻪﻧﯘﺑﯩﻲ ﻛﻮﺭﯨﻴﻪ ﺩﯨﭙﻠﻮﻣﺎﺗﯩﻨﯩﯔ ﺋﯚﻟﯜﻣﻰ ﺩﯙﻟﯩﺘﯩﺪﻩ ﻣﯘﻧﺎﺯﯨﺮﻩ ﻗﻮﺯﻏﯩﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺟﻪﻧﯘﺑﯩﻲ ﻛﻮﺭﯨﻴﯩﻠﯩﻚ ﺑﯩﺮ ﺩﯨﭙﻠﻮﻣﺎﺕ ﺋﯚﺗﻜﻪﻥ ﺋﺎﻳﺪﺍ ﺑﯧﻴﺠﯩﯖﺪﯨﻜﻰ ﺑﯩﺮ ﺩﻭﺧﺘﯘﺭﺧﺎﻧﯩﻐﺎ ﺩﺍﯞﺍﻻﻧﻐﯩﻠﻰ ﺑﯧﺮﯨﭗ ﺋﯚﻟﮕﻪﻥ ﺋﯩﺪﻯ. ﺧﯩﺘﺎﻱ ﻫﯚﻛﯜﻣﯩﺘﻰ ﻫﺎﺯﯨﺮﻏﺎ ﻗﻪﺩﻩﺭ ﺟﻪﻧﯘﺑﯩﻲ ﻛﻮﺭﯨﻴﻪ ﻫﯚﻛﯜﻣﯩﺘﯩﻨﻰ ﺑﯘ ﺩﯨﭙﻠﻮﻣﺎﺗﻨﯩﯔ ﺋﯚﻟﯜﺵ ﺳﻪﯞﻩﺑﯩﮕﻪ ﺋﺎﺋﯩﺖ ﻗﺎﻧﺎﺋﻪﺗﻠﯩﻨﻪﺭﻟﯩﻚ ﺋﯘﭼﯘﺭ ﺑﯩﻠﻪﻥ ﺗﻪﻣﯩﻨﻠﯩﮕﻪﻥ. ﺋﯚﻟﮕﯜﭼﯩﻨﯩﯔ ﺋﺎﺋﯩﻠﻪ ﺗﺎﯞﺍﺑﺎﺗﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﯚﻟﯜﻡ ﺳﻪﯞﻩﺑﯩﻨﻰ ﻳﻮﺷﯘﺭﯗﺷﯩﺪﯨﻦ ﺋﻪﻧﺪﯨﺸﻪ ﻗﯩﻠﻤﺎﻗﺘﺎ ﺋﯩﻜﻪﻥ. ﺑﯘ ﯞﻩﻗﻪ ﻛﻮﺭﯨﻴﻪ ﻣﻪﺗﺒﯘﺋﺎﺗﻠﯩﺮﯨﺪﺍ ﻣﯘﻧﺎﺯﯨﺮﻩ ﻗﻮﺯﻏﯩﻐﺎﻥ ﺑﻮﻟﯘﭖ، ﺧﯩﺘﺎﻱ ﺑﯘ ﯞﻩﻗﻪﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﺟﻪﺭﻳﺎﻧﯩﺪﺍ ﺋﯩﻨﺴﺎﻥ ﻫﺎﻳﺎﺗﯩﻐﺎ ﺳﻪﻝ ﻗﺎﺭﯨﺪﻯ، ﺩﻩﭖ ﺋﻪﻳﯩﺒﻠﻪﻧﻤﻪﻛﺘﻪ.

ﻛﻮﺭﯨﻴﻪ ﺩﯨﭙﻠﻮﻣﺎﺗﯩﻨﯩﯔ ﺋﯚﻟﯜﻣﯩﮕﻪ ﻧﯩﻤﻪ ﺳﻪﯞﻩﺑﭽﻰ ﺑﻮﻟﺪﻯ؟

ﺟﻪﻧﯘﺑﯩﻲ ﻛﻮﺭﯨﻴﯩﻠﯩﻚ ﺩﯨﭙﻠﻮﻣﺎﺕ ﯞﺍﯓ ﺟﯘﯓ ﺋﯩﻠﻨﯩﯔ ﻳﯧﻤﻪﻛﻠﯩﻜﺘﯩﻦ ﺯﻩﻫﻪﺭﻟﯩﻨﯩﭗ ﺋﯚﻟﯜﺵ ﯞﻩﻗﻪﺳﻰ، ﺧﯩﺘﺎﻱ ﻳﯧﻤﻪﻛﻠﯩﻜﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﻰ ﺩﯗﻧﻴﺎﺩﺍ ﺯﻭﺭ ﻏﯘﻝ - ﻏﯘﻻ ﻗﻮﺯﻏﺎﯞﺍﺗﻘﺎﻥ ﻣﻪﺯﮔﯩﻠﮕﻪ ﺗﻮﻏﺮﺍ ﻛﻪﻟﮕﻪﻧﻠﯩﻜﻰ ﺗﯜﭘﻪﻳﻠﻰ، ﺑﯘ ﺧﯩﺘﺎﻳﻨﯩﯔ ﻳﯧﻤﻪﻛﻠﯩﻜﻠﻪﺭ ﻣﻪﺳﯩﻠﯩﺴﯩﺪﯨﻜﻰ ﺋﺎﺑﺮﻭﻳﯩﻐﺎ ﺯﻩﺭﺑﻪ ﺑﯧﺮﯨﺪﯨﻐﺎﻥ ﻳﻪﻧﻪ ﺑﯩﺮ ﯞﻩﻗﻪ ﺑﻮﻟﯘﭖ ﻗﺎﻟﺪﻯ.

ﯞﺍﯓ ﺟﯘﯕﺌﯩﻞ، ﺑﯧﻴﺠﯩﯖﺪﯨﻜﻰ ﺟﻪﻧﯘﺑﯩﻲ ﻛﻮﺭﯨﻴﻪ ﺋﻪﻟﭽﯩﺨﺎﻧﯩﺴﯩﻨﯩﯔ ﺳﯩﻴﺎﺳﯩﻲ ﺋﯩﺸﻼﺭﻏﺎ ﺟﺎﯞﺍﺑﻜﺎﺭ ﻣﻪﺳﺌﯘﻟﻰ ﺑﻮﻟﯘﭖ، ﺋﻮﺭﻧﻰ ﺑﺎﺵ ﺋﻪﻟﭽﯩﺪﯨﻦ ﻗﺎﻟﺴﯩﻼ 2- ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﻣﯘﻫﯩﻢ ﺷﻪﺧﺴﻠﻪﺭﻧﯩﯔ ﺑﯩﺮﻯ ﺋﯩﺪﻯ. ﺋﯘ 7 - ﺋﺎﻳﻨﯩﯔ 29 - ﻛﯜﻧﻰ ﺟﻪﻧﯘﺑﯩﻲ ﻛﻮﺭﯨﻴﻪ ﺋﻪﻟﭽﯩﺨﺎﻧﯩﺴﻰ ﺋﻪﺗﺮﺍﭘﯩﺪﯨﻜﻰ ﺑﯩﺮ ﻳﯧﻤﻪﻛﻠﯩﻜﻠﻪﺭ ﺩﯗﻛﯩﻨﯩﺪﯨﻦ ﺳﺎﻧﺪﯨﯟﯨﭻ ﺋﯧﻠﯩﭗ ﻳﯧﮕﻪﻧﺪﯨﻦ ﻛﯧﻴﯩﻦ ﺗﯘﻳﯘﻗﺴﯩﺰﻻ ﻗﯘﺳﯘﺷﻘﺎ ﺑﺎﺷﻼﭖ، ﺑﯧﻴﺠﯩﯖﺪﯨﻜﻰ ﭼﻪﺕ' ﺋﻪﻟﻠﯩﻜﻠﻪﺭﮔﻪ ﺋﯧﭽﯩﯟﯦﺘﯩﻠﮕﻪﻥ ﺑﯩﺮ ﺩﻭﺧﺘﯘﺭﺧﺎﻧﯩﻐﺎ ﺋﯧﻠﯩﭗ ﺑﯧﺮﯨﻠﻐﺎﻥ ﯞﻩ ﺑﯘ ﻳﻪﺭﺩﻩ ﺩﻭﺧﺘﯘﺭ ﺋﯘﻧﯩﯖﻐﺎ ﺑﯩﺮ ﺋﻮﻛﯘﻟﻨﻰ ﺳﯧﻠﯩﺸﻰ ﺑﯩﻠﻪﻧﻼ ﺟﺎﻥ ﺋﯜﺯﮔﻪﻥ. ﯞﺍﯓ ﺟﯘﯕﺌﯩﻠﻨﯩﯔ ﺋﯚﻟﯜﻣﯩﮕﻪ ﺳﺎﻧﺪﯨﯟﯨﭻ ﺳﻪﯞﻩﺑﭽﻰ ﺑﻮﻟﺪﯨﻤﯘ ﻳﺎﻛﻰ ﺩﻭﺧﺘﯘﺭﻧﯩﯔ ﺋﻮﻛﯘﻟﯩﻤﯘ ؟ ﺑﯘ ﻣﻪﺳﯩﻠﻪ ﺑﯜﮔﯜﻧﮕﻪ ﻗﻪﺩﻩﺭ ﻳﯧﺸﯩﻠﻤﯩﺪﻯ.

ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻥ ﭼﯩﺶ ﭘﺎﺳﺘﯩﺴﯩﻨﻰ ﻳﯩﻐﯩﯟﺍﻟﺪﻯ

ﺑﯘ ﯞﻩﻗﻪ ﺧﯩﺘﺎﻱ ﻣﻪﻫﺴﯘﻻﺗﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﻰ ﺩﯗﻧﻴﺎﻧﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﺎﯞﺍﺗﻘﺎﻥ ﻣﻪﺯﮔﯩﻠﺪﻩ، ﺑﻮﻟﯘﭘﻤﯘ ﺑﺎﻟﯩﻼﺭ ﺋﻮﻳﯘﻧﭽﯘﻗﻰ، ﭼﯩﺶ ﭘﺎﺳﺘﯩﺴﻰ، ﺋﻪﺭﻣﻪﻙ ﻫﺎﻳﯟﺍﻧﻼﺭ ﻳﯧﻤﻪﻛﻠﯩﻜﻰ ، ﺩﯦﯖﯩﺰ ﻣﻪﻫﺴﯘﻻﺗﻠﯩﺮﻯ، ﻣﺎﺷﯩﻨﺎ ﺯﺍﭘﭽﺎﺳﻠﯩﺮﻯ، ﻛﯩﻴﯩﻢ ﻛﯧﭽﻪﻙ ﯞﻩ ﺋﯩﻠﻤﻪ ﺗﻮﻗﯘﻟﻤﺎ ﻣﺎﻟﻼﺭﺩﺍ ﻣﻪﺳﯩﻠﻪ ﺑﺎﺭ، ﺩﻩﭖ ﻗﺎﺭﯨﻠﯩﯟﺍﺗﻘﺎﻥ ﯞﻩ ﺑﯘ ﻣﻪﻫﺴﯘﻻﺗﻼﺭ ﻳﯩﻐﯩﯟﯦﻠﯩﻨﯩﯟﺍﺗﻘﺎﻥ ﻣﻪﺯﮔﯩﻠﺪﻩ ﻳﯜﺯ ﺑﻪﺭﺩﻯ.

ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ ﻏﻪﺭﺏ ﺩﯙﻟﻪﺗﻠﯩﺮﯨﻨﻰ ﺧﯩﺘﺎﻱ ﻣﻪﻫﺴﯘﻻﺗﻠﯩﺮﯨﺪﺍ ﻛﯚﺭﯛﻟﮕﻪﻥ ﺳﯜﭘﻪﺕ ﺟﻪﻫﻪﺗﺘﯩﻜﻰ ﻗﯩﺴﻤﻪﻥ ﻣﻪﺳﯩﻠﯩﻠﻪﺭﻧﻰ ﻛﯚﭘﺘﯜﺭﯛﯞﯦﺘﯩﺶ ﺑﯩﻠﻪﻥ ﺋﻪﻳﯩﺒﻠﻪﭖ، ﺧﯩﺘﺎﻱ ﻣﻪﻫﺴﯘﻻﺗﻠﯩﺮﯨﻨﯩﯔ ﻳﯜﺯﺩﻩ % 99 ﻻﻳﺎﻗﻪﺗﻠﯩﻚ، ﺩﻩﭖ ﺟﺎﻛﺎﺭﻟﯩﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﺧﯩﺘﺎﻱ ﻣﻪﻫﺴﯘﻻﺗﻠﯩﺮﯨﺪﺍ ﺳﺎﻻﻣﻪﺗﻠﯩﻜﻜﻪ ﭘﺎﻳﺪﯨﺴﯩﺰ ﺋﺎﻣﯩﻠﻼﺭ ﺑﺎﺭ، ﺩﻩﭖ ﻗﺎﺭﺍﻳﺪﯨﻐﺎﻥ ﺩﯙﻟﻪﺗﻠﻪﺭﻧﯩﯔ ﻛﯚﭘﯩﻴﯩﺸﯩﻨﻰ ﺗﻮﺳﺎﻟﻤﯩﺪﻯ.

ﺋﺎﺧﯩﺮﻗﻰ ﻛﯜﻧﻠﻪﺭﺩﻩ ﺑﯘ ﺩﯙﻟﻪﺗﻠﻪﺭ ﻗﺎﺗﺎﺭﯨﻐﺎ ﻗﯧﺘﯩﻠﻐﺎﻥ ﺋﻪﻟﻠﻪﺭﻧﯩﯔ ﺑﯩﺮﻯ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻥ ﺑﻮﻟﯘﭖ، ﺳﻪﺋﯘﺩﻯ ﻫﯚﻛﯜﻣﯩﺘﻰ ﭘﻪﻳﺸﻪﻧﺒﻪ ﻛﯜﻧﻰ ﺧﯩﺘﺎﻱ ﺋﯧﻜﺴﭙﻮﺭﺕ ﻗﯩﻠﻐﺎﻥ 7 ﺗﯜﺭﻟﯜﻙ ﭼﯩﺶ ﭘﺎﺳﺘﯩﺪﺍ ﺯﻩﻫﻪﺭﻟﯩﻚ ﺧﯩﻤﯩﻴﯩﯟﻯ ﻣﺎﺩﺩﯨﻼﺭ ﺑﺎﻳﻘﺎﻟﻐﺎﻧﻠﯩﻘﯩﻨﻰ ﯞﻩ ﺑﯘ ﻣﻪﻫﺴﯘﻻﺗﻼﺭﻧﯩﯔ ﻳﯩﻐﯩﯟﯦﻠﯩﻨﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ.

ﺧﯩﺘﺎﻱ ﺩﯨﭙﻠﻮﻣﺎﺗﻨﯩﯔ ﺋﯚﻟﯜﺵ ﺳﻪﯞﻩﺑﯩﻨﻰ ﻳﻮﺷﯘﺭﯗﯞﺍﺗﺎﻣﺪﯗ ؟

ﻛﻮﺭﯨﻴﯩﻠﯩﻚ ﺩﯨﭙﻠﻮﻣﺎﺗﻨﯩﯔ ﻣﯘﺷﯘ ﻣﻪﺯﮔﯩﻠﺪﻩ ﺋﯚﻟﯜﺷﻰ ﺟﻪﻧﯘﺑﯩﻲ ﻛﻮﺭﯨﻴﯩﺪﻩ ﺯﻭﺭ ﻏﯘﻻ - ﻏﯘﻻ ﻗﻮﺯﻏﯩﻠﯩﺸﯩﻐﺎ ﺳﻪﯞﻩﺑﭽﻰ ﺑﻮﻟﺪﻯ. ﺧﯩﺘﺎﻱ ﻛﻮﺭﯨﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﯩﻨﯩﯔ ﺟﻪﺳﻪﺗﻨﻰ ﺋﻮﭘﯧﺮﺍﺗﺴﯩﻴﻪ ﻗﯩﻠﯩﺶ ﯞﻩ ﯞﻩﻗﻪﻧﯩﯔ ﺳﻪﯞﻩﺑﯩﻨﻰ ﺗﻪﻛﺸﯜﺭﯛﺵ ﺗﻪﻟﯩﭙﯩﮕﻪ ﺋﺎﺳﺎﺳﻪﻥ ﯞﻩﻗﻪﻧﻰ ﺗﻪﻛﺸﯜﺭﯛﺷﻜﻪ ﯞﻩﺩﻩ ﺑﻪﺭﮔﻪﻥ ﯞﻩ ﺗﻪﻛﺸﯜﺭﯛﺵ ﻧﻪﺗﯩﺠﯩﺴﯩﻨﻰ ﻛﯧﭽﯩﻜﺘﯜﺭﻣﻪﻱ ﻛﻮﺭﯨﻴﻪ ﺗﻪﺭﻩﭘﻜﻪ ﻣﻪﻟﯘﻡ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﻟﯧﻜﯩﻦ ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻫﺎﺯﯨﺮﻏﺎ ﻗﻪﺩﻩﺭ ﺗﻪﻛﺸﯜﺭﯛﺵ ﺩﻭﻛﻼﺗﯩﻨﻰ ﻛﻮﺭﯨﻴﻪ ﺗﻪﺭﻩﭘﻜﻪ ﺗﺎﭘﺸﯘﺭﻣﯩﻐﺎﻧﻠﯩﻘﯩﻨﻰ ﯞﻩ ﺑﯘ ﻛﻮﺭﯨﻴﯩﻠﯩﻚ ﺩﯨﭙﻠﻮﻣﺎﺗﻨﯩﯔ ﺋﺎﺋﯩﻠﯩﺴﯩﺪﯨﻜﯩﻠﻪﺭﺩﻩ ﺧﯩﺘﺎﻱ ﻫﯚﻛﯜﻣﯩﺘﻰ ﯞﺍﯓ ﺟﯘﯕﺌﯩﻠﻨﯩﯔ ﺋﯚﻟﯜﺵ ﺳﻪﯞﻩﺑﯩﻨﻰ ﻳﻮﺷﯘﺭﯗﯞﺍﺗﺎﻣﺪﯗ، ﺩﻩﻳﺪﯨﻐﺎﻥ ﮔﯘﻣﺎﻥ ﭘﻪﻳﺪﺍ ﻗﯩﻠﻐﺎﻧﻠﯩﻘﯩﻨﻰ ﻳﺎﺯﺩﻯ.

ﺩﯨﭙﻠﻮﻣﺎﺕ ﺩﻭﺧﺘﯘﺭﺧﺎﻧﯩﻨﻰ ﺧﺎﺗﺎ ﺗﺎﻟﻠﯩﯟﺍﻟﻐﺎﻥ

ﻛﻮﺭﯨﻴﻪ ﺟﺎﻣﺎﺋﻪﺕ ﭘﯩﻜﯩﺮﻯ، ﺧﯩﺘﺎﻳﻨﻰ ﺑﯘ ﯞﻩﻗﻪﺩﻩ ﺋﯩﻨﺴﺎﻥ ﻫﺎﻳﺎﺗﯩﻐﺎ ﺋﻪﻫﻤﯩﻴﻪﺕ ﺑﻪﺭﻣﻪﻳﺪﯨﻐﺎﻥ ﺭﻩﻫﯩﻢ - ﺷﻪﭘﻘﻪﺗﺴﯩﺰ ﺩﯙﻟﻪﺕ ﺋﯩﻜﻪﻧﻠﯩﻜﯩﻨﻰ ﺋﯩﭙﺎﺩﯨﻠﯩﺪﻯ، ﺩﻩﭖ ﺋﻪﻳﯩﺒﻠﯩﻤﻪﻛﺘﻪ. ﺟﻪﻧﯘﺑﯩﻲ ﻛﻮﺭﯨﻴﯩﺪﻩ ﭼﯩﻘﯩﺪﯨﻐﺎﻥ " ﭼﺎﯞﺷﻴﻪﻥ" ﮔﯧﺰﯨﺘﯩﺪﯨﻜﻰ ﺑﯩﺮ ﻣﺎﻗﺎﻟﯩﺪﺍ، "ﺑﯧﻴﺠﯩﯖﺪﯨﻜﻰ ﺟﻪﻧﯘﺑﯩﻲ ﻛﻮﺭﯨﻴﻪ ﺋﻪﻟﭽﯩﺨﺎﻧﯩﺴﻰ ﯞﺍﯓ ﺟﯘﯕﺌﯩﻠﻨﯩﯔ ﺋﯚﻟﯜﻣﯩﮕﻪ ﺩﺍﯞﺍﻻﺵ ﺟﻪﺭﻳﺎﻧﯩﺪﯨﻜﻰ ﺳﻪﯞﻩﻧﻠﯩﻚ ﺳﻪﯞﻩﺑﭽﻰ ﺑﻮﻟﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ،" ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﯞﻩ "ﺑﯩﻤﺎﺭﻏﺎ ﺳﯧﻠﯩﻨﻐﺎﻥ ﺋﻮﻛﯘﻟﺪﺍ ﻣﻪﺳﯩﻠﻪ ﺑﺎﺭ،" ﺩﻩﭖ ﮔﯘﻣﺎﻧﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻟﯧﻜﯩﻦ "ﭼﺎﯞﺷﻴﻪﻥ" ﮔﯧﺰﯨﺘﯩﺪﯨﻜﻰ ﻣﺎﻗﺎﻟﯩﺪﻩ ﺋﻪﺳﻜﻪﺭﺗﯩﺸﯩﭽﻪ، ﺟﻪﻧﯘﺑﯩﻲ ﻛﻮﺭﯨﻴﻪ ﺗﻪﺭﻩﭖ ﯞﺍﯓ ﺟﯘﯕﺌﯩﻠﻨﯩﯔ ﺋﯚﻟﯜﻣﯩﮕﻪ ﺩﺍﯞﺍﻻﺵ ﺟﻪﺭﻳﺎﻧﯩﺪﯨﻜﻰ ﺳﻪﯞﻩﻧﻠﯩﻚ ﺳﻪﯞﻩﺑﭽﻰ ﺑﻮﻟﯘﺵ ﺋﯧﻬﺘﯩﻤﺎﻟﻰ ﺑﺎﺭﻟﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺴﺎ، ﺧﯩﺘﺎﻱ ﺋﻪﻣﻪﻟﺪﺍﺭﻯ ﯞﺍﯓ ﺟﯘﯕﺌﯩﻠﻨﯩﯔ ﺩﻭﺧﺘﯘﺭﺧﺎﻧﯩﻨﻰ ﺧﺎﺗﺎ ﺗﺎﻟﻠﯩﯟﺍﻟﻐﺎﻧﻠﯩﻘﯩﻨﻰ ﯞﻩ ﺷﯘ ﺳﻪﯞﻩﺑﻠﯩﻚ ﺑﻪﺧﺘﺴﯩﺰﻟﯩﻜﻜﻪ ﺋﯘﭼﺮﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ، "ﺋﯘ ﺳﻪﯞﯨﻴﯩﺴﻰ ﺗﯚﯞﻩﻥ ﻛﯩﭽﯩﻚ ﺩﻭﺧﺘﯘﺭﺧﺎﻧﯩﻐﺎ ﻧﯧﻤﻪ ﺋﯜﭼﯜﻥ ﺑﺎﺭﯨﺪﯗ ؟ ﺑﯘﻧﯩﯖﻐﺎ ﭘﯜﺗﯜﻧﻠﻪﻱ ﺋﯘﻧﯩﯔ ﺋﯚﺯﻯ ﺟﺎﯞﺍﺑﻜﺎﺭ ﺑﻮﻟﯘﺷﻰ ﻛﯧﺮﻩﻙ،" ﺩﻩﭖ ﺟﺎﯞﺍﺏ ﺑﻪﺭﮔﻪﻥ. ﻟﯧﻜﯩﻦ ﺧﻪﯞﻩﺭﻟﻪﺭﺩﻩ ﺑﯘ ﺩﻭﺧﺘﯘﺭﺧﺎﻧﺎ ﺑﯧﻴﺠﯩﯖﺪﯨﻜﻰ ﺩﺍﺋﯩﻢ ﭼﻪﺗﺌﻪﻟﻠﯩﻜﻠﻪﺭﻧﻰ ﺩﺍﯞﺍﻻﻳﺪﯨﻐﺎﻥ ﺩﺍﯞﺍﻻﺵ ﻫﻪﻗﻘﻰ ﻧﺎﻫﺎﻳﯩﺘﻰ ﻳﯘﻗﯩﺮﻯ ﺩﻭﺧﺘﯘﺭﺧﺎﻧﯩﻼﺭﻧﯩﯔ ﺑﯩﺮﻯ ﻫﯧﺴﺎﺑﻠﯩﻨﯩﺪﯨﻐﺎﻧﻠﯩﻘﯩﻰ ﺋﯩﻠﮕﯩﺮﻯ ﺳﯜﺭﯛﻟﻤﻪﻛﺘﻪ.

ﺧﯩﺘﺎﻱ ﺋﯩﻨﺴﺎﻥ ﻫﺎﻳﺎﺗﯩﻨﻰ ﺋﻪﺭﺯﯨﻤﻪﺱ، ﺩﻩﻳﺪﯨﻐﺎﻥ ﺩﯙﻟﻪﺕ، ﺩﻩﭖ ﺋﻪﻳﯩﭙﻠﻪﻧﺪﻯ

ﺟﻪﻧﯘﺑﯩﻲ ﻛﻮﺭﯨﻴﯩﺪﻩ ﭼﯩﻘﯩﺪﯨﻐﺎﻥ ﭼﻮﯓ ﮔﯧﺰﯨﺘﻠﻪﺭﺩﯨﻦ "ﻛﻮﺭﯨﻴﻪ" ﮔﯧﺰﯨﺘﯩﻨﯩﯔ ﺑﯘ ﻫﻪﻗﺘﯩﻜﻰ ﺑﺎﺵ ﻣﺎﻗﺎﻟﯩﺴﯩﺪﻩ، ﺧﯩﺘﺎﻱ ﯞﻩ ﺧﯩﺘﺎﻳﻼﺭ ﭘﯘﻝ ﺋﯜﭼﯜﻥ ﺋﯩﻨﺴﺎﻥ ﻫﺎﻳﺎﺗﯩﻨﻰ ﺑﯩﺮ ﺗﯩﻴﯩﻨﮕﻪ ﺋﻪﺭﺯﯨﻤﻪﺱ، ﺩﻩﭖ ﻗﺎﺭﺍﻳﺪﯨﻐﺎﻥ ﻛﯩﺸﯩﻠﻪﺭ، ﺩﻩﭖ ﺗﻪﻧﻘﯩﺪ ﻗﯩﻠﯩﻨﺪﻯ. ﺑﺎﺵ ﻣﺎﻗﺎﻟﯩﺪﻩ ﻣﯘﻧﺪﺍﻕ ﺩﻩﻳﺪﯗ، "ﻛﯩﺸﯩﻠﻪﺭﻧﯩﯔ ﻧﻪﺯﯨﺮﯨﺪﻩ ﺧﯩﺘﺎﻱ ﯞﻩ ﺧﯩﺘﺎﻳﻼﺭ ﭘﯘﻟﻨﯩﯔ ﺋﺎﻟﺪﯨﺪﺍ ﺋﯩﻨﺴﺎﻥ ﻫﺎﻳﺎﺗﻰ ﺋﻪﺭﺯﯨﻤﻪﺱ، ﺩﻩﻳﺪﯨﻐﺎﻥ ﻛﯩﺸﯩﻠﻪﺭ، ﺩﻩﭖ ﻗﺎﺭﯨﻠﯩﺪﯗ.

ﻟﯧﻜﯩﻦ ﺑﯘ ﺩﯗﻧﻴﺎﺩﺍ ﺩﯙﻟﻪﺕ ﺩﻭﻟﻠﯩﻠﯩﺮﯨﻨﯩﯔ ﻛﯚﭘﻠﯩﻜﻰ، ﺳﯜﻧﺌﯩﻲ ﻫﻪﻣﺮﺍ ﻗﻮﻳﯘﭖ ﺑﯧﺮﻩﻟﯩﮕﻪﻧﻠﯩﻜﻰ ﺋﯜﭼﯜﻧﻼ 1 - ﺩﻩﺭﯨﺠﯩﻠﯩﻚ ﺩﯙﻟﻪﺕ ﻫﯧﺴﺎﺑﻼﻧﻤﺎﻳﺪﯗ. ﺋﻪﮔﻪﺭ ﭼﻪﺗﺌﻪﻟﻠﯩﻜﻠﻪﺭ ﺧﯩﺘﺎﻳﻐﺎ ﺑﯧﺮﯨﭗ ﺩﻭﺧﺘﯘﺭﺧﺎﻧﯩﻐﺎ ﻛﯚﺭﯛﻧﺴﻪ ﺑﯘﻧﯩﯔ ﺑﻪﺩﯨﻠﻰ ﺋﯚﻟﯜﻡ ﺑﻮﻟﺴﺎ، ﻛﯩﺸﯩﻠﻪﺭﻧﯩﯔ ﺧﯩﺘﺎﻳﻨﻰ ﺩﯗﻧﻴﺎﺩﯨﻜﻰ ﻳﯧﺘﻪﻛﭽﻰ ﺩﯙﻟﻪﺕ، ﺩﻩﭖ ﺋﺎﺗﯩﻐﯘﺳﻰ ﻛﯧﻠﻪﻣﺪﯗ ؟ ﺋﻪﮔﻪﺭ ﺋﺎﺩﺍﻟﻪﺕ ﯞﻩ ﻫﺎﻳﺎﺗﻠﯩﻘﻨﻰ ﻗﯩﻤﻤﻪﺗﻠﯩﻚ ﺩﻩﻳﺪﯨﻐﺎﻥ ﺑﯩﺮ ﻣﯩﻠﻠﯩﻲ ﺋﺎﯕﻨﻰ ﻫﺎﺯﯨﺮﻟﯩﻴﺎﻟﻤﯩﻐﺎﻥ، ﺋﺎﻟﺪﺍﻣﭽﯩﻠﯩﻘﻨﻰ ﺟﺎﺯﺍﻟﯩﻤﺎﻳﺪﯨﻐﺎﻥ ﻗﺎﻧﯘﻧﺴﯩﺰ ﺟﻪﻣﺌﯩﻴﻪﺕ ﺳﯩﺴﺘﯧﻤﯩﺴﯩﻨﻰ، ﺩﯙﻟﻪﺗﻨﯩﯔ ﻗﺎﻧﭽﯩﻠﯩﻚ ﭼﻮﯓ ﺑﻮﻟﯘﭖ ﻛﯧﺘﯩﺸﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ، ﺯﺍﻣﺎﻧﯩﯟﻯ ﺩﯙﻟﻪﺕ ﺩﯦﻤﻪﻙ ﺗﻪﺱ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ ﺟﻪﻧﯘﺑﯩﻲ ﻛﻮﺭﯨﻴﻪ ﺩﯨﭙﻠﻮﻣﺎﺗﯩﻨﯩﯔ ﺋﯚﻟﯜﻣﯩﮕﻪ 4 ﻫﻪﭘﺘﯩﺪﻩﻙ ﺑﻮﻟﯘﭖ ﻗﺎﻟﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﻰ ﯞﺍﯓ ﺟﯘﯕﺌﯩﻠﻨﯩﯔ ﺋﯚﻟﯜﺵ ﺳﻪﯞﻩﺑﻰ ﺗﻮﻏﺮﯨﺴﯩﺪﺍ ﺟﻪﻧﯘﺑﯩﻲ ﻛﻮﺭﯨﻴﻪ ﺑﯩﻠﻪﻥ ﺗﻪﭘﺴﯩﻠﻰ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﺸﻜﻪ ﺑﻮﻱ ﺑﻪﺭﻣﻪﻱ ﻛﻪﻟﻤﻪﻛﺘﻪ ﺋﯩﻜﻪﻥ. ﺧﯩﺘﺎﻱ ﻫﯚﻛﯜﻣﯩﺘﻰ ﺑﻮﻟﺴﺎ ﯞﻩﻗﻪﻧﯩﯔ ﺗﻪﻛﺸﯜﺭﯛﻟﯜﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. (ﺋﻪﺭﻛﯩﻦ)