RFA ﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﻛﯘﭼﺎﺭ ﻫﺎﻛﯩﻤﻰ ﺋﯚﺯﯨﻨﻰ ﺗﻪﻛﺸﯜﺭﮔﻪﻥ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻳﯧﻘﯩﻨﺪﺍ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺋﯩﭽﻜﯩﺮﯨﮕﻪ ﻳﯚﺗﻜﻪﺵ ﯞﻩﻗﻪﺳﻰ ﺗﻮﻏﺮﯨﺴﯩﺪﺍ ﺭﺍﺩﯨﺌﻮﻣﯩﺰ ﻣﯘﺧﺒﯩﺮﯨﻨﯩﯔ ﺳﯘﺋﺎﻟﻠﯩﺮﯨﻐﺎ ﺟﺎﯞﺍﭖ ﺑﻪﺭﮔﻪﻥ ﻛﯘﭼﺎﺭ ﻧﺎﻫﯩﻴﯩﺴﯩﻨﯩﯔ ﻫﺎﻛﯩﻤﻰ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ " ﺩﯛﺷﻤﻪﻥ" ﺭﺍﺩﯨﺌﻮﺳﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ، ﺩﻩﭖ ﺗﻪﻧﻘﯩﺪﻛﻪ ﺋﯘﭼﺮﯨﻐﺎﻥ. ﻧﺎﻫﯩﻴﻪ ﻫﺎﻛﯩﻤﻰ، ﻛﯘﭼﺎﺭﺩﺍ ﻳﻪﺭﻟﯩﻚ ﭘﯘﻗﺮﺍﻻﺭ ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﮔﻪ ﻳﯚﺗﻜﻪﺷﻜﻪ ﻗﺎﺭﺷﻰ ﭼﯩﻘﯩﭗ ﻧﺎﻣﺎﻳﯩﺶ ﻗﯩﻠﻐﺎﻥ ﻳﺎﻛﻰ ﻗﯩﻠﻤﯩﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺳﯘﺋﺎﻟﻼﺭﻏﺎ ﺟﺎﯞﺍﭖ ﺑﻪﺭﮔﻪﻥ ﺋﯩﺪﻯ.

ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﻰ " ﺩﯛﺷﻤﻪﻥ" ﺭﺍﺩﯨﺌﻮﺳﻰ، ﺩﻩﭖ ﻗﺎﺭﺍﻟﺪﻯ

ﻛﯘﭼﺎﺭ ﻧﺎﻫﯩﻴﯩﺴﯩﻨﯩﯔ ﻫﺎﻛﯩﻤﻰ ﻫﯜﺳﻪﻧﺠﺎﻥ ﻣﻪﻣﻪﺕ، 7 - ﺋﺎﻳﻨﯩﯔ 20 - ﻛﯜﻧﻰ ﺭﺍﺩﯨﺌﻮﻣﯩﺰ ﻣﯘﺧﺒﯩﺮﯨﻨﯩﯔ ﻛﯘﭼﺎﺭﺩﯨﻜﻰ ﻧﺎﻣﺎﻳﯩﺶ ﺗﻮﻏﺮﯨﺴﯩﺪﺍ ﺳﻮﺭﯨﻐﺎﻥ ﺳﯘﺋﺎﻟﻠﯩﺮﯨﻐﺎ ﺟﺎﯞﺍﭖ ﺑﻪﺭﮔﻪﻧﺪﻩ، ﻛﯘﭼﺎﺭﺩﺍ ﻳﻪﺭﻟﯩﻚ ﭘﯘﻗﺮﺍﻻﺭﻧﯩﯔ ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﮔﻪ ﻳﯚﺗﻜﻪﺷﻜﻪ ﻗﺎﺭﺷﻰ ﻧﺎﻣﺎﻳﯩﺶ ﻗﯩﻠﻐﺎﻧﻠﯩﻘﯩﻨﻰ ﯞﻩ ﺑﯩﺮ ﻗﯩﺴﯩﻢ ﻧﺎﻣﺎﻳﯩﺸﭽﯩﻼﺭﻧﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺋﯩﻨﻜﺎﺭ ﻗﯩﻠﯩﭗ، ﯞﻩﻗﻪﻧﻰ ﻗﯩﺰﻟﯩﺮﯨﻨﻰ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﮔﻪ ﺋﻪﯞﻩﺗﯩﺸﻜﻪ ﻗﺎﺭﺷﻰ ﭼﯩﻘﻘﺎﻥ ﺋﺎﺯ ﺳﺎﻧﺪﯨﻜﻰ ﺑﯩﺮ ﻗﯩﺴﯩﻢ ﺩﯦﻬﻘﺎﻧﻼﺭﻧﯩﯔ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺗﻨﯩﯔ ﺋﻪﺭﺯﯨﻴﻪﺕ ﺋﯩﺸﺨﺎﻧﯩﺴﯩﻐﺎ ﻛﯧﻠﯩﭗ ﺋﻪﺭﯨﺰ ﻗﯩﻠﯩﺶ ﯞﻩﻗﻪﺳﻰ، ﺩﻩﭖ ﺗﻪﻛﯩﺘﻠﯩﮕﻪﻥ ﺋﯩﺪﻯ.

ﯞﻩﻗﻪﺩﯨﻦ ﺧﻪﯞﻩﺭﺩﺍﺭ ﻛﯩﺸﯩﻠﻪﺭﻧﯩﯔ ﺋﯧﻴﺘﯩﺸﯩﭽﻪ، ﻫﯜﺳﻪﻧﺠﺎﻥ ﻣﻪﻣﻪﺕ ﺭﺍﺩﯨﺌﻮﻣﯩﺰﻏﺎ ﻳﯘﻗﯩﺮﯨﻘﻰ ﻣﻪﺳﯩﻠﻪ ﺗﻮﻏﺮﯨﺴﯩﺪﺍ ﺑﺎﻳﺎﻧﻼﺭﺩﺍ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺋﯘ ﻳﯘﻗﯩﺮﯨﻨﯩﯔ ﻛﯘﭼﺎﺭﺩﺍ ﻳﯜﺯ ﺑﻪﺭﮔﻪﻥ ﯞﻩﻗﻪﻧﻰ ﻣﻪﺧﭙﯩﻲ ﺗﯘﺗﯘﺵ ﺗﻮﻏﺮﯨﺴﯩﺪﯨﻜﻰ ﺑﯘﻳﺮﯗﻗﯩﻐﺎ ﺑﻮﻳﺴﯘﻧﻤﯩﻐﺎﻥ، ﺩﻩﭖ ﺋﻪﻳﯩﺒﻠﯩﻨﯩﭗ، ﺋﯘﻧﯩﯖﺪﯨﻦ ﺋﯚﺯﯨﻨﻰ ﺗﻪﻛﺸﯜﺭﯛﺵ ﺗﻪﻟﻪﭖ ﻗﯩﻠﯩﻨﻐﺎﻥ.

ﮔﯧﺮﻣﺎﻧﯩﻴﯩﻨﯩﯔ ﻣﻴﯘﻧﺨﯧﻦ ﺷﻪﻫﯩﺮﯨﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯘﭼﯘﺭ ﻣﻪﺭﻛﯩﺰﯨﻨﯩﯔ ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ، ﺩﺍﺋﯩﺮﯨﻠﻪﺭﻧﯩﯔ ﻫﺎﻛﯩﻤﻐﺎ "ﺩﯛﺷﻤﻪﻥ ﺭﺍﺩﯨﺌﻮﺳﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﻣﻪﺧﭙﯩﻴﻪﺗﻠﯩﻜﻨﻰ ﺋﺎﺷﻜﺎﺭﯨﻠﯩﻐﺎﻥ، ﺳﯩﻴﺎﺳﻰ ﺟﻪﻫﻪﺗﺘﯩﻦ ﻣﻪﺳﺌﯘﻟﯩﻴﻪﺗﺴﯩﺰﻟﯩﻚ ﻗﯩﻠﻐﺎﻥ، ﺩﻩﭖ ﮔﯘﻧﺎﻫ ﺋﺎﺭﺗﯩﭗ، ﺋﯚﺯﯨﻨﻰ ﺗﻪﻛﺸﯜﺭﯛﺷﻜﻪ ﯞﻩ ﺗﻪﻛﺸﯜﺭﯛﺷﻨﺎﻣﻪ ﻳﯧﺰﯨﺸﻘﺎ ﻗﯩﺴﺘﯩﻐﺎﻧﻠﯩﻘﯩﻨﻰ" ﺑﯩﻠﺪﯛﺭﺩﻯ.

ﻫﺎﻛﯩﻢ ﻳﻪﻧﯩﻼ ﺋﯚﺯ ﺧﯩﺰﻣﻪﺕ ﺋﻮﺭﻧﯩﺪﺍ

ﺑﯩﺰ ﯞﻩﻗﻪﻧﯩﯔ ﻫﻪﻗﯩﻘﻰ ﺋﻪﻫﯟﺍﻟﯩﻨﻰ ﺋﯩﮕﻪﻟﻠﻪﺵ ﻣﻪﻗﺴﯩﺘﯩﺪﻩ ﻛﯘﭼﺎﺭ ﻧﺎﻫﯩﻴﯩﻠﯩﻚ ﭘﺎﺭﺗﻜﻮﻡ ﯞﻩ ﻫﯚﻛﯜﻣﻪﺗﻠﯩﺮﯨﮕﻪ ﺗﯧﻠﯧﻔﻮﻥ ﻗﯩﻠﯩﭗ، ﯞﻩﻗﻪﻧﻰ ﺳﯜﺭﯛﺷﺘﯜﺭﮔﻪﻥ ﺑﻮﻟﺴﺎﻗﻤﯘ، ﻟﯧﻜﯩﻦ ﺑﯘ ﺋﯩﻜﻜﻰ ﺋﻮﺭﮔﺎﻧﺪﯨﻜﻰ ﺧﺎﺩﯨﻤﻼﺭ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﺸﺘﯩﻦ ﺋﯚﺯﯨﻨﻰ ﻗﺎﭼﯘﺭﺩﻯ. ﻧﺎﻫﯩﻴﯩﻠﯩﻚ ﭘﺎﺭﺗﻜﻮﻣﻨﯩﯔ ﺑﯩﺮ ﺩﯗﮊﯦﺮﻧﻰ ﺧﺎﺩﯨﻤﻰ، ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻨﯩﯔ ﻣﯘﺧﺒﯩﺮﻯ ﺋﯩﻜﻪﻧﻠﯩﻜﯩﻤﯩﺰﻧﻰ ﺋﺎﯕﻠﯩﻐﺎﻧﺪﯨﻦ ﻛﯧﻴﯩﻦ، ﺗﯧﻠﯧﻔﻮﻧﯩﻤﯩﺰﻧﻰ ﻗﻮﻳﯘﯞﻩﺗﺘﻰ. ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺗﻨﯩﯔ ﻳﻪﻧﻪ ﺑﯩﺮ ﺩﯗﮊﯦﺮﻧﻰ ﺧﺎﺩﯨﻤﻰ ﺑﻮﻟﺴﺎ ﺋﯚﺯﯨﻨﯩﯔ ﺑﯘ ﻣﻪﺳﯩﻠﯩﮕﻪ ﺟﺎﯞﺍﭖ ﺑﯧﺮﻩﻟﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺋﯩﮕﯩﻠﯩﺸﯩﻤﯩﺰﮔﻪ ﻗﺎﺭﯨﻐﺎﻧﺪﺍ ﻛﯘﭼﺎﺭ ﻧﺎﻫﯩﻴﯩﺴﯩﻨﯩﯔ ﻫﺎﻛﯩﻤﻰ ﻳﻪﻧﯩﻼ ﺋﯚﺯ ﯞﻩﺯﯨﭙﯩﺴﯩﻨﻰ ﺋﺎﻳﻘﯘﺭﯨﯟﺍﺗﻘﺎﻥ ﺑﻮﻟﯘﺷﻰ ﻣﯜﻣﻜﯩﻦ. ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺗﻨﯩﯔ ﺑﯩﺮ ﺧﺎﺩﯨﻢ، ﻫﺎﻛﯩﻤﻨﯩﯔ ﯞﻩﺯﯨﭙﯩﺴﻰ ﻳﺎﻛﻰ ﺧﯩﺰﻣﻪﺕ ﺋﻮﺭﻧﯩﺪﺍ ﺋﯚﺯﮔﯜﺭﯛﺵ ﺑﻮﻟﻤﯩﻐﺎﻧﻠﯩﻘﯩﻨﻰ، ﺋﯘﻧﻰ ﺑﯘﻧﯩﯖﺪﯨﻦ ﺑﯩﺮ ﻗﺎﻧﭽﻪ ﺑﯘﺭﯗﻥ ﻛﯚﺭﮔﻪﻧﻠﯩﻜﯩﻨﻰ ﺋﻪﺳﻜﻪﺭﺗﺘﻰ.

ﺋﯚﺗﻜﻪﻥ ﺋﺎﻳﺪﺍ ﻗﯩﺰﻟﯩﺮﯨﻨﻰ ﺋﯩﭽﻜﯩﺮﯨﮕﻪ ﺋﯚﻟﻜﯩﮕﻪ ﺋﻪﯞﻩﺗﯩﺸﻜﻪ ﻗﺎﺭﺷﻰ ﭼﯩﻘﻘﺎﻥ ﻛﯘﭼﺎﺭ ﻧﺎﻫﯩﻴﯩﺴﯩﺪﯨﻜﻰ ﺑﯩﺮ ﻗﯩﺴﯩﻢ ﭘﯘﻗﺮﺍﻻﺭ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺗﻨﯩﯔ ﺋﻪﺭﺯﯨﻴﻪﺕ ﺋﯩﺸﺨﺎﻧﯩﺴﯩﻐﺎ ﻛﯧﻠﯩﭗ، ﻫﯚﻛﯜﻣﻪﺗﻨﯩﯔ ﺋﯩﭽﻜﯩﺮﯨﮕﻪ ﺋﺎﺩﻩﻡ ﻳﯚﺗﻜﻪﺵ ﺳﯩﻴﺎﺳﯩﺘﯩﮕﻪ ﻧﺎﺭﺍﺯﻯ ﺋﯩﻜﻪﻧﻠﯩﻜﯩﻨﻰ ﯞﻩ ﻗﯩﺰﻟﯩﺮﯨﻨﻰ ﺋﯩﭽﻜﯩﺮﯨﮕﻪ ﺋﻪﯞﻩﺗﻪﻟﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺋﺎﻗﺴﯘ ﯞﯨﻼﻳﯩﺘﯩﺪﯨﻜﻰ ﯞﻩﻗﻪﺩﯨﻦ ﺧﻪﯞﻩﺭﺩﺍﺭ ﺑﻪﺯﻯ ﻛﯩﺸﯩﻠﻪﺭ ﻛﯘﭼﺎﺭﺩﺍ ﻳﯜﺯ ﺑﻪﺭﮔﻪﻥ ﯞﻩﻗﻪﻧﯩﯔ ﻧﺎﻣﺎﻳﯩﺶ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﻧﺎﻫﯩﻴﻪ ﻫﺎﻛﯩﻤﻰ ﺭﺍﺩﯨﺌﻮﻣﯩﺰﻏﺎ ﺑﯘﻧﯩﯔ ﺑﯩﺮ ﺋﻪﺭﺯﯨﻴﻪﺕ ﯞﻩﻗﻪﺳﻰ ﺋﯩﻜﻪﻧﻠﯩﻜﯩﻨﻰ ﯞﻩ ﯞﻩﻗﻪﺩﻩ ﻧﺎﻣﺎﻳﯩﺸﭽﯩﻼﺭﻧﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻟﻪﺭﻧﻰ ﺋﯩﻨﻜﺎﺭ ﻗﯩﻠﯩﭗ، ﺑﯘ ﻣﻪﺳﯩﻠﯩﻨﯩﯔ ﺗﻮﻏﺮﺍ ﺑﯩﺮ ﺗﻪﺭﻩﭖ ﻗﯩﻠﯩﻨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﻧﺎﻣﺎﻳﯩﺸﻨﻰ ﺗﻪﺷﻜﯩﻠﻠﯩﮕﯜﭼﻰ ﻧﻪﺯﻩﺭﺑﻪﻧﺖ ﻗﯩﻠﯩﻨﺪﻯ

ﻛﯘﭼﺎﺭﺩﺍ ﻳﯜﺯ ﺑﻪﺭﮔﻪﻥ ﯞﻩﻗﻪﻧﯩﯔ ﺗﻪﭘﺴﯩﻠﻰ ﺟﻪﺭﻳﺎﻧﻰ، ﯞﻩﻗﻪﮔﻪ ﻗﺎﺗﻨﺎﺷﻘﺎﻥ ﻛﯩﺸﯩﻠﻪﺭﻧﯩﯔ ﺷﻪﺧﺴﻰ ﺋﻪﻫﯟﺍﻟﻰ، ﻫﺎﺯﯨﺮﻏﺎ ﻗﻪﺩﻩﺭ ﻣﻪﻟﯘﻡ ﺋﻪﻣﻪﺱ ﺑﻮﻟﺴﯩﻤﯘ، ﻟﯧﻜﯩﻦ ﯞﻩﻗﻪﻧﯩﯔ ﺋﯘﻳﻐﯘﺭ ﻗﯩﺰﻻﺭ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺋﯩﻜﻪﻧﻠﯩﻜﻰ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻠﯩﺮﯨﻤﯩﺰﻏﺎ ﺳﯩﺮ ﺋﻪﻣﻪﺱ.

ﯞﻩﻗﻪﺩﯨﻦ ﺧﻪﯞﻩﺭﺩﺍﺭ ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﺎﻳﺪﯨﻐﺎﻥ ﺯﺍﺗﻼﺭ ﺑﯩﺰﮔﻪ ﯞﻩﻗﻪﻧﻰ ﺗﻪﺷﻜﯩﻠﻠﯩﮕﯜﭼﯩﻨﯩﯔ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺩﻩﺳﻠﻪﭘﻜﻰ ﺋﯘﭼﯘﺭﻻﺭﻧﻰ ﺑﻪﺭﺩﻯ. ﺋﯘﻻﺭ ﺋﻪﺭﺯﯨﻴﻪﺕ ﯞﻩﻗﻪﺳﻰ ﻛﯘﭼﺎﺭ ﻧﺎﻫﯩﻴﯩﺴﯩﺪﯨﻜﻰ ﺑﯩﺮ ﻣﯘﻻﺯﯨﻤﻪﺕ ﺷﯩﺮﻛﯩﺘﯩﻨﯩﯔ ﺗﯘﺭﺳﯘﻥ ﻧﯘﺳﺮﻩﺕ ﺋﯩﺴﯩﻤﻠﯩﻚ ﺩﺭﯦﻜﺘﻮﺭﻯ ﺗﻪﺭﯨﭙﯩﺪﯨﻦ ﺋﯘﻳﯘﺷﺘﯘﺭﯗﻟﻐﺎﻧﻠﯩﻘﯩﻨﻰ، ﺋﯘ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﯨﻜﻰ ﺯﺍﯞﯗﺕ - ﻛﺎﺭﺧﺎﻧﯩﻼﺭﺩﺍ ﺋﯩﺸﻠﻪﯞﺍﺗﻘﺎﻥ ﺋﯘﻳﻐﯘﺭ ﻗﯩﺰﻻﺭﻧﯩﯔ ﺋﻪﻫﯟﺍﻟﯩﻨﻰ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﯛﭖ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﻧﺎﻫﯩﻴﯩﺪﯨﻜﻰ ﻗﯩﺰﻟﯩﺮﻯ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﻩ ﺋﯩﺸﻠﻪﺷﻜﻪ ﻣﻪﺟﺒﯘﺭﻟﯩﻨﯩﯟﺍﺗﻘﺎﻥ ﺋﺎﺗﺎ - ﺋﺎﻧﯩﻼﺭﻧﻰ ﻳﯩﻐﯩﭗ، ﻫﯚﻛﯜﻣﻪﺗﻜﻪ ﺗﻪﻟﻪﭖ ﻗﻮﻳﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ.

ﺋﯘﻻﺭﻧﯩﯔ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ ﯞﻩﻗﻪ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ ﺋﺎﻗﺴﯘ ﯞﯨﻼﻳﻪﺗﻠﯩﻚ ﭘﺎﺭﺗﻜﻮﻡ ﺗﻪﺭﯨﭙﯩﺪﯨﻦ ﻛﯘﭼﺎﺭﻏﺎ ﺋﻪﯞﻩﺗﯩﻠﮕﻪﻥ ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﯞﻩ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺧﺎﺩﯨﻤﻠﯩﺮﻯ، ﺗﯘﺭﺳﯘﻥ ﻧﯘﺳﺮﻩﺗﻨﻰ ﺋﺎﺋﯩﻠﯩﺴﯩﺪﻩ ﻧﻪﺯﻩﺭﺑﻪﻧﺖ ﺋﺎﺳﺘﯩﻐﺎ ﺋﺎﻟﻐﺎﻥ ﯞﻩ ﺭﺍﺩﯨﺌﻮﻣﯩﺰﻏﺎ ﻛﯘﭼﺎﺭﺩﺍ ﻧﺎﻣﺎﻳﯩﺶ ﺑﻮﻟﺪﻯ، ﺩﻩﭖ ﺑﺎﻳﺎﻧﺎﺕ ﺑﻪﺭﮔﻪﻥ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺗﻨﯩﯔ ﺩﯗﮊﯦﺮﻧﻰ ﺋﯩﺸﺨﺎﻧﯩﺴﯩﺪﯨﻜﻰ ﺑﯩﺮ ﻧﯚﯞﻩﺗﭽﻰ ﺧﺎﺩﯨﻤﻨﻰ ﺧﯩﺰﻣﯩﺘﯩﺪﯨﻦ ﻗﻮﻏﻠﯩﻐﺎﻥ.

ﻟﯧﻜﯩﻦ ﻛﯘﭼﺎﺭ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺗﻨﯩﯔ ﺩﯗﮊﯦﺮﻧﻰ ﺋﯩﺸﺨﺎﻧﯩﺴﯩﺪﯨﻜﻰ ﻧﯚﯞﻩﺗﭽﻰ ﺧﺎﺩﯨﻤﻼﺭ ﺑﯘ ﺋﯘﭼﯘﺭﻧﯩﯔ ﺭﺍﺳﺖ - ﻳﺎﻟﻐﺎﻧﻠﯩﻘﯩﻨﻰ ﺋﯩﺴﭙﺎﺗﻼﺷﻘﺎ ﺋﯘﻧﯩﻤﯩﺪﻯ.

ﺋﯚﻣﻪﺭﺟﺎﻥ ﻫﺎﺟﯩﻢ : ﺭﺍﺳﺘﻨﻰ ﺳﯚﺯﻟﻪﺵ ﻛﯩﺸﯩﻠﻪﺭﻧﯩﯔ ﻫﻪﻗﻘﻰ

ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯘﭼﯘﺭ ﻣﻪﺭﻛﯩﺰﻯ ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ، ﻛﯘﭼﺎﺭ ﻧﺎﻫﯩﻴﯩﻠﯩﻚ ﭘﺎﺭﺗﻜﻮﻡ ﻧﺎﻫﯩﻴﯩﺪﯨﻜﻰ ﻫﻪﺭ ﺩﻩﺭﯨﺠﯩﻠﯩﻚ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﯨﻐﺎ ﺋﯘﺧﺘﯘﺭﯗﺵ ﺗﺎﺭﻗﯩﺘﯩﭗ، ﻧﺎﻫﯩﻴﯩﺪﻩ ﻳﯜﺯ ﺑﻪﺭﮔﻪﻥ ﺳﯩﻴﺎﺳﻰ ﯞﻩﻗﻪﻟﻪﺭﻧﻰ ﺳﯩﺮﺗﻘﺎ ﺋﺎﺷﻜﺎﺭﯨﻠﯩﻐﯘﭼﯩﻼﺭﻧﯩﯔ ﺋﯧﻐﯩﺮ ﺟﺎﺯﺍﻏﺎ ﺗﺎﺭﺗﯩﻠﯩﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﺋﺎﮔﺎﻫﻼﻧﺪﯗﺭﯗﺵ ﺑﻪﺭﮔﻪﻥ.

ﺋﯚﻣﻪﺭﺟﺎﻥ ﻫﺎﺟﯩﻢ، ﻧﻮﺭﯞﯨﮕﯩﻴﯩﺪﻩ ﻳﺎﺷﺎﻳﺪﯨﻐﺎﻥ ﻛﯘﭼﺎﺭﻟﯩﻖ ﺩﯨﻨﯩﻲ ﺯﺍﺗﻼﺭﺩﯨﻦ ﺑﻮﻟﯘﭖ، ﺋﯘ ﻛﯩﺸﯩﻠﻪﺭﻧﻰ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻐﺎ ﺳﯚﺯﻟﯩﮕﻪﻧﻠﯩﻜﻰ ﺋﯜﭼﯜﻥ ﺟﺎﺯﺍﻻﺵ ﺩﻩﯞﺭﯨﻤﯩﺰﺩﻩ ﺋﻪﻗﯩﻠﮕﻪ ﺳﯩﻐﯩﺪﯨﻐﺎﻥ ﺋﯩﺶ، ﺩﻩﭖ ﻗﺎﺭﯨﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﻳﺎﺷﻠﯩﺮﯨﻨﻰ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﻩ ﺋﯩﺸﻠﻪﺷﻜﻪ ﺗﻪﺷﻜﯩﻠﻠﻪﺵ ﺋﯘﻳﻐﯘﺭﻻﺭﻧﻰ ﻧﺎﻣﺮﺍﺗﻠﯩﻘﺘﯩﻦ ﻗﯘﺗﯘﻟﺪﯗﺭﯗﺵ ﺳﯩﻴﺎﺳﯩﺘﯩﻨﯩﯔ ﺑﯩﺮ ﻗﯩﺴﯩﻤﻰ، ﺩﻩﭖ ﺋﺎﻗﻠﯩﺴﯩﻤﯘ، ﻟﯧﻜﯩﻦ ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﻣﻪﺟﺒﯘﺭﻯ ﻳﯚﺗﻜﻪﺵ ﺋﻪﻫﯟﺍﻟﻰ ﺋﺎﺗﺎ - ﺋﺎﻧﯩﻼﺭﻧﯩﯔ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﯩﻤﺎﻗﺘﺎ ﺋﯩﺪﻯ. ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺭﻩﺋﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﺑﯘ ﺳﯩﻴﺎﺳﻪﺗﻨﻰ ﺷﻪﻛﻠﻰ ﯞﻩ ﺋﯩﺴﻤﻰ ﺋﯚﺯﮔﻪﺭﺗﯩﻠﮕﻪﻥ "ﺋﯧﺘﻨﯩﻚ ﺗﺎﺯﯨﻼﺵ،" ﺩﻩﭖ ﺋﻪﻳﯩﭙﻠﯩﻤﻪﻛﺘﻪ. (ﺋﻪﺭﻛﯩﻦ)