ﺧﯩﺘﺎﻳﺪﺍ، ﺋﻮﻗﯘﺵ ﭘﯘﻟﻰ 18 ﻳﯩﻠﻨﯩﯔ ﺋﯩﭽﯩﺪﻩ 25 ﻫﻪﺳﺴﻪ ﺋﯚﺭﻟﯩﺪﻯ

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

12 ‏- ﻳﺎﻧﯟﺍﺭ ﻛﯜﻧﻰ ﺋﻪﻧﮕﯩﻠﯩﻴﻪ ﺏ ﺏ ﺱ ﺭﺍﺩﯨﺌﻮ ﺗﯧﻠﯧﯟﯨﺰﯨﻴﻪ ﺷﯩﺮﻛﯩﺘﻰ ﺋﯧﻼﻥ ﻗﯩﻠﻐﺎﻥ ﻣﻪﻟﯘﻣﺎﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﻳﯧﻘﯩﻨﺪﺍ ﺧﯩﺘﺎﻳﺪﯨﻜﻰ ﺋﻮﻗﯘﺵ ﭘﯘﻟﯩﻨﯩﯔ 18 ﻳﯩﻠﻨﯩﯔ ﺋﯩﭽﯩﺪﻩ 25 ﻫﻪﺳﺴﻪ ﺋﯚﺭﻟﯩﮕﻪﻧﻠﯩﻜﯩﻨﻰ ﺋﯩﻘﺮﺍﺭ ﻗﯩﻠﻐﺎﻥ. ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﻫﻪﻗﺘﻪ ﺋﯧﻼﻥ ﻗﯩﻠﻐﺎﻥ ﺗﻪﺗﻘﯩﻘﺎﺕ ﺩﻭﻛﻼﺗﯩﺪﺍ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺧﯩﺘﺎﻳﺪﺍ ﻫﺎﺯﯨﺮ، ﻛﯩﺸﯩﻠﻪﺭﻧﯩﯔ ﺑﺎﻟﯩﻠﯩﺮﯨﻨﻰ ﺋﻮﻗﯘﺗﯘﺵ ﺋﯜﭼﯜﻥ، ﻣﺎﺋﺎﺭﯨﭙﻘﺎ ﺳﻪﺭﯨﭗ ﻗﯩﻠﯩﯟﺍﺗﻘﺎﻥ ﭘﯘﻟﻰ ﺋﺎﻟﯩﺪﯨﻐﺎﻥ ﭘﯧﻨﺴﯩﻴﻪ ﭘﯘﻟﻰ ﯞﻩ ﺗﯚﻟﻪﻳﺪﯨﻐﺎﻥ ﺋﯚﻱ ﺋﯩﺠﺎﺭﻩ ﭘﯘﻟﯩﺪﯨﻨﻤﯘ ﻛﯚﭖ ﺑﻮﻟﯘﭖ، ﺋﻮﻣﯘﻣﯩﻲ ﺋﯩﺴﺘﯧﻤﺎﻟﯩﺪﺍ ﺑﯩﺮﯨﻨﭽﻰ ﺋﻮﺭﯗﻧﺪﺍ ﺗﯘﺭﯨﺪﯨﻜﻪﻥ.

ﻣﺎﺋﺎﺵ ﺋﯩﻜﻜﻰ ﻫﻪﺳﺴﯩﺪﯨﻦ ﺟﯩﻘﺮﺍﻗﻼ ﺋﯚﺳﻜﻪﻥ، ﺑﯩﺮﺍﻕ ﺋﻮﻗﯘﺵ ﭘﯘﻟﯩﻨﯩﯔ 25 ﻫﻪﺳﺴﻪ

ﻣﻪﻟﯘﻣﺎﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﻫﺎﺯﯨﺮ ﺧﯩﺘﺎﻳﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﻩ، ﺋﻮﻗﯘﺵ ﭘﯘﻟﻰ ﺋﺎﺩﻩﺗﺘﻪ ﻳﯩﻠﯩﻐﺎ 5000 ﻳﯜﻩﻧﺪﯨﻦ 10000 ﻳﯜﻩﻧﮕﯩﭽﻪ ﺑﻮﻟﯘﭖ، 1989 ‏- ﻳﯩﻠﺪﯨﻜﯩﮕﻪ ﺳﯧﻠﯩﺸﺘﯘﺭﯗﻟﻐﺎﻧﺪﺍ، 25 ﻫﻪﺳﺴﯩﺪﯨﻨﻤﯘ ﻛﯚﭘﺮﻩﻙ ﺋﯧﺸﯩﭗ ﻛﻪﺗﻜﻪﻥ. ﻟﯧﻜﯩﻦ ﺑﯘ ﺟﻪﺭﻳﺎﻧﺪﺍ، ﺷﻪﻫﻪﺭ ﯞﻩ ﺑﺎﺯﺍﺭ ﺋﺎﻫﺎﻟﯩﻠﯩﺮﯨﻨﯩﯔ ﻳﯩﻠﻠﯩﻖ ﻛﯩﺮﯨﻤﻰ ﭘﻪﻗﻪﺕ 4 ﻫﻪﺳﺴﻪ ﺋﯚﺭﻟﯩﮕﻪﻥ. ﺷﯘﻧﺪﺍﻗﻼ ﺗﯜﺭﻟﯜﻙ ﺋﺎﻣﯩﻠﻼﺭﻧﻰ ﭼﯩﻘﯩﺮﯨﯟﻩﺗﻜﻪﻧﺪﻩ، ﻛﯩﺸﯩﻠﻪﺭﻧﯩﯔ ﻳﯩﻠﻠﯩﻖ ﻛﯩﺮﯨﻤﻰ ﭘﻪﻗﻪﺕ 2 ﻫﻪﺳﺴﯩﺪﯨﻦ ﺟﯩﻘﺮﺍﻗﻼ ﺋﯚﺭﻟﯩﮕﻪﻥ.

ﺧﯩﺘﺎﻱ ﺋﯚﺳﻤﯜﺭﻟﻪﺭ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﺗﻪﺭﯨﭙﯩﺪﯨﻦ ﺋﯧﻠﯩﭗ ﺑﯧﺮﯨﻠﻐﺎﻥ ﺗﻪﻛﺸﯜﺭﯛﺷﺘﯩﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﻫﺎﺯﯨﺮ ﺧﯩﺘﺎﻳﺪﺍ، ﻛﯩﺸﯩﻠﻪﺭﻧﯩﯔ ﻫﻪﻣﻤﯩﺪﯨﻦ ﺑﻪﻙ ﺑﺎﺵ ﻗﺎﺗﯘﺭﯨﺪﯨﻐﯩﻨﻰ ﻣﺎﺋﺎﺭﯨﭗ ﻫﻪﻗﻘﻰ ﺑﻮﻟﯘﭖ، ﻛﯩﺸﯩﻠﻪﺭﻧﯩﯔ ﺑﺎﻧﻜﯩﻐﺎ ﭘﯘﻝ ﻗﻮﻳﯘﺷﺘﯩﻜﻰ ﺋﺎﺳﺎﺳﯩﻲ ﻣﻪﻗﺴﯩﺪﯨﻤﯘ "ﺋﻮﻗﯘﺵ ﭘﯘﻟﯩﻨﻰ ﺗﻮﭘﻼﺵ" ﺋﯜﭼﯜﻥ ﺑﻮﻟﯘﭖ ﻗﺎﻟﻐﺎﻥ.

ﺑﯘﻧﺪﯨﻦ ﺋﯩﻠﮕﯩﺮﻯ ﺧﯩﺘﺎﻳﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﻗﯧﺘﯩﻤﻠﯩﻖ ﺗﻪﺗﻘﯩﻘﺎﺕ ﺩﻭﻛﻼﺗﯩﺪﺍ "ﺧﯩﺘﺎﻳﺪﯨﻜﻰ ﻣﺎﺋﺎﺭﯨﭗ ﭼﯩﻘﯩﻤﻰ، ﻛﯩﺮﯨﻤﻰ ﺗﯚﯞﻩﻥ ﺑﻮﻟﻐﺎﻥ ﭘﯘﻗﺮﺍﻻﺭ ﺋﯜﭼﯜﻥ ﺋﻪﯓ ﺋﯧﻐﯩﺮ ﺑﯩﺮ ﻳﯜﻛﻜﻪ ﺋﺎﻳﻼﻧﺪﻯ" ﺩﻩﭖ ﺋﻪﺳﻜﻪﺭﺗﯩﻠﮕﻪﻥ. ﻣﻪﺯﻛﯘﺭ ﺗﻪﻛﺸﯜﺭﯛﺵ ﺩﻭﻛﻼﺗﺘﺎ ﻳﻪﻧﻪ "ﻛﯚﭖ ﺳﺎﻧﺪﯨﻜﻰ ﺋﺎﺋﯩﻠﯩﻠﻪﺭﻧﯩﯔ ﻧﺎﻣﺮﺍﺕ ﺑﻮﻟﯘﭖ ﻗﯧﻠﯩﺸﻰ ﻣﺎﺋﺎﺭﯨﭗ ﭼﯩﻘﯩﻤﯩﻨﯩﯔ ﻫﻪﺩﯨﺪﯨﻦ ﺗﺎﺷﻘﯩﺮﻯ ﻳﯘﻗﯩﺮﻯ ﺑﻮﻟﻐﺎﻧﻠﯩﻘﯩﺪﯨﻦ" ﺩﻩﭖ ﻛﯚﺭﺳﯩﺘﯩﻠﮕﻪﻥ.

ﺑﯩﺮ ﺑﺎﻟﯩﺴﯩﻨﻰ ﺋﻮﻗﯘﺗﯘﺵ ﺋﯜﭼﯜﻥ، ﺑﯩﺮ ﺩﯦﻬﻘﺎﻥ 14 ﻳﯩﻞ ﻳﯧﻤﻪﻱ، ﺋﯩﭽﻤﻪﻱ ﺋﯩﺸﻠﻪﻳﺪﯗ

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘﻧﺪﯨﻦ ﺑﯩﺮ ﻧﻪﭼﭽﻪ ﺋﺎﻱ ﺋﯩﻠﮕﯩﺮﻯ ﺋﯧﻼﻥ ﻗﯩﻠﻐﺎﻥ ﺳﺎﻧﻠﯩﻖ ﺳﺘﺎﺗﯩﺴﺘﯩﻜﯩﺴﯩﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﻫﺎﺯﯨﺮ ﺧﯩﺘﺎﻳﺪﺍ، ﺑﯩﺮ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﻏﯘﭼﯩﺴﯩﻨﯩﯔ ﺋﻮﻗﯘﺵ ﭘﯘﻟﻰ، ﺗﯘﺭﻣﯘﺵ ﭘﯘﻟﻰ ﯞﻩ ﻳﺎﺗﺎﻕ ﭘﯘﻟﻰ ﺑﻮﻟﯘﭖ ﺑﯩﺮ ﻳﯩﻠﻠﯩﻖ ﭼﯩﻘﯩﻤﯩﻨﯩﯔ ﺋﯚﺯﻯ ﺋﺎﺯ ﺩﯦﮕﻪﻧﺪﻩ 7 ﻣﯩﯔ ﻳﯜﻩﻧﺪﯨﻦ ﺋﺎﺷﯩﺪﯨﻜﻪﻥ ﻫﻪﻣﺪﻩ 4 ﻳﯩﻠﻠﯩﻖ ﺋﻮﻗﯘﺵ ﺋﯜﭼﯜﻥ، ﺑﯩﺮ ﺋﻮﻗﯘﻏﯘﭼﻰ ﺋﺎﺯ ﺩﯦﮕﻪﻧﺪﻩ 28 ﻣﯩﯔ ﻳﯜﻩﻥ ﺗﯚﻟﯩﺸﻰ ﻛﯧﺮﻩﻙ ﺋﯩﻜﻪﻥ. ﺑﯘ ﺧﯩﻞ ﻫﯧﺴﺎﺑﻼﺵ ﺑﻮﻳﯩﭽﻪ، ﺑﯩﺮ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﻏﯘﭼﯩﺴﯩﻨﯩﯔ 4 ﻳﯩﻠﻠﯩﻖ ﺋﻮﻗﯘﺵ ﭘﯘﻟﻰ ﺷﻪﻫﻪﺭ ﺧﯩﺰﻣﻪﺗﭽﯩﺴﯩﻨﯩﯔ 4 ﻳﯧﺮﯨﻢ ﻳﯩﻠﻠﯩﻖ ﻛﯩﺮﯨﻤﻰ، ﺩﯦﻬﻘﺎﻥ ﺑﯩﭽﺎﺭﯨﻨﯩﯔ 14 ﻳﯩﻠﻠﯩﻖ ﻛﯩﺮﯨﻤﯩﮕﻪ ﺗﻪﯓ ﻛﯧﻠﯩﺪﯨﻜﻪﻥ.

ﺭﺍﺩﯨﺌﻮﻣﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ، ﺋﯩﺴﻤﯩﻨﻰ ﻣﻪﻟﯘﻡ ﻗﯩﻠﯩﺸﻨﻰ ﺧﺎﻟﯩﻤﯩﻐﺎﻥ ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﺑﯩﺮ ﺯﯨﻴﺎﻟﯩﻲ، ﻳﯧﻘﯩﻨﻘﻰ 10 ﻧﻪﭼﭽﻪ ﻳﯩﻠﺪﯨﻦ ﺑﯘﻳﺎﻥ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻮﻗﯘﺵ ﺧﯩﺮﺍﺟﯩﺘﯩﻨﯩﯖﻤﯘ ﻳﯩﻠﺪﯨﻦ -ﻳﯩﻠﻐﺎ ﻫﻪﺳﺴﯩﻠﻪﭖ ﺋﯚﺭﻟﻪﭖ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ، ﺋﻮﻗﯘﻏﯘﭼﯩﻼﺭﻧﯩﯔ ﺋﻮﻗﯘﺵ ﭘﯘﻟﯩﻨﻰ ﺗﯚﻟﻪﺵ ﺋﯜﭼﯜﻥ ﻣﻪﻛﺘﻪﭘﺘﯩﻦ ﻗﻪﺭﺯ ﺋﯧﻠﯩﺸﻘﺎ ﻣﻪﺟﺒﯘﺭ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ، ﺋﻪﮔﻪﺭ ﺋﻮﻗﯘﻏﯘﭼﯩﻼﺭ ﺋﻮﻗﯘﺵ ﺋﯜﭼﯜﻥ ﺋﺎﻟﻐﺎﻥ ﻗﻪﺭﺯ ﭘﯘﻟﯩﻨﻰ ﻣﻪﻛﺘﻪﭖ ﭘﯜﺗﺘﯜﺭﯛﺷﺘﯩﻦ ﺑﯘﺭﯗﻥ ﺗﯚﻟﯩﯟﻩﺗﻤﻪﻳﺪﯨﻜﻪﻥ، ﻣﻪﻳﻠﻰ ﺋﯘﻻﺭ ﻣﻪﻛﺘﻪﭘﻨﻰ ﻗﺎﻧﭽﻪ ﺋﻪﻻ ﭘﯜﺗﺘﯜﺭﯛﺷﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ، ﺩﯦﭙﻠﻮﻡ ﺑﯧﺮﯨﻠﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺋﯩﺴﻤﯩﻨﻰ ﻣﻪﻟﯘﻡ ﻗﯩﻠﯩﺸﻨﻰ ﺧﺎﻟﯩﻤﯩﻐﺎﻥ ﺑﯘ ﺋﺎﻟﯩﻲ ﻣﻪﻛﺘﻪﭖ ﺧﯩﺰﻣﻪﺗﭽﯩﺴﻰ ﺳﯚﺯﯨﺪﻩ ﻳﻪﻧﻪ " ﻫﺎﺯﯨﺮ ﺋﯜﺭﯛﻣﭽﯩﺪﻩ ﻣﺎﺋﺎﺭﯨﭗ ﭼﯩﻘﯩﻤﻰ ﻫﻪﻣﻤﯩﺪﯨﻦ ﻳﯘﻗﯩﺮﻯ ﺑﻮﻟﯘﭖ ﻫﻪﺗﺘﺎ ﺳﻪﻫﯩﻴﻪ ﭼﯩﻘﯩﻤﻰ ﯞﻩ ﺋﻮﻟﺘﯘﺭﺍﻕ ﺋﯚﻱ ﺋﯩﺠﺎﺭﻩ ﭼﯩﻘﯩﻤﯩﺪﯨﻨﻤﯘ ﺋﯧﺸﯩﭗ ﻛﻪﺗﺘﻰ. ﻣﻪﺳﯩﻠﻪﻥ، ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺋﯚﺯﯨﺪﯨﻼ، ﺋﻮﻗﯘﻏﯘﭼﯩﻼﺭﻧﯩﯔ ﻳﯩﻠﻠﯩﻖ ﺋﻮﻗﯘﺵ ﻫﻪﻗﻘﻰ ﺩﻩﺳﻠﻪﭘﺘﯩﻜﻰ ﻧﻪﭼﭽﻪ ﻳﯜﺯ ﻳﯜﻩﻧﺪﯨﻦ ﻫﺎﺯﯨﺮﻗﻰ 7 - 8 ﻣﯩﯔ ﻳﯜﻩﻥ، ﻫﻪﺗﺘﺎ 10 ﻣﯩﯔ ﻳﯜﻩﻧﮕﻪ ﺋﯚﺳﯜﭖ ﻛﻪﺗﺘﻰ " ﺩﻩﭖ ﺑﯩﻠﺪﯛﺭﺩﻯ.

ﻛﯚﭘﻠﯩﮕﻪﻥ ﺋﺎﻧﺎﻟﯩﺰﭼﯩﻼﺭ "ﺧﯩﺘﺎﻳﺪﯨﻜﻰ ﺋﺎﻟﯩﻲ ﻣﻪﻛﺘﻪﭖ ﭼﯩﻘﯩﻤﯩﻨﯩﯔ ﺑﯘ ﻗﻪﺩﻩﺭ ﻳﯘﻗﯩﺮﻯ ﺑﻮﻟﯘﭖ ﻛﯧﺘﯩﺸﻰ ﻫﯚﻛﯜﻣﻪﺗﻨﯩﯔ ﻣﺎﺋﺎﺭﯨﭙﻘﺎ ﺋﺎﺟﺮﺍﺗﻘﺎﻥ ﭘﯘﻟﯩﻨﯩﯔ ﺋﯧﻐﯩﺮ ﺩﻩﺭﯨﺠﯩﺪﻩ ﻳﯧﺘﻪﺭﺳﯩﺰ ﺑﻮﻟﯘﯞﺍﺗﻘﺎﻧﻠﯩﻘﯩﺪﯨﻦ" ﺩﻩﭖ ﺗﻪﻛﯩﺘﻠﻪﭖ، ﺧﯩﺘﺎﻳﺪﯨﻜﻰ ﻣﻪﻛﺘﻪﭘﻠﻪﺭﻧﯩﯔ ﺋﯚﺯ ﺋﺎﻟﺪﯨﻐﺎ ﻗﺎﻻﻳﻤﯩﻘﺎﻥ ﭘﯘﻝ ﻳﯩﻐﯩﺪﯨﻐﺎﻥ ﯞﻩ ﻣﺎﺋﺎﺭﯨﭙﻨﻰ ﺑﺎﺯﺍﺭﻻﺷﺘﯘﺭﯗﭖ ﻣﻪﻛﺘﻪﭖ ﺋﻮﺭﯗﻧﻠﯩﺮﯨﻨﻰ ﺋﺎﺩﻩﻡ ﺗﻪﺭﺑﯩﻴﯩﻠﻪﺵ ﺋﻪﻣﻪﺱ ﺑﻪﻟﻜﻰ ﺳﻮﺩﺍ ﻗﯩﻠﯩﺶ ﺳﻮﺭﯗﻧﯩﻐﺎ ﺋﺎﻳﻼﻧﺪﯗﺭﯨﯟﺍﻟﻐﺎﻧﻠﯩﻘﯩﺪﻩﻙ ﻗﯩﻠﻤﯩﺸﻠﯩﺮﯨﻨﻰ ﻗﺎﺗﺘﯩﻖ ﺗﻪﻧﻘﯩﺪﻟﯩﻤﻪﻛﺘﻪ.

ﻣﺎﺋﺎﺭﯨﭗ ﭼﯩﻘﯩﻤﯩﻨﯩﯔ ﻫﻪﺳﺴﯩﻠﻪﭖ ﺋﯧﺸﯩﺸﻰ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺗﻪﻫﺪﯨﺖ ﺋﯧﻠﯩﭗ ﻛﯧﻠﯩﺪﯗ

ﺋﺎﻣﯧﺮﯨﻜﺎ ﻧﻴﯘﻳﻮﺭﻙ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﺷﻴﺎ ﺋﻪﭘﻪﻧﺪﻯ ﺑﯘ ﻫﻪﻗﺘﻪ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ:

"ﺧﯩﺘﺎﻱ ﻫﯚﻛﯜﻣﯩﺘﻰ ﻣﺎﺋﺎﺭﯨﭙﻘﺎ ﻳﯧﺘﻪﺭﻟﯩﻚ ﻣﻪﺑﻠﻪﻍ ﺳﺎﻟﻤﺎﻱ ﺋﯘﻧﯩﯔ ﺋﯚﺯ ﺋﺎﻟﺪﯨﻐﺎ ﺑﺎﺯﺍﺭﻟﯩﺸﯩﺸﯩﻐﺎ ﻳﻮﻝ ﻗﻮﻳﻐﺎﻧﻠﯩﻘﺘﯩﻦ، ﻛﻪﻣﺒﻪﻏﻪﻝ ﺋﺎﺋﯩﻠﯩﻠﻪﺭﺩﯨﻜﻰ ﻧﯘﺭﻏﯘﻧﻠﯩﻐﺎﻥ ﺑﺎﻟﯩﻼﺭ ﺋﻮﻗﯘﺷﺘﯩﻦ ﻗﺎﻟﯩﺪﯨﻐﺎﻥ ﯞﻩ ﻳﺎﻛﻰ ﺋﺎﻟﯩﻲ ﻣﻪﻛﺘﻪﭘﻜﻪ ﻛﯩﺮﻩﻟﻤﻪﻳﺪﯨﻐﺎﻥ ﺋﻪﻫﯟﺍﻟﻼﺭﻧﻰ ﻛﻪﻟﺘﯜﺭﯛﭖ ﭼﯩﻘﺎﺭﺩﻯ. ﺋﻮﻗﯘﺷﺴﯩﺰ ﻗﺎﻟﻐﺎﻥ ﺑﯘ ﺑﺎﻟﯩﻼﺭ، ﺩﻩﺳﻠﻪﭘﺘﯩﻜﻰ ﺳﺎﯞﺍﺗﺴﯩﺰﻟﯩﻘﺘﯩﻦ ﺋﺎﺧﯩﺮﯨﻐﺎ ﺑﯧﺮﯨﭗ ﻗﺎﻧﯘﻥ ﺑﯩﻠﻤﻪﻳﺪﯨﻐﺎﻥ ﻫﻪﺗﺘﺎ ﺟﻪﻣﺌﯩﻴﻪﺗﺘﻪ ﻗﺎﻻﻳﻤﯩﻘﺎﻧﭽﯩﻠﯩﻖ ﭼﯩﻘﯩﺮﯨﺪﯨﻐﺎﻥ ﻟﯘﻛﭽﻪﻛﻠﻪﺭﮔﻪ ﺋﺎﻳﻠﯩﻨﯩﭗ ﻗﯧﻠﯩﺸﻰ ﻣﯘﻣﻜﯩﻦ. ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘﻧﻰ ﺗﻮﻧﯘﭖ ﻳﯧﺘﯩﺸﻰ ﻛﯧﺮﻩﻙ ﺋﯩﺪﻯ. ﭼﯜﻧﻜﻰ ﺑﯘ ﺧﯩﻞ ﺋﻪﻫﯟﺍﻝ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯜﭼﯜﻥ ﺑﯩﺮ ﭼﻮﯓ ﺗﻪﻫﺪﯨﺖ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ" ﺩﻩﭖ ﻛﯚﺭﺳﻪﺗﺘﻰ.

ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺧﯩﺘﺎﻳﺪﯨﻜﻰ ﻣﺎﺋﺎﺭﯨﭗ ﭼﯩﻘﯩﻤﻰ ﻫﻪﻗﻘﯩﺪﻩ ﻛﯚﭖ ﻗﯧﺘﯩﻢ ﺩﻭﻛﻼﺕ ﺋﯧﻼﻥ ﻗﯩﻠﯩﭗ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ "ﻣﺎﺋﺎﺭﯨﭙﻘﺎ ﻣﻪﺑﻠﻪﻍ ﺳﯧﻠﯩﺸﺘﺎ، ﺩﯗﻧﻴﺎﻧﯩﯔ ﺋﺎﺭﻗﯩﺪﺍ ﻗﺎﻟﻐﺎﻥ؛ ﻫﻪﺗﺘﺎ ﺋﻪﯓ ﻧﺎﻣﺮﺍﺕ ﺩﯙﻟﻪﺕ ﺋﯘﮔﺎﻧﺪﺍﻧﯩﯖﻤﯘ ﺋﺎﺭﻗﯩﺪﺍ ﻗﺎﻟﻐﺎﻥ" ﺩﻩﭖ ﺋﻪﻳﯩﺒﻠﻪﭖ ﻛﻪﻟﻤﻪﻛﺘﻪ. (ﻣﯧﻬﺮﯨﺒﺎﻥ)