ﺧﯩﺘﺎﻳﺪﺍ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﯩﯔ ﺋﻮﻗﯘﺵ ﻫﻪﻗﻘﻰ 20 ﻳﯩﻞ ﺋﯩﭽﯩﺪﻩ 25 ﻫﻪﺳﺴﻪ ﺋﯚﺳﯜﭖ ﻛﻪﺗﺘﻰ

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

"ﺷﻴﺎﯞ ﻛﺎﯓ" ﮊﯗﺭﻧﯩﻠﯩﺪﺍ ﺑﯧﺮﯨﻠﮕﻪﻥ ﻣﻪﻟﯘﻣﺎﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺑﯘﻧﺪﯨﻦ 20 ﻳﯩﻞ ﺋﯩﻠﮕﯩﺮﻯ ﺧﯩﺘﺎﻳﺪﺍ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﯩﯔ ﻳﯩﻠﻠﯩﻖ ﺋﻮﻗﯘﺵ ﻫﻪﻗﻘﻰ 200 ﻳﯜﻩﻥ ﺑﻮﻟﯘﭖ، ﻫﺎﺯﯨﺮ ﺋﻮﺭﺗﺎ ﻫﯧﺴﺎﺑﺘﺎ ﻳﯩﻠﯩﻐﺎ 5000 ﻳﯜﻩﻧﺪﯨﻦ ﺗﻮﻏﺮﺍ ﻛﻪﻟﮕﻪﻥ. 1994 ‏- ﻳﯩﻠﯩﺪﯨﻦ ﻫﺎﺯﯨﺮﻏﯩﭽﻪ ﺑﻮﻟﻐﺎﻥ 10 ﻳﯩﻞ ﺋﯩﭽﯩﺪﻩ، ﺧﻪﻟﻘﻨﯩﯔ ﻳﯩﻠﻠﯩﻖ ﻛﯩﺮﯨﻤﻰ 4 ﻫﻪﺳﺴﻪ ﺋﯚﺭﻟﯩﮕﻪﻥ ﺑﻮﻟﺴﺎ، ﺋﻮﻗﯘﺵ ﻫﻪﻗﻘﯩﻨﯩﯔ ﺋﯚﺭﻟﻪﺵ ﻧﯩﺴﺒﯩﺘﻰ ﺋﯘﻧﯩﯖﺪﯨﻦ ﻧﻪﭼﭽﻪ ﻫﻪﺳﺴﻪ ﻳﯘﻗﯩﺮﯨﻼﭖ ﻛﻪﺗﻜﻪﻥ. ﺑﯘ ﺧﯩﻞ ﺋﻪﻫﯟﺍﻝ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯖﻤﯘ ﻗﺎﺗﺘﯩﻖ ﺑﯧﺸﯩﻨﻰ ﻗﺎﺗﯘﺭﻏﺎﻥ ﺑﻮﻟﯘﭖ ﺑﯧﻴﺠﯩﯖﺪﺍ ﺋﯧﭽﯩﻠﻐﺎﻥ 2006 ‏- ﻳﯩﻠﻠﯩﻖ ﺧﻪﻟﻖ ﻗﯘﺭﯗﻟﺘﯩﻴﯩﺪﺍ، ﺧﯩﺘﺎﻳﺪﯨﻜﻰ ﻣﺎﺋﺎﺭﯨﭗ ﻫﻪﻗﻘﯩﻨﯩﯔ ﻫﻪﺩﯨﺪﯨﻦ ﺗﺎﺷﻘﯩﺮﻯ ﻳﯘﻗﯩﺮﻯ ﺑﻮﻟﯘﭖ ﻛﯧﺘﯩﯟﺍﺗﻘﺎﻧﻠﯩﻘﻰ ﯞﻩ ﺋﺎﺩﻩﺗﺘﯩﻜﻰ ﺋﺎﺋﯩﻠﯩﻠﻪﺭﻧﯩﯔ ﺋﯘﻧﻰ ﺗﯚﻟﻪﺷﻜﻪ ﻗﯘﺩﺭﯨﺘﻰ ﻳﻪﺗﻤﻪﻳﯟﺍﺗﻘﺎﻧﻠﯩﻘﻰ ﺋﺎﻻﻫﯩﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

"ﺷﻴﺎﯞﻛﺎﯓ" ﺟﯘﺭﻧﯩﻠﯩﺪﺍ ﺑﯧﺮﯨﻠﮕﻪﻥ ﺳﺎﻧﻠﯩﻖ ﻣﻪﻟﯘﻣﺎﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻳﺪﯨﻜﻰ ﻣﺎﺋﺎﺭﯨﭗ ﺧﯩﺮﺍﺟﯩﺘﻰ ﺩﯦﻬﻘﺎﻥ ﺋﺎﺋﯩﻠﯩﻠﯩﺮﯨﻨﯩﯔ ﻳﯩﻠﻠﯩﻖ ﻛﯩﺮﯨﻤﯩﻨﯩﯔ 33% ﻧﻰ ﺷﯘﻧﺪﺍﻗﻼ ﺷﻪﻫﻪﺭﻟﯩﻜﻠﻪﺭﻧﯩﯔ ﺋﺎﺋﯩﻠﻪ ﻛﯩﺮﯨﻤﯩﻨﯩﯔ 26 ﭘﯩﺮﺳﻪﻧﺘﯩﻨﻰ ﺋﯩﮕﯩﻠﯩﮕﻪﻥ. ﻟﯧﻜﯩﻦ ﺗﻪﺭﻩﻗﻘﻰ ﻗﯩﻠﻐﺎﻥ ﺩﯙﻟﻪﺗﻠﻪﺭﺩﻩ ﺑﻮﻟﺴﺎ، ﻫﯚﻛﯜﻣﻪﺗﻜﻪ ﻗﺎﺭﺍﺷﻠﯩﻖ ﺋﯘﻧﯩﯟﯦﺮﺳﯩﺘﯧﺘﻼﺭﻧﯩﯔ ﺋﻮﻗﯘﺵ ﻫﻪﻗﻘﻰ ﺋﯩﻨﺘﺎﻳﯩﻦ ﻗﺎﺗﺘﯩﻖ ﻛﻮﻧﺘﺮﻭﻝ ﻗﯩﻠﯩﻨﻐﺎﻥ. ﻣﻪﺳﯩﻠﻪﻥ، ﺋﺎﻣﯧﺮﯨﻜﯩﺪﺍ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﯩﯔ ﺋﻮﻗﯘﺵ ﭘﯘﻟﻰ ﺧﻪﻟﻖ ﻛﯩﺮﯨﻤﯩﻨﯩﯔ 6 ﺩﯨﻦ 1 ﻗﯩﺴﻤﯩﻨﻰ، ﺋﻪﻧﮕﯩﻠﯩﻴﯩﺪﻩ 10 ﺩﯨﻦ 1 ﻗﯩﺴﻤﯩﻨﻰ ﺋﯩﮕﯩﻠﻪﻳﺪﯗ. ﮔﯧﺮﻣﺎﻧﯩﻴﯩﺪﻩ ﺑﻮﻟﺴﺎ، ﻫﯚﻛﯜﻣﻪﺗﻜﻪ ﻗﺎﺭﺍﺷﻠﯩﻖ ﺋﺎﻟﯩﻲ ﻣﻪﻛﺘﻪﭘﻠﻪﺭ ﭘﯜﺗﯜﻧﻠﻪﻱ ﻫﻪﻗﺴﯩﺰ، ﻫﻪﺗﺘﺎ ﺳﻮﺗﺴﯩﻴﺎﻟﯩﺴﺘﯩﻚ ﺩﯙﻟﻪﺕ ﺩﻩﭖ ﺋﺎﺗﯩﻠﯩﭗ ﻛﯧﻠﯩﯟﺍﺗﻘﺎﻥ ﻛﯘﺑﺎ ﯞﻩ ﺷﯩﻤﺎﻟﯩﻲ ﻛﻮﺭﯨﻴﯩﺪﯨﻤﯘ، ﺋﺎﻟﯩﻲ ﻣﻪﻛﺘﻪﭘﻠﻪﺭﻧﯩﯔ ﺋﻮﻗﯘﺵ ﻫﻪﻗﻘﻰ ﺋﯩﻨﺘﺎﻳﯩﻦ ﺗﯚﯞﻩﻥ.

ﻫﯚﻛﯜﻣﻪﺗﻨﯩﯔ ﻣﺎﺋﺎﺭﯨﭙﻘﺎ ﺳﺎﻟﻐﺎﻥ ﻣﻪﺑﻠﯩﻐﻰ ﻳﯧﺘﻪﺭﺳﯩﺰ

ﻳﯧﻘﯩﻨﺪﺍ ﺧﯩﺘﺎﻱ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﻣﯘﺋﺎﯞﯨﻦ ﻣﯩﻨﯩﺴﺘﯩﺮﻯ ﺟﺎﯓ ﺑﺎﯞﭼﯩﻦ "ﻧﯧﻤﻪ ﺋﯜﭼﯜﻥ ﺧﯩﺘﺎﻳﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﯩﯔ ﺋﻮﻗﯘﺵ ﻫﻪﻗﻘﯩﻲ ﻳﯩﻠﺪﯨﻦ ‏- ﻳﯩﻠﻐﺎ ﺋﯚﺭﻟﻪﭖ ﻛﯧﺘﯩﯟﺍﺗﯩﺪﯗ" ﺩﯦﮕﻪﻥ ﺑﯘ ﻣﻪﺳﯩﻠﻪ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، "ﻣﺎﺋﺎﺭﯨﭗ ﺗﻪﺭﻩﻗﻘﯩﻴﺎﺗﯩﻐﺎ ﺯﻭﺭ ﺗﻪﺳﯩﺮ ﻳﻪﺗﻜﯜﺯﯛﯞﺍﺗﻘﺎﻥ ﻣﯘﻫﯩﻢ ﺋﺎﻣﯩﻠﻼﺭﻧﯩﯔ ﺑﯩﺮﻯ، ﻫﯚﻛﯜﻣﻪﺗﻨﯩﯔ ﻣﺎﺋﺎﺭﯨﭙﻘﺎ ﺳﺎﻟﻐﺎﻥ ﻣﻪﺑﻠﯩﻐﯩﻨﯩﯔ ﻳﯧﺘﻪﺭﺳﯩﺰ ﺑﻮﻟﯘﯞﺍﺗﻘﺎﻧﻠﯩﻘﻰ، ﻫﯚﻛﯜﻣﻪﺕ ﻣﻪﺑﻠﯩﻐﯩﻨﯩﯔ ﻣﺎﺋﺎﺭﯨﭗ ﺋﯩﺴﻼﻫﺎﺗﯩﻨﯩﯔ ﺋﺎﺭﻗﯩﺪﺍ ﻗﯧﻠﯩﯟﺍﺗﻘﺎﻧﻠﯩﻘﻰ " ﺩﻩﭖ ﻛﯚﺭﺳﻪﺗﻜﻪﻥ.

ﺋﺎﻣﯧﺮﯨﻜﺎ ﭼﯩﻜﺎﮔﻮ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﻳﺎﯓ ﺩﺍﻟﯩﻲ ﺋﻪﭘﻪﻧﺪﻯ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﺎﺋﺎﺭﯨﭙﻘﺎ ﺳﯧﻠﯩﯟﺍﺗﻘﺎﻥ ﻣﻪﺑﻠﯩﻐﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ:

"ﺧﯩﺘﺎﻳﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﯩﯔ ﻫﻪﻣﻤﯩﺴﻰ ﻫﻪﻕ ﺋﺎﻟﯩﺪﯗ، ﺷﯘﯕﺎ ﻧﺎﻣﺮﺍﺕ ﺋﺎﺋﯩﻠﯩﺪﯨﻜﯩﻠﻪﺭﻧﯩﯔ ﺑﺎﻟﯩﻠﯩﺮﯨﻨﯩﯔ ﺋﻮﻗﯘﺷﺘﯩﻦ ﻗﯧﻠﯩﺸﻰ ﻧﺎﻫﺎﻳﯩﺘﻰ ﻧﻮﺭﻣﺎﻝ ﺑﯩﺮ ﺋﯩﺶ ﺑﻮﻟﯘﭖ ﻗﺎﻟﻐﺎﻥ. ﭼﻪﺗﺌﻪﻟﻠﻪﺭﺩﻩ ﺑﻮﻟﺴﺎ ﻧﺎﻣﺮﺍﺕ ﺋﺎﺋﯩﻠﯩﺪﯨﻜﯩﻠﻪﺭﻧﯩﯔ ﺑﺎﻟﯩﻠﯩﺮﻯ ﺋﯜﭼﯜﻥ ﻣﻪﺧﺴﯘﺱ ﻫﻪﻗﺴﯩﺰ ﻣﻪﻛﺘﻪﭘﻠﻪﺭ ﺑﺎﺭ. ﻟﯧﻜﯩﻦ ﺧﯩﺘﺎﻳﺪﺍ ﺗﯧﺨﻰ ﺑﯘﻧﺪﺍﻕ ﺷﺎﺭﺍﺋﯩﺖ ﻫﺎﺯﯨﺮﻻﻧﻤﯩﺪﻯ. ﺋﻪﻟﯟﻩﺗﺘﻪ ﻫﯚﻛﯜﻣﻪﺗﻨﯩﯔ ﺋﺎﻟﯩﻲ ﻣﺎﺋﺎﺭﯨﭙﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﺋﯜﭼﯜﻥ ﻣﯘﯞﺍﭘﯩﻖ ﻫﺎﻟﺪﺍ ﺋﻮﻗﯘﺵ ﭘﯘﻟﻰ ﻳﯩﻐﯩﺸﻰ ﺧﺎﺗﺎ ﺋﻪﻣﻪﺱ. ﻟﯧﻜﯩﻦ ﺑﯩﺮ ﻗﯩﺴﯩﻢ ﻣﻪﻛﺘﻪﭘﻠﻪﺭ ﺩﺍﺋﯩﺮﯨﺴﯩﻨﻰ ﻛﯧﯖﻪﻳﺘﮕﻪﻧﻠﯩﻜﺘﯩﻦ، ﺋﯘﻻﺭﻧﯩﯔ ﺋﯩﻘﺘﯩﺴﺎﺩﻯ ﺟﻪﻫﻪﺗﺘﯩﻜﻰ ﺑﯧﺴﯩﻤﻰ ﺋﯧﻐﯩﺮ ﺑﻮﻟﻐﺎﻥ. ﺷﯘﻧﯩﯔ ﺑﯩﻠﻪﻥ، ﻫﯚﻛﯜﻣﻪﺕ ﺑﻪﺭﮔﻪﻥ ﭘﯘﻟﻨﻰ ﻳﻪﺗﻜﯜﺯﯛﻟﻤﯩﮕﻪﻧﻠﯩﻜﺘﯩﻦ، ﺋﺎﺗﺎ‏ ‏-ﺋﺎﻧﯩﻼﺭﻧﯩﯔ ﻳﯜﻛﯩﻨﻰ ﺋﯧﻐﯩﺮﻻﺷﺘﯘﺭﯗﺷﻘﺎ ﻣﻪﺟﺒﯘﺭ ﺑﻮﻟﻐﺎﻥ ".

ﺋﺎﻣﯧﺮﯨﻜﯩﺪﺍ ﺗﯘﺭﯗﺷﻠﯘﻕ ﺋﯘﻳﻐﯘﺭ ﺯﯨﻴﺎﻟﯩﻴﺴﻰ ﺳﯩﺪﯨﻘﻬﺎﺟﻰ ﺋﻪﭘﻪﻧﺪﻯ ﻳﯧﻘﯩﻨﻘﻰ 20 ﻳﯩﻞ ﺋﯩﭽﯩﺪﻩ، ﺧﯩﺘﺎﻳﺪﯨﻜﻰ ﻣﺎﺋﺎﺭﯨﭗ ﺧﯩﺮﺍﺟﯩﺘﯩﻨﯩﯔ 25 ﻫﻪﺳﺴﻪ ﺋﯚﺳﯜﭖ ﻛﻪﺗﻜﻪﻧﻠﯩﻜﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﺑﯘﻧﯩﯔ ﺗﻪﺑﯩﺌﯩﻲ ﺋﯩﺶ ﺋﯩﻜﻪﻧﻠﯩﻜﯩﻨﻰ، ﻫﺎﺯﯨﺮ ﺧﯩﺘﺎﻱ ﺋﯩﻘﺘﯩﺴﺎﺩﯨﻨﯩﯔ ﭼﻪﺗﺌﻪﻝ ﻣﻪﺑﻠﯩﻐﯩﻐﺎ ﺗﺎﻳﯩﻨﯩﭗ ﻗﺎﻟﻐﺎﻧﻠﯩﻘﯩﻨﻰ، ﺧﯩﺘﺎﻳﺪﺍ ﭘﯘﻝ ﭘﺎﺧﺎﻟﻠﯩﻘﯩﻨﯩﮓ ﺋﯧﻐﯩﺮﻟﯩﺸﯩﯟﺍﺗﻘﺎﻧﻠﯩﻘﯩﻨﻰ، ﺑﯘﻧﯩﯔ ﺗﻪﺑﯩﺌﯩﻲ ﻫﺎﻟﺪﺍ ﻣﺎﺋﺎﺭﯨﭗ ﭼﯩﻘﯩﻤﯩﻨﻰ ﻳﯘﻗﯩﺮﻯ ﻛﯚﺗﯜﺭﯛﯞﯦﺘﯩﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﻣﺎﺋﺎﺭﯨﭙﻨﻰ ﭘﯘﻝ ﺗﯧﭙﯩﺶ ﻗﯘﺭﺍﻟﯩﻐﺎ ﺋﺎﻳﻼﻧﺪﯗﺭﯗﯞﯦﻠﯩﺶ ﺋﯩﻨﺘﺎﻳﯩﻦ ﺧﺎﺗﺎ ﺑﯩﺮ ﺋﯩﺶ

ﻣﯘﻧﺎﺳﯩﯟﻩﺗﻠﯩﻚ ﻣﻪﻟﯘﻣﺎﺗﻼﺭﺩﺍ ﻛﯚﺭﺳﯩﺘﯩﻠﯩﺸﯩﭽﻪ، ﻫﺎﺯﯨﺮ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﺎﺋﺎﺭﯨﭙﻘﺎ ﺳﺎﻟﻐﺎﻥ ﻣﻪﺑﻠﯩﻐﻰ ﭘﻪﻗﻪﺕ ﺗﻪﺭﻩﻗﻘﯩﻲ ﻗﯩﻠﻐﺎﻥ ﺩﯙﻟﻪﺗﻠﻪﺭﻧﯩﯖﻜﯩﺪﯨﻨﻼ ﺋﻪﻣﻪﺱ، ﺗﻪﺭﻩﻗﻘﯩﻲ ﻗﯩﻠﯩﯟﺍﺗﻘﺎﻥ ﺩﯙﻟﻪﺗﻠﻪﺭﻧﯩﯖﻜﯩﺪﯨﻤﯘ ﺗﯚﯞﻩﻥ ﺑﻮﻟﻐﺎﻥ. ﻫﻪﺗﺘﺎ ﺋﻮﮔﺎﻧﺪﺍ ﻗﺎﺗﺎﺭﻟﯩﻖ ﻧﺎﻣﺮﺍﺕ ﺩﯙﻟﻪﺗﻠﻪﺭﻧﯩﯖﻤﯘ ﺋﺎﺭﻗﯩﺪﺍ ﻗﺎﻟﻐﺎﻥ. ﺋﺎﻣﯧﺮﯨﻜﺎ ﺋﯩﻨﺘﯧﺮﻧﯧﺖ ﮊﯗﺭﻧﯩﻠﯩﻨﯩﯔ ﺧﯩﺘﺎﻱ ﺋﯩﺸﻠﯩﺮﻯ ﻣﻪﺳﺌﯘﻟﻰ ﯞﯗ ﻓﻪﻥ ﺋﻪﭘﻪﻧﺪﻯ ﺧﯩﺘﺎﻱ ﻣﺎﺋﺎﺭﯨﭙﯩﻨﯩﯔ ﻛﯜﻧﺴﯧﺮﻯ ﺑﺎﺯﺍﺭﻟﯩﺸﯩﯟﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ:

"ﻣﺎﺋﺎﺭﯨﭙﻨﻰ ﺑﺎﺯﺍﺭﻻﺷﺘﯘﺭﯗﭖ، ﺋﯘﻧﻰ ﭘﯘﻝ ﺗﯧﭙﯩﺶ ﻗﯘﺭﺍﻟﯩﻐﺎ ﺋﺎﻳﻼﻧﺪﯗﺭﯗﯞﯦﻠﯩﺶ ﺋﯩﻨﺘﺎﻳﯩﻦ ﺧﺎﺗﺎ ﺑﯩﺮ ﺋﯩﺶ، ﺑﯘﻧﺪﺍﻕ ﻗﯩﻠﯩﺸﻘﺎ ﻫﻪﺭﮔﯩﺰ ﻳﻮﻝ ﻗﻮﻳﻤﺎﺳﻠﯩﻖ ﻛﯧﺮﻩﻙ. ﻣﺎﺋﺎﺭﯨﭗ ﺋﺎﻣﻤﯩﯟﯨﻲ ﺑﯩﺮ ﺋﯩﺶ. ﺋﯘ ﭘﯜﺗﯜﻥ ﺟﻪﻣﺌﯩﻴﻪﺕ، ﺩﯙﻟﻪﺕ ﯞﻩ ﻣﯩﻠﻠﻪﺕ ﺋﯜﭼﯜﻥ ﺋﯩﻘﺘﯩﺪﺍﺭﻟﯩﻖ ﺋﺎﺩﻩﻡ ﻳﺎﺭﯨﺘﯩﭗ ﺑﯧﺮﯨﺪﯨﻐﺎﻥ ﻫﺎﻟﻘﯩﻠﯩﻖ ﺋﻮﺭﯗﻥ. ﻫﯚﻛﯜﻣﻪﺕ ﻛﯜﭼﯩﻨﯩﯔ ﺑﯧﺮﯨﭽﻪ ﺋﺎﻟﺪﻯ ﺑﯩﻠﻪﻥ ﻣﺎﺋﺎﺭﯨﭙﻘﺎ ﺋﺎﻳﯩﻤﺎﻱ ﻣﻪﺑﻠﻪﻍ ﺳﯧﻠﯩﺸﻰ ﻛﯧﺮﻩﻙ. ﺋﯚﺯﻯ ﻳﯩﺘﻪﺭﻟﯩﻚ ﻣﻪﺑﻠﻪﻍ ﺳﺎﻟﻤﺎﻱ، ﭘﯘﻗﺮﺍﻻﺭﺩﯨﻦ ﭘﯘﻝ ﻳﯩﻐﯩﺶ ﺋﺎﺭﻗﯩﻠﯩﻖ ﻣﺎﺋﺎﺭﯨﭙﻨﻰ ﺗﻪﺭﻩﻗﻘﻲ ﻗﯩﻠﺪﯗﺭﯗﺵ ﻫﻪﺭﮔﯩﺰﻣﯘ ﻣﯘﻣﻜﯩﻦ ﺋﻪﻣﻪﺱ. ﻫﺎﺯﯨﺮ ﺑﯩﺮ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﻏﯘﭼﯩﺴﯩﻨﻰ ﻳﯧﺘﯩﻠﺪﯛﺭﯛﺵ ﺋﯜﭼﯜﻥ ﺋﺎﺯ ﺩﯦﮕﻪﻧﺪﻩ 40 ‏- 50 ﻣﯩﯔ ﻳﯜﻩﻥ ﺳﻪﺭﭖ ﻗﯩﻠﯩﻨﯩﺪﯗ. ﺑﻪﻟﻜﯩﻢ ﺑﯘﻧﯩﯖﺪﯨﻨﻤﯘ ﺟﯩﻖ ﻛﯧﺘﯩﺸﻰ ﻣﯘﻣﻜﯩﻦ. ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﻯ ﺧﻪﻟﻘﻨﯩﯔ ﻗﺎﻥ ﺗﻪﺭﻯ ﺑﯩﻠﻪﻥ ﻳﯩﻐﯩﻠﻐﺎﻥ ﭘﯘﻟﻐﺎ ﻗﯩﻠﭽﻪ ﺗﻪﭖ ﺗﺎﺭﺗﻤﺎﺳﺘﯩﻦ ﺧﯩﻴﺎﻧﻪﺕ ﻗﯩﻠﯩﺪﯗ. ﻧﯧﻤﻪ ﺋﯜﭼﯜﻥ ﺷﯘ ﭘﯘﻟﻨﯩﯔ ﺋﺎﺯﺭﺍﻕ ﻗﯩﺴﻤﯩﻨﻰ ﺋﻮﻗﯘﻏﯘﭼﯩﻼﺭﻏﺎ ﺋﺎﺗﺎﭖ، ﺋﯘﻻﺭﻧﻰ ﻫﻪﻗﺴﯩﺰ ﺋﻮﻗﯘﺗﯘﺵ ﻳﺎﻛﻰ ﺋﯘﻻﺭﻏﺎ ﻗﻪﺭﺯ ﺑﯧﺮﯨﺸﻜﻪ ﺗﯩﺮﯨﺸﻤﺎﻳﺪﯗ ".

ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﻛﯚﺭﺳﯩﺘﯩﺸﯩﭽﻪ، ﻫﺎﺯﯨﺮ ﺧﯩﺘﺎﻳﺪﺍ ﻣﺎﺋﺎﺭﯨﭙﻘﺎ ﺳﯧﻠﯩﻨﻐﺎﻥ ﻣﻪﺑﻠﻪﻏﻨﯩﯔ ﻳﯧﺘﻪﺭﺳﯩﺰ ﺑﯚﻟﯜﯞﺍﺗﻘﺎﻧﻠﯩﻘﯩﺪﯨﻦ ﺳﯩﺮﺕ ﻳﻪﻧﻪ، ﻣﻪﻣﯘﺭﯨﻲ ﺋﻮﺭﯗﻧﻼﺭ ﻣﺎﺋﺎﺭﯨﭗ ﻫﻪﻗﻘﯩﮕﻪ ﺧﯩﻴﺎﻧﻪﺕ ﻗﯩﻠﯩﺪﯨﻐﺎﻥ ﻳﺎﻛﻰ ﺋﯘﻧﻰ ﺑﺎﺷﻘﺎ ﺟﺎﻳﻐﺎ ﺋﯩﺸﻠﯩﺘﯩﺪﯨﻐﺎﻥ ﺋﻪﻫﯟﺍﻟﻼﺭﻣﯘ ﻧﺎﻫﺎﻳﯩﺘﻰ ﺋﯧﻐﯩﺮﻟﯩﺸﯩﭗ ﻛﻪﺗﻜﻪﻥ. ﺧﯩﺘﺎﻳﺪﯨﻜﻰ ﻣﺎﺋﺎﺭﯨﭙﻨﯩﯔ ﻧﻮﺭﻣﺎﻝ ﺗﻪﺭﻩﻗﻘﻲ ﻗﯩﻠﯩﺸﻰ ﺋﯜﭼﯜﻥ ﻳﯩﻠﯩﻐﺎ ﺋﺎﺯ ﺩﯦﮕﻪﻧﺪﻩ 400 ﻣﯩﻠﻴﺎﺭﺩ ﻳﯘﺋﻪﻥ ﭘﯘﻝ ﺳﻪﺭﭖ ﻗﯩﻠﯩﻨﯩﺸﻰ ﻛﯧﺮﻩﻙ ﺋﯩﻜﻪﻥ. ﻟﯧﻜﯩﻦ، ﻫﯚﻛﯜﻣﻪﺗﻨﯩﯔ ﻫﺎﺯﯨﺮ ﻣﺎﺋﺎﺭﯨﭙﻘﺎ ﺳﯧﻠﯩﯟﺍﺗﻘﺎﻥ ﻣﻪﺑﻠﯩﻐﻰ ﭘﻪﻗﻪﺕ 80 ﻣﯩﻠﻴﺎﺭﺩ ﻳﯜﻩﻥ ﺑﻮﻟﯘﭖ، ﻫﻪﺭ ﻗﺎﻳﺴﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﯩﯔ ﺑﺎﻧﻜﯩﺪﯨﻦ ﺋﺎﻟﻐﺎﻥ ﻗﻪﺭﺯﯨﻨﯩﯔ ﺋﯚﺯﻯ 100 ﻣﯩﻠﻴﺎﺭﺩ ﻳﯜﻩﻧﺪﯨﻦ ﺋﯧﺸﯩﭗ ﻛﻪﺗﻜﻪﻥ. (ﻣﯧﻬﺮﯨﺒﺎﻥ)