ﺩﻭﻛﺘﻮﺭ ﻗﺎﻫﺎﺭ ﺑﺎﺭﺍﺗﻨﯩﯔ ﻣﺎﺋﺎﺭﯨﭙﻨﯩﯔ ﺭﻭﻟﻰ ﯞﻩ ﻫﯚﻛﯜﻣﻪﺗﻨﯩﯔ ﺳﯩﻴﺎﺳﯩﺘﻰ ﻫﻪﻗﻘﯩﺪﯨﻜﻰ ﻣﯘﻻﻫﯩﺰﯨﺴﻰ

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺯﯨﻴﺎﻟﯩﻴﻠﯩﺮﻯ ﻳﯧﻘﯩﻨﺪﯨﻦ ﺑﯘﻳﺎﻥ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻣﯘﻻﻫﯩﺰﯨﻠﻪﺭﺩﻩ 'ﭘﯜﺗﯜﻥ ﺩﯗﻧﻴﺎ ﻣﺎﺋﺎﺭﯨﭗ ﺋﺎﺩﻩﻣﻨﯩﯔ ﺗﻪﻗﺪﯨﺮﯨﻨﻰ ﺋﯚﺯﮔﻪﺭﺗﯩﺪﯗ، ﺋﺎﺩﻩﻡ ﻣﺎﺋﺎﺭﯨﭗ ﺋﺎﺭﻗﯩﻠﯩﻖ ﺋﯧﺮﯨﺸﻜﻪﻥ ﺑﯩﻠﯩﻢ ﺑﯩﻠﻪﻥ ﺟﻪﻣﺌﯩﻴﻪﺗﻨﻰ ﺋﯚﺯﮔﻪﺭﺗﻪﻟﻪﻳﺪﯗ، ﺩﯙﻟﻪﺗﻨﻰ ﺋﯚﺯﮔﻪﺭﺗﻪﻟﻪﻳﺪﯗ، ﺩﯗﻧﻴﺎﻧﻰ ﺋﯚﺯﮔﻪﺭﺗﻪﻟﻪﻳﺪﯗ، ﺩﻩﭖ ﻗﺎﺭﺍﻳﺪﯗ، ﺑﯘ ﻫﻪﻡ ﺋﻪﻣﻪﻟﯩﻴﻪﺕ. ﺋﻪﻣﻤﺎ ﺧﯩﺘﺎﻳﺪﺍ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﻰ ﺷﺎﺭﺍﺋﯩﺘﯩﺪﺍ ﻣﺎﺋﺎﺭﯨﭗ %90 ﺩﯨﻦ ﺋﺎﺭﺗﯘﻕ ﺋﺎﺩﻩﻣﻨﯩﯔ ﺗﻪﻗﺪﯨﺮﯨﻨﻰ ﺋﯚﺯﮔﻪﺭﺗﻤﻪﻳﺪﯗ، ﺑﯩﻠﯩﻢ ﺟﻪﻣﺌﯩﻴﻪﺗﻨﻰ ﺋﯚﺯﮔﻪﺭﺗﻤﻪﻳﺪﯗ. ﺋﻮﻗﯘﭖ ﺑﯩﻠﯩﻢ ﺋﺎﻟﻐﺎﻥ ﺯﯨﻴﺎﻟﯩﻴﻼﺭ ﭼﯩﺮﯨﻜﻠﯩﻜﻜﻪ-ﭘﺎﺭﯨﺨﻮﺭﻟﯘﻗﻘﺎ ﻗﺎﺭﺷﻰ ﺗﯘﺭﯗﺵ، ﺩﯦﻤﻮﻛﺮﺍﺗﯩﻚ ﺗﯜﺯﯛﻡ ﺗﯩﻜﻠﻪﺵ ﺷﯘﺋﺎﺭﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺟﻪﻣﺌﯩﻴﻪﺗﻨﻰ ﺋﯚﺯﮔﻪﺭﺗﻤﻪﻛﭽﻰ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺗﻪﺭﯨﭙﯩﺪﯨﻦ ﺗﺎﻧﻜﺎ ﺑﯩﻠﻪﻥ ﺑﺎﺳﺘﯘﺭﯗﻟﺪﻯ ﯞﻩ ﻫﻪﺭﺧﯩﻞ ﺳﯩﻴﺎﺳﯩﻲ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﺍﭖ ﻛﯧﻠﯩﯟﺍﺗﯩﺪﯗ. ﻫﺎﺯﯨﺮ ﺑﻮﻟﺴﺎ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ، ﺋﯧﻠﯧﻜﺘﯩﺮ ﻗﯘﯞﯞﯨﺘﻰ، ﭘﻮﭼﺘﺎ-ﺋﯘﭼﯘﺭ، ﺑﺎﺝ، ﻳﻪﺭ-ﺯﯦﻤﯩﻦ، ﺗﻪﺑﯩﺌﯩﻲ ﺑﺎﻳﻠﯩﻖ، ﺑﺎﻧﻜﺎ ﺳﺎﻫﻪﻟﯩﺮﯨﻨﻰ ﺋﯚﺯﯨﻨﯩﯔ ﻣﯜﻟﻜﻰ ﻗﯩﻠﯩﯟﺍﻟﺪﻯ. ﻣﯘﺷﯘ ﺳﺎﻫﻪﻟﻪﺭﮔﻪ ﺋﯚﺯﻯ ﻛﻪﺳﭗ ﺗﺎﻟﻼﭖ ﺋﻮﻗﯘﭖ ﻳﯧﺘﯩﺸﻜﻪﻥ ﺋﺎﺩﻩﻣﻨﯩﯔ ﻛﯩﺮﻩﻟﯩﺸﻰ ﯞﻩ ﺑﯘ ﺳﺎﻫﻪﺩﻩ ﺟﻪﻣﺌﯩﻴﻪﺗﻨﻰ ﺋﯚﺯﮔﻪﺭﺗﻪﻟﯩﺸﻰ ﻣﯘﻣﻜﯩﻦ ﺋﻪﻣﻪﺱ' ﺩﯦﮕﻪﻥ ﻛﯚﺯ ﻗﺎﺭﺍﺷﻨﻰ ﺋﻮﺗﺘﯘﺭﯨﻐﺎ ﻗﻮﻳﻤﺎﻗﺘﺎ.

ﺑﯘ ﻫﻪﻗﺘﻪ، ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﯨﻨﯩﯔ ﻣﯘﻻﻫﯩﺰﯨﺴﻰ ﺋﯚﺯﮔﯩﭽﻪ. ﺋﯘﻻﺭ ﺧﯩﺘﺎﻳﺪﯨﻜﻰ ﻣﺎﺋﺎﺭﯨﭗ ﺳﯩﻴﺎﺳﯩﺘﯩﻨﯩﯔ ﺋﯘﻳﻐﯘﺭﻏﺎ ﺑﻮﻟﻐﺎﻥ ﺗﻪﺳﯩﺮﻯ ﻫﻪﻗﻘﯩﺪﯨﻼ ﺋﻪﻣﻪﺱ، ﺑﻪﻟﻜﻰ ﯞﻩ ﺑﯘﻧﯩﯖﺪﯨﻦ ﻛﯧﻴﯩﻦ ﻣﺎﺋﺎﺭﯨﭙﻨﯩﯔ ﺭﻭﻟﻰ ﺋﯘﻳﻐﯘﺭﻻﺭﺩﺍ ﻗﺎﻧﺪﺍﻕ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﻰ ﻫﻪﻗﻘﯩﺪﯨﻤﯘ ﻣﯘﻻﻫﯩﺰﯨﻠﻪﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﻤﺎﻗﺘﺎ. ﺩﻭﻛﺘﻮﺭ ﻗﺎﻫﺎﺭ ﺑﺎﺭﺍﺗﻨﯩﯔ ﻗﺎﺭﯨﺸﯩﭽﻪ، ﻣﺎﺋﺎﺭﯨﭙﻨﯩﯔ ﺋﯩﻨﺴﺎﻧﯩﻴﻪﺕ ﺗﻪﺭﻩﻗﻘﯩﻴﺎﺗﯩﺪﯨﻜﻰ ﺭﻭﻟﯩﺪﯨﻦ ﮔﯘﻣﺎﻧﻠﯩﻨﯩﺸﻘﺎ ﺑﻮﻟﻤﺎﻳﺪﯗ. ﭼﯩﯔ ﺳﯘﻻﻟﯩﺴﯩﺪﯨﻦ ﻛﯧﻴﯩﻦ، ﺧﯩﺘﺎﻱ ﻣﺎﺋﺎﺭﯨﭙﻰ ﻏﻪﺭﺏ ﻣﺎﺋﺎﺭﯨﭙﯩﻐﺎ ﺑﺎﺵ ﺋﻪﮔﻜﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘﻧﺪﺍﻕ ﯞﺍﻗﯩﺖ ﻧﺎﻫﺎﻳﯩﺘﻰ ﻗﯩﺴﻘﺎ ﺑﻮﻟﺪﻯ، ﻏﻪﺭﯨﺒﭽﻪ ﻳﯧﯖﻰ ﻣﺎﺋﺎﺭﯨﭗ ﺧﯩﺘﺎﻳﺪﺍ ﻳﻪﻧﯩﻼ ﺋﻪﻧﺌﻪﻧﯩﯟﯨﻲ ﻗﺎﻻﻕ ﻛﯜﭼﻠﻪﺭﻧﯩﯔ ﯞﻩ ﻛﻮﻣﻤﯘﻧﯩﺰﻡ ﺋﯩﺪﯨﻴﯩﺴﯩﻨﯩﯔ ﺗﻮﺳﺎﻟﻐﯘﺳﯩﻐﺎ ﺋﯘﭼﺮﺍﭖ ﻛﻪﻟﺪﻯ.

ﺑﻮﻟﯘﭘﻤﯘ، 1950 ‏- ﻳﯩﻠﻼﺭﺩﯨﻦ ﻛﯧﻴﯩﻦ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺋﯚﺯﯨﻨﯩﯔ ﻣﯜﻟﻜﻰ ﻗﯩﻠﯩﯟﺍﻟﻐﺎﻥ ﺳﺎﻫﻪﻟﻪﺭﮔﻪ ﺋﯚﺯﻟﯩﺮﯨﺪﯨﻦ ﺑﺎﺷﻘﯩﻼﺭ ﻛﯩﺮﻩﻟﻤﻪﻳﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻣﺎﺋﺎﺭﯨﭗ ﺧﯩﺘﺎﻳﺪﯨﻜﻰ ﺗﻪﺭﻩﻗﻘﯩﻴﺎﺗﻼﺭﺩﺍ ﻧﺎﻫﺎﻳﯩﺘﻰ ﺯﻭﺭ ﺭﻭﻝ ﺋﻮﻳﻨﯩﻐﺎﻧﻠﯩﻘﻰ ﺑﯩﺮ ﭘﺎﻛﯩﺖ، ﭘﻪﻗﻪﺕ ﻛﻮﻧﺎ ﺳﻮﺗﺴﯩﻴﺎﻟﯩﺰﻡ ﻛﯜﭼﻠﯩﺮﻯ ﺑﯘ ﻳﯧﯖﻰ ﻛﯜﭼﻠﻪﺭﮔﻪ ﺋﻮﺭﯗﻥ ﺑﻮﺷﺎﺗﻤﺎﻱ ﻛﯧﻠﯩﯟﺍﺗﻘﺎﻥ ﻣﻪﺳﯩﻠﻪ. ﺑﯘ ﺟﻪﺭﻳﺎﻧﺪﺍ، ﺋﯘﻳﻐﯘﺭﻻﺭ ﺗﯧﺨﯩﻤﯘ ﻛﯚﭖ ﺑﯧﺴﯩﻤﻐﺎ، ﺑﻮﻟﯘﭘﻤﯘ ﻣﯩﻠﻠﯩﻲ ﻛﻪﻣﺴﯩﺘﯩﺸﻜﻪ، ﺋﯩﻘﺘﯩﺴﺎﺩﯨﻲ ﺋﯧﻜﺴﭙﯩﻼﺗﺎﺗﺴﯩﻴﯩﮕﻪ ﺋﯘﭼﺮﯨﻤﺎﻗﺘﺎ.(ﯞﻩﻟﻰ)