ﺧﯩﺘﺎﻱ ﯞﻩ ﺭﯗﺳﯩﻴﯩﻨﯩﯔ ﻣﺎﻧﯧﯟﯨﺮ ﺋﺎﺭﻗﯩﻠﯩﻖ ﺋﯧﺮﯨﺸﻤﻪﻛﭽﻰ ﺑﻮﻟﻐﺎﻥ ﻳﻮﺷﯘﺭﯗﻥ ﻣﻪﻗﺴﻪﺗﻠﯩﺮﯨﻤﯘ ﺑﺎﺭ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﻪ 9 -ﺋﺎﯞﻏﯘﺳﺘﺘﯩﻦ 17 ‏- ﺋﺎﯞﻏﯘﺳﺘﻐﯩﭽﻪ ﺭﯗﺳﯩﻴﯩﻨﯩﯔ ﺋﯘﺭﺍﻝ ﺗﯧﻐﻰ ﺋﯧﺘﯩﻜﯩﮕﻪ ﺟﺎﻳﻼﺷﻘﺎﻥ ﭼﯧﻠﻴﺎﺑﯩﻨﺴﻜﻰ ﺭﺍﻳﻮﻧﯩﺪﺍ ﺑﯩﺮﻟﻪﺷﻤﻪ ﻣﺎﻧﯧﯟﯨﺮ ﺋﯚﺗﻜﯜﺯﯛﺷﻨﻰ ﭘﯩﻼﻧﻠﯩﻐﺎﻥ ﺋﯩﺪﻯ. ﺑﯘ ﻣﺎﻧﯧﯟﯨﺮﻏﺎ ﻗﺎﺗﻨﺎﺷﻤﺎﻗﭽﻰ ﺑﻮﻟﻐﺎﻥ ﺧﯩﺘﺎﻱ ﺋﻪﺳﻜﻪﺭﻟﯩﺮﯨﻨﯩﯔ ﺗﯘﻧﺠﻰ ﻗﯩﺴﻤﻰ ﻣﯘﺷﯘ ﺋﺎﻳﻨﯩﯔ 20- ﻛﯜﻧﻰ ﺋﯘﻳﻐﯘﺭ ﺋﯧﻠﯩﻨﯩﯔ ﺗﯘﺭﭘﺎﻥ ﯞﯨﻼﻳﯩﺘﯩﺪﯨﻦ ﺭﯗﺳﯩﻴﯩﮕﻪ ﻗﺎﺭﺍﭖ ﻳﻮﻟﻐﺎ ﭼﯩﻘﺘﻰ.

ﺧﯩﺘﺎﻳﻼﺭ ﺑﯘ ﻗﯧﺘﯩﻤﻠﯩﻘﻰ ﻣﺎﻧﯧﯟﯨﺮﻧﻰ، ﺋﯩﻠﮕﯩﺮﻯ ﺋﯚﺗﻜﯜﺯﯛﻟﮕﻪﻥ ﺑﯩﺮﻟﻪﺷﻤﻪ ﻣﺎﻧﯧﯟﯨﺮﻻﺭﻏﺎ ﺋﻮﺧﺸﺎﺵ ﻳﻮﺳﯘﻧﺪﺍ، ﺋﺎﺗﺎﻟﻤﯩﺶ ﺗﯧﺮﺭﻭﺭﻟﯘﻗﻘﺎ، ﺑﯚﻟﮕﯜﻧﭽﯩﻠﯩﻜﻜﻪ ﯞﻩ ﺩﯨﻨﯩﻲ ﺋﻪﺳﻪﺑﯩﻴﻠﯩﻜﻜﻪ ﻗﺎﺭﺷﻰ ﺟﻪﯓ ﻗﯩﻠﯩﺸﺘﯩﻜﻰ ﻫﻪﺭﺑﯩﻲ ﻫﻪﻣﻜﺎﺭﻟﯩﻘﯩﻨﻰ ﻛﯜﭼﻪﻳﺘﯩﺶ ﺩﻩﭖ ﻛﯚﺭﺳﯩﺘﯩﯟﺍﺗﻘﺎﻥ ﺑﻮﻟﺴﯩﻤﯘ، ﻫﺎﻟﺒﯘﻛﻰ، ﺑﻪﺯﻯ ﺳﯩﻴﺎﺳﯩﻲ ﺗﻪﻫﻠﯩﻠﭽﯩﻠﻪﺭ، ﺑﯘ ﻣﺎﻧﯧﯟﯨﺮﻧﯩﯔ ﺑﺎﺷﻘﺎ ﻳﻮﺷﯘﺭﯗﻥ ﻣﻪﻗﺴﻪﺗﻠﻪﺭﻧﯩﻤﯘ ﺋﯚﺯﯨﮕﻪ ﻣﯘﺟﻪﺳﺴﻪﻡ ﻗﯩﻠﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ.

ﺑﯘ ﻗﯧﺘﯩﻤﻠﯩﻘﻰ ﻣﺎﻧﯧﯟﯨﺮﻏﺎ ﺧﯩﺘﺎﻱ ﺗﻪﺭﻩﭘﺘﯩﻦ، ﻗﯘﺭﯗﻗﻠﯘﻕ ﺋﺎﺭﻣﯩﻴﯩﺴﻰ، ﻫﺎﯞﺍ ﺋﺎﺭﻣﯩﻴﯩﺴﻰ، ﭘﺎﺭﺍﺷﯘﺗﭽﻰ ﻗﯩﺴﯩﻤﻠﯩﺮﯨﻨﻰ ﺋﻮﺯ ﺋﯩﭽﯩﮕﻪ ﺋﺎﻟﻐﺎﻥ 1600 ﺋﻪﺳﻜﻪﺭ ﻗﺎﺗﻨﯩﺸﯩﺪﯨﻐﺎﻥ ﺑﻮﻟﯘﭖ، ﺧﯩﺘﺎﻱ ﻣﯘﺷﯘ ﺋﺎﻳﻨﯩﯔ 20- ﻛﯜﻧﻰ ﻟﻪﻧﺠﯘ ﻫﻪﺭﺑﯩﻲ ﺭﺍﻳﻮﻧﯩﻐﺎ ﺗﻪﯞﻩ ﻗﯩﺴﯩﻤﻼﺭﺩﯨﻦ 300 ﻧﻪﭘﻪﺭﻧﻰ ﺗﯘﺭﭘﺎﻥ ﯞﻭﮔﺰﺍﻟﯩﺪﯨﻦ ﻳﻮﻟﻐﺎ ﺳﺎﻟﻐﺎﻥ.

ﻫﺎﺯﯨﺮ ﺗﻪﻳﯟﻩﻧﺪﯨﻜﻰ ﭼﯩﯖﻴﯜﻥ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﻮﺗﺘﯘﺭﺍ ﺋﺎﺳﯩﻴﺎ ﺗﻪﺗﻘﯩﻘﺎﺗﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﻘﺎﻥ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺗﭽﯩﺴﻰ ﺩﻭﻛﺘﯘﺭ ﺋﻪﺭﻛﯩﻦ ﺋﻪﻛﺮﻩﻡ ﺋﻪﭘﻪﻧﺪﻯ، ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﯩﻨﯩﯔ ﺑﯘﻧﺪﯨﻦ ﺑﯘﺭﯗﻧﻤﯘ ﻣﯘﺷﯘﻧﯩﯖﻐﺎ ﺋﻮﺧﺸﺎﺵ ﻣﺎﻧﯧﯟﯨﺮﻻﺭﻧﻰ ﺋﯚﺗﻜﯜﺯﮔﻪﻧﻠﯩﻜﯩﻨﻰ ﺋﻪﻣﻤﺎ ﺋﯘﻻﺭ ﺋﯩﺸﻠﻪﺗﻜﻪﻥ ﻗﻮﺭﺍﻟﻼﺭﻧﯩﯔ ﺋﯩﻘﺘﯩﺪﺍﺭﯨﻨﯩﯔ ﺗﯧﺮﺭﻭﺭﭼﯩﻼﺭﻏﺎ ﻗﺎﺭﺷﻰ ﻛﯜﺭﻩﺵ ﻗﯩﻠﯩﺶ ﺳﻪﯞﯨﻴﯩﺴﯩﺪﯨﻦ ﺋﯧﺸﯩﭗ ﻛﻪﺗﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﭗ، ﺋﻪﺳﻠﯩﺪﻩ ﺑﯘ ﺋﯩﻜﻜﻰ ﺩﯙﻟﻪﺗﻠﻪﺭ ﺋﺎﺭﯨﺴﯩﺪﯨﻜﻰ ﻫﻪﺭﺑﯩﻲ ﻣﺎﻧﯧﯟﯨﺮ ﻫﻪﻡ ﺑﯩﺮ-ﺑﯩﺮﺳﯩﻨﯩﯔ ﻫﻪﺭﺑﯩﻲ ﻗﻮﺭﺍﻝ ‏- ﻳﺎﺭﺍﻕ ﺳﻪﯞﯨﻴﯩﺴﯩﻨﻰ ﺩﻩﯕﺴﻪﭖ ﺑﯧﻘﯩﺶ ﯞﻩ ﺑﺎﺷﻘﺎ ﺩﯙﻟﻪﺗﻠﻪﺭﮔﻪ ﺋﯚﺯﻟﯩﺮﯨﻨﯩﯔ ﻫﻪﺭﺑﯩﻲ ﺟﻪﻫﻪﺗﺘﯩﻤﯘ ﺋﯩﻨﺎﻕ ﻣﯘﻧﺎﺳﯩﯟﻩﺗﻜﻪ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﺶ ﻣﻪﻗﺴﯩﺘﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ، ﺩﻩﻳﺪﯗ.

ﺭﯗﺳﯩﻴﻪ ﮔﯧﻨﯧﺮﺍﻟﻰ: "ﺭﯗﺳﯩﻴﻪ ﺑﯩﻠﻪﻥ ﺧﯩﺘﺎﻱ ﺋﻮﺧﺸﺎﺵ ﺭﯨﻘﺎﺑﻪﺗﻜﻪ ﺩﯗﭺ ﻛﻪﻟﻤﻪﻛﺘﻪ"

ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﻪ 2005- ﻳﯩﻠﻰ ﺷﻪﻧﺪﯗﯓ ﻳﯧﺮﯨﻢ ﺋﺎﺭﯨﻠﯩﺪﺍ 10 ﻣﯩﯔ ﺋﻪﺳﻜﻪﺭﺩﯨﻦ ﺗﻪﺭﻛﯩﭗ ﺗﺎﭘﻘﺎﻥ ﺑﯩﺮﻟﻪﺷﻤﻪ ﻣﺎﻧﯧﯟﯨﺮ ﺋﯚﺗﻜﯜﺯﮔﻪﻧﺪﻩ، ﺭﯗﺳﯩﻴﻪ ﮔﯧﻨﯧﺮﺍﻟﻰ ﻳﯘﺭﻯ ﺑﺎﻟﯘﻳﯧﻔﺴﻜﻲ، ﺭﯗﺳﯩﻴﻪ ﺑﯩﻠﻪﻥ ﺧﯩﺘﺎﻳﻨﯩﯔ ﻳﻪﻧﻪ ﻣﯘﺷﯘﻧﺪﺍﻕ ﺑﯩﺮﻟﻪﺷﻤﻪ ﻣﺎﻧﯧﯟﯨﺮﻻﺭﻧﻰ ﺩﺍﯞﺍﻣﻠﯩﻖ ﺋﯚﺗﻜﯜﺯﯛﺵ ﭘﯩﻼﻧﻰ ﺑﺎﺭﻟﯩﻘﯩﻨﻰ ﯞﻩ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻐﺎ ﺋﻪﺯﺍ ﺩﯙﻟﻪﺗﻠﻪﺭﻧﯩﯔ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ ﺭﺍﻣﻜﯩﺴﻰ ﺋﯩﭽﯩﺪﻩ ﺑﯩﺮﻟﻪﺷﻤﻪ ﻫﻪﺭﯨﻜﻪﺗﻠﻪﺭﮔﻪ ﺑﯩﺮﻟﯩﻜﺘﻪ ﻗﺎﺭﺷﻰ ﺗﯘﺭﯗﺵ ﭘﯩﻜﺮﯨﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ.

ﺋﯘﻧﯩﯖﺪﯨﻦ ﺑﺎﺷﻘﺎ، ﺋﺎﺳﯩﻴﺎ ﯞﺍﻗﺘﻰ ﮔﯧﺰﯨﺘﻨﯩﯔ 2005- ﻳﯩﻠﯩﺪﯨﻜﻰ 26 ‏- ﺋﺎﯞﻏﯘﺳﺘﺘﯩﻜﻰ ﺳﺎﻧﯩﺪﺍ ﺑﯧﺮﯨﻠﮕﻪﻥ "ﻣﺎﻧﯧﯟﯨﺮﻣﯘ ﻳﺎﻛﻰ ﺳﻮﺯ ﺋﻮﻳﯘﻧﯩﻤﯘ" ﺗﯧﻤﯩﻠﯩﻖ ﻣﺎﻗﺎﻟﯩﺪﻩ ﻛﯚﺭﺳﯩﺘﯩﻠﮕﻪﻧﺪﻩﻙ، ﻫﺎﺯﯨﺮ ﭘﯧﻨﺴﯩﻴﯩﮕﻪ ﭼﯩﻘﻘﺎﻥ ﺭﯗﺳﯩﻴﻪ ﮔﯧﻨﯧﺮﺍﻟﻰ ﻟﯧﻮﻧﯩﺪ ﺋﯩﯟﺍﺷﻮﻑ، 2005- ﻳﯩﻠﻠﯩﻘﻰ ﻣﺎﻧﯧﯟﯨﺮ ﻫﺎﺭﭘﯩﺴﯩﺪﺍ ﻣﯘﺧﺒﯩﺮﻻﺭﻏﺎ ﺑﯘ ﺧﯩﻠﺪﯨﻜﻰ ﻣﺎﻧﯧﯟﯨﺮﻻﺭﻧﯩﯔ ﺭﯗﺳﯩﻴﻪ ﺑﯩﻠﻪﻥ ﺧﯩﺘﺎﻱ ﺩﯗﭺ ﻛﯧﻠﯩﯟﺍﺗﻘﺎﻥ ﻳﯧﯖﻰ ﺭﯨﻘﺎﺑﻪﺗﻠﻪﺭﮔﻪ ﺗﺎﻗﺎﺑﯩﻞ ﺗﯘﺭﯗﺷﻘﺎ ﻫﺎﺯﯨﺮﻟﯩﻖ ﻛﯚﺭﯛﺵ ﺋﯩﻜﻪﻧﻠﯩﻜﯩﻨﻰ ﻗﻪﻳﺖ ﻗﯩﻠﻐﺎﻥ ﯞﻩ : "ﺭﯗﺳﯩﻴﻪ ﺑﯩﻠﻪﻥ ﺧﯩﺘﺎﻱ ﺋﻮﺧﺸﺎﺵ ﺭﯨﻘﺎﺑﻪﺗﻜﻪ ﺩﯗﭺ ﻛﻪﻟﻤﻪﻛﺘﻪ، ﭘﻪﻗﻪﺕ ﺗﯧﺮﺭﻭﺭﭼﯩﻼﺭ ﺋﻪﻣﻪﺱ، ﺑﯘ ﺋﯩﻜﻜﻰ ﺩﯙﻟﻪﺕ ﺑﯘ ﺧﯩﻞ ﺭﯨﻘﺎﺑﻪﺗﻠﻪﺭﮔﻪ ﺋﻮﺭﺗﺎﻕ ﻗﺎﺭﺷﻰ ﺗﯘﺭﯗﺷﻰ ﻛﯧﺮﻩﻙ" ﺩﻩﭖ ﻛﯚﺭﺳﻪﺗﻜﻪﻥ ﺋﯩﺪﻯ.

ﺑﯘ ﻧﯚﯞﻩﺗﺘﯩﻜﻰ ﻣﺎﻧﯧﯟﯨﺮ ﻫﻪﻗﻘﯩﺪﻩ، ﻳﯘﻗﯩﺮﯨﻐﺎ ﺋﻮﺧﺸﺎﺵ ﭘﯩﻜﺮﯨﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺋﻪﺭﻛﯩﻦ ﺋﻪﻛﺮﻩﻡ ﺋﻪﭘﻪﻧﺪﻯ، ﺋﯘﻻﺭﻧﯩﯔ ﺋﺎﻣﯧﺮﯨﻜﯩﻨﯩﯔ ﺋﻮﺗﺘﯘﺭﺍ ﺋﺎﺳﯩﻴﺎﻏﺎ ﺳﯩﯖﯩﭗ ﻛﯩﺮﯨﺸﯩﻨﻰ ﭼﻪﻛﻠﻪﺵ ﯞﻩ ﺋﻮﺗﺘﯘﺭﺍ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﮕﻪ ﺋﯚﺯ ﻛﯜﭼﯩﻨﻰ ﻧﺎﻣﺎﻳﯩﺶ ﻗﯩﻠﯩﺶ ﻏﻪﺭﯨﺰﻯ ﻳﻮﺷﯘﺭﯗﻧﻐﺎﻧﻠﯩﻘﯩﻨﻰ ﭼﻪﺗﻜﻪ ﻗﺎﻗﻤﺎﻳﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ.

ﺋﻪﺭﻛﯩﻦ ﺋﻪﻛﺮﻩﻡ ﺋﻪﭘﻪﻧﺪﻯ":ﺧﯩﺘﺎﻳﻨﯩﯔ ﻣﻪﻗﺴﯩﺘﻰ ﺋﯘﻳﻐﯘﺭﻻﺭﻧﯩﯔ ﻳﯜﺭﯨﻜﯩﻨﻰ ﻣﯘﺟﯘﺵ"

ﺧﯩﺘﺎﻱ، ﺭﯗﺳﯩﻴﻪ ﯞﻩ ﺑﺎﺷﻘﺎ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻐﺎ ﺋﻪﺯﺍ ﺩﯙﻟﻪﺗﻠﻪﺭ ﺑﯩﺮﻟﯩﻜﺘﻪ ﺋﯚﺗﻜﯜﺯﻣﻪﻛﭽﻰ ﺑﻮﻟﻐﺎﻥ ﺑﯘ ﻧﯚﯞﻩﺗﻠﯩﻚ ﻣﺎﻧﯧﯟﯨﺮ " ﺗﯩﻨﭽﻠﯩﻖ ﺑﯘﺭﭼﻰ 2007" ﺩﻩﭖ ﺋﺎﺗﺎﻟﻐﺎﻥ ﺑﻮﻟﯘﭖ، ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﻯ ﺑﻪﺭﮔﻪﻥ ﺳﯜﺭﻩﺗﻠﯩﻚ ﺧﻪﯞﻩﺭﻟﻪﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺗﯘﺭﭘﺎﻧﺪﯨﻦ ﻳﻮﻟﻐﺎ ﭼﯩﻘﻘﺎﻥ ﺧﯩﺘﺎﻱ ﺋﻪﺳﻜﻪﺭﻟﯩﺮﻯ ﻛﯩﻴﯩﻤﻠﯩﺮﯨﮕﻪ " ﺗﯩﻨﭽﻠﯩﻖ ﺑﯘﺭﭼﻰ 2007" ﺩﯦﮕﻪﻥ ﺑﻪﻟﮕﻪ ﺗﺎﻗﯩﻐﺎﻥ ﯞﻩ ﺧﯩﺘﺎﻱ ﺑﺎﻳﺮﯨﻘﯩﻨﻰ ﻛﯚﺗﯜﺭﯛﺷﻜﻪﻥ ﻫﺎﻟﺪﺍ ﻳﻮﻟﻐﺎ ﭼﯩﻘﻘﺎﻥ. ﺑﯩﺮﻭﻧﯧﯟﯨﻜﻼﺭ ﺑﯧﺴﯩﻠﻐﺎﻥ ﻫﻪﺭﺑﯩﻲ ﻳﯜﻙ ﭘﻮﻳﯩﺰﻯ ﺗﻮﺧﺘﯩﺘﯩﻠﻐﺎﻥ ﯞﻭﮔﺰﺍﻝ ﺳﯘﭘﯩﺴﯩﺪﺍ ﺋﯘﻳﻐﯘﺭ ﻗﯩﺰﻟﯩﺮﻯ ﺋﯘﺳﯘﻝ ﺋﻮﻳﻨﺎﭖ ﺋﻪﺳﻜﻪﺭﻟﻪﺭﻧﻰ ﺋﯘﺯﯨﺘﯩﭗ ﻗﻮﻳﻐﺎﻥ .

ﺋﻪﺭﻛﯩﻦ ﺋﻪﻛﺮﻩﻡ ﺋﻪﭘﻪﻧﺪﻯ ﺧﯩﺘﺎﻳﻨﯩﯔ ﺑﯘ ﻗﯩﻠﻤﯩﺸﯩﻐﺎ ﻗﺎﺭﯨﺘﺎ ﺋﯘﻧﯩﯔ ﺋﯘﻳﻐﯘﺭﻻﺭﻧﯩﯔ ﻳﯜﺭﯨﻜﯩﻨﻰ ﻣﯘﺟﯘﺵ ﺟﻪﻫﻪﺗﺘﻪ ﺋﻮﺭﯗﻧﻼﺷﺘﯘﺭﻏﺎﻥ ﺋﯩﺶ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺭﯗﺳﯩﻴﯩﻨﯩﯔ ﻳﻪﻧﻪ ﺑﯩﺮ ﻣﻪﻗﺴﯩﺘﻰ ﺧﯩﺘﺎﻳﻐﺎ ﻗﻮﺭﺍﻝ ﺳﯧﺘﯩﺶ

2005- ﻳﯩﻠﻠﯩﻖ ﺭﯗﺳﯩﻴﻪ ﺧﯩﺘﺎﻱ ﺑﯩﺮﻟﯩﺸﯩﭗ ﺋﯚﺗﻜﯜﺯﮔﻪﻥ " ﺗﯩﻨﭽﻠﯩﻖ ﺑﯘﺭﭼﻰ 2005" ﻣﺎﻧﯧﯟﯨﺮﻯ ﺟﻪﺭﻳﺎﻧﯩﺪﺍ ، ﮔﻪﺭﭼﻪ ﺭﯗﺳﯩﻴﯩﻠﯩﻚ ﮔﯧﻨﯧﺮﺍﻟﻼﺭ ﻣﺎﻧﯧﯟﯨﺮﻧﯩﯔ ﺋﻮﭼﯘﻕ-ﺋﺎﺷﻜﺎﺭﺍ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻧﻠﯩﻘﯩﻨﻰ ﻗﺎﻳﺘﺎ-ﻗﺎﻳﺘﺎ ﺗﻪﻛﯩﺘﻠﯩﮕﻪﻥ ﺑﻮﻟﺴﯩﻤﯘ، ﺭﯗﺳﯩﻴﯩﺪﯨﻜﻰ ﺋﻪﺭﻛﯩﻦ ﺋﺎﺧﺒﺎﺭﺍﺕ ﯞﺍﺳﯩﺘﯩﺴﻰ ﻧﯧﺰﺍﯞﯨﺴﻤﺎﻳﺎ ﮔﯧﺰﯨﺘﻰ " ﺭﯗﺳﯩﻴﻪ ﺑﯩﻠﻪﻥ ﺧﯩﺘﺎﻱ 3- ﺩﯗﻧﻴﺎ ﺋﯘﺭﯗﺷﻰ ﺋﯜﭼﯜﻥ ﻣﻪﺷﯩﻖ ﻗﯩﻠﯩﯟﺍﺗﯩﺪﯗ" ﺩﻩﭖ ﺋﻪﻳﯩﺒﻠﯩﮕﻪﻥ ﯞﻩ ﺭﯗﺳﯩﻴﻪ ﺋﯘﭼﯘﻥ ﺧﯩﺘﺎﻳﻐﺎ ﺋﯩﻠﻐﺎﺭ ﻫﻪﺭﺑﯩﻲ ﻗﻮﺭﺍﻟﻠﯩﺮﯨﻨﻰ ﺳﯧﺘﯩﺶ ﺋﯩﻤﻜﺎﻧﯩﻴﯩﺘﻰ ﻫﺎﺯﯨﺮﻻﻳﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﯩﺪﻯ.

ﺋﻪﺭﻛﯩﻦ ﺋﻪﭘﻪﻧﺪﻯ ﺭﯗﺳﯩﻴﯩﻨﯩﯔ ﺧﯩﺘﺎﻳﻐﺎ ﻗﻮﺭﺍﻝ ﺳﯧﺘﯩﺸﯩﻨﯩﯔ ﺑﯘ ﻗﯧﺘﯩﻤﻠﯩﻖ ﻣﺎﻧﯧﯟﯨﺮ ﺟﻪﺭﻳﺎﻧﯩﺪﺍ ﺭﯗﺳﯩﻴﻪ ﻳﻪﺗﻤﻪﻛﭽﻰ ﺑﻮﻟﻐﺎﻥ ﻳﻪﻧﻪ ﺑﯩﺮ ﻣﻪﻗﺴﻪﺕ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﻪﺗﺘﻰ.

ﺑﯘ ﻳﯩﻠﻠﯩﻖ ﻣﺎﻧﯧﯟﯨﺮ 8- ﺋﺎﻳﻨﯩﯔ 9- ﻛﯜﻧﯩﺪﯨﻦ 17 ‏- ﻛﯜﻧﯩﮕﯩﭽﻪ ﺩﺍﯞﺍﻡ ﺋﯧﺘﯩﺪﯗ. ﺋﻪﺳﻠﯩﺪﻩ ﺧﯩﺘﺎﻱ ﺑﯘ ﻗﯧﺘﯩﻤﻠﯩﻖ ﻣﺎﻧﯧﯟﯨﺮﻏﺎ ﺑﺎﺭﯨﺪﯨﻐﺎﻥ ﺋﻪﺳﻜﻪﺭﻟﯩﺮﯨﻨﻰ ﻗﺎﺯﺍﻗﯩﺴﺘﺎﻥ ﺯﯦﻤﯩﻨﯩﺪﯨﻦ ﺋﯚﺗﻜﯜﺯﯛﺷﻨﻰ ﭘﯩﻼﻧﻠﯩﻐﺎﻥ ﺑﻮﻟﺴﯩﻤﯘ ، ﺋﻪﻣﻤﺎ ﻗﺎﺯﺍﻗﯩﺴﺘﺎﻥ ﺗﻪﺭﻩﭖ ﺧﯩﺘﺎﻳﻨﯩﯔ ﺑﯘ ﺗﻪﻟﯩﭙﯩﻨﻰ ﺭﻩﺕ ﻗﯩﻠﻐﺎﻥ ﺋﯩﺪﻯ. ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻱ ﺋﻪﺳﻜﻪﺭﻟﯩﺮﯨﻨﻰ ﺑﯩﯟﺍﺳﯩﺘﻪ ﺭﯗﺳﯩﻴﻪ ﺯﯦﻤﯩﻨﯩﻐﺎ ﻳﯚﺗﻜﯩﮕﻪﻥ.

ﻫﺎﺯﯨﺮﭼﻪ ﻣﻪﺯﻛﯘﺭ ﻣﺎﻧﯧﯟﯨﺮ ﻫﻪﻗﻘﯩﺪﻩ ﺑﺎﺷﻘﺎ ﻏﻪﺭﺏ ﺩﯙﻟﻪﺗﻠﯩﺮﻯ ﺗﯜﺯﯛﻙ ﺋﯩﻨﻜﺎﺱ ﻗﺎﻳﺘﯘﺭﻣﯩﺪﻯ. (ﺟﯜﻣﻪ)