ﺷﯩﯟﯦﺘﺴﯩﻴﯩﻨﯩﯔ ﺳﺘﻮﻛﻬﻮﻟﻢ ﺷﻪﻫﯩﺮﯨﺪﻩ ﺋﯘﻳﻐﯘﺭ ﻣﻪﺩﻩﻧﯩﻴﻪﺕ ﻛﯜﻧﻰ ﺋﯚﺗﻜﯜﺯﯛﻟﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

10 - ﺋﺎﻳﻨﯩﯔ 20 - ﻛﯜﻧﻰ ﺷﯩﯟﯦﺘﺴﯩﻴﯩﻨﯩﯔ ﭘﺎﻳﺘﻪﺧﺘﻰ ﺳﺘﻮﻛﻬﻮﻟﻢ ﺷﻪﻫﯩﺮﯨﺪﻩ ﺋﯘﻳﻐﯘﺭ ﻣﻪﺩﻩﻧﯩﻴﻪﺕ ﻛﯜﻧﻰ ﺋﯚﺗﻜﯜﺯﯛﻟﮕﻪﻥ. ﺷﯩﯟﯦﺘﺴﯩﻴﻪ ﺋﯘﻳﻐﯘﺭ ﻣﺎﺋﺎﺭﯨﭗ ﺋﻮﻳﯘﺷﻤﯩﺴﻰ ﺗﻪﺭﯨﭙﯩﺪﯨﻦ ﺋﯘﻳﯘﺷﺘﯘﺭﯗﻟﻐﺎﻥ، ﺑﯘ ﭘﺎﺋﺎﻟﯩﻴﻪﺗﺘﻪ ﺷﯩﯟﯦﺘﺴﯩﻴﯩﻨﯩﯔ ﺳﺘﻮﻛﻬﻮﻟﻢ ﺷﻪﻫﯩﺮﯨﺪﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭ ﻫﻪﺭﺧﯩﻞ ﺋﯘﻳﻐﯘﺭ ﺗﺎﻣﺎﻗﻠﯩﺮﯨﻨﻰ، ﺗﺎﺗﻠﯩﻖ - ﺗﯜﺭﯛﻣﻠﻪﺭﻧﻰ، ﺋﯘﻳﻐﯘﺭﻻﺭﻧﯩﯔ ﻣﻪﺩﻩﻧﯩﻴﯩﺘﯩﻨﻰ ﺋﻪﻛﺲ ﺋﻪﺗﺘﯜﺭﯨﺪﯨﻐﺎﻥ ﺗﺎﻡ ﺭﻩﺳﯩﻤﻠﯩﺮﻯ ، ﻛﯩﻴﯩﻢ-ﻛﯧﭽﻪﻛﻠﻪﺭ ، ﺋﯘﻳﻐﯘﺭﻻﺭﻧﯩﯔ ﺗﯩﻞ ﻳﯧﺰﯨﻘﯩﻨﻰ ﺋﻪﻛﺲ ﺋﻪﺗﺘﯜﺭﯨﺪﯨﻐﺎﻥ ﻛﯩﺘﺎﺏ ‏- ﮊﯗﺭﻧﺎﻟﻼﺭﻧﻰ ﻛﯚﺭﮔﻪﺯﻣﻪ ﻗﯩﻠﻐﺎﻥ . ﺋﯘﻳﻐﯘﺭ ﺗﺎﻣﺎﻗﻠﯩﺮﯨﻨﻰ ﺷﯩﯟﯦﺘﺴﯩﻴﻪ ﺧﻪﻟﻘﯩﻨﯩﯔ ﺗﯧﺘﯩﭗ ﺑﯧﻘﯩﺸﻰ ﺋﯘﭼﯘﻥ ﺗﺎﺭﻗﺎﺗﻘﺎﻥ.

ﺑﯘ ﻛﯚﺭﮔﻪﺯﻣﻪ ﺷﯩﯟﯦﺘﺴﯩﻴﯩﻨﯩﯔ ﺋﻪﯓ ﺋﺎﯞﺍﺕ ﺑﺎﺯﯨﺮﯨﺪﺍ ﺋﯚﺗﻜﯜﺯﯛﻟﮕﻪﻥ ﺑﻮﻟﯘﭖ ، ﺋﯘﻳﻐﯘﺭ ﻣﺎﺋﺎﺭﯨﭗ ﺋﻮﻳﯘﺷﻤﯩﺴﻰ ﺗﺎﺭﻣﯩﻘﯩﺪﯨﻜﻰ ﺋﯘﻳﻐﯘﺭ ﻣﻪﻛﺘﯩﭙﯩﻨﯩﯔ 27 ﻧﻪﭘﻪﺭ ﺋﻮﻗﯘﻏﯘﭼﯩﺴﻰ ﺋﯘﻳﻐﯘﺭﻻﺭﻧﯩﯔ ﻗﯩﺴﻘﯩﭽﻪ ﺋﻪﻫﯟﺍﻟﯩﻨﻰ، ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭﻏﺎ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﯧﺴﯩﻢ ﺳﯩﻴﺎﺳﯩﺘﻰ ﺋﺎﯕﻠﯩﺘﯩﻠﻐﺎﻥ ﯞﺍﺭﺍﻗﻼﺭﻧﻰ ﺗﺎﺭﻗﺎﺗﻘﺎﻥ.

ﺑﯩﺰ ﺑﯘ ﭘﺎﺋﺎﻟﯩﻴﻪﺕ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺋﯧﻠﯩﺶ ﺋﯘﭼﯘﻥ ﻧﻪﻕ ﻣﻪﻳﺪﺍﻧﻐﺎ ﺗﯧﻠﯧﻔﻮﻥ ﻗﯩﻠﯩﭗ، ﺷﯩﯟﯦﺘﺴﯩﻴﻪ ﺋﯘﻳﻐﯘﺭ ﻣﺎﺋﺎﺭﯨﭗ ﺋﻮﻳﯘﺷﻤﯩﺴﻰ ﺑﺎﺷﻠﯩﻘﻰ ﺋﺎﺑﺪﯗﻟﻼﻫ ﺋﻪﻫﻪﺕ ﺋﻪﭘﻪﻧﺪﻯ ﺑﯩﻠﻪﻥ ﺗﯧﻠﯧﻔﻮﻥ ﺯﯨﻴﺎﺭﯨﺘﻰ ﺋﯧﻠﯩﭗ ﺑﺎﺭﺩﯗﻕ.

ﺑﯩﺰ ﻳﻪﻧﻪ ﺋﯘﻳﻐﯘﺭﻻﺭﻧﯩﯔ ﺑﯘ ﭘﺎﺋﺎﻟﯩﻴﯩﺘﯩﮕﻪ ﺋﯩﺸﺘﯩﺮﺍﻙ ﻗﯩﻠﯩﯟﺍﺗﻘﺎﻥ ﺷﯩﯟﯨﺘﻠﻪﺭﻧﯩﻤﯘ ﺯﯨﻴﺎﺭﻩﺕ ﻗﯩﻠﺪﯗﻕ. ﺑﯩﺮ ﺷﯩﯟﯦﺖ ﺋﯘﻳﻐﯘﺭ ﺧﻪﻟﻘﯩﻨﻰ ﺑﯘﺭﯗﻥ ﺋﺎﯕﻼﭖ ﺑﺎﻗﻤﯩﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "ﻣﻪﻥ ﺋﯘﻳﻐﯘﺭ ﻣﯘﺳﯘﻟﻤﺎﻧﻠﯩﺮﻯ ﻗﯩﻠﯩﯟﺍﺗﻘﺎﻥ ﺑﯘ ﭘﺎﺋﺎﻟﯩﻴﻪﺗﺘﯩﻦ ﻧﺎﻫﺎﻳﯩﺘﻰ ﺧﯘﺭﺳﻪﻥ ﺑﻮﻟﺪﯗﻡ. ﺋﯘﻳﻐﯘﺭ ﺗﺎﻣﺎﻗﻠﯩﺮﻯ ﺑﻪﻛﻼ ﻟﻪﺯﯨﺰ ﺋﯩﻜﻪﻥ . ﻣﻪﻥ ﺑﯘﺭﯗﻥ ﺑﯘﻧﺪﺍﻕ ﺑﯩﺮ ﻣﯘﺳﯘﻟﻤﺎﻥ ﻣﯩﻠﻠﻪﺕ ﺑﺎﺭﻟﯩﻘﯩﻨﻰ ﺋﺎﯕﻼﭖ ﺑﺎﻗﻤﯩﻐﺎﻥ ، ﺑﯜﮔﯜﻥ ﺗﯘﻧﺠﻰ ﻗﯧﺘﯩﻢ ﺋﺎﯕﻠﯩﺸﯩﻢ."

ﺑﯘ ﻛﯩﺸﻰ ﺑﯘﻧﺪﺍﻕ ﭘﺎﺋﺎﻟﯩﻴﻪﺗﻠﻪﺭﻧﻰ ﺋﯚﺗﻜﯜﺯﯛﺷﻨﯩﯔ ﻧﺎﻫﺎﻳﯩﺘﻰ ﭘﺎﻳﺪﯨﻠﯩﻖ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: " ﻣﯘﺷﯘﻧﺪﺍﻕ ﭘﺎﺋﺎﻟﯩﻴﻪﺗﻠﻪﺭﻧﯩﯔ ﺑﻮﻟﯘﭖ ﺗﯘﺭﯗﺷﻰ ﻧﺎﻫﺎﻳﯩﺘﻰ ﻳﺎﺧﺸﻰ. ﺑﯘ ﺧﯩﻞ ﭘﺎﺋﺎﻟﯩﻴﻪﺗﻠﻪﺭ ﺋﺎﺭﻗﯩﻠﯩﻖ ﺧﯩﻠﻤﯘ ‏- ﺧﯩﻞ ﻣﻪﺩﻩﻧﯩﻴﻪﺗﻠﻪﺭ ﺑﯩﻠﻪﻥ ﺗﻮﻧﯘﺷﺎﻻﻳﻤﯩﺰ. ﺑﯘﻧﯩﯖﺪﯨﻦ ﻛﯧﻴﯩﻨﻤﯘ ﺑﯘﻧﺪﺍﻕ ﭘﺎﺋﺎﻟﯩﻴﻪﺗﻠﻪﺭﻧﯩﯔ ﺋﯚﺗﻜﯜﺯﯛﻟﯜﭖ ﺗﯘﺭﯗﺷﯩﻨﻰ ﺋﯜﻣﯩﺖ ﻗﯩﻠﯩﻤﻪﻥ." (ﺋﻪﺭﻛﯩﻦ ﺗﺎﺭﯨﻢ)