ﺋﻮﻟﯩﻤﭙﯩﻚ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻣﺎﻛﺎﻧﻠﯩﺮﯨﺪﯨﻦ ﻛﯚﭼﯜﺭﯛﯞﯦﺘﯩﻠﮕﻪﻥ ﺋﺎﺩﻩﻡ ﺳﺎﻧﻰ ﺳﺎﺧﺘﺎ ﺋﯧﻼﻥ ﻗﯩﻠﯩﻨﻤﺎﻗﺘﺎ

• ﻣﯘﺧﺒﯩﺮﯨﻤﯩﺰ ﺋﻪﻗﯩﺪﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﻳﺪﺍﻧﻰ ﻗﯘﺭﯗﻟﯘﺷﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ، ﺗﯘﺭﺍﻟﻐﯘ ﻣﺎﻛﺎﻧﻠﯩﺮﯨﺪﯨﻦ ﺋﺎﻳﺮﯨﻠﻐﺎﻥ ﺋﺎﺩﻩﻡ ﺳﺎﻧﻰ ﺋﺎﺭﺍﻥ 14 ﻣﯩﯔ ﺋﯩﻜﻪﻧﻠﯩﻜﯩﻨﻰ، ﺑﯘﻻﺭﻧﯩﯔ 6034 ﺋﺎﺋﯩﻠﯩﻨﯩﯔ ﺋﻪﺯﺍﻟﯩﺮﯨﺪﯨﻦ ﺗﻪﺭﻛﯩﭗ ﺗﺎﭘﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺑﯧﻴﺠﯩﯔ ﺷﻪﻫﻪﺭﻟﯩﻚ ﻗﯘﺭﯗﻟﯘﺵ ﻛﻮﻣﯩﺘﯧﺘﯩﻨﯩﯔ ﻣﯘﺋﺎﯞﯨﻦ ﻣﯘﺩﯨﺮﻯ ﺟﺎﯓ ﺟﻴﺎﻣﯩﯔ ﭼﺎﺭﺷﻪﻧﺒﻪ ﻛﯜﻧﻰ ﻣﯘﺧﺒﯩﺮﻻﺭﻧﻰ ﻛﯜﺗﯩﯟﯦﻠﯩﺶ ﻳﯩﻐﯩﻨﯩﺪﺍ، ﺑﯘ ﻫﻪﻗﺘﻪ ﺋﯧﻨﯩﻖ ﺳﺎﻧﻠﯩﻖ ﻣﻪﻟﯘﻣﺎﺕ ﺑﻪﺭﮔﻪﻥ ﺑﻮﻟﯘﭖ، ﺋﯘ ﺋﻮﻟﯩﻤﭙﯩﻚ ﻣﻪﻳﺪﺍﻧﯩﻨﻰ ﻳﺎﺳﺎﺵ ﺟﻪﺭﻳﺎﻧﯩﺪﺍ ﺗﻮﭘﻼﻡ 14 ﻣﯩﯔ 901 ﺋﺎﺩﻩﻣﻨﯩﯔ ﺋﯚﻳﻠﯩﺮﯨﺪﯨﻦ ﻛﯚﭼﯜﺭﯛﻟﮕﻪﻧﻠﯩﻜﯩﻨﻰ، ﺷﯘﻧﯩﯖﺪﻩﻙ ﺑﯘ ﻛﯩﺸﯩﻠﻪﺭﻧﯩﯔ ﺋﯚﺯ ﺋﯩﺨﺘﯩﻴﺎﺭﻟﯩﻘﻰ ﺑﯩﻠﻪﻥ ﻛﯚﭼﯜﺭﯛﻟﮕﻪﻧﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ. ﺑﯩﺮﺍﻕ، ﺟﺎﯓ ﺋﯧﻴﺘﻘﺎﻥ ﺳﺎﻧﻠﯩﻖ ﻣﻪﻟﯘﻣﺎﺕ، ﺑﯩﺮ ﻗﯩﺴﯩﻢ ﺧﻪﻟﻘﺌﺎﺭﺍ ﺗﻪﺷﻜﯩﻼﺗﻼﺭ ﺗﻪﺭﯨﭙﯩﺪﯨﻦ ﺗﻪﻣﯩﻨﻠﻪﻧﮕﻪﻥ ﺳﺎﻧﻠﯩﻖ ﻣﻪﻟﯘﻣﺎﺗﺘﯩﻦ ﺋﺎﻻﻫﯩﺪﻩ ﺩﻩﺭﯨﺠﯩﺪﻩ ﭘﻪﺭﻗﻠﯩﻨﯩﺪﯨﻐﺎﻧﻠﯩﻘﻰ ﺋﺎﺷﻜﺎﺭﯨﻼﻧﻤﺎﻗﺘﺎ.

1 ﻣﯩﻠﻴﻮﻥ 250 ﻣﯩﯔ ﻛﯩﺸﯩﻨﯩﯔ ﺋﯚﻱ ﻣﺎﻛﺎﻧﻠﯩﺮﯨﺪﯨﻦ ﻛﯚﭼﯜﺭﯛﻟﮕﻪﻧﻠﯩﻜﻰ ﻣﻪﻟﯘﻡ

ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﯩﻐﺎ ﺗﻪﯞﻩ "ﺗﯘﺭﺍﻟﻐﯘ ﺋﯚﻱ ‏- ﺯﯦﻤﯩﻦ ﻫﻮﻗﯘﻗﻰ ﯞﻩ ﻣﻪﺟﺒﯘﺭﯨﻲ ﻗﻮﻏﻼﭖ ﭼﯩﻘﯩﺮﯨﺶ ﻣﻪﺳﯩﻠﯩﺴﻰ ﻣﻪﺭﻛﯩﺰﻯ" ﻧﯩﯔ ﺋﯧﻨﯩﻘﻠﯩﺸﯩﭽﻪ، ﺧﯩﺘﺎﻳﺪﺍ ﺋﻮﻟﯩﻤﭙﯩﻚ ﻣﻪﻳﺪﺍﻧﻰ ﺑﻪﺭﭘﺎ ﻗﯩﻠﯩﺶ ﺋﯜﭼﯜﻥ ﺋﯧﻠﯩﭗ ﺑﯧﺮﯨﻠﻐﺎﻥ ﺗﻪﻳﻴﺎﺭﻟﯩﻖ ﺧﯩﺰﻣﯩﺘﻰ ﺟﻪﺭﻳﺎﻧﯩﺪﺍ 1 ﻣﯩﻠﻴﻮﻥ 250 ﻣﯩﯔ ﻛﯩﺸﯩﻨﯩﯔ ﺋﯚﻱ ﻣﺎﻛﺎﻧﻠﯩﺮﯨﺪﯨﻦ ﻛﯚﭼﯜﺭﯛﻟﮕﻪﻧﻠﯩﻜﻰ ﻣﻪﻟﯘﻡ ﺑﻮﻟﻐﺎﻥ.

ﺋﻮﻟﯩﻤﭙﯩﻚ ﺗﻪﻧﺘﻪﺭﺑﯩﻴﻪ ﺳﺎﺭﯨﻴﯩﻨﻰ ﻳﺎﺳﺎﺵ ﺗﯜﭘﻪﻳﻠﻰ ﺋﯚﻳﻠﯩﺮﯨﺪﯨﻦ ﻛﯚﭼﯜﺭﯛﻟﮕﻪﻥ ﺋﺎﺩﻩﻡ ﺳﺎﻧﻰ ﻫﻪﻗﻘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺑﯘ ﺋﯩﻜﻜﻰ ﺳﺎﻧﻨﯩﯔ ﺋﻮﺗﺘﯘﺭﯨﺴﯩﺪﯨﻜﻰ ﭘﻪﺭﻗﻨﯩﯔ ﺑﯘ ﻗﻪﺩﻩﺭ ﭼﻮﯓ ﺩﻩﺭﯨﺠﯩﺪﻩ ﭘﻪﺭﻗﻠﯩﻨﯩﺸﻰ، ﺧﯩﺘﺎﻱ ﻫﯚﻛﯜﻣﯩﺘﻰ ﭘﻪﻗﻪﺕ، ﺋﻮﻟﯩﻤﭙﯩﻚ ﻣﻪﻳﺪﺍﻧﯩﻨﻰ ﻳﺎﺳﺎﺵ ﺋﯜﭼﯜﻥ، ﺷﯘ ﻣﻪﻳﺪﺍﻥ ﺩﺍﺋﯩﺮﯨﺴﯩﮕﻪ ﺗﻪﯞﻩ ﺟﺎﻳﺪﯨﻜﻰ ﻛﯚﭼﯜﺭﯛﻟﮕﻪﻥ ﺋﺎﻫﺎﻟﯩﻼﺭ ﺗﻮﻏﺮﯨﺴﯩﺪﯨﻜﻰ ﺳﺎﻧﻨﯩﻼ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺑﯘ ﺳﺎﻥ ﺋﻮﻟﯩﻤﭙﯩﻜﻨﻰ ﻛﯜﺗﯩﯟﯦﻠﯩﺶ ﺋﯜﭼﯜﻥ ﺭﻩﺗﻜﻪ ﺳﯧﻠﯩﺶ، ﺑﯧﻴﺠﯩﯔ ﺷﻪﻫﯩﺮﯨﻨﯩﯔ ﻣﯘﻫﯩﺘﯩﻨﻰ ﮔﯜﺯﻩﻟﻠﻪﺷﺘﯜﺭﯛﺵ ﺋﯜﭼﯜﻥ، ﺷﻪﻫﻪﺭﻟﯩﻚ ﻫﯚﻛﯜﻣﻪﺕ ﺗﻪﺭﯨﭙﯩﺪﯨﻦ ﺋﯧﻠﯩﭗ ﺑﯧﺮﯨﻠﻐﺎﻥ ﻗﯘﺭﯗﻟﯘﺷﺘﺎ ﻣﻪﺟﺒﯘﺭﯨﻲ ﻫﺎﻟﺪﺍ ﺋﯚﻳﻠﯩﺮﻯ ﭼﯧﻘﯩﯟﯦﺘﯩﻠﯩﭗ ﻛﯚﭼﯜﺭﯛﻟﮕﻪﻥ ﺋﺎﺩﻩﻡ ﺳﺎﻧﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻤﺎﻳﺪﯨﻜﻪﻥ.

ﻛﯚﺯﻩﺗﻜﯜﭼﯩﻠﻪﺭ: ﺋﻮﻟﯩﻤﭙﯩﻚ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻛﯚﭼﯜﺭﯛﻟﮕﻪﻥ ﺋﺎﻫﺎﻟﯩﻼﺭﻧﯩﯔ ﺳﺎﻧﯩﻨﻰ ﺳﺎﺧﺘﺎ ﺋﯧﻼﻥ ﻗﯩﻠﯩﺶ ﻳﺎﻣﺎﻥ ﺋﺎﻗﯩﯟﻩﺗﻠﻪﺭﻧﻰ ﻣﻪﻳﺪﺍﻧﻐﺎ ﻛﻪﻟﺘﯜﺭﯨﺪﯗ

ﺑﯘ ﻫﻪﻗﺘﻪ ﻣﯘﻻﻫﯩﺰﻩ ﻳﯜﺭﮔﯜﺯﮔﻪﻥ ﺧﯩﺘﺎﻱ ﻣﻪﺳﯩﻠﯩﻠﯩﺮﻯ ﺑﯘﻳﯩﭽﻪ ﺗﻪﺗﻘﯩﻘﺎﺗﭽﻰ، ﺗﯜﺭﻛﯩﻴﻪ ﻫﺎﺟﻪﺗﻪﭘﻪ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﺩﻭﻛﺘﻮﺭﻯ ﺋﻪﺭﻛﯩﻦ ﺋﻪﻛﺮﻩﻡ ﺋﻪﭘﻪﻧﺪﻯ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻚ ﻣﻪﻳﺪﺍﻧﻰ ﺑﻪﺭﭘﺎ ﻗﯩﻠﯩﺶ ﺷﯘﻧﯩﯖﺪﻩﻙ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﺋﯜﭼﯜﻥ ﺗﻪﻳﻴﺎﺭﻟﯩﻖ ﻛﯚﺭﯛﺵ ﺟﻪﺭﻳﺎﻧﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ، ﺋﺎﻫﺎﻟﯩﻼﺭﻧﻰ ﺋﯚﻱ ‏- ﺯﯦﻤﯩﻨﻠﯩﺮﯨﺪﯨﻦ ﻛﯚﭼﯜﺭﯨﯟﯦﺘﯩﺶ ﻣﻪﺳﯩﻠﯩﺴﯩﺪﻩ ﺳﺎﻧﻠﯩﻖ ﻣﻪﻟﯘﻣﺎﺗﻨﻰ ﺋﯧﻨﯩﻖ ﺋﯧﻼﻥ ﻗﯩﻠﻤﺎﻱ، ﺳﺎﺧﺘﺎ ﻣﻪﻟﯘﻣﺎﺕ ﺋﯧﻼﻥ ﻗﯩﻠﯩﺸﯩﻨﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﺧﯩﻼﭖ ﺑﯩﺮ ﻫﻪﺭﯨﻜﻪﺕ ﺋﯩﻜﻪﻧﻠﯩﻜﯩﻨﻰ، ﺑﯘﻧﯩﯖﺪﯨﻦ ﺧﯩﺘﺎﻳﻨﯩﯔ ﺋﻪﺯﻩﻟﺪﯨﻦ ﺳﺎﺧﺘﺎ ﺋﯘﭼﯘﺭﻻﺭﻧﻰ ﺋﯧﻼﻥ ﻗﯩﻠﯩﺶ ﺋﺎﺭﻗﯩﻠﯩﻖ ﺧﻪﻟﻘﺌﺎﺭﺍﻧﻰ ﺋﺎﻟﺪﺍﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﯩﯟﺍﻟﻐﯩﻠﻰ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ ﺋﯚﺗﺘﻰ.

ﺋﻪﺭﻛﯩﻦ ﺋﻪﻛﺮﻩﻡ ﺋﻪﭘﻪﻧﺪﻯ ﻣﻪﻳﺪﺍﻧﻐﺎ ﻛﯧﻠﯩﺪﯨﻐﺎﻥ ﺑﯩﺮﯨﻨﭽﻰ ﺧﯩﻞ ﺋﺎﻗﯩﯟﻩﺕ ﺗﻮﻏﺮﯨﺴﯩﺪﺍ ﺗﻮﺧﺘﯘﻟﯘﭖ ﺋﯚﺗﯩﺪﯗ. ﺋﯚﻱ ‏- ﻣﺎﻛﺎﻧﻠﯩﺮﯨﺪﯨﻦ ﺋﺎﻳﺮﯨﻠﻐﺎﻥ ﺑﯧﻴﺠﯩﯔ ﺋﺎﻫﺎﻟﯩﺴﻰ، ﻳﻪﻧﻰ 1 ﻣﯩﻠﻴﻮﻥ 250 ﻣﯩﯔ ﺋﺎﺩﻩﻣﻨﯩﯔ ﻫﻪﻣﻤﯩﺴﻰ، ﺋﯚﺯ ﺭﺍﺯﯨﻠﯩﻘﻰ ﺑﯩﻠﻪﻥ ﻣﺎﻛﺎﻧﻠﯩﺮﯨﻨﻰ ﺗﺎﭘﺸﯘﺭﯗﭖ ﺑﻪﺭﮔﻪﻧﻤﯘ، ﻳﺎﻛﻰ ﺧﯩﺘﺎﻱ ﻫﯚﻛﯜﻣﯩﺘﻰ ﻧﯚﯞﻩﺗﺘﻪ ﺋﯩﺠﺮﺍ ﻗﯩﻠﯩﯟﺍﺗﻘﺎﻥ ﺋﯚﻱ - ﺯﯦﻤﯩﻨﻠﯩﺮﯨﺪﯨﻦ ﻛﯚﭼﯜﺭﯛﺷﻜﻪ ﻗﻮﺷﯘﻟﻤﯩﻐﺎﻥ ﺋﺎﻫﺎﻟﯩﻼﺭﻏﺎ ﻧﯩﺴﺒﻪﺗﻪﻥ، ﺑﯘﻳﺮﯗﻕ ﺑﯘﻳﯩﭽﻪ ﻣﻪﺟﺒﯘﺭﯨﻲ ﻫﺎﻟﺪﺍ ﻛﯚﭼﯜﺭﯛﺵ ﺋﯘﺳﯘﻟﻰ ﺑﯩﻠﻪﻥ ﺑﯧﺴﯩﻢ ﺋﯩﺸﻠﯩﺘﯩﺶ ﺋﺎﺭﻗﯩﻠﯩﻖ ﻛﯚﭼﯜﺭﯛﻟﮕﻪﻧﻤﯘ؟ ﺩﯦﮕﻪﻥ ﻣﻪﺳﯩﻠﻪ ﺑﯘﻳﯩﭽﻪ ﻣﯘﻻﻫﯩﺰﻩ ﻳﯜﺭﮔﯜﺯﮔﻪﻥ ﺋﻪﺭﻛﯩﻦ ﺋﻪﻛﺮﻩﻡ ﺋﻪﭘﻪﻧﺪﻯ ﻣﻪﻳﺪﺍﻧﻐﺎ ﻛﻪﻟﮕﻪﻥ ﺋﯩﻜﻜﯩﻨﭽﻰ ﺧﯩﻞ ﺋﺎﻗﯩﯟﻩﺕ ﻫﻪﻗﻘﯩﺪﻩ ﺗﻮﺧﺘﯘﻟﯘﭖ ﺋﯚﺗﯩﺪﯗ. (ﺋﻪﻗﯩﺪﻩ)