ﺩ ﺋﯘ ﻕ ﯞﻩﻛﯩﻠﻠﯩﺮﻯ 6-ﻧﯚﯞﻩﺗﻠﯩﻚ ﻳﺎﯞﺭﯗﭘﺎ ﺗﯜﺭﻛﻠﯩﺮﻯ ﻣﻪﺗﺒﯘﺋﺎﺗﻰ ﻳﯩﻐﯩﻨﯩﻐﺎ ﻗﺎﺗﻨﺎﺷﺘﻰ
2007-06-12
2007-ﻳﯩﻠﻰ 6-ﺋﺎﻳﻨﯩﯔ 9-ﻛﯜﻧﻰ ﮔﻮﻟﻼﻧﺪﯨﻴﯩﻨﯩﯔ ﺋﺎﻣﺴﺘﯧﺮﺩﺍﻡ ﺷﻪﻫﯩﺮﯨﺪﻩ „6-ﻧﯚﯞﻩﺗﻠﯩﻚ ﻳﺎﯞﺭﯗﭘﺎ ﺗﯜﺭﻛﻠﯩﺮﻯ ﻣﻪﺗﺒﯘﺋﺎﺕ ﻳﯩﻐﯩﻨﻰ" ﺋﯚﺗﻜﯜﺯﯛﻟﺪﻯ. ﺑﯘ ﻳﯩﻐﯩﻨﻐﺎ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺋﻪﻟﻠﯩﺮﯨﺪﯨﻦ ﻛﻪﻟﮕﻪﻥ ﻳﺎﺯﻏﯘﭼﯩﻼﺭ، ﻣﯘﺧﺒﯩﺮﻻﺭ ﯞﻩ ﻣﯘﺗﻪﺧﻪﺳﺴﯩﺴﻠﻪﺭ ﻗﺎﺗﻨﺎﺷﻘﺎﻧﺪﯨﻦ ﺳﯩﺮﺕ، ﺗﻪﻛﻠﯩﭙﻜﻪ ﺑﯩﻨﺎﺋﻪﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﻳﺎﺷﻼﺭ ﻛﻮﻣﯩﺘﯧﺘﯩﻨﯩﯔ ﻣﯘﺩﯨﺮﻯ ﯞﻩ „ﮔﻮﻟﻼﻧﺪﯨﻴﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩﺧﭙﻰ" ﺗﻪﺷﻜﯩﻼﺗﯩﻨﯩﯔ ﺭﻩﺋﯩﺴﻰ ﺑﻪﺧﺘﯩﻴﺎﺭ ﺷﻪﻣﺸﯩﺪﯨﻦ ﺋﻪﭘﻪﻧﺪﻯ ﺑﺎﺷﭽﯩﻠﯩﻘﯩﺪﯨﻜﻰ ﺑﯩﺮ ﮔﯘﺭﯗﭘﭙﺎ ﺋﯘﻳﻐﯘﺭ ﯞﻩﻛﯩﻠﻠﯩﺮﯨﻤﯘ ﺋﯩﺸﺘﯩﺮﺍﻙ ﻗﯩﻠﻐﺎﻥ.
ﺋﯘﻳﻐﯘﺭﻻﺭ ﻣﻪﺳﯩﻠﯩﺴﻰ ﺋﺎﺳﺎﺳﻰ ﺗﯧﻤﺎ ﻗﯩﻠﯩﻨﻐﺎﻥ
9-ﺋﯩﻴﯘﻥ ﻛﯜﻧﻰ، ﺋﻪﺗﯩﮕﻪﻥ ﺳﺎﺋﻪﺕ 10:00 ﺩﺍ ﺑﺎﺷﻠﯩﻨﯩﭗ، ﻛﻪﭺ ﺳﺎﺋﻪﺕ 12:00ﮔﻪ ﻗﻪﺩﻩﺭ ﺩﺍﯞﺍﻡ ﻗﯩﻠﻐﺎﻥ ﺑﯘ ﻳﯩﻐﯩﻨﻨﯩﯔ ﺋﺎﺳﺎﺳﯩﻲ ﻣﻪﻗﺴﯩﺪﻯ؛ ﺗﯜﺭﻛﻠﻪﺭﻧﯩﯔ ﻳﺎﯞﺭﯗﭘﺎ ﺑﯩﺮﻟﯩﻜﯩﻨﯩﯔ ﺳﯩﻴﺎﺳﯩﻲ ﺳﻪﻫﻨﯩﺴﯩﺪﻩ ﺋﯚﺯ ﺭﻭﻟﯩﻨﻰ ﺟﺎﺭﻯ ﻗﯩﻠﺪﯗﺭﯗﺵ ﻣﻪﺳﯩﻠﯩﺴﻰ ﺑﻮﻟﺴﯩﻤﯘ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﻳﻪﻧﯩﻼ ﺋﺎﺳﺎﺳﻰ ﺗﯧﻤﯩﻼﺭﻧﯩﯔ ﺑﯩﺮﻯ ﺳﯜﭘﯩﺘﯩﺪﻩ ﻣﯘﺯﺍﻛﯩﺮﻩ ﻗﯩﻠﯩﻨﻐﺎﻥ. ﺑﯘ ﻗﯧﺘﯩﻤﻘﻰ ﻳﯩﻐﯩﻨﺪﺍ ﺋﯘﻳﻐﯘﺭﻻﺭﻏﺎ ﯞﻩﻛﺎﻟﯩﺘﻪﻥ ﺳﯚﺯﮔﻪ ﭼﯩﻘﻘﺎﻥ ﺑﻪﺧﺘﯩﻴﺎﺭ ﺋﻪﭘﻪﻧﺪﻯ ﺋﯘﻳﻐﯘﺭ ﻣﯩﻠﻠﯩﺘﯩﻨﯩﯔ ﻧﯚﯞﻩﺗﺘﻪ ﺗﺎﺭﺗﯩﯟﺍﺗﻘﺎﻥ ﺩﻩﺭﺩ-ﺋﻪﻟﻪﻣﻠﯩﺮﻯ ﻫﻪﻗﻘﯩﺪﻩ ﺗﻪﭘﺴﯩﻠﻰ ﻣﻪﻟﯘﻣﺎﺕ ﺑﯧﺮﯨﭗ، ﻳﯩﻐﯩﻦ ﺋﻪﻫﻠﯩﻨﯩﯔ ﺩﯨﻘﻘﯩﺘﯩﻨﻰ ﺟﻪﻟﯩﭗ ﻗﯩﻠﻐﺎﻥ.
ﺑﯘ ﻳﯩﻐﯩﻨﻨﯩﯔ ﻣﯘﻫﯩﻢ ﺋﻪﻫﻤﯩﻴﻪﺗﻠﯩﺮﯨﺪﯨﻦ ﺑﯩﺮﻯ ﺷﯘ ﺑﻮﻟﻐﺎﻧﻜﻰ، ﺷﯘ ﻛﯜﻧﻰ ﻛﻪﭼﺘﻪ ﺋﯧﻠﯩﭗ ﺑﯧﺮﯨﻠﻐﺎﻥ „ﻗﺎﻧﺎﻝ ﻳﺎﯞﺭﯗﭘﺎ ﺗﯧﻠﯧﯟﯨﺰﯨﻴﯩﺴﻰ" ﻧﯩﯔ ﻧﻪﻕ ﻣﻪﻳﺪﺍﻥ ﻣﯘﻧﺎﺯﯨﺮﻩ ﭘﺮﻭﮔﺮﺍﻣﻤﯩﺴﯩﺪﺍ، ﺋﯘﻳﻐﯘﺭﻻﺭ ﻣﻪﺳﯩﻠﯩﺴﻰ ﻳﻪﻧﻪ ﻣﯘﻫﯩﻢ ﺗﯧﻤﺎ ﻗﯩﻠﯩﻨﻐﺎﻥ ﯞﻩ ﺋﺎﻱ - ﻳﯘﻟﺘﯘﺯﻟﯘﻕ ﻛﯚﻙ ﺑﺎﻳﺮﺍﻕ ﺟﻪﯞﻻﻥ ﻗﯩﻠﯩﭗ ﺗﯘﺭﻏﺎﻥ ﻛﯚﺭﯛﻧﯜﺵ ﭘﯜﺗﯜﻥ ﺩﯗﻧﻴﺎﻏﺎ ﺗﺎﺭﻗﯩﺘﯩﻠﻐﺎﻥ.
ﮔﻮﻟﻼﻧﺪﯨﻴﻪ ﺗﯜﺭﻛﻠﯩﺮﻯ ﺋﯘﻳﻐﯘﺭﻻﺭﻏﺎ ﺋﺎﻻﻫﯩﺪﻩ ﻫﯧﺴﺪﺍﺷﻠﯩﻖ ﻗﯩﻠﯩﺪﯗ
ﮔﻮﻟﻼﻧﺪﯨﻴﯩﺪﯨﻜﻰ ﺗﯜﺭﻙ ﺗﻪﺷﻜﯩﻼﺗﻠﯩﺮﯨﻨﯩﯔ ﺋﯘﻳﻐﯘﺭﻻﺭ ﻣﻪﺳﯩﻠﯩﺴﯩﮕﻪ ﺑﻮﻟﻐﺎﻥ ﻫﯧﺴﺪﺍﺷﻠﯩﻘﻰ ﺋﺎﻻﻫﯩﺪﻩ ﻳﯘﻗﯩﺮﻯ ﺑﻮﻟﯘﭖ، 2007 - ﻳﯩﻠﻰ 5 - ﺋﺎﻳﺪﺍ ﺋﯚﺗﻜﯜﺯﯛﻟﮕﻪﻥ „ﺋﯘﻳﻐﯘﺭ ﺭﻩﻫﺒﻪﺭﻟﯩﺮﯨﻨﻰ ﺩﯦﻤﻮﻛﺮﺍﺗﯩﻴﻪ ﯞﻩ ﺋﯩﻨﺴﺎﻥ ﻫﻪﻗﻠﯩﺮﻯ ﺑﯩﻠﯩﻤﻠﯩﺮﻯ ﺑﻮﻳﯩﭽﻪ ﺗﻪﺭﺑﯩﻴﯩﻠﻪﺵ ﻛﯘﺭﺳﻰ" ﺟﻪﺭﻳﺎﻧﯩﺪﺍ، ﺋﯘﻻﺭ ﻛﯚﭖ ﻗﯧﺘﯩﻢ ﻣﻪﺧﺴﯘﺱ ﺳﻮﺭﯗﻥ ﻫﺎﺯﯨﺮﻻﭖ، ﺋﯘﻳﻐﯘﺭ ﺗﻪﺷﻜﯩﻼﺗﻼﺭ ﺭﻩﻫﺒﻪﺭﻟﯩﺮﯨﻨﻰ ﻗﯩﺰﻏﯩﻦ ﻛﯜﺗﯜﯞﺍﻟﻐﺎﻥ ﯞﻩ ﺩ ﺋﯘ ﻕ ﻧﯩﯔ ﺭﻩﺋﯩﺴﻰ، ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻐﺎ ﺳﺎﻻﻡ ﺑﯧﺮﯨﺸﻨﻰ ﺟﯩﺪﺩﯨﻲ ﺑﯩﺮ ﻣﻪﺟﺒﯘﺭﯨﻴﻪﺗﻠﯩﺮﻯ ﻗﺎﺗﺎﺭﯨﺪﺍ ﺗﻮﻧﯘﻏﺎﻥ، ﻫﻪﻣﺪﻩ ﺋﯘﻳﻐﯘﺭ ﺭﻩﻫﺒﻪﺭﻟﯩﺮﯨﻨﻰ ﺗﻪﺭﺑﯩﻴﯩﻠﻪﺵ ﻛﯘﺭﺳﯩﻨﯩﯔ ﺋﯧﭽﯩﻠﯩﺶ ﯞﻩ ﻳﯧﭙﯩﻠﯩﺶ ﻣﯘﺭﺍﺳﯩﻤﻠﯩﺮﻯ ﺗﯜﺭﻙ ﺗﻪﺷﻜﯩﻼﺗﻠﯩﺮﯨﻨﯩﯔ ﭘﺎﺋﺎﻟﯩﻴﻪﺕ ﻣﻪﺭﻛﻪﺯﻟﯩﺮﯨﺪﻩ ﺋﯚﺗﻜﯜﺯﯛﻟﮕﻪﻥ ﺋﯩﺪﻯ.
ﻳﯩﻐﯩﻨﻨﯩﯔ ﺋﺎﺧﯩﺮﯨﺪﺍ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﻣﻪﺗﺒﯘﺋﺎﺕ ﺟﻪﻫﻪﺗﺘﯩﻦ ﻳﺎﺭﺩﻩﻡ ﺑﯧﺮﯨﺶ ﻫﻪﻗﻘﯩﺪﻩ ﻣﻪﺧﺴﯘﺱ ﻗﺎﺭﺍﺭ ﻗﻮﺑﯘﻝ ﻗﯩﻠﯩﻨﻐﺎﻥ. (ﺋﻪﻛﺮﻩﻡ)
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
- ﺧﻪﻟﻘﺌﺎﺭﺍﻟﯩﻖ ﺭﺍﺩﯨﻜﺎﻝ ﭘﺎﺭﺗﯩﻴﯩﻨﯩﯔ ﻣﻪﺳﺌﯘﻟﻰ ﻣﺎﺭﻛﻮ ﭘﯧﺮﺩﯗﺳﺎ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ
- ﻳﺎﯞﺭﻭﭘﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺑﯩﺮﻟﯩﻜﯩﻨﯩﯔ ﻓﺮﺍﻧﻜﻔﻮﺭﺕ ﺷﯚﺑﯩﺴﻰ ﻗﯘﺭﯗﻟﺪﻯ
- ﻳﺎﯞﺭﻭﭘﺎ ﺑﯩﺮﻟﯩﻜﻰ ﺋﯘﻳﻐﯘﺭﻻﺭﺩﯨﻦ ﻧﯩﻤﯩﻠﻪﺭﻧﻰ ﻛﯜﺗﯩﺪﯗ؟
- ﻳﺎﯞﺭﯗﭘﺎ ﭘﺎﺭﻻﻣﯧﻨﺘﯩﻐﺎ ﺗﯚﻛﯜﻟﮕﻪﻥ ﻛﯚﺯ ﻳﯧﺸﻰ
- ﺩ ﺋﯘ ﻕ ﻧﯩﯔ ﮔﻮﻟﻼﻧﺪﯨﻴﯩﺪﯨﻜﻰ ﭘﺎﺋﺎﻟﯩﻴﻪﺗﻠﯩﺮﻯ ﻏﻪﻟﯩﺒﯩﻠﯩﻚ ﺋﺎﻳﺎﻏﻼﺷﺘﻰ
- ﺩ ﺋﯘ ﻕ ﻧﯩﯔ ﻧﯚﯞﻩﺗﺘﯩﻜﻰ ﻳﯩﻐﯩﻨﻰ ﮔﻮﻟﻼﻧﺪﯨﻴﯩﺪﻩ ﺋﯧﭽﯩﻠﺪﻯ
- ﺩ ﺋﯘ ﻕ ﻳﺎﺷﻼﺭ ﻛﻮﻣﯧﺘﯩﺴﻰ ﯞﻩ ﮔﻮﻟﻼﻧﺪﯨﻴﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩﺧﭙﻰ ﺧﯩﺘﺎﻳﻐﺎ ﻗﺎﺭﺷﻰ ﺋﯩﻤﺰﺍ ﺗﻮﭘﻼﺵ ﭘﺎﺋﺎﻟﯩﻴﯩﺘﯩﻨﻰ ﺑﺎﺷﻠﯩﯟﻩﺗﺘﻰ
- ﮔﻮﻟﻼﻧﺪﯨﻴﯩﺪﻩ ﺋﯘﻳﻐﯘﺭﻻﺭﻧﻰ ﺗﻮﻧﯘﺷﺘﯘﺭﯗﺵ ﭘﺎﺋﺎﻟﯩﻴﯩﺘﻰ ﺋﯚﺗﻜﯜﺯﯛﻟﺪﻯ
- ﮔﻮﻟﻼﻧﺪﯨﻴﯩﺪﻩ ﺧﯩﺘﺎﻳﻐﺎ ﻗﺎﺭﺷﻰ ﻧﺎﻣﺎﻳﯩﺶ ﺋﯚﺗﻜﯜﺯﯛﻟﺪﻯ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ
ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ ﯞﻩ ﺋﻮﻗﯘﺭﻣﻪﻧﻠﻪﺭ، ﺋﯩﺴﺘﺎﻧﺴﯩﻤﯩﺰ ﺋﯘﻳﻐﯘﺭ ﺑﯚﻟﯜﻣﻰ24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ ﺗﻪﺳﯩﺲ ﻗﯩﻠﺪﻯ.
