ﺋﻪﻧﻘﻪﺭﻩﺩﻩ "ﻣﻪﻫﻤﯘﺕ ﻗﻪﺷﻘﯩﺮﻯ ﯞﻩ ﺋﯘﻧﯩﯔ ﺋﯚﻟﻤﻪﺱ ﺋﻪﺳﯩﺮﻯ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ" ﻧﺎﻣﻠﯩﻖ ﻳﯩﻐﯩﻦ ﭼﺎﻗﯩﺮﯨﻠﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺗﯜﺭﻛﯩﻴﻪ ﺗﯩﻞ ﺗﻪﺗﻘﯩﻘﺎﺕ ﺋﯩﺪﺍﺭﯨﺴﯩﻨﯩﯔ ﺳﺎﺑﯩﻖ ﺑﺎﺷﻠﯩﻘﻰ، ﮔﺎﺯﻯ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺋﻮﻗﯘﺗﻘﯘﭼﯩﺴﻰ ﭘﺮﻭﻑ. ﺩﺭ. ﺋﻪﺧﻤﻪﺕ ﺑﯩﺠﺎﻥ ﺋﻪﺭﺟﯩﻼﺳﯘﻥ ﺋﻪﭘﻪﻧﺪﻯ. RFA Photo / Erkin Tarim

ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ UNESCO ﻧﺎﻣﻠﯩﻖ ﺋﻮﺭﮔﯩﻨﻰ 2008‏ - ﻳﯩﻠﯩﻨﻰ ﻣﻪﻫﻤﯘﺕ ﻗﻪﺷﻘﯩﺮﻯ ﺗﯘﻏﯘﻟﻐﺎﻧﻠﯩﻘﯩﻨﯩﯔ 1000 ﻳﯩﻠﻠﯩﻘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ `ﻣﻪﻫﻤﯘﺕ ﻗﻪﺷﻘﯩﺮﻯ ﻳﯩﻠﻰ` ﺩﻩﭖ ﺋﯧﻼﻥ ﻗﯩﻠﻐﺎﻥ ﺋﯩﺪﻯ. ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﺍ ﺋﯘﻟﯘﻍ ﺋﺎﻟﯩﻢ ﻣﻪﻫﻤﯘﺕ ﻗﻪﺷﻘﯩﺮﻯ ﯞﻩ ﺋﯘﻧﯩﯔ ﺋﯚﻟﻤﻪﺱ ﺋﻪﺳﯩﺮﻯ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﻫﻪﻗﻘﯩﺪﻩ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﻠﯩﺮﻯ، ﻟﯧﻜﺴﯩﻴﯩﻠﻪﺭ ﺋﯚﺗﻜﯜﺯﯛﻟﻤﻪﻛﺘﻪ. ﺋﯚﺗﻜﻪﻥ ﺋﺎﻳﻨﯩﯔ ﺋﺎﺧﯩﺮﯨﺪﺍ ﺗﯜﺭﻛﻤﻪﻧﯩﺴﺘﺎﻧﻨﯩﯔ ﭘﺎﻳﺘﻪﺧﺘﻰ ﺋﺎﺷﺨﺎﺑﺎﺩﺗﺎ `ﺗﯜﺭﻛﻮﻟﻮﮔﯩﻴﯩﻨﯩﯔ ﻗﯘﺭﻏﯘﭼﯩﺴﻰ ﻣﻪﻫﻤﯘﺕ ﻗﻪﺷﻘﯩﺮﻯ` ﻣﺎﯞﺯﯗﻟﯘﻕ ﺧﻪﻟﻘﺌﺎﺭﺍﻟﯩﻖ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﻰ ﺋﯚﺗﻜﯜﺯﯛﻟﮕﻪﻥ ﺋﯩﺪﻯ. 3 - ﺋﺎﻳﻨﯩﯔ 1 - ﻛﯜﻧﻰ ﺑﻮﻟﺴﺎ ﺗﯜﺭﻛﯩﻴﯩﺪﻩ ﺗﻮﻧﯘﻟﻐﺎﻥ ﺗﯜﺭﻛﻮﻟﻮﮒ، ﺗﯜﺭﻛﯩﻴﻪ ﺗﯩﻞ ﺗﻪﺗﻘﯩﻘﺎﺕ ﺋﯩﺪﺍﺭﯨﺴﯩﻨﯩﯔ ﺳﺎﺑﯩﻖ ﺑﺎﺷﻠﯩﻘﻰ، ﮔﺎﺯﻯ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺋﻮﻗﯘﺗﻘﯘﭼﯩﺴﻰ ﭘﺮﻭﻑ. ﺩﺭ. ﺋﻪﺧﻤﻪﺕ ﺑﯩﺠﺎﻥ ﺋﻪﺭﺟﯩﻼﺳﯘﻥ ﺋﻪﭘﻪﻧﺪﻯ `ﺋﯘﻟﯘﻍ ﺋﺎﻟﯩﻢ ﻣﻪﻫﻤﯘﺕ ﻗﻪﺷﻘﯩﺮﻯ ﯞﻩ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ` ﻣﺎﯞﺯﯗﻟﯘﻕ ﻟﯧﻜﺴﯩﻴﻪ ﺑﻪﺭﺩﻯ.

ﺋﻪﻧﻘﻪﺭﻩﺩﯨﻜﻰ ﺗﯜﺭﻙ ﺋﻮﺟﺎﻗﻠﯩﺮﯨﻨﯩﯔ ﺯﺍﻟﯩﺪﺍ ﺋﯚﺗﻜﯜﺯﯛﻟﮕﻪﻥ ﺑﯘ ﻟﯧﻜﺴﯩﻴﯩﮕﻪ ﺗﻮﻧﯘﻟﻐﺎﻥ ﺗﯜﺭﻛﻮﻟﻮﮔﻼﺭ، ﺋﻪﻧﻘﻪﺭﻩﺩﯨﻜﻰ ﻫﻪﺭﻗﺎﻳﺴﻰ ﺋﯘﻧﯩﯟﯦﺮﺳﯩﺘﯧﺘﺘﺎ ﻣﺎﮔﯩﺴﺘﯩﺮ ﯞﻩ ﺩﻭﻛﺘﻮﺭﻟﯘﻗﺘﺎ ﺋﻮﻗﯘﯞﺍﺗﻘﺎﻥ ﺗﯜﺭﻛﻮﻟﻮﮔﻼﺭﺩﯨﻦ ﺑﻮﻟﯘﭖ ﻛﯚﭖ ﺳﺎﻧﺪﺍ ﻛﯩﺸﻰ ﻗﺎﺗﻨﺎﺷﺘﻰ.

ﭘﺮﻭﻑ. ﺩﺭ. ﺋﻪﺧﻤﻪﺕ ﺑﯩﺠﺎﻥ ﺋﻪﺭﺟﯩﻼﺳﯘﻥ ﺋﻪﭘﻪﻧﺪﻯ ﺋﺎﻟﺪﻯ ﺑﯩﻠﻪﻥ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﻫﻪﻗﻘﯩﺪﻩ ﻗﯩﺴﻘﯩﭽﻪ ﻣﻪﻟﯘﻣﺎﺕ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ: " ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﺑﻮﻟﺴﺎ ﺗﯜﺭﻛﭽﻪ ﺋﻪﺭﻩﺑﭽﻪ ﻟﯘﻏﻪﺗﺘﯘﺭ. ﻣﻪﻫﻤﯘﺕ ﻗﻪﺷﻘﯩﺮﻯ ﺑﯘ ﺋﻪﺳﻪﺭﻧﻰ 1072 - ﻳﯩﻠﯩﺪﺍ ﺑﺎﻏﺪﺍﺗﺘﺎ ﻳﯧﺰﯨﺸﻘﺎ ﺑﺎﺷﻠﯩﻐﺎﻥ ﺑﻮﻟﯘﭖ، 1074 ﻳﺎﻛﻰ 1077 - ﻳﯩﻠﻠﯩﺮﯨﺪﺍ ﻳﯧﺰﯨﭗ ﺑﻮﻟﻐﺎﻥ. ﺑﺎﻏﺪﺍﺗﺘﯩﻜﻰ ﺋﺎﺑﺒﺎﺳﻰ ﺧﻪﻟﯩﭙﯩﺴﯩﻨﯩﯔ ﺋﻮﻏﻠﯩﻐﺎ ﻣﻪﻫﻤﯘﺕ ﻗﻪﺷﻘﯩﺮﻯ ﺗﻪﺭﯨﭙﯩﺪﯨﻦ ﺗﻪﻗﺪﯨﻢ ﻗﯩﻠﯩﻨﻐﺎﻥ. ﻟﯘﻏﻪﺗﺘﻪ ﺗﯜﺭﻛﯩﻲ ﺗﯩﻠﻼﺭﻏﺎ ﺧﺎﺱ ﺋﺎﺗﺎﻟﻐﯘﻻﺭ ﺋﻪﺭﻩﺏ ﺗﯩﻠﻰ ﺑﯩﻠﻪﻥ ﺋﯩﺰﺍﻫﻼﻧﻐﺎﻥ. ﺋﻪﻣﻤﺎ ﺑﯘﻧﺪﺍﻕ ﺋﺎﺩﺩﻯ ﺑﯩﺮ ﻟﯘﻏﻪﺗﻤﯘ ﺋﻪﻣﻪﺱ، ﭼﯜﻧﻜﻰ ﺗﯜﺭﻛﭽﻪ ﺋﺎﺗﺎﻟﻐﯘﻟﯩﺮﯨﻨﯩﯔ ﻣﻪﻧﯩﺴﯩﻨﻰ ﺋﻪﺭﻩﺏ ﺗﯩﻠﯩﺪﺍ ﺋﯩﺰﺍﻫﻼﭘﻼ ﻗﺎﻟﻤﺎﺳﺘﯩﻦ ﻫﻪﺭ ﺳﯚﺯ ﺋﯩﺒﺎﺭﯨﻨﻰ ﺟﯜﻣﻠﯩﺪﻩ ﻣﯩﺴﺎﻝ ﻛﻪﻟﺘﯜﺭﯛﺵ ﺋﺎﺭﻗﯩﻠﯩﻖ ﭼﯜﺷﻪﻧﺪﯛﺭﮔﻪﻥ. ﺳﯚﺯ ﺋﯩﺒﺎﺭﯨﻠﻪﺭﻧﻰ ﺟﯜﻣﻠﻪ ﺑﯩﻠﻪﻥ ﭼﯜﺷﻪﻧﺪﯛﺭﯛﺵ، ﻫﺎﺯﯨﺮﻗﻰ ﺯﺍﻣﺎﻥ ﻟﯘﻏﻪﺗﭽﯩﻠﯩﻜﯩﻨﯩﯔ ﺑﯩﺮ ﺋﺎﻻﻫﯩﺪﯨﻠﯩﻜﯩﺪﯗﺭ. ﻣﻪﻫﻤﯘﺕ ﻗﻪﺷﻘﯩﺮﻯ ﻣﯩﺴﺎﻝ ﺑﻪﺭﮔﻪﻥ ﺟﯜﻣﻠﯩﻨﯩﻤﯘ ﺋﻪﺭﻩﺑﭽﯩﮕﻪ ﺗﻪﺭﺟﯩﻤﻪ ﻗﯩﻠﯩﭗ ﺋﺎﯕﻼﺗﻘﺎﻥ، ﭼﯜﻧﻜﻰ ﺋﯘﻧﯩﯔ ﻣﻪﻗﺴﯩﺘﻰ ﺧﺎﻗﺎﻧﯩﻴﻪ ﺗﯩﻠﯩﻨﯩﯔ ﻗﺎﻧﭽﯩﻠﯩﻚ ﺑﺎﻱ ﺑﯩﺮ ﺗﯩﻞ ﺋﯩﻜﻪﻧﻠﯩﻜﯩﻨﻰ ﺋﻪﺭﻩﺑﻠﻪﺭﮔﻪ ﭼﯜﺷﻪﻧﺪﯛﺭﯛﺵ. ﺑﯩﺰ ﺋﯜﭼﯜﻥ ﺋﻪﯓ ﻣﯘﻫﯩﻢ ﺑﻮﻟﻐﯩﻨﻰ ﺋﯘ ﺑﻪﺯﻯ ﺳﯚﺯ ﺋﯩﺒﺎﺭﯨﻠﻪﺭﻧﻰ ﭼﯜﺷﻪﻧﺪﯛﺭﮔﻪﻧﺪﻩ ﻗﻮﺷﺎﻕ، ﺑﯧﻴﯩﺖ، ﻣﺎﻗﺎﻝ ﺗﻪﻣﺴﯩﻞ ﯞﻩ ﺩﺍﺳﺘﺎﻧﻼﺭﺩﯨﻦ ﭘﺎﺭﭼﯩﻼﺭﻧﻰ ﻣﯩﺴﺎﻝ ﻛﻪﻟﺘﯜﺭﮔﻪﻥ. ﺷﯘﯕﺎ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﭘﻪﻗﻪﺗﻼ ﺑﯩﺮ ﻟﯘﻏﻪﺕ ﺋﻪﻣﻪﺱ، ﺋﻪﻳﻨﻰ ﯞﺍﻗﯩﺘﺘﯩﻜﻰ ﺗﯜﺭﻙ ﺩﯗﻧﻴﺎﺳﻰ ﺧﻪﻟﻖ ﺋﻪﺩﻩﺑﯩﻴﺎﺗﯩﻨﯩﯔ ﻗﺎﻣﯘﺳﯩﺪﯗﺭ. ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﺪﺍ ﺟﻪﻣﺌﯩﻲ 764 ﻣﯩﺴﺮﺍ ﺷﯧﺌﯩﺮ ﺑﺎﺭ. ﺑﯘ ﺷﯧﺌﯩﺮﻻﺭﻧﯩﯔ ﻛﯚﭘﻰ ﺧﻪﻟﻖ ﻗﻮﺷﺎﻗﻠﯩﺮﯨﺪﯗﺭ. ﺧﻪﻟﻖ ﻗﻮﺷﺎﻗﻠﯩﺮﻯ ﺧﻪﻟﻖ ﺋﻪﺩﻩﺑﯩﻴﺎﺗﯩﻨﯩﯔ ﺗﯘﻧﺠﻰ ﻧﻪﻣﯘﻧﯩﻠﯩﺮﯨﺪﯗﺭ. ﺑﯘ ﻗﻮﺷﺎﻗﻼﺭ ﺋﯘ ﻣﻪﺯﮔﯩﻠﺪﯨﻜﻰ ﺗﯜﺭﻛﻠﻪﺭﻧﯩﯔ ﺗﯘﺭﻣﯘﺷﯩﻨﻰ، ﻫﺎﻳﺎﺗﯩﻨﻰ، ﺋﯚﺭﭖ ﯞﻩ ﺋﺎﺩﻩﺗﻠﯩﺮﯨﻨﻰ ﺋﻪﻛﺲ ﺋﻪﺗﺘﯜﺭﯨﺪﯗ. ﺋﺎﺯ ﺳﺎﻧﺪﺍ ﺋﺎﺷﯩﻖ ﺷﯧﺌﯩﺮﻟﯩﺮﯨﻤﯘ ﺑﺎﺭ."

ﻟﯧﻜﺴﯩﻴﯩﮕﻪ ﺗﻮﻧﯘﻟﻐﺎﻥ ﺗﯜﺭﻛﻮﻟﻮﮔﻼﺭ، ﺋﻪﻧﻘﻪﺭﻩﺩﯨﻜﻰ ﻫﻪﺭﻗﺎﻳﺴﻰ ﺋﯘﻧﯩﯟﯦﺮﺳﯩﺘﯧﺘﺘﺎ ﻣﺎﮔﯩﺴﺘﯩﺮ ﯞﻩ ﺩﻭﻛﺘﻮﺭﻟﯘﻗﺘﺎ ﺋﻮﻗﯘﯞﺍﺗﻘﺎﻥ ﺗﯜﺭﻛﻮﻟﻮﮔﻼﺭﺩﯨﻦ ﺑﻮﻟﯘﭖ ﻛﯚﭖ ﺳﺎﻧﺪﺍ ﻛﯩﺸﻰ ﻗﺎﺗﻨﺎﺷﺘﻰ. RFA Photo / Erkin Tarim

ﭘﺮﻭﻑ. ﺩﺭ. ﺋﻪﺧﻤﻪﺕ ﺑﯩﺠﺎﻥ ﺋﻪﺭﺟﯩﻼﺳﯘﻥ ﺋﻪﭘﻪﻧﺪﻯ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﺪﯨﻜﻰ ﺳﯚﺯ ﺋﯩﺒﺎﺭﯨﻠﻪﺭ ﯞﻩ ﻣﺎﻗﺎﻝ ﺗﻪﻣﺴﯩﻠﻠﻪﺭ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ: "ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﺪﯨﻜﻰ ﻣﺎﻗﺎﻝ ﺗﻪﻣﺴﯩﻞ ﺳﺎﻧﻰ ﺟﻪﻣﺌﯩﻲ 200 ﺩﯨﻦ ﻛﯚﭘﺘﯜﺭ. ﻣﻪﺳﯩﻠﻪﻥ، `ﺋﻪﺭ ﺋﺎﺩﯨﻦ ﻗﯘﺵ ﻗﺎﻧﺎﺗﯩﻦ `ﻳﻪﻧﻰ `ﺋﻮﻏﯘﻝ ﺋﯧﺘﻰ ﺑﯩﻠﻪﻥ ﻗﯘﺵ ﻗﺎﻧﯩﺘﻰ ﺑﯩﻠﻪﻥ` ﺩﯦﮕﻪﻧﮕﻪ ﺋﻮﺧﺸﺎﺵ. ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﺪﯨﻜﻰ ﺳﯚﺯ ﺋﯩﺒﺎﺭﯨﻠﻪﺭﻧﯩﯔ ﺳﺎﻧﻰ ﺟﻪﻣﺌﯩﻲ 8000 ﺋﻪﺗﺮﺍﭘﯩﺪﺍ، 11 - ﺋﻪﺳﯩﺮﺩﻩ ﺑﯩﺮ ﺗﯩﻠﺪﺍ 8000 ﺋﻪﺗﺮﺍﭘﯩﺪﺍ ﺳﯚﺯ ﺋﯩﺒﺎﺭﯨﻨﯩﯔ ﺑﻮﻟﯘﺷﻰ ﺋﯩﻨﺘﺎﻳﯩﻦ ﻣﯘﻫﯩﻤﺪﯗﺭ. ﺩﯨﯟﺍﻧﻐﺎ ﺗﯜﺭﻛﯩﻲ ﺗﯩﻠﻼﺭﻏﺎ ﻛﯩﺮﮔﻪﻥ ﺋﻪﺭﻩﺑﭽﻪ ﭘﺎﺭﺳﭽﻪ ﺳﯚﺯﻟﻪﺭ ﻛﯩﺮﮔﯜﺯﯛﻟﻤﯩﮕﻪﻥ. ﻣﻪﻫﻤﯘﺕ ﻗﻪﺷﻘﯩﺮﻯ ﺑﯘ ﻟﯘﻏﯩﺘﯩﮕﻪ ﭘﻪﻗﻪﺗﻼ ﺗﯜﺭﻛﯩﻲ ﺗﯩﻠﻼﺭﻏﺎ ﺧﺎﺱ ﺳﯚﺯﻟﻪﺭﻧﻰ ﺋﺎﻟﻐﺎﻥ. ﻧﯧﻤﻪ ﺋﯜﭼﯜﻥ ﺑﯘﻧﺪﺍﻕ ﻗﯩﻠﻐﺎﻥ ﺩﯦﺴﯩﯖﯩﺰ؟ ﭼﯜﻧﻜﻰ ﺋﻪﺭﻩﺑﻠﻪﺭﮔﻪ ﺗﯜﺭﻛﭽﻪ ﺋﯚﮔﯩﺘﯩﺶ ﺋﯜﭼﯜﻥ ﻳﺎﺯﻏﺎﻥ ﺑﯘ ﺋﻪﺳﻪﺭﻧﻰ، ﺋﻪﺭﻩﺑﻠﻪﺭﮔﻪ ﺋﻪﺭﻩﺑﭽﻪ ﺳﯚﺯﻟﻪﺭﻧﻰ ﺋﯩﺰﺍﻫﻼﺷﻨﯩﯔ ﻫﺎﺟﯩﺘﻰ ﻳﻮﻕ. ﻟﯘﻏﻪﺗﻜﻪ ﺋﺎﺯ ﺳﺎﻧﺪﺍ ﺧﯩﺘﺎﻳﭽﻪ ﯞﻩ ﺳﻮﻏﺪﯨﭽﻪ ﺳﯚﺯﻟﻪﺭ ﻛﯩﺮﮔﯜﺯﯛﻟﮕﻪﻥ. ﺑﯩﺰ ﻗﯘﺗﺎﺗﻘﯘﺑﯩﻠﯩﻚ ﯞﻩ ﺋﻪﺗﻪﺑﻪﺗﯘﻝ ﻫﺎﻗﺎﻳﯩﻖ ﻧﺎﻣﻠﯩﻖ ﺋﻪﺳﻪﺭﻟﻪﺭﺩﯨﻦ ﺋﯘ ﻣﻪﺯﮔﯩﻠﻠﻪﺭﺩﻩ ﺗﯜﺭﻛﯩﻲ ﺗﯩﻠﻼﺭﻏﺎ ﻛﯚﭖ ﺳﺎﻧﺪﺍ، ﺋﻪﺭﻩﺑﭽﻪ ﯞﻩ ﻓﺎﺭﺳﭽﻪ ﺳﯚﺯ ﺋﯩﺒﺎﺭﯨﻠﻪﺭﻧﯩﯔ ﻛﯩﺮﮔﻪﻧﻠﯩﻜﯩﻨﯩﻤﯘ ﺑﯩﻠﯩﻤﯩﺰ. ﺑﯘﻻﺭﻧﯩﻤﯘ ﻧﻪﺯﻩﺭﺩﻩ ﺗﯘﺗﺴﺎﻕ، ﺋﯘ ﯞﺍﻗﯩﺘﺘﺎ ﺋﻪﻳﻨﻰ ﺯﺍﻣﺎﻧﺪﯨﻜﻰ ﺋﻪﺩﻩﺑﯩﻲ ﺗﯩﻠﯩﻤﯩﺰ ﺑﻮﻟﻐﺎﻥ ﺧﺎﻗﺎﻧﯩﻴﻪ ﺗﯩﻠﯩﺪﺍ 10 ﻣﯩﯔ ﺋﻪﺗﺮﺍﭘﯩﺪﺍ ﺳﯚﺯ ﺋﺎﺗﺎﻟﻐﯘ ﺑﺎﺭ. ﺑﯩﺰ ﻳﯘﻗﯘﺭﯨﻘﯩﻼﺭﺩﯨﻦ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﻨﯩﯔ ﺑﯩﺮ ﻗﺎﻣﯘﺱ ﺋﯩﻜﻪﻧﻠﯩﻜﯩﻨﻰ ﺑﯩﻠﯩﯟﺍﻻﻻﻳﻤﯩﺰ."

ﭘﺮﻭﻑ. ﺩﺭ. ﺋﻪﺧﻤﻪﺕ ﺑﯩﺠﺎﻥ ﺋﻪﺭﺟﯩﻼﺳﯘﻥ ﺋﻪﭘﻪﻧﺪﻯ ﺳﯚﺯﯨﮕﻪ `ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ` ﻧﺎﻣﻠﯩﻖ ﺑﯘ ﺋﻪﺳﻪﺭﻧﯩﯔ ﻗﺎﺭﺍﺧﺎﻧﯩﻴﻼﺭ ﺩﯙﻟﯩﺘﻰ ﻣﻪﺯﮔﯩﻠﯩﺪﻩ ﺋﯩﺸﻠﯩﺘﯩﻠﮕﻪﻥ ﺧﺎﻗﺎﻧﯩﻴﻪﭼﯩﻨﯩﯔ ﺋﻪﺩﻩﺑﯩﻲ ﺗﯩﻠﯩﻨﯩﯔ ﻟﯘﻏﯩﺘﻰ ﺋﯩﻜﻪﻧﻠﯩﻜﯩﻨﻰ، ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﺑﻮﻟﺴﺎ ﺗﯩﻠﺸﯘﻧﺎﺱ، ﻓﻮﻟﻜﻠﻮﺭﭼﻰ، ﺗﺎﺭﯨﺨﭽﻰ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "ﻣﻪﻫﻤﯘﺕ ﻗﻪﺷﻘﯩﺮﻯ ﺗﯜﺭﻛﭽﻪ، ﺋﻪﺭﻩﺑﭽﻪ ﯞﻩ ﻓﺎﺭﺳﭽﯩﻨﻰ ﺑﻪﻙ ﻳﺎﺧﺸﻰ ﺑﯩﻠﯩﺪﯨﻜﻪﻥ. ﺋﯘﻧﯩﯔ ﺋﯚﺯ ﯞﺍﻗﺘﯩﺪﯨﻜﻰ ﺯﯨﻴﺎﻟﯩﻴﻼﺭﻏﺎ ﺋﻮﺧﺸﺎﺵ، ﺗﯩﻞ ﺋﻪﺩﻩﺑﯩﻴﺎﺕ، ﺗﺎﺭﯨﺦ، ﺟﯘﻏﺮﺍﭘﯩﻴﻪ ﯞﻩ ﺩﯨﻨﯩﻲ ﺑﯩﻠﯩﻤﻠﻪﺭﻧﻰ ﺋﯩﻨﺘﺎﻳﯩﻦ ﻳﺎﺧﺸﻰ ﺑﯩﻠﯩﺪﯨﻐﺎﻥ ﺑﯩﺮ ﻛﯩﺸﻰ ﺋﯩﻜﻪﻧﻠﯩﻜﻰ ﺋﯧﻨﯩﻖ. ﻣﻪﻫﻤﯘﺕ ﻗﻪﺷﻘﯩﺮﻯ ﺑﯘﻧﯩﯔ ﺑﯩﻠﻪﻥ ﺑﯩﺮﻟﯩﻜﺘﻪ ﺑﯩﺮ ﺩﯨﻴﺎﻟﯧﻜﺘﺸﯘﻧﺎﺳﺘﯘﺭ. ﺷﯘﻧﯩﻤﯘ ﺋﻪﺳﻜﻪﺭﺗﯩﭗ ﻗﻮﻳﺎﻳﻜﻰ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﻗﺎﺭﺍﺧﺎﻧﯩﻴﻼﺭ ﺩﯙﻟﯩﺘﯩﻨﯩﯔ ﺗﯩﻠﻰ ﺑﻮﻟﻐﺎﻥ ﺧﺎﻗﺎﻧﯩﻴﻪ ﺋﻪﺩﻩﺑﯩﻲ ﺗﯩﻠﯩﻨﯩﯔ ﻟﯘﻏﯩﺘﯩﺪﯗﺭ. ﺋﻪﻣﻤﺎ ﺩﯨﺌﺎﻟﯧﻜﺖ ﺳﯚﺯﻟﯩﺮﯨﻨﯩﻤﯘ ﺗﻪﺗﻘﯩﻖ ﻗﯩﻠﻐﺎﻥ ﯞﻩ ﻟﯘﻏﻪﺗﻜﯩﻤﯘ ﻛﯩﺮﮔﯜﺯﮔﻪﻥ. ﻣﻪﻫﻤﯘﺕ ﻗﻪﺷﻘﯩﺮﻯ ﺑﯘ ﻟﯘﻏﻪﺗﻨﻰ ﻳﯧﺰﯨﯟﺍﺗﻘﺎﻥ ﯞﺍﻗﺘﯩﺪﺍ ﺗﯜﺭﻛﻠﻪﺭ ﺗﯧﺨﻰ ﺑﯜﮔﯜﻧﻜﻰ ﺗﯜﺭﻛﯩﻴﻪ ﺯﯦﻤﯩﻨﮕﻪ ﻳﯧﺘﯩﭗ ﻛﻪﻟﻤﯩﮕﻪﻥ. ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﻧﺎﻣﻠﯩﻖ ﺋﻪﺳﯩﺮﯨﺪﯨﻜﻰ ﺧﻪﺭﯨﺘﯩﺪﻩ ﻫﺎﺯﯨﺮﻗﻰ ﺗﯜﺭﻛﯩﻴﻪ ﺯﯦﻤﯩﻨﯩﻨﻰ ﺗﯜﺭﻛﻠﻪﺭ ﻳﺎﺷﺎﯞﺍﺗﻘﺎﻥ ﺗﯘﭘﺮﺍﻕ ﺋﯩﭽﯩﺪﻩ ﻛﯚﺭﺳﻪﺗﻤﯩﮕﻪﻥ. ﺩﯨﯟﺍﻧﺪﺍ 20 ﺗﯜﺭﻛﯩﻲ ﻣﯩﻠﻠﻪﺗﻨﯩﯔ ﺑﺎﺭﻟﯩﻘﻰ ﻳﯧﺰﯨﻠﻐﺎﻥ. ﭘﯜﺗﯜﻥ ﻗﻪﺑﯩﻠﯩﻠﻪﺭﻧﯩﯔ ﺗﯩﻞ ﺧﯘﺳﯘﺳﯩﻴﻪﺗﻠﯩﺮﯨﻨﯩﻤﯘ ﻛﯚﺭﺳﻪﺗﻜﻪﻥ، ﻣﻪﺳﯩﻠﻪﻥ ﺩﯨﯟﺍﻧﺪﺍ ﻛﺎﺭﻟﯘﻗﻼﺭﺩﯨﻜﻰ `ﻱ` ﺗﺎﯞﯗﺷﻰ ﻗﯩﭙﭽﺎﻗﻼﺭﺩﺍ `ﺝ` ﺑﻮﻟﯩﺪﯗ ﺩﯦﻴﯩﻠﮕﻪﻥ. ﺑﯜﮔﯜﻥ ﺋﯘﻳﻐﯘﺭﭼﯩﺪﯨﻜﻰ `ﻳﺎﺧﺸﻰ` ﺳﯚﺯﻯ، ﻗﯩﺮﻏﯩﺰ ﯞﻩ ﻗﺎﺯﺍﻗﭽﯩﺪﺍ `ﺟﺎﺧﺴﻰ` ﺩﯦﻴﯩﻠﯩﺪﯗ. ﺷﯘﯕﺎ ﻫﺎﺯﯨﺮﻗﻰ ﺯﺍﻣﺎﻥ ﺗﯜﺭﻛﻮﻟﻮﮔﯩﻴﯩﺴﯩﻨﯩﯔ ﻗﯘﺭﻏﯘﭼﯩﺴﻰ ﺭﺍﺩﻟﻮﻑ، ﻣﻪﻫﻤﯘﺕ ﻗﻪﺷﻘﻪﺭﻧﯩﯔ ﺗﯜﺭﻛﻮﻟﻮﮔﯩﻴﯩﻨﯩﯔ ﻗﯘﺭﻏﯘﭼﯩﺴﻰ ﺋﯩﻜﻪﻧﻠﯩﻜﯩﻨﻰ ﻳﺎﺯﯨﺪﯗ."

ﭘﺮﻭﻑ. ﺩﺭ. ﺋﻪﺧﻤﻪﺕ ﺑﯩﺠﺎﻥ ﺋﻪﺭﺟﯩﻼﺳﯘﻥ ﺳﯚﺯﯨﺪﻩ ﻳﻪﻧﻪ، ﭘﯜﺗﯜﻥ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﻪﺭﻧﯩﯔ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﺗﻪﺗﻘﯩﻘﺎﺗﯩﻐﺎ ﺋﻪﻫﻤﯩﻴﻪﺕ ﺑﯧﺮﯨﺸﻰ ﻛﯧﺮﻩﻛﻠﯩﻜﯩﻨﻰ، ﭘﯜﺗﯜﻥ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺋﯚﺯ ﺗﯩﻞ ﺗﺎﺭﯨﺨﯩﻨﻰ، ﺋﻪﺩﻩﺑﯩﻴﺎﺕ ﺗﺎﺭﯨﺨﯩﻨﻰ، ﺧﻪﻟﻖ ﺋﻪﺩﻩﺑﯩﻴﺎﺗﯩﻨﻰ، ﻓﻮﻟﻜﻠﻮﺭﯨﻨﻰ ﺗﻪﺗﻘﯩﻖ ﻗﯩﻠﯩﺶ ﺋﯜﭼﯜﻥ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﻨﯩﯔ ﺑﯩﺮﺩﯨﻦ ﺑﯩﺮ ﺋﯩﺸﻪﻧﭽﻠﯩﻚ ﻣﻪﻧﺒﻪ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﺘﻰ. ﺋﯘ ﻳﻪﻧﻪ 2008 - ﻳﯩﻠﯩﺪﺍ ﺗﯜﺭﻛﯩﻴﻪ ﻣﻪﺩﻩﻧﯩﻴﻪﺕ ﻣﯩﻨﯩﺴﺘﯩﺮﻟﯩﻜﯩﻨﯩﯔ ﻣﻪﻫﻤﯘﺕ ﻗﻪﺷﻘﯩﺮﻯ ﻣﻪﻗﺒﻪﺭﯨﺴﯩﻨﻰ ﺭﯦﻤﻮﻧﺖ ﻗﯩﻠﯩﺶ ﺋﯜﭼﯜﻥ ﺗﻪﻳﻴﺎﺭﻟﯩﻖ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﺘﻰ. (ﺋﻪﺭﻛﯩﻦ ﺗﺎﺭﯨﻢ)