ﺗﯜﺭﻛﯩﻴﻪ ﻣﻪﺗﺒﯘﺋﺎﺗﻰ: ﺑﯩﺮ ﻣﯩﻠﻠﻪﺕ ﻛﯚﺯ ﻳﯧﺸﻰ ﺗﯚﻛﻤﻪﻛﺘﻪ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺗﯜﺭﻛﯩﻴﻪ ﮔﯧﺰﯨﺘﯩﻨﯩﯔ 8-ﺋﺎﻳﻨﯩﯔ 20- ﻛﯜﻧﯩﺪﯨﻜﻰ ﺳﺎﻧﯩﺪﺍ "ﺑﯩﺮ ﻣﯩﻠﻠﻪﺕ ﻛﯚﺯ ﻳﯧﺸﻰ ﺗﯚﻛﻤﻪﻛﺘﻪ" ﻣﺎﯞﺯﯗﻟﯘﻕ ﻣﺎﻗﺎﻟﻪ ﺋﯧﻼﻥ ﻗﯩﻠﯩﻨﺪﻯ. ﻣﺎﻗﺎﻟﯩﻨﻰ ﺗﯜﺭﻛﯩﻴﻪ ﮔﯧﺰﯨﺘﯩﻨﯩﯔ ﺋﻮﺑﺰﻭﺭﭼﯩﺴﻰ ﺗﯘﻧﺠﺎﻱ ﺋﻮﻧﯘﺭ ﻳﺎﺯﻏﺎﻥ ﺑﻮﻟﯘﭖ، ﻣﺎﻗﺎﻟﻪ ﻣﯘﻧﺪﺍﻕ ﺑﺎﺷﻠﯩﻨﯩﺪﯗ: "ﺑﯩﺮ ﺋﻪﻳﺴﺎ ﻳﯜﺳﯜﻑ ﺋﻪﭘﻪﻧﺪﻯ ﺑﺎﺭ ﺋﯩﺪﻯ. ﺋﯘﻧﯩﯔ ﭘﯜﺗﯜﻥ ﺋﯚﻣﺮﻯ ﻗﯩﻴﯩﻨﭽﯩﻠﯩﻖ ﺋﯩﭽﯩﺪﻩ ﺋﻪﺳﯩﺮ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ ﺧﯩﺘﺎﻳﻨﯩﯔ ﺋﯩﺸﻐﺎﻟﯩﻴﯩﺘﯩﺪﯨﻦ ﻗﯘﺗﻘﯘﺯﯗﭖ، ﻳﯧﯖﯩﺪﯨﻦ ﺋﻪﺭﻛﯩﻨﻠﯩﻜﻜﻪ ﺋﯧﺮﯨﺸﺘﯜﺭﯛﺵ ﺋﯜﭼﯜﻥ ﺋﯩﺸﻪﻧﭻ ﯞﻩ ﻣﯘﺟﺎﺩﯨﻠﻪ ﺑﯩﻠﻪﻥ ﺋﯚﺗﻜﻪﻥ ﺋﯩﺪﻯ. ﺋﯘ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺋﻪﺳﯩﺮ ﺋﯩﻨﺴﺎﻧﻼﺭﻧﯩﯔ ﺋﺎﯞﺍﺯﻯ ﯞﻩ ﺋﺎﺯﺍﺩﻟﯩﻖ ﺋﯜﻣﯩﺪﻯ ﺑﻮﻟﻐﺎﻥ ﺋﯩﺪﻯ. ﺋﺎﯞﺍﺯﯨﻨﻰ ﭘﯜﺗﯜﻥ ﺩﯗﻧﻴﺎﻏﺎ ﺋﺎﯕﻠﯩﺘﯩﺶ ﺋﯜﭼﯜﻥ ﺋﯘﺯﯗﻥ ﻳﯩﻞ ﻛﯜﺭﻩﺵ ﻗﯩﻠﻐﺎﻥ ﺋﯩﺪﻯ. ﻛﯧﻴﯩﻦ ﺋﯚﻣﺮﻯ ﺑﯘﻧﯩﯖﻐﺎ ﻳﻪﺗﻤﻪﻱ ﺋﺎﻟﻪﻣﺪﯨﻦ ﺋﯚﺗﺘﻰ. ﻫﺎﺯﯨﺮ ﺑﻮﻟﺴﺎ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺭﻩﺋﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺑﯘ ﺑﺎﻳﺮﺍﻗﻘﺎ ﯞﺍﺭﯨﺴﻠﯩﻖ ﻗﯩﻠﯩﭗ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺧﻪﻟﻘﯩﻨﯩﯔ ﺋﺎﯞﺍﺯﯨﻨﻰ ﺩﯗﻧﻴﺎﻏﺎ ﺋﺎﯕﻠﯩﺘﯩﺸﻘﺎ ﺗﯩﺮﯨﺸﻤﺎﻗﺘﺎ."

ﺗﯜﺭﻛﯩﻴﯩﺪﯨﻦ ﺋﯩﻜﻜﻰ ﻳﯧﺮﯨﻢ ﻫﻪﺳﺴﻪ ﭼﻮﯕﻠﯘﻗﺘﺎ ﺯﯦﻤﯩﻨﻰ ﺑﺎﺭ ﺑﻮﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ

ﺋﺎﭘﺘﻮﺭ ﺋﻮﺑﺰﻭﺭﯨﻨﻰ ﻣﯘﻧﺪﺍﻕ ﺩﺍﯞﺍﻡ ﻗﯩﻠﯩﺪﯗ: " 20-ﺋﻪﺳﯩﺮﻧﯩﯔ ﺋﺎﺧﯩﺮﯨﺪﺍ ﺳﻮﯞﯦﺖ ﺋﯩﺘﺘﯩﭙﺎﻗﻰ ﻳﯩﻤﯩﺮﯨﻠﺪﻯ. ﺭﯗﺳﻼﺭﻧﯩﯔ ﺑﻮﻳﯘﻧﺘﯘﺭﯗﻗﻰ ﺋﺎﺳﺘﯩﺪﯨﻜﻰ ﻧﯘﺭﻏﯘﻥ ﺗﯜﺭﻙ ﺩﯙﻟﻪﺗﻠﯩﺮﻯ ﺋﻪﺭﻛﯩﻨﻠﯩﻜﻜﻪ ﺋﯧﺮﯨﺸﯩﭗ ﻣﯘﺳﺘﻪﻗﯩﻞ ﺑﻮﻟﺪﻯ. ﺋﺎﻓﺮﯨﻘﯩﺪﺍ ﺑﯩﺰ ﺋﯩﺴﻤﯩﻨﯩﻤﯘ ﺋﺎﯕﻼﭖ ﺑﺎﻗﻤﯩﻐﺎﻥ ﻣﯩﻠﻠﻪﺗﻠﻪﺭ ﻣﯘﺳﺘﻪﻗﯩﻠﻠﯩﻘﯩﻨﻰ ﺋﯧﻼﻥ ﻗﯩﻠﯩﭗ ﻳﯧﯖﻰ ﺩﯙﻟﻪﺗﻠﻪﺭﻧﻰ ﻗﯘﺭﺩﻯ. ﺋﻪﻣﻤﺎ 1،828،418 ﻛﯟﺍﺩﺭﺍﺕ ﻛﯩﻠﻮﻣﯧﺘﯩﺮ ﺯﯦﻤﯩﻨﻰ ﺑﻮﻟﻐﺎﻥ، 35 ﻣﯩﻠﻴﻮﻥ ﻣﯘﺳﯘﻟﻤﺎﻥ ﺗﯜﺭﻛﯩﻲ ﻣﯩﻠﻠﻪﺕ ﻳﺎﺷﺎﻳﺪﯨﻐﺎﻥ، ﺗﯜﺭﻛﯩﻴﯩﺪﯨﻦ ﺋﯩﻜﻜﻰ ﻳﯧﺮﯨﻢ ﻫﻪﺳﺴﻪ ﭼﻮﯕﻠﯘﻗﺘﺎ ﺯﯦﻤﯩﻨﻰ ﺑﺎﺭ ﺑﻮﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺑﻮﻟﺴﺎ ﻣﯘﺳﺘﻪﻗﯩﻠﻠﯩﻘﻘﻪ ﺋﯧﺮﯨﺸﻪﻟﻤﯩﺪﻯ. ﻗﻮﻟﺪﯨﻦ ﻛﻪﺗﻜﯜﺯﯛﭖ ﻗﻮﻳﻐﺎﻥ ﺋﻪﺭﻛﯩﻨﻠﯩﻚ ﺋﺎﺳﺎﻥ ﻗﻮﻟﻐﺎ ﻛﻪﻟﻤﯩﺴﯩﻤﯘ . ﻟﯧﻜﯩﻦ ﺋﯘﻻﺭﻧﯩﯔ ﺋﻪﺭﻛﯩﻨﻠﯩﻚ ﺋﯩﺸﻘﻰ ﻫﯧﭻ ﻗﺎﭼﺎﻥ ﺋﯚﭼﻤﯩﮕﻪﻥ."

ﺗﯘﻧﺠﺎﻱ ﺋﻮﻧﯘﺭ ﺋﻮﺑﺰﻭﺭﯨﺪﺍ ﺋﯘﻳﻐﯘﺭﻻﺭﻧﯩﯔ ﺗﺎﺭﯨﺨﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﯧﺮﯨﭗ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ: "ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﺎﺭﯨﺨﺘﺎ ﺗﯜﺭﻛﻠﻪﺭﻧﯩﯔ ﺑﻮﯞﯨﻠﯩﺮﻯ ﻫﯧﺴﺎﺑﻠﯩﻨﯩﺪﯨﻐﺎﻥ ﻛﯚﻙ ﺗﯜﺭﻛﻠﻪﺭ ﯞﻩ ﺋﯘﻳﻐﯘﺭﻻﺭ ﻳﻪﻧﻰ ﺋﻮﻏﯘﺯ ﻗﻮﯞﻣﻠﯩﺮﻯ ﻳﺎﺷﯩﻐﺎﻥ ﯞﻩ ﻳﯧﺘﯩﺸﻜﻪﻥ ﺗﯘﭘﺮﺍﻗﻼﺭﺩﯗﺭ. ﺋﯘﻳﻐﯘﺭﻻﺭ ﺑﻮﻟﺴﺎ، ﺗﺎﺭﯨﺨﺘﺎ ﺑﯘ ﺗﯘﭘﺮﺍﻗﻼﺭﺩﺍ ﻛﯚﭼﻤﻪﻥ ﻫﺎﻳﺎﺗﺘﯩﻦ ﺷﻪﻫﻪﺭ ﻫﺎﻳﺎﺗﯩﻐﺎ ﺋﯚﺗﻜﻪﻥ ﺗﯘﻧﺠﻰ ﺗﯜﺭﻛﯩﻲ ﺧﻪﻟﻘﺘﯘﺭ. ﺋﯘﻳﻐﯘﺭﻻﺭ ﻳﯧﺰﺍ ﺋﯩﮕﯩﻠﯩﻚ، ﻣﻪﺗﺒﯘﺋﺎﺗﭽﯩﻠﯩﻖ ﯞﻩ ﺗﻮﻗﯘﻣﯩﭽﯩﻠﯩﻖ ﺗﻪﺭﻩﻗﻘﯩﻴﺎﺗﯩﻐﺎ ﭼﻮﯓ ﺗﯚﻫﭙﯩﻠﻪﺭﻧﻰ ﻗﻮﺷﻘﺎﻥ ﺑﯩﺮ ﻣﯩﻠﻠﻪﺕ. ﺋﯘﻳﻐﯘﺭﻻﺭﺩﺍ ﺑﯩﻠﯩﻢ، ﺋﻪﺩﻩﺑﯩﻴﺎﺕ ﯞﻩ ﺳﻪﻧﺌﻪﺕ ﺑﺎﺷﻘﺎ ﻣﯩﻠﻠﻪﺗﻠﻪﺭﮔﻪ ﻗﺎﺭﯨﻐﺎﻧﺪﺍ ﻛﯚﭖ ﺗﻪﺭﻩﻗﻘﯩﻲ ﻗﯩﻠﻐﺎﻥ. ﺋﯘﻳﻐﯘﺭ ﺩﯙﻟﯩﺘﯩﺪﯨﻦ ﻛﯧﻴﯩﻦ ﺑﯘ ﺯﯦﻤﯩﻨﺪﺍ ﻗﯘﺭﯗﻟﻐﺎﻥ ﻗﺎﺭﺍﺧﺎﻧﯩﻼﺭ ﺩﯙﻟﯩﺘﻰ ﺑﻮﻟﺴﺎ ﺗﺎﺭﯨﺨﺘﺎ ﺗﯘﻧﺠﻰ ﻗﯧﺘﯩﻢ ﻣﯘﺳﯘﻟﻤﺎﻧﻠﯩﻘﻨﻰ ﻗﻮﺑﯘﻝ ﻗﯩﻠﻐﺎﻥ ﺗﯜﺭﻙ ﺩﯙﻟﯩﺘﻰ ﺳﯜﭘﯩﺘﯩﺪﻩ ﺗﺎﺭﯨﺦ ﺑﯧﺘﯩﮕﻪ ﻳﯧﺰﯨﻠﻐﺎﻥ. ﻣﯘﺳﯘﻟﻤﺎﻧﻠﯩﻘﻨﻰ ﻗﻮﺑﯘﻝ ﻗﯩﻠﻐﺎﻧﺪﯨﻦ ﻛﯧﻴﯩﻦ ﺋﺎﺑﺪﯗﻟﻜﯧﺮﯨﻢ ﺋﯩﺴﻤﯩﻨﻰ ﺋﺎﻟﻐﺎﻥ ﺳﺎﺗﯘﻕ ﺑﯘﻏﺮﺍﺧﺎﻥ ﺑﯘ ﺯﯦﻤﯩﻨﺪﯨﻜﻰ ﭘﯜﺗﯜﻥ ﺗﯜﺭﻛﻠﻪﺭﻧﯩﯔ ﻣﯘﺳﯘﻟﻤﺎﻥ ﺑﻮﻟﯘﺷﯩﻐﺎ ﺳﻪﯞﻩﺑﭽﻰ ﺑﻮﻟﻐﺎﻥ. ﺷﯘﻧﯩﯔ ﺑﯩﻠﻪﻥ ﺗﺎﺭﯨﺨﺘﯩﻜﻰ ﺗﯘﻧﺠﻰ ﺋﯩﺴﻼﻡ ﺗﯜﺭﻙ ﺩﯙﻟﯩﺘﻰ ﻗﯘﺭﯗﻟﻐﺎﻥ ﺋﯩﺪﻯ. ﭘﯜﺗﯜﻧﻠﻪﻱ ﺗﯜﺭﻛﯩﻲ ﻗﻮﯞﻣﻼﺭﺩﯨﻦ ﺗﻪﺭﻛﯩﭗ ﺗﺎﭘﻘﺎﻥ ﺑﯘ ﺩﯙﻟﻪﺗﺘﻪ ﺗﯘﻧﺠﻰ ﺗﯜﺭﻙ ﻣﻪﺩﻩﻧﯩﻴﯩﺘﻰ ﯞﻩ ﺋﯩﺴﻼﻣﻨﯩﯔ ﻳﯘﻏﯘﺭﯨﻠﯩﺸﯩﺪﯨﻦ ﺑﺎﺭﻟﯩﻘﻘﺎ ﻛﻪﻟﮕﻪﻥ ﻧﯘﺭﻏﯘﻥ ﺗﺎﺭﯨﺨﯩﻲ ﺋﺎﺳﺎﺭﻩ -ﺋﻪﺗﯩﻘﯩﻠﻪﺭ ﻳﺎﺳﺎﻟﻐﺎﻥ."

،" ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ" ﻧﻰ ﯞﯗﺟﯘﺗﻘﺎ ﭼﯩﻘﺎﺭﻏﺎﻥ ﺧﻪﻟﯩﻖ

ﺗﯜﺭﻛﯩﻴﻪ ﮔﯧﺰﯨﺘﯩﻨﯩﯔ ﺋﻮﺑﺰﻭﺭﭼﯩﺴﻰ ﺗﯘﻧﺠﺎﻱ ﺋﻮﻧﯘﺭ ﻣﺎﻗﺎﻟﯩﺴﯩﻨﻰ ﻳﻪﻧﻪ ﻣﯘﻧﺪﺍﻕ ﺩﺍﯞﺍﻡ ﻗﯩﻠﯩﺪﯗ: "ﻗﺎﺭﺍﺧﺎﻧﯩﻼﺭ ﺩﯙﻟﯩﺘﻰ ﺗﯜﺭﻙ ﻛﯩﻤﻠﯩﻜﯩﻨﻰ ﻗﻮﻏﺪﺍﺵ ﺋﯜﭼﯜﻥ ﺧﺎﻗﺎﻧﯩﻴﻪ ﺗﯩﻠﯩﻨﻰ ﺭﻩﺳﻤﻰ ﺩﯙﻟﻪﺕ ﺗﯩﻠﻰ ﻗﯩﻠﯩﭗ ﺋﯩﺸﻠﻪﺗﻜﻪﻥ. ﺋﯘﻳﻐﯘﺭ ﺗﯜﺭﻛﭽﯩﺴﯩﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﭖ،" ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ"، "ﻗﯘﺗﺎﺗﻘﯘ ﺑﯩﻠﯩﮓ"، "ﺋﺎﺗﺎﺑﻪﺗﯘﻝ ﻫﻪﻗﺎﻳﯩﻖ"، "ﺩﯨﯟﺍﻧﻰ ﻫﯧﻜﻤﻪﺕ" ﻗﺎﺗﺎﺭﻟﯩﻖ ﻣﻪﺷﻬﯘﺭ ﺋﻪﺳﻪﺭﻟﻪﺭﻧﻰ ﻳﺎﺯﻏﺎﻥ. ﻳﻪﻧﻪ ﺑﯘ ﻣﻪﺯﮔﯩﻠﺪﻩ ﺗﯘﻧﺠﻰ ﭘﻮﭼﺘﺎ ﺋﯩﺪﺍﺭﯨﺴﻰ، ﺗﯘﻧﺠﻰ ﺩﻭﺧﺘﯘﺭﺧﺎﻧﺎ ﻗﯘﺭﯗﻟﻐﺎﻥ ﺑﻮﻟﯘﭖ ﻣﻪﺩﻩﻧﯩﻴﻪﺗﻨﯩﯔ ﻳﯘﻗﯩﺮﻯ ﭘﻪﻟﻠﯩﺴﯩﮕﻪ ﻗﺎﺭﺍﭖ ﻣﺎﯕﻐﺎﻥ. ﺗﯜﺭﻙ ﻣﻪﺩﻩﻧﯩﻴﯩﺘﻰ ﺑﯩﻠﻪﻥ ﺋﯩﺴﻼﻡ ﻣﻪﺩﻩﻧﯩﻴﯩﺘﻰ ﺑﯩﺮﻟﻪﺷﺘﯜﺭﯛﻟﯜﺷﻜﻪ ﺑﺎﺷﻠﯩﻐﺎﻥ ﺋﺎﭼﻘﯘﭼﻠﯘﻕ ﻣﻪﺯﮔﯩﻞ ﺑﻮﻟﻐﺎﻥ. ﻗﺎﺭﺍﺧﺎﻧﯩﻼﺭ ﺩﯙﻟﯩﺘﻰ ﻣﻪﺯﮔﯩﻠﯩﺪﻩ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺗﺎﺭﯨﺦ ﺑﯧﺘﯩﮕﻪ ﺋﺎﻟﺘﯘﻥ ﻫﻪﺭﭘﻠﻪﺭ ﺑﯩﻠﻪﻥ ﻳﯧﺰﯨﻠﯩﺪﯨﻐﺎﻥ ﻣﯘﻫﯩﻢ ﺋﯩﺸﻼﺭﻧﻰ ﻳﺎﺯﻏﺎﻥ."

"ﺗﺎﺭﯨﺨﺘﺎ ﺋﯚﺭﻧﯩﻜﯩﻨﻰ ﻛﯚﺭﮔﯩﻨﯩﻤﯩﺰﺩﻩﻙ، ﺑﯩﺮ ﻣﯩﻠﻠﻪﺗﻨﯩﯔ ﺩﯙﻟﻪﺕ ﺗﯜﺯﯛﻣﻰ ﺑﯩﻠﻪﻥ ﺩﯙﻟﻪﺕ ﺋﺎﭘﺎﺭﺍﺗﻠﯩﺮﻯ ﺋﻮﺭﺗﺎﻕ ﺋﯩﺸﻪﻧﭻ ،ﺋﻮﺭﺗﺎﻕ ﻣﻪﻗﺴﻪﺕ ﺑﯩﻠﻪﻥ ﺋﯘﻳﯘﺷﻘﺎﻧﺪﺍ ﺑﯘﻧﻰ ﻫﯧﭽﻘﺎﻧﺪﺍﻕ ﻛﯜﭺ ﺗﻮﺧﺘﯩﺘﯩﭗ ﻗﺎﻻﻟﻤﯩﻐﺎﻥ. ﺋﯩﺘﺘﯩﭙﺎﻕ ﺑﻮﻟﻐﺎﻥ ﺗﻪﻗﺪﯨﺮﺩﻩ ﻗﻮﻟﻐﺎ ﻛﻪﻟﺘﯜﺭﮔﻪﻥ ﺋﻪﺭﻛﯩﻨﻠﯩﻚ ﺋﺎﺳﺎﻧﻠﯩﻘﭽﻪ ﻗﻮﻟﺪﯨﻦ ﻛﻪﺗﻤﻪﻳﺪﯗ."

ﺋﯘﻳﻐﯘﺭﻻﺭﻧﯩﯔ ﻛﯧﻴﯩﻨﻜﻰ 58 ﻳﯩﻠﻠﯩﻖ ﺋﻪﻫﯟﺍﻟﻰ

ﺗﯜﺭﻛﯩﻴﻪ ﮔﯧﺰﯨﺘﯩﻨﯩﯔ ﺋﻮﺑﺰﻭﺭﭼﯩﺴﻰ ﺗﯘﻧﺠﺎﻱ ﺋﻮﻧﯘﺭ ﺋﻪﭘﻪﻧﺪﻯ ﻣﺎﻗﺎﻟﯩﺴﯩﻨﯩﯔ 3. ﺑﯚﻟﯜﻣﯩﺪﻩ ﺋﯘﻳﻐﯘﺭﻻﺭﻧﯩﯔ ﻛﯧﻴﯩﻨﻜﻰ 58 ﻳﯩﻠﻠﯩﻖ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺗﻮﺧﺘﯘﻟﯘﭖ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ: "ﺗﯜﺭﻙ ﻣﻪﺩﻩﻧﯩﻴﯩﺘﯩﻨﯩﯔ ﺑﯚﺷﯜﻛﻰ ﺑﻮﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﺎﺯﯨﺮ ﻛﯚﺯ ﻳﯧﺸﻰ ﺗﯚﻛﻤﻪﻛﺘﻪ. 58 ﻳﯩﻠﺪﯨﻦ ﺑﯘﻳﺎﻥ ﺧﯩﺘﺎﻳﻼﺭﻧﯩﯔ ﺋﯩﺸﻐﺎﻟﯩﻴﯩﺘﻰ ﺋﺎﺳﺘﯩﺪﺍ ﺑﯩﭽﺎﺭﻩ ﺑﯩﺮ ﺷﻪﻛﯩﻠﺪﻩ ﻳﺎﺷﺎﯞﺍﺗﻘﺎﻥ 35 ﻣﯩﻠﻴﻮﻥ ﺋﯘﻳﻐﯘﺭ ﺧﻪﻟﻘﻰ ﺑﯩﺮ ﻳﯧﺮﯨﻢ ﻣﯩﻠﻴﺎﺭﺩ ﺧﯩﺘﺎﻳﻨﯩﯔ ﻳﯜﺭﯨﻜﯩﮕﻪ ﺳﺎﻧﺠﯩﻠﻐﺎﻥ ﺧﻪﻧﺠﻪﺭﺩﻩﻙ ﺗﯘﺭﻣﺎﻗﺘﺎ. ﺋﺎﻓﺮﯨﻘﯩﺪﺍ ﺧﺮﯨﺴﺘﯩﻴﺎﻧﻼﺷﺘﯘﺭﯗﻟﻐﺎﻥ ﻳﺎﯞﺍﻳﻰ ﺋﺎﺩﻩﻣﻠﻪﺭﮔﯩﻤﯘ ﻳﺎﺭﺩﻩﻡ ﻗﯩﻠﻐﺎﻥ ﯞﻩ ﻣﯘﺳﺘﻪﻗﯩﻠﻠﯩﻘﯩﻨﻰ ﺑﻪﺭﮔﻪﻥ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﭘﻪﺭﻳﺎﺩ ﻗﯩﻠﯩﯟﺍﺗﻘﺎﻥ ﺧﻪﻟﻘﻨﯩﯔ ﺋﺎﯞﺍﺯﯨﻨﻰ ﺗﯘﻳﻤﺎﻳﯟﺍﺗﯩﺪﯗ. ﺑﯜﮔﯜﻧﮕﯩﭽﻪ ﻣﯩﻠﻴﻮﻧﻼﺭﭼﻪ ﺋﯘﻳﻐﯘﺭ ﻗﻪﺗﻠﻰ ﻗﯩﻠﯩﻨﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﻗﯩﺮﻏﯩﻨﭽﯩﻠﯩﻘﻼﺭ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﻪﺭﮔﻪﻥ ﺳﯘﻧﺪﺍﻱ ﺋﻪﺧﭙﺮﻩﺳﺲ ﮔﯧﺰﯨﺘﻰ 1966-ﻳﯩﻠﯩﻐﯩﭽﻪ ﻣﺎﯞﻧﯩﯔ ﺑﯧﺴﯩﻤﻰ ﺋﺎﺳﺘﯩﺪﺍ 1949-ﻳﯩﻠﯩﺪﯨﻦ 1952-ﻳﯩﻠﯩﻐﯩﭽﻪ 2ﻣﯩﻠﻴﻮﻥ 800ﻣﯩﯔ، 1952- ﻳﯩﻠﯩﺪﯨﻦ 1957- ﻳﯩﻠﯩﻐﯩﭽﻪ 3 ﻣﯩﻠﻴﻮﻥ 509 ﻣﯩﯔ، 1958-ﻳﯩﻠﯩﺪﯨﻦ 1960- ﻳﯩﻠﯩﻐﯩﭽﻪ 6 ﻣﯩﻠﻴﻮﻥ 700ﻣﯩﯔ، 1961-ﻳﯩﻠﯩﺪﯨﻦ 1965-ﻳﯩﻠﯩﻐﯩﭽﻪ 13 ﻣﯩﻠﻴﻮﻥ 300 ﻣﯩﯔ ﻛﯩﺸﯩﻨﯩﯔ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﻰ ﻳﺎﺯﻏﺎﻥ. ﻣﯘﺷﯘﻧﭽﯩﯟﺍﻻ ﺯﯗﻟﯘﻡ ﯞﻩ ﻫﻪﻗﻘﺎﻧﯩﻴﻪﺗﺴﯩﺰﻟﯩﻚ ﺑﻮﻟﻐﺎﻥ ﺑﯘ ﺩﯗﻧﻴﺎﺩﺍ، ﻣﻪﻧﭙﻪﺋﻪﺕ ﺋﯘﺭﯗﺷﻰ ﺑﻮﻟﻐﺎﻥ ﺑﯘ ﺩﯗﻧﻴﺎﺩﺍ ﻣﻪﻧﭙﻪﺋﻪﺕ ﺋﯘﺭﯗﺷﻠﯩﺮﻯ ﺩﺍﯞﺍﻡ ﻗﯩﻠﯩﯟﺍﺗﻘﺎﻥ ﻛﯜﻧﯩﻤﯩﺰﺩﻩ ﺋﺎﺩﺍﻟﻪﺗﻨﻰ ﻗﺎﻧﺪﺍﻗﻤﯘ ﺋﻪﻣﻪﻟﮕﻪ ﺋﺎﺷﯘﺭﻏﯩﻠﻰ ﺑﻮﻟﺴﯘﻥ. ﺋﻪﺭﻛﯩﻨﻠﯩﻜﻨﻰ ﻳﺎﻗﻼﻳﺪﯨﻐﺎﻥ ﺩﯙﻟﻪﺗﻠﻪﺭﮔﻪ ﻧﯧﻤﻪ ﺑﻮﻟﺪﻯ. ﺑﯩﺮ ﻣﯩﻠﻠﻪﺕ ﻳﺎﺵ ﺗﯚﻛﻤﻪﻛﺘﻪ... ﺋﺎﯕﻠﯩﻐﺎﻥ ﺑﺎﺭﻣﯘ ؟ "

ﻳﯘﻗﯩﺮﯨﺪﯨﻜﻰ ﺑﺎﻳﺎﻧﻼﺭ ﺗﯜﺭﻛﯩﻴﻪ ﮔﯧﺰﯨﺘﯩﻨﯩﯔ ﻣﯘﺧﺒﯩﺮﻯ ﺗﯘﻧﺠﺎﻱ ﺋﻮﻧﯘﺭ ﺋﻪﭘﻪﻧﺪﯨﻨﯩﯔ ﻗﻪﻟﺒﯩﺪﯨﻦ ﭼﯩﻘﻘﺎﻥ ﺳﯚﺯﻟﻪﺭﺩﯗﺭ. ( ﺋﻪﺭﻛﯩﻦ ﺗﺎﺭﯨﻢ)