ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﺪﻩ ﺧﯩﺘﺎﻳﻨﯩﯔ ﺳﻮﺩﺍ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﻣﯘﻫﺎﻛﯩﻤﻪ ﻳﯩﻐﯩﻨﻰ ﺋﯚﺗﻜﯜﺯﯛﻟﺪﻯ

• ﻣﯘﺧﺒﯩﺮﯨﻤﯩﺰ ﭘﻪﺭﯨﺪﻩﻧﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

2006-ﻳﯩﻠﻰ 13-ﻳﺎﻧﯟﺍﺭ ﻛﯜﻧﻰ ﺑﯧﻴﺠﯩﯖﺪﯨﻜﻰ ﺑﯩﺮ ﻣﯘﺯﯨﻜﺎ ﯞﻩ ﻛﯩﻨﻮ ﻓﯩﻠﯩﻤﻠﯩﺮﻯ ﺳﺎﺗﯩﺪﯨﻐﺎﻥ ﺩﯗﻛﺎﻧﺪﯨﻦ ﻛﯚﺭﯛﻧﯜﺵ. AFP

ﭼﺎﺭﺷﻪﻧﺒﻪ ﻛﯜﻧﻰ ﺋﺎﻣﯧﺮﯨﻜﯩﻨﯩﯔ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻧﺪﺍ ﺋﺎﻣﯧﺮﯨﻜﺎ ﻛﯧﯖﻪﺵ ﭘﺎﻻﺗﺎﺳﻰ ﻣﺎﻟﯩﻴﻪ ﻛﻮﻣﯩﺘﯧﺘﯩﻨﯩﯔ ﺋﻮﺭﯗﻧﻼﺷﺘﯘﺭﯗﺷﻰ ﺑﯩﻠﻪﻥ ﺧﯩﺘﺎﻳﻨﯩﯔ ﺳﻮﺩﺍ ﺭﯦﻜﻮﺭﺗﻰ ﻫﻪﻗﻘﯩﺪﻩ ﻣﯘﻫﺎﻛﯩﻤﻪ ﻳﯩﻐﯩﻨﻰ ﺋﯚﺗﻜﯜﺯﯛﻟﺪﻯ.

ﺧﯩﺘﺎﻳﻨﯩﯔ ﺋﻪﻗﻠﯩﻲ ﻣﯜﻟﯜﻙ ﻫﻮﻗﯘﻗﯩﻨﻰ ﻗﻮﻏﺪﺍﺵ ﺗﯩﺮﯨﺸﭽﺎﻧﻠﯩﻘﯩﺪﺍ ﮔﯘﻣﺎﻥ ﺑﺎﺭ

ﻳﯩﻐﯩﻨﺪﺍ ﺳﯚﺯ ﻗﯩﻠﻐﺎﻥ ﺋﺎﻣﯧﺮﯨﻜﯩﻨﯩﯔ ﻣﯘﺋﺎﯞﯨﻦ ﺳﻮﺩﺍ ﯞﻩﻛﯩﻠﻰ ﻛﺎﺭﺍﻥ ﺑﺎﺗﯩﺌﺎ، ﺧﯩﺘﺎﻳﻨﯩﯔ ﻧﯚﯞﻩﺗﺘﻪ ﺋﺎﻣﯧﺮﯨﻜﺎ ﺑﯩﻠﻪﻥ ﺑﻮﻟﻐﺎﻥ ﺳﻮﺩﺍ ﻣﯘﻧﺎﺳﯩﯟﯨﺘﯩﺪﻩ ﺑﯩﺮ "ﻳﯧﯖﻰ ﺩﻩﯞﺭ" ﮔﻪ ﻗﻪﺩﻩﻡ ﻗﻮﻳﻐﺎﻧﻠﯩﻘﯩﻨﻰ ﺋﯧﻴﺘﺘﻰ:

"ﺑﯘ ﻳﯧﯖﻰ ﺩﻩﯞﺭ ﺧﯩﺘﺎﻳﻨﯩﯔ ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﯩﻐﺎ ﺋﻪﺯﺍ ﺑﻮﻟﻐﺎﻥ ﺋﯚﺗﻜﯜﻧﭽﻰ ﻣﻪﺯﮔﯩﻠﯩﻨﯩﯔ ﺋﺎﺧﯩﺮﻻﺷﻘﺎﻧﻠﯩﻘﯩﺪﯨﻦ ﻫﻪﻣﺪﻩ ﺟﯩﺪﺩﯨﻲ ﻫﻪﺭﯨﻜﻪﺕ ﻗﻮﻟﻠﯩﻨﯩﭗ ﺑﯘ ﺗﻪﺷﻜﯩﻼﺗﺘﯩﻜﻰ ﺋﯩﺸﻪﻧﭽﻠﯩﻚ ﺑﯩﺮ ﺋﻪﺯﺍﻏﺎ ﺋﺎﻳﻠﯩﻨﯩﺶ ﻣﻪﺯﮔﯩﻠﯩﻨﯩﯔ ﺑﺎﺷﻼﻧﻐﺎﻧﻠﯩﻘﯩﺪﯨﻦ ﺩﯦﺮﻩﻙ ﺑﯧﺮﯨﺪﯗ. ﺷﯘﻧﺪﺍﻗﻼ ﺧﯩﺘﺎﻱ ﻳﻪﻧﻪ ﺧﻪﻟﻘﺌﺎﺭﺍ ﺳﻮﺩﺍ ﺳﯧﺴﺘﯩﻤﯩﺴﯩﻐﺎ ﭘﺎﻳﺪﯨﻠﯩﻖ ﺑﻮﻟﯘﺷﻰ ﻛﯧﺮﻩﻙ".

ﺑﺎﺗﯩﺌﺎ ﺳﯚﺯﯨﺪﻩ ﻳﻪﻧﻪ، ﺋﺎﻣﯧﺮﯨﻜﯩﻨﯩﯔ ﺧﯩﺘﺎﻳﻨﯩﯔ ﺋﻪﻗﻠﯩﻲ ﻣﯜﻟﯜﻙ ﻫﻮﻗﯘﻗﯩﻨﻰ ﻗﻮﻏﺪﺍﺵ ﺟﻪﻫﻪﺗﺘﯩﻜﻰ ﺗﯩﺮﯨﺸﭽﺎﻧﻠﯩﻘﯩﻐﺎ ﮔﯘﻣﺎﻥ ﺑﯩﻠﻪﻥ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ، ﮔﻪﺭﭼﻪ ﺧﯩﺘﺎﻱ ﺗﻪﺭﻩﭖ ﺋﻪﻗﻠﯩﻲ ﻣﯜﻟﯜﻙ ﻫﻮﻗﯘﻗﯩﻨﻰ ﻗﻮﻏﺪﺍﺵ ﺟﻪﻫﻪﺗﺘﯩﻜﻰ ﻗﺎﻧﯘﻥ-ﺑﻪﻟﮕﯩﻠﯩﻤﯩﻠﯩﺮﯨﺪﻩ ﺋﺎﺯﺭﺍﻕ ﺋﯩﻠﮕﯩﺮﯨﻠﻪﺷﻠﻪﺭﻧﻰ ﻫﺎﺳﯩﻞ ﻗﯩﻠﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺗﯧﺨﯩﭽﻪ ﺋﯘﻧﯩﯔ ﺋﯜﻧﯜﻣﻰ ﻳﺎﺧﺸﻰ ﻛﯚﺭﯛﻟﻤﯩﮕﻪﻥ. ﻳﯩﻐﯩﻨﺪﺍ ﺑﺎﺗﯩﺌﺎ ﻳﻪﻧﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﻪﺗﺘﺎ ﺋﺎﻣﯧﺮﯨﻜﯩﻨﯩﯔ ﺗﯧﻠﯧﮕﺮﺍﻑ-ﺋﺎﻻﻗﯩﻐﺎ ﺋﻮﺧﺸﺎﺵ ﺑﯩﺮ ﻗﯩﺴﯩﻢ ﻣﯘﻻﺯﯨﻤﻪﺕ ﺳﺎﻧﺎﺋﻪﺗﻠﯩﺮﯨﻨﯩﯔ ﺧﯩﺘﺎﻳﻐﺎ ﻛﯩﺮﯨﺸﯩﻨﻰ ﺗﻮﺳﯘﯞﺍﺗﻘﺎﻧﻠﯩﻘﯩﻨﻰ ﻛﯚﺭﺳﻪﺗﻜﻪﻥ. ﺷﯘﻧﺪﺍﻗﻼ ﺧﯩﺘﺎﻱ ﻳﻪﻧﻪ، ﺋﺎﻣﯧﺮﯨﻜﯩﺪﯨﻦ ﻛﺎﻻ ﮔﯚﺷﻰ ﺋﯩﻤﭙﻮﺭﺕ ﻗﯩﻠﯩﺸﻨﯩﻤﯘ ﭼﻪﻛﻠﯩﮕﻪﻥ.

ﺧﯩﺘﺎﻳﻨﯩﯔ ﺑﻪﺭﮔﻪﻥ ﯞﻩﺩﯨﻠﯩﺮﯨﮕﻪ ﺳﯘﺋﺎﻝ ﻗﻮﻳﯩﺪﯨﻐﺎﻥ ﻳﺎﺧﺸﻰ ﺑﯩﺮ ﭘﯘﺭﺳﻪﺕ

ﺑﯩﺰ ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﯩﻐﺎ ﺳﯘﻧﯘﺵ ﺋﯧﻬﺘﯩﻤﺎﻟﻠﯩﻘﻰ ﺑﻮﻟﻐﺎﻥ ﺑﯩﺮ ﻗﺎﻧﭽﻪ ﺋﻪﺭﺯﻟﻪﺭﮔﻪ ﺗﻪﻳﻴﺎﺭﻟﯩﻖ ﻗﯩﻠﯩﯟﺍﺗﯩﻤﯩﺰ. ﺋﻪﮔﻪﺭ ﺋﺎﻣﯧﺮﯨﻜﯩﻨﯩﯔ ﺋﻪﯓ ﭼﻮﯓ ﻣﻪﻧﭙﻪﺋﻪﺗﻰ ﺋﯜﭼﯜﻥ ﻣﯘﺷﯘﻧﺪﺍﻕ ﻗﯩﻠﯩﺸﻘﺎ ﺗﻮﻏﺮﺍ ﻛﻪﻟﺴﻪ، ﺑﯩﺰ ﺑﯘﻧﻰ ﺳﯘﻧﯘﺷﺘﯩﻦ ﻫﻪﺭﮔﯩﺰ ﺋﯩﻜﻜﯩﻠﻪﻧﻤﻪﻳﻤﯩﺰ.

ﺋﺎﻣﯧﺮﯨﻜﯩﻨﯩﯔ ﻣﯘﺋﺎﯞﯨﻦ ﺳﻮﺩﺍ ﯞﻩﻛﯩﻠﻰ ﺑﺎﺗﯩﺌﺎ ﺧﯩﺘﺎﻳﻨﯩﯔ ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﯩﺪﯨﻜﻰ ﻣﻪﺟﺒﯘﺭﯨﻴﻪﺗﻠﯩﺮﯨﻨﯩﯔ ﭘﻪﻗﻪﺕ ﺑﻮﻟﻤﯩﻐﺎﻧﺪﺍ ﺑﯧﺴﯩﻢ ﺋﺎﺭﻗﯩﻠﯩﻖ ﺋﺎﺩﺍ ﻗﯩﻠﯩﻨﯩﺸﻰ ﻛﯧﺮﻩﻛﻠﯩﻜﯩﻨﻰ ﺑﯩﻠﺪﯛﺭﺩﻯ:

"ﺑﯩﺰ ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﯩﻐﺎ ﺳﯘﻧﯘﺵ ﺋﯧﻬﺘﯩﻤﺎﻟﻠﯩﻘﻰ ﺑﻮﻟﻐﺎﻥ ﺑﯩﺮ ﻗﺎﻧﭽﻪ ﺋﻪﺭﺯﻟﻪﺭﮔﻪ ﺗﻪﻳﻴﺎﺭﻟﯩﻖ ﻗﯩﻠﯩﯟﺍﺗﯩﻤﯩﺰ. ﺋﻪﮔﻪﺭ ﺋﺎﻣﯧﺮﯨﻜﯩﻨﯩﯔ ﺋﻪﯓ ﭼﻮﯓ ﻣﻪﻧﭙﻪﺋﻪﺗﻰ ﺋﯜﭼﯜﻥ ﻣﯘﺷﯘﻧﺪﺍﻕ ﻗﯩﻠﯩﺸﻘﺎ ﺗﻮﻏﺮﺍ ﻛﻪﻟﺴﻪ، ﺑﯩﺰ ﺑﯘﻧﻰ ﺳﯘﻧﯘﺷﺘﯩﻦ ﻫﻪﺭﮔﯩﺰ ﺋﯩﻜﻜﯩﻠﻪﻧﻤﻪﻳﻤﯩﺰ".

ﺑﺎﺗﯩﺌﺎ ﻳﻪﻧﻪ، ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﯩﻨﯩﯔ ﭘﺮﯨﻨﺴﯩﭙﻠﯩﺮﻯ ﺑﻮﻳﯩﭽﻪ ﺧﯩﺘﺎﻱ ﺋﯜﺳﺘﯩﺪﯨﻦ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ ﺗﻪﻛﺸﯜﺭﯛﺷﻨﯩﯔ ﺑﯘ ﻳﯩﻞ 4‏-ﺋﺎﻳﻨﯩﯔ ﺋﺎﺧﯩﺮﻟﯩﺮﯨﻐﺎ ﺋﻮﺭﯗﻧﻼﺷﺘﯘﺭﯗﻟﻐﺎﻧﻠﯩﻘﯩﻨﻰ ﺋﯧﻴﺘﯩﭗ، "ﺑﯘ ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﯩﻐﺎ ﺋﻪﺯﺍ ﺩﯙﻟﻪﺗﻠﻪﺭ ﺋﯜﭼﯜﻥ، ﺧﯩﺘﺎﻳﻨﯩﯔ ﻣﻪﺳﺌﯘﻟﯩﻴﻪﺗﻠﯩﺮﯨﮕﻪ ﻫﻪﻣﺪﻩ ﺋﻪﺯﺍ ﺑﻮﻟﯘﺵ ﺋﺎﻟﺪﯨﺪﺍ ﺑﻪﺭﮔﻪﻥ ﯞﻩﺩﯨﻠﯩﺮﯨﮕﻪ ﺳﯘﺋﺎﻝ ﻗﻮﻳﯩﺪﯨﻐﺎﻥ ﻳﺎﺧﺸﻰ ﺑﯩﺮ ﭘﯘﺭﺳﻪﺕ" ﺩﯦﺪﻯ. ﺋﯘ ﻳﻪﻧﻪ، ﺑﯘ ﺗﻪﻛﺸﯜﺭﯛﺵ ﻳﯩﻐﯩﻨﯩﺪﺍ ﺧﯩﺘﺎﻳﻨﯩﯔ ﺑﯩﺮ ﻳﯜﺭﯛﺵ ﻛﻪﺳﻜﯩﻦ ﺳﯘﺋﺎﻟﻼﺭﻏﺎ ﺟﺎﯞﺍﺏ ﺑﯧﺮﯨﺸﻜﻪ ﻣﻪﺟﺒﯘﺭ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ.

ﺋﺎﻣﯧﺮﯨﻜﺎ-ﺧﯩﺘﺎﻱ ﺳﻮﺩﺍ ﻛﯧﯖﯩﺸﯩﻨﯩﯔ ﺭﻩﺋﯩﺴﻰ ﺟﻮﻥ ﻓﺮﯨﺴﺒﯩﻤﯘ ﻣﻪﺯﻛﯘﺭ ﻳﯩﻐﯩﻨﺪﺍ ﮔﯘﯞﺍﻫﻠﯩﻘﺘﯩﻦ ﺋﯚﺗﯜﭖ، ﺋﯚﺯﻟﯩﺮﯨﻨﯩﯔ ﺧﯩﺘﺎﻱ ﺳﻮﺩﯨﺴﯩﻨﯩﯔ ﭘﺎﻳﺪﯨﺴﯩﻨﻰ ﺗﻮﻧﯩﻐﺎﻥ ﭘﻪﻳﺘﺘﻪ، ﻳﻪﻧﻪ ﺑﯩﺮ ﻗﺎﺗﺎﺭ ﻫﻪﻝ ﺑﻮﻟﻤﯩﻐﺎﻥ ﻣﯘﻫﯩﻢ ﻣﻪﺳﯩﻠﯩﻠﻪﺭﻧﯩﯔ ﻣﻪﯞﺟﯘﺗﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘ ﻳﻪﻧﻪ 4‏-ﺋﺎﻳﻨﯩﯔ 11‏- ﻛﯜﻧﻰ ﺋﯚﺗﻜﯜﺯﯨﻠﯩﺪﯨﻐﺎﻥ ﺋﺎﻣﯧﺮﯨﻜﺎ-ﺧﯩﺘﺎﻱ ﺳﻮﺩﺍ ﺑﯩﺮﻟﻪﺷﻤﻪ ﻛﻮﻣﯩﺘﯧﺘﻰ ﻳﯩﻐﯩﻨﯩﺪﺍ 2 ﻣﻪﺳﯩﻠﯩﻨﯩﯔ ﻧﯘﻗﺘﯩﻠﯩﻖ ﻫﺎﻟﺪﺍ ﻣﯘﻧﺎﺯﯨﺮﻩ ﻗﯩﻠﯩﻨﯩﺸﻰ ﻛﯧﺮﻩﻛﻠﯩﻜﯩﻨﻰ ﺋﯧﻴﺘﺘﻰ. ﺋﯘﻧﯩﯔ ﺑﯩﺮﻯ، ﺋﻪﻗﻠﯩﻲ ﻣﯜﻟﯜﻙ ﻫﻮﻗﯘﻗﯩﻨﻰ ﻗﻮﻏﺪﺍﺵ ﻣﻪﺳﯩﻠﯩﺴﻰ. ﺋﯘ ﻣﯘﻧﺪﺍﻕ ﺩﯦﺪﻯ:

"ﺑﯘ ﺋﺎﻣﯧﺮﯨﻜﯩﺪﯨﻜﻰ ﺳﻮﺩﺍ ﺷﯩﺮﻛﻪﺗﻠﯩﺮﻯ ﻛﯚﭖ ﻗﯧﺘﯩﻢ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﺎﻟﺪﯨﻨﻘﻰ ﻣﯘﻫﯩﻢ ﻣﻪﺳﯩﻠﻪ. ﺋﻪﻗﻠﯩﻲ ﻣﯜﻟﯜﻛﻨﻰ ﺋﻮﻏﺮﯨﻼﺵ، ﭼﯩﺪﺍﭖ ﺗﯘﺭﻏﯩﻠﻰ ﺑﻮﻟﯩﺪﯨﻐﺎﻥ ﺑﯩﺮ ﺋﯩﺶ ﺋﻪﻣﻪﺱ. ﺑﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺑﯩﺰ ﻳﻪﻧﻪ ﺷﯘﻧﻰ ﺑﯩﻠﯩﺸﯩﻤﯩﺰ ﻛﯧﺮﻩﻛﻜﻰ، ﺑﯘ ﺑﯩﺮ ﻛﯜﻧﺪﯨﻼ ﻫﻪﻝ ﺑﻮﻟﯩﺪﯨﻐﺎﻥ ﻣﻪﺳﯩﻠﻪ ﺋﻪﻣﻪﺱ".

ﺧﯩﺘﺎﻱ ﻫﯚﻛﯜﻣﯩﺘﻰ ﭘﯘﻟﻨﯩﯔ ﻗﯩﻤﻤﯩﺘﯩﻨﻰ ﺋﻪﺭﻛﯩﻦ ﺑﺎﺯﺍﺭﻧﯩﯔ ﺑﻪﻟﮕﯩﻠﯩﺸﯩﮕﻪ ﻗﻮﻳﯘﭖ ﺑﯧﺮﯨﺸﻰ ﻛﯧﺮﻩﻙ

ﺟﻮﻥ ﻓﺮﯨﺴﺒﻰ، ﺧﯩﺘﺎﻳﻨﯩﯔ ﺋﻪﻗﻠﯩﻲ ﻣﯜﻟﯜﻛﻨﻰ ﺋﻮﻏﺮﯨﻼﺵ ﺋﻪﻫﯟﺍﻟﯩﻨﻰ ﺋﺎﺯﺍﻳﺘﯩﺶ ﺟﻪﻫﻪﺗﺘﻪ ﺗﻮﺧﺘﺎﭖ ﻗﺎﻟﻤﺎﺳﺘﯩﻦ ﺩﺍﯞﺍﻣﻠﯩﻖ ﺗﯜﺭﺩﻩ ﻛﯜﭺ ﭼﯩﻘﯩﺮﯨﺸﻰ ﻛﯧﺮﻩﻛﻠﯩﻜﯩﻨﻰ ﺋﯧﻴﺘﺘﻰ. ﻓﺮﯨﺴﺒﯩﻨﯩﯔ ﺋﯧﻴﺘﯩﺸﯩﭽﻪ، ﺋﺎﭘﺮﯨﻠﺪﯨﻜﻰ ﻳﯩﻐﯩﻨﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﯘﺷﻘﺎ ﺗﯧﮕﯩﺸﻠﯩﻚ ﺋﯩﻜﻜﯩﻨﭽﻰ ﻣﻪﺳﯩﻠﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﺷﯩﺮﻛﻪﺗﻠﯩﺮﯨﮕﻪ ﺋﯩﻘﺘﯩﺴﺎﺩﯨﻲ ﻳﺎﺭﺩﻩﻡ ﺑﯧﺮﯨﺸﻨﻰ ﺗﻮﺧﺘﯩﺘﯩﺶ ﻣﻪﺳﯩﻠﯩﺴﯩﺪﻩ ﻛﯜﭺ ﭼﯩﻘﺎﺭﻣﺎﻳﯟﺍﺗﻘﺎﻧﻠﯩﻘﻰ ﻣﻪﺳﯩﻠﯩﺴﻰ ﺑﻮﻟﯩﺪﯨﻜﻪﻥ. ﺷﯘ ﺳﻪﯞﻩﺑﺘﯩﻦ ﺋﯘ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﭘﯘﻟﻨﯩﯔ ﻗﯩﻤﻤﯩﺘﯩﻨﻰ ﺋﻪﺭﻛﯩﻦ ﺑﺎﺯﺍﺭﻧﯩﯔ ﺑﻪﻟﮕﯩﻠﯩﺸﯩﮕﻪ ﻗﻮﻳﯘﭖ ﺑﯧﺮﯨﺸﻰ ﻛﯧﺮﻩﻛﻠﯩﻜﯩﻨﻰ ﺋﯧﻴﺘﺘﻰ:

"ﺧﯩﺘﺎﻱ ﺗﯧﺰ ﻫﻪﺭﯨﻜﻪﺗﻜﻪ ﻛﯧﻠﯩﭗ، ﺳﻮﺩﺍ ﺩﺍﯞﺍﻟﻐﯘﺷﻰ ﺋﺎﺭﻗﯩﻠﯩﻖ ﻛﯧﻠﯩﭗ ﭼﯩﻘﯩﺪﯨﻐﺎﻥ ﺑﺎﺯﺍﺭ ﺗﻪﺳﯩﺮﯨﻨﯩﯔ ﭘﯘﻟﻨﯩﯔ ﻗﯩﻤﻤﯩﺘﯩﻨﻰ ﺋﻪﻛﺲ ﺋﻪﺗﺘﯜﺭﯛﺷﯩﮕﻪ ﻳﻮﻝ ﻗﻮﻳﯘﺷﻰ ﻛﯧﺮﻩﻙ".

ﻣﻪﺯﻛﯘﺭ ﻛﻮﻣﯩﺘﯧﺖ ﺋﻪﺯﺍﺳﻰ ﯞﻩ ﺋﺎﻣﯧﺮﯨﻜﺎ ﻛﯧﯖﻪﺵ ﭘﺎﻻﺗﺎ ﺋﻪﺯﺍﺳﻰ ﭼﺎﺭﻟﯩﺰ ﮔﺮﺍﺳﻠﯧﻴﻤﯘ ﺑﯘ ﻳﯩﻐﯩﻨﺪﺍ ﮔﯘﯞﺍﻫﻠﯩﻘﺘﯩﻦ ﺋﯚﺗﯜﭖ، ﺧﯩﺘﺎﻱ ﺩﯙﻟﻪﺕ ﺭﻩﺋﯩﺴﻰ ﺧﯘ ﺟﯩﻨﺘﺎﯞ 4‏-ﺋﺎﻳﺪﺍ ﺋﺎﻣﯧﺮﯨﻜﯩﻐﺎ ﺯﯨﻴﺎﺭﻩﺗﻜﻪ ﻛﻪﻟﮕﻪﻧﺪﻩ، ﺋﯘﻧﯩﯖﻐﺎ ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﺑﯘ ﺑﯩﺮ ﻳﯜﺭﯛﺵ ﺳﻮﺩﺍ ﻣﺎﺟﯩﺮﺍﻟﯩﺮﯨﻨﻰ ﺗﯧﺰ ﻫﻪﻝ ﻗﯩﻠﯩﺶ ﻻﺯﯨﻤﻠﯩﻘﯩﻨﻰ ﻛﯚﺭﺳﯩﺘﯩﺶ ﺯﯙﺭﯛﺭﻟﯩﻜﯩﻨﻰ ﺋﯧﻴﺘﺘﻰ. ﺋﯘ ﺳﯚﺯﯨﺪﻩ ﻳﻪﻧﻪ، " ﺑﯩﺰ ﺧﯩﺘﺎﻱ ﺑﯩﻠﻪﻥ ﻳﺎﺧﺸﻰ ﻣﯘﻧﺎﺳﯩﯟﻩﺕ ﺋﻮﺭﻧﯩﺘﯩﺸﺘﯩﻦ ﺳﯩﺮﺕ ﻳﻪﻧﻪ، ﺋﯚﺯﯨﻤﯩﺰﻧﯩﯔ ﺳﻮﺩﺍ ﻫﻮﻗﯘﻗﯩﺪﺍ ﭼﯩﯔ ﺗﯘﺭﯗﺷﻘﺎ ﭘﯘﺧﺘﺎ ﺗﻪﻳﻴﺎﺭﻟﯩﻖ ﻛﯚﺭﯛﺷﯩﻤﯩﺰ ﻛﯧﺮﻩﻙ" ﺩﯦﺪﻯ. (ﭘﻪﺭﯨﺪﻩ)