ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﻣﯘﻫﯩﺖ ﻣﻪﺳﯩﻠﯩﺴﻰ ﻳﺎﯞﺭﻭﭘﺎ ﺩﯙﻟﻪﺗﻠﯩﺮﯨﻨﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﯩﻤﺎﻗﺘﺎ
2006-07-12
ﺧﯩﺘﺎﻱ ﺋﯩﻘﺘﯩﺴﺎﺩﯨﻨﯩﯔ ﺗﻪﺭﻩﻗﻘﯩﻲ ﻗﯩﻠﯩﺸﻰ ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﻣﯘﻫﯩﺖ ﻣﻪﺳﯩﻠﯩﺴﻰ ﺑﺎﺭﻏﺎﻧﺴﯧﺮﻯ ﻧﺎﭼﺎﺭﻟﯩﺸﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻣﺎﻗﺘﺎ.
ﻫﺎﺯﯨﺮ ﺧﯩﺘﺎﻳﺪﯨﻜﻰ ﯞﻩ ﺷﯘﻧﺪﺍﻗﻼ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻛﯜﻧﺴﯧﺮﻯ ﻧﺎﭼﺎﺭﻟﯩﺸﯩﯟﺍﺗﻘﺎﻥ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﻣﯘﻫﯩﺖ ﻣﻪﺳﯩﻠﯩﺴﻰ ﺩﯗﻧﻴﺎﻧﯩﯔ ﻗﺎﺗﺘﯩﻖ ﺩﯨﻘﻘﯩﺘﯩﻨﻰ ﻗﻮﺯﻏﺎﺷﻘﺎ ﺑﺎﺷﻠﯩﻐﺎﻥ.
ﻳﯧﻘﯩﻨﺪﺍ ﺷﯟﯦﺘﺴﯩﻴﯩﺪﻩ 46 ﺩﯙﻟﻪﺕ ﯞﻩﻛﯩﻠﻠﯩﺮﯨﺪﯨﻦ ﺗﻪﺭﻛﯩﭗ ﺗﺎﭘﻘﺎﻥ ﻳﺎﯞﺭﻭﭘﺎ ﻛﻮﻣﯩﺘﯧﺘﻰ ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﻣﯘﻫﯩﺖ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﻣﻪﺧﺴﯘﺱ ﻣﯘﻫﺎﻛﯩﻤﻪ ﻳﯩﻐﯩﻨﻰ ﺋﯚﺗﻜﯜﺯﺩﻯ. ﻣﻪﺯﻛﯘﺭ ﺧﻪﻟﻘﺌﺎﺭﺍ ﻣﯘﻫﺎﻛﯩﻤﻪ ﻳﯩﻐﯩﻨﯩﻐﺎ ﺭﯨﻴﺎﺳﻪﺗﭽﯩﻠﯩﻚ ﻗﯩﻠﻐﯘﭼﻰ ﺷﯟﯦﺘﺴﯩﻴﻪ ﭘﺎﺭﻻﻣﯧﻨﺖ ﯞﻩﻛﯩﻠﻠﻪﺭ ﺋﯚﻣﯩﻜﯩﺪﯨﻜﻰ ﻟﯩﻨﺪﺍ ﺑﻼﺩ ﺋﻪﭘﻪﻧﺪﻯ ﺑﻮﻟﯘﭖ، ﺋﯘ ﺑﯘﻧﺪﯨﻦ ﺋﯩﻠﮕﯩﺮﯨﻜﻰ ﺋﯧﭽﯩﻠﻐﺎﻥ ﻳﺎﯞﺭﻭﭘﺎ ﻛﻮﻣﯩﺘﯧﺘﻰ ﻳﯩﻐﯩﻨﯩﺪﺍ ﻣﺎﻗﯘﻟﻼﻧﻐﺎﻥ ﻛﻮﻣﻤﯘﻧﯩﺴﺖ ﺩﯨﻜﺘﺎﺗﻮﺭ ﺗﯜﺯﯛﻣﯩﻨﻰ ﺋﻪﻳﯩﺒﻠﻪﺵ ﻗﺎﺭﺍﺭﯨﻨﯩﯔ ﺋﺎﭘﺘﻮﺭﻯ ﺋﯩﻜﻪﻥ.
ﺑﯘ ﻗﯧﺘﯩﻢ ﺷﯟﯦﺘﺴﯩﻴﯩﺪﻩ ﺋﯧﭽﯩﻠﻐﺎﻥ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﻣﯘﻫﯩﺖ ﻣﻪﺳﯩﻠﯩﺴﻰ ﻫﻪﻗﻘﯩﺪﯨﻜﻰ ﺧﻪﻟﻘﺌﺎﺭﺍ ﻣﯘﻫﺎﻛﯩﻤﻪ ﻳﯩﻐﯩﻨﯩﻐﺎ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﯩﺪﯨﻦ ﺳﻪﻛﻜﯩﺰﻯ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﻣﻪﺯﻛﯘﺭ ﻳﯩﻐﯩﻨﺪﺍ ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﺮﺍﻧﻠﯩﻘﻰ ﺋﺎﺳﺘﯩﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﺋﯩﻨﺘﺎﻳﯩﻦ ﺋﯧﻐﯩﺮ ﻫﺎﻟﻪﺗﺘﻪ ﺩﻩﭘﺴﻪﻧﺪﻩ ﻗﯩﻠﯩﻨﯩﯟﺍﺗﻘﺎﻧﻠﯩﻘﻰ ﻣﯘﺗﻪﺧﻪﺳﺴﯩﺲ ﯞﻩ ﮔﯘﯞﺍﻫﭽﯩﻼﺭ ﺗﻪﺭﯨﭙﯩﺪﯨﻦ ﺗﯜﺭﻟﯜﻙ ﺋﻪﻣﻪﻟﯩﻲ ﻣﯩﺴﺎﻟﻼﺭ ﺋﺎﺭﻗﯩﻠﯩﻖ ﺑﯩﺮ - ﺑﯩﺮﻟﻪﭖ ﺋﺎﺷﻜﺎﺭﯨﻼﻧﻐﺎﻥ.
ﻣﻪﺳﯩﻠﻪﻥ ﻳﯧﻘﯩﻨﺪﺍ ﻣﻪﺗﺒﯘﺋﺎﺗﻼﺭﺩﺍ ﭘﺎﺵ ﻗﯩﻠﯩﻨﻐﺎﻥ ﺧﯩﺘﺎﻳﺪﯨﻜﻰ ﺋﺎﺩﻩﻡ ﺋﻮﺭﮔﺎﻧﻠﯩﺮﯨﻨﯩﯔ ﺧﺎﻟﯩﻐﺎﻧﭽﻪ ﺋﯧﻠﯩﭗ ﺳﯧﺘﯩﻠﯩﺶ ﻣﻪﺳﯩﻠﯩﺴﻰ، ﺑﻮﻟﯘﭘﻤﯘ ﻓﺎﻟﯘﻧﮕﻮﯓ ﺋﻪﺯﺍﻟﯩﺮﯨﻨﯩﯔ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﻗﯩﻴﯩﻦ - ﻗﯩﺴﺘﺎﻗﻘﺎ ﺋﯧﻠﯩﻨﯩﺸﺘﯩﻦ ﺑﺎﺷﻘﺎ ﻳﻪﻧﻪ ﺋﯘﻻﺭﻧﯩﯔ ﺋﯩﭽﻜﻰ ﺋﻪﺯﺍﻟﯩﺮﯨﻨﯩﯔ ﺧﺎﻟﯩﻐﺎﻧﭽﻪ ﺋﯧﻠﯩﭗ ﺗﺎﺷﻠﯩﻨﯩﯟﺍﺗﻘﺎﻧﻠﯩﻘﻰ ﮔﯘﯞﺍﻫﭽﯩﻼﺭ ﺗﻪﺭﯨﭙﯩﺪﯨﻦ ﺩﻩﻟﯩﻞ ﺋﯩﺴﭙﺎﺗﻼﺭ ﺋﺎﺭﻗﯩﻠﯩﻖ ﭘﺎﺵ ﻗﯩﻠﯩﻨﻐﺎﻥ.
ﺷﯟﯦﺘﺴﯩﻴﯩﺪﻩ ﺋﯧﭽﯩﻠﻐﺎﻥ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﻣﯘﻫﯩﺖ ﻣﻪﺳﯩﻠﯩﺴﻰ ﻫﻪﻗﻘﯩﺪﯨﻜﻰ ﺑﯘ ﺧﻪﻟﻘﺌﺎﺭﺍ ﻣﯘﻫﺎﻛﯩﻤﻪ ﻳﯩﻐﯩﻨﯩﻐﺎ ﺷﯟﯦﺴﯩﻴﯩﺪﻩ ﺗﯘﺭﯗﺷﻠﯘﻕ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ ﺋﻪﭘﻪﻧﺪﯨﻤﯘ ﺋﺎﻻﻫﯩﺪﻩ ﺗﻪﻛﻠﯩﭗ ﻗﯩﻠﯩﻨﻐﺎﻥ. ﮔﻪﺭﭼﻪ ﺋﯘ ﺳﺎﻻﻣﻪﺗﻠﯩﻚ ﻣﻪﺳﯩﻠﯩﺴﻰ ﺗﯜﭘﻪﻳﻠﯩﺪﯨﻦ ﻣﻪﺯﻛﯘﺭ ﻳﯩﻐﯩﻨﻐﺎ ﻗﺎﺗﻨﯩﺸﺎﻟﻤﯩﻐﺎﻥ ﺑﻮﻟﺴﯩﻤﯘ، ﺋﯚﺯﯨﻨﯩﯔ ﻣﻪﺯﻛﯘﺭ ﻳﯩﻐﯩﻦ ﺋﯜﭼﯜﻥ ﺗﻪﻳﻴﺎﺭﻟﯩﻐﺎﻥ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﻣﯘﻫﯩﺖ ﻣﻪﺳﯩﻠﯩﺴﻰ ﻫﻪﻗﻘﯩﺪﯨﻜﻰ ﻣﺎﺗﯧﺮﯨﻴﺎﻟﻠﯩﺮﯨﻨﻰ ﺗﻮﻟﯘﻕ ﻳﻮﻟﻼﺵ ﺋﺎﺭﻗﯩﻠﯩﻖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﯩﻠﻼﺭﺩﯨﻦ ﺑﯘﻳﺎﻥ ﻣﻪﺯﻛﯘﺭ ﺭﺍﻳﻮﻧﺪﯨﻜﻰ ﺋﯩﻨﺴﺎﻥ ﻫﻮﻗﯘﻗﻨﻰ ﺧﺎﻟﯩﻐﺎﻧﭽﻪ ﺩﻩﭘﺴﻪﻧﺪﻩ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺷﯘﻧﺪﺍﻗﻼ ﻣﻪﺯﻛﯘﺭ ﺭﺍﻳﻮﻧﻨﯩﯔ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﯩﻨﻰ ﭘﯜﺗﯜﻧﻠﻪﻱ ﯞﻩﻳﺮﺍﻥ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﻐﺎﻥ.
ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ، ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ ﺋﻪﭘﻪﻧﺪﯨﻨﻰ ﺯﯨﻴﺎﺭﻩﺕ ﻗﯩﻠﺪﻯ.
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
- ﺧﯩﺘﺎﻱ ﺋﯩﻘﺘﯩﺴﺎﺩﯨﺪﯨﻜﻰ ﻳﻮﺷﯘﺭﯗﻥ ﻣﻪﺧﭙﯩﻴﻪﺗﻠﯩﻚ
- ﺧﯩﺘﺎﻱ ﻫﯚﻛﯜﻣﯩﺘﻰ ﻣﯘﻫﯩﺘﻨﻰ ﻗﻮﻏﺪﺍﺵ ﻫﻪﻗﻘﯩﺪﻩ ﻣﻪﺧﺴﯘﺱ ﺋﺎﻕ ﺗﺎﺷﻠﯩﻖ ﻛﯩﺘﺎﺏ ﺋﯧﻼﻥ ﻗﯩﻠﺪﻯ
- ﻳﻪﺭ ﺷﺎﺭﯨﻨﯩﯔ ﻛﯩﻠﯩﻤﺎﺗﯩﺪﯨﻜﻰ ﺑﯩﻨﻮﺭﻣﺎﻝ ﺋﯩﻠﻠﯩﺶ ﻗﺎﻧﺪﺍﻕ ﺑﺎﻻﻳﻰ ﺋﺎﭘﻪﺗﻠﻪﺭﻧﻰ ﺋﯧﻠﯩﭗ ﻛﯧﻠﯩﺸﻰ ﻣﯘﻣﻜﯩﻦ؟
- ﺋﯘﻳﻐﯘﺭ ﺋﯧﻠﯩﺪﻩ ﻫﺎﯞﺍﺭﺍﻳﯩﺪﯨﻜﻰ ﻧﻮﺭﻣﺎﻟﺴﯩﺰﻟﯩﻖ ﺋﯧﻐﯩﺮ ﺯﯨﻴﺎﻥ ﺋﯧﻠﯩﭗ ﻛﻪﻟﺪﻯ
- ﻫﺎﯞﺍﺭﺍﻳﻰ ﺋﯚﺯﮔﯩﺮﯨﺸﻠﯩﺮﻯ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺧﻪﻟﻘﻠﻪﺭﻧﯩﯔ ﺗﯘﺭﻣﯘﺵ ﻫﻪﻡ ﺳﺎﻻﻣﻪﺗﻠﯩﻜﯩﮕﻪ ﺋﯧﻐﯩﺮ ﺗﻪﺳﯩﺮ ﻛﯚﺭﺳﻪﺗﺘﻰ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
