ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺑﯘﻟﻐﺎﻧﻐﺎﻥ ﺳﯘ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﻳﯩﻠﻠﯩﻖ ﺩﻭﻛﻼﺕ ﺋﯧﻼﻥ ﻗﯩﻠﺪﻯ

ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺋﯧﻼﻥ ﻗﯩﻠﻐﺎﻥ ﺑﯘ ﻳﯩﻠﻠﯩﻖ ﺩﻭﻛﻼﺗﺘﺎ، ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﺍ ﺩﯦﮕﯩﺪﻩﻙ ﺋﯩﭽﯩﻤﻠﯩﻚ ﺳﯘﻧﯩﯔ ﺋﯩﻨﺘﺎﻳﯩﻦ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﯩﻨﯩﯟﺍﺗﻘﺎﻧﻠﯩﻘﻰ ﻫﻪﻣﺪﻩ ﺑﯘ ﺧﯩﻞ ﺑﯘﻟﻐﯩﻨﯩﺸﻨﯩﯔ ﺋﺎﺩﻩﻡ ﺋﯚﻟﺘﯜﺭﯛﺷﺘﻪ ﻣﯩﻠﺘﯩﻖ ﺋﻮﻗﯩﺪﯨﻨﻤﯘ ﺧﻪﺗﻪﺭﻟﯩﻚ ﺑﻮﻟﯘﯞﺍﺗﻘﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﻣﻪﺯﻛﯘﺭ ﺩﻭﻛﻼﺗﺘﺎ ﻳﻪﻧﻪ، ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ، ﺑﯘﻟﻐﺎﻧﻐﺎﻥ ﺳﯘ ﺋﯩﺴﺘﯩﻤﺎﻝ ﻗﯩﻠﯩﯟﺍﺗﻘﺎﻥ ﻫﻪﻣﺪﻩ ﺳﻪﻫﯩﻴﻪ ﺋﯜﺳﻜﯜﻧﯩﻠﯩﺮﻯ ﺑﻮﻟﻤﯩﻐﺎﻥ ﻣﯩﻠﻴﺎﺭﺩﺗﯩﻦ ﺋﺎﺷﻘﺎﻥ ﺧﻪﻟﻘﻨﻰ ﺑﯩﺮ ﺗﯘﺗﺎﺵ ﻫﻪﺭﯨﻜﻪﺗﻜﻪ ﻛﻪﻟﺘﯜﺭﻣﻪﻛﭽﻰ ﺑﻮﻟﯘﯞﺍﺗﻘﺎﻧﻠﯩﻘﻰ ﺑﯩﻠﺪﯛﺭﯛﻟﮕﻪﻥ.

ﺑﯘﻟﻐﺎﻧﻐﺎﻥ ﺳﯘ ﻣﻪﺳﯩﻠﯩﺴﻰ ﺋﻪﯓ ﺋﯧﻐﯩﺮ ﺑﻮﻟﯘﯞﺍﺗﻘﺎﻥ ﺟﺎﻳﻼﺭ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﺪﻩ ﺋﯩﻜﻪﻥ

ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺑﯘﻟﻐﺎﻧﻐﺎﻥ ﺳﯘ ﻣﻪﺳﯩﻠﯩﺴﻰ ﺋﻪﯓ ﺋﯧﻐﯩﺮ ﺑﻮﻟﯘﯞﺍﺗﻘﺎﻥ ﺟﺎﻳﻼﺭ ﺋﺎﺳﯩﻴﺎ ﺭﺍﻳﻮﻧﯩﺪﺍ ﺑﻮﻟﯘﭖ، ﺑﯘ ﺟﺎﻳﺪﯨﻜﻰ ﻛﯚﭖ ﺳﺎﻧﺪﯨﻜﻰ ﻛﯩﺸﯩﻠﻪﺭ ﺗﺎ ﻫﺎﺯﯨﺮﻏﯩﭽﻪ ﭘﺎﺳﻜﯩﻨﺎ ﺳﯘ ﺋﯩﺴﺘﯩﻤﺎﻝ ﻗﯩﻠﯩﺪﯨﻜﻪﻥ. ﻣﻪﺯﻛﯘﺭ ﺩﻭﻛﻼﺗﺘﺎ ﺑﯧﺮﯨﻠﮕﻪﻥ ﺳﺎﻧﻠﯩﻖ ﻣﻪﻟﯘﻣﺎﺗﺘﺎ ﻳﻪﻧﻪ، ﻫﺎﺯﯨﺮ ﻫﻪﺭ ﻳﯩﻠﻰ ﺑﯘﻟﻐﺎﻧﻐﺎﻥ ﺳﯘﻧﻰ ﺋﯩﺴﺘﯩﻤﺎﻝ ﻗﯩﻠﻐﺎﻧﻠﯩﻘﻰ ﺗﯜﭘﻪﻳﻠﯩﺪﯨﻦ ﺋﯩﭽﻰ ﺳﯜﺭﯛﺵ ﻛﯧﺴﯩﻠﯩﮕﻪ ﮔﯩﺮﯨﭙﺘﺎﺭ ﺑﻮﻟﯘﭖ ﻫﺎﻳﺎﺗﯩﺪﯨﻦ ﺋﺎﻳﺮﯨﻠﻐﺎﻧﻼﺭﻧﯩﯔ ﺳﺎﻧﻰ ﻫﻪﺭﺑﻰ ﺋﯩﺸﻼﺭ ﺗﯜﭘﻪﻳﻠﯩﺪﯨﻦ ﺋﯚﻟﮕﻪﻧﻠﻪﺭ ﺳﺎﻧﯩﺪﯨﻦ 6 ﻫﻪﺳﺴﻪ ﺋﯧﺸﯩﭗ ﻛﻪﺗﻜﻪﻧﻠﯩﻜﻰ ﺷﯘﻧﺪﺍﻗﻼ ﭘﺎﺳﻜﯩﻨﺎ ﺳﯘ ﺗﯜﭘﻪﻳﻠﯩﺪﯨﻦ ﺋﯚﻟﯜﯞﺍﺗﻘﺎﻥ ﺑﺎﻟﯩﻼﺭ ﺳﺎﻧﯩﻨﯩﯔ ﺋﯚﺯﯨﻼ 200 ﻣﯩﻠﻴﻮﻧﺪﯨﻦ ﺋﺎﺷﻘﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﻳﯩﻠﻠﯩﻖ ﺩﻭﻛﻼﺗﯩﺪﺍ ﺋﻪﺳﻜﻪﺭﺗﯩﻠﯩﺸﯩﭽﻪ، ﺋﺎﺳﯩﻴﺎ ﺭﺍﻳﻮﻧﯩﺪﺍ ﻳﺎﺷﺎﯞﺍﺗﻘﺎﻥ ﻛﯩﺸﯩﻠﻪﺭﻧﯩﯔ ﻛﯚﭖ ﺳﺎﻧﺪﯨﻜﯩﺴﯩﻨﯩﯔ ﺗﯘﺭﻣﯘﺵ ﺳﻪﯞﯨﻴﯩﺴﻰ ﻧﺎﻫﺎﻳﯩﺘﻰ ﺗﯚﯞﻩﻥ ﺑﻮﻟﻐﺎﻧﻠﯩﻘﺘﯩﻦ، ﺋﯩﭽﯩﻤﻠﯩﻚ ﺳﯘ ﯞﻩ ﺳﻪﻫﯩﻴﻪ ﻣﻪﺳﯩﻠﯩﺴﯩﻤﯘ ﺋﯩﻨﺘﺎﻳﯩﻦ ﺋﯧﻐﯩﺮ ﻫﺎﻟﻪﺗﺘﻪ ﺑﻮﻟﻐﺎﻥ.

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺯﯨﻤﯘ ﻣﻪﺯﻛﯘﺭ ﺟﺎﻳﺪﯨﻜﻰ ﺑﯘﻟﻐﺎﻧﻐﺎﻥ ﻣﯘﻫﯩﺖ ﯞﻩ ﺳﯘ ﻣﻪﺳﯩﻠﯩﺴﯩﻨﻰ ﺋﯧﺘﯩﺮﺍﭖ ﻗﯩﻠﻤﺎﻗﺘﺎ

ﻳﯧﻘﯩﻨﺪﺍ، ﺧﯩﺘﺎﻱ ﺩﯙﻟﻪﺗﻠﯩﻚ ﻗﯘﺭﯗﻟﯘﺵ ﻣﯩﻨﯩﺴﺘﯩﺮﻟﯩﻘﻰ ﺗﻪﺭﯨﭙﯩﺪﯨﻦ ﺑﯧﺮﯨﻠﮕﻪﻥ ﺳﺎﻧﻠﯩﻖ ﻣﻪﻟﯘﻣﺎﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻳﺪﯨﻜﻰ300 ﮔﻪ ﻳﯧﻘﯩﻦ ﺷﻪﻫﻪﺭﺩﻩ ﺗﺎﻛﻰ ﻫﺎﺯﯨﺮﻏﯩﭽﻪ ﭘﺎﺳﻜﯩﻨﺎ ﺳﯘﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺪﯨﻐﺎﻥ ﺯﺍﯞﯗﺕ ﻳﻮﻕ ﺑﻮﻟﯘﭖ، ﺑﯩﺮ ﻗﯩﺴﯩﻢ ﺷﻪﻫﻪﺭﻟﻪﺭﺩﻩ ﭘﺎﺳﻜﯩﻨﺎ ﺳﯘﻧﻰ ﺑﯩﺮﺗﻪﺭﻩﭖ ﻗﯩﻠﯩﺶ ﺯﺍﯞﯗﺗﻠﯩﺮﻯ ﺋﯩﺸﻠﻪﺵ ﺋﯩﻘﺘﯩﺪﺍﺭﯨﺪﯨﻦ ﻗﺎﻟﻐﺎﻥ ﻳﺎﻛﻰ ﺋﯘﻧﯩﯔ ﻫﯧﭽﺒﯩﺮ ﺋﻪﻫﻤﯩﻴﯩﺘﻰ ﺑﻮﻟﻤﯩﻐﺎﻥ. ﺷﯘﻧﯩﯔ ﺑﯩﻠﻪﻥ ﺑﯘ ﺧﯩﻞ ﻫﺎﻟﻪﺕ ﻣﻪﺯﻛﯘﺭ ﺷﻪﻫﻪﺭﻟﻪﺭﺩﯨﻜﻰ ﺳﯘ ﯞﻩ ﻫﺎﯞﺍﻧﯩﯔ ﺑﯘﻟﻐﯩﻨﯩﺶ ﺩﻩﺭﯨﺠﯩﺴﯩﻨﻰ ﺗﯧﺨﯩﻤﯘ ﺋﯧﻐﯩﺮﻻﺷﺘﯘﺭﻏﺎﻥ. ﺧﯩﺘﺎﻱ ﻫﯚﻛﯜﻣﯩﺘﻰ ﻳﯧﻘﯩﻨﺪﺍ ﻣﻪﺯﻛﯘﺭ ﺟﺎﻳﺪﯨﻜﻰ ﻣﯘﻫﯩﺘﻨﯩﯔ ﺋﯩﻨﺘﺎﻳﯩﻦ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﺎﻧﻐﺎﻧﻠﯩﻘﯩﻨﻰ ﺋﯩﻘﺮﺍﺭ ﻗﯩﻠﯩﭗ، ﺑﯘ ﺧﯩﻞ ﺑﯘﻟﻐﯩﻨﯩﺸﻨﯩﯔ ﺳﻪﻫﯩﻴﻪ ﯞﻩ ﺟﻪﻣﺌﯩﻴﻪﺕ ﻣﯘﻗﯩﻤﻠﯩﻘﯩﻐﺎ ﺯﻭﺭ ﺗﻪﻫﺪﯨﺖ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻥ.

ﺧﯩﺘﺎﻳﻨﯩﯔ ﻣﯘﻫﯩﺖ ﻗﻮﻏﺪﺍﺵ ﺑﺎﺵ ﺋﯩﺪﺍﺭﯨﺴﯩﻨﯩﯔ ﻣﻪﺳﺌﯘﻟﻰ "ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﺧﯩﺘﺎﻳﻨﯩﯔ ﺧﻪﻟﻘﺌﺎﺭﺍﺩﯨﻜﻰ ﺋﻮﺑﺮﺍﺯﯨﻐﺎ ﺯﻭﺭ ﺗﻪﺳﯩﺮ ﻳﻪﺗﻜﯜﺯﻣﻪﻛﺘﻪ. ﻫﺎﺯﯨﺮ ﻣﻪﻣﻠﯩﻜﻪﺕ ﺋﯩﭽﯩﺪﯨﻜﻰ ﺩﻩﺭﻳﺎﻻﺭﻧﯩﯔ ﻳﯧﺮﯨﻤﯩﺪﯨﻦ ﻛﯚﭖ ﺳﺎﻧﺪﯨﻜﯩﺴﻰ ﺋﯩﻨﺘﺎﻳﯩﻦ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﯩﻨﯩﭗ ﻛﻪﺗﺘﻰ. ﺷﻪﻫﻪﺭﻟﻪﺭﻧﯩﯔ 3 ﺗﯩﻦ ﺑﯩﺮ ﻗﯩﺴﻤﻰ ﻛﯩﺴﻼﺗﺎﻟﯩﻖ ﻳﺎﻣﻐﯘﺭﻧﯩﯔ ﺗﻪﺳﯩﺮﯨﮕﻪ ﺋﯘﭼﺮﯨﺪﻯ" ﺩﻩﭖ ﻛﯚﺭﺳﻪﺗﻜﻪﻥ.

ﺋﻪﻧﮕﯩﻠﯩﻴﻪ ﺏ ﺏ ﺱ ﺭﺍﺩﯨﺌﻮ ﺗﯧﻠﯧﯟﯨﺰﯨﻴﻪ ﺷﯩﺮﻛﯩﺘﯩﻨﯩﯔ ﺧﯩﺘﺎﻳﺪﺍ ﺗﯘﺭﯗﺷﻠﯘﻕ ﻣﯘﺧﺒﯩﺮﯨﻨﯩﯔ ﻣﻪﻟﯘﻡ ﻗﯩﻠﯩﺸﯩﭽﻪ، ﻫﺎﺯﯨﺮ ﺧﯩﺘﺎﻳﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ، ﻣﯘﻫﯩﺖ ﯞﻩ ﺳﯘﻧﯩﯔ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﺎﻧﻐﺎﻧﻠﯩﻘﻰ ﺗﯜﭘﻪﻳﻠﯩﺪﯨﻦ ﻛﯧﻠﯩﭗ ﭼﯩﻘﯩﯟﺍﺗﻘﺎﻥ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﺵ ﻫﻪﺭﯨﻜﻪﺗﻠﯩﺮﻯ ﺑﺎﺭﻏﺎﻧﺴﯧﺮﻯ ﻛﯚﭘﯩﻴﯩﺸﻜﻪ ﺑﺎﺷﻼﭖ، ﺑﯧﻴﺠﯩﯔ ﻫﯚﻛﯜﻣﯩﺘﯩﻨﻰ ﻣﯘﻫﯩﺖ ﻣﻪﺳﯩﻠﯩﺴﯩﮕﻪ ﺋﯧﺘﯩﺒﺎﺭ ﺑﯧﺮﯨﭗ، ﺋﯧﻨﯧﺮﮔﯩﻴﻪ ﻣﻪﻧﺒﻪﺳﯩﻨﯩﯔ ﺋﯩﺸﻠﯩﺘﯩﻠﯩﺶ ﺩﻩﺭﯨﺠﯩﺴﯩﻨﻰ ﺋﺎﺯﺍﻳﺘﯩﺸﻘﺎ ﻣﻪﺟﺒﯘﺭﻟﯩﻐﺎﻥ.

ﺋﯚﺗﻜﻪﻥ ﻫﻪﭘﺘﻪ ﺧﻪﻟﻘﺌﺎﺭﺍﻟﯩﻖ ﺋﯩﻘﺘﯩﺴﺎﺩﯨﻲ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ ﻣﻪﺧﺴﯘﺱ ﺩﻭﻛﻼﺕ ﺋﯧﻼﻥ ﻗﯩﻠﯩﭗ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ" ﻣﯘﻫﯩﺖ ﺑﯘﻟﻐﯩﻨﯩﺶ ﻣﻪﺳﯩﻠﯩﺴﯩﺪﻩ ﻳﯧﺘﻪﺭﻟﯩﻚ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﻪﺗﻤﻪﻳﯟﺍﺗﯩﺪﯗ" ﺩﻩﭖ ﺋﻪﻳﯩﺒﻠﯩﮕﻪﻥ. ﻣﻪﺯﻛﯘﺭ ﺧﻪﻟﻘﺌﺎﺭﺍﻟﯩﻖ ﺗﻪﺷﻜﯩﻼﺕ ﺧﯩﺘﺎﻱ ﻫﯚﻛﯜﻣﯩﺘﯩﺪﯨﻦ ﻳﻪﻧﻪ، ﺧﯩﺘﺎﻳﺪﯨﻜﻰ "ﺩﯙﻟﻪﺕ ﻣﯘﻫﯩﺘﻨﻰ ﻗﻮﻏﺪﺍﺵ ﺋﯩﺪﺍﺭﯨﺴﻰ" ﺩﯦﮕﻪﻥ ﺋﯩﺴﯩﻤﻨﻰ "ﻣﯘﻫﯩﺘﻨﻰ ﻗﻮﻏﺪﺍﺵ ﻣﯩﻨﯩﺴﺘﯩﺮﻟﯩﻘﻰ" ﺩﻩﭖ ﺋﯚﺯﮔﻪﺭﺗﯩﺸﻰ ﻫﻪﻣﺪﻩ ﺑﯘﻧﺪﺍﻕ ﻗﯩﻠﯩﺶ ﺋﺎﺭﻗﯩﻠﯩﻖ ﻣﯘﻫﯩﺘﻘﺎ ﺳﺎﻟﻐﺎﻥ ﻣﻪﺑﻠﯩﻐﯩﻨﻰ ﻛﯚﭘﻪﻳﺘﯩﺸﻰ ﺷﯘﻧﺪﺍﻗﻼ ﻣﯘﻫﯩﺖ ﻣﻪﺳﯩﻠﯩﺴﯩﺪﻩ ﺑﯘﺯﻏﯘﻧﭽﯩﻠﯩﻖ ﻗﯩﻠﯩﯟﺍﺗﻘﺎﻥ ﻳﻪﺭﻟﯩﻚ ﺋﻪﻣﻪﻟﺪﺍﺭﻻﺭﻧﻰ ﺗﯧﺰﺩﯨﻦ ﺑﯩﺮ ﺗﻪﺭﻩﭖ ﻗﯩﻠﯩﺸﻰ ﻛﯧﺮﻩﻛﻠﯩﻜﯩﻨﻰ ﺗﻪﻟﻪﭖ ﻗﯩﻠﻐﺎﻥ. ﻣﯘﻧﺎﺳﯩﯟﻩﺗﻠﯩﻚ ﺳﯘ ﯞﻩ ﻣﯘﻫﯩﺖ ﻫﻪﻗﻘﯩﺪﯨﻜﻰ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﺩﺍ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ 2005 ‏- ﻳﯩﻠﻰ ﻣﯘﻫﯩﺘﻨﻰ ﻗﻮﻏﺪﺍﺷﻘﺎ ﺋﺎﺟﺮﺍﺗﻘﺎﻥ ﭘﯘﻟﻰ ﺩﯙﻟﻪﺕ ﺋﯩﺸﻠﻪﭘﭽﯩﻘﯩﺮﯨﺶ ﺋﻮﻣﯘﻣﯩﻲ ﻗﯩﻤﻤﯩﺘﯩﻨﯩﯔ 1 % ﺋﻰ ﺋﻪﺗﺮﺍﭘﯩﺪﺍ ﺑﻮﻟﻐﺎﻥ. ﻟﯧﻜﯩﻦ ﺗﻪﺭﻩﻗﻘﯩﻲ ﻗﯩﻠﻐﺎﻥ ﺩﯙﻟﻪﺗﻠﻪﺭﻧﯩﯔ ﻣﯘﻫﯩﺘﻨﻰ ﻗﻮﻏﺪﺍﺵ ﺋﯜﭼﯜﻥ ﺳﺎﻟﯩﺪﯨﻐﺎﻥ ﻣﻪﺑﻠﯩﻐﻰ ﺩﯙﻟﻪﺕ ﺋﯩﺸﻠﻪﭘﭽﯩﻘﯩﺮﯨﺶ ﺋﻮﻣﯘﻣﯩﻲ ﻗﯩﻤﻤﯩﺘﯩﻨﯩﯔ ﺋﺎﺯ ﺩﯦﮕﻪﻧﺪﻩ 2% ﺩﯨﻦ ﺋﯧﺸﯩﭗ ﻛﻪﺗﻜﻪﻥ.

ﺧﻪﻟﻘﺌﺎﺭﺍﻧﯩﯔ ﻗﺎﺗﺘﯩﻖ ﺋﻪﻳﯩﺒﻠﯩﺸﯩﮕﻪ ﺩﯗﭺ ﻛﯧﻠﯩﯟﺍﺗﻘﺎﻥ ﺧﯩﺘﺎﻱ ﻫﯚﻛﯜﻣﯩﺘﻰ ﻣﯘﻫﯩﺘﻨﻰ ﻗﻮﻏﺪﺍﺵ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﻤﯩﺴﻪ ﺑﻮﻟﻤﺎﻳﺪﯨﻐﺎﻥ ﻫﺎﻟﻪﺗﻜﻪ ﻳﻪﺗﻜﻪﻧﻠﯩﻜﯩﻨﻰ ﻫﯧﺲ ﻗﯩﻠﻐﺎﻥ. ﻳﯧﻘﯩﻨﺪﺍ ﺧﯩﺘﺎﻳﺪﯨﻜﻰ ﻣﯘﻫﯩﺖ ﻣﯘﺗﻪﺧﻪﺳﺴﯩﺴﻠﯩﺮﻯ ﺗﺎﺷﻘﻰ ﺩﯗﻧﻴﺎﻧﯩﯔ ﺧﯩﺘﺎﻳﺪﯨﻜﻰ ﻣﯘﻫﯩﺖ ﻣﻪﺳﯩﻠﯩﺴﯩﮕﻪ ﺑﻮﻟﻐﺎﻥ ﻛﯚﺯﻗﺎﺭﯨﺸﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ " ﺷﯘﻧﻰ ﺑﯩﻠﯩﺶ ﻛﯧﺮﻩﻛﻜﻰ، ﺋﯚﺗﻜﻪﻥ 20 ﻳﯩﻞ ﺋﯩﭽﯩﺪﻩ، ﺧﯩﺘﺎﻱ ﺩﯗﻧﻴﺎ ﺯﺍﯞﯗﺗﯩﻐﺎ ﺋﺎﻳﻼﻧﻐﺎﻥ. ﺑﺎﺭﻟﯩﻖ ﺋﯩﻤﭙﻮﺭﺕ ﻗﯩﻠﯩﻨﻐﺎﻥ ﺧﺎﻡ ﺋﻪﺷﻴﺎ ﯞﻩ ﺋﯧﻜﯩﺴﭙﻮﺭﺕ ﻗﯩﻠﯩﻨﯩﺪﯨﻐﺎﻥ ﻣﻪﻫﺴﯘﻻﺗﻼﺭﻧﯩﯔ ﻫﻪﻣﻤﯩﺴﻰ ﺩﯦﮕﯩﺪﻩﻙ ﺋﯩﺸﻠﻪﭘﭽﯩﻘﯩﺮﯨﺶ ﺟﻪﺭﻳﺎﻧﯩﺪﺍ ﭘﻪﻳﺪﺍ ﺑﻮﻟﻐﺎﻥ ﺑﯘﻟﻐﯩﻨﯩﺸﻼﺭﻧﻰ ﺧﯩﺘﺎﻳﺪﺍ ﻗﺎﻟﺪﯗﺭﺩﻯ " ﺩﻩﭖ ﻛﯚﺭﺳﻪﺗﻜﻪﻥ.

ﺳﯘ ﯞﻩ ﻫﺎﯞﺍﻧﯩﯔ ﺑﯘﻟﻐﯩﻨﯩﺶ ﺋﻪﻫﯟﺍﻟﻰ ﺋﯘﻳﻐﯘﺭ ﺋﯧﻠﯩﺪﻩ ﺗﯧﺨﯩﻤﯘ ﺋﯧﻐﯩﺮ ﺑﻮﻟﻤﺎﻗﺘﺎ

ﻳﯧﻘﯩﻨﺪﺍ، ﺧﯩﺘﺎﻱ ﺋﺎﮔﯧﻨﺘﻠﯩﻘﯩﻨﯩﯔ ﺋﯜﺭﯛﻣﭽﯩﺪﯨﻦ ﺑﻪﺭﮔﻪﻥ ﺧﻪﯞﻩﺭﻟﯩﺮﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﻫﺎﺯﯨﺮ ﺋﯘﻳﻐﯘﺭ ﺋﯧﻠﯩﺪﻩ ﺳﯘ ﯞﻩ ﻫﺎﯞﺍﻧﯩﯔ ﺑﯘﻟﻐﯩﻨﯩﺶ ﺋﻪﻫﯟﺍﻟﻰ ﭘﻪﻗﻪﺕ ﺷﻪﻫﻪﺭﻟﻪﺭﺩﯨﻼ ﺋﻪﻣﻪﺱ ﺑﻪﻟﻜﻰ ﻳﯧﺰﯨﻼﺭﺩﯨﻤﯘ ﺋﻮﺧﺸﺎﺷﻼ ﺋﯧﻐﯩﺮ ﺑﻮﻟﻤﺎﻗﺘﺎ. ﺋﯜﺭﯛﻣﭽﻰ، ﻏﯘﻟﺠﺎ، ﻛﻮﺭﻻ ﯞﻩ ﺋﺎﻗﺴﯘ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ، ﺳﯘ ﯞﻩ ﻫﺎﯞﺍﻧﯩﯔ ﺑﯘﻟﻐﯩﻨﯩﺶ ﺩﻩﺭﯨﺠﯩﺴﻰ ﺋﯩﻠﮕﯩﺮﯨﻜﻰ ﻳﯩﻠﻼﺭﺩﯨﻜﯩﺪﯨﻦ ﺋﯩﻨﺘﺎﻳﯩﻦ ﺋﯧﻐﯩﺮ ﺑﻮﻟﯘﭖ، ﻛﯩﺸﯩﻨﻰ ﭼﯚﭼﯜﺗﻜﯩﺪﻩﻙ ﻫﺎﻟﻪﺗﻜﻪ ﻳﻪﺗﻜﻪﻥ.

ﻣﯘﻧﺎﺳﯩﯟﻩﺗﻠﯩﻚ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﺩﺍ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻳﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ ﻫﺎﯞﺍ ﺋﯧﻐﯩﺮ ﺩﻩﺭﯨﺠﯩﺪﻩ ﺑﻮﻟﻐﯩﻨﯩﺶ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، 90% ﻛﻪ ﻳﯧﻘﯩﻦ ﻳﻪﺭ ﺋﺎﺳﺘﻰ ﺳﯘﻳﯩﻤﯘ ﭘﯜﺗﯜﻧﻠﻪﻱ ﺑﯘﻟﻐﯩﻨﯩﭗ ﺑﻮﻟﻐﺎﻥ. (ﻣﯧﻬﺮﯨﺒﺎﻥ)