ﺧﯩﺘﺎﻳﺪﯨﻜﻰ ﻛﯚﻣﯜﺭ ﺋﯩﺴﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﻫﺎﯞﺍ ﺑﯘﻟﻐﯩﻨﯩﺶ ﻣﻪﺳﯩﻠﯩﺴﻰ ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﯩﻤﺎﻗﺘﺎ

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺋﺎﻣﯧﺮﯨﻜﺎ ﺋﯧﻨﯧﺮﮔﯩﻴﻪ ﻣﻪﻧﺒﻪﺳﻰ ﺑﯩﺮﻟﻪﺷﻤﯩﺴﻰ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻳﻨﯩﯔ ﺋﺎﺳﺎﺳﯩﻲ ﺋﯧﻨﯧﺮﮔﯩﻴﻪ ﻣﻪﺑﻠﯩﻐﯩﻨﯩﯔ 65 % ﺋﻰ ﻛﯚﻣﯜﺭ، ﻳﯧﻘﯩﻨﻘﻰ 5 ﻳﯩﻠﺪﯨﻦ ﺑﯘﻳﺎﻥ، ﺧﯩﺘﺎﻳﺪﺍ ﺋﯩﺸﻠﻪﭘﭽﯩﻘﯩﺮﯨﻠﻐﺎﻥ ﻛﯚﻣﯜﺭ ﺋﯩﻜﻜﻰ ﻫﻪﺳﺴﻪ ﻛﯚﭘﻪﻳﮕﻪﻥ. "ﺗﻴﺎﻣﯩﺰ" ﮔﯧﺰﯨﺘﯩﺪﻩ ﺑﯧﺮﯨﻠﮕﻪﻥ ﻣﻪﻟﯘﻣﺎﺗﺘﺎ ﺋﯧﻴﺘﯩﻠﯩﺸﯩﭽﻪ، ﺧﯩﺘﺎﻱ ﻫﺎﺯﯨﺮﻗﻰ2000 ﺩﯨﻦ ﺋﺎﺭﺗﯘﻕ ﻛﯚﻣﯜﺭ ﻳﯧﻘﯩﻠﯩﺪﯨﻐﺎﻥ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﯩﺪﯨﻦ ﺑﺎﺷﻘﺎ ﻳﻪﻧﻪ 500 ﺩﯨﻦ ﺋﺎﺭﺗﯘﻕ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﻰ ﻗﯘﺭﻣﺎﻗﭽﻰ ﺋﯩﻜﻪﻥ.

ﺋﺎﻧﺎﻟﯩﺰﭼﯩﻼﺭ "ﺧﯩﺘﺎﻱ ﻛﯚﻣﯜﺭ ﺋﯩﺸﻠﯩﺘﯩﺸﺘﯩﻦ ﭼﻪﻛﺴﯩﺰ ﻫﺎﻟﺪﺍ ﭘﺎﻳﺪﯨﻼﻧﻤﺎﻗﺘﺎ. ﻟﯧﻜﯩﻦ ﺑﯘ ﺧﯩﻞ ﭼﻪﻛﺴﯩﺰ ﭘﺎﻳﺪﯨﻠﯩﻨﯩﺶ ﺧﯩﺘﺎﻱ ﺩﯙﻟﯩﺘﯩﻨﻰ ﻛﯚﻣﯜﺭﺩﯨﻦ ﻛﯧﻠﯩﭗ ﭼﯩﻘﻘﺎﻥ ﺑﯘﻟﻐﯩﻨﯩﺶ ﺩﻩﺭﯨﺠﯩﺴﻰ ﺋﻪﯓ ﺋﯧﻐﯩﺮ ﺑﯩﺮ ﺩﯙﻟﻪﺗﻜﻪ ﺋﺎﻳﻼﻧﺪﯗﺭﺩﻯ " ﺩﻩﭖ ﻛﯚﺭﺳﻪﺗﻤﻪﻛﺘﻪ.

ﺧﯩﺘﺎﻳﺪﯨﻜﻰ ﻣﯘﻫﯩﺖ ﺑﯘﻟﻐﯩﻨﯩﺶ ﺑﺎﺷﻘﺎ ﺩﯙﻟﻪﺗﻠﻪﺭﻧﯩﯔ ﻣﯘﻫﯩﺘﯩﻐﯩﻤﯘ ﺗﻪﺳﯩﺮ ﻛﯚﺭﺳﻪﺗﻤﻪﻛﺘﻪ

ﺋﺎﻣﯧﺮﯨﻜﯩﺪﯨﻜﻰ ﺧﯩﺘﺎﻱ ﺯﯨﻴﺎﻟﯩﻴﺴﻰ ﭘﺮﻭﻓﯧﺴﺴﻮﺭ ﺭﻩﻥ ﺑﻮﮔﯘﯓ ﺋﻪﭘﻪﻧﺪﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﻫﺎﺯﯨﺮ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺕ ﺧﯩﺘﺎﻳﺪﯨﻜﻰ ﺗﻪﺭﻩﻗﻘﯩﻴﺎﺗﻨﯩﯔ ﻫﺎﯞﺍ ﺑﻮﺷﻠﯘﻗﯩﻐﺎ ﺋﯧﻠﯩﭗ ﻛﯧﻠﯩﯟﺍﺗﻘﺎﻥ ﺑﯘ ﺧﯩﻞ ﺋﯧﻐﯩﺮ ﺩﻩﺭﯨﺠﯩﻠﯩﻚ ﺑﯘﻟﻐﯩﻨﯩﺸﯩﺪﯨﻦ ﻗﺎﺗﺘﯩﻖ ﻧﺎﺭﺍﺯﻯ ﺑﻮﻟﻤﺎﻗﺘﺎ ﺋﯩﻜﻪﻥ. ﺧﯩﺘﺎﻱ ﺩﯙﻟﻪﺕ ﺭﻩﻫﺒﻪﺭﻟﯩﺮﯨﺪﯨﻦ ﺧﯘ ﺟﯩﻨﺘﺎﯞ ﯞﻩ ﯞﯨﻦ ﺟﻴﺎﺑﺎﯞ ﻗﺎﺗﺎﺭﻟﯩﻘﻼﺭﻣﯘ ﻣﻪﺯﻛﯘﺭ ﻣﻪﺳﯩﻠﯩﻨﯩﯔ ﻫﻪﻗﯩﻘﻪﺗﻪﻥ ﻧﺎﻫﺎﻳﯩﺘﻰ ﺋﯧﻐﯩﺮﻟﯩﻘﯩﻨﻰ ﻫﯩﺲ ﻗﯩﻠﯩﺸﻘﺎ ﺑﺎﺷﻼﭘﺘﯘ. ﺋﯘ ﻣﯘﻧﺪﺍﻕ ﺩﻩﻳﺪﯗ:

"ﻫﺎﺯﯨﺮ ﺧﯩﺘﺎﻳﺪﯨﻜﻰ ﺑﯘ ﺧﯩﻞ ﺋﯧﻐﯩﺮ ﺩﻩﺭﯨﺠﯩﻠﯩﻚ ﺑﯘﻟﻐﯩﻨﯩﺸﺘﯩﻦ ﭘﯜﺗﯜﻥ ﺩﯗﻧﻴﺎ ﺧﻪﯞﻩﺭﺩﺍﺭ ﺑﻮﻟﺪﻯ. ﻧﯘﺭﻏﯘﻧﻠﯩﻐﺎﻥ ﺩﯙﻟﻪﺗﻠﻪﺭ ﺧﯩﺘﺎﻳﻨﻰ ﭘﻪﻗﻪﺕ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﻨﯩﻼ ﻛﯚﺯﺩﻩ ﺗﯘﺗﯘﭖ، ﻣﯘﻫﯩﺘﻨﻰ ﻗﻮﻏﺪﺍﺵ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﻮﻟﻤﺎﻳﯟﺍﺗﯩﺪﯗ، ﺩﻩﭖ ﺗﻪﻧﻘﯩﺪﻟﯩﻤﻪﻛﺘﻪ. ﻣﻪﻥ ﺑﯘ ﺗﻪﻧﻘﯩﺪﻟﻪﺭﻧﻰ ﻧﺎﻫﺎﻳﯩﺘﻰ ﺗﻮﻏﺮﺍ ﻫﻪﻡ ﻳﻮﻟﻠﯘﻕ ﺩﻩﭖ ﻗﺎﺭﯨﻤﺎﻗﺘﯩﻤﻪﻥ. ﺧﯩﺘﺎﻳﺪﯨﻜﻰ ﻫﺎﯞﺍ ﺑﻮﻟﻐﯩﻨﯩﺶ ﭘﻪﻗﻪﺕ ﺧﯩﺘﺎﻱ ﺋﯚﺯﯨﮕﯩﻼ ﺋﻪﻣﻪﺱ ﺑﻪﻟﻜﻰ ﺩﯗﻧﻴﺎﺩﯨﻜﻰ ﺑﺎﺷﻘﺎ ﺩﯙﻟﻪﺗﻠﻪﺭﮔﯩﻤﯘ ﺗﻪﺳﯩﺮ ﻛﯚﺭﺳﯩﺘﯩﯟﺍﺗﯩﺪﯗ. ﺷﯘﯕﺎ ﺑﯘ ﭘﻪﻗﻪﺕ ﺑﯩﺮ ﺩﯙﻟﻪﺗﻨﯩﯖﻼ ﻣﻪﺳﯩﻠﯩﺴﻰ ﺋﻪﻣﻪﺱ ﺑﻪﻟﻜﻰ ﺩﯗﻧﻴﺎ ﻣﯘﻫﯩﺘﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﻐﺎﻥ، ﻫﻪﻝ ﻗﯩﻠﻤﯩﺴﺎ ﺑﻮﻟﻤﺎﻳﺪﯨﻐﺎﻥ ﺋﻮﺭﺗﺎﻕ ﺑﯩﺮ ﻣﻪﺳﯩﻠﯩﮕﻪ ﺋﺎﻳﻼﻧﺪﻯ"

ﺭﺍﺩﯨﺌﻮﻣﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﭘﺮﻭﻓﯧﺴﺴﻮﺭ ﺭﻩﻥ ﺑﻮ ﮔﯘﯓ ﺋﻪﭘﻪﻧﺪﻯ ﺳﯚﺯﯨﺪﻩ ﻳﻪﻧﻪ " ﺧﯩﺘﺎﻱ ﻫﺎﺯﯨﺮ ﺋﯩﻘﺘﯩﺴﺎﺩﯨﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺷﺘﺎ، ﺋﺎﺳﺎﺳﻪﻥ ﻛﯚﻣﯜﺭﮔﻪ ﺗﺎﻳﺎﻧﻤﺎﻗﺘﺎ. ﺷﯘﯕﺎ ﻫﺎﺯﯨﺮﭼﻪ ﻛﯚﻣﯜﺭ ﺋﯩﺸﻠﯩﺘﯩﺸﺘﯩﻦ ﻛﯧﻠﯩﭗ ﭼﯩﻘﻘﺎﻥ ﻫﺎﯞﺍ ﺑﯘﻟﻐﯩﻨﯩﺸﺘﯩﻦ ﻗﯘﺗﯘﻟﯘﺵ ﻧﺎﻫﺎﻳﯩﺘﻰ ﺗﻪﺳﻜﻪ ﺗﻮﺧﺘﯩﻤﺎﻗﺘﺎ. ﺧﯩﺘﺎﻳﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﺑﯘ ﺧﯩﻞ ﺑﯘﻟﻐﯩﻨﯩﺸﺘﯩﻦ ﺳﺎﻗﻠﯩﻨﯩﺶ ﺋﯜﭼﯜﻥ، ﻳﻪﻧﻪ ﺧﯧﻠﻰ ﺑﯩﺮ ﻣﻪﺯﮔﯩﻞ ﯞﺍﻗﯩﺖ ﻛﯧﺮﻩﻙ " ﺩﻩﭖ ﺑﯩﻠﺪﯛﺭﺩﻯ:

ﺋﯘﻳﻐﯘﺭ ﺋﯧﻠﯩﺪﻩ ﻫﺎﯞﺍ ﺑﯘﻟﻐﯩﻨﯩﺶ ﺗﻪﺳﯩﺮﯨﺪﻩ ﻧﻪﭘﻪﺱ ﻳﻮﻟﻰ ﻛﯧﺴﻪﻟﻠﯩﻜﻠﯩﺮﻯ ﻛﯚﭘﻪﻳﻤﻪﻛﺘﻪ

ﻣﯘﻧﺎﺳﯩﯟﻩﺗﻠﯩﻚ ﻣﻪﻟﯘﻣﺎﺗﻼﺭﺩﺍ ﻛﯚﺭﺳﯩﺘﯩﻠﯩﺸﯩﭽﻪ، ﻫﺎﺯﯨﺮ ﺧﯩﺘﺎﻳﻨﯩﯔ ﻫﻪﺭﻗﺎﻳﺴﻰ ﺋﯚﻟﻜﯩﻠﯩﺮﯨﺪﻩ ﺩﯦﮕﯩﺪﻩﻙ ﻛﯚﻣﯜﺭ ﺋﯩﺴﻰ ﺗﯜﭘﻪﻳﻠﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﻫﺎﯞﺍ ﺑﯘﻟﻐﯩﻨﯩﺶ ﻣﻪﺳﯩﻠﯩﺴﻰ ﺋﯩﻠﮕﯩﺮﯨﻜﻰ ﻳﯩﻠﻼﺭﺩﯨﻜﯩﮕﻪ ﻗﺎﺭﯨﻐﺎﻧﺪﺍ، ﺗﯧﺨﯩﻤﯘ ﺑﻪﻙ ﺋﯧﻐﯩﺮﻻﺷﻘﺎﻥ. ﺑﯘ ﺧﯩﻞ ﺑﯘﻟﻐﺎﻧﻐﺎﻥ ﻫﺎﯞﺍﺩﺍ ﻳﺎﺷﺎﯞﺍﺗﻘﺎﻥ ﺧﻪﻟﻖ ﺗﯜﺭﻟﯜﻙ ﻧﻪﭘﻪﺱ ﻳﻮﻟﻠﯩﺮﻯ ﻛﯧﺴﻪﻟﻠﯩﻜﯩﮕﻪ ﮔﯩﺮﯨﭙﺘﺎﺭ ﺑﻮﻟﻤﺎﻗﺘﺎ.

ﻳﯧﻘﯩﻨﺪﺍ ﺧﯩﺘﺎﻱ ﺋﺎﮔﯧﻨﺘﻠﯩﻘﯩﻨﯩﯔ ﺋﯜﺭﯛﻣﭽﯩﺪﯨﻦ ﺑﻪﺭﮔﻪﻥ ﺧﻪﯞﻩﺭﻟﯩﺮﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﻫﺎﺯﯨﺮ ﺋﯜﺭﯛﻣﭽﯩﺪﻩ ﻧﻪﭘﻪﺱ ﻳﻮﻟﻰ ﻛﯧﺴﻪﻟﻠﯩﻜﻠﯩﺮﻯ ﺑﺎﺭﻏﺎﻧﺴﯧﺮﻯ ﻛﯚﭘﯩﻴﯩﺸﻜﻪ ﺑﺎﺷﻠﯩﻐﺎﻥ. ﻣﻪﺳﯩﻠﻪﻥ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺧﻪﻟﻖ ﺩﻭﺧﺘﯘﺭﺧﺎﻧﯩﺴﯩﻨﯩﯔ ﻧﻪﭘﻪﺱ ﻳﻮﻟﻠﯩﺮﻯ ﻛﯧﺴﻪﻟﻠﯩﻜﻠﯩﺮﻯ ﺑﯚﻟﯜﻣﯩﺪﻩ ﻛﯧﺴﻪﻝ ﻛﯚﺭﺳﯩﺘﯩﺸﻜﻪ ﻛﻪﻟﮕﻪﻧﻠﻪﺭﻧﯩﯔ ﺳﺎﻧﻰ ﺋﯩﻠﮕﯩﺮﯨﻜﻰ ﻳﯩﻠﻼﺭﺩﯨﻜﯩﮕﻪ ﺳﯧﻠﯩﺸﺘﯘﺭﯗﻟﻐﺎﻧﺪﺍ، ﺑﯩﺮﺩﯨﻨﻼ ﺋﯧﺸﯩﭗ ﻛﻪﺗﻜﻪﻥ ﺑﻮﻟﯘﭖ، ﺋﯩﻠﮕﯩﺮﻯ ﺑﯘ ﺩﻭﺧﺘﯘﺭﺧﺎﻧﯩﻐﺎ ﻧﻪﭘﻪﺱ ﻳﻮﻟﻠﯩﺮﻯ ﻛﯧﺴﻪﻟﻠﯩﻜﻰ ﺗﯜﭘﻪﻳﻠﯩﺪﯨﻦ ﻛﯧﻠﯩﺪﯨﻐﺎﻧﻼﺭ ﺳﺎﻧﻰ ﻛﯜﻧﯩﮕﻪ 70 -80 ﺑﻮﻟﺴﺎ، ﻫﺎﺯﯨﺮ ﺋﺎﺯ ﺩﯦﮕﻪﻧﺪﻩ ﻫﻪﺭ ﻛﯜﻧﻰ 200 ﮔﻪ ﻳﻪﺗﻜﻪﻥ.

ﺑﯩﺮ ﻗﯩﺴﯩﻢ ﺗﯩﺒﺒﯩﻲ ﯞﻩ ﺋﯧﻜﻮﻟﻮﮔﯩﻴﻪ ﻣﯘﺗﻪﺧﻪﺳﺴﯩﺴﻠﯩﺮﻯ "ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺋﯜﺭﯛﻣﭽﯩﺪﻩ ﻛﯚﻣﯜﺭ ﺋﯩﺴﻰ ﺗﯜﭘﻪﻳﻠﯩﺪﯨﻦ ﻫﺎﯞﺍ ﺗﯧﺨﯩﻤﯘ ﺑﻪﻙ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﯩﻨﯩﺸﻘﺎ ﺑﺎﺷﻠﯩﺪﻯ. ﺑﯘ ﺧﯩﻞ ﺋﻪﻫﯟﺍﻝ ﻛﯩﺸﯩﻠﻪﺭﻧﯩﯔ ﺳﺎﻻﻣﻪﺗﻠﯩﻜﯩﮕﻪ ﺯﻭﺭ ﺗﻪﺳﯩﺮ ﻳﻪﺗﻜﯜﺯﻣﻪﻛﺘﻪ. ﻧﻪﭘﻪﺱ ﻳﻮﻟﻠﯩﺮﻯ ﻛﯧﺴﻪﻟﻠﯩﻜﻠﯩﺮﯨﻨﯩﯔ ﻛﯚﭘﯩﻴﯩﺸﯩﺪﯨﻜﻰ ﻣﯘﻫﯩﻢ ﺋﺎﻣﯩﻠﻼﺭﻧﯩﯔ ﺑﯩﺮﻯ ﺩﻩﻝ ﻣﯘﺷﯘ ﺧﯩﻠﺪﯨﻜﻰ ﺑﯘﻟﻐﯩﻨﯩﺸﺘﯩﻦ ﻛﯧﻠﯩﭗ ﭼﯩﻘﻘﺎﻥ" ﺩﻩﭖ ﻛﯚﺭﺳﻪﺗﻤﻪﻛﺘﻪ. (ﻣﯧﻬﺮﯨﺒﺎﻥ)