ﻏﻪﺭﺏ ﻣﻪﺗﺒﯘﺋﺎﺗﻠﯩﺮﻯ ﺧﯩﺘﺎﻳﻨﻰ "ﻣﯘﻫﯩﺘﻘﺎ ﻳﯧﺘﻪﺭﻟﯩﻚ ﺋﻪﻫﻤﯩﻴﻪﺕ ﺑﻪﺭﻣﯩﺪﻯ" ﺩﻩﭖ ﺗﻪﻧﻘﯩﺪﻟﯩﻤﻪﻛﺘﻪ

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻳﯧﻘﯩﻨﺪﯨﻦ ﺑﯘﻳﺎﻥ ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﺪﺍ، ﺧﯩﺘﺎﻳﺪﯨﻜﻰ ﻣﯘﻫﯩﺖ ﻣﻪﺳﯩﻠﯩﺴﯩﻨﯩﯔ ﻳﯩﻠﺪﯨﻦ -ﻳﯩﻠﻐﺎ ﺋﯧﻐﯩﺮﻟﯩﺸﯩﭗ ﻛﯧﺘﯩﯟﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺋﺎﺭﻗﺎ -ﺋﺎﺭﻗﯩﺪﯨﻦ ﻣﺎﻗﺎﻟﯩﻠﻪﺭ ﺋﯧﻼﻥ ﻗﯩﻠﯩﻨﻤﺎﻗﺘﺎ. ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﺪﺍ ﺋﯧﻼﻥ ﻗﯩﻠﯩﻨﻐﺎﻥ ﻣﺎﻗﺎﻟﯩﻠﻪﺭﺩﻩ، ﺧﯩﺘﺎﻱ ﺩﯙﻟﻪﺕ ﺭﻩﻫﺒﻪﺭﻟﯩﺮﻯ ﻣﯘﻫﯩﺖ ﻣﻪﺳﯩﻠﯩﺴﯩﮕﻪ ﻳﯧﺘﻪﺭﻟﯩﻚ ﻛﯚﯕﯜﻝ ﺑﯚﻟﻤﻪﻳﯟﺍﺗﻘﺎﻧﻠﯩﻘﻰ ﺗﯜﭘﻪﻳﻠﯩﺪﯨﻦ ﻗﺎﺗﺘﯩﻖ ﺋﻪﻳﯩﺒﻠﯩﻨﯩﭗ ﺗﻪﻧﻘﯩﺪﻛﻪ ﺋﯘﭼﺮﯨﻐﺎﻥ. ﻣﻪﺯﻛﯘﺭ ﻣﺎﻗﺎﻟﯩﻠﻪﺭﺩﻩ ﻳﻪﻧﻪ، " ﺧﯩﺘﺎﻳﻨﯩﯔ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﻨﻰ ﯞﻩﻳﺮﺍﻥ ﻗﯩﻠﯩﺶ ﺋﺎﺭﻗﯩﻠﯩﻖ ﺋﯩﻘﺘﯩﺴﺎﺩﻧﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺷﻰ ﻳﻪﺭ ﺷﺎﺭﯨﻐﺎ ﺯﻭﺭ ﺗﻪﺳﯩﺮ ﻳﻪﺗﻜﯜﺯﻣﻪﻛﺘﻪ" ﺩﻩﭖ ﺋﺎﮔﺎﻫﻼﻧﺪﯗﺭﯗﺷﻼﺭ ﺑﯧﺮﯨﻠﮕﻪﻥ.

ﻣﯘﻫﯩﺘﻨﻰ ﯞﻩﻳﺮﺍﻥ ﻗﯩﻠﯩﺶ ﭘﻪﻗﻪﺕ ﺧﯩﺘﺎﻳﻐﯩﻼ ﺋﻪﻣﻪﺱ، ﺑﻪﻟﻜﻰ ﭘﯜﺗﯜﻥ ﻳﻪﺭ ﺷﺎﺭﯨﻐﺎ ﺯﻭﺭ ﺗﻪﺳﯩﺮ ﻳﻪﺗﻜﯜﺯﻣﻪﻛﺘﻪ

ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﺪﺍ ﺑﯧﺮﯨﻠﯩﯟﺍﺗﻘﺎﻥ ﻣﺎﻗﺎﻟﯩﻠﻪﺭﺩﻩ، ﺧﯩﺘﺎﻱ ﺋﯩﻘﺘﯩﺴﺎﺩﯨﻨﯩﯔ ﺗﻪﺭﻩﻗﻘﻰ ﻗﯩﻠﯩﺸﻰ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺧﯩﺘﺎﻳﺪﯨﻜﻰ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﻨﯩﯔ ﺯﻭﺭ ﺩﻩﺭﯨﺠﯩﺪﻩ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﺍﯞﺍﺗﻘﺎﻧﻠﯩﻘﻰ ﻫﻪﻣﺪﻩ ﺧﯩﺘﺎﻱ ﺩﯙﻟﻪﺕ ﺭﻩﻫﺒﻪﺭﻟﯩﺮﯨﻨﯩﯔ ﻣﻪﺯﻛﯘﺭ ﻣﻪﺳﯩﻠﯩﮕﻪ ﻳﯧﺘﻪﺭﻟﯩﻚ ﻛﯚﯕﯜﻝ ﺑﯚﻟﻤﻪﻳﯟﺍﺗﻘﺎﻧﻠﯩﻘﻰ ﻛﯚﺭﺳﯩﺘﯩﻠﻤﻪﻛﺘﻪ. ﻣﺎﻗﺎﻟﯩﻠﻪﺭﺩﻩ " ﺧﯩﺘﺎﻳﻨﯩﯔ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﻨﻰ ﯞﻩﻳﺮﺍﻥ ﻗﯩﻠﯩﺶ ﺋﺎﺭﻗﯩﻠﯩﻖ ﺋﯩﻘﺘﯩﺴﺎﺩﻧﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺷﻰ ﭘﻪﻗﻪﺕ ﺧﯩﺘﺎﻳﻐﯩﻼ ﺋﻪﻣﻪﺱ، ﺑﻪﻟﻜﻰ ﭘﯜﺗﯜﻥ ﻳﻪﺭ ﺷﺎﺭﯨﻐﺎ ﺯﻭﺭ ﺗﻪﺳﯩﺮ ﻳﻪﺗﻜﯜﺯﻣﻪﻛﺘﻪ " ﺩﻩﭖ ﺗﻪﻛﯩﺘﻠﻪﻧﮕﻪﻥ.

ﺋﺎﻣﯧﺮﯨﻜﯩﺪﺍ ﻧﻪﺷﺮ ﻗﯩﻠﯩﻨﯩﺪﯨﻐﺎﻥ " ﺩﯙﻟﻪﺕ " ﮊﻭﺭﻧﯩﻠﯩﺪﺍ، ﺧﯩﺘﺎﻱ ﺩﯙﻟﻪﺕ ﺭﻩﻫﺒﻪﺭﻟﯩﺮﯨﻨﯩﯔ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﻘﺎ ﻳﯧﺘﻪﺭﻟﯩﻚ ﻛﯚﯕﯜﻝ ﺑﯚﻟﻤﻪﻳﯟﺍﺗﻘﺎﻧﻠﯩﻘﻰ ﺋﺎﻻﻫﯩﺪﻩ ﺗﻪﻛﯩﺘﻠﯩﻨﯩﭗ " ﺑﯧﻴﺠﯩﯔ ﻫﯚﻛﯜﻣﯩﺘﻰ ﻣﯘﻫﯩﺖ ﻣﻪﺳﯩﻠﯩﺴﯩﻨﯩﯔ ﻧﺎﻫﺎﻳﯩﺘﻰ ﺋﯧﻐﯩﺮ ﻫﺎﻟﻪﺗﺘﻪ ﺋﯩﻜﻪﻧﻠﯩﻜﯩﻨﻰ ﺑﯩﻠﯩﭗ ﺗﯘﺭﯗﭖ، ﻣﻪﺯﻛﯘﺭ ﻣﻪﺳﯩﻠﯩﮕﻪ ﻳﻪﻧﯩﻼ ﺩﯦﮕﻪﻧﺪﻩﻙ ﻛﯚﯕﯜﻝ ﺑﯚﻟﻤﻪﻳﯟﺍﺗﯩﺪﯗ.

ﺋﻪﻣﻪﻟﯩﻴﻪﺗﺘﻪ ﺋﯘﻻﺭ ﺑﯘﻧﺪﺍﻕ ﻗﯩﻠﯩﺸﻨﯩﯔ ﺋﺎﻗﯩﯟﯨﺘﯩﻨﯩﯔ ﻗﺎﻧﺪﺍﻕ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﻮﺑﺪﺍﻥ ﺑﯩﻠﯩﺪﯗ. ﭼﯜﻧﻜﻰ ﻳﯧﻘﯩﻨﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺑﯘ ﻫﻪﻗﺘﯩﻜﻰ ﺗﻪﻛﺸﯜﺭﯛﺵ ﺩﻭﻛﻼﺗﯩﺪﺍ، ﻣﯘﺷﯘ ﺋﻪﺳﯩﺮﻧﯩﯔ ﺋﺎﺧﯩﺮﯨﻐﺎ ﺑﺎﺭﻏﺎﻧﺪﺍ، ﺧﯩﺘﺎﻳﺪﯨﻜﻰ ﺋﺎﺷﻠﯩﻖ ﻣﻪﻫﺴﯘﻻﺗﻰ% 37 ﺗﯚﯞﻩﻧﻠﻪﻳﺪﯗ؛ ﺗﯩﺒﻪﺗﺘﯩﻜﻰ ﻣﯘﺯﻟﯘﻕ ﭼﻮﻗﻘﯩﻼﺭ ﺋﯧﺮﯨﭗ ﺗﯜﮔﻪﻳﺪﯗ؛ ﺧﯘﺋﺎﯕﺨﯥ ﯞﻩ ﭼﺎﯕﺠﻴﺎﯓ ﺩﻩﺭﻳﺎﺳﻰ ﺋﯧﻘﯩﻨﻠﯩﺮﯨﺪﺍ ﺩﻩﺳﻠﻪﭘﺘﻪ ﺗﺎﺷﻘﯩﻦ، ﺋﺎﻧﺪﯨﻦ ﻗﯘﺭﻏﺎﻗﭽﯩﻠﯩﻖ ﺋﺎﭘﻪﺗﻠﯩﺮﻯ ﻳﯜﺯ ﺑﯧﺮﯨﺪﯗ؛ ﺧﯘﺋﺎﺩﯗﯓ ﺩﯦﯖﯩﺰ ﺑﯘﻳﻰ ﺭﺍﻳﻮﻧﯩﻨﯩﯔ ﭘﻮﺭﺗﯘﮔﺎﻟﯩﻴﻪ ﺯﯦﻤﯩﻨﯩﭽﯩﻠﯩﻚ ﻗﯩﺴﻤﻰ ﻛﻪﻟﮕﯜﺳﯩﺪﻩ ﻫﺎﯞﺍﺭﺍﻳﻰ ﺋﯚﺯﮔﯩﺮﯨﺸﻰ ﺗﯜﭘﻪﻳﻠﻰ ﻛﯧﻠﯩﭗ ﭼﯩﻘﻘﺎﻥ ﺗﺎﺷﻘﯩﻦ ﺩﯦﯖﯩﺰ ﺳﯜﻳﻰ ﺋﺎﺳﺘﯩﺪﺍ ﻗﺎﻟﯩﺪﯗ.

ﺩﯦﻤﻪﻙ ﺑﯘﻻﺭﻧﯩﯔ ﻫﻪﻣﻤﯩﺴﻰ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺋﺎﻳﺎﻥ، ﺷﯘﻧﺪﺍﻕ ﺗﯘﺭﯗﻗﻠﯘﻗﻤﯘ، ﺧﯩﺘﺎﻱ ﺩﯙﻟﻪﺕ ﺭﻩﻫﺒﻪﺭﻟﯩﺮﻯ ﺋﯧﻜﻮﻟﻮﮔﯩﻴﻪ ﻣﻪﺳﯩﻠﯩﺴﯩﮕﻪ ﻳﯧﺘﻪﺭﻟﯩﻚ ﻛﯚﯕﯜﻝ ﺑﯚﻟﻤﻪﻳﯟﺍﺗﯩﺪﯗ" ﺩﻩﭖ ﻛﯚﺭﺳﯩﺘﯩﻠﮕﻪﻥ.

ﺧﯩﺘﺎﻳﺪﯨﻜﻰ ﻛﺎﺭﺑﻮﻥ ﺋﯩﻜﻜﻰ ﺋﻮﻛﺴﯩﺪﯨﻨﯩﯔ ﭼﯩﻘﯩﺮﯨﻠﯩﺶ ﻣﯩﻘﺪﺍﺭﻯ ﺩﯗﻧﻴﺎ ﺑﯘﻳﯩﭽﻪ ﺋﯩﻜﻜﯩﻨﭽﻰ ﺋﻮﺭﯗﻧﺪﯨﻦ ﺑﯩﺮﯨﻨﭽﻰ ﺋﻮﺭﯗﻧﻐﺎ ﺋﯚﺗﯘﺵ ﺋﺎﻟﺪﯨﺪﺍ

ﺋﻪﻧﮕﯩﻠﯩﻴﻪ ﺏ ﺏ ﺱ ﺭﺍﺩﯨﺌﻮ ‏- ﺗﯧﻠﯧﯟﯨﺰﯨﻴﻪ ﺷﯩﺮﻛﯩﺘﯩﻨﯩﯔ ﺑﯘ ﻫﻪﻗﺘﻪ ﺑﻪﺭﮔﻪﻥ ﻣﻪﻟﯘﻣﺎﺗﯩﺪﺍ، ﺧﯩﺘﺎﻳﺪﯨﻜﻰ ﻛﺎﺭﺑﻮﻥ ﺋﯩﻜﻜﻰ ﺋﻮﻛﺴﯩﺪﯨﻨﯩﯔ ﭼﯩﻘﯩﺮﯨﻠﯩﺶ ﻣﯩﻘﺪﺍﺭﻯ ﺩﯗﻧﻴﺎ ﺑﯘﻳﯩﭽﻪ ﺋﯩﻜﻜﯩﻨﭽﻰ ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻧﻠﯩﻘﻰ ﺷﯘﻧﺪﺍﻗﻼ ﭘﺎﺕ ﺋﺎﺭﯨﺪﺍ ﻛﺎﺭﺑﻮﻥ ﺋﯩﻜﻜﻰ ﺋﻮﻛﺴﯩﺪﻯ ﭼﯩﻘﯩﺮﯨﺸﺘﺎ ﺑﯩﺮﯨﻨﭽﻰ ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺋﺎﻣﯧﺮﯨﻜﯩﺪﯨﻨﻤﯘ ﺋﯧﺸﯩﭗ ﻛﯧﺘﯩﺪﯨﻐﺎﻧﻠﯩﻘﻰ ﺗﻪﻛﯩﺘﻠﯩﻨﯩﺶ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، " ﺧﯩﺘﺎﻳﺪﯨﻜﻰ ﻛﺎﺭﺑﻮﻥ ﺋﯩﻜﻜﻰ ﺋﻮﻛﺴﯩﺪﯨﻨﯩﯔ ﺑﯘﻧﺪﺍﻕ ﺯﻭﺭ ﻣﯩﻘﺪﺍﺭﺩﺍ ﻛﯚﭘﯩﻴﯩﺸﻰ ﺧﯩﺘﺎﻳﻨﯩﯔ ﺋﯧﻠﯧﻜﺘﯩﺮ ﺋﯧﻨﯩﺮﮔﯩﻴﯩﺴﯩﻨﯩﯔ ﺋﺎﺳﺎﺳﻪﻥ ﻛﯚﻣﯜﺭﻧﻰ ﻳﯧﻘﯩﻠﻐﯘ ﻗﯩﻠﻐﺎﻧﻠﯩﻘﯩﺪﯨﻦ، ﺑﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ﻛﯜﻧﺴﺎﻳﯩﻦ ﻛﯚﭘﯩﻴﯩﯟﺍﺗﻘﺎﻥ ﺋﺎﭘﺘﻮﻣﻮﺑﯩﻠﻤﯘ ﻛﯧﺮﻩﻛﺴﯩﺰ ﮔﺎﺯ ﭼﯩﻘﯩﺮﯨﺸﺘﺎ ﺋﺎﺳﺎﺳﯩﻲ ﺭﻭﻝ ﺋﻮﻳﻨﯩﻤﺎﻗﺘﺎ" ﺩﻩﭖ ﻛﯚﺭﺳﯩﺘﯩﻠﮕﻪﻥ.

ﺏ ﺏ ﺱ ﺭﺍﺩﯨﺌﻮ ‏- ﺗﯧﻠﯧﯟﯨﺰﯨﻴﻪ ﺷﯩﺮﻛﯩﺘﻰ ﺋﯧﻼﻥ ﻗﯩﻠﻐﺎﻥ ﻣﻪﺯﻛﯘﺭ ﻣﻪﻟﯘﻣﺎﺗﺘﺎ، ﻣﯘﻫﯩﺘﻨﻰ ﻗﻮﻏﺪﺍﺵ ﻣﻪﺳﯩﻠﯩﺴﯩﺪﻩ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺧﯩﺘﺎﻳﻐﺎ ﺋﯩﻨﺘﺎﻳﯩﻦ ﻣﯘﻫﺘﺎﺝ ﺋﯩﻜﻪﻧﻠﯩﻜﻰ ﺗﻪﻛﯩﺘﻠﯩﻨﯩﭗ " ﺋﻪﮔﻪﺭ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺕ ﺋﯧﻜﻮﻟﻮﮔﯩﻴﯩﻠﯩﻚ ﻣﻪﺳﯩﻠﯩﻠﻪﺭ ﺗﯜﭘﻪﻳﻠﻰ ﻛﯧﻠﯩﭗ ﭼﯩﻘﯩﯟﺍﺗﻘﺎﻥ ﻫﺎﯞﺍ ﻛﯧﻠﯩﻤﺎﺗﯩﻨﯩﯔ ﺋﯚﺯﮔﯩﺮﯨﺶ ﻣﻪﺳﯩﻠﯩﺴﯩﺪﻩ ﺑﯩﺮ ﺋﯩﺶ ﻗﯩﻠﻤﺎﻗﭽﻰ ﺑﻮﻟﯩﺪﯨﻜﻪﻥ، ﺋﯘﻧﺪﺍﻗﺘﺎ ﺧﯩﺘﺎﻳﻤﯘ ﺑﯘﻧﯩﯖﻐﺎ ﻛﯚﯕﯜﻝ ﺑﯚﻟﯜﭖ، ﺑﯩﺮﻟﯩﻜﺘﻪ ﭼﺎﺭﻩ - ﺗﻪﺩﺑﯩﺮ ﻗﻮﻟﻠﯩﻨﯩﺸﻘﺎ ﺗﻪﻳﻴﺎﺭ ﺑﻮﻟﯘﺷﻰ ﻛﯧﺮﻩﻙ" ﺩﻩﭖ ﺑﯩﻠﺪﯛﺭﯛﻟﮕﻪﻥ.

ﺳﺎﻥ ﻓﺮﺍﻧﺴﯩﺴﻜﻮ ﺧﻪﯞﻩﺭﻟﻪﺭ ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﻣﻪﻟﯘﻣﺎﺗﺘﺎ ﺋﯧﻴﺘﯩﻠﯩﺸﯩﭽﻪ، ﺑﺎﻧﻜﻮﻛﺘﺎ ﺋﯚﺗﻜﯜﺯﯛﻟﮕﻪﻥ ﻳﻪﺭ ﺷﺎﺭﻯ ﻫﺎﯞﺍ ﻛﯧﻠﯩﻤﺎﺗﻰ ﺋﯚﺯﮔﯩﺮﯨﺸﻰ ﻣﻪﺳﯩﻠﯩﺴﻰ ﻫﻪﻗﻘﯩﺪﯨﻜﻰ ﺧﻪﻟﻘﺌﺎﺭﺍ ﻳﯩﻐﯩﻨﺪﺍ، ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻫﯩﻨﺪﯨﺴﺘﺎﻥ ﯞﻩ ﺋﺎﻣﯧﺮﯨﻜﺎ ﺑﯩﻠﻪﻥ ﺑﯩﺮﻟﯩﻜﺘﻪ، ﻛﯧﺮﻩﻛﺴﯩﺰ ﮔﺎﺯﻧﻰ ﺋﺎﺯﺍﻳﺘﯩﺶ ﭘﯩﻼﻧﯩﻐﺎ ﻗﻮﺷﯘﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ؛ﭼﯜﻧﻜﻰ ﺋﯘﻻﺭﻧﯩﯔ ﻧﻪﺯﯨﺮﯨﺪﻩ، ﺑﯘﻧﺪﺍﻕ ﻗﯩﻠﯩﺶ ﺋﯘﻻﺭﻧﯩﯔ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﯩﻐﺎ ﭼﻪﻛﻠﯩﻤﻪ ﻗﻮﻳﯘﺵ ﺩﯦﮕﻪﻧﻠﯩﻚ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯨﻜﻪﻥ.

ﺧﯩﺘﺎﻳﺪﯨﻜﻰ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﻨﯩﯔ ﺋﯚﺯﮔﯩﺮﯨﺸﻰ ﭼﯧﮕﺮﯨﺪﺍﺵ ﺩﯙﻟﻪﺗﻠﻪﺭﮔﯩﻤﯘ ﺯﻭﺭ ﺗﻪﺳﯩﺮ ﻛﯚﺭﺳﯩﺘﯩﺪﯗ

ﺑﯧﻴﺠﯩﯖﺪﯨﻜﻰ ﺋﻪﻱ ﺟﯩﺸﯩﻦ ﺗﻪﺗﻘﯩﻘﺎﺕ ﺋﻮﺭﮔﯩﻨﯩﻨﯩﯔ ﻣﻪﺳﺌﯘﻟﻰ ﯞﻩﻥ ﻳﻪﻧﺨﻪﻱ ﺋﻪﭘﻪﻧﺪﻯ" ﺧﯩﺘﺎﻱ ﺑﯩﺮ ﭼﻮﯓ ﺩﯙﻟﻪﺕ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ، ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﻨﻰ ﻗﻮﻏﺪﺍﺵ، ﺑﯘﻟﻐﯩﻨﯩﺶ ﻣﻪﺳﯩﻠﯩﺴﯩﻨﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﻣﻪﺳﯩﻠﯩﺴﯩﺪﻩ ﺋﺎﻛﺘﯩﭗ ﺭﻭﻝ ﺋﻮﻳﻨﯩﺸﻰ ﻛﯧﺮﻩﻙ ﺋﯩﺪﻯ. ﻟﯧﻜﯩﻦ ﻫﺎﺯﯨﺮﻗﻰ ﺋﻪﻫﯟﺍﻝ ﺩﻩﻝ ﺋﻪﻛﺴﯩﭽﻪ ﺑﻮﻟﯘﯞﺍﺗﯩﺪﯗ. ﺑﯩﺮ ﻗﯩﺴﯩﻢ ﭼﯩﺮﯨﻜﻠﯩﺸﯩﭗ ﻛﻪﺗﻜﻪﻥ ﺋﻪﻣﻪﻟﺪﺍﺭﻻﺭ ﺋﯚﺯ ﻣﻪﻧﭙﻪﺋﻪﺗﯩﻨﯩﻼ ﺋﻮﻳﻼﭖ، ﺋﺎﻣﻤﯩﻨﯩﯔ ﺋﻮﺭﺗﺎﻕ ﻣﻪﻧﭙﻪﺋﻪﺗﻰ ﺑﯩﻠﻪﻥ ﻛﺎﺭﻯ ﺑﻮﻟﻤﺎﻳﯟﺍﺗﯩﺪﯗ. ﺷﯘﻧﻰ ﺑﯩﻠﯩﺶ ﻛﯧﺮﻩﻛﻜﻰ، ﺧﯩﺘﺎﻳﺪﯨﻜﻰ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﻨﯩﯔ ﺋﯚﺯﮔﯩﺮﯨﺸﻰ ﺋﻪﺗﺮﺍﭘﺘﯩﻜﻰ ﭼﯧﮕﺮﯨﺪﺍﺵ ﺩﯙﻟﻪﺗﻠﻪﺭﮔﯩﻤﯘ ﺯﻭﺭ ﺗﻪﺳﯩﺮ ﻛﯚﺭﺳﯩﺘﯩﺪﯗ" ﺩﻩﭖ ﺑﯩﻠﺪﯛﺭﺩﻯ.

ﯞﻩﻱ ﻳﻪﻧﺨﻪﻱ ﺋﻪﭘﻪﻧﺪﻯ ﺳﯚﺯﯨﺪﻩ ﻳﻪﻧﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯩﻘﺘﯩﺴﺎﺩﻧﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯨﻤﯩﺰ ﺩﻩﭖ، ﻣﯘﻫﯩﺘﻨﻰ ﻗﯘﺭﺑﺎﻥ ﻗﯩﻠﯩﯟﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ " ﺧﯩﺘﺎﻳﻨﯩﯔ ﺋﺎﻟﺪﯨﻦ ﺋﯩﻘﺘﯩﺴﺎﺩ ﺗﻪﺭﻩﻗﻘﯩﻲ ﻗﯩﻠﯩﺸﻰ ﻛﯧﺮﻩﻙ ﺩﯦﮕﻪﻥ ﺳﯩﻴﺎﺳﯩﺘﻰ ﺗﯜﭘﻪﻳﻠﯩﺪﯨﻦ، ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺖ ﺯﻭﺭ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﺪﻯ. ﺑﯘﻧﺪﺍﻕ ﺳﯩﻴﺎﺳﻪﺗﻨﻰ ﺑﻪﻟﮕﯩﻠﻪﺷﻨﯩﯔ ﺋﯚﺯﻯ ﺑﻪﻛﻤﯘ ﺋﻪﺧﻤﯩﻘﺎﻧﻪ ﺑﯩﺮ ﺋﯩﺶ. ﺋﯚﺯﻯ ﺗﻪﺭﻩﻗﻘﻰ ﻗﯩﻠﯩﻤﻪﻥ ﺩﻩﭖ، ﺑﺎﺷﻘﺎ ﺩﯙﻟﻪﺗﻠﻪﺭ ﺑﯩﻠﻪﻥ ﻛﺎﺭﻯ ﺑﻮﻟﻤﺎﺳﻠﯩﻖ، ﺧﻪﻟﻘﻨﯩﯔ ﻳﺎﺷﺎﺵ ﻣﯘﻫﯩﺘﻰ ﺑﯩﻠﻪﻥ ﻛﺎﺭﻯ ﺑﻮﻟﻤﺎﺳﻠﯩﻖ، ﺑﯘ ﻫﻪﻗﯩﻘﻪﺗﻪﻥ ﺑﻪﻛﻤﯘ ﺷﻪﺧﺴﯩﻴﻪﺗﭽﯩﻠﯩﻚ ﻗﯩﻠﻐﺎﻧﻠﯩﻖ. ﻫﺎﺯﯨﺮ ﺧﻪﻟﻖ ﺋﯩﺴﺘﯩﻤﺎﻝ ﻗﯩﻠﯩﯟﺍﺗﻘﺎﻥ ﻳﯧﻤﻪﻛﻠﯩﻚ ﯞﻩ ﺩﻭﺭﺍ ﻗﺎﺗﺎﺭﻟﯩﻖ ﻣﻪﻫﺴﯘﻻﺗﻼﺭﻧﯩﯔ ﺳﯜﭘﯩﺘﻰ ﺑﺎﺭﻏﺎﻧﺴﯧﺮﻯ ﻧﺎﭼﺎﺭﻻﺷﻤﺎﻗﺘﺎ. ﺋﯩﻨﺴﺎﻧﯩﻴﻪﺗﻨﯩﯔ ﺗﯘﺭﻣﯘﺷﺘﺎ ﺗﺎﻳﯩﻨﯩﺪﯨﻐﺎﻥ ﺋﺎﺳﺎﺳﻠﯩﻖ ﻳﯧﻤﻪﻛﻠﯩﻚ ﻣﻪﻧﺒﻪﺳﻰ ﺯﻩﻫﻪﺭﻟﯩﻚ ﺗﻪﺳﯩﺮﻟﻪﺭﮔﻪ ﺋﯘﭼﺮﯨﻤﺎﻗﺘﺎ. ﺷﯘﯕﺎ ﻣﻪﻧﭽﻪ، ﺧﻪﻟﻘﻨﯩﯔ ﻣﻮﻫﺘﺎﺝ ﺑﻮﻟﯩﺪﯨﻐﯩﻨﻰ ﻫﻪﺭﮔﯩﺰﻣﯘ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺷﻪﺑﺒﯘﺱ ﻗﯩﻠﯩﯟﺍﺗﻘﺎﻥ ﺑﯘ ﺧﯩﻞ ﺗﻪﺭﻩﻗﻘﯩﻴﺎﺕ ﺋﻪﻣﻪﺱ" ﺩﻩﭖ ﻛﯚﺭﺳﻪﺗﺘﻰ.

ﻣﺎﻟﯩﻴﻪ ﮔﯧﺰﯨﺘﯩﺪﻩ ﺑﯧﺮﯨﻠﮕﻪﻥ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺖ ﻫﻪﻗﻘﯩﺪﯨﻜﻰ ﻣﻪﻟﯘﻣﺎﺗﺘﺎ، ﺧﯩﺘﺎﻱ ﺩﯙﻟﻪﺕ ﺭﻩﻫﺒﻪﺭﻟﯩﺮﻯ ﻗﺎﺗﺘﯩﻖ ﺋﻪﻳﯩﺒﻠﻪﻧﮕﻪﻥ ﺑﻮﻟﯘﭖ، " ﻫﺎﺯﯨﺮ ﺩﯗﻧﻴﺎﺩﯨﻜﻰ 10 ﭼﻮﯓ ﺑﯘﻟﻐﺎﻧﻐﺎﻥ ﺷﻪﻫﻪﺭﻧﯩﯔ 8 ﺋﻰ ﺧﯩﺘﺎﻳﺪﺍ ﺑﻮﻟﯘﭖ، ﺧﯩﺘﺎﻳﻨﯩﯔ ﻫﺎﯞﺍ ﻛﯧﻠﯩﻤﺎﺗﯩﻨﯩﯔ ﺋﯚﺯﮔﯩﺮﯨﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺸﺘﺎ،ﻫﺎﻟﻘﯩﻠﯩﻖ ﺭﻭﻝ ﺋﻮﻳﻨﯩﻐﺎﻥ ﺧﯩﺘﺎﻱ ﺩﯙﻟﻪﺕ ﺭﻩﻫﺒﻪﺭﻟﯩﺮﻯ ﺑﯘﻧﺪﺍﻕ ﺷﺎﺭﺍﺋﯩﺖ ﺋﺎﺳﺘﯩﺪﺍ، ﻗﯘﺭﯗﻕ ﺷﯘﺋﺎﺭ ﺗﻮﯞﻻﺷﻨﻰ ﺗﻮﺧﺘﯩﺘﯩﭗ، ﺋﻪﻣﻪﻟﯩﻲ ﻫﻪﺭﯨﻜﯩﺘﯩﻨﻰ ﻛﯚﺭﺳﯩﺘﯩﺸﻰ ﻛﯧﺮﻩﻙ" ﺩﻩﭖ ﻳﯧﺰﯨﻠﻐﺎﻥ. (ﻣﯧﻬﺮﯨﺒﺎﻥ)