ﺩﯗﻧﻴﺎ ﺑﺎﻧﻜﯩﺴﯩﻨﯩﯔ ﺧﯩﺘﺎﻳﺪﺍ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﯞﻩ ﺗﯚﻟﯩﻨﯩﯟﺍﺗﻘﺎﻥ ﺑﻪﺩﻩﻝ ﺩﯦﮕﻪﻥ ﺩﻭﻛﻼﺗﻰ ﻫﻪﻗﻘﯩﺪﻩ ﺋﯩﻨﻜﺎﺳﻼﺭ

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

'ﭘﯘﻝ- ﻣﯘﺋﺎﻣﯩﻠﻪ ﯞﺍﻗﯩﺖ ﮔﯧﺰﯨﺘﻰ'ﺩﻩ، ﺩﯗﻧﻴﺎ ﺑﺎﻧﻜﯩﺴﻰ ﻳﯧﻘﯩﻨﺪﺍ 'ﺧﯩﺘﺎﻳﺪﺍ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﯞﻩ ﺗﯚﻟﯩﻨﯩﯟﺍﺗﻘﺎﻥ ﺑﻪﺩﻩﻝ' ﺩﯦﮕﻪﻥ ﺑﯩﺮ ﺩﻭﻛﻼﺗﻨﻰ ﺗﻪﻳﻴﺎﺭﻻﭖ ﭼﯩﻘﻘﺎﻧﻠﯩﻘﻰ، ﺑﯘ ﺩﻭﻛﻼﺗﺘﺎ 'ﺧﯩﺘﺎﻳﺪﺍ ﻫﺎﯞﺍ ﯞﻩ ﺳﯘﻧﯩﯔ ﺑﯘﻟﻐﯩﻨﯩﺸﻰ ﻫﻪﺭ ﻳﯩﻠﻰ 750 ﻣﯩﯔ ﺋﺎﺩﻩﻣﻨﯩﯔ ﺑﯩﺌﻪﺟﻪﻝ ﺋﯚﻟﯜﭖ ﻛﯧﺘﯩﺸﯩﮕﻪ ﺳﻪﯞﻩﺏ ﺑﻮﻟﯘﯞﺍﺗﯩﺪﯗ' ﺩﻩﭖ ﺑﺎﻳﺎﻥ ﻗﯩﻠﯩﻨﻐﺎﻧﻠﯩﻘﻰ ﺧﻪﯞﻩﺭ ﻗﯩﻠﯩﻨﻐﺎﻥ ﺋﯩﺪﻯ. ﺷﯘﻧﯩﯖﺪﯨﻦ ﻛﯧﻴﯩﻦ، ﺧﻪﻟﻘﺌﺎﺭﺍﺩﺍ ﺧﯩﺘﺎﻳﺪﺍ ﻫﺎﯞﺍ ﯞﻩ ﺳﯘﻧﯩﯔ ﺑﯘﻟﻐﯩﻨﯩﺸﯩﻐﺎ ﻗﺎﺭﯨﺘﺎ ﻛﯚﯕﯜﻝ ﺑﯚﻟﯜﯞﺍﺗﻘﺎﻥ ﻛﯩﺸﯩﻠﻪﺭ ﺑﺎﺭﻏﺎﻧﺴﯧﺮﻯ ﻛﯚﭘﯩﻴﯩﯟﺍﺗﯩﺪﯗ ﯞﻩ ﺟﯩﺪﺩﯨﻲ ﻣﯘﻧﺎﺯﯨﺮﻩ ﺩﺍﯞﺍﻡ ﻗﯩﻠﯩﯟﺍﺗﯩﺪﯗ.

ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺑﺎﻱ ﺑﻮﻟﺪﻯ، ﺧﻪﻟﻖ ﻗﯘﻝ ﺑﻮﻟﺪﻯ

ﺧﯩﺘﺎﻳﺪﯨﻜﻰ ﻣﻪﻟﯘﻡ ﺑﯩﺮ ﺷﻪﻫﻪﺭﺩﯨﻦ ﻳﯧﺰﯨﭗ ﺏ ﺏ ﺱ ﻧﯩﯔ ﺗﻮﺭ ﺑﯧﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﺋﻮﺑﺰﻭﺭﺩﺍ ﻣﯘﻧﺪﺍﻕ ﺩﻩﭖ ﺑﺎﻳﺎﻥ ﻗﯩﻠﯩﻨﯩﺪﯗ: ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺋﯚﺯﯨﻨﻰ ﺑﯧﻴﯩﺘﯩﺶ ﺋﯜﭼﯜﻥ، ﺯﺍﯞﯗﺗﻼﺭﺩﯨﻦ ﺋﺎﺟﺮﺍﻟﻐﺎﻥ ﺯﻩﻫﻪﺭﻟﯩﻚ ﮔﺎﺯﻻﺭﻧﻰ، ﺧﯘﺩﺩﻯ ﮔﯧﺘﻠﯧﺮ ﺟﺎﺯﺍ ﻻﮔﯧﺮﯨﻐﺎ ﻗﺎﻣﯩﯟﺍﻟﻐﺎﻥ ﻳﻪﻫﯘﺩﯨﻼﺭﻧﻰ ﺯﻩﻫﻪﺭﻟﻪﭖ ﺋﯚﻟﺘﯜﺭﯛﺵ ﺋﯜﭼﯜﻥ ﮔﺎﺯ ﻗﻮﻳﯘﭖ ﺑﻪﺭﮔﻪﻧﺪﻩﻙ، ﺑﯩﺰﻧﯩﯔ ﺋﺎﺳﻤﯩﻨﯩﻤﯩﺰﺩﯨﻜﻰ ﻫﺎﯞﺍﻏﺎ ﻗﻮﻳﯘﭖ ﺑﯧﺮﯨﯟﺍﺗﯩﺪﯗ. ﺯﺍﯞﯗﺗﻼﺭﺩﯨﻦ ﺋﺎﺟﺮﺍﻟﻐﺎﻥ ﺑﺎﺷﻘﺎ ﻗﺎﻟﺪﯗﻕ ﺯﻩﻫﻪﺭﻟﯩﻚ ﻣﺎﺩﺩﯨﻼﺭﻧﻰ ﺑﻮﻟﺴﺎ ﺩﻩﺭﻳﺎﻻﺭﻏﺎ، ﻛﯚﻟﻠﻪﺭﮔﻪ ﻗﻮﻳﯘﭖ ﺑﯧﺮﯨﯟﺍﺗﯩﺪﯗ.

ﺯﺍﯞﯗﺗﻼﺭﺩﯨﻦ ﻫﺎﯞﺍﻏﺎ ﻗﻮﻳﯘﭖ ﺑﯧﺮﯨﻠﮕﻪﻥ ﺯﻩﻫﻪﺭﻟﯩﻚ ﮔﺎﺯ ﺑﯩﻠﻪﻥ ﺋﺎﺩﻩﻣﻠﻪﺭﺩﻩ ﭘﻪﻳﺪﺍ ﺑﻮﻟﯘﯞﺍﺗﻘﺎﻥ ﻫﻪﺭﺧﯩﻞ ﺭﺍﻙ ﻛﯧﺴﻪﻟﻠﯩﻜﻠﯩﺮﯨﻨﻰ ﻫﺎﺯﯨﺮ ﻛﯚﺯﯨﻤﯩﺰ ﻛﯚﺭﯛﯞﺍﺗﯩﺪﯗ. ﭼﺎﯕﺠﻴﺎﯓ ﺩﻩﺭﻳﺎﺳﯩﺪﯨﻜﻰ، ﺗﻪﻳﺨﯘ ﻛﯚﻟﯩﺪﯨﻜﻰ ﺑﯘﻟﻐﯩﻨﯩﺸﻨﯩﻤﯘ ﻛﯚﺯﯨﻤﯩﺰ ﻛﯚﺭﯛﯞﺍﺗﯩﺪﯗ. ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﭘﻪﻳﺪﺍ ﻗﯩﻠﻐﺎﻥ ﻫﺎﯞﺍﺩﯨﻜﻰ، ﺳﯘﺩﯨﻜﻰ ﺑﯘﻟﻐﯩﻨﯩﺸﻼﺭ ﺧﻪﻟﻘﻨﻰ ﺗﻪﺩﺭﯨﺠﻰ ﻫﺎﻟﺪﺍ ﻫﺎﻳﺎﺗﯩﺪﯨﻦ ﺑﯩﺌﻪﺟﻪﻝ ﺋﺎﻳﺮﯨﯟﺍﺗﯩﺪﯗ. ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺑﯘﻧﻰ ﺑﯩﻠﻤﻪﻳﺪﯗ ﺋﻪﻣﻪﺱ، ﺋﯘ ﺋﺎﺩﻩﻡ ﺋﺎﻟﺪﺍﺷﻘﺎ ﺋﯘﺳﺘﺎ.

ﺑﯘﻧﯩﯖﺪﯨﻦ ﺑﯘﺭﯗﻥ، ﺳﺘﺎﻟﯩﻨﺪﯨﻦ ﺋﺎﻟﻐﺎﻥ ﻗﻪﺭﺯﻧﻰ ﺗﯚﻟﻪﺵ ﺋﯜﭼﯜﻥ ﺋﯩﺴﻜﯩﻼﺗﺘﯩﻜﻰ ﺋﺎﺷﻠﯩﻘﻨﻰ ﯞﯦﻴﺘﻨﺎﻣﻐﺎ ﺋﺎﭘﯩﺮﯨﭗ ﺑﯧﺮﯨﭗ، ﺟﯘﯕﮕﻮ ﺧﻪﻟﻘﯩﻨﻰ ﺋﺎﭼﺎﺭﭼﯩﻠﯩﻘﺘﺎ ﻗﺎﻟﺪﯗﺭﻏﺎﻧﺪﺍ، ﻫﯚﻛﯜﻣﻪﺕ ﺑﯩﺰﮔﻪ 'ﯞﯦﻴﺘﻨﺎﻣﻐﺎ ﻳﺎﺭﺩﻩﻡ' ﺑﻪﺭﺩﯗﻕ ﺩﻩﭖ ﮔﻪﭖ ﺗﻮﻗﯘﻣﯩﻐﺎﻧﻤﯩﺪﻯ؟ ﺩﯦﯔ ﺷﺎﯞﭘﯩﯔ ﺩﻩﯞﺭﯨﺪﯨﻦ ﻛﯧﻴﯩﻦ، ﻛﻮﻣﻤﯘﻧﯩﺴﺘﻼﺭ ﺩﯙﻟﻪﺗﻨﯩﯔ ﺋﻮﻣﯘﻡ ﻣﻪﻫﺴﯘﻻﺕ ﻗﯩﻤﻤﯩﺘﯩﻨﯩﯔ 90% ﻧﻰ ﺋﯚﺯﻟﯩﺮﻯ ﺋﯩﮕﯩﻠﯩﯟﯦﻠﯩﭗ ﺑﺎﻱ ﺑﻮﻟﺪﻯ، ﺋﯚﺯﻟﯩﺮﻯ ﺋﯜﭼﯜﻥ ﻫﻪﺷﻪﻣﻪﺗﻠﯩﻚ ﺋﯩﮕﯩﺰ ﺑﯩﻨﺎﻻﺭﻧﻰ ﺳﺎﻟﺪﻯ. ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺗﻪﺭﻩﻗﻘﻰ ﻗﯩﻠﺪﻯ، ﺧﻪﻟﻖ ﭼﯚﻛﯜﭖ ﻛﻪﺗﺘﻰ. 9 ﻳﯜﺯ ﻣﯩﻠﻴﻮﻥ ﺩﯦﻬﻘﺎﻥ ﻗﯘﻝ ﺑﻮﻟﺪﻯ. ﻫﺎﺯﯨﺮ ﺑﯘﻧﻰ 'ﺟﯘﯕﮕﻮﻧﻰ ﺗﻪﺭﻩﻗﻘﻰ ﻗﯩﻠﺪﯗﺭﺩﯗﻕ' ﺩﻩﯞﺍﺗﻤﺎﻣﺪﯗ؟ ﺳﻪﻧﺸﻰ، ﺧﯧﻨﻪﻥ، ﺳﯩﭽﯘﻩﻧﻠﻪﺭﺩﯨﻜﻰ ﻳﯧﺰﯨﻼﺭﻏﺎ، ﻛﯚﻣﯜﺭ ﻛﺎﻧﻼﺭﻏﺎ ، ﺯﺍﯞﯗﺗﻼﺭﻏﺎ ﺑﯧﺮﯨﭗ ﻛﯚﺭﯛﭖ ﺑﺎﻗﺴﺎﯕﻼﺭ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺩﻩﯞﺍﺗﻘﺎﻥ 'ﺗﻪﺭﻩﻗﻘﻰ ﻗﯩﻠﻐﺎﻥ ﺟﯘﯕﮕﻮ'ﻧﯩﯔ ﻗﺎﭖ- ﻗﺎﺭﺍﯕﻐﯘ ﺗﻪﺭﻩﭘﻠﯩﺮﯨﻨﻰ ﻛﯚﺭﯨﺴﯩﻠﻪﺭ.

ﻳﯜﺯ ﻣﯩﻠﻴﻮﻥ ﺧﯩﻴﺎﻧﻪﺗﭽﻰ ﺋﻪﻣﻪﻟﺪﺍﺭ ﯞﻩ ﻣﻪﻛﻜﺎﺭ ﺳﻮﺩﯨﮕﻪﺭﻟﻪﺭﻧﯩﯔ ﻫﻪﻣﻤﯩﺴﯩﻨﻰ ﭼﯚﻝ-ﺟﻪﺯﯨﺮﯨﻠﻪﺭﮔﻪ ﻗﻮﻏﻼﺵ ﻛﯧﺮﻩﻙ

ﺗﻮﻛﻴﻮﺩﯨﻦ ﻳﯧﺰﯨﭗ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺧﻪﻟﻘﺘﯩﻦ ﻛﯜﻧﺪﯨﻦ -ﻛﯜﻧﮕﻪ ﺋﺎﺷﯘﺭﯗﭖ ﺋﯧﻠﯩﯟﺍﺗﻘﺎﻥ ﺑﺎﺝ ﻣﯩﻘﺪﺍﺭﻯ ﺑﯩﻠﻪﻥ ﺧﻪﻟﻘﻨﯩﯔ ﺭﯨﺌﺎﻝ ﺗﯘﺭﻣﯘﺵ ﺳﻪﯞﯨﻴﯩﺴﻰ ﻣﺎﺱ ﻛﻪﻟﻤﻪﻳﺪﯗ. ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺧﻪﻟﻘﺘﯩﻦ ﺋﺎﻟﯩﺪﯨﻐﺎﻥ ﺑﺎﺟﻨﻰ ﺋﯩﭙﺘﯩﺪﺍﺋﻰ ﻣﻪﻫﺴﯘﻻﺕ ﺑﺎﺳﻘﯘﭼﯩﺪﯨﻦ ﺗﺎﺭﺗﯩﭗ ﻗﺎﺗﻤﯘ-ﻗﺎﺕ ﺋﺎﺷﯘﺭﯗﭖ ﺋﯧﻠﯩﯟﺍﺗﯩﺪﯗ. ﺋﻪﻣﻤﺎ ﭼﻮﯓ ﯞﻩ ﺋﻮﺗﺘﯘﺭﺍ ﻫﺎﻝ ﺷﯩﺮﻛﻪﺗﻠﻪﺭ ﺑﺎﺟﻨﻰ ﻛﺎﻡ ﺗﺎﭘﺸﯘﺭﯨﺪﯗ. ﺋﻪﻣﻪﻟﯩﻴﻪﺗﺘﻪ ﺋﯘﻻﺭ ﻛﺎﻡ ﺗﺎﭘﺸﯘﺭﻏﺎﻥ ﺑﺎﺝ ﻛﻮﻣﻤﯘﻧﯩﺴﺘﻼﺭﻧﯩﯔ ﻳﺎﻧﭽﯘﻗﯩﻐﺎ ﺑﯩﯟﺍﺳﺘﻪ ﻛﯩﺮﯨﭗ ﻛﯧﺘﯩﺪﯗ.

ﻫﺎﺯﯨﺮ ﻛﻮﻣﻤﯘﻧﯩﺴﺘﻼﺭﻧﯩﯔ ﺋﯧﻐﯩﺮ ﺯﯗﻟﯘﻣﻰ ﺋﺎﺳﺘﯩﺪﺍ ﺗﯘﺭﻏﺎﻥ ﺧﻪﻟﻖ ﭘﻪﻗﻪﺕ ﺋﯚﺯﻟﯩﺮﻯ ﺋﯜﭼﯜﻥ ﺋﻪﻗﻪﻟﻠﻰ ﺋﯩﺠﺘﯩﻤﺎﺋﯩﻲ ﻛﺎﭘﺎﻟﻪﺕ ﺑﻮﻟﯘﺷﯩﻨﯩﻼ ﺋﺎﺭﺯﯗ ﻗﯩﻠﯩﺪﯨﻐﺎﻥ ﺩﻩﺭﯨﺠﯩﮕﻪ ﭼﯜﺷﯜﭖ ﻗﺎﻟﺪﻯ. ﭼﯜﻧﻜﻰ ﻫﺎﺯﯨﺮ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺗﻪﺷﯟﯨﻖ ﻗﯩﻠﯩﯟﺍﺗﻘﺎﻥ 'ﺋﯩﺠﺘﯩﻤﺎﺋﯩﻲ ﺳﻮﻏﯘﺭﺗﺎ'، 'ﺩﺍﯞﺍﻟﯩﻨﯩﺶ ﺳﯘﻏﯘﺭﺗﯩﺴﻰ' ﺩﯦﮕﻪﻥ ﮔﻪﭘﻠﻪﺭ ﭘﯜﺗﯜﻧﻠﻪﻱ ﺋﺎﻟﺪﺍﻣﭽﯩﻠﯩﻖ. ﻛﻮﻣﻤﯘﻧﯩﺴﺖ ﺋﻪﻣﻪﻟﺪﺍﺭﻟﯩﺮﻯ ﺳﺎﻏﻼﻡ ﺗﯘﺭﻏﺎﻥ ﺧﻪﻟﻘﻨﯩﯔ ﺑﻪﺩﻩﻥ ﺋﻪﺯﺍﻟﯩﺮﯨﻨﻰ ﺋﯚﺯﯨﮕﻪ ﺋﺎﻟﻤﺎﺷﺘﯘﺭﺍﻻﻳﺪﯗ، ﺋﻪﻣﻤﺎ ﺋﺎﺩﻩﺗﺘﯩﻜﻰ ﺧﻪﻟﻖ ﺋﯘﻧﺪﺍﻕ ﻗﯩﻼﻟﻤﺎﻳﺪﯗ.

ﻣﻪﺯﻛﯘﺭ ﺋﻮﺑﺰﻭﺭﺩﺍ ﺗﻪﺷﻪﺑﺒﯘﺱ ﻗﯩﻠﯩﻨﯩﺸﯩﭽﻪ، ﺟﯘﯕﮕﻮﺩﺍ ﺑﯩﺮ ﻣﯩﻠﻴﺎﺭﺩ 400 ﻣﯩﻠﻴﻮﻥ ﺋﺎﺩﻩﻡ ﺑﺎﺭ، ﺋﻪﻣﻤﺎ ﺧﻪﻟﻖ ﺋﯩﮕﯩﻠﯩﻜﻰ ﺋﻮﻣﯘﻡ ﻣﻪﻫﺴﯘﻻﺕ ﻗﯩﻤﻤﯩﺘﯩﻨﯩﯔ ﻣﯘﺗﻠﻪﻕ ﻛﯚﭖ ﻗﯩﺴﻤﻰ ﻳﯜﺯ ﻣﯩﻠﻴﻮﻥ ﺧﯩﻴﺎﻧﻪﺗﭽﻰ ﺋﻪﻣﻪﻟﺪﺍﺭ ﺑﯩﻠﻪﻥ ﻣﻪﻛﻜﺎﺭ ﺳﻮﺩﯨﮕﻪﺭﻧﯩﯔ ﻗﻮﻟﯩﺪﺍ. ﺧﻪﻟﻖ ﺑﯘﻻﺭﻧﯩﯔ ﺯﯗﻟﯘﻣﯩﺪﯨﻦ ﺋﻪﺭﻛﯩﻦ ﻳﺎﺷﺎﺵ ﺋﯜﭼﯜﻥ، ﻣﯘﺷﯘ ﻛﯩﺸﯩﻠﻪﺭﻧﻰ ﺑﯩﺮﺍﻗﻼ ﭼﯚﻝ -ﺟﻪﺯﯨﺮﯨﻠﻪﺭﮔﻪ ﻗﻮﻏﻠﯩﯟﯨﺘﯩﺸﻰ ﻛﯧﺮﻩﻙ!

ﻟﯧﻨﯩﻦ، ﺳﺘﺎﻟﯩﻨﻼﺭﻏﺎ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﺳﻮﺗﺴﻴﺎﻟﯩﺰﻣﭽﯩﻼﺭ ﺑﯩﻠﻪﻥ ﺑﻮﻟﻐﺎﻥ ﭼﻮﯓ ﺋﯧﻠﯩﺸﯩﺸﺘﯩﻦ ﺧﺎﻟﻰ ﺑﻮﻟﻐﯩﻠﻰ ﺑﻮﻟﻤﺎﻳﺪﯗ

'ﻛﯚﺯﯨﺘﯩﺶ ﮊﯗﺭﻧﯩﻠﻰ'ﺩﺍ 7 ‏- ﺋﺎﻳﻨﯩﯔ 5 ‏- ﻛﯜﻧﻰ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺩﯦﯔ ﺷﺎﯞﭘﯩﯔ ﺯﺍﯞﺍﻟﻠﯩﻘﻘﺎ ﻳﯜﺯﻟﻪﻧﮕﻪﻥ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﻰ ﻗﯘﺗﻘﯘﺯﯗﺵ ﺋﯜﭼﯜﻥ 'ﻛﺎﭘﯩﺘﺎﻟﯩﺰﻡ ﻳﺎﻛﻰ ﺳﻮﺗﺴﻴﺎﻟﯩﺰﻡ ﺑﻮﻟﯘﺷﯩﺪﯨﻦ ﻗﻪﺗﺌﻰ ﻧﻪﺯﻩﺭ، ﺋﯩﻘﺘﯩﺴﺎﺩ ﺗﻪﺭﻩﻗﻘﻰ ﻗﯩﻠﺪﯗﺭﯗﻟﺴﯩﻼ ﺑﻮﻟﺪﻯ' ﺩﯦﮕﻪﻧﺪﯨﻦ ﻛﯧﻴﯩﻦ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺋﻪﺯﺍﻟﯩﺮﻯ ﺑﺎﻱ ﺑﻮﻟﯘﺷﻘﺎ ﺑﺎﺷﻠﯩﺪﻯ.

1992 ‏- ﻳﯩﻠﻰ ﺩﯦﯔ ﺷﺎﯞﭘﯩﯔ ﻳﻪﻧﻪ 'ﺗﻪﺭﻩﻗﻘﻰ ﻗﯩﻠﺪﯗﺭﯗﺵ ﺋﻪﯓ ﻛﯜﭼﻠﯜﻙ ﺗﻪﺩﺑﯩﺮ' ﺩﻩﭖ ﻗﺎﻳﺘﯩﺪﯨﻦ ﺗﻪﻛﯩﺘﻠﯩﮕﻪﻧﺪﯨﻦ ﻛﯧﻴﯩﻦ، ﺳﻮﺗﺴﯩﻴﺎﻟﯩﺰﻣﻨﯩﯔ ﻗﯧﭙﯩﺪﯨﻦ ﭼﯩﻘﯩﭗ، ﻛﺎﭘﯩﺘﺎﻟﯩﺰﻣﻨﯩﯔ ﻗﯧﭙﯩﻐﺎ ﻛﯩﺮﯨﯟﺍﻟﻐﺎﻥ ﻛﻮﻣﻤﯘﻧﯩﺴﺖ ﺑﺎﻳﻠﯩﺮﻯ، ﻳﯧﺰﯨﻼﺭﺩﯨﻜﻰ ﺗﯧﺮﯨﻠﻐﯘ ﻳﻪﺭﻟﯩﺮﯨﻨﻰ ﺋﯩﮕﯩﻠﻪﭖ ﻫﻪﺷﻪﻣﻪﺗﻠﯩﻚ ﺑﯩﻨﺎﻻﺭﻧﻰ ﺳﯧﻠﯩﺸﻘﺎ، ﺯﺍﯞﯗﺗﻼﺭﻧﻰ ﻗﯘﺭﯗﺷﻘﺎ ﺑﺎﺷﻠﯩﺪﻯ. ﻣﺎﻧﺎ ﻫﺎﺯﯨﺮ ﺧﯩﺘﺎﻳﺪﺍ ﺑﺎﻳﻼﺭ ﺑﯩﻠﻪﻥ ﻧﺎﻣﺮﺍﺗﻼﺭﻧﯩﯔ ﭼﯧﮕﺮﯨﺴﻰ ﺋﯧﻨﯩﻖ ﺋﺎﻳﺮﯨﻠﺪﻯ. ﻫﺎﺯﯨﺮﻗﻰ ﺗﻪﺭﻩﻗﻘﯩﻴﺎﺕ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺋﻪﺧﻼﻗﺴﯩﺰﻟﯩﻘﻘﺎ، ﺧﯩﻴﺎﻧﻪﺗﭽﯩﻠﯩﻚ-ﭘﺎﺭﯨﺨﻮﺭﻟﯘﻗﻘﺎ ﺗﺎﻳﯩﻨﯩﭗ ﭘﻪﻳﺪﺍ ﻗﯩﻠﻐﺎﻥ ﺗﻪﺭﻩﻗﻘﯩﻴﺎﺕ.

ﻣﻪﺯﻛﯘﺭ ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺑﯘ ﺧﻮﯕﻜﻮﯕﻨﯩﯔ ﺋﻪﯓ ﺋﺎﺧﯩﺮﻗﻰ ﺑﺎﺵ ﺗﻪﭘﺘﯩﺸﻰ ﭘﯧﯔ ﺩﯨﯖﻜﺎﯕﻨﯩﯔ ﺗﻪﻫﻠﯩﻠﻰ. ﺑﯘ ﺋﻪﺭﺑﺎﺑﻨﯩﯔ ﻗﺎﺭﯨﺸﯩﭽﻪ، ﻟﯧﻨﯩﻦ، ﺳﺘﺎﻟﯩﻨﻼﺭﻏﺎ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﺳﻮﺗﺴﻴﺎﻟﯩﺰﻣﭽﯩﻼﺭ، ﻣﻪﻳﻠﻰ ﻧﯧﻤﯩﻨﯩﯔ ﻗﯧﭙﯩﻐﺎ ﻛﯩﺮﯨﯟﺍﻟﻤﯩﺴﯘﻥ، ﺩﯗﻧﻴﺎﻧﯩﯔ ﺋﯘﻻﺭ ﺑﯩﻠﻪﻥ ﻫﺎﻣﺎﻥ ﺑﯩﺮ ﻗﯧﺘﯩﻢ ﭼﻮﯓ ﺋﯧﻠﯩﺸﯩﺪﯨﻐﺎﻧﻠﯩﻘﯩﺪﯨﻦ ﺧﺎﻟﻰ ﺑﻮﻟﻐﯩﻠﻰ ﺑﻮﻟﻤﺎﻳﺪﯗ.

ﺧﻪﯞﻩﺭ ﺋﺎﺭﺧﯩﭙﻰ

ﺩﯗﻧﻴﺎ ﺑﺎﻧﻜﯩﺴﻰ ﺗﻪﻳﻴﺎﺭﻟﯩﻐﺎﻥ 'ﺧﯩﺘﺎﻳﺪﺍ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﯞﻩ ﺗﯚﻟﯩﻨﯩﯟﺍﺗﻘﺎﻥ ﺑﻪﺩﻩﻝ' ﺩﯦﮕﻪﻥ ﺩﻭﻛﻼﺗﺘﺎ 'ﺧﯩﺘﺎﻳﺪﺍ ﻫﺎﯞﺍ ﯞﻩ ﺳﯘﻧﯩﯔ ﺑﯘﻟﻐﯩﻨﯩﺸﻰ ﭘﻪﻳﺪﺍ ﻗﯩﻠﻐﺎﻥ ﻛﯧﺴﻪﻟﻠﯩﻜﻠﻪﺭ ﻫﻪﺭ ﻳﯩﻠﻰ 750 ﻣﯩﯔ ﺋﺎﺩﻩﻣﻨﯩﯔ ﺑﯩﺌﻪﺟﻪﻝ ﺋﯚﻟﯜﭖ ﻛﯧﺘﯩﺸﯩﮕﻪ ﺳﻪﯞﻩﺏ ﺑﻮﻟﯘﯞﺍﺗﯩﺪﯗ' ﺩﻩﭖ ﺑﺎﻳﺎﻥ ﻗﯩﻠﯩﻨﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺧﻪﯞﻩﺭ ﺩﻩﺳﻠﻪﭘﺘﻪ 7 ‏- ﺋﺎﻳﻨﯩﯔ 2 - ﻛﯜﻧﻰ، ﺧﻪﻟﻘﺌﺎﺭﺍﺩﯨﻜﻰ ﻣﻪﺷﻬﯘﺭ ﮔﯧﺰﯨﺘﻠﻪﺭﻧﯩﯔ ﺑﯩﺮﻯ ﺑﻮﻟﻐﺎﻥ 'ﭘﯘﻝ -ﻣﯘﺋﺎﻣﯩﻠﻪ ﯞﺍﻗﯩﺖ ﮔﯧﺰﯨﺘﻰ' ﺩﻩ ﺋﯧﻼﻥ ﻗﯩﻠﯩﻨﻐﺎﻥ ﺋﯩﺪﻯ.

7 ‏- ﺋﺎﻳﻨﯩﯔ 3 ‏- ﻛﯜﻧﯩﺪﯨﻜﻰ ﺏ ﺏ ﺱ ﻧﯩﯔ ﺧﻪﯞﯨﺮﯨﺪﻩ، ﺩﯗﻧﻴﺎ ﺑﺎﻧﻜﯩﺴﻰ ﺧﯩﺘﺎﻳﻨﯩﯔ ﺗﻪﺗﻘﯩﻘﺎﺕ ﺋﻮﺭﮔﺎﻧﻠﯩﺮﻯ ﺑﯩﻠﻪﻥ ﺑﯩﺮﻟﯩﻜﺘﻪ ﺗﻪﺗﻘﯩﻖ ﻗﯩﻠﯩﭗ 'ﺧﯩﺘﺎﻳﺪﺍ ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﻰ ﯞﻩ ﺗﯚﻟﯩﻨﯩﯟﺍﺗﻘﺎﻥ ﺑﻪﺩﻩﻝ' ﺩﯦﮕﻪﻥ ﺩﻭﻛﻼﺗﻨﻰ ﺗﻪﻳﻴﺎﺭﻻﭖ ﭼﯩﻘﻘﺎﻧﻠﯩﻘﯩﻨﻰ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﺩﻭﻛﻼﺗﺘﯩﻜﻰ ﺑﻪﺯﻯ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻧﻰ ﺋﯧﻼﻥ ﻗﯩﻠﯩﺸﻘﺎ ﺟﯩﺪﺩﯨﻲ ﺗﻮﺳﻘﯘﻧﻠﯘﻕ ﻗﯩﻠﻐﺎﻧﻠﯩﻘﯩﻨﻰ، ﺑﯘ ﺩﻭﻛﻼﺗﺘﯩﻜﻰ ﺑﻪﺯﻯ ﺳﺎﻧﻠﯩﻖ ﻣﻪﻟﯘﻣﺎﺗﻼﺭ 'ﺟﻪﻣﺌﯩﻴﻪﺗﺘﻪ ﺩﺍﯞﺍﻟﻐﯘﺵ ﭘﻪﻳﺪﺍ ﻗﯩﻠﯩﺸﻰ ﻣﯘﻣﻜﯩﻦ' ﺩﻩﭖ ﺳﻪﯞﻩﺏ ﻛﯚﺭﺳﻪﺗﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﺪﻯ.

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ 7 ‏- ﺋﺎﻳﻨﯩﯔ 5 ‏- ﻛﯜﻧﻰ ﺑﯧﻴﺠﯩﯖﺪﯨﻦ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﭼﯩﻦ ﮔﺎﯓ ﺧﯩﺘﺎﻱ ﻫﯚﻛﯜﻣﯩﺘﻰ ﺩﯗﻧﻴﺎ ﺑﺎﻧﻜﯩﺴﯩﻨﯩﯔ ﺩﻭﻛﻼﺗﯩﺪﯨﻜﻰ ﺑﻪﺯﻯ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻧﻰ ﺋﯧﻼﻥ ﻗﯩﻠﯩﺸﻘﺎ ﺗﻮﺳﻘﯘﻧﻠﯘﻕ ﻗﯩﻠﻐﺎﻧﻠﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﻤﺎﻱ 'ﺟﯘﯕﮕﻮ ﻫﯚﻛﯜﻣﯩﺘﻰ ﺩﯗﻧﻴﺎ ﺑﺎﻧﻜﯩﺴﻰ ﺗﻪﻟﻪﭖ ﻗﯩﻠﻐﺎﻥ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻧﻰ ﻛﯧﭽﯩﻜﺘﯜﺭﮔﯩﻨﻰ ﻳﻮﻕ. ﺩﯗﻧﻴﺎ ﺑﺎﻧﻜﯩﺴﯩﻨﯩﯔ ﺩﻭﻛﻼﺗﯩﺪﯨﻜﻰ ﺑﻪﺯﻯ ﻣﻪﺳﯩﻠﯩﻠﻪﺭ ﺗﯧﺨﯩﭽﻪ ﻣﯘﺯﺍﻛﯩﺮﻩ ﻗﯩﻠﯩﻨﯩﯟﺍﺗﯩﺪﯗ' ﺩﯦﮕﻪﻥ. (ﯞﻩﻟﻰ)