ﺧﯩﺘﺎﻱ ﻫﯚﻛﯜﻣﯩﺘﻰ ﻣﯘﻫﯩﺘﻨﻰ ﻗﻮﻏﺪﺍﺵ ﻫﻪﻗﻘﯩﺪﻩ ﻣﻪﺧﺴﯘﺱ ﺋﺎﻕ ﺗﺎﺷﻠﯩﻖ ﻛﯩﺘﺎﺏ ﺋﯧﻼﻥ ﻗﯩﻠﺪﻯ
2006-06-06
ﺩﯗﻧﻴﺎ ﻣﯘﻫﯩﺖ ﻛﯜﻧﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻥ ﺑﯘ ﺋﺎﻕ ﺗﺎﺷﻠﯩﻖ ﻛﯩﺘﺎﺑﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻱ ﺋﯩﻘﺘﯩﺴﺎﺩﯨﻨﯩﯔ ﺗﻪﺭﻩﻗﻘﻰ ﻗﯩﻠﯩﺸﻰ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﻣﯘﻫﯩﺖ ﯞﻩ ﺗﻪﺭﻩﻗﻘﯩﻴﺎﺕ ﺋﻮﺗﺘﯘﺭﯨﺴﯩﺪﯨﻜﻰ ﺯﯨﺪﺩﯨﻴﻪﺕ ﺑﺎﺭﻏﺎﻧﺴﯧﺮﻯ ﻛﯜﭼﻪﻳﮕﻪﻥ ﺑﻮﻟﯘﭖ، ﻣﻪﺑﻠﻪﻍ ﻳﯧﺘﯩﺸﻤﻪﺳﻠﯩﻚ، ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺖ ﻧﺎﭼﺎﺭﻟﯩﺸﯩﺶ، ﺋﻮﻛﺴﯩﮕﯧﻦ ﻣﯩﻘﺪﺍﺭﯨﻨﯩﯔ ﻳﯧﺘﻪﺭﺳﯩﺰ ﺑﻮﻟﯘﺷﻰ ﻗﺎﺗﺎﺭﻟﯩﻖ ﻣﻪﺳﯩﻠﯩﻠﻪﺭ ﺧﯩﺘﺎﻱ ﺗﻪﺭﻩﻗﻘﯩﻴﺎﺗﯩﺪﯨﻜﻰ ﺯﻭﺭ ﻣﻪﺳﯩﻠﯩﻠﻪﺭﮔﻪ ﺋﺎﻳﻼﻧﻐﺎﻥ.
ﻣﻪﺯﻛﯘﺭ ﺋﺎﻕ ﺗﺎﺷﻠﯩﻖ ﻛﯩﺘﺎﺑﺘﺎ ﻳﻪﻧﻪ، 1996 - ﻳﯩﻠﯩﺪﯨﻦ ﺑﯘﻳﺎﻥ ﺧﯩﺘﺎﻳﺪﺍ ﺑﯧﻜﯩﺘﯩﻠﮕﻪﻥ ﻣﯘﻫﯩﺘﻨﻰ ﻗﻮﻏﺪﺍﺵ ﻫﻪﻗﻘﯩﺪﯨﻜﻰ ﺑﯩﺮ ﻳﯜﺭﯛﺵ ﻗﺎﻧﯘﻥ -ﺑﻪﻟﮕﯩﻠﯩﻤﯩﻠﻪﺭ، ﺑﯘ ﻫﻪﻗﺘﻪ ﻗﻮﻟﻼﻧﻐﺎﻥ ﭼﺎﺭﻩ - ﺗﻪﺩﺑﯩﺮﻟﻪﺭﻣﯘ ﺗﻪﻛﯩﺘﻠﻪﻧﮕﻪﻥ ﺑﻮﻟﯘﭖ، ﺧﯩﺘﺎﻳﺪﯨﻜﻰ ﻫﯚﻛﯜﻣﻪﺗﻜﻪ ﻗﺎﺭﺍﺷﻠﯩﻖ ﺑﻮﻟﻤﯩﻐﺎﻥ ﻣﯘﻫﯩﺘﻨﻰ ﻗﻮﻏﺪﺍﺵ ﺗﻪﺷﻜﯩﻼﺗﻠﯩﺮﯨﻨﯩﯔ ﻣﯩﯖﺪﯨﻦ ﺋﯧﺸﯩﭗ ﻛﻪﺗﻜﻪﻧﻠﯩﻜﻰ ﻣﻪﻟﯘﻡ ﻗﯩﻠﯩﻨﻐﺎﻥ.
ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﻨﯩﯔ ﻧﺎﭼﺎﺭﻟﯩﺸﯩﺸﻘﺎ ﻗﺎﺭﺍﭖ ﻣﯧﯖﯩﺸﯩﻨﻰ ﺗﻮﺳﺎﻟﻤﯩﻐﺎﻥ
ﺩﯗﻧﻴﺎ ﻣﯘﻫﯩﺖ ﻛﯜﻧﯩﺪﻩ ﺧﯩﺘﺎﻱ ﺩﯙﻟﻪﺕ ﻛﺎﺑﯧﻨﺘﻰ ﺋﺎﻕ ﺗﺎﺷﻠﯩﻖ ﻛﯩﺘﺎﺏ ﺋﯧﻼﻥ ﻗﯩﻠﯩﺶ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺧﯩﺘﺎﻱ ﻣﯘﻫﯩﺘﻨﻰ ﻗﻮﻏﺪﺍﺵ ﻛﻮﻣﯩﺘﯧﺘﯩﻤﯘ ﺧﯩﺘﺎﻳﺪﯨﻜﻰ ﻣﯘﻫﯩﺖ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﻣﻪﺧﺴﯘﺱ ﺩﻭﻛﻼﺕ ﺋﯧﻼﻥ ﻗﯩﻠﺪﻯ. ﻣﻪﺯﻛﯘﺭ ﺩﻭﻛﻼﺗﺘﺎ "ﮔﻪﺭﭼﻪ ﻫﯚﻛﯜﻣﻪﺕ ﻳﯩﻠﻼﺭﺩﯨﻦ ﺑﯘﻳﺎﻥ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﻘﺎ ﻛﯚﯕﯜﻝ ﺑﯚﻟﯜﭖ ﻛﯧﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﻣﻪﺑﻠﻪﻍ ﯞﻩ ﺭﺍﻳﻮﻥ ﭘﻪﺭﻗﻰ ﺗﯜﭘﻪﻳﻠﯩﺪﯨﻦ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﻨﯩﯔ ﻧﺎﭼﺎﺭﻟﯩﺸﯩﺸﻘﺎ ﻗﺎﺭﺍﭖ ﻣﯧﯖﯩﺸﯩﻨﻰ ﻳﻪﻧﯩﻼ ﺗﻮﺳﯘﭖ ﻗﺎﻻﻟﻤﯩﻐﺎﻥ " ﺩﻩﭖ ﻛﯚﺭﺳﯩﺘﯩﻠﮕﻪﻥ.
ﺑﯘ ﻳﯩﻠﻘﻰ ﺩﯗﻧﻴﺎ ﻣﯘﻫﯩﺖ ﻛﯜﻧﯩﻨﯩﯔ ﺋﺎﺳﺎﺳﯩﻲ ﺗﯧﻤﯩﺴﻰ "ﺑﻮﺯ ﻳﻪﺭﻟﻪﺭﻧﯩﯔ ﭼﯚﻟﻠﯩﺸﯩﺸﯩﻨﻰ ﺗﻮﺳﯘﺵ" ﺩﻩﭖ ﺑﯧﻜﯩﺘﯩﻠﮕﻪﻥ. ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺑﺎﺵ ﻛﺎﺗﯩﭙﻰ ﻛﻮﻓﻰ ﺋﺎﻧﻨﺎﻥ ﺩﯙﺷﻪﻧﺒﻪ ﻛﯜﻧﯩﺪﯨﻜﻰ ﺩﯗﻧﻴﺎ ﻣﯘﻫﯩﺖ ﻛﯜﻧﻰ ﺑﻪﺭﮔﻪﻥ ﺩﻭﻛﻼﺗﯩﺪﺍ "ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﻧﺎﻣﺮﺍﺗﻠﯩﻖ، ﻧﻮﺭﻣﺎﻟﺴﯩﺰ ﺗﯘﭘﺮﺍﻕ ﺑﺎﺷﻘﯘﺭﯗﺵ ﺋﯘﺳﯘﻟﻠﯩﺮﻯ ﯞﻩ ﻫﺎﯞﺍ ﻛﯧﻠﯩﻤﺎﺗﯩﻨﯩﯔ ﺋﯚﺯﮔﯩﺮﯨﺸﻰ ﻗﺎﺗﺎﺭﻟﯩﻘﻼﺭ ﺑﻮﺯ ﻳﻪﺭﻟﻪﺭﻧﯩﯔ ﭼﯚﻟﻠﯩﺸﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻣﺎﻗﺘﺎ. ﺑﯘ ﺧﯩﻞ ﭼﯚﻟﻠﯜﻛﻜﻪ ﺋﺎﻳﻠﯩﻨﯩﺶ ﻧﺎﻣﺮﺍﺗﻠﯩﻘﻨﻰ ﺗﯧﺨﯩﻤﯘ ﻛﯜﭼﻪﻳﺘﻤﻪﻛﺘﻪ " ﺩﻩﭖ ﻛﯚﺭﺳﻪﺗﻜﻪﻥ. ﺋﯘ ﻳﻪﻧﻪ "ﺑﻮﺯ ﻳﻪﺭﻟﻪﺭﻧﯩﯔ ﭼﯧﻜﯩﻨﯩﺸﻰ ﯞﻩ ﻛﯜﻧﺴﯧﺮﻯ ﻛﯧﻤﯩﻴﯩﯟﺍﺗﻘﺎﻥ ﻣﻪﺑﻠﻪﻍ ﻣﻪﺳﯩﻠﯩﺴﻰ ﺭﺍﻳﻮﻧﻼﺭ ﺋﻮﺗﺘﯘﺭﯨﺴﯩﺪﯨﻜﻰ ﺗﻮﻗﯘﻧﯘﺷﻼﺭﻧﻰ ﺗﯧﺨﯩﻤﯘ ﻛﯜﭼﻪﻳﺘﯩﺪﯗ " ﺩﻩﭖ ﺑﯩﻠﺪﯛﺭﮔﻪﻥ.
ﺧﯩﺘﺎﻳﺪﯨﻜﻰ ﺋﯩﺴﻤﯩﻨﻰ ﻣﻪﻟﯘﻡ ﻗﯩﻠﯩﺸﻨﻰ ﺧﺎﻟﯩﻤﯩﻐﺎﻥ ﺑﯩﺮ ﻣﯘﻫﯩﺖ ﻣﯘﺗﻪﺧﻪﺳﺴﯩﺲ "ﺧﯩﺘﺎﻳﺪﯨﻜﻰ ﻣﯘﻫﯩﺘﻨﯩﯔ ﻛﯜﻧﺴﯧﺮﻯ ﻧﺎﭼﺎﺭﻟﯩﺸﯩﺸﻘﺎ ﻗﺎﺭﺍﭖ ﻣﯧﯖﯩﺸﻰ ﺑﯩﺮ ﺋﻪﻣﻪﻟﯩﻴﻪﺗﻜﻪ ﺋﺎﻳﻠﯩﻨﯩﭗ، ﺧﯩﺘﺎﻱ ﻫﯚﻛﯜﻣﯩﺘﻰ ﻳﻮﺷﯘﺭﺍﻟﻤﯩﻐﯩﺪﻩﻙ ﻫﺎﻟﻪﺗﻜﻪ ﻳﻪﺗﺘﻰ. ﻣﻪﺳﯩﻠﻪﻥ، ﻫﺎﺯﯨﺮ ﺧﯩﺘﺎﻳﺪﺍ ﻫﺎﯞﺍ ﯞﻩ ﺳﯘﻧﯩﯔ ﺑﯘﻟﻐﯩﻨﯩﺸﻰ ﺋﯩﻨﺘﺎﻳﯩﻦ ﺋﯧﻐﯩﺮ ﺩﻩﺭﯨﺠﯩﺪﻩ ﺑﻮﻟﻤﺎﻗﺘﺎ. ﺑﯘﻧﯩﯖﻐﺎ ﻗﻮﺷﯘﻟﯘﭖ ﻳﺎﻳﻼﻗﻼﺭﻧﯩﯔ ﭼﯚﻟﻠﯩﺸﯩﺶ ﻣﻪﺳﯩﻠﯩﺴﯩﻤﯘ ﻧﺎﻫﺎﻳﯩﺘﻰ ﺋﯧﻐﯩﺮ. ﺑﯘ ﺧﯩﻞ ﻫﺎﻟﻪﺗﻨﯩﯔ ﻛﯧﻠﯩﭗ ﭼﯩﻘﯩﺸﻰ ﺑﯩﺮ ﻛﯧﭽﯩﺪﯨﻼ ﻳﯜﺯ ﺑﻪﺭﮔﻪﻥ ﺋﯩﺶ ﺋﻪﻣﻪﺱ، ﺷﯘﯕﺎ ﺑﯘ ﻣﻪﺳﯩﻠﯩﻨﻰ ﻫﻪﻝ ﻗﯩﻠﯩﺸﻤﯘ ﺋﺎﺳﺎﻧﻐﺎ ﺗﻮﺧﺘﯩﻤﺎﻳﺪﯗ" ﺩﻩﭖ ﻛﯚﺭﺳﻪﺗﺘﻰ.
ﻳﻪﺭﻧﯩﯔ ﺑﯘﺯﯗﻟﯘﺵ ﻣﻪﺳﯩﻠﯩﺴﻰ ﺋﯧﻐﯩﺮ
ﺧﯩﺘﺎﻱ ﻣﯘﻫﯩﺘﻨﻰ ﻗﻮﻏﺪﺍﺵ ﻛﻮﻣﯩﺘﯧﺘﻰ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻳﺪﺍ ﻫﺎﺯﯨﺮ ﺗﻪﺑﯩﺌﯩﻲ ﻧﻪﻡ ﻳﻪﺭﻧﯩﯔ ﻛﯚﻟﯩﻤﻰ ﺑﺎﺭﻏﺎﻧﺴﯧﺮﻯ ﺋﺎﺯﯨﻴﯩﭗ ﻳﻮﻗﺎﭖ ﻛﯧﺘﯩﺶ ﺋﺎﻟﺪﯨﺪﺍ ﻗﺎﻟﻐﺎﻥ. ﺑﻮﺯ ﻳﻪﺭﻟﻪﺭﻧﯩﯔ ﭼﯧﻜﯩﻨﯩﺶ ﺋﻪﻫﯟﺍﻟﯩﻤﯘ ﺋﯩﻨﺘﺎﻳﯩﻦ ﺋﯧﻐﯩﺮ ﺑﻮﻟﯘﭖ، ﺧﯩﻤﯩﻴﯩﯟﻯ ﺋﻮﻏﯘﺕ ﯞﻩ ﺩﯦﻬﻘﺎﻧﭽﯩﻠﯩﻖ ﺩﻭﺭﯨﻠﯩﺮﯨﻨﯩﯔ ﻛﯚﭘﻠﻪﭖ ﺋﯩﺸﻠﯩﺘﯩﻠﯩﺸﻰ ﻳﯧﺰﺍ ﺋﯩﮕﯩﻠﯩﻚ ﺋﯩﺸﻠﻪﭘﭽﯩﻘﯩﺮﯨﺸﻰ ﯞﻩ ﺗﻪﺑﯩﺌﯩﻲ ﻣﯘﻫﯩﺘﻘﺎ ﺯﻭﺭ ﺯﯨﻴﺎﻥ ﻳﻪﺗﻜﯜﺯﻣﻪﻛﺘﻪ. ﺑﯘﻻﺭﺩﯨﻦ ﺑﺎﺷﻘﺎ، ﻫﺎﺯﯨﺮ ﻫﻪﺭ ﻗﺎﻳﺴﻰ ﺷﻪﻫﻪﺭﻟﻪﺭﺩﻩ ﺳﯘ ﻣﻪﺑﻠﯩﻐﻰ ﺋﯩﻨﺘﺎﻳﯩﻦ ﻛﻪﻡ ﺑﻮﻟﻐﺎﻧﻠﯩﻘﺘﯩﻦ، ﻳﯧﺰﺍ ﺋﯩﮕﯩﻠﯩﻚ ﯞﻩ ﭼﺎﺭﯞﯨﭽﯩﻠﯩﻖ ﺳﺎﻫﻪﺳﯩﺪﯨﻜﻰ ﺑﯘﻟﻐﯩﻨﯩﺶ ﻣﻪﺳﯩﻠﯩﺴﻰ ﺳﻪﻝ ﻗﺎﺭﺍﺷﻘﺎ ﺑﻮﻟﻤﺎﻳﺪﯨﻐﺎﻥ ﻫﺎﻟﻪﺗﻜﻪ ﻳﻪﺗﻜﻪﻥ.
ﺧﯩﺘﺎﻱ ﺩﯙﻟﻪﺕ ﻣﯘﻫﯩﺘﻨﻰ ﻗﻮﻏﺪﺍﺵ ﺑﺎﺵ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ ﺯﯗ ﮔﯘﺋﺎﯕﻴﺎﯞ ﺩﯙﺷﻪﻧﺒﻪ ﻛﯜﻧﻰ ﺋﯧﭽﯩﻠﻐﺎﻥ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﺪﺍ ﻣﯘﻫﯩﺘﻨﻰ ﻗﻮﻏﺪﺍﺵ ﯞﻩ ﺗﻪﺭﻩﻗﻘﯩﻴﺎﺕ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺕ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، "ﺋﻪﮔﻪﺭ ﺋﯩﻘﺘﯩﺴﺎﺩ ﺑﻪﻙ ﺗﯧﺰ ﺳﯜﺭﻩﺗﺘﻪ ﺗﻪﺭﻩﻗﻘﯩﻲ ﻗﯩﻠﯩﭗ ﻛﻪﺗﺴﻪ، ﻣﯘﻫﯩﺖ ﻣﻪﺑﻠﯩﻐﯩﻐﻪ ﺯﻭﺭ ﺑﯧﺴﯩﻢ ﺋﯧﻠﯩﭗ ﻛﯧﻠﯩﺪﯗ. ﺷﯘﻧﯩﯔ ﺑﯩﻠﻪﻥ ﺑﯘ ﺧﯩﻞ ﻣﯘﻫﯩﺘﻨﯩﯔ ﺑﻪﺩﻩﻝ ﺗﯚﻟﯩﺸﻰ ﺑﯩﻠﻪﻥ ﻗﻮﻟﻐﺎ ﻛﻪﻟﺘﯜﺭﮔﻪﻥ ﺗﻪﺭﻩﻗﻘﯩﻴﺎﺗﻤﯘ ﺋﯘﺯﯗﻥ ﯞﺍﻗﯩﺖ ﺩﺍﯞﺍﻣﻠﯩﺸﺎﻟﻤﺎﻳﺪﯗ " ﺩﻩﭖ ﻛﯚﺭﺳﻪﺗﻜﻪﻥ.
ﻣﯘﻫﯩﻢ ﻣﻪﺳﯩﻠﻪ - ﻣﯘﻫﯩﺘﻘﺎ ﺋﺎﺋﯩﺖ ﺗﯜﺯﯛﻡ ﯞﻩ ﺑﻪﻟﮕﯩﻠﯩﻤﯩﻠﻪﺭﻧﯩﯔ ﺋﻪﻣﻪﻟﯩﻴﻠﯩﺸﯩﺸﻰ
ﺧﯩﺘﺎﻱ ﺩﯙﻟﻪﺕ ﻣﯘﻫﯩﺘﻨﻰ ﻗﻮﻏﺪﺍﺵ ﺑﺎﺵ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ ﺯﯗ ﮔﯘﺍﯕﻴﺎﯞ ﺳﯚﺯﯨﺪﻩ ﻳﻪﻧﻪ "ﻫﺎﺯﯨﺮﻗﻰ ﺋﻪﯓ ﻣﯘﻫﯩﻢ ﻣﻪﺳﯩﻠﻪ، ﻣﻪﺭﻛﯩﺰﯨﻲ ﻛﻮﻣﯩﺘﯧﺖ ﺗﻪﺭﯨﭙﯩﺪﯨﻦ ﺑﯧﻜﯩﺘﯩﻠﮕﻪﻥ ﻣﯘﻫﯩﺘﻘﺎ ﺋﺎﺋﯩﺖ ﺗﯜﺯﯛﻡ ﯞﻩ ﺑﻪﻟﮕﯩﻠﯩﻤﯩﻠﻪﺭﻧﻰ ﻳﻪﺭﻟﯩﻚ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﯨﻨﯩﯔ ﺋﯩﺰﭼﯩﻞ ﺋﯩﺠﺮﺍ ﻗﯩﻠﯩﺶ ﻳﺎﻛﻰ ﻗﯩﻼﻟﻤﺎﺳﻠﯩﻘﻰ ﺑﻮﻟﯘﭖ ﻗﺎﻟﺪﻯ. ﻳﻪﺭﻟﯩﻚ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﻯ ﺋﯚﺯﻟﯩﺮﯨﻨﯩﯔ ﺳﯩﻴﺎﺳﯩﻲ ﺗﯚﻫﭙﯩﻠﯩﺮﯨﻨﻰ ﺩﺍﯞﺍﻣﻠﯩﻖ ﻫﺎﻟﺪﺍ ﺋﯩﻘﺘﯩﺴﺎﺩﻧﯩﯔ ﺗﻪﺭﻩﻗﻘﯩﻲ ﻗﯩﻠﯩﺸﯩﻐﺎ ﻗﺎﺭﺍﭖ ﺑﻪﻟﮕﯩﻠﻪﻳﺪﯗ. ﺷﯘﯕﺎ ﺋﯘﻻﺭ "ﻣﯘﻫﯩﺘﻨﻰ ﻗﻮﻏﺪﺍﺵ ﻫﻪﻗﻘﯩﺪﯨﻜﻰ ﺗﯜﺯﯛﻣﻠﻪﺭ ﺑﻪﻙ ﭼﯩﯔ ﺑﻮﻟﯘﭖ ﻛﻪﺗﺴﻪ، ﺋﯩﻘﺘﯩﺴﺎﺩﻧﯩﯔ ﺗﻪﺭﻩﻗﻘﯩﻲ ﻗﯩﻠﯩﺸﯩﻐﺎ ﺗﻪﺳﯩﺮ ﻳﻪﺗﻜﯜﺯﯨﺪﯗ" ﺩﻩﭖ ﺋﻪﻧﺪﯨﺸﻪ ﻗﯩﻠﯩﺪﯗ. ﺑﯩﺮ ﻗﯩﺴﯩﻢ ﻳﻪﺭﻟﯩﻚ ﻫﯚﻛﯜﻣﻪﺕ ﺋﻮﺭﯗﻧﻠﯩﺮﻯ ﻫﻪﺗﺘﺎ ﺑﯘ ﻫﻪﻗﺘﯩﻜﻰ ﺗﯜﺯﯛﻡ ﯞﻩ ﺑﻪﻟﮕﯩﻠﯩﻤﯩﻠﻪﺭﻧﻰ ﺋﯩﺠﺮﺍ ﻗﯩﻠﯩﺸﻨﯩﻤﯘ ﺧﺎﻟﯩﻤﺎﻳﺪﯗ. ﺑﻪﺯﯨﻠﯩﺮﻯ ﺋﻮﭼﯘﻗﺘﯩﻦ - ﺋﻮﭼﯘﻕ ﻣﯘﻫﯩﺘﻨﻰ ﻗﻮﻏﺪﺍﺵ ﺗﯜﺯﯛﻣﻠﯩﺮﯨﮕﻪ ﺧﯩﻼﭘﻠﯩﻖ ﻗﯩﻠﯩﺪﯗ. ﻳﻪﺭﻟﯩﻚ ﻫﯚﻛﯜﻣﻪﺗﻜﻪ ﻗﺎﺭﺍﺷﻠﯩﻖ ﺑﻮﻟﻤﯩﻐﺎﻥ ﻣﯘﻫﯩﺘﻨﻰ ﻗﻮﻏﺪﺍﺵ ﺗﻪﺷﻜﯩﻼﺗﻠﯩﺮﯨﻤﯘ ﺑﯘ ﺧﯩﻞ ﺋﻪﻫﯟﺍﻟﻨﻰ ﻛﯚﺭﯛﭖ ﺗﯘﺭﯗﭖ، ﻳﯜﺭﻩﻛﻠﯩﻚ ﺗﻪﻧﻘﯩﺪﯨﻲ ﭘﯩﻜﯩﺮ ﺑﯧﺮﻩﻟﻤﻪﻳﺪﯗ" ﺩﻩﭖ ﺑﯩﻠﺪﯛﺭﺩﻯ.
ﺧﯩﺘﺎﻱ ﺩﯙﻟﻪﺕ ﻛﺎﺑﯧﻨﺘﻰ ﺋﯧﻼﻥ ﻗﯩﻠﻐﺎﻥ ﻣﯘﻫﯩﺖ ﻫﻪﻗﻘﯩﺪﯨﻜﻰ ﺋﺎﻕ ﺗﺎﺷﻠﯩﻖ ﻛﯩﺘﺎﺑﺘﺎ ﻳﻪﻧﻪ، ﻳﯧﻘﯩﻨﻘﻰ 10 ﻳﯩﻠﺪﯨﻦ ﺑﯘﻳﺎﻥ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﯘﻫﯩﺘﻘﺎ ﺋﺎﺟﺮﺍﺗﻘﺎﻥ ﭘﯘﻟﻰ ﻫﻪﺭﻗﺎﻧﺪﺍﻕ ﯞﺍﻗﯩﺘﺘﯩﻜﯩﺪﯨﻦ ﻛﯚﭖ ﺑﻮﻟﻐﺎﻧﻠﯩﻘﻰ ﺋﺎﻻﻫﯩﺪﻩ ﺗﻪﻛﯩﺘﻠﻪﻧﮕﻪﻥ. ﻟﯧﻜﯩﻦ ﺧﯩﺘﺎﻳﻨﯩﯔ ﻣﯘﻫﯩﺘﻨﻰ ﻗﻮﻏﺪﺍﺵ ﺳﺎﻫﻪﺳﯩﺪﯨﻜﻰ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻪﻣﻪﻟﺪﺍﺭﻻﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﻫﯚﻛﯜﻣﻪﺗﻨﯩﯔ ﻣﯘﻫﯩﺘﻘﺎ ﺋﺎﺟﺮﺍﺗﻘﺎﻥ ﻣﻪﺑﻠﯩﻐﻰ ﻳﻪﻧﯩﻼ ﺋﯧﻐﯩﺮ ﺩﻩﺭﯨﺠﯩﺪﻩ ﻛﻪﻡ ﺑﻮﻟﻐﺎﻥ.
1985 - ﻳﯩﻠﯩﺪﯨﻦ ﺑﯘﻳﺎﻥ، ﺩﯗﻧﻴﺎ ﺑﺎﻧﻜﯩﺴﻰ ﯞﻩ ﺋﺎﺳﯩﻴﺎ ﺗﻪﺭﻩﻗﻘﯩﻴﺎﺕ ﺑﺎﻧﻜﯩﺴﻰ ﻗﺎﺗﺎﺭﻟﯩﻖ ﺧﻪﻟﻘﺌﺎﺭﺍ ﺋﻮﺭﮔﺎﻧﻼﺭ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﯘﻫﯩﺘﻨﻰ ﻗﻮﻏﺪﺍﺵ ﭘﯩﻼﻧﯩﻐﺎ ﻳﯧﻘﯩﻨﺪﯨﻦ ﻳﺎﺭﺩﻩﻡ ﻗﯩﻠﻐﺎﻥ. ﻟﯧﻜﯩﻦ ﺷﯘﻧﺪﺍﻗﺘﯩﻤﯘ ﺧﯩﺘﺎﻳﺪﯨﻜﻰ ﻣﯘﻫﯩﺖ ﻣﻪﺳﯩﻠﯩﺴﻰ ﺑﺎﺭﻏﺎﻧﺴﯧﺮﻯ ﺋﯧﻐﯩﺮﻟﯩﺸﯩﭗ ﺧﻪﻟﻘﺌﺎﺭﺍ ﻣﯘﻫﯩﺖ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ ﻗﺎﺗﺘﯩﻖ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﯩﻤﺎﻗﺘﺎ. (ﻣﯧﮭﺮﯨﺒﺎﻥ)
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
- ﺧﯩﺘﺎﻳﺪﯨﻜﻰ ﻣﯘﻫﯩﺖ ﺑﯘﻟﻐﯩﻨﯩﺶ ﻫﻪﻗﻘﯩﺪﻩ ﻧﯘﺭﻣﯘﻫﻪﻣﻤﻪﺕ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ
- ﻳﻪﺭ ﺷﺎﺭﯨﻨﯩﯔ ﻛﯩﻠﯩﻤﺎﺗﯩﺪﯨﻜﻰ ﺑﯩﻨﻮﺭﻣﺎﻝ ﺋﯩﻠﻠﯩﺶ ﻗﺎﻧﺪﺍﻕ ﺑﺎﻻﻳﻰ ﺋﺎﭘﻪﺗﻠﻪﺭﻧﻰ ﺋﯧﻠﯩﭗ ﻛﯧﻠﯩﺸﻰ ﻣﯘﻣﻜﯩﻦ؟
- ﺋﯘﻳﻐﯘﺭ ﺋﯧﻠﯩﺪﻩ ﻫﺎﯞﺍﺭﺍﻳﯩﺪﯨﻜﻰ ﻧﻮﺭﻣﺎﻟﺴﯩﺰﻟﯩﻖ ﺋﯧﻐﯩﺮ ﺯﯨﻴﺎﻥ ﺋﯧﻠﯩﭗ ﻛﻪﻟﺪﻯ
- ﻫﺎﯞﺍﺭﺍﻳﻰ ﺋﯚﺯﮔﯩﺮﯨﺸﻠﯩﺮﻯ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺧﻪﻟﻘﻠﻪﺭﻧﯩﯔ ﺗﯘﺭﻣﯘﺵ ﻫﻪﻡ ﺳﺎﻻﻣﻪﺗﻠﯩﻜﯩﮕﻪ ﺋﯧﻐﯩﺮ ﺗﻪﺳﯩﺮ ﻛﯚﺭﺳﻪﺗﺘﻰ
- ﺧﯩﺘﺎﻱ ﯞﻩ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﯘﻫﯩﺖ ﯞﻩ ﺋﯩﭽﯩﻤﻠﯩﻚ ﺳﯘ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﺎﻧﻤﺎﻗﺘﺎ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
