ﺧﯩﺘﺎﻳﺪﺍ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﺗﺎﺯﺍ ﺑﻮﻏﯘﻟﯘﯞﺍﺗﻘﺎﻥ ﻣﯩﻨﯘﺗﻼﺭﺩﺍ " ﻣﯘﺧﺒﯩﺮﻻﺭ ﺑﺎﻳﺮﯨﻤﻰ" ﺗﻪﺑﺮﯨﻜﻠﻪﻧﺪﻯ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

2007- ﻳﯩﻠﻰ 8- ﻧﻮﻳﺎﺑﯩﺮ ﺧﯩﺘﺎﻳﺪﺍ 8- ﻗﯧﺘﯩﻤﻠﯩﻖ ﻣﯘﺧﺒﯩﺮﻻﺭ ﺑﺎﻳﺮﯨﻤﻰ ﺗﻪﺑﺮﯨﻜﻠﻪﻧﮕﻪﻥ ﺑﻮﻟﯘﭖ، ﺑﯘ 2000 ﻳﯩﻠﻰ 8- ﻧﻮﻳﺎﺑﯩﺮ ﺧﯩﺘﺎﻳﺪﺍ ﺗﯘﻧﺠﻰ ﻣﯘﺧﺒﯩﺮﻻﺭ ﺑﺎﻳﺮﯨﻤﻰ ﺗﻪﺑﺮﯨﻜﻠﯩﮕﻪﻧﺪﯨﻦ ﺑﯘﻳﺎﻧﻘﻰ 8 - ﻗﯧﺘﯩﻤﻘﻰ ﻣﯘﺧﺒﯩﺮﻻﺭ ﺑﺎﻳﺮﯨﻤﯩﺪﯗﺭ. ﺋﻪﻣﻤﺎ -ﺧﯩﺘﺎﻳﺪﺍ ﻣﯘﺧﺒﯩﺮﻻﺭ ﺑﺎﻳﺮﯨﻤﻰ ﺗﻪﺑﺮﯨﻜﻠﯩﻨﯩﯟﺍﺗﻘﺎﻥ ﻣﯩﻨﯘﺗﻼﺭﺩﺍ، ﺧﯩﺘﺎﻳﺪﺍ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻚ ﺑﺎﺭﻣﯘ؟ ﻣﻪﺯﻛﯘﺭ ﺑﺎﻳﺮﺍﻣﺪﺍ ﻧﯧﻤﻪ ﺗﻪﺑﺮﯨﻜﻠﻪﻧﺪﻯ؟ ﺩﯦﮕﻪﻥ ﺳﻮﺋﺎﻟﻼﺭ ﺋﯩﺨﺘﯩﻴﺎﺭﺳﯩﺰ ﺧﯩﻴﺎﻟﯩﯖﯩﺰﺩﯨﻦ ﻛﯧﭽﯩﭗ ﺋﯚﺗﯩﺪﯗ.

8- ﻧﻮﻳﺎﺑﯩﺮ ﺋﻪﺗﯩﮕﻪﻥ ﺋﻪﺗﯩﮕﻪﻥ ﺧﯩﺘﺎﻳﺪﯨﻜﻰ "ﻣﯘﺧﺒﯩﺮﻻﺭﻧﻰ ﺑﺎﻳﺮﯨﻤﻰ" ﻛﯜﻧﻰ، ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﺴﻰ ﻟﻴﯘ ﺟﯩﻴﻪﻧﭽﺎﯞ ﺑﯧﻴﺠﯩﯖﺪﺍ ﻣﯘﺧﺒﯩﺮﻻﺭ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ، ﺧﯩﺘﺎﻳﺪﺍ ﻣﯘﺧﺒﯩﺮﻻﺭﻧﯩﯔ ﺋﻪﺭﻛﯩﻦ ﺋﺎﺧﺒﺎﺭﺍﺕ ﺋﯩﮕﯩﻠﻪﺵ ﺋﯩﺸﻠﯩﺮﯨﻨﯩﯔ ﺗﻮﻟﯘﻕ ﻛﺎﭘﺎﻟﻪﺗﻜﻪ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ.

ﻣﯘﺧﺒﯩﺮﻻﺭ: " ﻫﻪﺭ ﺩﺍﺋﯩﻢ ﻧﺎﺯﺍﺭﻩﺕ ﻗﯩﻠﻐﯘﭼﯩﻼﺭﻧﯩﯔ ﻗﺎﺭﺍ ﻛﯚﻟﻪﯕﮕﯩﺴﻰ ﺋﻪﺗﺮﺍﭘﯩﯖﯩﺰﺩﺍ ﺋﺎﻳﻠﯩﻨﯩﭗ ﻳﯜﺭﮔﻪﻧﻠﯩﻜﯩﻨﻰ ﻛﯚﺭﯨﺴﯩﺰ"

ﺭﺍﺩﯨﺌﻮﻣﯩﺰ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﺋﯚﺯ ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺑﯩﺮ ﺧﯩﺘﺎﻱ ﻣﯘﺧﺒﯩﺮﻧﯩﯔ ﺑﯩﻠﺪﯛﺭﮔﻪﻧﻠﯩﺮﻯ ﻟﻴﯘ ﺟﯩﻴﻪﻧﭽﺎﯞﻧﯩﯔ ﺋﯧﻴﺘﻘﺎﻧﻠﯩﺮﯨﻨﯩﯔ ﺧﯩﺘﺎﻳﺪﯨﻜﻰ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﮕﻪ ﺋﺎﻳﯩﺖ ﺭﯦﺌﺎﻟﻠﯩﻘﻘﺎ ﺋﺎﻧﭽﻪ ﺋﯘﻳﻐﯘﻥ ﺋﻪﻣﻪﺳﻠﯩﻜﯩﻨﻰ ﺋﯩﺴﭙﺎﺗﻼﭖ ﺗﯘﺭﻣﺎﻗﺘﺎ. ﻣﻪﺯﻛﯘﺭ ﺧﯩﺘﺎﻱ ﻣﯘﺧﺒﯩﺮﻧﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ ﺋﯩﭽﯩﺪﻩ ﻫﯚﻛﯜﻣﻪﺕ ﺋﺎﯕﻼﺷﻨﻰ ﺧﺎﻟﯩﻤﺎﻳﺪﯨﻐﺎﻥ ﻧﯘﻗﺘﯩﻼﺭﺩﺍ ﺗﯘﺭﯗﭖ ﺧﻪﯞﻩﺭ ﺑﯧﺮﯨﺪﯨﻐﺎﻥ ﺋﺎﺧﺒﺎﺭﺍﺗﭽﯩﻼﺭ ﺑﯩﺨﻪﺗﻪﺭﻟﯩﻜﻰ ﺩﺍﯞﺍﻣﻠﯩﻖ ﺗﻪﻫﺪﯨﺖ ﺋﺎﺳﺘﯩﺪﺍ ﺋﯩﻜﻪﻥ.

ﺋﯘ ﻣﯘﻧﺪﺍﻕ ﺩﻩﻳﺪﯗ: ﺑﻮﻟﯘﭘﻤﯘ ﺑﯩﺰﮔﻪ ﺋﻮﺧﺸﺎﺵ ﻫﯚﻛﯜﻣﻪﺕ ﺋﺎﯕﻼﺷﻨﻰ ﺧﺎﻟﯩﻤﺎﻳﺪﯨﻐﺎﻥ ﺗﻪﺭﻩﭘﺘﻪ ﺗﯘﺭﯗﭖ ﺧﻪﯞﻩﺭ ﺑﯧﺮﯨﺪﯨﻐﺎﻥ ﻣﯘﺧﺒﯩﺮﻻﺭ، ﻫﻪﺭ ﺩﺍﺋﯩﻢ ﻧﺎﺯﺍﺭﻩﺕ ﻗﯩﻠﻐﯘﭼﯩﻼﺭﻧﯩﯔ ﻗﺎﺭﺍ ﻛﯚﻟﻪﯕﮕﯩﺴﯩﻨﯩﯔ ﻫﯚﻛﯜﻣﻪﺕ ﻛﯜﭼﻠﯩﺮﻯ ﯞﻩ ﻗﺎﺭﺍ ﺟﻪﻣﺌﯩﻴﻪﺕ ﺋﺎﺭﻗﯩﻠﯩﻖ ﺋﻪﺗﺮﺍﭘﯩﯖﯩﺰﺩﺍ ﺋﺎﻳﻠﯩﻨﯩﭗ ﻳﯜﺭﮔﻪﻧﻠﯩﻜﯩﻨﻰ ﻛﯚﺭﯨﺴﯩﺰ. ﻣﯘﺷﯘﻧﺪﺍﻕ ﺋﻪﻫﯟﺍﻟﻼﺭﺩﺍ، ﻛﯚﭘﯩﻨﭽﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻠﯩﺮﻯ ﻣﯘﺧﺒﯩﺮ ﺗﻪﺭﻩﭘﺘﻪ ﺗﯘﺭﻣﺎﻳﺪﯗ. ﻣﯧﻨﯩﯔ ﺑﯩﺮ ﻧﻪﭼﻪ ﺩﻭﺳﺘﻠﯩﺮﯨﻤﯘ ﺷﯘﻧﺪﺍﻕ ﺋﻪﻫﯟﺍﻟﻐﺎ ﻳﻮﻟﯘﻗﺘﻰ."

ﺋﯘ ﻳﻪﻧﻪ ﻣﯘﺧﺒﯩﺮﻻﺭﻧﯩﯔ ﺑﺎﺷﻘﯩﻼﺭﻧﯩﯔ ﻣﻪﻧﭙﻪﺋﻪﺗﻰ ﺋﯜﭼﯜﻥ ﺋﻮﺗﺘﯘﺭﯨﻐﺎ ﭼﯩﻘﯩﺪﯨﻐﺎﻧﻠﯩﻘﯩﻨﻰ، ﺋﻪﻣﻤﺎ ﻣﯘﺧﺒﯩﺮﻻﺭﻧﯩﯔ ﻫﻮﻗﯘﻗﻰ ﺩﻩﺧﻠﯩﮕﻪ ﺋﯘﭼﺮﯨﺴﺎ، ﻫﯧﭽﻜﯩﻤﻨﯩﯔ ﺋﯘﻻﺭﻧﯩﯔ ﻫﻮﻗﯘﻗﯩﻨﻰ ﻗﻮﻏﺪﯨﻴﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺑﯩﺮ ﻫﯚﻛﯜﻣﻪﺕ ﻣﯘﺧﺒﯩﺮﻯ ": ﻣﻪﻧﺪﻩ ﺑﯘﻧﺪﺍﻕ ﺑﺎﻳﺮﺍﻣﻼﺭ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﺗﻮﻧﯘﺵ ﻳﻮﻕ"

ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﻪﺕ ﺋﺎﺧﺒﺎﺭﺍﺕ ﺋﻮﺭﮔﺎﻧﻠﯩﺮﻯ ﺑﻪﺭﮔﻪﻥ ﻣﯘﺧﺒﯩﺮﻻﺭ ﺑﺎﻳﺮﯨﻤﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻟﻪﺭﺩﻩ ﺧﯩﺘﺎﻳﺪﺍ ﻣﯘﺧﺒﯩﺮﻻﺭﻧﯩﯔ ﻗﻪﺩﯨﺮﻟﯩﻨﯩﺪﯨﻐﺎﻧﻠﯩﻘﻰ ﺗﻪﻛﯩﺘﻠﯩﻨﯩﭗ، ﺋﯘﻻﺭﻧﯩﯔ ﺗﯘﺭﻣﯘﺷﯩﻐﺎ ﺋﯘﺗﯘﻕ، ﺗﯧﻨﯩﮕﻪ ﺳﺎﻻﻣﻪﺗﻠﯩﻚ ﺗﻪﻟﻪﭖ ﻫﻪﺭ ﺧﯩﻞ ﻣﻪﻟﯘﻣﺎﺗﻼﺭﻧﻰ ﺗﺎﺭﻗﯩﺘﯩﯟﺍﺗﻘﺎﻥ ﭘﻪﻳﺘﻠﻪﺭﺩﻩ، ﺑﯩﺰ، ﺑﯘ ﻫﻪﻗﺘﻪ ﻫﺎﺯﯨﺮ ﺧﯩﺘﺎﻳﺪﺍ ﻣﯘﺧﺒﯩﺮﻟﯩﻖ ﺧﯩﺰﻣﯩﺘﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﻘﺎﻥ ﺋﺎﺧﺒﺎﺭﺍﺕ ﺧﺎﺩﯨﻤﯩﻨﯩﯔ ﺋﯚﺯ ﺑﺎﻳﺮﯨﻤﯩﻐﺎ ﻗﺎﻧﺪﺍﻕ ﻗﺎﺭﺍﻳﺪﯨﻐﺎﻧﻠﯩﻘﻰ ﺑﯩﻠﯩﭗ ﺑﯧﻘﯩﺶ ﺋﯜﭼﯜﻥ ﺧﯩﺘﺎﻱ ﺷﯩﻨﺨﯘﺍ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻐﺎ ﺗﯧﻠﯧﻔﻮﻥ ﺋﯘﺭﺩﯗﻕ.

" ﻣﯘﺧﺒﯩﺮﻻﺭ ﺑﺎﻳﺮﯨﻤﻰ" ﺳﯩﺰ ﺋﯜﭼﯜﻥ ﻗﺎﻧﺪﺍﻕ ﺋﻪﻫﻤﯩﻴﻪﺗﻜﻪ ﺋﯩﮕﻪ ﺩﻩﭖ ﺳﻮﺭﯨﻐﺎﻥ ﺳﯘﻟﺘﺎﻧﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﺸﻨﻰ ﺭﻩﺕ ﻗﯩﻠﻐﺎﻥ ﻫﯚﻛﯜﻣﻪﺕ ﺋﺎﺧﺒﺎﺭﺍﺕ ﺧﺎﺩﯨﻤﻰ: "ﺋﻪﯓ ﻳﺎﺧﺸﯩﺴﻰ ﺳﯩﺰ ﺋﺎﮔﯧﻨﺘﻠﯩﻘﯩﻤﯩﺰ ﺑﯜﮔﯜﻥ ﺋﯧﻼﻥ ﻗﯩﻠﻐﺎﻥ ﻣﺎﻗﺎﻟﻐﺎ ﻗﺎﺭﺍﭖ ﺑﯧﻘﯩﯔ" ﺩﻩﭖ ﺟﺎﯞﺍﺏ ﺑﻪﺭﺩﻯ.

- ﺑﯜﮔﯜﻥ ﺳﯩﻠﻪﺭ ﻣﯘﺧﺒﯩﺮﻻﺭ ﺑﺎﻳﺮﯨﻤﯩﻨﻰ ﺗﻪﺑﺮﯨﻜﻠﯩﺪﯨﯖﻼﺭ. ﺑﯘ ﺑﺎﻳﺮﺍﻡ ﺧﯩﺘﺎﻳﺪﯨﻜﻰ ﻣﯘﺧﺒﯩﺮﻻﺭ ﺋﯜﭼﯜﻥ ﻗﺎﻧﺪﺍﻕ ﺋﻪﻫﻤﯩﻴﻪﺗﻜﻪ ﺋﯩﮕﻪ؟

- ﺋﻪﯓ ﻳﺎﺧﺸﯩﺴﻰ ﺳﯩﺰ ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ ﺋﯧﻼﻥ ﻗﯩﻠﻐﺎﻥ ﻣﺎﻗﺎﻟﻐﺎ ﻗﺎﺭﺍﯓ. ﺑﯜﮔﯜﻥ ﻛﯚﺭﻩﻟﻪﻳﺴﯩﺰﻏﯘ ﺩﻩﻳﻤﻪﻥ.

- ﺳﯩﺰ ﺑﯘ ﺑﺎﻳﺮﺍﻣﻐﺎ ﻗﺎﻧﺪﺍﻕ ﻗﺎﺭﺍﻳﺴﯩﺰ؟

- ﻣﻪﻥ ﺑﯘﻧﯩﯖﻐﺎ ﺑﺎﺷﻘﯩﭽﻪ ﻗﺎﺭﺍﭖ ﻛﻪﺗﻤﻪﻳﻤﻪﻥ.

- ﺑﯘ ﺋﻪﺳﻠﻰ ﺳﯩﻠﻪﺭﻧﯩﯔ ﺑﺎﻳﺮﯨﻤﯩﯖﻼﺭ ﺋﻪﻣﻪﺳﻤﯩﺪﻯ؟

-ﺷﯘﻧﺪﺍﻕ.

- ﺳﯩﺰﺩﻩ ﺑﯘ ﺑﺎﻳﺮﺍﻣﻐﺎ ﻧﯩﺴﺒﻪﺗﻪﻥ ﻫﯧﭽﻘﺎﻧﺪﺍﻕ ﺗﻮﻧﯘﺵ ﯞﻩ ﻫﯧﭽﻘﺎﻧﺪﺍﻕ ﺗﻪﺳﯩﺮﺍﺕ ﻳﻮﻗﻤﯘ؟

- ﻫﯧﭽﻘﺎﻧﺪﺍﻕ ﺗﻪﺳﯩﺮﺍﺕ ﻳﻮﻕ ﻫﺎﺯﯨﺮ ﺑﯘﻧﺪﺍﻕ ﺑﺎﻳﺮﺍﻣﻼﺭ ﻫﻪﻗﻘﯩﺪﻩ ﺑﯩﺰﺩﻩ ﻫﯧﭽﻘﺎﻧﺪﺍﻕ ﺗﻮﻧﯘﺵ ﻳﻮﻕ.

ﻧﯧﻤﻪ ﺋﯘﭼﯘﻥ ﺩﻩﭖ ﺳﻮﺭﯨﻐﺎﻥ ﺳﻮﺋﺎﻟﯩﻤﯩﺰﻏﺎ ﺋﯘ ﻳﻪﻧﻪ ﺋﯘ "ﻫﯧﭽﻨﯧﻤﻪ ﺋﯘﭼﯘﻥ. ﭼﯜﻧﻜﻰ ﻫﺎﺯﯨﺮ ﺧﯩﺰﻣﻪﺕ ﺋﺎﻟﺪﯨﺮﺍﺵ. ﻳﯧﯖﻰ ﻳﯩﻞ ﯞﻩ ﺑﺎﺷﻘﺎ ﺑﺎﻳﺮﺍﻣﻼﺭﻏﯩﻤﯘ ﭼﻮﻟﯩﺴﻰ ﺗﻪﮔﻤﯩﮕﻪﻥ ﻳﻪﺭﺩﻩ ﺑﯘﻧﺪﺍﻕ ﺑﺎﻳﺮﺍﻣﻼﺭﻏﺎ ﺋﺎﻧﭽﻪ ﻗﯩﻠﯩﭗ ﻛﻪﺗﻤﻪﻳﻤﯩﺰ"ﺩﻩﭖ ﺟﺎﯞﺍﺏ ﺑﻪﺭﺩﻯ ﯞﻩ ﺳﻮﺋﺎﻟﻠﯩﺮﯨﻤﯩﺰﻏﺎ ﺋﯩﺰﭼﯩﻞ ﺟﺎﯞﺍﺏ ﺑﯧﺮﻩﻟﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﺗﯧﻠﯧﻔﻮﻧﻨﻰ ﻗﻮﻳﯘﯞﻩﺗﺘﻰ.

ﻫﺎﺯﯨﺮ ﺧﯩﺘﺎﻳﺪﺍ ﺋﻮﻧﻠﯩﻐﺎﻥ ﻣﯘﺧﺒﯩﺮ ﺗﯜﺭﻣﯩﺪﻩ ﻳﺎﺗﻤﺎﻗﺘﺎ

ﯞﻩﻫﺎﻟﻪﻧﻜﻰ، ﻳﯘﻗﯩﺮﯨﺪﺍ ﺑﯩﺰ ﺳﯚﺯﻟﻪﺷﻜﻪﻥ ﻫﯚﻛﯜﻣﻪﺕ ﻣﯘﺧﺒﯩﺮﯨﻐﺎ ﻧﯩﺴﺒﻪﺗﻪﻥ ﻫﯧﭽﻘﺎﻧﺪﺍﻕ ﺋﻪﻫﻤﯩﻴﻪﺗﻜﻪ ﺋﯩﮕﻪ ﺑﻮﻟﻤﯩﻐﺎﻥ "ﻣﯘﺧﺒﯩﺮﻻﺭ ﺑﺎﻳﺮﯨﻤﻰ"ﺋﯚﺯ ﻛﻪﺳﭙﻰ ﺋﯜﭼﯜﻥ ﺗﯜﺭﻣﯩﺪﻩ ﻳﯧﺘﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻥ ﻧﯘﺭﻏﯘﻥ ﻳﺎﺯﻏﯘﭼﻰ ﯞﻩ ﻣﯘﺧﺒﯩﺮﻻﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﻗﻪﻟﻪﻣﻜﻪﺷﻠﻪﺭ ﺑﯘ ﺑﺎﻳﺮﺍﻡ ﺑﺎﺷﻘﯩﭽﻪ ﻣﻪﺯﻣﯘﻧﻐﺎ ﺋﯩﮕﻪ ﺑﻮﻟﯘﭖ، ﺋﻪﭘﺴﯘﺳﻜﻰ ﺋﯘﻻﺭ ﺋﯚﺯ ﺑﺎﻳﺮﯨﻤﻰ ﺗﻪﺑﺮﯨﻜﻠﯩﻨﯩﯟﺍﺗﻘﺎﻥ ﻣﯩﻨﯘﺗﻼﺭﺩﺍ ﺧﯩﺘﺎﻱ ﺗﯜﺭﻣﯩﺴﯩﺪﻩ ﺋﺎﺯﺍﺏ ﭼﻪﻛﻤﻪﻛﺘﻪ.

ﺩﻩﺭﯞﻩﻗﻪ ﻫﺎﺯﯨﺮ ﺧﯩﺘﺎﻳﺪﺍ ﺋﻮﻧﻠﯩﻐﺎﻥ ﻣﯘﺧﺒﯩﺮ ﺗﯜﺭﻣﯩﺪﻩ ﻳﯧﺘﯩﯟﺍﺗﻘﺎﻥ ﺑﻮﻟﯘﭖ، ﺑﺎﺵ ﺷﺘﺎﺑﻰ ﭘﺎﺭﯨﮋﻏﺎ ﺟﺎﻳﻼﺷﻘﺎﻥ "ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ" ﺋﺎﺧﺒﺎﺭﺍﺗﯩﻐﺎ ﻗﺎﺭﯨﻐﺎﻧﺪﺍ ﻫﺎﺯﯨﺮ ﺧﯩﺘﺎﻳﺪﺍ 33 ﻧﻪﭘﻪﺭ ﻣﯘﺧﺒﯩﺮ ﺗﯜﺭﻣﯩﺪﻩ ﻳﯧﺘﯩﯟﺍﺗﻘﺎﻥ ﺑﻮﻟﯘﭖ، ﺑﯘ ﻳﯩﻠﻰ ﻳﯧﯖﯩﺪﯨﻦ ﻳﻪﻧﻪ ﻧﯘﺭﻏﯘﻥ ﻣﯘﺧﺒﯩﺮﻻﺭ ﺯﻭﺭﺍﯞﺍﻧﻠﯩﻘﻘﺎ ﺋﯘﭼﺮﯨﻐﺎﻥ ﯞﯤ ﺑﯩﺮ ﻣﯘﺧﺒﯩﺮ ﻫﺎﻳﺎﺗﯩﺪﯨﻦ ﺋﺎﻳﺮﯨﻠﻐﺎﻥ.

ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ": ﺧﯩﺘﺎﻱ ﯞﻩﺩﯨﺴﯩﺪﻩ ﺗﯘﺭﻣﯩﺪﻯ"

ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺧﯩﺘﺎﻳﻐﺎ 2008 - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﺳﺎﻫﯩﺒﺨﺎﻧﺎ ﺑﻮﻟﯘﺵ ﻫﻮﻗﯘﻗﯩﻨﻰ ﺑﯧﺮﯨﺸﯩﺪﯗ، ﺋﻪﻳﻨﻰ ﯞﺍﻗﯩﺘﺘﺎ ﺧﯩﺘﺎﻱ ﻫﯚﻛﯜﻣﯩﺘﻰ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻜﻪ "ﺋﺎﺧﺒﺎﺭﺍﺗﻘﺎ ﻗﺎﺭﯨﺘﯩﻠﻐﺎﻥ ﭼﻪﻛﻠﯩﻤﯩﻨﻰ ﺋﯧﻠﯩﭗ ﺗﺎﺷﻼﺵ" ﻫﻪﻗﻘﯩﺪﻩ ﺑﻪﺭﮔﻪﻥ ﯞﻩﺩﯨﺴﻰ ﻣﯘﻫﯩﻢ ﺳﺎﻟﻤﺎﻗﻨﻰ ﺋﯩﮕﯩﻠﯩﮕﻪﻥ ﺋﯩﺪﻯ 2001 - ﻳﯩﻠﻰ، ﺧﯩﺘﺎﻱ ﺋﻮﻟﯩﻤﭙﯩﻚ ﺳﺎﻫﯩﺒﺨﺎﻧﻠﯩﻘﯩﻨﻰ ﺗﺎﻟﯩﺸﻰ ﻛﻮﻣﯩﺘﯧﺘﯩﻨﯩﯔ ﺑﺎﺵ ﺳﯧﻜﺮﯦﺘﺎﺭﻯ ﯞﺍﯓ ﯞﻩﻱ، ﺧﻪﻟﻘﺌﺎﺭﺍ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﯨﻨﯩﯔ، 2008 - ﻳﯩﻠﻰ ﺧﯩﺘﺎﻳﺪﺍ ﺋﻪﺭﻛﯩﻦ ﺋﺎﺧﺒﺎﺭﺍﺕ ﺋﯧﻠﯩﭗ ﺑﺎﺭﺍﻻﻳﺪﯨﻐﺎﻧﻠﯩﻘﻰ ﻫﻪﻗﻘﻪ ﯞﻩﺩﻩ ﻗﯩﻠﻐﺎﻥ.

ﺷﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﺑﯘ ﻳﯩﻞ ﺋﺎﯞﻏﯘﺳﺘﺘﺎ ﺑﯩﺮ ﺩﻭﻛﻼﺕ ﺋﯧﻼﻥ ﻗﯩﻠﯩﭗ، ﺧﯩﺘﺎﻳﻨﯩﯔ ﺋﯚﺯ ﯞﺍﻗﺘﯩﺪﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻐﺎ ﺑﻪﺭﮔﻪﻥ ﯞﻩﺩﯨﺴﯩﺪﻩ ﺗﯘﺭﻣﯩﻐﺎﻧﻠﯩﻘﯩﻨﻰ ﻣﯩﺴﺎﻟﻼﺭ ﺑﯩﻠﻪﻥ ﭘﺎﺵ ﻗﯩﻠﻐﺎﻥ ﺑﻮﻟﯘﭖ، ﻣﻪﺯﻛﯘﺭ ﺗﻪﺷﻜﯩﻼﺕ ﻳﻪﻧﻪ 6 - ﻧﻮﻳﺎﺑﯩﺮ ﺧﻪﻟﻘﺌﺎﺭﺍﻟﯩﻖ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﺪﯨﻦ ﺧﯩﺘﺎﻳﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﺩﻩﭘﺴﻪﻧﺪﯨﭽﯩﻠﯩﻜﯩﮕﻪ ﺋﯩﻨﻜﺎﺱ ﻗﺎﻳﺘﯘﺭﯗﺷﻨﻰ ﺗﻪﻟﻪﭖ ﻗﯩﻠﺪﻯ.

ﺳﻮﻓﯩﻲ ﺭﯨﭽﺎﺭﺩﺳﻮﻥ ﺧﺎﻧﯩﻢ: ﻟﻴﯘ ﺟﯩﻴﻪﻧﭽﺎﯞﻧﯩﯔ ﺟﺎﯞﺍﺑﻰ "ﻫﻪﻗﯩﻘﻪﺗﻪﻥ ﻛﯩﻤﻠﯩﻜﯩﯖﯩﺰﻧﻰ ﻗﯩﺴﺘﺎﻳﺪﯗ"

ﻫﺎﻟﺒﯘﻛﻰ، 6 - ﻧﻮﻳﺎﺑﯩﺮ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﻰ ﺋﯧﻠﯩﭗ ﺑﺎﺭﻏﺎﻥ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﺴﻰ ﻟﻴﯘ ﺟﯩﻴﻪﻧﭽﺎﯞ، ﻛﯩﺸﯩﻠﯩﻚ ﻫﻮﻗﯘﻕ ﻛﯚﺯﯨﺘﯩﺶ ﺗﻪﺷﻜﯩﻼﺗﯩﻨﯩﯔ ﻣﻪﺯﻛﯘﺭ ﺩﻭﻛﻼﺗﯩﻐﺎ ﺭﻩﺩﺩﯨﻴﻪ ﺑﯧﺮﯨﭗ: ﺑﯘﻧﺪﺍﻕ ﺑﺎﻫﺎﻻﺭﻧﻰ ﺑﯧﺮﯨﺶ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﯩﻐﺎ ﺋﻮﺧﺸﺎﺵ ﺗﻪﺷﻜﯩﻼﺗﻼﺭ ﺋﯚﺯ ﺋﺎﻟﺪﯨﻐﺎ ﺋﯧﻠﯩﭗ ﺑﺎﺭﯨﺪﯨﻐﺎﻥ ﺋﯩﺶ ﺋﻪﻣﻪﺱ" ﺩﯦﺪﻯ.

ﻟﻴﯘ ﺟﯩﻴﻪﻧﭽﺎﯞﻧﯩﯔ ﺳﯚﺯﻟﯩﺮﯨﻨﯩﯔ ﻛﯜﻟﻜﯩﻠﯩﻚ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ، ﻛﯩﺸﯩﻠﯩﻚ ﻫﻮﻗﯘﻕ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﺋﺎﺳﯩﻴﺎ ﺑﯚﻟﯜﻣﯩﻨﯩﯔ ﻣﯘﺋﺎﯞﯨﻦ ﺩﯨﺮﯦﻜﺘﻮﺭﻯ ﺳﻮﻓﯩﻲ ﺭﯨﭽﺎﺭﺩﺳﻮﻥ ﺧﺎﻧﯩﻢ، ﻫﯚﻛﯜﻣﻪﺗﻨﯩﯔ ﺷﯘﻧﺪﺍﻕ ﺋﻪﻳﯩﺒﻠﻪﺷﻠﻪﺭﮔﻪ ﺑﻪﺭﮔﻪﻥ ﺟﺎﯞﺍﺑﻰ "ﻫﻪﻗﯩﻘﻪﺗﻪﻥ ﻛﯩﻤﻠﯩﻜﯩﯖﯩﺰﻧﻰ ﻗﯩﺴﺘﺎﻳﺪﯗ" ﺩﻩﭖ ﺟﺎﯞﺍﺏ ﺑﻪﺭﺩﻯ.

ﺋﯘ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: "ﺋﯘ ﻣﯘﺧﺒﯩﺮﻻﺭﻧﯩﯔ ﺋﯚﺯﻯ ﺧﺎﻟﯩﻐﺎﻥ ﺗﯧﻤﯩﺪﺍ ﺧﻪﯞﻩﺭ ﺑﯧﺮﯨﺸﯩﻐﺎ ﺗﻮﺳﻘﯘﻧﻠﯘﻕ ﻗﯩﻠﯩﺪﯨﻐﺎﻥ، ﻫﻪﺗﺘﺎ ﻳﻪﻧﻪ، ﺋﯚﺯﻯ ﻣﺎﻗﯘﻟﻠﯩﻐﺎﻥ ﺑﻪﻟﮕﯩﻠﯩﻤﯩﻠﻪﺭﮔﻪ ﺋﯚﺯﻯ ﺭﯨﺌﺎﻳﻪ ﻗﯩﻠﻤﺎﻳﺪﯨﻐﺎﻥ ﺑﯩﺮ ﻫﯚﻛﯜﻣﻪﺗﻨﯩﯔ ﯞﻩﻛﯩﻠﻰ ﺑﻮﻟﯘﭖ، ﺋﯘﻧﯩﯔ ﺧﯩﺘﺎﻳﺪﯨﻜﻰ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﻨﻰ ﺋﻪﻳﯩﺒﻠﻪﭖ ﺋﯧﻼﻥ ﻗﯩﻠﯩﻨﻐﺎﻥ ﺩﻭﻛﻼﺗﻘﺎ ﻧﯩﺴﺒﻪﺗﻪﻥ ﺑﯘ ﻳﻪﺭﺩﻩ ﭼﻪﺗﺌﻪﻝ ﺋﺎﺧﺒﺎﺭﺍﺕ ﻫﻮﻗﯘﻗﻰ ﺋﻮﺭﮔﯩﻨﯩﻨﯩﯔ ﺑﯩﺮﻧﻪﺭﺳﻪ ﺩﻩﻳﺪﯨﻐﺎﻥ ﻫﻮﻗﯘﻕ ﻳﻮﻕ ﺩﯦﻴﯩﺸﻰ ﺑﯩﺮ ﻣﯘﻏﻪﻣﺒﻪﺭﻟﯩﻚ."

ﺋﯘ ﺑﯩﻠﺪﯛﺭﯛﺷﯩﭽﻪ ﻳﻪﻧﻪ، ﺧﻪﻟﻘﺌﺎﺭﺍ ﺋﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﺟﻪﻫﻪﺗﺘﻪ ﺧﯩﺘﺎﻳﻐﺎ ﻳﯧﺘﻪﺭﻟﯩﻚ ﺑﯧﺴﯩﻢ ﺋﯩﺸﻠﻪﺗﻤﯩﮕﻪﻧﻠﯩﻜﯩﻨﻰ، ﺷﯘﯕﺎ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻨﯩﯔ ﺧﯩﺘﺎﻳﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﻣﻪﺗﺒﯘﺋﺎﺕ ﺋﻪﺭﻛﯩﻨﻠﯩﻜﻰ ﻣﻪﺳﯩﻠﯩﮕﻪ ﻛﯚﯕﯜﻝ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﯛﺵ ﺋﯘﭼﯘﻥ ﺷﯘ ﺧﯩﻠﺪﯨﻜﻰ ﺩﻭﻛﻼﺗﻨﻰ ﺋﯧﻼﻥ ﻗﯩﻠﻐﺎﻧﻠﯩﻘﻨﻰ ﺑﯩﻠﺪﯛﺭﺩﻯ. (ﺟﯜﻣﻪ)