ﺋﻮﻟﯩﻤﭙﯩﻜﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻫﻪﺭﯨﻜﯩﺘﯩﮕﻪ ﻗﺎﺗﻨﯩﺸﯩﺪﯨﻐﺎﻥ ﺩﯙﻟﻪﺗﻠﻪﺭ ﻛﯚﭘﯩﻴﯩﯟﺍﺗﯩﺪﯗ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻳﻨﯩﯔ ﺗﯩﺒﻪﺗﺘﯩﻜﻰ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﻰ ﺗﯜﭘﻪﻳﻠﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺪﯨﻐﺎﻥ ﻳﺎﻛﻰ ﺑﺎﻳﻘﯘﺕ ﻗﯩﻠﯩﺶ ﺋﯧﻬﺘﯩﻤﺎﻟﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﯟﺍﺗﻘﺎﻥ ﺩﯙﻟﻪﺗﻠﻪﺭﻧﯩﯔ ﺳﺎﻧﻰ ﻛﯚﭘﯩﻴﯩﯟﺍﺗﯩﺪﯗ. ﭘﻪﻳﺸﻪﻧﺒﻪ ﻛﯜﻧﻰ ﻳﻪﻧﻪ ﺑﯩﺮ ﻳﺎﯞﺭﻭﭘﺎ ﺩﯙﻟﯩﺘﻰ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﺪﻯ. ﺋﻪﮔﻪﺭ ﻏﻪﺭﺑﺘﯩﻜﻰ ﺩﯦﻤﻮﻛﺮﺍﺗﯩﻚ ﺩﯙﻟﻪﺗﻠﻪﺭ ﺋﯩﭽﯩﺪﻩ 8 ‏- ﺋﺎﯞﻏﯘﺳﺘﺘﯩﻜﻰ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺸﻨﻰ ﺑﺎﻳﻘﯘﺕ ﻗﯩﻠﯩﺪﯨﻐﺎﻧﻼﺭ ﻛﯚﭘﻪﻳﺴﻪ، ﺑﯘ ﻫﺎﺯﯨﺮﻏﺎ ﻗﻪﺩﻩﺭ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻐﺎ ﻗﺎﺗﻨﯩﺸﯩﺶ ﭘﯩﻼﻧﯩﺪﺍ ﺋﯚﺯﮔﯩﺮﯨﺶ ﺑﻮﻟﻤﯩﻐﺎﻧﻠﯩﻘﯩﻨﻰ ﺋﯧﻴﺘﯩﯟﺍﺗﻘﺎﻥ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﯘﺵ ﺋﯜﭼﯜﻥ ﺯﻭﺭ ﺑﯧﺴﯩﻢ ﺑﻮﻟﯘﭖ ﻗﯧﻠﯩﺸﻰ ﻣﯘﻣﻜﯩﻦ.

ﺑﺎﻳﻘﯘﺕ ﻗﯩﻠﯩﺸﻨﻰ ﺋﯧﻼﻥ ﻗﯩﻠﻐﺎﻥ ﺩﯙﻟﻪﺕ ﯞﻩ ﺷﻪﺧﺴﻠﻪﺭ ﺋﯜﺯﻟﯜﻛﺴﯩﺰ ﻛﯚﭘﻪﻳﻤﻪﻛﺘﻪ

ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺷﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ 8 ‏- ﺋﺎﯞﻏﯘﺳﺘﺘﯩﻜﻰ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ ﭘﯩﻼﻧﯩﺪﺍ ﻫﺎﺯﯨﺮﻏﺎ ﻗﻪﺩﻩﺭ ﺑﯩﺮﻩﺭ ﺋﯚﺯﮔﯩﺮﯨﺶ ﺑﻮﻟﻤﯩﺪﻯ. ﻟﯧﻜﯩﻦ ﻏﻪﺭﺏ ﺋﻪﻟﻠﯩﺮﯨﺪﻩ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺪﯨﻐﺎﻥ ﺩﯙﻟﻪﺗﻠﻪﺭ ﻛﯚﭘﻪﻳﺴﻪ، ﺑﯘ، ﺩﯗﻧﻴﺎﻏﺎ ﺩﯦﻤﻮﻛﺮﺍﺗﯩﻴﻪ ﯞﻩ ﺋﻪﺭﻛﯩﻨﻠﯩﻜﻨﻰ ﺗﺎﺭﻗﯩﺘﯩﺶ ﯞﻩﺩﯨﺴﻰ ﺑﯧﺮﯨﭗ ﻛﯧﻠﯩﯟﺍﺗﻘﺎﻥ ﭘﺮﯦﺰﯨﺪﯦﻨﺖ ﺑﯘﺵ ﺋﯜﭼﯜﻥ ﺯﻭﺭ ﺑﯧﺴﯩﻢ ﺑﻮﻟﯘﭖ ﻗﯧﻠﯩﺸﻰ ﻣﯘﻣﻜﯩﻦ. ﭼﯜﻧﻜﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺗﺘﯩﻜﻰ ﺳﯩﻴﺎﺳﯩﺘﻰ ﺗﯜﭘﻪﻳﻠﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺶ ﺋﯧﻬﺘﯩﻤﺎﻟﻰ ﻳﺎﻛﻰ ﺑﺎﻳﻘﯘﺕ ﻗﯩﻠﯩﺸﻨﻰ ﺋﯧﻼﻥ ﻗﯩﻠﻐﺎﻥ ﺩﯙﻟﻪﺕ ﯞﻩ ﺷﻪﺧﺴﻠﻪﺭ ﺋﯜﺯﻟﯜﻛﺴﯩﺰ ﻛﯚﭘﻪﻳﻤﻪﻛﺘﻪ.

ﻫﺎﺯﯨﺮﻏﺎ ﻗﻪﺩﻩﺭ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺶ ﺋﯧﻬﺘﯩﻤﺎﻟﻰ ﺋﯜﺳﺘﯩﺪﻩ ﺋﻮﻳﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺩﯙﻟﻪﺗﻠﻪﺭ ﺋﯩﭽﯩﺪﻩ ﻓﺮﺍﻧﺴﯩﻴﻪ ﺑﯩﻠﻪﻥ ﺑﯧﻠﮕﯩﻴﻪ ﺑﺎﺭ ﺑﻮﻟﯘﭖ، ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﺳﺎﺭﻛﻮﺯﯨﻲ " ﭘﯜﺗﯜﻥ ﺋﯧﻬﺘﯩﻤﺎﻟﻠﯩﻘﻼﺭﻧﯩﯔ ﻛﯚﺯﺩﻩ ﺗﯘﺗﯘﻟﯩﺪﯨﻐﺎﻧﻠﯩﻘﻰ " ﻧﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﭘﻪﻳﺸﻪﻧﺒﻪ ﻛﯜﻧﻰ ﺋﻮﻟﯩﻤﭙﯩﻜﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺪﯨﻐﺎﻥ ﺩﯙﻟﻪﺗﻠﻪﺭ ﻗﺎﺗﺎﺭﯨﻐﺎ ﭘﻮﻟﺸﺎ ﺑﯩﻠﻪﻥ ﭼﯧﺨﯩﻴﻪ ﻗﯧﺘﯩﻠﺪﻯ. ﻛﯚﺯﻩﺗﻜﯜﭼﯩﻠﻪﺭ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﺪﯨﻜﻰ ﭘﻮﻟﺸﺎﻧﯩﯔ ﺟﯜﻣﻪ ﻛﯜﻧﻰ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﺮﻯ ﻳﯩﻐﯩﻨﻰ ﺳﻠﻮﯞﯦﻨﯩﻴﯩﺪﻩ ﺗﯩﺒﻪﺕ ﯞﻩﺯﯨﻴﯩﺘﯩﻨﻰ ﻣﯘﺯﺍﻛﯩﺮﻩ ﻗﯩﻠﻤﺎﻗﭽﻰ ﺑﻮﻟﯘﯞﺍﺗﻘﺎﻥ ﻣﻪﺯﮔﯩﻠﺪﻩ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺸﻰ، ﺋﻪﺗﯩﻜﻰ ﻳﯩﻐﯩﻨﺪﺍ ﭼﯩﻘﯩﺪﯨﻐﺎﻥ ﻗﺎﺭﺍﺭ ﺧﯩﺘﺎﻱ ﺋﯜﭼﯜﻥ ﺧﯘﺷﺨﻪﯞﻩﺭ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﯩﯔ ﺑﯩﺸﺎﺭﯨﺘﻰ ﺑﻮﻟﯘﭖ ﻗﺎﻻﻣﺪﯗ، ﺩﻩﭖ ﻗﺎﺭﺍﺷﻤﺎﻗﺘﺎ. ﭘﻮﻟﺸﺎ ﺑﺎﺵ ﻣﯩﻨﯩﺴﺘﯩﺮﻯ ﺩﻭﻧﺎﻟﺪ ﺗﯘﺳﻜﯩﻲ ﭘﻪﻳﺸﻪﻧﺒﻪ ﻛﯜﻧﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﺎﻳﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ. ﺋﯘ، ﭘﻮﻟﺸﺎﻧﯩﯔ " ﺯﯨﻨﻨﯧﻚ ﺧﻪﯞﻩﺭﻟﻪﺭ" ﮔﯧﺰﯨﺘﯩﮕﻪ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ "ﻣﻪﻥ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺸﻘﺎ ﻫﻪﯞﻩﺱ ﻗﯩﻠﻤﺎﻳﻤﻪﻥ " ﺩﻩﭖ ﺗﻪﻛﯩﺘﻠﯩﮕﻪﻥ ﺷﯘﻧﺪﺍﻗﻼ "ﺳﯩﻴﺎﺳﻪﺗﭽﯩﻠﻪﺭﻧﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺸﻰ ﺗﻮﻏﺮﺍ ﺋﻪﻣﻪﺱ " ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

" ﭼﻮﯓ ﺩﯙﻟﻪﺕ ﺳﯩﻴﺎﺳﻪﺗﭽﯩﻠﯩﺮﯨﻨﯩﯔ ﺋﺎﮔﺎﻫﻼﻧﺪﯗﺭﯗﺵ ﺭﻭﻟﻰ ﺯﻭﺭ ﺑﻮﻟﯩﺪﯗ "

ﭼﯧﺨﯩﻴﯩﻨﯩﯔ ﭘﺮﯦﺰﯨﺪﯦﻨﺘﻰ ﯞﺍﻛﻼﯞ ﻛﻼﺋﯘﺱ ﺑﻮﻟﺴﺎ ﺋﯚﺯﯨﻨﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﺎﻳﺪﯨﻐﺎﻧﻠﯩﻘﯩﻨﻰ، ﻟﯧﻜﯩﻦ ﺋﯚﺯﯨﻨﯩﯔ ﻗﺎﺗﻨﺎﺷﻤﯩﻐﺎﻧﻠﯩﻘﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯜﭼﯜﻥ ﺋﯧﻐﯩﺮ ﺑﯧﺴﯩﻢ ﻫﯧﺴﺎﺑﻠﯩﻨﯩﭗ ﻛﻪﺗﻤﻪﻳﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ. ﺑﯘ ﻫﻪﻗﺘﯩﻜﻰ ﺑﺎﻳﺎﻧﺎﺗﯩﺪﺍ "ﺑﻪﺯﻯ ﻛﯩﭽﯩﻚ ﺩﯙﻟﻪﺗﻠﻪﺭﺩﯨﻜﻰ ﺳﯩﻴﺎﺳﻪﺗﭽﯩﻠﻪﺭﻧﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﯩﻐﺎﻧﻠﯩﻘﯩﻨﯩﯔ ﺋﺎﮔﺎﻫﻼﻧﺪﯗﺭﯗﺵ ﺭﻭﻟﻰ ﺋﻮﻳﻨﺎﻳﺪﯨﻐﺎﻥ ﻳﺎﻛﻰ ﺋﻮﻳﻨﯩﻤﺎﻳﺪﯨﻐﺎﻧﻠﯩﻘﯩﻐﺎ ﺑﯩﺮ ﻧﯧﻤﻪ ﺩﯦﻤﻪﻙ ﺗﻪﺱ " ﺩﻩﭖ ﺗﻪﻛﯩﺘﻠﯩﮕﻪﻥ ﺩﻭﻧﺎﻟﺪ ﻛﻼﺋﯘﺱ ﭼﻮﯓ ﺩﯙﻟﻪﺗﻠﻪﺭﻧﯩﯔ ﺭﻭﻟﯩﻨﻰ ﺋﯩﻤﺎ ﻗﯩﻠﯩﭗ، " ﻧﻮﭘﯘﺳﻰ ﺑﯩﺰﮔﻪ ﻗﺎﺭﯨﻐﺎﻧﺪﺍ 130 ﻫﻪﺳﺴﻪ ﻛﯚﭖ ﺩﯙﻟﻪﺕ ﺳﯩﻴﺎﺳﻪﺗﭽﯩﻠﯩﺮﯨﻨﯩﯔ ﺋﺎﮔﺎﻫﻼﻧﺪﯗﺭﯗﺵ ﺭﻭﻟﻰ ﺯﻭﺭ ﺑﻮﻟﯩﺪﯗ " ﺩﻩﻳﺪﯗ.

ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺑﺎﻳﺎﻧﺎﺗﭽﯩﺴﻰ ﭼﯩﻦ ﮔﺎﯓ ﻛﻼﺋﯘﺳﻨﯩﯔ ﺋﻮﻟﯩﻤﭙﯩﻚ ﺑﺎﻳﻘﯘﺗﯩﻐﺎ ﺋﯩﻨﻜﺎﺱ ﻗﺎﻳﺘﯘﺭﯗﺷﻨﻰ ﺭﻩﺕ ﻗﯩﻠﯩﭗ، " ﻣﻪﻟﯘﻡ ﺩﯙﻟﻪﺕ ﺳﯩﻴﺎﺳﻪﺗﭽﯩﺴﯩﻨﯩﯔ ﺗﻪﻛﻠﯩﭙﻨﻰ ﻗﻮﺑﯘﻝ ﻗﯩﻠﯩﺶ - ﻗﯩﻠﻤﺎﺳﻠﯩﻘﻰ، ﺋﯘﻧﯩﯔ ﺷﯘ ﺩﯙﻟﻪﺕ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻐﺎ ﺑﻪﺭﮔﻪﻥ ﺟﺎﯞﺍﺑﻰ ﻫﯧﺴﺎﺑﻠﯩﻨﯩﺪﯗ. ﻣﻪﻥ ﺑﯘﻧﯩﯖﻐﺎ ﺑﺎﻫﺎ ﺑﻪﺭﻣﻪﻳﻤﻪﻥ" ﺩﻩﭖ ﺗﻪﻛﯩﺘﻠﯩﮕﻪﻥ. ﭼﯧﺨﯩﻴﻪ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﺑﻮﻟﺴﺎ ﭘﺮﯦﺰﯨﺪﯦﻨﺖ ﻛﻼﺋﯘﺳﻨﯩﯔ ﻗﺎﺭﺍﺭﯨﻐﺎ ﻫﯚﺭﻣﻪﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﺪﻯ. ﭘﺮﯦﺰﯨﺪﯦﻨﺖ ﻛﻼﺋﯘﺱ، ﭘﺮﺍﮔﺎ ﺷﻪﻫﻪﺭ ﺑﺎﺷﻠﯩﻘﻰ، ﭼﯧﺨﯩﻴﻪ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻯ ﯞﻩ ﻣﯘﻫﯩﺖ ﻣﯩﻨﯩﺴﺘﯩﺮﯨﺪﯨﻦ ﻛﯧﻴﯩﻦ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﻐﺎﻥ 4 ‏- ﻧﻪﭘﻪﺭ ﭼﯧﺨﯩﻴﯩﻠﯩﻚ ﺳﯩﻴﺎﺳﻪﺗﭽﯩﺪﯗﺭ.

" ﺧﯩﺘﺎﻱ ﺩﺍﻻﻱ ﻻﻣﺎﻧﯩﯔ ﯞﻩﻛﯩﻠﻰ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺷﻰ ﻛﯧﺮﻩﻙ "

ﻏﻪﺭﺏ ﺩﯙﻟﻪﺗﻠﯩﺮﯨﺪﻩ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺶ ﭼﺎﻗﯩﺮﯨﻘﯩﻨﯩﯔ ﻛﯜﭼﯩﻴﯩﺸﻰ ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﭼﺎﺭﺷﻪﻧﺒﻪ ﻛﯜﻧﻰ ﺧﯩﺘﺎﻱ ﺩﯙﻟﻪﺕ ﺭﻩﺋﯩﺴﻰ ﺧﯘ ﺟﯩﻨﺘﺎﯞﻏﺎ ﺗﯧﻠﯧﻔﻮﻥ ﻗﯩﻠﯩﭗ، ﺗﯩﺒﻪﺕ ﯞﻩﺯﯨﻴﯩﺘﯩﮕﻪ ﺋﻪﻧﺪﯨﺸﻪ ﺑﯩﻠﻪﻥ ﺩﯨﻘﻘﻪﺕ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺧﯘﻧﯩﯔ ﺳﻪﻣﯩﮕﻪ ﺳﯧﻠﯩﺸﯩﻐﺎ ﺗﯜﺭﺗﻜﻪ ﺑﻮﻟﺪﻯ. ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﺩﯙﻟﻪﺕ ﺧﻪﯞﭘﺴﯩﺰﻟﯩﻚ ﻣﻪﺳﻠﯩﻬﻪﺗﭽﯩﺴﻰ ﺳﺘﯩﭙﺎﻥ ﺧﺎﺭﺩﻟﯧﻴﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺑﯘﺵ ﺗﯧﻠﯧﻔﻮﻥ ﺳﯚﻫﺒﯩﺘﯩﺪﻩ "ﺗﯩﺒﻪﺗﺘﯩﻜﻰ ﺯﻭﺭﺍﯞﺍﻧﻠﯩﻘﺘﯩﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻧﻠﯩﻘﻰ، ﺗﻪﺭﻩﭘﻠﻪﺭﻧﯩﯔ ﺋﯚﺯﯨﻨﻰ ﺗﯘﺗﯘﯞﯦﻠﯩﺸﻰ ﻻﺯﯨﻤﻠﯩﻘﻰ ﯞﻩ ﺩﺍﻻﻱ ﻻﻣﺎﻧﯩﯔ ﯞﻩﻛﯩﻠﻰ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺷﻨﯩﯔ ﺯﯙﺭﯛﺭﻟﯜﻛﯩﻨﻰ ﻧﺎﻫﺎﻳﯩﺘﻰ ﻛﯜﭼﻠﯜﻙ ﺗﯜﺭﺩﻩ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ " . ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﭘﻪﻳﺸﻪﻧﺒﻪ ﻛﯜﻧﻜﻰ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﺪﺍ ﺧﯘ ﺟﯩﻨﺘﺎﯞ ﺑﯩﻠﻪﻥ ﺑﯘﺷﻨﯩﯔ ﺳﯚﻫﺒﯩﺘﯩﮕﻪ ﺑﺎﻫﺎ ﺑﯧﺮﯨﭗ، ﺧﯘﻧﯩﯔ ﺑﯧﻴﺠﯩﯔ ﺗﯩﺒﻪﺕ ﺭﻭﻫﺎﻧﻰ ﺩﺍﻫﯩﻴﺴﻰ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺵ ﻗﺎﺭﺍﺭﯨﻐﺎ ﻛﯧﻠﯩﺸﺘﯩﻦ ﺑﯘﺭﯗﻥ، ﺩﺍﻻﻱ ﻻﻣﺎ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻐﺎ "ﺑﯘﺯﻏﯘﻧﭽﯩﻠﯩﻖ" ﻗﯩﻠﯩﺸﻨﻰ ﺗﻮﺧﺘﺎﺗﺴﯘﻥ، ﺩﯦﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ ﺩﯗﭺ ﻛﯧﻠﯩﯟﺍﺗﻘﺎﻥ ﺧﻪﻟﻘﺌﺎﺭﺍ ﺑﯧﺴﯩﻢ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺶ ﺑﯩﻠﻪﻥ ﭼﻪﻛﻠﻪﻧﮕﻪﻥ ﺋﻪﻣﻪﺱ. ﺋﯘ ﻳﻪﻧﻪ، ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﯩﯔ ﺗﯩﺒﻪﺗﺘﯩﻜﻰ ﯞﻩﻗﻪ ﺋﯜﺳﺘﯩﺪﻩ ﺧﻪﻟﻘﺌﺎﺭﺍ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﻘﺎ ﺭﯗﺧﺴﻪﺕ ﻗﯩﻠﯩﺶ ﺑﯧﺴﯩﻤﯩﻐﺎ ﺩﯗﭺ ﻛﻪﻟﻤﻪﻛﺘﻪ. ﻣﻪﺭﻛﯩﺰﻯ ﻧﻴﯘﻳﻮﺭﻛﺘﯩﻜﻰ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ ﭘﻪﻳﺸﻪﻧﺒﻪ ﻛﯜﻧﻰ ﺧﻪﻟﻘﺌﺎﺭﺍ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﯩﺶ ﺑﯩﻠﻪﻥ ﺑﯩﺮﮔﻪ، ﺧﯩﺘﺎﻳﻨﯩﯔ ﺏ ﺩ ﺕ ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﯩﺪﻩ ﭘﺎﻛﯩﺴﺘﺎﻥ، ﻣﯩﺴﯩﺮ ﯞﻩ ﺳﯩﺮﯨﻼﻧﻜﯩﻼﺭﻧﯩﯔ ﻳﺎﺭﺩﯨﻤﻰ ﺑﯩﻠﻪﻥ ﻛﯧﯖﻪﺷﻨﯩﯔ ﺗﯩﺒﻪﺕ ﯞﻩﺯﯨﻴﯩﺘﯩﮕﻪ ﺩﺍﺋﯩﺮ ﻣﯘﺯﺍﻛﯩﺮﻩ ﻛﯜﻧﺘﻪﺭﺗﯩﭙﯩﻨﻰ ﺋﯚﺯﮔﻪﺭﺗﯩﯟﻩﺗﻜﻪﻧﻠﯩﻜﯩﻨﻰ ﺋﻪﻳﯩﺒﻠﯩﺪﻯ. ﺋﺎﯞﺳﺘﯩﺮﺍﻟﯩﻴﻪ، ﺋﺎﻣﯧﺮﯨﻜﺎ، ﺳﻠﻮﯞﯦﻨﯩﻴﻪ، ﺷﯟﯦﺘﺴﺎﺭﯨﻴﻪ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭ ﭼﺎﺭﺷﻪﻧﺒﻪ ﻛﯜﻧﻰ ﻛﯩﺸﯩﻠﯩﻚ ﻫﻮﻗﯘﻕ ﻛﯧﯖﯩﺸﯩﮕﻪ ﺗﯩﺒﻪﺕ ﯞﻩﺯﯨﻴﯩﺘﯩﻨﻰ ﻣﯘﺯﺍﻛﯩﺮﻩ ﻗﯩﻠﯩﺶ ﺗﻪﻛﻠﯩﭙﻰ ﺑﻪﺭﮔﻪﻥ، ﻟﯧﻜﯩﻦ ﺧﯩﺘﺎﻱ، ﭘﺎﻛﯩﺴﺘﺎﻥ، ﻣﯩﺴﯩﺮ ﯞﻩ ﺳﯧﺮﯨﻼﻧﻜﯩﻼﺭ ﻳﯩﻐﯩﻨﺪﺍ ﻛﯩﺸﯩﻠﯩﻚ ﻫﻮﻗﯘﻕ ﺋﻪﻫﺪﯨﻨﺎﻣﯩﺴﯩﻨﯩﯔ ﻣﯘﺯﺍﻛﯩﺮﻩ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﺎﻫﺎﻧﻪ ﻗﯩﻠﯩﭗ، ﺋﺎﻳﺮﯨﻢ ﺑﯩﺮ ﯞﻩﻗﻪ ﺋﯜﺳﺘﯩﺪﻩ ﻣﯘﺯﺍﻛﯩﺮﻩ ﺋﯧﻠﯩﭗ ﺑﯧﺮﯨﺸﻘﺎ ﻗﺎﺭﺷﻰ ﭼﯩﻘﻘﺎﻥ.

" ﺩﺍﻻﻱ ﻻﻣﺎ ﺗﯩﺒﻪﺗﻜﻪ ﻗﺎﻳﺘﯩﭗ ﻛﻪﻟﺴﯘﻥ، ﺑﯩﺰ ﺋﻪﺭﻛﯩﻨﻠﯩﻚ ﺗﻪﻟﻪﭖ ﻗﯩﻠﯩﻤﯩﺰ "

ﺧﯩﺘﺎﻱ ﻟﺨﺎﺳﺎ ﺷﻪﻫﯩﺮﯨﻨﯩﯔ ﺋﻮﻣﯘﻣﻰ ﺗﻪﺭﺗﯩﭙﻰ ﺋﻪﺳﻠﯩﮕﻪ ﻛﻪﻟﮕﻪﻧﻠﯩﻜﯩﻨﻰ ﺗﻪﻛﯩﺘﻠﻪﯞﺍﺗﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻟﺨﺎﺳﺎ ﺷﻪﻫﯩﺮﯨﺪﻩ ﺗﯩﺒﻪﺗﻠﻪﺭﻧﯩﯔ ﺧﯩﺘﺎﻳﻐﺎ ﻗﺎﺭﺷﻰ ﻧﺎﺭﺍﺯﯨﻠﯩﻘﻰ ﺗﻮﺧﺘﯩﺪﻯ ﺩﯦﮕﯩﻠﻰ ﺑﻮﻟﻤﺎﻳﺘﺘﻰ. ﺧﯩﺘﺎﻱ ﺋﺎﻟﺪﯨﻨﻘﻰ ﻛﯜﻧﻰ ﭼﻪﺗﺌﻪﻟﻠﯩﻜﻠﻪﺭﻧﻰ ﺋﺎﺳﺎﺱ ﻗﯩﻠﻐﺎﻥ 28 ﻛﯩﺸﯩﻠﯩﻚ ﻟﺨﺎﺳﺎﻧﻰ ﺯﯨﻴﺎﺭﻩﺕ ﻗﯩﻠﯩﺶ ﻣﯘﺧﺒﯩﺮﻻﺭ ﺋﯚﻣﯩﻜﻰ ﺗﻪﺷﻜﯩﻠﻠﯩﮕﻪﻥ ﺋﯩﺪﻯ. ﻣﯘﺧﺒﯩﺮﻻﺭﻧﻰ ﭘﻪﻳﺸﻪﻧﺒﻪ ﻛﯜﻧﻰ ﻟﺨﺎﺳﺎﺩﯨﻜﻰ ﺟﻮﻛﺎﯓ ﺋﯩﺒﺎﺩﻩﺗﺨﺎﻧﯩﺴﯩﻨﻰ ﺯﯨﻴﺎﺭﻩﺕ ﻗﯩﻠﻐﺎﻧﺪﺍ ﺋﯩﺒﺎﺩﻩﺗﺨﺎﻧﯩﺪﯨﻜﻰ 30 ﻧﻪﭘﻪﺭ ﺭﺍﻫﯩﺐ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻧﺎﻣﺎﻳﯩﺸﭽﯩﻼﺭﻧﻰ ﺑﺎﺳﺘﯘﺭﻏﺎﻧﻠﯩﻘﯩﻨﻰ ﺋﻪﻳﯩﺒﻠﯩﮕﻪﻥ.

ﺑﻪﺯﻯ ﺭﺍﻫﯩﺒﻼﺭ " ﺗﯩﺒﻪﺕ ﺋﻪﺭﻛﯩﻦ ﺋﻪﻣﻪﺱ " ﺩﯦﮕﻪﻥ، ﻣﯘﺧﺒﯩﺮﻻﺭﻧﯩﯔ ﺗﯩﺒﻪﺗﺘﯩﻜﻰ ﯞﻩﻗﻪﻧﻰ ﺗﺎﺷﻘﻰ ﺩﯗﻧﻴﺎﻏﺎ ﺋﻪﻳﻨﻪﻥ ﻳﻪﺗﻜﯜﺯﯛﺷﯩﻨﻰ، ﺩﺍﺋﯩﺮﯨﻠﻪﺭﻧﯩﯔ ﺋﯚﺯﻟﯩﺮﯨﻨﻰ ﺩﺍﻻﻱ ﻻﻣﺎﻏﺎ ﻗﺎﺭﺷﻰ ﺗﯘﺭﯗﺷﻘﺎ ﻣﻪﺟﺒﯘﺭﻻﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺯﯨﻴﺎﺭﻩﺕ ﺋﯚﻣﯩﻜﯩﺪﯨﻜﻰ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﯩﺮ ﻣﯘﺧﺒﯩﺮﻯ ﺑﯩﺮ ﺭﺍﻫﯩﺒﻨﯩﯔ ﺋﯜﻥ ﺳﯧﻠﯩﭗ ﻳﯩﻐﻠﯩﻐﺎﻧﻠﯩﻘﯩﻨﻰ، ﻳﻪﻧﻪ ﺑﯩﺮ ﺭﺍﻫﯩﺒﻨﯩﯔ "ﻟﺨﺎﺳﺎﺩﯨﻜﻰ ﯞﻩﻗﻪ ﺑﯩﻠﻪﻥ ﺩﺍﻻﻱ ﻻﻣﺎﻧﯩﯔ ﺋﺎﻻﻗﯩﺴﻰ ﻳﻮﻕ " ﺩﯦﮕﻪﻧﻠﯩﻜﯩﻨﻰ ﺧﻪﯞﻩﺭ ﻗﯩﻠﺪﻯ. ﺗﻪﻳﯟﻩﻥ ﺩﯗﯕﺴﯧﻦ ﺗﯧﻠﯧﯟﯨﺰﯨﻴﻪ ﻗﺎﻧﯩﻠﯩﻨﯩﯔ ﻣﯘﺧﺒﯩﺮﻯ ﺑﯩﺮ ﺭﺍﻫﯩﺒﻨﯩﯔ ﺋﯚﻣﻪﻛﺘﯩﻜﻰ ﺑﯩﺮ ﻛﻮﻣﭙﺎﺭﺗﯩﻴﻪ ﺋﻪﻣﻪﻟﺪﺍﺭﯨﻨﻰ " ﻳﺎﻟﻐﺎﻧﭽﻰ " ﺩﻩﭖ ﺗﯩﻠﻠﯩﻐﺎﻧﻠﯩﻘﯩﻨﻰ، ﺭﺍﻫﯩﭙﻼﺭﻧﯩﯔ " ﺩﺍﻻﻱ ﻻﻣﺎ ﺗﯩﺒﻪﺗﻜﻪ ﻗﺎﻳﺘﯩﭗ ﻛﻪﻟﺴﯘﻥ، ﺑﯩﺰ ﺋﻪﺭﻛﯩﻨﻠﯩﻚ ﺗﻪﻟﻪﭖ ﻗﯩﻠﯩﻤﯩﺰ " ﺩﻩﭖ ﺷﯘﺋﺎﺭ ﺗﻮﯞﻟﯩﻐﺎﻧﻠﯩﻘﯩﻨﻰ ﻣﻪﻟﯘﻡ ﻗﯩﻠﺪﻯ.

ﺧﻪﻟﻘﺌﺎﺭﺍ ﺋﺎﺧﺒﺎﺭﺍﺕ ﺑﯩﺮﻟﻪﺷﻤﯩﺴﻰ ﭘﻪﻳﺸﻪﻧﺒﻪ ﻛﯜﻧﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺑﯩﺮ ﻗﯩﺴﯩﻢ ﻣﯘﺧﺒﯩﺮﻻﺭﻧﻰ ﺗﺎﻟﻼﭖ ﺗﯩﺒﻪﺗﻨﻰ ﺯﯨﻴﺎﺭﻩﺕ ﻗﯩﻠﺪﯗﺭﻏﺎﻧﻠﯩﻘﯩﻨﻰ ﻗﻮﺑﯘﻝ ﻗﯩﻠﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﻫﻪﺭﯨﻜﻪﺕ، ﺩﻩﭖ ﺋﻪﻳﯩﺒﻠﯩﮕﻪﻥ. ﻣﻪﺯﻛﯘﺭ ﺋﻮﺭﮔﺎﻥ ﺧﯩﺘﺎﻳﻨﯩﯔ ﺑﯘ ﻫﻪﺭﯨﻜﯩﺘﯩﻨﻰ ﺋﯘﻧﯩﯔ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﻨﻰ ﻗﻮﻳﯘﯞﯦﺘﯩﺶ ﯞﻩﺩﯨﺴﯩﮕﻪ ﺧﯩﻼﭖ، ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ، ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﺗﯩﺒﻪﺗﻜﻪ ﻛﯩﺮﯨﺶ ﭼﻪﻛﻠﯩﻤﯩﺴﻰ ﺑﯩﻜﺎﺭ ﻗﯩﻠﯩﻨﯩﺸﯩﻨﻰ ﺗﻪﻟﻪﭖ ﻗﯩﻠﺪﻯ. (ﺋﻪﺭﻛﯩﻦ)