ﺋﯘﻳﻐﯘﺭ ﺋﯧﻠﯩﺪﯨﻜﻰ ﺗﯘﻧﺠﻰ ﺗﺎﺭﯨﺨﯩﻲ ﻣﯘﺯﯦﻲ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯜﮔﯜﻥ ﻳﻪﻧﻰ18 - ﻣﺎﻱ31 - ﻧﯚﯞﻩﺗﻠﯩﻚ ﺧﻪﻟﻘﺎﺭﺍ ﻣﯘﺯﯦﻲ ﻛﯜﻧﻰ، ﻣﻮﻝ ﯞﻩ ﻗﻪﺩﯨﻤﯩﻲ ﻣﻪﺩﻩﻧﯩﻲ ﻣﯩﺮﺍﺳﻼﺭﻏﺎ ﺑﺎﻱ ﺑﻮﻟﻐﺎﻥ ﺋﯘﻳﻐﯘﺭ ﺋﯧﻠﯩﺪﯨﻤﯘ، ﺗﯘﻧﺠﻰ ﻣﯘﺯﯦﻲ ﺑﻮﻟﻐﺎﻥ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻣﯘﺯﯦﻲ 1959 - ﻳﯩﻠﻰ ﺋﯜﺭﯛﻣﭽﻰ ﺷﻪﻫﺮﯨﺪﻩ ﻗﯘﺭﯗﻟﻐﺎﻥ ﺋﯩﺪﻯ.

ﺗﺎﺭﯨﺨﯩﻲ ﻣﻪﺩﻩﻧﯩﻲ ﻣﯩﺮﺍﺳﻼﺭﻧﻰ ﺳﺎﻗﻼﺵ، ﺗﻪﺗﻘﯩﻖ ﻗﯩﻠﯩﺶ،ﯞﻩ ﻛﯚﺭﺳﯩﺘﯩﺸﻨﻰ ﺑﯩﺮ ﮔﻪﯞﺩﻩ ﻗﯩﻠﻐﺎﻥ ﻣﯘﺯﯦﻲ - ﺋﻪﯞﻻﺗﻼﺭﻏﺎ ﻣﯩﻠﻠﻪﺗﭙﻪﺭﯞﻩﺭﻟﯩﻚ، ﯞﻩﺗﻪﻧﭙﻪﺭﯞﻩﺭﻟﯩﻚ ﺗﻪﺭﺑﯩﻴﯩﺴﯩﻨﻰ ﺋﻮﺑﺮﺍﺯﻟﯩﻖ ﺋﯧﻠﯩﭗ ﺑﺎﺭﯨﺪﯨﻐﺎﻥ ﺋﯘﻧﯟﯦﺮﺳﺎﻝ ﺩﻩﺭﺳﺨﺎﻧﺎ. ﺷﯘﻧﺪﺍﻗﻼ، ﻳﯩﭙﻪﻙ ﻳﻮﻟﻰ، ﺗﺎﺭﯨﻢ ﻣﻪﺩﻩﻧﯩﻴﯩﺘﻰ، ﺋﯘﻳﻐﯘﺭﻻﺭﻏﺎ ﻗﯩﺰﯨﻘﻘﯘﭼﻰ ﺩﯗﻧﻴﺎ ﺯﯨﻴﺎﺭﻩﺗﭽﯩﻠﯩﺮﯨﮕﻪ ﻧﯩﺴﺒﻪﺗﻪﻥ ﻏﻪﺭﺑﯩﻲ ﻳﯘﺭﺗﻨﯩﯔ ﺗﺎﺭﯨﺨﯩﻲ ﺳﯩﺮﻟﯩﺮﯨﻨﻰ ﺋﺎﭼﯩﺪﯨﻐﺎﻥ ﺟﺎﻫﺎﻥ ﺋﻪﻳﻨﯩﻜﯩﺪﻩﻙ ﺭﻭﻟﻼﺭﻧﻰ ﺋﻮﻳﻨﺎﭖ ﻛﻪﻟﻤﻪﻛﺘﻪ.

ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺗﻪﺷﯟﯨﻘﺎﺕ ﺳﺎﻫﻪﺳﯩﻨﯩﯔ ﻛﻮﻧﺘﺮﻭﻟﻠﯩﻘﯩﺪﯨﻜﻰ ﺑﯘ ﻣﯘﺯﯦﻲ، ﺋﻪﻟﯟﻩﺗﺘﻪ ﺑﯘ ﺋﻪﻟﻠﯩﻚ ﻳﯩﻠﻠﯩﻖ ﻣﯘﺳﺎﭘﻪ ﺟﻪﺭﻳﺎﻧﯩﺪﺍ، ﺋﺎﺯ ﺑﻮﻟﻤﯩﻐﺎﻥ ﺋﯩﺴﺴﯩﻖ ﺳﻮﻏﯘﻗﻨﻰ ﺑﺎﺷﺘﯩﻦ ﺋﯚﺗﻜﯜﺯﺩﻯ.

ﻣﯘﺯﯦﻴﻨﯩﯔ ﻗﯘﺭﯗﻟﯘﺵ ﺗﺎﺭﯨﺨﻰ

18 - ﺋﻪﺳﯩﺮﻟﻪﺭﺩﻩ ﻧﺎﭘﻮﻟﯧﺌﻮﻥ ﻣﯩﺴﯩﺮﻏﺎ ﻳﯜﺭﯛﺵ ﻗﯩﻠﻐﺎﻧﺪﺍ، ﻓﺮﺍﻧﺴﯩﻴﻪ ﺗﺎﺭﯨﺦ ﺋﺎﻟﯩﻤﻠﯩﺮﯨﻨﻰ ﺑﯩﺮﮔﻪ ﺋﯧﻠﯩﭗ ﺑﺎﺭﻏﺎﻥ ﺋﯩﻜﻪﻥ،ﺋﯘ ﺋﯘﺭﯗﺵ ﻗﯩﻠﯩﭗ ﻣﯩﺴﯩﺮ ﺋﯩﺴﭙﺎﻧﯩﻴﻪ، ﺋﯩﺘﺎﻟﯩﻴﻪ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﻰ ﺑﯧﺴﯩﯟﺍﻟﻐﺎﻧﺪﺍ ﺑﯘ ﻗﻪﺩﯨﻤﯩﻲ ﺗﺎﺭﯨﺨﻘﺎ ﺋﯩﮕﻪ ﺩﯙﻟﻪﺗﻠﻪﺭﺩﯨﻜﻰ ﻳﺎﺩﯨﻜﺎﺭﻟﯩﻘﻼﺭﻧﻰ ﻳﯩﻐﯩﭗ ﻛﯧﻠﯩﭗ ﻣﻪﺧﺴﯘﺱ ﺳﺎﻗﻠﯩﻐﺎﻥ ﻫﻪﻡ ﺗﻪﺗﻘﯩﻖ ﻗﯩﻠﺪﯗﺭﻏﺎﻥ. ﻣﺎﻧﺎ ﺑﯘ ﺗﺎﺭﯨﺨﯩﻲ ﻣﺎﺗﯧﺮﯨﻴﺎﻟﻼﺭﺩﺍ ﺳﺎﻗﻼﻧﻐﺎﻥ ﺋﻪﯓ ﺑﯘﺭﯗﻧﻘﻰ ﻣﯘﺯﯦﻲ ﻫﯧﺴﺎﺑﻠﯩﻨﯩﺪﯗ.

ﺋﯘﻳﻐﯘﺭ ﺋﯧﻠﯩﺪﯨﻜﻰ ﺗﯘﻧﺠﻰ ﻣﯘﺯﯦﻲ ﻫﯧﺴﺎﺑﻼﻧﻐﺎﻥ، ﺋﯜﺭﯛﻣﭽﻰ ﺷﻪﻫﺮﯨﻨﯩﯔ ﻏﻪﺭﺑﯩﻲ ﺷﯩﻤﺎﻝ ﻳﻮﻟﯩﺪﯨﻜﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻣﯘﺯﯦﻲ 1953 - ﻳﯩﻠﯩﺪﯨﻦ ﺑﺎﺷﻼﭖ ﻗﯘﺭﯗﻟﯘﺷﻘﺎ ﺑﺎﺷﻠﯩﻐﺎﻥ ﺑﻮﻟﯘﭖ 1959- ﻳﯩﻠﻰ ﺭﻩﺳﻤﻰ ﺋﯧﭽﯩﻠﯩﺸﻘﺎ ﺑﺎﺷﻠﯩﻐﺎﻥ. ﺋﯘ ﺩﻩﺳﻠﻪﭖ ﺋﯧﭽﯩﻠﻐﺎﻧﺪﺍ ﺋﯘﻳﻐﯘﺭ ﺋﯧﻠﯩﻨﯩﯔ ﺩﯦﻬﻘﺎﻧﭽﯩﻠﯩﻖ ﺗﺎﺭﯨﺨﯩﻲ ﻛﯚﺭﮔﻪﺯﻣﯩﺴﯩﻨﻰ ﺋﺎﺳﺎﺱ ﻗﯩﻠﻐﺎﻥ ﺑﻮﻟﯘﭖ 1962 - ﻳﯩﻠﯩﺪﯨﻦ ﺋﯧﺘﯩﺒﺎﺭﻩﻥ، ﻣﻪﺩﻩﻧﯩﻲ ﻣﯩﺮﺍﺳﻼﺭﻧﻰ ﺳﺎﻗﻼﺵ ﺑﯚﻟﯜﻣﻰ، ﻛﯚﺭﮔﻪﺯﻣﻪ ﺑﯚﻟﯩﻤﻰ، ﺋﺎﺭﺧﯩﺌﻮﻟﻮﮔﯩﻴﻪ ﺑﯚﻟﯜﻣﻰ، ﺋﺎﺭﺧﯩﻠﻮﮔﯩﻴﯩﻠﯩﻚ ﻗﯧﺰﯨﻠﻤﯩﻼﺭﻧﻰ ﺗﯧﺨﻨﯩﻜﯩﻠﯩﻖ ﺳﺎﻗﻼﺵ ﯞﻩ ﺋﻪﺳﻠﯩﮕﻪ ﻛﻪﻟﺘﯜﺭﯛﺵ ﺑﯚﻟﯜﻣﻠﯩﺮﻯ ﻗﺎﺗﺎﺭﻟﯩﻖ ﺋﻮﻥ ﺗﻮﻗﻘﯘﺯ ﺋﺎﺳﺎﺳﻠﯩﻖ ﺗﺎﺭﻣﺎﻗﺘﯩﻦ ﺗﻪﺭﻛﯩﭗ ﺗﺎﭘﻘﺎﻥ ﺭﻩﺳﻤﯩﻲ ﺋﯚﻟﭽﻪﻣﻠﯩﻚ ﻣﯘﺯﯦﻲ ﺳﯜﭘﯩﺘﯩﺪﻩ ﺯﯨﻴﺎﺭﻩﺗﭽﯩﻠﻪﺭﮔﻪ ﺋﯧﭽﯩﻠﻐﺎﻥ.

ﻣﯘﺯﯦﻲ ﺋﯩﻨﮕﻠﯩﺰﭼﻪ ﺭﯦﭙﯧﻮﺯﯨﺘﻮﺭﻯ ﺩﯦﮕﻪﻥ ﻳﻪﻧﻰ ﺳﺎﻗﻼﺵ ﻣﻪﻧﯩﺴﯩﺪﯨﻜﻰ ﺳﯚﺯﺩﯨﻦ ﻛﻪﻟﮕﻪﻥ ﺑﻮﻟﯘﭖ،ﻳﺎﯞﺭﻭﭘﺎﺩﯨﻜﻰ ﺋﻪﺩﻩﺑﯩﻴﺎﺕ ﺳﻪﻧﺌﻪﺕ ﮔﯜﻟﻠﯩﻨﯩﺶ ﺩﻩﯞﺭﯨﺪﻩ ﺷﯘ ﺩﻩﯞﯨﺮﺩﯨﻜﻰ ﻣﻪﺷﻬﯘﺭﻻﺭ ﺗﻪﺭﯨﭙﯩﺪﯨﻦ ﻣﯘﺯﯨﯩﻴﯩﻢ ﺳﯚﺯﻯ ﺑﯧﻜﯩﺘﯩﻠﮕﻪﻥ.ﻣﯘﺯﯨﯩﻴﯩﻢ ﺳﯚﺯﻯ ﻛﻪﯓ ﻣﻪﻧﯩﺪﻩ ﺋﺎﻟﻐﺎﻧﺪﺍ ﻗﻪﺩﯨﻤﯩﻲ ﻳﺎﺩﯨﻜﺎﺭﻟﯩﻘﻼﺭﻧﻰ ﺳﺎﻗﻼﻳﺪﯨﻐﺎﻥ، ﺗﻪﺷﯟﯨﻖ ﻗﯩﻠﯩﺪﯨﻐﺎﻥ، ﺗﻪﺗﻘﯩﻖ ﻗﯩﻠﯩﺪﯨﻐﺎﻥ ﺩﯦﮕﻪﻥ ﻣﻪﻧﺎﻻﺭﻧﻰ ﺑﯩﻠﺪﯛﺭﯨﺪﯗ.

ﺷﯘﯕﯩﻤﯘ ﺗﺎﺭﯨﺨﯩﻲ ﻣﯘﺯﯦﻴﻼﺭﻧﯩﯔ ﻣﻪﻧﺒﻪﺳﯩﻨﻰ ﺋﺎﺭﺧﯩﻠﻮﮔﯩﻴﻪﺩﯨﻦ ﺋﺎﻳﺮﯨﭗ ﻗﺎﺭﯨﻐﯩﻠﻰ ﺑﻮﻟﻤﺎﻳﺪﯗ،ﻣﯘﺯﯦﻴﻨﯩﯔ ﺋﺎﺳﺎﺳﯩﻲ ﺗﺎﺭﯨﺨﯩﻲ ﻣﯩﺴﺮﺍﻻﺭﺩﯗﺭ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﺗﺎﺭﯨﺨﯩﻲ ﻣﯘﺯﯦﻴﻨﯩﯔ ﺑﺎﺭﻟﯩﻘﻘﺎ ﻛﯧﻠﯩﺸﯩﮕﯩﻤﯘ ﺋﻪﻟﯟﻩﺗﺘﻪ ﺋﯘﻳﻐﯘﺭ ﺋﯧﻠﯩﻨﯩﯔ ﺋﺎﺭﺧﯩﻠﻮﮔﯩﻴﯩﻠﯩﻚ ﺧﺎﺩﯨﻤﻠﯩﺮﯨﻨﯩﯔ ﻗﺎﻥ ﺗﻪﺭﻟﯩﺮﻯ ﺳﯩﯖﮕﻪﻥ.

ﺋﯩﮕﯩﻠﯩﺸﯩﻤﯩﺰﭼﻪ، ﻣﯘﺯﯨﻴﻨﻰ ﻗﯘﺭﯗﺷﺘﺎ، ﺷﯘﻧﺪﺍﻗﻼ ﺋﯘﻧﯩﯔ ﻫﺎﺯﯨﺮﻏﺎ ﻗﻪﺩﻩﺭ ﻳﯜﺭﯛﺷﯩﺸﯩﺪﻩ ﺧﯩﺰﻣﻪﺕ ﻗﯩﻠﯩﭗ ﻛﯧﻠﯩﯟﺍﺗﻘﺎﻧﻼﺭﻧﯩﯔ ﻛﯚﭖ ﻗﯩﺴﻤﯩﻨﻰ ﺋﯘﻳﻐﯘﺭ ﺋﺎﺭﺧﯩﻠﻮﮔﻼﺭ ﻫﻪﻣﺪﻩ ﺗﻪﺗﻘﯩﻘﺎﺗﭽﻰ ﯞﻩ ﻛﯚﺭﮔﻪﺯﻣﻪ ﭼﯜﺷﻪﻧﺪﯛﺭﮔﯜﭼﯩﻠﯩﺮﻯ ﺋﯩﮕﯩﻠﻠﯩﺴﯩﻤﯘ ﺭﻩﻫﺒﯩﺮﻯ ﻛﺎﺩﯨﺮﻻﺭ ﻗﺎﺗﻠﯩﻤﯩﻨﯩﯔ ﻛﯚﭖ ﻗﯩﺴﻤﯩﻨﻰ ﻳﻪﻧﯩﻼ ﺧﯩﺘﺎﻳﻼﺭﺩﯨﻦ ﺗﻪﺭﻛﯩﭗ ﺗﺎﭘﻤﺎﻗﺘﺎ ﺋﯩﻜﻪﻥ.

ﻣﯘﺯﯦﻴﺪﺍ ﺋﻮﻏﺮﯨﻨﯩﯔ ﺋﯩﺸﯩﻚ ﺑﺎﻗﺎﺭ ﺑﻮﻟﯩﺸﻰ

ﺑﯘ ﻣﯘﺯﯦﻴﻨﯩﯔ ﻳﯧﺸﯩﻞ ﮔﯜﻣﺒﻪﺯﻟﯩﻚ، ﻗﻮﻳﯘﻕ ﻣﯩﻠﻠﯩﻲ ﺋﺎﻻﻫﯩﺪﯨﻠﯩﻜﻜﻪ ﺋﯩﮕﻪ ﻫﻪﻳﯟﻩﺗﻠﯩﻚ ﻗﯘﺭﯗﻟﯘﺷﻰ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﯓ ﻣﯘﺳﺘﻪﻫﻜﻪﻡ ﻫﻪﻡ ﻛﯚﺭﻛﻪﻡ ﯞﻩﻛﯩﻠﻠﯩﻚ ﻗﯘﺭﯗﻟﯘﺷﻼﺭﺩﯨﻦ ﻫﯧﺴﺎﺑﻠﯩﻨﺎﺗﺘﻰ. ﺋﯘ ﻫﻪﺗﺘﺎ 1964 -ﻳﯩﻠﯩﺪﯨﻜﻰ 6.6 ﺑﺎﻝ ﻳﻪﺭ ﺗﻪﯞﺭﻩﺷﺘﯩﻤﯘ ﻫﯧﭽﻘﺎﻧﺪﺍﻕ ﺗﻪﺳﯩﺮﮔﻪ ﺋﯘﭼﺮﯨﻤﯩﻐﺎﻥ ﻣﯘﺳﺘﻪﻫﻜﻪﻡ ﻗﯘﺭﯗﻟﯘﺵ ﺋﯩﺪﻯ.

ﺋﻪﭘﺴﯘﺱ ﺋﻪﻟﻠﯩﻚ ﻳﯩﻠﺪﯨﻦ ﺑﯧﺮﻯ ﻛﯚﺭﻛﻪﻡ ﻗﻪﺩﺩﯨﻨﻰ ﺭﯗﺳﻼﭖ ﺗﯘﺭﻏﺎﻥ ﻣﯘﺯﯦﻲ ﺑﯩﻨﺎﺳﻰ ﻧﺎﻣﻪﻟﯘﻡ ﺳﻪﯞﻩﺑﻠﻪﺭ ﺑﯩﻠﻪﻥ2000 - ﻳﯩﻠﻰ8 - ﺋﺎﻳﻨﯩﯔ ﻣﻪﻟﯘﻡ ﺑﯩﺮ ﻛﯜﻧﻰ ﺋﻮﻧﻠﯩﻐﺎﻥ ﻛﯩﺮﺍﻧﻼﺭﻧﯩﯔ ﺑﯩﺮﻟﯩﻜﺘﻪ ﻫﻪﺭﯨﻜﻪﺕ ﻗﯩﻠﯩﺸﻰ ﺑﯩﻠﻪﻥ ﺑﯩﺮ ﻗﺎﻧﭽﻪ ﻛﯜﻧﮕﻪ ﻗﺎﻟﻤﺎﻱ ﺧﺎﺭﺍﺑﯩﻠﯩﻘﻘﺎ ﺋﺎﻳﻼﻧﺪﯗﺭﯗﭖ ﻗﯘﻳﯘﻟﺪﻯ. ﻣﯘﺯﯦﻴﻨﯩﯔ ﻣﻪﻟﯘﻡ ﺧﺎﺩﯨﻤﯩﻨﯩﯔ ﺑﯩﻠﺪﯛﺭﯛﺷﯩﭽﻪ ﺋﻪﻳﻨﻰ ﭼﺎﻏﺪﺍ ﻣﻪﺯﻛﯘﺭ ﻣﯘﺯﯦﻴﻨﯩﯔ ﻗﯘﺭﯗﻟﯘﺷﯩﺪﺍ ﻗﺎﻥ ﺗﻪﺭﯨﻨﻰ ﺗﯚﻛﻜﻪﻥ ﭘﯧﺸﻘﻪﺩﻩﻣﻠﻪﺭ ﻛﯚﺯ ﻳﺎﺵ ﻗﯩﻠﯩﺸﻘﺎﻥ ﺋﯩﻜﻪﻥ.

ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﯓ ﭼﻮﯓ ﻫﻪﻡ ﻣﯘﻛﻪﻣﻤﻪﻝ ﺑﻮﻟﻐﺎﻥ ﻣﻪﺯﻛﯘﺭ ﺗﺎﺭﯨﺨﯩﻲ ﻣﯘﺯﯦﻲ ﺑﯩﻨﺎﺳﯩﻨﯩﯔ " ﻛﯩﭽﯩﻚ ﺑﻮﻟﯘﭖ ﻗﺎﻟﺪﻯ، ﻛﻮﻧﯩﺮﺍﭖ ﻗﺎﻟﺪﻯ " ﺩﯦﮕﻪﻧﺪﻩﻙ ﺳﻪﯞﻩﺑﻠﻪﺭ ﺑﯩﻠﻪﻥ ﭼﯧﻘﯩﻠﯩﺸﻰ ﻧﯘﺭﻏﯘﻥ ﻛﯩﺸﯩﻠﻪﺭﻧﻰ ﻗﺎﻳﯩﻞ ﻗﯩﻼﻟﻤﯩﻐﺎﻥ ﺋﯩﺪﻯ. 2003 - ﻳﯩﻠﻰ6 - ﺋﺎﻳﻨﯩﯔ27 - ﻛﯜﻧﻰ ﺋﯜﺭﯛﻣﭽﻰ ﺳﺎﻳﺒﺎﻍ ﺭﺍﻳﻮﻧﯩﺪﯨﻜﻰ ﺳﻮﺗﺘﺎ ﻣﯘﺯﯦﻴﻨﯩﯔ ﺑﺎﺷﻠﯩﻘﻰ ﺩﯗ ﮔﯧﻨﭽﯩﯖﻨﯩﯔ ﺟﺎﯞﺍﺑﻜﺎﺭ ﺑﻮﻟﯘﭖ ﺳﻮﺗﻠﯩﻨﯩﺸﻰ ﺑﯩﻠﻪﻥ ﻣﯘﺯﯦﻴﻨﯩﯔ ﭼﯧﻘﯩﯟﯨﺘﯩﻠﯩﺸﻰ ﻫﻪﺗﺘﺎ ﺋﯩﻠﮕﯩﺮﻯ ﺑﯩﺮ ﻗﺎﻧﭽﻪ ﻗﯧﺘﯩﻤﻠﯩﻖ ﺋﻮﻏﺮﯨﻠﯩﻨﯩﺸﯩﻨﯩﯔ ﺳﯩﺮﻟﯩﺮﻯ ﭘﺎﺵ ﺑﻮﻟﺪﻯ.

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺩﯙﻟﻪﺕ ﺩﻩﺭﯨﺠﯩﻠﯩﻚ ﻗﻮﻏﺪﯨﻠﯩﺪﯨﻐﺎﻥ ﺋﻮﺭﮔﺎﻥ ﺑﻮﻟﻐﺎﻥ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺗﺎﺭﯨﺨﯩﻲ ﻣﯘﺯﯦﻴﻨﯩﯔ ﺑﺎﺷﻠﯩﻘﻠﯩﻘﯩﻐﺎ ﻗﻮﻳﯘﻟﻐﺎﻥ ﺩﯗ ﮔﯧﻨﭽﯧﯔ، ﻳﯧﯖﻰ ﻣﯘﺯﯦﻲ ﺑﯩﻨﺎﺳﻰ ﻗﯘﺭﯗﻟﯘﺷﯩﻨﻰ ﺋﯧﻠﯩﭗ ﺑﯧﺮﯨﺶ ﺟﻪﺭﻳﺎﻧﯩﺪﯨﻼ ﺩﯙﻟﻪﺕ ﺋﺎﺟﺮﺍﺗﻘﺎﻥ ﻳﯧﯖﻰ ﻣﯘﺯﯦﻲ ﻗﯘﺭﯗﺵ ﻣﻪﺑﻠﯩﻐﯩﺪﯨﻦ ﺋﯩﻜﻜﻰ ﻳﯜﺯ ﺳﻪﻛﻜﯩﺰ ﻣﯩﯔ ﻳﯜﻩﻧﮕﻪ ﺧﯩﻴﺎﻧﻪﺕ ﻗﯩﻠﻐﺎﻥ.

ﺋﯘ ﻳﻪﻧﻪ 1997- ﻫﻪﻣﺪﻩ 1998 - ﻳﯩﻠﻠﯩﺮﻯ ﻣﯘﺯﯦﻴﺪﺍ ﺳﺎﻗﻠﯩﻨﯩﯟﺍﺗﻘﺎﻥ 100ﺩﯨﻦ ﺋﺎﺭﺗﯘﻕ ﺋﺎﺳﺎﺭﻩ ﺋﻪﺗﯩﻘﯩﻨﻰ ﭼﯩﺮﯨﭗ ﻛﻪﺗﻜﻪﻥ ﻳﺎﺧﺸﻰ ﺳﺎﻗﻼﻧﻤﯩﻐﺎﻧﻠﯩﻘﻰ ﺳﻪﯞﻩﺑﻠﯩﻚ ﻗﯘﺭﯗﺗﻠﯩﻐﺎﻥ ﺩﯦﮕﻪﻧﺪﻩﻙ ﺳﻪﯞﻩﺏ ﺑﯩﻠﻪﻥ ﻣﻪﺧﭙﻰ ﻫﺎﻟﺪﺍ ﺑﯩﺮ ﺗﻪﺭﻩﭖ ﻗﯩﻠﻐﺎﻥ. ﻳﻪﻧﻪ 2002 - ﻳﯩﻠﻰ9 - ﺋﺎﻳﻨﯩﯔ 30 - ﻛﯜﻧﻰ ﭼﻮﯓ ﻏﯘﻟﻐﯘﻻ ﻗﻮﺯﻏﯩﻐﺎﻥ ﻣﻪﺯﻛﯘﺭ ﻣﯘﺯﯦﻴﺪﯨﻦ ﺗﻮﻗﻘﯘﺯ ﺧﯩﻞ ﻣﻪﺷﻬﯘﺭ ﺋﺎﺳﺎﺭﻩ ﺋﻪﺗﯩﻘﻪ ﺑﯘﻳﯘﻣﻠﯩﺮﯨﻨﯩﯔ ﺋﻮﻏﯘﺭﻟﯩﻨﯩﺶ ﯞﻩﻗﻪﺳﯩﻨﯩﯖﻤﯘ، ﺩﯗ ﮔﯧﻨﭽﯧﯖﻨﯩﯔ ﭘﯩﻼﻧﻰ ﺑﯩﻠﻪﻥ ﺑﻮﻟﻐﺎﻧﻠﯩﻘﻰ ﺋﺎﺷﻜﺎﺭﻟﯩﻨﯩﭗ ﺋﻮﻥ ﻳﯩﻠﻠﯩﻖ ﻗﺎﻣﺎﻕ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﺪﻯ. ﺋﻪﻣﻤﺎ ﺋﯘﻧﯩﯔ ﻗﻮﻟﻰ ﺑﯩﻠﻪﻥ ﻧﺎﺑﯘﺕ ﻗﯩﻠﯩﻨﻐﺎﻥ، ﺳﯧﺘﯩﯟﯦﺘﯩﻠﮕﻪﻥ ﺋﺎﺳﺎﺭﻩ ﺋﻪﺗﯩﻘﯩﻠﻪﺭﻧﻰ ﺗﯧﭙﯩﭗ، ﻗﺎﻳﺘﯘﺭﯗﭖ ﺋﻪﺳﻠﯩﮕﻪ ﺋﯧﻠﯩﭗ ﻛﯧﻠﯩﺶ ﻣﯘﻣﻜﯩﻦ ﺋﻪﻣﻪﺱ ﺑﯩﺮ ﺗﺎﺭﯨﺨﯩﻲ ﭘﺎﺟﯩﺌﻪﮔﻪ ﺋﺎﻳﻼﻧﺪﻯ.

ﻫﺎﺯﯨﺮﻗﻰ ﻳﯧﯖﻰ ﻣﯘﺯﯦﻲ

ﺧﯩﺘﺎﻱ ﺩﺍﺋﯩﺮﻟﯩﺮﻯ 2005 - ﻳﯩﻠﻰ 9 - ﺋﺎﻳﻨﯩﯔ 20 - ﻛﯜﻧﻰ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻣﯘﺯﯦﻲ ﻳﯧﯖﻰ ﻗﯩﻴﺎﭘﻪﺕ ﺑﯩﻠﻪﻥ ﺋﯧﭽﯩﻠﺪﻯ ﺩﻩﭖ ﺋﯧﻼﻥ ﻗﯩﻠﺪﻯ. ﻫﺎﺯﯨﺮﻗﻰ ﺋﯩﻜﻜﻰ ﻗﻪﯞﻩﺗﻠﯩﻚ، ﺋﻮﻣﯘﻣﯩﻲ ﻛﯚﻟﯩﻤﻰ 17ﻣﯩﯔ 288 ﻛﯘﭖ ﻣﯧﺘﯩﺮ ﻛﯧﻠﯩﺪﯨﻐﺎﻥ ﻣﯘﺯﯦﻴﻨﯩﯔ ﻛﯚﺭﮔﻪﺯﻣﻪ ﺑﯚﻟﯜﻣﻰ، ﺗﺎﺭﯨﺨﯩﻲ ﻗﯧﺰﯨﻠﻤﯩﻼﺭ ﻛﯚﺭﮔﻪﺯﻣﯩﺴﻰ، ﻣﯩﻠﻠﻪﺗﻠﻪﺭ ﺋﯚﺭﯛﭖ ﺋﺎﺩﻩﺕ ﻛﯚﺭﮔﻪﺯﻣﯩﺴﻰ، ﯞﻩ ﻗﻪﺩﯨﻤﯩﻲ ﺟﻪﺳﻪﺗﻠﻪﺭ ﻛﯚﺭﮔﻪﺯﻣﯩﺴﻰ ﻫﻪﻣﺪﻩ ﺷﯩﻨﺠﺎﯓ ﺋﯩﻨﻘﯩﻼﭖ ﺗﺎﺭﯨﺨﻰ ﻛﯚﺭﮔﻪﺯﻣﯩﺴﻰ ﻗﺎﺗﺎﺭﻟﯩﻖ ﺗﯜﺭﻟﻪﺭ ﺑﻮﻳﯩﭽﻪ ﺯﯨﻴﺎﺭﻩﺗﭽﯩﻠﻪﺭﮔﻪ ﺋﯧﭽﯩﯟﯦﺘﯩﻠﺪﻯ.

ﺋﯘﻳﻐﯘﺭ ﺋﯧﻠﻰ ﺗﺎﺭﯨﺨﯩﻲ ﻣﯘﺯﯦﻴﯩﻐﺎ ﻗﻮﻳﯘﻟﻐﺎﻥ ﺗﺎﺭﯨﻢ ﯞﺍﺩﯨﺴﻰ، ﻧﯩﻴﻪ ﺧﺎﺭﺍﺑﯩﺴﻰ، ﻣﯩﺮﺍﻥ ﻗﻪﺩﯨﻤﯩﻲ ﺷﻪﻫﯩﺮﻯ، ﻛﯩﺮﻭﺭﺍﻥ ﻗﻪﺩﯨﻤﯩﻲ ﺷﻪﻫﻪﺭﻟﯩﺮﯨﺪﯨﻦ ﺗﯧﭙﯩﻠﻐﺎﻥ،ﺗﺎﺵ- ﻗﻮﺭﺍﻟﻼﺭ ﺩﻩﯞﺭﯨﺪﯨﻦ ﺑﺎﺷﻼﭖ ﻣﯩﺲ ﯞﻩ ﺗﯚﻣﯜﺭ ﻗﻮﺭﺍﻟﻼﺭ ﺩﻩﯞﺭﯨﮕﯩﭽﻪ، ﻣﯩﻼﺩﯨﻴﯩﺪﯨﻦ ﺋﯩﻠﮕﯩﺮﯨﻜﻰ ﺩﻩﯞﺭﻟﻪﺭﺩﯨﻦ، ﻣﯩﻼﺩﯨﻴﯩﺪﯨﻦ ﻛﯧﻴﯩﻨﻜﻰ ﺩﻩﯞﺭﻟﻪﺭﮔﯩﭽﻪ ﺑﻮﻟﻐﺎﻥ ﺩﻩﯞﺭﻟﻪﺭ ﺗﺎﺭﯨﺨﻠﯩﺮﯨﻐﺎ ﺋﺎﺋﯩﺖ ﻗﻪﺩﯨﻤﯩﻲ ﺋﺎﺳﺎﺭﻩ ﺋﻪﺗﯩﻘﯩﻠﻪﺭ،ﺑﻮﻟﯘﭘﻤﯘ ﺋﺎﻟﺘﻪ ﻣﯩﯔ ﻳﯩﻠﺪﯨﻦ ﺋﺎﺭﺗﯘﻕ ﺗﺎﺭﯨﺨﻘﺎ ﺋﯩﮕﻪ ﻗﯘﺭﯗﻕ ﺟﻪﺳﻪﺕ ﻛﯩﺮﻭﺭﺍﻥ ﮔﯜﺯﯨﻠﻰ، ﻣﯩﯔ ﺋﯚﻱ ﺑﯘﺩﺩﯨﺰﻡ ﻣﻪﺩﻩﻧﯩﻴﯩﺘﯩﮕﻪ ﺋﺎﺋﯩﺖ ﻳﺎﺩﯨﻜﺎﺭﻟﯩﻘﻼﺭ، ﻟﻮﭘﻨﻮﺭ ﻛﯩﺮﻭﺭﺍﻥ ﻗﻪﺩﯨﻤﯩﻲ ﻗﻪﺑﺮﯨﻠﻪﺭﺩﯨﻦ ﺗﯧﭙﯩﻠﻐﺎﻥ ﺋﯜﭺ ﻣﯩﯔ ﻳﯩﻠﻼﺭﭼﻪ ﺗﺎﺭﯨﺨﻘﺎ ﺋﯩﮕﻪ ﺑﯘﻏﺪﺍﻱ، ﺑﺎﺷﺎﻕ ﻫﻪﻡ ﺩﺍﻧﻠﯩﺮﻯ، ﺗﯧﺮﯨﻖ،ﺭﻩﯕﺪﺍﺭ ﻳﯘﯓ ﺗﻮﻗﯘﻟﻤﺎ ﻛﯩﻴﯩﻢ- ﻛﯧﭽﻪﻙ، ﻗﯘﻣﯘﻝ ﻗﻪﺩﯨﻤﻘﻰ ﺷﻪﻫﻪﺭ، ﺗﯘﺭﭘﺎﻥ ﭘﯩﭽﺎﻧﺪﯨﻦ ﺗﯧﭙﯩﻠﻐﺎﻥ ﺋﯩﻜﻜﻰ ﻣﯩﯔ ﻳﯩﻞ ﺑﯘﺭﯗﻧﻘﻰ ﺧﯘﺭﯗﻡ ﻛﯩﻴﯩﻤﻠﻪﺭ، ﺩﯗﻧﻴﺎ ﺋﯩﻨﺴﺎﻥ ﻣﻪﺩﯨﻨﯩﻴﯩﺘﻰ ﺗﻪﺗﻘﯩﻘﺎﺗﭽﯩﻠﯩﺮﻯ ﺋﺎﺭﺧﯩﻠﻮﮔﻼﺭ ﺳﺎﻫﻪﺳﯩﻨﻰ ﺯﯨﻞ ﺯﯨﻠﺰﯨﻠﯩﮕﻪ ﺳﺎﻟﻐﺎﻥ، ﺩﯗﻧﻴﺎﻧﯩﯔ ﻗﯩﺰﯨﻘﯩﺸﯩﻨﻰ ﻗﻮﺯﻏﯩﻐﺎﻥ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻘﻼﺭ ﻫﯧﺴﺎﺑﻠﯩﻨﯩﺪﯗ.

ﺋﯘﻳﻐﯘﺭ ﺋﯧﻠﯩﮕﻪ ﺧﺎﺱ ﺑﻮﻟﻐﺎﻥ ﺑﯘ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻘﻼﺭ، ﭘﯜﺗﯜﻥ ﺩﯗﻧﻴﺎ ﺋﯩﻨﺴﺎﻧﯩﻴﻪﺕ ﻣﻪﺩﯨﻨﯩﻴﻪﺕ ﺗﺎﺭﯨﺨﯩﻐﺎ ﺋﺎﺋﯩﺖ ﻗﯩﻤﻤﻪﺗﻠﯩﻚ ﺑﺎﻳﻠﯩﻘﻼﺭ ﺳﯜﭘﯩﺘﯩﺪﻩ ﺋﻮﻥ ﻳﯩﻠﺪﯨﻦ ﺑﯘﻳﺎﻥ ﻳﻪﻧﻪ ﻳﺎﭘﻮﻧﯩﻴﻪ،ﺋﺎﻣﯧﺮﯨﻜﺎ، ﻣﺎﻻﻳﺴﯩﻴﺎ، ﺧﻮﯕﻜﻮﯓ ﻫﻪﻣﺪﻩ ﺑﺎﺷﻘﺎ ﻳﺎﯞﺭﯗﭘﺎ ﺋﻪﻟﻠﯩﺮﯨﺪﻩ ﻛﯚﺭﮔﻪﺯﻣﻪ ﻗﯩﻠﯩﻨﯩﭗ ﻛﻪﻟﻤﻪﻛﺘﻪ.

ﻣﯘﺯﯦﻴﻨﯩﯔ ﺋﯚﻟﭽﯩﻤﻰ

ﺧﻪﻟﻘﺎﺭﺍ ﻣﯘﺯﯦﻲ ﺟﻪﻣﯩﻴﯩﺘﻰ ﻳﻪﻧﻰ ecomﻣﯘﺯﯦﻲ ﺋﯩﺸﻠﯩﺮﯨﻨﻰ ﺑﺎﺷﻘﯘﺭﯨﺪﯨﻐﺎﻥ ﻏﻪﻳﺮﻯ ﻫﯚﻛﯜﻣﻪﺕ ﺗﻪﺷﻜﯩﻼﺗﻰ1946 - ﺏ ﺩ ﺕ ﻗﺎﺭﻣﯩﻘﯩﺪﺍ 1946 - ﻳﯩﻠﻰ 11 - ﺋﺎﻳﺪﺍ ﻗﯘﺭﯗﻟﻐﺎﻥ. ﺑﯘ ﺗﻪﺷﻜﯩﻼﺗﻘﺎ 70- ﻳﯩﻠﻼﺭﻏﯩﭽﻪ ﻳﯜﺯ ﻧﻪﭼﭽﻪ ﺩﯙﻟﻪﺗﺘﯩﻦ ﻳﻪﺗﺘﻪ ﻣﯩﯖﺪﯨﻦ ﺋﺎﺭﺗﯘﻕ ﻣﯘﺯﯦﻲ ﺋﻪﺯﺍ ﺑﻮﻟﻐﺎﻥ. 1974 - ﻳﯩﻠﻰ ﻛﻮﺑﯩﻨﻬﺎﮔﯩﻦ ﺧﻪﻟﻘﺌﺎﺭﺍﻟﯩﻖ ﻣﯘﺯﯦﻲ ﺟﻪﻣﯩﻴﯩﺘﻰ ﻳﯩﻐﯩﻨﯩﺪﺍ ﻣﺎﻗﯘﻟﻼﻧﻐﺎﻥ ﻧﯩﺰﺍﻣﻨﺎﻣﯩﺴﯩﺪﺍ"ﻣﯘﺯﯦﻲ "ﺩﯦﮕﻪﻥ ﺋﺎﺗﺎﻟﻐﯘﻏﺎ ﺗﻪﺑﯩﺮ ﺑﯧﺮﯨﻠﯩﭗ ‏- ﻣﯘﺯﯦﻲ ﭘﺎﻳﺪﺍ ﻗﻮﻏﻼﺷﻤﺎﻳﺪﯨﻐﺎﻥ،ﺟﻪﻣﯩﻴﻪﺕ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﺧﯩﺰﻣﻪﺕ ﻗﯩﻠﯩﺪﯨﻐﺎﻥ ﺋﺎﺷﻜﺎﺭﺍ، ﻣﻪﯕﮕﯜﻟﯜﻙ ﺋﺎﭘﭙﺎﺭﺍﺕ ﺩﻩﭖ ﺑﻪﻟﮕﯩﻠﻪﻧﮕﻪﻥ.

ﺋﯘ ﺋﯩﻨﺴﺎﻧﯩﻴﻪﺕ ﻫﻪﻣﺪﻩ ﺋﯘﻧﯩﯔ ﻣﯘﻫﯩﺘﯩﻨﯩﯔ ﺷﺎﻫﯩﺘﻠﯩﺮﻯ ﺑﻮﻟﻐﺎﻥ ﻧﻪﺭﺳﯩﻠﻪﺭﻧﻰ ﺗﻪﺗﻘﯩﻖ ﻗﯩﻠﯩﺪﯗ، ﻳﯩﻐﯩﺪﯗ، ﺳﺎﻗﻼﻳﺪﯗ، ﺗﺎﺭﻗﯩﺘﯩﺪﯗ، ﺑﻮﻟﯘﭘﻤﯘ ﺗﻪﺗﻘﯩﻘﺎﺕ ﻣﺎﺋﺎﺭﯨﭗ، ﯞﻩ ﻣﻪﻳﻠﻰ ﺳﺎﻳﺎﻫﻪﺕ ﻣﻪﻗﺴﻪﺗﻠﯩﺮﻯ ﺋﯜﭼﯜﻥ ﺗﻪﻣﯩﻦ ﺋﯧﺘﯩﭗ ﺑﯧﺮﯨﺪﯗ ﺩﻩﭖ ﺭﻭﺷﻪﻥ ﺑﻪﻟﮕﯩﻠﻪﻧﮕﻪﻥ.

ﺋﻮﻣﯘﻣﻪﻥ ﻣﯘﺯﯦﻴﻨﯩﯔ ﺧﺎﺭﺍﻛﺘﯧﺮﻯ ﯞﻩ ﺋﺎﻻﻫﯩﺪﯨﻠﯩﻜﻰ، ﻣﯘﺯﯦﻴﻼﺭ ﻣﻪﺩﯨﻨﯩﻴﻪﺕ ﻳﺎﺩﯨﻜﺎﺭﻟﯩﻘﻼﺭﻧﻰ ﺋﺎﺳﺎﺳﻠﯩﻖ ﻳﯩﻐﯩﭗ ﺳﺎﻗﻠﯩﻐﯘﭼﻰ ﺋﺎﭘﭙﺎﺭﺍﺕ ﯞﻩ ﺗﻪﺷﯟﯨﻖ، ﺗﻪﺭﺑﯩﻴﻪ ﻫﻪﻡ ﺋﯩﻠﻤﯩﻲ ﺗﻪﺗﻘﯩﻖ ﻗﯩﻠﯩﺪﯨﻐﺎﻥ ﺋﺎﭘﭙﺎﺭﺍﺕ. ﻣﯘﺷﯘﻧﺪﺍﻕ ﺧﺎﺭﺍﻛﺘﯧﺮﻻﺭ ﻣﯘﺯﯦﻴﻨﯩﯔ ﺋﯩﭽﻜﻰ ﻗﯩﺴﻤﯩﺪﺍ ﺑﻮﻟﯘﺷﻘﺎ ﺗﯧﮕﯩﺸﻠﯩﻚ ﻗﺎﻧﯘﻧﯩﻴﻪﺕ.

ﺑﺎﻳﺮﺍﻣﻠﯩﻖ ﺗﯩﻠﻪﻙ

ﺋﯘﻳﻐﯘﺭ ﺋﯧﻠﯩﺪﺍ ﺗﯘﻧﺠﻰ ﻣﯘﺯﯦﻲ ﻗﯘﺭﯗﻟﯘﭖ ﻫﺎﺯﯨﺮﻏﺎ ﻗﻪﺩﻩﺭ ﺑﻮﻟﻐﺎﻥ ﺋﻪﻟﻠﯩﻚ ﻳﯩﻞ ﺟﻪﺭﻳﺎﻧﯩﺪﺍ ﺋﯘﻳﻐﯘﺭ ﺋﯧﻠﯩﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ ﻗﯘﺭﯗﻟﻐﺎﻥ ﻣﯘﺯﯦﻴﻼﺭ 23 ﻛﻪ ﻳﻪﺗﺘﻰ. ﺑﯩﺰ ﺧﻪﻟﻘﺌﺎﺭﺍﻟﯩﻖ ﻣﯘﺯﯦﻲ ﻛﯜﻧﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﯘﻳﻐﯘﺭ ﺩﯨﻴﺎﺭﯨﺪﯨﻜﻰ ﺗﺎﺭﯨﺨﯩﻲ ﯞﻩ ﻣﻪﺩﯨﻨﯩﻲ ﻣﯘﺯﯦﻴﻼﺭﻧﯩﯔ ﺋﺎﻻﻫﯩﺪﯨﻠﯩﻜﻰ،ﺧﺎﺭﺍﻛﺘﯧﺮﻯ ﻫﻪﻡ ﺑﯩﺨﻪﺗﻪﺭﻟﯩﻜﯩﻨﻰ ﺳﺎﻗﻠﯩﻐﺎﻥ ﻫﺎﻟﺪﺍ ﺋﯚﺯ ﺭﻭﻟﯩﻨﻰ ﺟﺎﺭﻯ ﻗﯩﻠﺪﯗﺭﯗﺷﻨﻰ ﻳﻪﻧﯩﻤﯘ ﻛﯚﭖ ﺯﯨﻴﺎﺭﻩﺗﭽﯩﻠﻪﺭﻧﻰ ﺋﯚﺯﯨﮕﻪ ﺟﻪﻟﭗ ﻗﯩﻠﯩﭗ، ﺗﻪﺭﻩﻗﻘﯩﻲ ﻗﯩﻠﯩﺸﯩﻐﺎ ﺗﯩﻠﻪﻛﺪﺍﺷﻠﯩﻖ ﺑﯩﻠﺪﯛﺭﯨﻤﯩﺰ. ﺷﯘﻧﺪﺍﻗﻼ ﻣﯘﺯﯦﻲ ﺧﺎﺩﯨﻤﻠﯩﺮﯨﻨﯩﯔ ﺋﻪﻣﮕﯩﻜﯩﮕﻪ ﻫﯚﺭﻣﻪﺕ ﺑﯩﻠﺪﯛﺭﯨﻤﯩﺰ. (ﮔﯜﻟﭽﯧﻬﺮﻩ)