ﺟﻴﺎﯕﺸﯩﺪﯨﻜﻰ ﺋﯩﻜﻜﻰ ﺋﺎﻟﯩﻲ ﻣﻪﻛﺘﻪﭘﺘﻪ ﺋﻮﻗﯘﻏﯘﭼﯩﻼﺭ ﺋﯩﺴﻴﺎﻥ ﻛﯚﺗﻪﺭﺩﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﮬﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

24 – ﺋﯚﻛﺘﻪﺑﯩﺮ ﻛﯜﻧﻰ ﺟﻴﺎﯕﺨﯩﺪﺍ ﻳﯜﺯ ﺑﻪﺭﮔﻪﻥ ﻗﺎﻻﻳﻤﯩﻘﺎﻧﭽﯩﻠﯩﻘﺘﺎ ﺩﯛﻡ ﻛﯚﻣﺘﯜﺭﯛﯞﯦﺘﯩﻠﮕﻪﻥ ﻣﺎﺷﯩﻨﺎ.

ﺧﯩﺘﺎﻳﻨﯩﯔ ﺟﻴﺎﯕﺸﻰ ﺋﯚﻟﻜﯩﺴﻰ ﻧﻪﻧﭽﺎﯓ ﺷﻪﻫﯩﺮﯨﺪﯨﻜﻰ ﺟﻴﺎﯕﺸﻰ ﮔﻪﻧﺠﺎﯓ ﻛﻪﺳﭙﯩﻲ ﺗﯧﺨﻨﯩﻜﺎ ﺋﯩﻨﯩﺴﺘﯩﺘﯘﺗﻰ ﺑﯩﻠﻪﻥ ﻧﻪﻧﭽﺎﯓ ﻛﯩﻴﯩﻢ ‏- ﻛﯧﭽﻪﻙ ﻻﻳﯩﻬﯩﻠﻪﺵ ﺋﯩﻨﯩﺴﺘﯩﺘﯘﺗﯩﻨﯩﯔ ﺋﺎﻟﯩﻲ ﺗﯧﺨﻨﯩﻜﻮﻡ ﻛﻪﺳﭙﯩﻲ ﻛﯘﺭﺳﯩﺪﺍ ﺋﻮﻗﯘﻳﺪﯨﻐﺎﻥ ﺋﻮﻥ ﻣﯩﯖﺪﯨﻦ ﺋﺎﺭﺗﯘﻕ ﺋﻮﻗﯘﻏﯘﭼﯩﻨﯩﯔ ﺋﯩﺴﻴﺎﻥ ﻛﯚﺗﯩﺮﯨﺸﯩﮕﻪ ﻣﻪﺯﻛﯘﺭ ﻣﻪﻛﺘﻪﭘﻨﯩﯔ ﺋﺎﻟﯩﻲ ﺗﯧﺨﻨﯩﻜﻮﻡ ﺩﯨﭙﻠﻮﻣﻰ ﺩﯙﻟﻪﺕ ﺗﻪﺭﯨﭙﯩﺪﯨﻦ ﺋﯧﺘﯩﺮﺍﭖ ﻗﯩﻠﯩﻨﻤﺎﻳﺪﯨﻐﺎﻧﻠﯩﻘﻰ ﺳﻪﯞﻩﺑﭽﻰ ﺑﻮﻟﺪﻯ. ﺧﯘﺳﯘﺳﯩﻴﻼﺭ ﺑﺎﺷﻘﯘﺭﯗﺷﯩﺪﯨﻜﻰ ﺑﯘ ﺋﯩﻜﻜﻰ ﻛﻪﺳﭙﯩﻲ ﺋﺎﻟﯩﻲ ﻣﻪﻛﺘﻪﭘﻨﯩﯔ ﺋﺎﻟﯩﻲ ﺗﯧﺨﻨﯩﻜﻮﻡ ﻛﻪﺳﭙﯩﻲ ﻛﯘﺭﺳﯩﺪﯨﻜﻰ ﺋﻮﻗﯘﻏﯘﭼﯩﻼﺭ ﺋﺎﻟﯩﻲ ﺗﯧﺨﻨﯩﻜﻮﻡ ﻛﻪﺳﭙﯩﻲ ﺩﯨﭙﻠﻮﻣﻰ ﺩﯙﻟﻪﺕ ﺗﻪﺭﯨﭙﯩﺪﯨﻦ ﺋﯧﺘﯩﺮﺍﭖ ﻗﯩﻠﯩﻨﻤﺎﻳﺪﯨﻐﺎﻧﻠﯩﻘﯩﻨﻰ ﺑﺎﻳﻘﯩﻐﺎﻧﺪﯨﻦ ﻛﯧﻴﯩﻦ ﻣﻪﻛﺘﻪﭖ ﺩﺍﺋﯩﺮﯨﻠﯩﺮﯨﺪﯨﻦ ﺑﯘﻧﯩﯖﻐﺎ ﭼﯜﺷﻪﻧﭽﻪ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﯩﭗ، ﺳﻪﻳﺸﻪﻧﺒﻪ ﻛﯜﻧﻰ ﻳﯩﻐﯩﻠﯩﺶ ﺋﯚﺗﻜﯜﺯﮔﻪﻥ. ﻟﯧﻜﯩﻦ ﻳﯩﻐﯩﻠﯩﺶ ﻧﺎﻫﺎﻳﯩﺘﻰ ﺗﯧﺰﻻ ﺋﯩﺴﻴﺎﻧﻐﺎ ﺋﺎﻳﻼﻧﺪﻯ.

ﻧﺎﻣﺎﻳﯩﺸﭽﯩﻼﺭ ﺋﺎﺭﯨﺴﯩﺪﺍ ﺋﯘﻳﻐﯘﺭﻻﺭﻣﯘ ﺑﺎﺭ

ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺋﻮﻗﯘﻏﯘﭼﯩﻼﺭ ﻣﻪﻛﺘﻪﭖ ﻗﻮﺭﺍﺳﯩﺪﯨﻜﻰ ﻣﺎﺷﯩﻨﺎ ﯞﻩ ﻣﻪﻛﺘﻪﭖ ﺋﻪﺳﻠﯩﻬﻪﻟﯩﺮﯨﻨﻰ ﺋﯘﺭﯗﭖ - ﭼﺎﻗﻘﺎﻥ. ﻟﯧﻜﯩﻦ ﺋﻮﻗﯘﻏﯘﭼﯩﻼﺭ، ﺋﯘﺭﯗﺵ - ﭼﯧﻘﯩﺶ ﯞﻩﻗﻪﻟﯩﺮﯨﻨﻰ ﺟﻪﻣﺌﯩﻴﻪﺗﺘﯩﻜﻰ ﻛﯩﺸﯩﻠﻪﺭ ﭘﻪﻳﺪﺍ ﻗﯩﻠﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ. ﺩﺍﺋﯩﺮﯨﻠﻪﺭ ﻗﻮﺭﺍﻟﻠﯩﻖ ﺳﺎﻗﭽﯩﻼﺭﻧﻰ ﻳﯚﺗﻜﻪﭖ ﻛﯧﻠﯩﭗ، ﺋﯩﺴﻴﺎﻧﻨﻰ ﺑﺎﺳﺘﯘﺭﻣﺎﻗﭽﻰ ﺑﻮﻟﻐﺎﻧﺪﺍ ﺋﻮﻗﯘﻏﯘﭼﯩﻼﺭ ﺑﯩﻠﻪﻥ ﺳﺎﻗﭽﯩﻼﺭ ﺋﺎﺭﯨﺴﯩﺪﺍ ﺗﻮﻗﯘﻧﯘﺵ ﻳﯜﺯ ﺑﻪﺭﺩﻯ. ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﺎﺯ ﺩﯦﮕﻪﻧﺪﻩ 20 ﻛﯩﺸﻰ ﻳﺎﺭﯨﻼﻧﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ.

ﻣﻪﺭﻛﯩﺰﻯ ﺧﻮﯕﻜﻮﯕﺪﯨﻜﻰ ﺟﯘﯕﮕﻮ ﻛﯩﺸﯩﻠﯩﻚ ﻫﻮﻗﯘﻗﻰ ﯞﻩ ﺩﯦﻤﻮﻛﺮﺍﺗﯩﻴﻪ ﻣﻪﺭﻛﯩﺰﻯ، 5 ﻛﯩﺸﯩﻨﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﺟﯘﯕﮕﻮ ﻛﯩﺸﯩﻠﯩﻚ ﻫﻮﻗﯘﻗﻰ ﯞﻩ ﺩﯦﻤﻮﻛﺮﺍﺗﯩﻴﻪ ﺋﯘﭼﯘﺭ ﻣﻪﺭﻛﯩﺰﯨﻨﯩﯔ ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻐﺎ ﺋﻪﺳﻜﻪﺭﺗﯩﺸﯩﭽﻪ، ﻧﺎﻣﺎﻳﯩﺸﭽﻰ ﻳﺎﺷﻼﺭﻧﯩﯔ ﻛﯚﭘﭽﯩﻠﯩﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺋﻮﻗﯘﻏﯘﭼﯩﻠﯩﺮﯨﻨﻰ ﺋﺎﺳﺎﺱ ﻗﯩﻠﻐﺎﻥ ﺑﻮﻟﯘﭖ، ﺋﯘﻻﺭﻧﯩﯔ 2000 ﺩﻩﻛﯩﻨﻰ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭ ﺋﯩﮕﯩﻠﯩﮕﻪﻥ.

ﻧﺎﻣﺎﻳﯩﺸﭽﯩﻼﺭ ﺟﻴﺎﯕﺸﯩﺪﯨﻜﻰ ﺑﺎﺷﻘﺎ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﻩ ﻳﯘﻗﯩﺮﯨﻘﻰ ﺋﻪﻫﯟﺍﻟﻐﺎ ﺋﻮﺧﺸﺎﺵ ﯞﻩﺯﯨﻴﻪﺗﺘﯩﻜﻰ ﺋﻮﻗﯘﻏﯘﭼﯩﻼﺭﻧﻰ ﻳﻪﻛﺸﻪﻧﺒﻪ ﻛﯜﻧﻰ ﻧﻪﻧﭽﺎﯓ ﺷﻪﻫﻪﺭ ﻣﻪﺭﻛﯩﺰﯨﺪﻩ ﻳﯩﻐﯩﻠﯩﺶ ﺋﯚﺗﻜﯜﺯﯛﺷﻜﻪ ﭼﺎﻗﯩﺮﻣﺎﻗﺘﺎ. ﺑﯩﺰ ﻧﻪﻧﭽﺎﯕﺪﯨﻜﻰ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭ ﺑﯩﻠﻪﻥ ﺋﺎﻻﻗﯩﻠﯩﺸﯩﺶ ﺋﯜﭼﯜﻥ ﺗﯩﺮﯨﺸﻘﺎﻥ ﺑﻮﻟﺴﺎﻗﻤﯘ، ﻟﯧﻜﯩﻦ ﻫﺎﺯﯨﺮﻏﯩﭽﻪ ﺋﺎﻻﻗﻪ ﻗﯘﺭﯗﺵ ﺋﯩﻤﻜﺎﻧﯩﻴﯩﺘﻰ ﺑﻮﻟﻤﯩﺪﻯ.

"ﺑﯘﻧﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﻣﻪﺳﯩﻠﯩﺴﻰ ﺑﯩﻠﻪﻥ ﻫﯧﭽﺒﯩﺮ ﺋﺎﻻﻗﯩﺴﻰ ﻳﻮﻕ"

ﺟﻴﺎﯕﺸﻰ ﮔﻪﻧﺠﻴﺎﯓ ﻛﻪﺳﭙﯩﻲ ﺗﯧﺨﻨﯩﻜﺎ ﺋﯩﻨﯩﺴﺘﯩﺘﯘﺗﯩﻨﯩﯔ ﺑﯩﺮ ﻣﺎﻧﺠﯘ ﻗﯩﺰ ﺋﻮﻗﯘﻏﯘﭼﯩﺴﻰ ﯞﻩﻗﻪﻧﯩﯔ ﻣﯩﻠﻠﯩﻲ ﻣﻪﺳﯩﻠﻪ ﺑﯩﻠﻪﻥ ﺋﺎﻻﻗﯩﺴﻰ ﻳﻮﻗﻠﯩﻘﯩﻨﻰ ﺑﯩﻠﺪﯛﺭﺩﻯ. ﮔﻪﻧﺠﺎﯓ ﻛﻪﺳﭙﯩﻲ ﺗﯧﺨﻨﯩﻜﺎ ﺋﯩﻨﯩﺴﺘﯩﺘﯘﺗﯩﺪﺍ ﻧﯘﺭﻏﯘﻥ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭ ﺋﻮﻗﯘﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺑﯘ ﻗﯩﺰ،" ﺑﯘ ﯞﻩﻗﻪ ﺩﯨﭙﻠﻮﻡ ﻣﻪﺳﯩﻠﯩﺴﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﯞﻩﻗﻪ. ﺑﯘﻧﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﻣﻪﺳﯩﻠﯩﺴﻰ ﺑﯩﻠﻪﻥ ﻫﯧﭽﺒﯩﺮ ﺋﺎﻻﻗﯩﺴﻰ ﻳﻮﻕ" ﺩﻩﻳﺪﯗ.

ﺟﻴﺎﯕﺸﻰ ﻛﯩﻴﯩﻢ - ﻛﯧﭽﻪﻙ ﻻﻳﯩﻬﯩﻠﻪﺵ ﻛﻪﺳﭙﯩﻲ ﺋﯩﻨﯩﺴﺘﯩﺘﯘﺗﯩﺪﯨﻜﻰ ﺑﯩﺮ ﺧﯩﺘﺎﻱ ﻗﯩﺰ ﺋﻮﻗﯘﻏﯘﭼﯩﻨﯩﯔ ﻣﯘﺧﺒﯩﺮﯨﻤﯩﺰﻏﺎ ﺋﻪﺳﻜﻪﺭﺗﯩﺸﯩﭽﻪ، ﻣﻪﺯﻛﯜﺭ ﻣﻪﻛﺘﻪﭘﺘﯩﻜﻰ ﺋﻮﻗﯘﻏﯘﭼﯩﻼﺭ ﺩﯛﺷﻪﻧﺒﻪ ﻛﯜﻧﻰ ﻣﻪﺭﻛﯩﺰﻯ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﯩﻨﯩﯔ ﺧﻪﯞﻩﺭﻟﯩﺮﯨﻨﻰ ﻛﯚﺭﯛﯞﯦﻠﯩﭗ، ﺑﯘ ﻣﻪﻛﺘﻪﭘﻨﯩﯔ ﺋﺎﻟﯩﻲ ﺗﯧﺨﻨﯩﻜﻮﻡ ﻛﻪﺳﭙﯩﻲ ﺩﯨﭙﻠﻮﻣﯩﻨﻰ ﺩﯙﻟﻪﺕ ﺋﯧﺘﯩﺮﺍﭖ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﮕﻪﻥ ﯞﻩ ﺋﻪﺗﯩﺴﻰ ﻣﻪﻛﺘﻪﭖ ﺩﺍﺋﯩﺮﯨﻠﯩﺮﯨﻨﯩﯔ ﺑﯘ ﺋﻪﻫﯟﺍﻟﻐﺎ ﭼﯜﺷﻪﻧﭽﻪ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﻐﺎﻥ. ﺋﯘ، ﻧﺎﻣﺎﻳﯩﺸﻨﯩﯔ ﺗﯧﺰﻻ ﺋﯩﺴﻴﺎﻧﻐﺎ ﺋﺎﻳﻼﻧﻐﺎﻧﻠﯩﻘﯩﻨﻰ ﯞﻩ ﺟﻪﻣﺌﯩﻴﻪﺗﺘﯩﻜﻰ ﻛﯩﺸﯩﻠﻪﺭﻧﯩﯔ ﻣﻪﻛﺘﻪﭖ ﻗﻮﺭﯗﺳﯩﻐﺎ ﻛﯩﺮﯨﭗ، ﺋﯘﺭﯗﺵ - ﭼﯧﻘﯩﺶ ﯞﻩﻗﻪﺳﻰ ﺳﺎﺩﯨﺮ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺑﯘ ﻗﯩﺰ، " ﺋﻮﻗﯘﻏﯘﭼﯩﻼﺭ ﻧﺎﻫﺎﻳﯩﺘﻰ ﻫﺎﻳﺎﺟﺎﻧﻠﯩﻨﯩﭗ ﻛﻪﺗﻜﻪﻥ ﺋﯩﺪﻯ. ﻛﯧﻴﯩﻨﭽﻪ ﺋﻪﺗﺮﺍﭘﺘﯩﻜﻰ ﭘﯘﻗﺮﺍﻻﺭ ﻣﻪﻛﺘﻪﭖ ﻗﻮﺭﯗﺳﯩﻐﺎ ﻛﯩﺮﯨﭗ ﺑﯘﻻﯓ - ﺗﺎﻻﯓ ﻗﯩﻠﺪﻯ. ﻛﻮﻣﭙﻴﯘﺗﯧﺮﻻﺭ ﭼﯧﻘﯩﯟﯨﺘﯩﻠﺪﻯ. ﻗﯩﺰ ﺋﻮﻗﯘﻏﯘﭼﯩﻼﺭﻧﯩﯔ ﻛﯚﯕﻠﻰ ﺑﯩﺌﺎﺭﺍﻡ، ﺋﻮﻏﯘﻟﻼﺭ ﻗﻮﻟﯩﻐﺎ ﻳﺎﻏﺎﭺ ﺗﻮﻗﻤﺎﻗﻼﺭﻧﻰ ﺋﯧﻠﯩﭗ ﺑﯘﻻﯕﭽﯩﻼﺭﻏﺎ ﺗﺎﻗﺎﺑﯩﻞ ﺗﯘﺭﻣﺎﻗﭽﻰ ﺑﻮﻟﺪﻯ. ﻗﯩﺰﻻﺭ ﻛﯧﭽﯩﭽﻪ ﺋﯘﺧﻠﯩﻴﺎﻟﻤﯩﺪﯗﻕ. ﻛﯧﻴﯩﻨﭽﻪ ﺑﯩﺮ ﻗﺎﻧﭽﻪ ﻳﯜﺯﻟﯩﮕﻪﻥ ﺳﺎﻗﭽﯩﻼﺭ ﻳﯧﺘﯩﭗ ﻛﻪﻟﺪﻯ. ﺑﯜﮔﯜﻥ ﻫﯧﭽﻘﺎﻧﺪﺍﻕ ﯞﻩﻗﻪ ﻳﯜﺯ ﺑﻪﺭﻣﯩﺪﻯ " ﺩﻩﻳﺪﯗ. ﺋﯘﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﻣﻪﻛﺘﻪﭘﻨﯩﯔ ﺋﯩﻨﺘﯧﺮﻧﯧﺖ، ﺗﯧﻠﯧﻔﻮﻥ ﺋﺎﻻﻗﯩﺴﻰ ﺋﯜﺯﯛﯞﯨﺘﯩﻠﮕﻪﻥ، ﻗﻮﻝ ﺗﯧﻠﯧﻔﻮﻧﻰ ﺋﺎﻻﻗﯩﺴﻰ ﻗﯩﻴﯩﻨﻼﺷﻘﺎﻥ. ﺋﯘ، ﯞﻩﻗﻪﺩﻩ ﺑﯩﺮ ﻗﯩﺴﯩﻢ ﺑﯘﻻﯕﭽﯩﻼﺭ ﯞﻩ ﺷﯘ ﻗﺎﺗﺎﺭﺩﺍ ﺑﻪﺯﻯ ﺋﻮﻗﯘﻏﯘﭼﯩﻼﺭﻧﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﻟﯧﻜﯩﻦ ﻗﻮﻟﻐﺎ ﺋﯧﻠﯩﻨﻐﺎﻧﻼﺭ ﻳﺎﻛﻰ ﻳﺎﺭﯨﻼﻧﻐﺎﻧﻼﺭ ﺋﯩﭽﯩﺪﻩ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﯩﯔ ﺑﺎﺭ - ﻳﻮﻗﻠﯩﻘﻰ ﻫﺎﺯﯨﺮﭼﻪ ﻣﻪﻟﯘﻡ ﺋﻪﻣﻪﺱ. ﻳﯘﻗﯩﺮﯨﻘﻰ ﻗﯩﺰ، ﺳﺎﻗﭽﯩﻼﺭﻧﻰ ﻣﻪﻛﺘﻪﭖ ﻗﻮﺭﯗﺳﯩﻐﺎ ﻛﯩﺮﯨﭗ ﺋﻮﻗﯘﻏﯘﭼﯩﻼﺭﻧﻰ ﺑﺎﺳﺘﯘﺭﺩﻯ، ﻟﯧﻜﯩﻦ ﺑﯘﻻﯕﭽﯩﻼﺭﻧﻰ ﻛﯚﺭﻣﻪﺳﻜﻪ ﺳﺎﻟﺪﻯ، ﺩﻩﭖ ﺋﻪﻳﯩﺒﻠﯩﻤﻪﻛﺘﻪ.

ﺑﯩﺮ ﺋﻮﻗﯘﻏﯘﭼﻰ: ﻫﻪﺭ ﺋﯩﻜﻜﻰ ﺗﻪﺭﻩﭖ ﺑﯩﺮ -ﺑﯩﺮﯨﻨﻰ ﭼﯜﺷﻪﻧﻤﯩﮕﻪﻥ

ﺋﻮﻗﯘﺗﯘﺵ ﺑﯩﻨﺎﺳﯩﺪﺍ ﺋﻮﺕ

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﮔﻪﻧﺠﺎﯓ ﻛﻪﺳﭙﯩﻲ ﺗﯧﺨﻨﯩﻜﺎ ﺋﯩﻨﯩﺴﺘﯩﺘﯘﺗﯩﺪﯨﻜﻰ ﺋﻮﻗﯘﻏﯘﭼﯩﻼﺭ ﻳﻪﻛﺸﻪﻧﺒﻪ ﻛﯜﻧﻰ ﻧﻪﻧﭽﺎﯓ 1 - ﺋﺎﯞﻏﯘﺳﺖ ﻣﻪﻳﺪﺍﻧﯩﺪﺍ ﻳﯩﻐﯩﻠﯩﺶ ﺋﯚﺗﻜﯜﺯﯛﭖ، ﺟﻴﺎﯕﺸﻰ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﻰ ﺋﻮﻗﯘﺗﯘﺵ ﺳﺎﻻﻫﯩﻴﯩﺘﯩﺪﻩ ﻣﻪﺳﯩﻠﻪ ﺑﺎﺭ ﻣﻪﻛﺘﻪﭘﻠﻪﺭﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﺗﻮﻏﺮﯨﺴﯩﺪﺍ ﺋﺎﮔﺎﻫﻼﻧﺪﯗﺭﻣﺎﻗﭽﻰ ﺑﻮﻟﻐﺎﻥ. ﮔﻪﻧﺠﺎﯓ ﻛﻪﺳﭙﯩﻲ ﺗﯧﺨﻨﯩﻜﺎ ﺋﯩﻨﯩﺴﺘﯩﺘﯘﺗﯩﺪﯨﻜﻰ ﻣﺎﻧﺠﯘ ﻗﯩﺰﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺗﻪﺭﻩﭘﻠﻪﺭ ﺩﯨﭙﻠﻮﻡ ﻣﻪﺳﯩﻠﯩﺴﯩﺪﻩ ﺑﯩﺮ ‏- ﺑﯩﺮﯨﻨﻰ ﭼﯜﺷﻪﻧﻤﯩﮕﻪﻥ ﺑﻮﻟﯘﺷﻰ ﻣﯘﻣﻜﯩﻦ. ﺋﯘ، "ﻣﯧﻨﯩﯖﭽﻪ ﻫﻪﺭ ﺋﯩﻜﻜﻰ ﺗﻪﺭﻩﭖ ﺑﯩﺮ -ﺑﯩﺮﯨﻨﻰ ﭼﯜﺷﻪﻧﻤﯩﮕﻪﻥ. ﺋﻮﻗﯘﻏﯘﭼﯩﻼﺭﺩﺍ ﺋﺎﻟﯩﻲ ﻣﻪﻛﺘﻪﭖ ﺋﯩﻤﺘﯩﻬﺎﻧﯩﻐﺎ ﻗﺎﺗﻨﺎﺷﻤﺎﻱ ﺗﯘﺭﯗﭘﻼ ﺩﯨﭙﻠﻮﻣﻐﺎ ﺋﯧﺮﯨﺸﯩﺶ ﺧﯩﻴﺎﻟﻰ ﺑﺎﺭ. ﺑﯘ ﻳﻪﺭﺩﻩ ﺋﯩﺸﻨﯩﯔ ﺋﺎﺳﯩﻨﯩﻐﺎ ﻳﯜﮔﺮﻩﺷﺘﻪﻙ ﺭﻭﻫﻰ ﻫﺎﻟﻪﺕ ﻣﻪﯞﺟﯜﺕ. ﻣﻪﻛﺘﻪﭖ ﺗﻪﺭﻩﭘﻤﯘ ﺋﻪﻫﯟﺍﻟﻨﻰ ﺋﻮﻗﯘﻏﯘﭼﯩﻼﺭﻏﺎ ﺋﯧﻨﯩﻖ ﭼﯜﺷﻪﻧﺪﯛﺭﻣﯩﮕﻪﻥ. ﺷﯘﯕﺎ ﺑﯘ ﻣﺎﺟﯩﺮﺍ ﻫﻪﺭ ﺋﯩﻜﻜﯩﻼ ﺗﻪﺭﻩﭘﻨﯩﯔ ﺑﯩﺮ ‏- ﺑﯩﺮﯨﻨﻰ ﭼﯜﺷﻪﻧﻤﻪﺳﻠﯩﻜﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ، ﺩﻩﭖ ﻗﺎﺭﺍﻳﻤﻪﻥ " ﺩﻩﻳﺪﯗ.

ﻧﻪﻧﭽﺎﯕﺪﯨﻜﻰ ﺑﯩﺮ ﺷﻪﺧﺴﻰ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﺗﻘﯘﭼﯩﺴﯩﻨﯩﯔ ﺭﺍﺩﯨﺌﻮﻣﯩﺰ ﻣﯘﺧﺒﯩﺮﯨﻐﺎ ﺋﻪﺳﻜﻪﺭﺗﯩﺸﯩﭽﻪ، ﻧﻪﻧﭽﺎﯕﺪﺍ ﺑﯘ ﺗﯜﺭﺩﯨﻜﻰ ﻣﻪﻛﺘﻪﭘﻠﻪﺭ ﭘﯘﻟﻨﻰ ﻛﯚﺯﻟﻪﭖ، ﺋﻮﻗﯘﻏﯘﭼﯩﻼﺭﻧﻰ ﻛﯚﭘﻠﻪﭖ ﻗﻮﺑﯘﻝ ﻗﯩﻠﻤﺎﻗﺘﺎ. ﺋﯘ، ﻣﻪﻛﺘﻪﭖ ﺩﺍﺋﯩﺮﯨﻠﯩﺮﯨﻨﯩﯔ ﻫﻪﻗﯩﻘﯩﻲ ﺋﻪﻫﯟﺍﻟﻨﻰ ﺋﻮﻗﯘﻏﯘﭼﯩﻼﺭﻏﺎ ﭼﯜﺷﻪﻧﺪﯛﺭﻣﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘ، "ﻫﻪﺭ ﺑﯩﺮ ﺋﻮﻗﯘﻏﯘﭼﻰ 40 ﻣﯩﯔ ﻳﯜﻩﻥ ﭘﯘﻝ ﺑﯩﻠﻪﻥ ﻛﯧﻠﯩﺸﻰ ﻛﯧﺮﻩﻙ. ﺑﯘ ﺋﺎﺯ ﻛﯧﻠﯩﭗ ﻗﺎﻟﻐﺎﻧﺪﻩﻙ ﻫﯚﻛﯜﻣﻪﺕ ﺑﺎﺷﻘﯘﺭﯗﺷﯩﺪﯨﻜﻰ ﻣﻪﻛﺘﻪﭘﻠﻪﺭﻣﯘ ﺑﯘ ﺧﯩﻞ ﻛﯘﺭﺳﻼﺭﻧﻰ ﺋﯧﭽﯩﭗ ﭘﯘﻝ ﺗﯧﭙﯩﯟﺍﺗﯩﺪﯗ. ﻛﯩﺸﯩﻠﻪﺭ ﺑﯘﻧﻰ ﻧﺎﻫﺎﻳﯩﺘﻰ ﺭﻩﻫﯩﻤﺴﯩﺰﻟﯩﻚ، ﺑﻪﻛﻤﯘ ﺭﻩﻫﯩﻤﺴﯩﺰﻟﯩﻚ، ﺩﻩﯞﺍﺗﯩﺪﯗ. ﻣﻪﻥ ﺋﯩﭽﻜﯩﺮﯨﺪﯨﻜﻰ ﻣﻪﺗﺒﯘﺋﺎﺗﻼﺭﻧﯩﯔ ﺑﯘﻧﻰ ﭘﺎﺵ ﻗﯩﻠﻤﺎﻳﯟﺍﺗﻘﺎﻧﻠﯩﻘﯩﻨﻰ ﭼﯜﺷﻪﻧﻤﯩﺪﯨﻢ " ﺩﻩﭖ ﻛﯚﺭﺳﻪﺗﺘﻰ. ﺑﯩﺰ ﻳﯘﻗﯩﺮﯨﻘﻰ ﺋﯩﻜﻜﻰ ﺋﺎﻟﯩﻲ ﻣﻪﻛﺘﻪﭘﺘﯩﻜﻰ ﯞﻩﻗﻪ ﺗﻮﻏﺮﯨﺴﯩﺪﺍ ﺷﯘ ﺟﺎﻳﺪﯨﻜﻰ ﺳﺎﻗﭽﻰ ﺋﯩﺪﺍﺭﯨﺴﻰ ﯞﻩ ﻣﻪﻛﺘﻪﭖ ﺩﺍﺋﯩﺮﯨﻠﯩﺮﯨﮕﻪ ﺗﯧﻠﯧﻔﻮﻥ ﻗﯩﻠﯩﭗ، ﺋﻪﻫﯟﺍﻟﻨﻰ ﺳﯜﺭﯛﺷﺘﯜﺭﮔﻪﻥ ﺑﻮﻟﺴﺎﻗﻤﯘ، ﻟﯧﻜﯩﻦ ﺋﯘﻻﺭ ﺳﯘﺋﺎﻟﻠﯩﺮﯨﻤﯩﺰﻏﺎ ﺟﺎﯞﺍﺏ ﺑﯧﺮﯨﺸﻨﻰ ﺷﯘﻧﺪﺍﻗﻼ ﯞﻩﻗﻪﻧﯩﯔ ﺭﺍﺳﺖ -ﻳﺎﻟﻐﺎﻧﻠﯩﻘﯩﻨﻰ ﺋﯩﺴﭙﺎﺗﻼﺷﻨﻰ ﺭﻩﺕ ﻗﯩﻠﺪﻯ. (ﺋﻪﺭﻛﯩﻦ)