ﺋﺎﯞﺍﻡ ﭘﺎﻻﺗﺎ ﺭﻩﺋﯩﺴﻰ ﻧﻪﻧﺴﻰ ﭘﯧﻠﯘﺳﯩﻨﯩﯔ ﺩﺍﺭﺍﻣﺴﺎﻻ ﺯﯨﻴﺎﺭﯨﺘﻰ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﺋﺎﯞﺍﻡ ﭘﺎﻻﺗﺎ ﺭﻩﺋﯩﺴﻰ ﻧﻪﻧﺴﻰ ﭘﯧﻠﯘﺳﯩﻨﯩﯔ ﺟﯜﻣﻪ ﻛﯜﻧﻰ ﺗﯩﺒﻪﺕ ﺭﻭﻫﺎﻧﯩﻲ ﺩﺍﻫﯩﻴﺴﻰ ﺩﺍﻻﻱ ﻻﻣﺎﻧﯩﯔ ﺩﺍﺭﺍﻣﺴﺎﻻﺩﯨﻜﻰ ﺗﯘﺭﺍﻟﻐﯘﺳﯩﻨﻰ ﺯﯨﻴﺎﺭﻩﺕ ﻗﯩﻠﺪﻯ. AFP Photo

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﺋﺎﯞﺍﻡ ﭘﺎﻻﺗﺎ ﺭﻩﺋﯩﺴﻰ ﻧﻪﻧﺴﻰ ﭘﯧﻠﯘﺳﯩﻨﯩﯔ ﭘﻪﻳﺸﻪﻧﺒﻪ ﻛﯜﻧﻰ ﺑﺎﺷﻼﻧﻐﺎﻥ ﻫﯩﻨﺪﯨﺴﺘﺎﻥ ﺯﯨﻴﺎﺭﯨﺘﯩﺪﻩ ﺋﻪﯓ ﺩﯨﻘﻘﻪﺗﻜﻪ ﺳﺎﺯﺍﯞﻩﺭ ﯞﻩﻗﻪ ﭘﯧﻠﯘﺳﻰ ﺧﺎﻧﯩﻤﻨﯩﯔ ﺩﺍﺭﺍﻣﺴﺎﻻﻏﺎ ﺑﯧﺮﯨﭗ، ﺗﯩﺒﻪﺕ ﺭﻭﻫﺎﻧﯩﻲ ﺩﺍﻫﯩﻴﺴﻰ ﺩﺍﻻﻱ ﻻﻣﺎ ﺑﯩﻠﻪﻥ ﻛﯚﺭﯛﺷﻜﻪﻧﻠﯩﻜﯩﺪﯗﺭ. ﺋﺎﻧﺎﻟﯩﺰﭼﯩﻼﺭ ﺋﺎﻣﯧﺮﯨﻜﺎ ﺩﯙﻟﻪﺕ ﻧﯩﺰﺍﻣﯩﻨﯩﺪﺍ ﭘﺮﯦﺰﯨﺪﯦﻨﺖ ﯞﻩ ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺘﺘﯩﻨﻼ ﻗﺎﻟﺴﺎ 3 - ﺋﻮﺭﯗﻧﺪﯨﻜﻰ ﺷﻪﺧﺲ ﺋﺎﯞﺍﻡ ﭘﺎﻻﺗﺎ ﺭﻩﺋﯩﺴﯩﻨﯩﯔ ﺟﯜﻣﻪ ﻛﯜﻧﻰ ﺩﺍﺭﺍﻣﺴﺎﻻﻧﻰ ﺯﯨﻴﺎﺭﻩﺕ ﻗﯩﻠﻐﺎﻧﻠﯩﻘﻰ ﺧﯩﺘﺎﻳﻐﺎ ﺩﺍﻻﻱ ﻻﻣﺎ ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﺗﯩﻨﭻ ﻳﻮﻟﺪﺍ ﺑﯩﺮ ﺗﻪﺭﻩﭖ ﻗﯩﻠﯩﺸﺘﯩﻜﻰ ﻫﻪﻝ ﻗﯩﻠﻐﯘﭺ ﺷﻪﺧﺲ، ﺩﯦﮕﻪﻥ ﺑﯩﺸﺎﺭﻩﺗﻨﻰ ﻳﻮﻟﻼﺵ ﺭﻭﻟﻰ ﺋﻮﻳﻨﺎﻳﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ.

ﺋﺎﻧﺎﻟﯩﺰﭼﯩﻼﺭﻧﯩﯔ ﻗﺎﺭﯨﺸﯩﭽﻪ، ﭘﯧﻠﯘﺳﯩﻨﯩﯔ ﺩﺍﺭﺍﻣﺴﺎﻻﻧﻰ ﺯﯨﻴﺎﺭﻩﺕ ﻗﯩﻠﯩﭗ، ﺗﯩﺒﻪﺕ ﺭﻭﻫﺎﻧﯩﻲ ﺩﺍﻫﯩﻴﺴﻰ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺷﻰ ﻫﯩﻨﺪﯨﺴﺘﺎﻧﻨﻰ ﺑﯩﺌﺎﺭﺍﻡ ﻗﯩﻠﯩﺶ ﺋﻪﻣﻪﺱ، ﺑﻪﻟﻜﻰ ﺑﯘ ﺋﺎﻣﯧﺮﯨﻜﺎ ﺑﯩﻠﻪﻥ ﻫﯩﻨﺪﯨﺴﺘﺎﻧﻨﯩﯔ ﺗﯩﺒﻪﺕ ﻣﻪﺳﯩﻠﯩﺴﯩﺪﻩ ﺗﻮﻧﯘﺷﯩﻨﯩﯔ ﺋﻮﺭﺗﺎﻗﻠﯩﻘﯩﻨﻰ ﺋﯩﭙﺎﺩﯨﻠﯩﮕﻪﻧﻠﯩﻜﺘﯘﺭ. ﺋﻪﮔﻪﺭ ﻫﯩﻨﺪﯨﺴﺘﺎﻥ ﺧﯩﺘﺎﻱ ﺗﯜﭘﻪﻳﻠﻰ ﭘﯧﻠﯘﺳﯩﻨﯩﯔ ﺩﺍﺭﺍﻣﺴﺎﻻ ﺯﯨﻴﺎﺭﯨﺘﯩﻨﻰ ﺧﺎﻟﯩﻤﯩﻐﺎﻥ ﺑﻮﻟﺴﺎ ﭘﯧﻠﯘﺳﯩﻨﯩﯔ ﺑﯘ ﻣﻪﺯﮔﯩﻠﺪﻩ ﻫﯩﻨﺪﯨﺴﺘﺎﻧﻐﺎ ﻛﯧﻠﯩﺸﯩﻨﻰ ﻛﯧﭽﯩﻜﺘﯜﺭﻩﻟﯩﮕﻪﻥ ﺑﻮﻻﺗﺘﻰ. ﭘﯧﻠﯘﺳﯩﻨﯩﯔ ﺯﯨﻴﺎﺭﯨﺘﻰ ﺗﯩﺒﻪﺗﺘﯩﻜﻰ ﯞﻩﻗﻪﻧﻰ ﺩﺍﻻﻱ ﻻﻣﺎ ﮔﯘﺭﯗﻫﯩﻨﯩﯔ ﭘﯩﻼﻧﯩﺪﯨﻜﻰ ﺗﻮﭘﯩﻼﯓ، ﺩﻩﭖ ﺋﻪﻳﯩﺒﻠﻪﯞﺍﺗﻘﺎﻥ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺧﯧﻠﻰ ﺑﯩﺌﺎﺭﺍﻡ ﻗﯩﻠﯩﺪﯨﻐﺎﻥ ﺑﯩﺮ ﻳﯜﺯﻟﯩﻨﯩﺸﺘﯘﺭ. ﭘﯧﻠﯘﺳﻰ ﺟﯜﻣﻪ ﻛﯜﻧﻰ ﺩﺍﺭﺍﻣﺴﺎﻻﺩﯨﻜﻰ ﺭﺍﻫﯩﺒﻼﺭ، ﻣﯘﺳﺎﭘﯩﺮﻻﺭ ﯞﻩ ﺑﺎﺷﻼﻧﻐﯘﭺ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﻧﻪﭼﭽﻪ ﻣﯩﯔ ﻛﯩﺸﯩﻠﯩﻚ ﺗﯩﺒﻪﺕ ﺟﺎﻣﺎﺋﯩﺘﯩﮕﻪ ﺳﯚﺯﻟﯩﮕﻪﻥ ﺳﯚﺯﯨﺪﻩ، ﺗﯩﺒﻪﺕ ﻣﻪﺳﯩﻠﯩﺴﯩﻨﯩﯔ ﺋﻪﺧﻼﻗﯩﻲ ﺑﯘﺭﭺ ﺑﻮﻟﯘﭖ ﻗﺎﻟﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ.

ﭘﯧﻠﯘﺳﻰ: "ﺧﯩﺘﺎﻳﻨﯩﯔ ﺧﯩﺘﺎﻱ ﯞﻩ ﺗﯩﺒﻪﺗﺘﯩﻜﻰ ﺑﺎﺳﺘﯘﺭﯗﺷﯩﻐﺎ ﻗﺎﺭﺷﻰ ﺯﯗﯞﺍﻥ ﺳﯜﺭﻣﯩﺴﻪﻙ ... ﺋﻪﺧﻼﻗﯩﻲ ﺳﺎﻻﻫﯩﻴﻪﺗﺘﯩﻦ ﺋﺎﻳﺮﯨﻠﯩﭗ ﻗﺎﻟﯩﻤﯩﺰ"

ﭘﯧﻠﯘﺳﻰ ﻣﯘﻧﺪﺍﻕ ﺩﻩﻳﺪﯗ، " ﺋﻪﮔﻪﺭ ﺋﻪﺭﻛﯩﻨﻠﯩﻜﻨﻰ ﺳﯚﻳﯩﺪﯨﻐﺎﻥ ﻛﯩﺸﯩﻠﻪﺭ ﺩﯗﻧﻴﺎﯞﻯ ﻣﯩﻘﻴﺎﺩﺍ ﺧﯩﺘﺎﻳﻨﯩﯔ ﺧﯩﺘﺎﻱ ﯞﻩ ﺗﯩﺒﻪﺗﺘﯩﻜﻰ ﺑﺎﺳﺘﯘﺭﯗﺷﯩﻐﺎ ﻗﺎﺭﺷﻰ ﺯﯗﯞﺍﻥ ﺳﯜﺭﻣﯩﺴﻪ، ﺑﯩﺰ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺗﯩﻠﻐﺎ ﺋﯧﻠﯩﺶ ﺋﻪﺧﻼﻗﯩﻲ ﺳﺎﻻﻫﯩﻴﯩﺘﯩﺪﯨﻦ ﺋﺎﻳﺮﯨﻠﯩﭗ ﻗﺎﻟﯩﻤﯩﺰ."

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﺋﺎﯞﺍﻡ ﭘﺎﻻﺗﺎ ﺭﻩﺋﯩﺴﻰ ﻧﻪﻧﺴﻰ ﭘﯧﻠﯘﺳﯩﻨﯩﯔ ﺟﯜﻣﻪ ﻛﯜﻧﻰ ﺗﯩﺒﻪﺕ ﺭﻭﻫﺎﻧﯩﻲ ﺩﺍﻫﯩﻴﺴﻰ ﺩﺍﻻﻱ ﻻﻣﺎﻧﯩﯔ ﺩﺍﺭﺍﻣﺴﺎﻻﺩﯨﻜﻰ ﺗﯘﺭﺍﻟﻐﯘﺳﯩﻨﻰ ﺯﯨﻴﺎﺭﻩﺕ ﻗﯩﻠﺪﻯ. AFP Photo

ﭘﯧﻠﯘﺳﻰ ﻳﻪﻧﻪ ﺗﯩﺒﻪﺕ ﯞﻩﺯﯨﻴﯩﺘﻰ ﺩﯗﻧﻴﺎﻧﯩﯔ ﺋﺎﺩﺍﻟﻪﺕ ﺗﯘﻳﻐﯘﺳﯩﻐﺎ ﺭﯨﻘﺎﺑﻪﺕ ﺋﯧﻼﻥ ﻗﯩﻠﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﻰ ﺗﯩﺒﻪﺗﺘﯩﻜﻰ ﺯﻭﺭﺍﯞﺍﻧﻠﯩﻖ ﺋﯜﺳﺘﯩﺪﯨﻦ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﻜﻪ ﭼﺎﻗﯩﺮﺩﻯ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻗﻮﺭﺍﻝ ﻛﯜﭼﻰ ﺋﯩﺸﻠﻪﺗﻜﻪﻧﻠﯩﻜﻰ ﺋﯚﺯﯨﻨﻰ ﻫﻪﻳﺮﺍﻥ ﻗﺎﻟﺪﯗﺭﻣﯩﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ. ﺋﺎﻣﯧﺮﯨﻜﯩﻨﯩﯔ ﯞﺍﺷﯩﻨﮕﺘﻮﻥ ﺷﻪﻫﯩﺮﯨﺪﯨﻜﻰ ﺧﻪﻟﻘﺌﺎﺭﺍ ﻣﻪﺳﯩﻠﯩﻠﻪﺭ ﺋﺎﻧﺎﻟﯩﺰﭼﯩﺴﻰ، ﺋﺎﻣﯧﺮﯨﻜﺎ ﻛﯩﺮﯨﺸﺘﺎﻳﯩﻦ ﯞﻩ ﻳﻮﯓ ﻗﺎﻧﯘﻥ ﻣﯘﻻﺯﯨﻤﻪﺕ ﺷﯩﺮﻛﯩﺘﯩﻨﯩﯔ ﺋﺎﺩﯞﻭﻛﺎﺗﻰ ﻧﯘﺭﻯ ﺗﯜﺭﻛﻪﻝ ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎ ﺭﻩﻫﺒﯩﺮﯨﻨﯩﯔ ﺩﺍﺭﺍﻣﺴﺎﻻ ﺯﯨﻴﺎﺭﯨﺘﯩﻨﻰ "ﺩﯨﭙﻠﻮﻣﺎﺗﯩﻚ ﺑﻪﺩﻩﻝ ﺗﯚﻟﻪﺵ ﺗﻪﻟﻪﭖ ﻗﯩﻠﯩﻨﯩﺪﯨﻐﺎﻥ ﺋﺎﻻﻫﯩﺪﻩ ﺑﯩﺮ ﻗﻪﺩﻩﻡ ،"ﺩﻩﭖ ﻛﯚﺭﺳﻪﺗﺘﻰ.

ﻟﯧﻜﯩﻦ ﺑﯘﺵ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺗﺘﯩﻜﻰ ﺋﯩﺴﻴﺎﻧﻐﺎ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﯩﻨﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺋﻪﺯﺍﻟﯩﺮﯨﻨﯩﯔ ﭘﻮﺯﯨﺘﺴﯩﻴﯩﺴﯩﮕﻪ ﻗﺎﺭﯨﻐﺎﻧﺪﺍ ﻛﯚﭖ ﺋﯧﻬﺘﯩﻴﺎﺗﭽﺎﻥ ﺩﯦﻴﯩﺸﻜﻪ ﺑﻮﻟﯩﺪﯗ. ﺑﯘﺵ ﻫﯚﻛﯜﻣﯩﺘﻰ ﺧﯩﺘﺎﻳﻨﻰ ﺋﺎﺷﻜﺎﺭﻩ ﺗﻪﻧﻘﯩﺪ ﻗﯩﻠﯩﺪﯨﻐﺎﻥ ﺳﯚﺯ ﺋﯩﺒﺎﺭﯨﻠﻪﺭﺩﯨﻦ ﺋﯚﺯﯨﻨﻰ ﻗﺎﭼﯘﺭﯗﭖ، ﺑﯧﻴﺠﯩﯔ ﺩﺍﺋﯩﺮﯨﻠﯩﺮﯨﻨﻰ ﺩﺍﻻﻱ ﻻﻣﺎ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺵ، ﺗﯩﺒﻪﺕ ﻣﻪﺩﻩﻧﯩﻴﯩﺘﯩﻨﻰ ﻫﯚﺭﻣﻪﺕ ﻗﯩﻠﯩﺶ، ﻧﺎﻣﺎﻳﯩﺸﭽﯩﻼﺭﻏﺎ ﻛﯜﭺ ﺋﯩﺸﻠﻪﺗﻤﻪﺳﻠﯩﻚ، ﭘﯘﻗﺮﺍﻻﺭﻧﯩﯔ ﻳﯩﻐﯩﻠﯩﺶ ﺋﻪﺭﻛﯩﻨﻠﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﻗﺎﺗﺎﺭﻟﯩﻘﻼﺭﻏﺎ ﺩﺍﻻﻟﻪﺕ ﻗﯩﻠﻤﺎﻗﺘﺎ.

ﺑﯘﺵ ﻫﯚﻛﯜﻣﯩﺘﻰ ﺧﯩﺘﺎﻳﻨﻰ ﺋﯚﺯﯨﻨﻰ ﺗﯘﺗﯘﯞﯦﻠﯩﺸﻘﺎ ﻳﻪﻧﻪ ﺩﺍﻻﻟﻪﺕ ﻗﯩﻠﺪﻯ

ﺋﺎﻕ ﺳﺎﺭﺍﻳﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﺍﻧﺎ ﭘﻪﺭﯨﻨﻮ ﭘﻪﻳﺸﻪﻧﺒﻪ ﻛﯜﻧﻰ ﺑﯘﺵ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺕ ﯞﻩﻗﻪﺳﯩﺪﯨﻜﻰ ﻣﻪﻳﺪﺍﻧﯩﻨﻰ ﺷﻪﺭﻫﯩﻠﯩﮕﻪﻧﺪﻩ ﺧﯩﺘﺎﻳﻨﻰ ﺋﯚﺯﯨﻨﻰ ﺗﯘﺗﯘﯞﯦﻠﯩﺸﻘﺎ ﻳﻪﻧﻪ ﺩﺍﻻﻟﻪﺕ ﻗﯩﻠﺪﻯ. ﺋﯘ، ﻣﯘﺧﺒﯩﺮﻻﺭﻏﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺭﺍﻳﯩﺴﻨﯩﯔ ﺋﺎﻟﺪﯨﻨﻘﻰ ﻛﯜﻧﻰ ﺋﺎﺧﺸﺎﻡ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺑﯩﻠﻪﻥ ﺗﯧﻠﯧﻔﻮﻧﺪﺍ ﺳﯚﺯﻟﯩﺸﯩﭗ، ﺋﺎﻣﯧﺮﯨﻜﯩﻨﯩﯔ ﺑﯘ ﻣﻪﺳﯩﻠﯩﺪﯨﻜﻰ ﺋﻪﻧﺪﯨﺸﻪ ﯞﻩ ﻗﺎﺭﺍﺷﻠﯩﺮﯨﻨﻰ ﻳﻪﺗﻜﯜﺯﮔﻪﻧﻠﯩﻜﻰ ﻫﻪﻡ ﻧﺎﻣﺎﻳﯩﺸﭽﯩﻼﺭﻏﺎ ﺗﻮﻏﺮﺍ ﻣﯘﺋﺎﻣﯩﻠﻪ ﻗﯩﻠﯩﺶ، ﻛﯜﭺ ﺋﯩﺸﻠﻪﺗﻤﻪﺳﻠﯩﻜﻜﻪ ﭼﺎﻗﯩﺮﻏﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﭘﻪﺭﯨﻨﻮ ﻣﯘﻧﺪﺍﻕ ﺩﻩﻳﺪﯗ، " ﺑﯩﺰ ﺋﯘ ﻳﻪﺭﺩﻩ ﻳﯜﺯ ﺑﯧﺮﯨﯟﺍﺗﻘﺎﻥ ﯞﻩﻗﻪﻟﻪﺭﻧﻰ ﻳﯧﻘﯩﻨﺪﯨﻦ ﻛﯚﺯﯨﺘﯩﯟﺍﺗﯩﻤﯩﺰ. ﺑﯩﺰ ﻳﻪﻧﻪ ﺑﯩﮕﯘﻧﺎﻫ ﭘﯘﻗﺮﺍﻻﺭﻧﯩﯔ ﺑﯩﺨﻪﺗﻪﺭﻟﯩﻜﯩﺪﯨﻦ ﺋﻪﻧﺴﯩﺮﻩﯞﺍﺗﯩﻤﯩﺰ. ﺑﻮﻟﯘﭘﻤﯘ ﺑﯩﺰ ﻫﻪﺭ ﺑﯩﺮ ﻛﯩﺸﯩﻨﯩﯔ ﺗﯩﻨﭻ ﻳﯩﻐﯩﻠﯩﺶ ﺋﯚﺗﻜﯜﺯﯛﺵ ﯞﻩ ﺋﯚﺯ ﻗﺎﺭﯨﺸﯩﻨﻰ ﺋﯩﭙﺎﺩﯨﻠﻪﺵ ﻫﻮﻗﯘﻗﻰ ﺑﻮﻟﯘﺷﻰ ﻛﯧﺮﻩﻙ، ﺩﻩﭖ ﻗﺎﺭﺍﻳﻤﯩﺰ."

3 - ﺋﺎﻳﻨﯩﯔ 14 - ﻛﯜﻧﻰ ﻟﺨﺎﺳﺎ ﺷﻪﻫﯩﺮﯨﻨﯩﯔ ﻛﻮﭼﯩﻠﯩﺮﯨﺪﺍ ﻛﻪﯓ ﻛﯚﻟﻪﻣﺪﻩ ﻧﺎﻣﺎﻳﯩﺶ ﯞﻩ ﺗﻮﻗﯘﻧﯘﺵ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، ﺳﯜﺭﻩﺗﺘﻪ، ﮔﻪﻧﺴﯘ ﺋﯚﻟﻜﯩﺴﯩﺪﯨﻜﻰ ﺗﯩﺒﻪﺗﻠﯩﻜﻠﻪﺭ ﻧﺎﻣﺎﻳﯩﺸﺘﺎ. AFP Photo

ﺋﺎﻧﺎﻟﯩﺰﭼﯩﻼﺭ ﺑﯘﺵ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺗﺘﯩﻜﻰ ﯞﻩﻗﻪﮔﻪ ﻗﺎﻳﺘﯘﺭﻏﺎﻥ ﺋﯩﻨﻜﺎﺳﻨﻰ ﺋﯘﻧﯩﯔ ﺑﯧﺮﻣﯩﺪﯨﻜﻰ ﺭﺍﻫﯩﺒﻼﺭ ﺋﯩﺴﻴﺎﻧﯩﻐﺎ ﻗﺎﻳﺘﯘﺭﻏﺎﻥ ﺋﯩﻨﻜﺎﺳﯩﻐﺎ ﻗﺎﺭﯨﻐﺎﻧﺪﺍ ﻛﯚﭖ ﺋﯩﻠﻤﺎﻥ ﺩﯦﻴﯩﺸﻜﻪ ﺑﻮﻟﯩﺪﯗ، ﺩﻩﭖ ﻗﺎﺭﺍﺷﻤﺎﻗﺘﺎ. ﻛﺮﯨﺸﺘﺎﻳﯩﻦ ﯞﻩ ﻳﻮﯓ ﻗﺎﻧﯘﻥ ﻣﯘﻻﺯﯨﻤﻪﺕ ﺷﯩﺮﻛﯩﺘﯩﺪﯨﻜﻰ ﻧﯘﺭﻯ ﺗﯜﺭﻛﻪﻝ ﺑﯘﻧﯩﯔ ﺳﻪﯞﻩﺑﻠﯩﺮﯨﻨﻰ ﭼﯜﺷﻪﻧﺪﯛﺭﺩﻯ.

ﭘﯧﻠﯘﺳﻰ:"ﺳﯩﻠﻪﺭ ﺩﯗﭺ ﻛﻪﻟﮕﻪﻥ ﺑﯘ ﺳﯩﻨﺎﻗﻼﺭﻏﺎ ﺳﯩﻠﻪﺭ ﺑﯩﻠﻪﻥ ﺗﻪﯓ ﺗﺎﻗﺎﺑﯩﻞ ﺗﯘﺭﯨﻤﯩﺰ ... ﺳﯩﻨﺎﻗﻼﺭﺩﺍ ﺳﯩﻠﻪﺭ ﺑﯩﻠﻪﻥ ﺑﯩﺮﮔﻪ ﺗﯘﺭﯨﻤﯩﺰ"

ﺗﯩﺒﻪﺗﺘﯩﻜﻰ ﺑﯘ ﻗﯧﺘﯩﻤﻘﻰ ﺋﯩﺴﻴﺎﻧﻐﺎ ﻛﯩﻢ ﺟﺎﯞﺍﺑﻜﺎﺭ ﺑﻮﻟﯘﺷﻰ ﻛﯧﺮﻩﻙ ؟ ﺩﯦﮕﻪﻥ ﻣﻪﺳﯩﻠﯩﺪﻩ ﺋﺎﻻﻗﯩﺪﺍﺭ ﺗﻪﺭﻩﭘﻠﻪﺭ ﺑﯩﺮ - ﺑﯩﺮﯨﻨﻰ ﺋﻪﻳﯩﺒﻠﯩﻤﻪﻛﺘﻪ. ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻧﻪﺯﯨﺮﯨﺪﻩ ﺩﺍﻻﻱ ﻻﻣﺎ ﺑﯘ ﻗﯧﺘﯩﻤﻘﻰ ﺋﯩﺴﻴﺎﻧﻨﻰ ﭘﯩﻼﻧﻠﯩﻐﯘﭼﯩﺪﯗﺭ. ﺑﯘ ﻗﺎﺭﺍﺷﻨﻰ ﺋﺎﻟﺪﯨﻨﻘﻰ ﻛﯜﻧﻰ ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﻴﺎﺑﺎﯞ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ ﺗﻪﻛﯩﺘﻠﯩﮕﻪﻥ ﺑﻮﻟﯘﭖ، ﯞﯦﻦ ﺟﻴﺎﺑﺎﯞﻧﯩﯔ ﺑﯘ ﺳﯚﺯﯨﻨﻰ ﻧﻪﻧﺴﻰ ﭘﯧﻠﯘﺳﻰ ﺟﯜﻣﻪ ﻛﯜﻧﻰ ﺩﺍﺭﺍﻣﺴﺎﻻﺩﺍ "ﺑﯩﻤﻪﻧﯩﻠﯩﻚ،" ﺩﻩﭖ ﺋﻪﻳﯩﺒﻠﯩﺪﻯ.

ﺑﯘﺵ ﻫﯚﻛﯜﻣﯩﺘﻰ ﺋﺎﻟﺪﯨﻨﻘﻰ ﻛﯜﻧﻰ ﺧﯩﺘﺎﻳﻨﯩﯔ ﺩﺍﻻﻱ ﻻﻣﺎ ﻫﻪﻗﻘﯩﺪﯨﻜﻰ ﺋﻪﻳﯩﺒﻠﯩﺸﯩﮕﻪ ﺋﯩﻨﻜﺎﺱ ﺑﯩﻠﺪﯛﺭﮔﻪﻥ ﺑﻮﻟﯘﭖ، ﺷﯘ ﻛﯜﻧﻰ ﺋﺎﻣﯧﺮﯨﻜﺎ ﻳﺎﺭﺩﻩﻣﭽﻰ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺗﻮﻣﺎﺱ ﻛﺮﯨﺴﺘﯧﻨﺴﯧﻦ ﺋﺎﻣﯧﺮﯨﻜﺎ - ﺧﯩﺘﺎﻱ ﺋﯩﻘﺘﯩﺴﺎﺩﻯ ﯞﻩ ﺑﯩﺨﻪﺗﻪﺭﻟﯩﻚ ﻛﯚﺯﯨﺘﯩﺶ ﻛﻮﻣﯩﺘﯧﺘﯩﺪﯨﻜﻰ ﺋﯩﺴﭙﺎﺕ ﺑﯧﺮﯨﺶ ﻳﯩﻐﯩﻨﯩﺪﺍ ﺳﯚﺯﻟﯩﮕﻪﻥ ﺳﯚﺯﯨﺪﻩ، ﺩﺍﻻﻱ ﻻﻣﺎﻧﯩﯔ ﺗﯩﺒﻪﺗﺘﯩﻜﻰ ﺋﯩﺴﻴﺎﻧﻨﻰ ﭘﯩﻼﻧﻠﯩﻐﺎﻧﻠﯩﻘﯩﻨﻰ ﺋﯩﺴﭙﺎﺗﻼﻳﺪﯨﻐﺎﻥ ﻫﯧﭽﻘﺎﻧﺪﺍﻕ ﭘﺎﻛﯩﺖ ﻳﻮﻗﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺋﯩﺪﻯ. ﻧﻪﻧﺴﻰ ﭘﯧﻠﯘﺳﻰ ﺩﺍﻻﻱ ﻻﻣﺎﻧﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺋﺎﻟﺘﯘﻥ ﻣﯧﺪﺍﻟﻰ ﺑﯩﻠﻪﻥ ﻣﯘﻛﺎﭘﺎﺗﻼﺵ ﭘﯩﻼﻧﯩﻨﯩﯔ ﺋﺎﺭﻗﯩﺴﯩﺪﯨﻜﻰ ﺑﺎﺵ ﻗﻮﻟﻠﯩﻐﯘﭼﯩﻼﺭﻧﯩﯔ ﺑﯩﺮﯨﺪﯗﺭ.

ﭘﺮﯦﺰﯨﺪﯦﻨﺖ ﺑﯘﺵ 2007 - ﻳﯩﻠﻰ 10 - ﺋﺎﻳﺪﺍ ﺩﯙﻟﻪﺕ ﻣﻪﺟﻠﯩﺴﯩﺪﯨﻜﻰ ﺑﯩﺮ ﻣﯘﺭﺍﺳﯩﻤﺪﺍ ﺩﺍﻻﻱ ﻻﻣﺎﻏﺎ ﺋﯚﺯ ﻗﻮﻟﻰ ﺑﯩﻠﻪﻥ ﺗﺎﺭﻗﺎﺗﻘﺎﻥ ﻣﻪﺯﻛﯘﺭ ﻣﯘﻛﺎﭘﺎﺗﻨﻰ ﺋﯧﻠﯩﺶ ﺷﻪﺭﯨﭙﻰ، ﺩﯙﻟﻪﺕ ﻣﻪﺟﻠﯩﺴﯩﺪﻩ ﭘﯧﻠﯘﺳﻰ ﺑﺎﺷﭽﯩﻠﯩﻘﯩﺪﯨﻜﻰ ﺋﺎﯞﺍﻡ ﯞﻩ ﻛﯧﯖﻪﺵ ﭘﺎﻻﺗﺎ ﺋﻪﺯﺍﻟﯩﺮﯨﻨﯩﯔ ﻗﺎﻧﯘﻥ ﭼﯩﻘﯩﺮﯨﺸﻰ ﺑﯩﻠﻪﻥ ﻣﯘﻣﻜﯩﻦ ﺑﻮﻟﺪﻯ. ﭘﯧﻠﯘﺳﻰ ﺩﺍﺭﺍﻣﺴﺎﻻﺩﯨﻜﻰ ﺗﯩﺒﻪﺕ ﺧﻪﻟﻘﯩﻐﻪ ﻳﻪﻧﻪ "ﺑﯩﺰ ﺳﯩﻠﻪﺭ ﺩﯗﭺ ﻛﻪﻟﮕﻪﻥ ﺑﯘ ﺳﯩﻨﺎﻗﻼﺭﻏﺎ ﺳﯩﻠﻪﺭ ﺑﯩﻠﻪﻥ ﺗﻪﯓ ﺗﺎﻗﺎﺑﯩﻞ ﺗﯘﺭﯨﻤﯩﺰ. ﺑﯩﺰ ﺑﯘ ﺳﯩﻨﺎﻗﻼﺭﺩﺍ ﺳﯩﻠﻪﺭ ﺑﯩﻠﻪﻥ ﺑﯩﺮﮔﻪ ﺗﯘﺭﯨﻤﯩﺰ،" ﺩﻩﭖ ﻛﯚﺭﺳﻪﺗﺘﻰ. (ﺋﻪﺭﻛﯩﻦ)