ﺧﺎﺑﺎﺭﻭﯞﺳﯩﻜﯩﺪﻩ ﺧﯩﺘﺎﻳﻐﺎ ﻗﺎﺭﺷﻰ ﻛﻪﻳﭙﯩﻴﺎﺕ ﻛﯜﭼﻪﻳﻤﻪﻛﺘﻪ

25- ﻧﻮﻳﺎﺑﯩﺮ ﻛﯜﻧﻰ ﺑﯩﺮ ﺑﯧﻠﯩﻘﭽﻰ ﺧﯩﻤﯩﻴﯩﻠﯩﻚ ﻣﺎﺩﺩﯨﻼﺭ ﺑﯩﻠﻪﻥ ﺑﯘﻟﻐﺎﻧﻐﺎﻥ ﺳﻮﻧﻐﯘﺋﺎﺟﯩﺌﺎﯓ ﺩﻩﺭﻳﺎﺳﯩﺪﯨﻦ ﻗﯩﻴﯩﻘﯩﻨﯩﺘﺎﺭﻣﺎﻗﺘﺎ. AFP

ﺧﯩﺘﺎﻳﻨﯩﯔ ﺟﯩﻠﯩﻨﺪﯨﻜﻰ ﺑﯩﺮ ﺧﯩﻤﯩﻴﯩﻠﯩﻚ ﺯﺍﯞﯗﺗﻰ ﭘﺎﺭﺗﻼﭖ ﻛﯧﺘﯩﺶ ﺑﯩﻠﻪﻥ ﻛﯚﭖ ﻣﯩﻘﺪﺍﺭﺩﯨﻜﻰ ﺯﻩﻫﻪﺭﻟﯩﻚ ﻣﺎﺩﺩﯨﻼﺭ ﺳﻮﯕﺨﯘﺋﺎﺟﺎﯓ ﺩﻩﺭﻳﺎﺳﯩﻐﺎ ﺋﯧﻘﯩﭗ ﻛﯩﺮﯨﭗ ﻛﯧﺘﯩﭗ، ﻣﻪﺯﻛﯘﺭ ﺯﻩﻫﻪﺭﻟﯩﻚ ﻣﺎﺩﺩﯨﻼﺭﻧﯩﯔ ﺋﺎﻣﯘﺭ ﺩﻩﺭﻳﺎﺳﯩﻐﺎ ﻗﯘﻳﯘﻟﯘﺷﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺭﯗﺳﯩﻴﯩﻨﯩﯔ ﺧﺎﺑﺎﺭﻭﯞﺳﻚ ﭼﯧﮕﺮﺍ ﺭﺍﻳﻮﻧﯩﺪﯨﻜﻰ ﺧﻪﻟﻘﻠﻪﺭﻧﯩﯔ ﺋﻪﻧﺪﯨﺸﯩﺴﻰ ﯞﻩ ﺧﯩﺘﺎﻳﻐﺎ ﺑﻮﻟﻐﺎﻥ ﻧﺎﺭﺍﺯﯨﻠﯩﻖ ﻛﻪﻳﭙﯩﻴﺎﺗﻠﯩﺮﻯ ﻛﯜﻧﺴﺎﻳﯩﻦ ﺋﯘﻟﻐﺎﻳﻤﺎﻗﺘﺎ.

ﺧﯩﺘﺎﻱ ﻫﯚﻛﯜﻣﯩﺘﯩﻤﯘ ﭼﺎﺭﻩ-ﺗﻪﺩﺑﯩﺮﻟﻪﺭﻧﻰ ﻗﻮﻟﻼﻧﻤﺎﻗﺘﺎ

ﺑﯘﻧﯩﯖﺪﯨﻦ ﺑﯩﺮ ﻗﺎﻧﭽﻪ ﻣﻪﺯﮔﯩﻞ ﺋﯩﻠﮕﯩﺮﻯ ﺧﯩﺘﺎﻳﻨﯩﯔ ﺷﻪﺭﻗﯩﻲ ﺷﯩﻤﺎﻟﯩﺪﯨﻜﻰ ﺑﯩﺮ ﺧﯩﻤﯩﻴﯩﻠﯩﻚ ﺯﺍﯞﯗﺕ ﭘﺎﺭﺗﻼﭖ ﻛﯧﺘﯩﺸﺘﯩﻦ ﻛﯧﻠﯩﭗ ﭼﯩﻘﻘﺎﻥ ﺯﻩﻫﻪﺭﻟﯩﻚ ﻣﺎﺩﺩﯨﻼﺭﻧﯩﯔ ﺳﻮﯕﺨﯘﺋﺎﺟﺎﯓ ﺩﻩﺭﻳﺎﺳﯩﻐﺎ ﺋﯧﻘﯩﭗ ﻛﯩﺮﯨﭗ ﻛﯧﺘﯩﺸﻰ ﺷﯘﻧﯩﯖﺪﻩﻙ ﻣﻪﺯﻛﯘﺭ ﺩﻩﺭﻳﺎﻧﯩﯔ ﺧﯩﺘﺎﻱ-ﺭﯗﺳﯩﻴﻪ ﭼﯧﮕﺮﯨﺴﯩﺪﯨﻜﻰ ﺋﺎﻣﯘﺭ ﺩﻩﺭﻳﺎﺳﯩﻐﺎ ﻗﯘﻳﯘﻟﯘﺷﻰ ﺗﯜﭘﻪﻳﻠﯩﺪﯨﻦ ﺋﺎﻣﯘﺭ ﺩﻩﺭﻳﺎﺳﻰ ﯞﺍﺩﯨﺴﯩﺪﯨﻜﻰ ﺧﺎﺑﺎﺭﻭﯞﺳﻚ ﺷﻪﻫﯩﺮﻯ ﻫﻪﻡ ﺋﯘﻧﯩﯔ ﺋﻪﺗﺮﺍﭘﯩﺪﯨﻜﻰ ﻫﻪﺭ ﻗﺎﻳﺴﻰ ﭼﻮﯓ ﻛﯩﭽﯩﻚ ﺷﻪﻫﻪﺭ ﻫﻪﻡ ﻳﯧﺰﯨﻼﺭﺩﺍ ﻳﺎﺷﺎﻳﺪﯨﻐﺎﻥ ﺭﯗﺳﯩﻴﻪ ﭘﯘﻗﺮﺍﻟﯩﺮﯨﻨﯩﯔ ﻗﺎﺗﺘﯩﻖ ﺋﻪﻧﺪﯨﺸﯩﺴﻰ ﻛﯧﻠﯩﭗ ﭼﯩﻘﻘﺎﻥ ﺋﯩﺪﻯ.

ﺑﯘ ﯞﻩﻗﻪ ﺗﯜﭘﻪﻳﻠﯩﺪﯨﻦ ﺭﯗﺳﯩﻴﻪ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﻫﯚﻛﯜﻣﻪﺕ ﻫﻪﻡ ﺧﻪﻟﻘﻠﻪﺭ ﻣﯘﻧﺎﺳﯩﯟﻩﺗﻠﯩﺮﯨﺪﯨﻤﯘ ﺳﻪﻟﺒﯩﻲ ﺋﯩﻨﻜﺎﺳﻼﺭﻧﯩﯔ ﭘﻪﻳﺪﺍ ﺑﻮﻟﯘﯞﺍﺗﻘﺎﻧﻠﯩﻘﻰ ﺋﯩﻠﮕﯩﺮﻯ ﺳﯜﺭﯛﻟﻤﻪﻛﺘﻪ. ﺧﯩﺘﺎﻱ ﺭﻩﻫﺒﻪﺭﻟﯩﺮﻯ ﻣﻪﺯﻛﯘﺭ ﺑﯘﻟﻐﯩﻨﯩﺶ ﺗﯜﭘﻪﻳﻠﯩﺪﯨﻦ ﺭﯗﺳﯩﻴﻪ ﻫﯚﻛﯜﻣﯩﺘﯩﺪﯨﻦ ﺋﻪﭘﯘ ﺳﻮﺭﺍﭖ ، ﻣﯘﻧﺎﺳﯩﯟﻩﺗﻠﯩﻚ ﻳﺎﺭﺩﻩﻣﻠﻪﺭﻧﻰ ﻛﯚﺭﺳﯩﺘﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﯞﻩﺩﯨﻠﻪﺭ ﺑﻪﺭﮔﻪﻥ ﺷﯘﻧﯩﯖﺪﻩﻙ ﺋﯩﭽﻜﻰ ﺟﻪﻫﻪﺗﺘﻪ ﯞﻩﻗﻪ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﻐﺎﻥ ﺑﯩﺮ ﻗﯩﺴﯩﻢ ﺭﻩﻫﺒﯩﺮﯨﻲ ﺧﺎﺩﯨﻤﻼﺭﻧﻰ ﺟﺎﺯﺍﻻﺵ ﻫﻪﻡ ﯞﻩﺯﯨﭙﯩﺴﯩﺪﯨﻦ ﻗﺎﻟﺪﯗﺭﯗﺵ ﺋﯧﻠﯩﭗ ﺑﺎﺭﻏﺎﻥ . ﺑﯘﻧﯩﯔ ﺗﯩﭙﯩﻚ ﻣﯩﺴﺎﻟﻰ ﺧﯩﺘﺎﻱ ﺩﯙﻟﻪﺗﻠﯩﻚ ﻣﯘﻫﯩﺖ ﻗﻮﻏﺪﺍﺵ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﯩﻨﯩﯔ ﯞﻩﺯﯨﭙﯩﺴﯩﺪﯨﻦ ﻗﺎﻟﺪﯗﺭﯗﻟﯩﺸﯩﺪﯗﺭ. ﻟﯧﻜﯩﻦ، ﺑﯘﻻﺭﻧﯩﯔ ﻫﻪﻣﻤﯩﺴﻰ ﺧﯩﺘﺎﻳﺪﯨﻦ ﺋﯧﻘﯩﭗ ﻛﯧﻠﯩﯟﺍﺗﻘﺎﻥ، ﺭﺍﻙ ﻛﯧﺴﯩﻠﻰ ﭘﻪﻳﺪﺍ ﻗﯩﻠﯩﺸﻰ ﻣﯘﻣﻜﯩﻦ ﺩﻩﭖ ﻗﺎﺭﯨﻠﯩﯟﺍﺗﻘﺎﻥ ﺯﻩﻫﻪﺭﻟﯩﻚ ﻣﺎﺩﺩﯨﻼﺭﺩﯨﻦ ﺯﻩﻫﻪﺭﻟﯩﻨﯩﭗ ﻗﯧﻠﯩﺸﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻥ ﺭﯗﺳﯩﻴﯩﻠﯩﻜﻠﻪﺭﻧﯩﯔ ﻛﯚﯕﻠﯩﻨﻰ ﺧﺎﺗﯩﺮﺟﻪﻡ ﻗﯩﻼﻟﯩﻐﯩﻨﻰ ﻳﻮﻕ.

ﺏ ﺏ ﺱ ﺋﺎﮔﯧﻨﺘﻠﯩﻘﯩﻨﯩﯔ ﺋﯘﭼﯘﺭﯨﺪﯨﻦ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﻣﯘﺭ ﺩﻩﺭﻳﺎﺳﯩﻨﯩﯔ ﺧﯩﺘﺎﻱ ﺗﻪﺭﯨﭙﯩﺪﯨﻜﻰ ﺳﻮﯕﺨﯘﺋﺎﺟﺎﯓ ﺩﻩﺭﻳﺎﺳﻰ ﺑﯩﻠﻪﻥ ﻗﻮﺷﯘﻟﯩﺪﯨﻐﺎﻥ ﻳﯧﺮﯨﺪﯨﻜﻰ ﻓﯘﻳﯘﺋﻪﻥ ﺩﯦﮕﻪﻥ ﺟﺎﻳﻐﺎ ﺋﯘﺯﯗﻧﻠﯘﻗﻰ 450 ﻣﯧﺘﯩﺮ ﻛﯧﻠﯩﺪﯨﻐﺎﻥ ﯞﺍﻗﯩﺘﻠﯩﻖ ﺩﺍﻣﺒﺎ ﻗﯘﺭﯗﺷﻨﻰ ﺑﺎﺷﻠﯩﻐﺎﻥ ﺑﻮﻟﯘﭖ، ﻣﻪﺯﻛﯘﺭ ﺳﯘ ﺗﻮﺳﯩﻘﻰ ﺋﺎﺭﻗﯩﻠﯩﻖ ﺧﯩﺘﺎﻱ ﺗﻪﺭﻩﭘﺘﯩﻦ ﺋﯧﻘﯩﭗ ﻛﯧﻠﯩﯟﺍﺗﻘﺎﻥ ﺯﻩﻫﻪﺭﻟﯩﻚ ﻣﺎﺩﺩﯨﻼﺭﻧﯩﯔ ﺋﺎﻣﯘﺭ ﺩﻩﺭﻳﺎﺳﯩﻨﯩﯔ ﺭﯗﺳﯩﻴﯩﺪﯨﻜﻰ ﻗﯩﺴﯩﻤﯩﻐﺎ ﺋﯧﻘﯩﭗ ﻛﯩﺮﯨﺸﯩﻨﯩﯔ ﺋﺎﻟﺪﯨﻨﻰ ﻣﻪﻟﯘﻡ ﺩﻩﺭﯨﺠﯩﺪﻩ ﺋﺎﻟﻐﯩﻠﻰ ﺑﻮﻟﯩﺪﯨﻜﻪﻥ. ﺧﯩﺘﺎﻱ ﺗﻪﺭﻩﭖ ﭘﻪﻗﻪﺕ 3-4 ﻛﯜﻥ ﺋﯩﭽﯩﺪﻩ ﻣﻪﺯﻛﯘﺭ ﺩﺍﻣﺒﯩﻨﻰ ﻗﯘﺭﯗﭖ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺯﻩﻫﻪﺭﻟﯩﻚ ﻣﺎﺩﺩﯨﻼﺭ ﺭﯗﺳﯩﻴﻪ ﺗﻪﯞﻩﺳﯩﮕﻪ ﻛﯩﺮﯨﭗ ﺑﻮﻟﻐﺎﻥ

ﺭﯗﺳﯩﻴﯩﻨﯩﯔ www.news.ru ﺋﺎﮔﯧﻨﺘﻠﯩﻘﯩﻨﯩﯔ ﺋﯘﭼﯘﺭﯨﺪﯨﻦ ﻗﺎﺭﯨﻐﺎﻧﺪﺍ، ﺑﯘ ﺯﻩﻫﻪﺭﻟﯩﻚ ﻣﺎﺩﺩﯨﻼﺭ ﺭﯗﺳﯩﻴﯩﻨﯩﯔ ﻳﻪﻫﯘﺩﯨﻲ ﺋﺎﭘﺘﻮﻧﻮﻡ ﺋﻮﺑﻼﺳﺘﻰ ﺗﻪﯞﻩﺳﯩﮕﻪ ﺋﯧﻘﯩﭗ ﻛﯩﺮﮔﻪﻧﻠﯩﻜﻰ ﺳﯧﺰﯨﻠﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘﻻﺭﻧﯩﯔ ﺧﺎﺑﺎﺭﻭﯞﺳﻚ ﺷﻪﻫﯩﺮﯨﮕﻪ ﻳﯧﺘﯩﭗ ﻛﯧﻠﯩﺸﯩﮕﻪ ﻳﻪﻧﻪ 160 ﻛﯩﻠﻮﻣﯧﺘﯩﺮ ﺑﺎﺭ ﺋﯩﻜﻪﻥ.

ﻣﻪﺯﻛﯘﺭ ﺭﯗﺳﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﺋﯘﭼﯘﺭﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺧﺎﺑﺎﺭﻭﯞﺳﻚ ﭼﯧﮕﺮﺍ ﺭﺍﻳﻮﻧﯩﻨﯩﯔ ﮔﯘﺑﯧﺮﻧﺎﺗﻮﺭﻯ ﯞﯨﻜﺘﻮﺭ ﺋﯩﺸﺎﻳﯧﯟ ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺧﺎﺑﺎﺭﻭﯞﺳﻚ ﺭﺍﻳﻮﻧﯩﺪﺍ ﺑﻪﻟﻜﻰ ﺋﺎﻫﺎﻟﯩﻼﺭﻧﯩﯔ ﻳﯘﻳﯘﻧﯘﺷﻰ ﻫﻪﻡ ﺑﺎﺷﻘﺎ ﺋﯩﺸﻠﯩﺮﯨﺪﺍ ﺋﯩﺸﻠﯩﺘﯩﺪﯨﻐﺎﻥ ﺋﯩﺴﺴﯩﻖ ﺳﯘﻧﯩﯖﻤﯘ ﺗﻮﺧﺘﯩﺘﯩﻠﯩﺸﯩﻨﯩﯔ ﻣﯘﻣﻜﯩﻨﻠﯩﻜﯩﻨﻰ ﺑﯩﻠﺪﯛﺭﮔﻪﻥ. ﮔﻪﺭﭼﻪ ﺧﯩﺘﺎﻱ ﺗﻪﺭﻩﭖ ﺋﯩﻠﮕﯩﺮﻯ ﺭﯗﺳﯩﻴﯩﮕﻪ ﯞﺍﻗﺘﻰ-ﯞﺍﻗﺘﯩﺪﺍ ﺯﻩﻫﻪﺭﻟﯩﻚ ﻣﺎﺩﺩﯨﻼﺭﻧﯩﯔ ﺋﯧﻘﯩﺶ ﻳﯚﻧﯩﻠﯩﺸﻰ ﯞﻩ ﺑﺎﺷﻘﯩﻼﺭ ﻫﻪﻗﻘﯩﺪﻩ ﺋﯘﭼﯘﺭ ﺑﯧﺮﯨﭗ، ﺭﯗﺳﯩﻴﻪ ﺑﯩﻠﻪﻥ ﻣﺎﺳﻠﯩﺸﯩﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﻩ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﺎﺑﺎﺭﻭﯞﺳﻚ ﮔﯘﺑﯧﺮﻧﺎﺗﻮﺭﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺗﯧﺨﻰ ﻫﺎﺯﯨﺮﻏﯩﭽﻪ ﺧﯩﺘﺎﻱ ﺗﻪﺭﻩﭖ ﺑﯘ ﻫﻪﻗﺘﻪ ﺋﯧﻨﯩﻖ ﺋﯘﭼﯘﺭ ﻳﻪﺗﻜﯜﺯﻣﯩﮕﻪﻥ.

ﺭﯗﺳﯩﻴﻪ ﻣﯘﺗﻪﺧﻪﺳﺴﯩﺴﻠﯩﺮﻯ ﻫﻪﺭ ﻛﯜﻧﻰ ﺋﻮﺧﺸﺎﺵ ﺑﻮﻟﻤﯩﻐﺎﻥ ﺟﺎﻳﻼﺭﺩﯨﻦ ﺳﯘ ﺋﯧﻠﯩﭗ، ﺳﯘﻧﯩﯔ ﺗﻪﺭﻛﯩﺒﯩﻨﻰ ﺗﻪﻛﺸﯜﺭﮔﻪﻧﺪﻩ ﺩﻩﺳﻠﻪﭘﻜﻰ ﻗﻪﺩﻩﻣﺪﻩ ﺧﯩﺘﺎﻳﺪﯨﻦ ﺋﯧﻘﯩﭗ ﻛﯧﻠﯩﯟﺍﺗﻘﺎﻥ ﺧﯩﻤﯩﻴﯩﻠﯩﻚ ﻣﺎﺩﺩﯨﻼﺭﻧﯩﯔ ﺑﯩﺮ ﻗﺎﻧﭽﻪ ﺗﯜﺭﻟﯜﻙ ﺋﯩﻜﻪﻧﻠﯩﻜﯩﻨﻰ ﺳﻪﺯﮔﻪﻥ.

ﺋﺎﻣﯘﺭ ﺩﻩﺭﻳﺎﺳﻰ ﯞﺍﺩﯨﺴﯩﺪﺍ ﺑﯧﻠﯩﻖ ﺗﯘﺗﯘﺵ ﭼﻪﻛﻠﻪﻧﮕﻪﻥ

ﺭﯗﺳﯩﻴﯩﻨﯩﯔ www.news.ru ﺋﺎﮔﯧﻨﺘﻠﯩﻘﯩﻨﯩﯔ ﺋﯘﭼﯘﺭﯨﺪﯨﻦ ﻗﺎﺭﯨﻐﺎﻧﺪﺍ، ﺧﺎﺑﺎﺭﻭﯞﺳﻚ ﻫﯚﻛﯜﻣﯩﺘﻰ ﺋﯩﻜﻜﻰ ﻳﯩﻠﻐﯩﭽﻪ، ﺋﺎﻣﯘﺭ ﺩﻩﺭﻳﺎﺳﯩﺪﺍ ﺑﯧﻠﯩﻖ ﺗﯘﺗﯘﺷﻨﻰ ﭼﻪﻛﻠﯩﮕﻪﻥ ﺑﻮﻟﯘﭖ، ﭼﯜﻧﻜﻰ ﺑﯘ ﺩﻩﺭﻳﺎﻧﯩﯔ ﺑﯧﻠﯩﻘﻠﯩﺮﯨﻨﯩﯔ ﺯﻩﻫﻪﺭﻟﯩﻨﯩﺶ ﺋﯧﻬﺘﯩﻤﺎﻟﻠﯩﻘﻰ ﭼﻮﯓ ﺋﯩﻜﻪﻥ. ﺑﯘ ﺳﻪﯞﻩﺑﺘﯩﻦ ﺩﻩﺭﻳﺎ ﺑﻮﻳﯩﺪﺍ ﺑﯧﻠﯩﻘﭽﯩﻠﯩﻖ ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯨﻐﺎﻥ ﻛﯩﺸﯩﻠﻪﺭﻧﯩﯔ ﺗﯘﺭﻣﯘﺷﯩﺪﺍ ﺋﯧﻐﯩﺮ ﻗﯩﻴﯩﻨﭽﯩﻠﯩﻘﻼﺭ ﭘﻪﻳﺪﺍ ﺑﻮﻟﯘﺷﻘﺎ ﺑﺎﺷﻠﯩﻐﺎﻥ، ﻫﻪﺗﺘﺎ ﺋﺎﻣﯘﺭ ﺩﻩﺭﻳﺎﺳﻰ ﺑﻮﻳﯩﺪﺍ ﻳﺎﺷﺎﻳﺪﯨﻐﺎﻥ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﻧﺎﻧﺎﻳﻼﺭﻧﯩﯔ ﺋﻪﻫﯟﺍﻟﻰ ﻳﺎﻣﺎﻧﻼﺷﻘﺎﻥ ﺑﻮﻟﯘﭖ، ﭼﯜﻧﻜﻰ، ﺑﯘ ﺧﻪﻟﻖ ﭘﻪﻗﻪﺕ ﺑﯧﻠﯩﻘﭽﯩﻠﯩﻖ ﺑﯩﻠﻪﻧﻼ ﻫﺎﻳﺎﺕ ﻛﻪﭼﯜﺭﯨﺪﯨﻐﺎﻧﻠﯩﻘﻰ ﺋﯜﭼﯜﻥ ﺑﯧﻠﯩﻖ ﺋﯘﻻﺭﻧﯩﯔ ﻛﯜﻧﺪﯨﻠﯩﻚ ﻳﯧﻤﻪﻛﻠﯩﻜﻰ ﻫﻪﻡ ﺗﯩﺮﯨﻜﭽﯩﻠﯩﻚ ﯞﺍﺳﯩﺘﯩﺴﻰ ﺑﻮﻟﯘﭖ ﻗﺎﻟﻐﺎﻥ ﺋﯩﻜﻪﻥ.

ﺧﯩﺘﺎﻳﻐﺎ ﻗﺎﺭﺷﻰ ﻛﻪﻳﭙﯩﻴﺎﺕ ﻛﯜﭼﻪﻳﻤﻪﻛﺘﻪ

www.news.ru ﺋﺎﮔﯧﻨﺘﻠﯩﻘﯩﻨﯩﯔ ﺋﯘﭼﯘﺭﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺧﺎﺑﺎﺭﻭﯞﻛﺴﻜﯩﺪﯨﻜﻰ ﺧﻪﻟﻘﻠﻪﺭﻧﯩﯔ ﺧﯩﺘﺎﻳﻐﺎ ﻗﺎﺭﺷﻰ ﻛﻪﭘﯩﻴﺎﺗﻰ ﻛﯜﭼﯩﻴﯩﭗ ﻛﻪﺗﻜﻪﻥ ﺑﻮﻟﯘﭖ، ﺑﯘﻧﯩﯖﺪﯨﻜﻰ ﺳﻪﯞﻩﺑﻠﻪﺭ ﻫﻪﺭ ﺧﯩﻞ ﺋﯩﻜﻪﻥ. ﻣﻪﺯﻛﯘﺭ ﺟﺎﻳﻼﺭﺩﺍ ﺯﻭﺭ ﺳﺎﻧﺪﯨﻜﻰ ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﭘﻪﻳﺪﺍ ﺑﻮﻟﯘﭖ، ﺳﻮﺩﺍ-ﺳﯧﺘﯩﻖ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ،ﺋﯘﻻﺭ ﻣﻪﺑﻠﻪﻍ ﺳﯧﻠﯩﭗ، ﻗﯘﺭﯗﻟﯘﺷﻼﺭﻧﻰ ﻛﯚﺗﯩﺮﻩ ﺋﺎﻟﻐﺎﻥ ﺷﯘﻧﯩﯖﺪﻩﻙ ﻳﻪﻧﻪ ﺧﺎﺑﺎﺭﻭﯞﺳﻚ ﺷﻪﻫﯩﺮﯨﺪﯨﻜﻰ ﻳﯧﻤﻪﻙ-ﺋﯩﭽﻤﻪﻙ ﯞﻩ ﻛﯩﻴﯩﻢ –ﻛﯧﭽﻪﻙ ﺑﺎﺯﺍﺭﻟﯩﺮﻯ ﺧﯩﺘﺎﻱ ﻣﻪﻫﺴﯘﻻﺗﻠﯩﺮﻯ ﺑﯩﻠﻪﻥ ﺗﻮﻟﻐﺎﻥ ﺑﻮﻟﯘﭖ، ﺭﯗﺳﯩﻴﯩﻠﯩﻜﻠﻪﺭﻧﯩﯔ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻦ ﺧﯩﺘﺎﻳﻐﺎ ﺑﯧﻘﯩﻨﯩﭗ ﻗﯧﻠﯩﺶ ﯞﻩﺯﯨﻴﯩﺘﻰ ﺷﻪﻛﯩﻠﻠﻪﻧﮕﻪﻥ. ﺑﯘ ﺗﯜﺭﻟﯜﻙ ﺋﻪﻫﯟﺍﻟﻼﺭ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺩﻩﯞﺭﯨﺪﯨﻼ ﺧﯩﺘﺎﻳﻐﺎ ﻗﺎﺭﺷﻰ ﺋﺎﻟﺪﯨﻨﻘﻰ ﺳﻪﭖ ﺑﻮﻟﻐﺎﻥ ﺧﺎﺑﺎﺭﻭﯞﺳﻜﯩﺪﯨﻜﻰ ﺧﻪﻟﻘﻠﻪﺭﻧﯩﯔ ﺋﻪﺳﻠﯩﺪﯨﻦ ﻣﻪﯞﺟﯘﺕ ﺧﯩﺘﺎﻳﻐﺎ ﻗﺎﺭﺷﻰ ﻛﻪﻳﭙﯩﻴﺎﺗﯩﻐﺎ ﺗﻪﺳﯩﺮ ﻛﯚﺭﺳﻪﺗﻤﻪﻱ ﻗﺎﻟﻤﯩﻐﺎﻥ. ﺑﯘ ﻗﯧﺘﯩﻤﻘﻰ ﺩﻩﺭﻳﺎ ﺳﯜﻳﯩﻨﯩﯔ ﺑﯘﻟﻐﯩﻨﯩﺶ ﺋﻪﻫﯟﺍﻟﻰ ﺧﯩﺘﺎﻳﻐﺎ ﻗﺎﺭﺷﻰ ﻛﻪﻳﭙﯩﻴﺎﺗﻼﺭﻧﻰ ﺗﯧﺨﻰ ﺋﺎﺷﯘﺭﻏﺎﻥ ﺋﯩﻜﻪﻥ.

ﺧﯩﺘﺎﻱ ﻫﯚﻛﯜﻣﯩﺘﻰ ﻣﻪﯞﺟﯘﺕ ﻣﻪﺳﯩﻠﯩﻠﻪﺭﻧﻰ ﺋﯧﺘﯩﺮﺍﭖ ﻗﯩﻠﻐﺎﻥ ﺑﻮﻟﯘﭖ، www.news.ru ﺋﺎﮔﯧﻨﺘﻠﯩﻘﯩﻨﯩﯔ ﺋﯘﭼﯘﺭﯨﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻳﻨﯩﯔ ﺋﺎﻣﯘﺭ ﺩﻩﺭﻳﺎﺳﻰ ﯞﺍﺩﯨﺴﯩﺪﯨﻜﻰ ﺋﯧﻜﻮﻟﻮﮔﯩﻴﯩﻨﻰ ﻳﺎﺧﺸﯩﻼﺵ ﺋﯜﭼﯜﻥ ﺑﯩﺮ ﻣﯩﻠﻴﺎﺭﺩ ﺩﻭﻟﻼﺭ ﺋﺎﺟﺮﺍﺗﻘﺎﻧﻠﯩﻘﻰ ﻫﻪﻣﺪﻩ ﻛﯧﻠﻪﺭ ﻳﯩﻠﻰ ﺑﯩﺮ ﻳﯧﺮﯨﻢ ﻣﯩﻠﻴﺎﺭﺩ ﺩﻭﻟﻼﺭ ﺋﺎﺟﺮﯨﺘﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺳﯚﺯﻟﻪﺭ ﺗﺎﺭﻗﺎﻟﻐﺎﻥ.ﺑﯩﺮﺍﻕ، ﺭﯗﺳﯩﻴﯩﻠﯩﻜﻠﻪﺭ ﺑﯘﻧﯩﯔ ﺋﺎﻣﯘﺭ ﺩﻩﺭﻳﺎﺳﻰ ﯞﺍﺩﯨﺴﯩﻨﻰ ﺟﯜﻣﻠﯩﺪﯨﻦ ﺑﯘ ﺟﺎﻳﻼﺭﺩﯨﻜﻰ ﺧﻪﻟﻘﻨﻰ ﻗﯘﺗﯘﻟﺪﯗﺭﯗﺵ ﺋﯜﭼﯜﻥ ﺋﺎﺯﻟﯩﻖ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﭘﻪﺭﻩﺯ ﻗﯩﻠﯩﺸﻤﺎﻗﺘﺎ. "ﻧﯧﯟﺳﺮﯗ" ﺋﺎﮔﯧﻨﺘﻠﯩﻘﯩﻨﯩﯔ ﻳﯧﺰﯨﺸﯩﭽﻪ، ﺧﯩﻤﯩﻴﯩﻠﯩﻚ ﺩﻭﺭﯨﻼﺭﻧﯩﯔ ﺋﺎﻣﯘﺭ ﺩﻩﺭﻳﺎﺳﯩﻐﺎ ﺋﯧﻘﯩﭗ ﻛﯩﺮﯨﺶ ﺋﻪﻫﯟﺍﻟﻰ ﺋﻪﺳﻠﯩﺪﯨﻦ 1996-ﻳﯩﻠﻰ ﺳﯧﺰﯨﻠﮕﻪﻥ ﺑﻮﻟﯘﭖ، ﺋﻪﺷﯘ ﭼﺎﻏﺪﺍ ﺑﯧﻠﯩﻘﭽﯩﻼﺭ ﺑﯧﻠﯩﻘﻼﺭﺩﯨﻦ ﺧﯩﻤﯩﻴﯩﻠﯩﻚ ﺩﻭﺭﯨﻼﺭ ﭘﯘﺭﯨﻘﻰ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﺷﻜﻪﻥ ﺋﯩﻜﻪﻥ. ﺗﻪﻛﺸﯜﺭﯛﺷﻠﻪﺭ ﻧﻪﺗﯩﺠﯩﺴﯩﺪﻩ ﺑﯧﻠﯩﻘﻼﺭﻧﯩﯔ ﺯﻩﻫﻪﺭﻟﯩﻨﯩﺸﯩﻨﯩﯔ ﻳﯘﻗﯩﺮﯨﻠﯩﻘﻰ ﺗﯜﭘﻪﻳﻠﯩﺪﯨﻦ ﻫﻪﺗﺘﺎ ﺋﯘﻧﻰ ﻣﯜﺷﯜﻛﻤﯘ ﻳﯧﻤﯩﮕﻪﻥ ﺋﯩﻜﻪﻥ. (ﺋﯜﻣﯩﺪﯞﺍﺭ)