Лондондики уйғур хәлқ нахша ‏- Музика әтрити

2007-08-09
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт

Ezalar.-200.jpg
Лондон уйғур ансамбили 2004 - Йили езиз әйсаниң рәһбәрлигидә қурулған. Сүрәттә, ансамбилниң әзалири. The London Uyghur Ensemble is a London-based group playing traditional and popular music of the Central Asian Uyghurs.It was established in 2004. Photo copy right@ http://www.uyghurensemble.co.uk/>

Йеқинқи йиллардин буйан уйғурларниң тонулушиға әгишип уйғур мәдәнийәт ‏- Сәнитиму дунйа сәһнисидә барғанчә алқишқа еришмәктә, уйғур нахша‏ - Музикилириниң дунйа миқйасида кәң тарқилишиға уйғур сәнәткарлардин башқа чәтәлләрдики уйғур ‏нахша ‏- Музика һәвәскарлириниңму өз алдиға төһписи бар. Мәсилән , әнглийидә қурулған лондон уйғур ансамбили, гәрчә бир қанчә сазчи һәм нахшичилардин тәркип тапқан кичик типтики уйғур нахша ‏- Музика әтрити болсиму,2004 - Йили қурулғандин башлап әнглийидә уйғурларни һәм уйғур мәдәнийәт- Сәнитини тонуштурушқа әһмийәтлик паалийәтләрни давамлаштуруп кәлмәктә.

---Сиз аңлаватқан бу гүзәл уйғур хәлқ аһаңи , лондон уйғур ансамбилиниң орундиши билән әнгилийиниң нурғун сәһнилиридә тамашибинларни мәстхуш қилған уйғур нахша ‏- Музикилириниң бири.

---Бу музикини орунлиғучилар арисида тәмбурда тәңкәш қиливатқан бир уйғур сазәндидин башқа дутар һәм ғиҗәктә әнглийилик музикантлар тәңкәш қилмақта .Улар уйғур хәлқ нахша ‏- Музикилириға иштийақ бағлап өгәнгән һәм уни уйғур сәнәткарлар билән бирликтә дунйаға тонуштуруватқан сәнәткарлар. Улар уйғур кийимлири билән сәһнигә чиқип уйғур нахша ‏- Музикилирини вайиға йәткүзүп орунлиғанда сизму уларниң уйғур әмәсликигә ишәнмәйла қелишиңиз мумкин.

Төвәндә, лондондики бу уйғур ансамбилини тонуштуруп өтәй.

Ансамбил қурғучиси әзиз әйса

2004 - Йили тәшкилләнгән лондон уйғур ансамбили әнглийидә қурулған тунҗи уйғур нахша ‏- Музика әтрити һесаблиниду. Бу әтрәт асасән уйғур хәлқ аһаңлири , он икки муқам қатарлиқ уйғур килассик нахша музикилирини орундайду.

Ансамбилниң асаслиқ әзалири, йәни қурғучиси әзиз әйса ‏- Тарим дәрйа вадисидики шайарда туғулуп чоң болған болуп , у2001 - Йилидин башлап лондонда йашап кәлмәктә , шундақла униң уйуштуруши билән қурулған мәзкур ансамбилниң барлиқ паалийәтлирини һәмдә тәшвиқат вә интернет тор бетини башқуруш ишлириға мәсул болуп кәлмәктә.

Униң уйуштуруши билән лондон уйғур ансамбили әнглийидики лондон вә башқа шәһәрләрдә түрлүк иҗтимаий паалийәтләрдә уйғур нахша ‏- Музикилирини сәһнидә көрситип алқишқа еришип кәлмәктә. Шундақла әнглийидики уйғур җәмийитиниң иҗтимаий һайатини бейитишқа бәлгилик рол ойнап норуз , һейт байрам күнлирини җанландуруп кәлмәктә.

Ансамбил булбули- Рәһимә

Ансамбил нахшичиси рәһимә мәһмут‏- Уйғур елиниң гүзәл или вадисида туғулуп өскән кейин әнглийигә келип олтурақлашқан, рәһимә гәрчә уйғур сәнәт саһәсидә кәспи тәрбийә алмиған болсиму , әмма сәнәтхумар аилисидики тәбий кәйпийат һәмдә дутарчи акисиниң тәсиридә вә йәнә или мәшрәплиридин ибарәт тәбиий сәнәт мәктипиниң униң қәлбигә салған сәнәт уруқлириниң бих етиши билән у или хәлқ нахшилирини муң билән орунлап , чирайлиқ усулму ойнийалайдиған сәнәт талантиға игә болуп йетилгән икән.

Әнглийидә мәзкур ансамбилниң қурулуши униң қәлбини чоңқур қатламлиридики сәнәт бихлирини көрсәтти .Һәтта йеқинда лондон уйғур ансамбилидики сазәндиләр билән униң орунлишида или хәлқ нахшилири албоми ройапқа чиқти.

Көпкә маһир сазәндә- Низамидин

Мәзкур ансамбилниң асаслиқ сазәндиси низамидин сәмәтоф қирғизистанлиқ уйғур болуп ,әнглийигә келиштин илгири қирғизистандики уйғур хәлқ сазәндилиридин нурғун саз һәм нахшиларни өгәнгән. У дутар , тәмбүр, дап, гитар қатарлиқ көп хил сазларни маһарәт билән челип әнглийилик тамашибинларни һәйран қилиду.

Ғеҗәккә иштийақ бағлиған-Ситефин җонес

Булардин башқа уйғур ансамбилида өзи уйғур болмисиму , уйғур нахша ‏- Музикилириға чоңқур муһәббәт бағлиған әнглийилик музикантларму бар , уларниң бири ситифен җонес әпәнди , у кәспи искирипка чалғучиси , у илгири хитай музикилирини челишни өгәнгән икән. Кейин у уйғур чалғулиридин ғиҗәкни челишни һәмдә уйғур музикилирини өгәнгән. Һазир у бу музика әтритидики уста ғеҗәкчи.

Чимән доппилиқ дутарчи-Райчел

Райчел хәррс ханимға кәлсәк , бу әнглийилик мәдәнийәт тәтқиқатчиси уйғур нахша ‏-Музикилириға алаһидә қизиққандин башлап уйғур елигә бир нәччә қетим берип , һәтта узун туруп зийарәт қилиш , тәтқиқ қилиш вә өгиниш арқилиқ дутар билән уйғур хәлқ аһаңлири һәтта муқамларни чалалайдиған сәвийигә йәткән. У чимән доппини йараштуруп кийип дутарни қолиға алғанда, уйғур сазәндилиридин һеч қелишмайду .

Уйғур нахша музикилиридин һәммә тәң бәһриман болсун

Мана бу лондон уйғур ансамбилиға дунйаниң һәр җайлиридин йиғилип тәшкилләнгән сәнәткарлар, уларниң сәһнидә бирликтә көрсәткән маһарәтлиридин уларниң уйушишиға сәвәб болған амилниң уйғур нахша ‏-Музикилириниң сеһри күчи икәнликини һес қилип йетәләйсиз, улар уйғур нахша ‏- Музикилиридин өзлири һозурлинипла қалмай , бу гүзәл уйғур нахша ‏- Музикилириридин әнглийидә һәтта дунйада йәниму көп кишиләрниң бәһрини алғузуш үчүн хизмәт қилмақта.

Мәзкүр ансамбил йәнә лондон уйғур ансамбили намида, енгилиз тилида мәхсус универисал бир тор бәт тәсис қилған болуп ,униңға уйғурларниң мәдәнийәт ‏- Сәнити, өрүп ‏- Адәт һәмдә тарихлири тонуштурулған нурғун материйаллар қойулған. Мәзкүр тор бәтниң сәһипилиридин һәтта уйғур ели вә башқа җайлардики уйғур сәнәткарларниң орунлишидики һәр қандақ типтики нахша ‏-Музикиларни тепип һозур алғили болиду . (Гүлчеһрә)

Пикирләр (0)

Талланған хәвәрләр

Үрүмчи, йәкән қатарлиқ җайларда партлаш йүз бәргәндин кейин, хитай сақчилириниң уйғурларни тутқун қиливатқан көрүнүши. 2014-Йили 27-Май, хотән.
13 Миң нопуслуқ бир йезидин 2 миңдин артуқ киши қамақта


Әтләс көңләклик туңган һаҗилардин башланған гуман вә мулаһизиләр


Лоп чарбағдики монәк мәсчити кәнтниң көңүл ечиш паалийәт өйигә өзгәртилмәктә

Толуқ бәт