Londondiki uyghur xelq naxsha ‏- Muzika etriti

2007-08-09
Élxet
Pikir
Hembehr
Print
  • Print
  • Hembehr
  • Pikir
  • Élxet

Ezalar.-200.jpg
London uyghur ansambili 2004 - Yili éziz eysaning rehberligide qurulghan. Sürette, ansambilning ezaliri. The London Uyghur Ensemble is a London-based group playing traditional and popular music of the Central Asian Uyghurs.It was established in 2004. Photo copy right@ http://www.uyghurensemble.co.uk/>

Yéqinqi yillardin buyan uyghurlarning tonulushigha egiship uyghur medeniyet ‏- Senitimu dunya sehniside barghanche alqishqa érishmekte, uyghur naxsha‏ - Muzikilirining dunya miqyasida keng tarqilishigha uyghur senetkarlardin bashqa chetellerdiki uyghur ‏naxsha ‏- Muzika heweskarliriningmu öz aldigha töhpisi bar. Mesilen , engliyide qurulghan london uyghur ansambili, gerche bir qanche sazchi hem naxshichilardin terkip tapqan kichik tiptiki uyghur naxsha ‏- Muzika etriti bolsimu,2004 - Yili qurulghandin bashlap engliyide uyghurlarni hem uyghur medeniyet- Senitini tonushturushqa ehmiyetlik paaliyetlerni dawamlashturup kelmekte.

---Siz anglawatqan bu güzel uyghur xelq ahangi , london uyghur ansambilining orundishi bilen engiliyining nurghun sehniliride tamashibinlarni mestxush qilghan uyghur naxsha ‏- Muzikilirining biri.

---Bu muzikini orunlighuchilar arisida temburda tengkesh qiliwatqan bir uyghur sazendidin bashqa dutar hem ghijekte engliyilik muzikantlar tengkesh qilmaqta .Ular uyghur xelq naxsha ‏- Muzikilirigha ishtiyaq baghlap ögengen hem uni uyghur senetkarlar bilen birlikte dunyagha tonushturuwatqan senetkarlar. Ular uyghur kiyimliri bilen sehnige chiqip uyghur naxsha ‏- Muzikilirini wayigha yetküzüp orunlighanda sizmu ularning uyghur emeslikige ishenmeyla qélishingiz mumkin.

Töwende, londondiki bu uyghur ansambilini tonushturup ötey.

Ansambil qurghuchisi eziz eysa

2004 - Yili teshkillengen london uyghur ansambili engliyide qurulghan tunji uyghur naxsha ‏- Muzika etriti hésablinidu. Bu etret asasen uyghur xelq ahangliri , on ikki muqam qatarliq uyghur kilassik naxsha muzikilirini orundaydu.

Ansambilning asasliq ezaliri, yeni qurghuchisi eziz eysa ‏- Tarim derya wadisidiki shayarda tughulup chong bolghan bolup , u2001 - Yilidin bashlap londonda yashap kelmekte , shundaqla uning uyushturushi bilen qurulghan mezkur ansambilning barliq paaliyetlirini hemde teshwiqat we intérnét tor bétini bashqurush ishlirigha mesul bolup kelmekte.

Uning uyushturushi bilen london uyghur ansambili engliyidiki london we bashqa sheherlerde türlük ijtimaiy paaliyetlerde uyghur naxsha ‏- Muzikilirini sehnide körsitip alqishqa ériship kelmekte. Shundaqla engliyidiki uyghur jemiyitining ijtimaiy hayatini béyitishqa belgilik rol oynap noruz , héyt bayram künlirini janlandurup kelmekte.

Ansambil bulbuli- Rehime

Ansambil naxshichisi rehime mehmut‏- Uyghur élining güzel ili wadisida tughulup ösken kéyin engliyige kélip olturaqlashqan, rehime gerche uyghur senet saheside kespi terbiye almighan bolsimu , emma senetxumar ailisidiki tebiy keypiyat hemde dutarchi akisining tesiride we yene ili meshrepliridin ibaret tebiiy senet mektipining uning qelbige salghan senet uruqlirining bix étishi bilen u ili xelq naxshilirini mung bilen orunlap , chirayliq usulmu oyniyalaydighan senet talantigha ige bolup yétilgen iken.

Engliyide mezkur ansambilning qurulushi uning qelbini chongqur qatlamliridiki senet bixlirini körsetti .Hetta yéqinda london uyghur ansambilidiki sazendiler bilen uning orunlishida ili xelq naxshiliri albomi royapqa chiqti.

Köpke mahir sazende- Nizamidin

Mezkur ansambilning asasliq sazendisi nizamidin semetof qirghizistanliq uyghur bolup ,engliyige kélishtin ilgiri qirghizistandiki uyghur xelq sazendiliridin nurghun saz hem naxshilarni ögengen. U dutar , tembür, dap, gitar qatarliq köp xil sazlarni maharet bilen chélip engliyilik tamashibinlarni heyran qilidu.

Ghéjekke ishtiyaq baghlighan-Sitéfin jonés

Bulardin bashqa uyghur ansambilida özi uyghur bolmisimu , uyghur naxsha ‏- Muzikilirigha chongqur muhebbet baghlighan engliyilik muzikantlarmu bar , ularning biri sitifén jonés ependi , u kespi iskiripka chalghuchisi , u ilgiri xitay muzikilirini chélishni ögengen iken. Kéyin u uyghur chalghuliridin ghijekni chélishni hemde uyghur muzikilirini ögengen. Hazir u bu muzika etritidiki usta ghéjekchi.

Chimen doppiliq dutarchi-Raychél

Raychél xerrs xanimgha kelsek , bu engliyilik medeniyet tetqiqatchisi uyghur naxsha ‏-Muzikilirigha alahide qiziqqandin bashlap uyghur élige bir nechche qétim bérip , hetta uzun turup ziyaret qilish , tetqiq qilish we öginish arqiliq dutar bilen uyghur xelq ahangliri hetta muqamlarni chalalaydighan sewiyige yetken. U chimen doppini yarashturup kiyip dutarni qoligha alghanda, uyghur sazendiliridin héch qélishmaydu .

Uyghur naxsha muzikiliridin hemme teng behriman bolsun

Mana bu london uyghur ansambiligha dunyaning her jayliridin yighilip teshkillengen senetkarlar, ularning sehnide birlikte körsetken maharetliridin ularning uyushishigha seweb bolghan amilning uyghur naxsha ‏-Muzikilirining séhri küchi ikenlikini hés qilip yételeysiz, ular uyghur naxsha ‏- Muzikiliridin özliri hozurlinipla qalmay , bu güzel uyghur naxsha ‏- Muzikiliriridin engliyide hetta dunyada yenimu köp kishilerning behrini alghuzush üchün xizmet qilmaqta.

Mezkür ansambil yene london uyghur ansambili namida, éngiliz tilida mexsus uniwérisal bir tor bet tesis qilghan bolup ,uninggha uyghurlarning medeniyet ‏- Seniti, örüp ‏- Adet hemde tarixliri tonushturulghan nurghun matériyallar qoyulghan. Mezkür tor betning sehipiliridin hetta uyghur éli we bashqa jaylardiki uyghur senetkarlarning orunlishidiki her qandaq tiptiki naxsha ‏-Muzikilarni tépip hozur alghili bolidu . (Gülchéhre)

Pikirler (0)

Tallanghan xewerler

1966-Yili merhum eysa yüsüp alptékin istanbulda namayish teshkillep gérmaniyediki «azatliq» radiosining kommunizmgha qarshi teshwiqatigha maslashqan
Gherb dunyasidiki uyghurlar (4A)


Közetküchiler : uyghurlar asiyliq hangi aldida

Kocha charlawatqan uyghur saqchi. 2015-Yili 17-Awghust, aqsu.
Gumadiki mukapatlanghan saqchi abduréhim tömür: «14-Féwral weqeside xizmet körsettim»

Toluq bet