ﻧﻮﺭﯞﯦﮕﯩﻴﻪ ﻣﻪﺗﺒﯘﺋﺎﺗﯩﺪﺍ: ﺟﯘﯕﮕﻮ ﻫﯚﻛﯜﻣﯩﺘﻰ ﺭﺍﺑﯩﻴﻪ ﻗﺎﺩﯨﺮﻧﯩﯔ ﻧﻮﺑﯧﻞ ﺗﯩﻨﭽﻠﯩﻖ ﻣﯘﻛﺎﭘﺎﺗﯩﻐﺎ ﺋﯧﺮﯨﺸﯩﭗ ﻗﯧﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ ﺋﯘﻧﻰ ﻗﺎﺭﯨﻠﯩﻤﺎﻗﺘﺎ

• ﺋﯩﺨﺘﯩﻴﺎﺭﻯ ﻣﯘﺧﺒﯩﺮﯨﻤﯩﺰ ﺋﺎﺑﺪﯗﺳﻪﻣﻪﺗﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻳﻮﻟﺪﯨﺸﻰ ﺳﯩﺪﯨﻖ ﻫﺎﺟﻰ ﺭﻭﺯﻯ (ﺳﻮﻝ) ﻧﻮﺭﯞﯦﮕﯩﻴﯩﻠﯩﻚ ﺗﻪﺭﺟﯩﻤﺎﻥ ﺗﺎﻳﯩﺮ ﺋﻪﭘﻪﻧﺪﻯ (ﺋﻮﺗﺘﯘﺭﺍ) ﺑﯩﻠﻪﻥ ﺋﯚﺗﻜﻪﻥ ﻳﯩﻠﻠﯩﻖ ﺭﺍﻓﺘﻮ ﻣﯘﻛﺎﭘﺎﺗﯩﻨﻰ ﺗﺎﺭﻗﯩﺘﯩﺶ ﻣﯘﺭﺍﺳﯩﻤﯩﺪﺍ. RFA/ﺋﺎﺑﺪﯗﺳﻪﻣﻪﺕ

ﻧﻮﺭﯞﯦﮕﯩﻴﯩﺪﯨﻜﻰ ﭼﻮﯓ ﮔﯧﺰﯨﺘﻠﻪﺭﺩﯨﻦ ﺑﯩﺮﻯ ﺑﻮﻟﻐﺎﻥ "ﺑﯧﺮﮔﯩﻦ ﯞﺍﻗﯩﺖ" ﮔﯧﺰﯨﺘﯩﻨﯩﯔ 12-ﻳﺎﻧﯟﺍﺭ ﺳﺎﻧﯩﺪﺍ "ﻗﺎﺭﯨﻼﺵ ﻫﻪﺭﻛﯩﺘﻰ" ﺳﻪﺭﻟﻪﯞﻫﯩﻠﯩﻚ ﺑﯩﺮ ﻣﺎﻗﺎﻟﻪ ﺋﯧﻼﻥ ﻗﯩﻠﯩﻨﺪﻯ. ﻣﺎﻗﺎﻟﯩﺪﻩ ﺧﯩﺘﺎﻱ ﺩﺍﺋﯩﺮﻟﯩﺮﯨﻨﯩﯔ، ﭘﺎﻣﯩﺮ ﺗﺎﻏﻠﯩﻖ ﺭﺍﻳﻮﻧﯩﺪﺍ ﺗﯧﺮﺭﻭﺭﭼﯩﻼﺭﻧﯩﯔ ﻣﻪﺷﯩﻖ ﺑﺎﺯﯨﺴﯩﻨﻰ ﺑﯩﺘﭽﯩﺖ ﻗﯩﻠﻐﺎﻧﻠﯩﻐﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻟﯩﺮﻯ ﻫﻪﻣﺪﻩ ﺋﯘﻳﻐﯘﺭﻻﺭﻧﯩﯔ ﻣﻪﻧﯩﯟﻯ ﺋﺎﻧﯩﺴﻰ، ﺋﯘﻳﻐﯘﺭ ﻣﯩﻠﻠﻰ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻫﻪﻗﻘﯩﺪﻩ ﺗﺎﺭﻗﺎﺗﻘﺎﻥ ﺳﻪﻟﺒﻰ ﺋﯘﭼﯘﺭﻟﯩﺮﯨﻐﺎ ﻗﺎﺭﯨﺘﺎ ﺋﯚﺯﮔﯩﭽﻪ ﭘﯩﻜﯩﺮ ﯞﻩ ﻣﯘﻻﻫﯩﺰﯨﻠﻪﺭ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺧﯩﺘﺎﻱ ﻫﯚﻛﯜﻣﯩﺘﻰ ﺭﺍﺑﯩﻴﻪ ﺧﺎﻧﯩﻤﻨﯩﯔ ﻧﻮﺑﯧﻞ ﻣﯘﻛﺎﭘﺎﺗﯩﻐﺎ ﺋﯧﺮﯨﺸﯩﺸﯩﺪﯨﻦ ﺑﻪﻙ ﺋﻪﻧﺴﯩﺮﯨﮕﻪﻥ

ﻣﺎﻗﺎﻟﻪ "ﺟﯘﯕﮕﻮ ﻫﯚﻛﯜﻣﯩﺘﻰ ﺭﺍﺑﯩﻴﻪ ﻗﺎﺩﯨﺮﻧﯩﯔ ﻧﻮﺑﯧﻞ ﺗﯩﻨﭽﻠﯩﻖ ﻣﯘﻛﺎﭘﺎﺗﯩﻐﺎ ﺋﯧﺮﯨﺸﯩﭗ ﻗﯧﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ ﺋﯘﻧﻰ ﻗﺎﺭﯨﻠﯩﻤﺎﻗﺘﺎ" ﺩﯦﮕﻪﻥ ﻛﯩﭽﯩﻚ ﻣﺎﯞﺯﯗ ﺑﯩﻠﻪﻥ ﺑﺎﺷﻼﻧﻐﺎﻥ ﺑﻮﻟﯘﭖ، ﻣﺎﻗﺎﻟﻪ ﺋﺎﭘﺘﻮﺭﻯ ﺋﺎﻟﺪﻯ ﺑﯩﻠﻪﻥ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﻰ ﺋﯚﺯﻟﯩﺮﻯ ﺋﯜﭼﯜﻥ ﺯﻭﺭ ﺑﯩﺮ ﺗﻪﻫﺪﯨﺖ ﻫﯧﺴﺎﺑﻼﻳﺪﯨﻐﺎﻧﻠﯩﻐﯩﻨﻰ ﺑﯩﻠﺪﯛﺭﯛﭖ ﻣﯘﻧﯘﻻﺭﻧﻰ ﻳﺎﺯﻏﺎﻥ:

"ﺷﻪﻙ-ﺷﯜﺑﻬﯩﺴﯩﺰﻛﻰ، ﺧﻪﻗﻠﻪﺭﻧﯩﯔ ﺑﻮﻟﯘﭘﻤﯘ ﺋﺎﻣﯧﺮﯨﻜﻨﯩﯔ ﻛﯜﭼﻠﯜﻙ ﺩﯨﭙﻠﻮﻣﺎﺗﯩﻚ ﺑﯧﺴﯩﻤﻰ ﺋﺎﺳﺘﯩﺪﺍ، ﺩﯦﻤﻮﻛﺮﺍﺗﯩﻴﻪ ﯞﻩ ﻛﯩﺸﻠﯩﻚ ﻫﻮﻗﯘﻕ ﻛﯜﺭﻩﺷﭽﯩﺴﻰ، ﺭﺍﻓﺘﻮ ﻛﯩﺸﻠﯩﻚ ﻫﻮﻗﯘﻕ ﻣﯘﻛﺎﭘﺎﺗﻰ ﺳﺎﻫﯩﺒﻰ ﺑﻮﻟﻐﺎﻥ ﺭﺍﺑﯩﻴﻪ ﻗﺎﺩﯨﺮ ﺟﯘﯕﮕﻮ ﺗﯜﺭﻣﯩﺴﯩﺪﯨﻦ ﺋﺎﺯﺍﺕ ﺑﻮﻟﺪﻯ. ﺭﺍﺑﯩﻴﻪ ﻗﺎﺩﯨﺮ ﺋﺎﻣﯧﺮﯨﻜﯩﻐﺎ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﺋﺎﻣﯧﺮﯨﻜﺎ ﺋﯘﻧﯩﯖﻐﺎ ﺑﯩﺨﻪﺗﻪﺭ ﻳﺎﺷﺎﺵ ﻣﯘﻫﯩﺘﻰ ﻫﻪﻣﺪﻩ ﺋﻪﺭﻛﯩﻦ ﺳﯩﻴﺎﺳﻰ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﺶ ﺋﯩﻤﻜﺎﻧﯩﻴﯩﺘﻰ ﻳﺎﺭﯨﺘﯩﭗ ﺑﻪﺭﺩﻯ. ﻟﯧﻜﯩﻦ ﺑﯘ ﺋﻪﻫﯟﺍﻝ ﺟﯘﯕﮕﻮ ﻫﯚﻛﯜﻣﯩﺘﻰ ﺋﯜﭼﯜﻥ ﺋﯧﻐﯩﺮ ﺑﺎﺵ ﺋﺎﻏﺮﯨﻘﻰ ﺋﯧﻠﯩﭗ ﻛﻪﻟﺪﻯ. "

ﺋﺎﻧﺪﯨﻦ ﻛﯧﻴﯩﻦ، ﻣﺎﻗﺎﻟﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﺎﻟﺪﯨﻨﻘﻰ ﻳﯩﻠﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﻧﻮﺑﯧﻞ ﺗﯩﻨﭽﻠﯩﻖ ﻣﯘﻛﺎﭘﺎﺗﯩﻐﺎ ﺋﯧﺮﯨﺸﯩﭗ ﻗﯧﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ ﻫﻪﺗﺘﺎ ﺧﯩﺘﺎﻳﻐﺎ ﺯﯨﻴﺎﺭﻩﺕ ﺋﯜﭼﯜﻥ ﺑﺎﺭﻏﺎﻥ ﻧﻮﺭﯞﯦﮕﯩﻴﻪ ﭘﺎﺭﻻﻣﯧﻨﺘﻰ ﯞﻩﻛﯩﻠﻠﻪﺭ ﺋﯚﻣﯩﻜﯩﮕﻪ ﺑﯘ ﻫﻪﻗﺘﻪ ﺑﯧﺴﯩﻢ ﯞﻩ ﺗﻪﻫﺪﯨﺖ ﻗﯩﻠﻐﺎﻧﻠﯩﻘﻰ ﺗﯩﻠﻐﺎ ﺋﯧﻠﯩﻨﯩﭗ: "ﻧﻮﺭﯞﯦﮕﯩﻴﻪ ﭘﺎﺭﻻﻣﯧﻨﺘﻰ ﺗﺎﺷﻘﻰ ﺋﯩﺸﻼﺭ ﻛﻮﻣﯩﺘﯧﺘﻰ ﺋﯚﺗﻜﻪﻥ ﻳﯩﻠﻰ ﻛﯜﺯﺩﻩ ﺑﯧﻴﺠﯩﯖﺪﺍ ﺯﯨﻴﺎﺭﻩﺗﺘﻪ ﺑﻮﻟﯘﯞﺍﺗﻘﺎﻧﺪﺍ ﺟﯘﯕﮕﻮ ﺩﺍﺋﯩﺮﻟﯩﺮﻯ ﺑﯩﺰﻧﯩﯔ ﯞﻩﻛﯩﻠﻠﯩﺮﯨﻤﯩﺰﮔﻪ ﻗﺎﻳﺘﺎ-ﻗﺎﻳﺘﺎ ﯞﻩ ﺋﯧﻨﯩﻖ ﻗﯩﻠﯩﭗ ﺭﺍﺑﯩﻴﻪ ﻗﺎﺩﯨﺮﻏﺎ ﻧﻮﺑﯧﻞ ﺗﯩﻨﭽﻠﯩﻖ ﻣﯘﻛﺎﭘﺎﺗﯩﻨﯩﯔ ﺑﯧﺮﯨﻠﯩﺸﯩﻨﻰ ﺟﯘﯕﮕﻮ ﻫﯚﻛﯜﻣﯩﺘﯩﻨﯩﯔ ﺯﺍﺩﯨﻼ ﺧﺎﻟﯩﻤﺎﻳﺪﯨﻐﺎﻧﻠﯩﻐﯩﻨﻰ، ﺋﻪﮔﻪﺭ ﺷﯘﻧﺪﺍﻕ ﺑﻮﻟﯘﭖ ﻗﺎﻟﺴﺎ ﺋﯩﻜﻜﻰ ﺩﯙﻟﻪﺕ ﻣﯘﻧﺎﺳﯩﯟﺗﻰ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﺍﻳﺪﯨﻐﺎﻧﻠﯩﻐﯩﻨﻰ ﺋﯧﻴﺘﯩﭗ ﻧﻮﺭﯞﯦﮕﯩﻴﯩﻨﻰ ﺋﺎﮔﺎﻫﻼﻧﺪﯗﺭﻏﺎﻥ ﺋﯩﺪﻯ. ﺋﻪﺳﻠﻰ ﺋﯘ ﯞﺍﻗﯩﺖ ﻧﻮﺑﯧﻞ ﺗﯩﻨﭽﻠﯩﻖ ﻣﯘﻛﺎﭘﺎﺕ ﺳﺎﻫﯩﺒﯩﻨﻰ ﺋﯧﻼﻥ ﻗﯩﻠﯩﺸﻘﺎ ﺋﺎﺯ ﻗﺎﻟﻐﺎﻥ ﺑﯩﺮ ﭘﻪﻳﺖ ﺑﻮﻟﯘﭖ، ﺭﺍﺑﯩﻴﻪ ﻗﺎﺩﯨﺮ ﺑﻮﻟﺴﺎ ﺋﺎﺧﯩﺮﻗﻰ ﺋﻪﯓ ﻛﯜﭼﻠﯜﻙ ﻧﺎﻣﺰﺍﺗﻼﺭﻧﯩﯔ ﺑﯩﺮﻯ ﺋﯩﺪﻯ. ﺟﯘﯕﮕﻮ ﻫﯚﻛﯜﻣﯩﺘﯩﻨﯩﯔ ﺷﯘ ﭼﺎﻏﺪﯨﻜﻰ ﺑﯘ ﻫﻪﺭﻛﯩﺘﻰ ﺋﯘﻻﺭﻧﯩﯔ ﻳﯜﺯ ﺑﯧﺮﯨﺶ ﺋﺎﻟﺪﯨﺪﺍ ﺗﯘﺭﻏﺎﻥ ﺋﯚﺯﯨﮕﻪ ﭘﺎﻳﺪﯨﺴﯩﺰ ﺋﻪﻫﯟﺍﻟﻼﺭﻏﺎ ﻗﺎﺭﯨﺘﺎ ﻫﻪﺭ ﺯﺍﻣﺎﻥ "ﻫﯘﺷﻴﺎﺭ" ﺗﯘﺭﯨﺪﯨﻐﺎﻧﻠﯩﻐﻰ ﻫﻪﻣﺪﻩ "ﺋﺎﻟﺪﯨﻨﺌﺎﻻ ﺗﻪﺩﺑﯩﺮ ﻛﯚﺭﯛﺵ" ﻛﻪ ﻣﺎﻫﯩﺮﻟﯩﻘﯩﻨﻰ ﻛﯚﺭﺳﯩﺘﯩﭗ ﺑﻪﺭﺩﻯ. " ﺩﯦﻴﯩﻠﮕﻪﻥ.

ﻣﺎﻗﺎﻟﯩﺪﻩ ﻳﻪﻧﻪ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ 2008 –ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻫﻪﻗﻘﯩﺪﯨﻜﻰ ﺗﻪﺷﻪﺑﺒﯘﺳﯩﻨﯩﯔ ﺧﯩﺘﺎﻳﻐﺎ ﺑﻮﻟﻐﺎﻥ ﺗﻪﺳﯩﺮﻯ ﺋﺎﻻﻫﯩﺪﻩ ﺗﯩﻠﻐﺎ ﺋﯧﻠﯩﻨﯩﭗ: "ﺭﺍﺑﯩﻴﻪ ﻗﺎﺩﯨﺮ ﺋﯚﺗﻜﻪﻥ ﻳﯩﻠﻰ 11-ﺋﺎﻳﺪﺍ ﻧﻮﺭﯞﯦﮕﯩﻴﯩﮕﻪ ﻗﯩﻠﻐﺎﻥ ﺯﯨﻴﺎﺭﯨﺘﻰ ﺩﺍﯞﺍﻣﯩﺪﺍ 2008-ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﺗﻪﺷﻪﺑﺒﯘﺳﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﺪﺍ ﺟﯘﯕﮕﻮ ﻫﯚﻛﯜﻣﯩﺘﯩﻨﯩﯔ ﺑﯘ ﺋﻪﺭﻛﯩﻦ ﭘﯩﻜﯩﺮﻟﯩﻚ ﺋﺎﻳﺎﻟﺪﯨﻦ ﻗﺎﻧﭽﯩﻠﯩﻚ ﻗﻮﺭﻗﯩﺪﯨﻐﺎﻧﻠﯩﻐﻰ ﻳﻪﻧﻪ ﺑﯩﺮ ﻗﯧﺘﯩﻢ ﺋﺎﺷﻜﺎﺭﺍ ﺑﻮﻟﺪﻯ"، ﺩﻩﭖ ﻛﯚﺭﺳﯩﺘﯩﻠﮕﻪﻥ.

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻮﻳﯘﻧﻰ

ﻣﺎﻗﺎﻟﯩﺪﻩ ﭘﺎﻣﯩﺮ ﺗﺎﻏﻠﯩﺮﯨﺪﯨﻜﻰ ﺗﯧﺮﺭﻭﺭﭼﯩﻼﺭﻧﯩﯔ ﻣﻪﺷﯩﻖ ﺑﺎﺯﯨﺴﯩﻨﻰ ﺑﯩﺘﭽﯩﺖ ﻗﯩﻠﯩﺶ ﯞﻩﻗﻪﺳﻰ ﻫﻪﻗﻘﯩﺪﯨﻜﻰ ﺧﯩﺘﺎﻱ ﺩﺍﺋﯩﺮﻟﯩﺮﯨﻨﯩﯔ ﺋﻪﭖ ﺑﯧﺮﯨﯟﺍﺗﻘﺎﻥ ﺗﻪﺷﯟﯨﻘﺎﺗﻰ ﯞﻩ ﺋﯘﻳﻐﯘﺭ ﻣﯩﻠﻠﻰ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻫﻪﻗﻘﯩﺪﯨﻜﻰ ﺳﻪﻟﺒﻰ ﺗﻪﺷﯟﯨﻘﺎﺗﻠﯩﺮﯨﻨﯩﯔ ﺗﯘﭖ ﻣﻪﻗﺴﯩﺘﻰ ﻫﻪﻗﻘﯩﺪﻩ ﺋﺎﭘﺘﻮﺭ ﺋﻮﺯ ﻛﯚﺯ ﻗﺎﺭﯨﺸﯩﻨﻰ ﻣﯘﻧﺪﺍﻕ ﺑﺎﻳﺎﻥ ﻗﯩﻠﻐﺎﻥ: "ﺑﯘ ﻳﯩﻠﻠﯩﻖ ﻧﻮﺑﯧﻞ ﺗﯩﻨﭽﻠﯩﻖ ﻣﯘﻛﺎﭘﺎﺗﯩﻐﺎ ﻧﺎﻣﺰﺍﺕ ﻛﯚﺭﺳﯩﺘﯩﺶ ﺳﯘﺭﯗﮔﯩﻨﯩﯔ ﺗﻮﺷﯩﺸﯩﻐﺎ ﺋﺎﺯﻻ ﯞﺍﻗﯩﺖ ﻗﺎﻟﺪﻯ، ﺋﻪﻣﺪﯨﻠﯩﻜﺘﻪ ﺑﻮﻟﺴﺎ ﺟﯘﯕﮕﻮ ﻫﯚﻛﯜﻣﯩﺘﻰ ﺋﻮﭼﯘﻕ-ﺋﺎﺷﻜﺎﺭﻩ ﻫﺎﻟﺪﺍ ﻗﻮﻟﯩﺪﯨﻦ ﻛﻪﻟﮕﻪﻥ "ﺑﺎﺭﻟﯩﻖ ﯞﺍﺳﺘﯩﻠﻪﺭﻧﻰ" ﺋﯩﺸﻠﯩﺘﯩﭗ ﺭﺍﺑﯩﻴﻪ ﻗﺎﺩﯨﺮﻧﯩﯔ ﺑﯘ ﻳﯩﻠﻠﯩﻖ ﻧﻮﺑﯧﻞ ﺗﯩﻨﭽﻠﯩﻖ ﻣﯘﻛﺎﭘﺎﺗﯩﻐﺎ ﻳﻪﻧﻪ ﻧﺎﻣﺰﺍﺕ ﺑﻮﻟﯘﭖ ﻗﯧﻠﯩﺸﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ، ﻫﯩﭻ ﺑﻮﻟﻤﯩﻐﺎﻧﺪﺍ ﺋﺎﻣﯧﺮﯨﻜﺎ ﺳﺎﻳﺎﻫﻪﺗﭽﯩﻠﯩﺮﻯ ﺗﻪﺭﯨﭙﯩﺪﯨﻦ ﻧﺎﻣﺰﺍﺗﻠﯩﻘﻘﺎ ﻛﯚﺭﺳﯩﺘﯩﻠﯩﺸﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﻘﺎ ﺋﯘﺭﯗﻧﯩﯟﺍﺗﯩﺪﯗ.

ﻳﯧﻘﯩﻨﻘﻰ ﻛﯜﻧﻠﻪﺭﺩﯨﻦ ﺑﯘﻳﺎﻥ ﺟﯘﯕﮕﻮ ﺩﺍﺋﯩﺮﻟﯩﺮﻯ ﭘﺎﻣﯩﺮ ﺗﺎﻏﻠﯩﺮﯨﺪﺍ ﺷﻪﺭﻗﯩﻲ ﺗﯘﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﯨﻨﯩﯔ ﻣﻪﺷﯩﻖ ﺑﺎﺯﯨﺴﯩﻐﺎ ﻫﯘﺟﯘﻡ ﻗﯩﻠﯩﺶ ﯞﻩﻗﻪﺳﻰ ﺗﻮﻏﺮﯨﺴﯩﺪﯨﻜﻰ "ﺧﻪﯞﻩﺭﻟﻪﺭ" ﺋﺎﺭﻗﯩﻠﯩﻖ ﺗﯧﺮﺭﻭﺭﯨﺰﻡ ﺑﯩﻠﻪﻥ ﻫﯩﭻ ﺋﺎﻻﻗﯩﺴﻰ ﺑﻮﻟﻤﯩﻐﺎﻥ، ﺗﯩﻨﭽﻠﯩﻖ ﺑﯩﻠﻪﻥ ﻛﯜﺭﻩﺵ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺭﺍﺑﯩﻴﻪ ﻗﺎﺩﯨﺮﻧﯩﯔ ﻧﺎﻣﯩﻨﻰ ﯞﺍﺳﯩﺘﯩﻠﯩﻚ ﻫﺎﻟﺪﺍ ﺧﻪﻟﻘﺌﺎﺭﺍ ﺗﯧﺮﺭﻭﺭﯨﺰﻣﻐﺎ ﯞﻩ ﺑﯚﻟﮕﯜﻧﭽﯩﻠﯩﻚ ﻫﻪﺭﯨﻜﻪﺗﻠﯩﺮﯨﮕﻪ ﺑﺎﻏﻼﯞﺍﺗﯩﺪﯗ، ﻫﻪﻣﺪﻩ ﺑﯘﻧﻰ ﺩﻩﺳﺘﻪﻙ ﻗﯩﻠﯩﭗ ﺗﯘﺭﯗﭖ ﺭﺍﺑﯩﻴﻪ ﻗﺎﺩﯨﺮ ﻧﻮﺑﯧﻞ ﺗﯩﻨﭽﻠﯩﻖ ﻣﯘﻛﺎﭘﺎﺗﯩﻐﺎ ﻧﺎﻣﺰﺍﺗﻠﯩﻘﻘﺎ ﻻﻳﯩﻖ ﻛﯩﺸﻰ ﺋﻪﻣﻪﺱ ﺩﻩﯞﺍﺗﯩﺪﯗ. ﭼﯜﻧﻜﻰ ﺭﺍﺑﯩﻴﻪ ﻗﺎﺩﯨﺮ ﺩﻩﻝ ﺋﻪﺷﯘ "ﺧﻪﯞﻩﺭ" ﺩﻩ ﻛﯚﺭﺳﯩﺘﯩﻠﮕﻪﻥ ﺗﯧﺮﺭﻭﺭﭼﯩﻼﺭﻧﯩﯔ ﻣﻪﺷﯩﻖ ﺑﺎﺯﯨﺴﯩﻐﺎ ﻫﯘﺟﯘﻡ ﻗﯩﻠﯩﺶ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻥ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﯘﻡ ﺭﺍﻳﻮﻧﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ. ﺋﯘﻧﺪﯨﻦ ﺑﺎﺷﻘﺎ ﻳﻪﻧﻪ، ﺷﯘ ﻳﻪﺭﺩﯨﻜﻰ ﺑﯩﺮ ﺋﯘﻳﻐﯘﺭ ﻣﯘﺋﺎﯞﯨﻦ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺑﺎﻫﺴﻠﯩﻘﻰ "ﺭﺍﺑﯩﻴﻪ ﻗﺎﺩﯨﺮﻧﻰ ﺋﯘﻳﻐﯘﺭﻻﺭﻧﯩﯔ ﺋﺎﻧﯩﺴﻰ – ﺩﯦﻴﯩﺶ ﺧﺎﺗﺎ، ﺋﻪﻣﯩﻠﯩﻴﻪﺗﺘﻪ ﺋﯘ ﭘﻪﻗﻪﺗﻼ ﺭﺍﻳﻮﻧﯩﻤﯩﺰﻧﯩﯔ ﺗﯩﻨﭽﻠﯩﻘﻰ ﯞﻩ ﻣﯘﻗﯘﻣﻠﯩﻘﯩﻨﻰ ﺑﯘﺯﯗﺷﻘﺎ ﺋﯘﺭﯗﻧﯩﯟﺍﺗﯩﺪﯗ" ﺩﯦﮕﻪﻧﻠﻪﺭﻧﻰ ﺋﯩﻠﮕﯩﺮﻯ ﺳﯜﺭﺩﻯ.

ﺋﺎﭘﺘﻮﺭ ﻣﺎﻗﺎﻟﯩﺴﯩﻨﯩﯔ ﺋﺎﺧﯩﺮﺩﺍ ﺋﯚﺯ ﭘﯩﻜﺮﯨﻨﻰ ﻣﯘﻧﺪﺍﻕ ﺧﯘﻻﺳﯩﻠﯩﻐﺎﻥ: "ﻗﯩﺴﻘﯩﺴﻰ ﺟﯘﯕﮕﻮ ﻫﯚﻛﯜﻣﯩﺘﯩﻨﯩﯔ ﻫﺎﺯﯨﺮﻗﻰ ﺋﻪﯓ ﺯﻭﺭ ﺋﯜﻣﯩﺪﻯ، ﻳﯧﻘﯩﻨﺪﺍ ﻳﯘﺯ ﺑﻪﺭﮔﻪﻥ ﭘﺎﻣﯩﺮﺩﯨﻜﻰ ﺗﯧﺮﺭﻭﺭﭼﯩﻼﺭﻧﯩﯔ ﻣﻪﺷﯩﻖ ﺑﺎﺯﯨﺴﯩﻨﻰ ﺑﯩﺘﭽﯩﺖ ﻗﯩﻠﯩﺶ ﯞﻩﻗﻪﺳﻰ ﯞﻩ ﺭﺍﺑﯩﻴﻪ ﻗﺎﺩﯨﺮ ﻫﻪﻗﻘﯩﺪﻩ ﺗﺎﺭﻗﺎﺗﻘﺎﻥ ﺋﯘﭼﯘﺭﻟﯩﺮﻯ ﺋﺎﺭﻗﯩﻠﯩﻖ، ﺧﻪﻟﻘﺌﺎﺭﺍﺩﺍ ﺑﻮﻟﯘﭘﻤﯘ ﺋﺎﻣﯧﺮﯨﻜﯩﺪﺍ ﺭﺍﺑﯩﻴﻪ ﻗﺎﺩﯨﺮﻧﯩﯔ ﺋﻮﺑﺮﺍﺯﯨﻨﻰ ﺧﯘﻧﯜﻛﻠﻪﺷﺘﯜﺭﯛﺵ ﯞﻩ ﺋﯘﻧﯩﯔ ﻫﻪﻗﻘﯩﺪﻩ ﺳﻪﻟﺒﻰ ﺗﻪﺳﯩﺮ ﭘﻪﻳﺪﺍ ﻗﯩﻠﯩﺶ، ﺑﯘ ﺋﺎﺭﻗﯩﻠﯩﻖ ﺋﯘﻧﯩﯔ ﻧﻮﺑﯧﻞ ﺗﯩﻨﭽﻠﯩﻖ ﻣﯘﻛﺎﭘﺎﺗﯩﻐﺎ ﻧﺎﻣﺰﺍﺕ ﺑﻮﻟﯘﭖ ﻗﯩﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﺘﯩﻦ ﺋﯩﺒﺎﺭﻩﺕ". (ﺋﺎﺑﺪﯗﺳﻪﻣﻪﺕ)