ﻧﻮﺭﯞﯦﮕﯩﻴﯩﺪﻩ ﺗﯩﺒﻪﺕ ﯞﻩ ﺋﯘﻳﻐﯘﺭﻻﺭ ﻧﺎﻣﺎﻳﯩﺶ ﺋﯚﺗﻜﯜﺯﺩﻯ
2008-03-12
2008 - ﻳﯩﻠﻰ 3 - ﺋﺎﻳﻨﯩﯔ10 - ﻛﯜﻧﻰ ﻧﻮﺭﯞﯦﮕﯩﻴﯩﻨﯩﯔ ﭘﺎﻳﺘﻪﺧﺘﻰ ﺋﻮﺳﻠﻮ ﺷﻪﻫﯩﺮﯨﺪﯨﻜﻰ ﺧﯩﺘﺎﻱ ﺑﺎﺵ ﺋﻪﻟﭽﯩﺨﺎﻧﯩﺴﯩﻨﯩﯔ ﺋﺎﻟﺪﯨﺪﺍ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻰ ﺋﯚﺗﻜﯜﺯﯛﻟﺪﻯ. ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺸﻨﻰ ﻧﻮﺭﯞﯦﮕﯩﻴﻪ ﺗﯩﺒﻪﺕ ﻛﻮﻣﯩﺘﯧﺘﻰ ﺋﻮﻳﯘﺷﺘﯘﺭﻏﺎﻥ ﺑﻮﻟﯘﭖ ﻧﻮﺭﯞﯦﮕﯩﻴﻪ ﺋﯘﻳﻐﯘﺭ ﻛﻮﻣﯩﺘﯧﺘﻰ، ﻛﯩﺸﯩﻠﯩﻚ ﻫﻮﻗﯘﻕ ﺋﻮﺭﮔﺎﻧﻠﯩﺮﻯ ﯞﻩ ﺑﯩﺮ ﻗﯩﺴﯩﻢ ﻧﻮﺭﯞﯦﮕﻼﺭ ﺗﻪﻛﻠﯩﭙﻜﻪ ﺑﯩﻨﺎﺋﻪﻥ ﻧﺎﻣﺎﻳﯩﺸﻘﺎ ﺋﯩﺸﺘﯩﺮﺍﻙ ﻗﯩﻠﺪﻯ.
ﺑﯘﻧﺪﯨﻦ 49 ﻳﯩﻞ ﺋﯩﻠﮕﯩﺮﯨﻜﻰ ﻣﯘﺷﯘ ﻛﯜﻧﻠﻪﺭﺩﻩ ﺗﯩﺒﻪﺕ ﺧﻪﻟﻘﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﺎﺟﺎﯞﯗﺯﭼﯩﻠﯩﻘﯩﻐﺎ ﻗﺎﺭﺷﻰ ﻛﻪﯓ ﻛﯚﻟﻪﻣﻠﯩﻚ ﻗﻮﺯﻏﯩﻼﯓ ﺋﯧﻠﯩﭗ ﺑﺎﺭﻏﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻗﻮﺯﻏﯩﻼﯓ ﻗﺎﻧﻠﯩﻖ ﺑﺎﺳﺘﯘﺭﯗﻟﻐﺎﻥ ﯞﻩ ﻧﻪﺗﯩﺠﯩﺪﻩ ﺗﯩﺒﻪﺗﻠﻪﺭﻧﯩﯔ ﺩﯨﻨﯩﻲ ﺩﺍﻫﯩﻴﺴﻰ ﺩﺍﻻﻱ ﻻﻣﺎ ﻫﯩﻨﺪﯨﺴﺘﺎﻧﻐﺎ ﻛﯧﺘﯩﭗ ﻣﯘﻫﺎﺟﯩﺮﻩﺗﺘﻪ ﻳﺎﺷﺎﺷﻘﺎ ﻣﻪﺟﺒﯘﺭ ﺑﻮﻟﻐﺎﻥ ﺋﯩﺪﻯ. ﻣﯘﺷﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ ﻳﺎﺷﺎﯞﺍﺗﻘﺎﻥ ﺗﯩﺒﻪﺗﻠﯩﻜﻠﻪﺭ ﻫﻪﺭ ﻳﯩﻠﻰ ﻣﯘﺷﯘ ﻛﯜﻧﺪﻩ ﺧﯩﺘﺎﻱ ﺋﻪﻟﭽﯩﺨﺎﻧﯩﻠﯩﺮﯨﻨﯩﯔ ﺋﺎﻟﺪﯨﺪﺍ ﻧﺎﻣﺎﻳﯩﺶ ﺋﯚﺗﻜﯜﺯﯛﺵ ﻗﺎﺗﺎﺭﻟﯩﻖ ﻫﻪﺭ ﺧﯩﻞ ﭘﺎﺋﺎﻟﯩﻴﻪﺗﻠﻪﺭﻧﻰ ﺋﯘﻳﯘﺷﺘﯘﺭﯗﭖ ﺑﯘ ﻛﯜﻧﻨﻰ ﺧﺎﺗﯩﺮﯨﻠﻪﻳﺪﯗ.
ﻧﻮﺭﯞﯦﮕﯩﻴﻪ ﺗﯩﺒﻪﺕ ﻛﻮﻣﯩﺘﯧﺘﯩﻨﯩﯔ ﺑﺎﺷﻠﯩﻘﻰ ﭼﻮﻧﺪﺍﻙ ﺧﺎﻧﯩﻢ ﻣﯘﺧﺒﯩﺮﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ ﻣﯘﻧﺪﺍﻕ ﺩﯦﺪﻯ:ﺑﯘ ﻛﯜﻥ ﺗﯩﺒﻪﺕ ﺧﻪﻟﻘﯩﻨﯩﯔ ﺧﯩﺘﺎﻱ ﺗﺎﺟﺎﯞﯗﺯﭼﯩﻠﯩﺮﯨﻨﻰ ﺗﯩﺒﻪﺗﺘﯩﻦ ﻗﻮﻏﻼﭖ ﭼﯩﻘﯩﺮﯨﺶ ﺋﯜﭼﯜﻥ ﻗﻮﺯﻏﯩﻼﯓ ﻛﯚﺗﻪﺭﮔﻪﻥ ﻛﯜﻥ ﺑﻮﻟﯘﭖ ﺩﯗﻧﻴﺎﻧﯩﯔ ﻫﻪﻣﻤﻪ ﺟﺎﻳﻠﯩﺮﯨﺪﯨﻜﻰ ﺗﯩﺒﻪﺗﻠﻪﺭ ﺑﯘ ﻛﯜﻧﻨﻰ ﺧﺎﺗﯩﺮﯨﻠﻪﺵ ﺋﯜﭼﯜﻥ ﻧﺎﻣﺎﻳﯩﺶ ﻗﯩﻠﯩﺪﯗ.
ﻧﺎﻣﺎﻳﯩﺸﻘﺎ ﻗﺎﺗﻨﺎﺷﻘﺎﻥ ﺑﯩﺮ ﻧﻮﺭﯞﯦﮓ ﻳﺎﺵ ﻣﯘﺧﺒﯩﺮﻧﯩﯔ ﺑﯜﮔﯜﻥ ﻧﯧﻤﻪ ﺋﯜﭼﯜﻥ ﺑﯘ ﻧﺎﻣﺎﻳﯩﺸﻘﺎ ﻗﺎﺗﻨﺎﺷﺘﯩﯖﯩﺰ ﺩﯦﮕﻪﻥ ﺳﻮﺋﺎﻟﯩﻐﺎ ﻣﯘﻧﺪﺍﻕ ﺟﺎﯞﺍﺏ ﺑﻪﺭﺩﻯ: "ﻣﻪﻥ ﺗﯩﺒﻪﺕ ﺧﻪﻟﻘﯩﻨﯩﯔ ﺧﯩﺘﺎﻳﻼﺭﻧﯩﯔ ﺗﺎﺟﺎﯞﯗﺯﭼﯩﻠﯩﻘﯩﻐﺎ ﻗﺎﺭﺷﻰ ﻫﻪﺭﯨﻜﯩﺘﯩﻨﻰ ﻗﻮﻟﻼﺵ ﺋﯜﭼﯜﻥ ﺑﯘ ﻧﺎﻣﺎﻳﯩﺸﻘﺎ ﻗﺎﺗﻨﺎﺷﺘﯩﻢ. ﺗﯩﺒﻪﺗﻠﻪﺭ ﺋﯚﺯ ﻫﻪﻕ - ﻫﻮﻗﯘﻗﻠﯩﺮﯨﻐﺎ ﺋﯧﺮﯨﺸﯩﺸﻜﻪ ﻫﻮﻗﯘﻗﻠﯘﻕ."
ﭼﯜﺷﺘﯩﻦ ﻛﯧﻴﯩﻦ ﺳﺎﺋﻪﺕ 5 ﺗﻪ ﺑﺎﺷﻼﻧﻐﺎﻥ ﺗﯩﻨﭽﻠﯩﻖ ﻧﺎﻣﺎﻳﯩﺸﻰ ﺩﯙﻟﻪﺕ ﻣﺎﺭﺷﻰ ﺋﻮﻗﯘﺵ،ﻧﯘﺗﯘﻕ ﺳﯚﺯﻟﻪﺵ، ﺟﺎﺭﺍﯕﻠﯩﻖ ﺷﯘﺋﺎﺭﻻﺭﻧﻰ ﺗﻮﯞﻻﺵ ﻗﺎﺗﺎﺭﻟﯩﻖ ﺗﯜﺭﻟﯜﻙ ﺷﻪﻛﯩﻠﺪﻩ ﺋﯧﻠﯩﭗ ﺑﯧﺮﯨﻠﯩﭗ ﺳﺎﺋﻪﺕ 6 ﺩﻩ ﻏﻪﻟﯩﺒﯩﻠﯩﻚ ﺋﺎﺧﯩﺮﻻﺷﺘﻰ. (ﺋﺎﻳﮕﯜﻝ ﻳﯜﺳﯜﭖ)
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
- ﺗﯩﺒﻪﺗﻠﯩﻜﻠﻪﺭ ﻧﻴﯘﻳﻮﺭﻛﺘﺎ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﻗﺎﺭﺷﻰ ﻧﺎﺭﺍﺯﯨﻠﯩﻖ ﭘﺎﺋﺎﻟﯩﻴﻪﺗﻠﯩﺮﻯ ﺋﯧﻠﯩﭗ ﺑﺎﺭﺩﻯ
- ﻧﻮﺭﯞﯦﮕﯩﻴﯩﺪﻩ ﺗﯩﺒﻪﺕ ﯞﻩ ﺋﯘﻳﻐﯘﺭ ﻣﻪﺳﯩﻠﯩﺴﻰ ﺑﯘﻳﯩﭽﻪ ﻳﯩﻐﯩﻦ ﺋﯧﭽﯩﻠﺪﻯ
- ﻧﻮﺭﯞﯦﮕﯩﻴﯩﺪﻩ ﺧﻪﻟﻘﺌﺎﺭﺍ ﺋﯩﺠﺎﺩﯨﻴﻪﺕ ﺋﻪﺭﻛﯩﻨﻠﯩﻚ ﻣﯘﻛﺎﭘﺎﺗﻰ ﺗﺎﺭﻗﯩﺘﯩﻠﺪﻯ
- ﺑﺎﺭﺍﺕ ﻫﺎﺟﯩﻨﯩﯔ ﻫﺎﻳﺎﺕ ﻛﻪﭼﯜﺭﻣﯩﺸﻠﯩﺮﻯ ﻫﻪﻗﻘﯩﺪﻩ ﻫﯚﺟﺠﻪﺗﻠﯩﻚ ﻓﯩﻠﯩﻢ ﺋﯩﺸﻠﻪﻧﺪﻯ
- ﺟﻮﺭﺝ ﺑﯘﺵ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﺑﺎﺭﻏﺎﻧﺪﺍ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯩﺪﯗ
- ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺋﻪﺯﺍﻟﯩﺮﻯ ﺧﯩﺘﺎﻳﻨﻰ ﺋﻮﻟﯩﻤﭙﯩﻚ ﯞﻩﺩﯨﺴﯩﺪﻩ ﺗﯘﺭﯗﺷﻘﺎ ﭼﺎﻗﯩﺮﺩﻯ
- ﻓﯩﻨﻼﻧﺪﯨﻴﻪ "ﭘﺎﻳﺘﻪﺧﺖ ﻣﯘﻧﺒﯩﺮﻯ" ﮔﯧﺰﯨﺘﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﭼﺎﻗﯩﺮﯨﻘﻰ ﺋﯧﻼﻥ ﻗﯩﻠﺪﻯ
- ﺋﻮﻟﯩﻤﭙﯩﻜﻨﻰ ﻛﯩﻢ ﺳﯩﻴﺎﺳﯩﻴﻼﺷﺘﯘﺭﯗﯞﺍﺗﯩﺪﯗ؟
- "ﻣﻪﺳﯩﻠﯩﻨﯩﯔ ﺗﯜﮔﯜﻧﻰ ﺩﺍﺭﻓﯘﺭ ﺋﻪﻣﻪﺱ ﺑﻪﻟﻜﻰ ﺑﯧﻴﺠﯩﯖﺪﯗﺭ"
- ﺧﯩﺘﺎﻱ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﭽﯩﻼﺭﻏﺎ ﺑﺎﻏﻠﯩﺪﻯ
- ﺋﻮﻟﯩﻤﭙﯩﻚ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻣﺎﻛﺎﻧﻠﯩﺮﯨﺪﯨﻦ ﻛﯚﭼﯜﺭﯛﯞﯦﺘﯩﻠﮕﻪﻥ ﺋﺎﺩﻩﻡ ﺳﺎﻧﻰ ﺳﺎﺧﺘﺎ ﺋﯧﻼﻥ ﻗﯩﻠﯩﻨﻤﺎﻗﺘﺎ
- ﭘﺎﻛﯩﺴﺘﺎﻥ ﺳﺎﻳﻠﯩﻤﯩﺪﺍ ﻛﯚﭖ ﻛﯩﺸﻰ ﺋﺎﯞﺍﺯ ﺑﯧﺮﯨﺸﻜﻪ ﻗﺎﺗﻨﯩﺸﺎﻟﻤﯩﺪﻯ
- ﺳﭙﯧﻠﺒﯧﺮﮔﻨﯩﯔ ﺋﯩﺴﺘﯩﭙﺎﺳﻰ ﺧﯩﺘﺎﻳﻼﺭﻧﻰ ﺗﻪﯕﻘﯩﺴﻠﯩﻘﺘﺎ ﻗﻮﻳﺪﻯ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ
ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ ﯞﻩ ﺋﻮﻗﯘﺭﻣﻪﻧﻠﻪﺭ، ﺋﯩﺴﺘﺎﻧﺴﯩﻤﯩﺰ ﺋﯘﻳﻐﯘﺭ ﺑﯚﻟﯜﻣﻰ24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ ﺗﻪﺳﯩﺲ ﻗﯩﻠﺪﻯ.
