ﺋﻪﻣﻤﺎ ﺑﺎﺭﺍﻙ ﺋﻮﺑﺎﻣﺎﻧﯩﯔ ﺳﺎﻻﻣﻪﺗﻠﯩﻚ ﺳﯘﻏﯘﺭﺗﺎ ﺋﯩﺴﻼﻫﺎﺗﻰ ﻫﺎﺯﯨﺮ ﺋﺎﻣﯧﺮﯨﻜﯩﺪﺍ ﻗﯩﺰﻏﯩﻦ ﺑﻪﺱ - ﻣﯘﻧﺎﺯﯨﺮﻩ ﻳﺎﺭﺍﺗﻤﺎﻗﺘﺎ. ﺑﯘ ﻫﻪﻗﺘﻪ ﻧﯘﺭﻏﯘﻥ ﺗﺎﻻﺵ - ﺗﺎﺭﺗﯩﺸﻼﺭﻣﯘ ﻣﻪﻳﺪﺍﻧﻐﺎ ﻛﻪﻟﻤﻪﻛﺘﻪ. 13- ﺳﯧﻨﺘﻪﺑﯩﺮ ﻳﻪﻛﺸﻪﻧﺒﻪ ﻛﯜﻧﻰ ﻧﻪﭼﭽﻪ ﻣﯩﯖﻠﯩﻐﺎﻥ ﺋﺎﺩﻩﻡ ﭘﺎﻳﺘﻪﺧﺖ ﯞﺍﺷﯩﻨﮕﺘﻮﻧﺪﺍ ﻧﺎﻣﺎﻳﯩﺶ ﺋﯚﺗﻜﯜﺯﯛﭖ ﺑﯘﻧﯩﯖﻐﺎ ﺷﯩﺪﺩﻩﺕ ﺑﯩﻠﻪﻥ ﻗﺎﺭﺷﻰ ﭼﯩﻘﺘﻰ.

ﻧﺎﻣﺎﻳﯩﺸﭽﯩﻼﺭﻧﯩﯔ ﻗﻮﻟﻠﯩﺮﯨﺪﺍ ﻛﯚﺗﯜﺭﯛﯞﺍﻟﻐﺎﻥ ﺷﯘﺋﺎﺭ ﺗﺎﺧﺘﯩﻠﯩﺮﯨﻤﯘ ﻛﯩﺸﯩﻨﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﯩﺪﯨﻐﺎﻥ ﺑﻮﻟﯘﭖ، ﺋﯘﻧﯩﯖﺪﺍ "ﺗﯧﺨﯩﻤﯘ ﻛﯚﭖ ﺋﻪﺭﻛﯩﻨﻠﯩﻚ! ﺗﯧﺨﯩﻤﯘ ﺋﺎﺯ ﺩﯙﻟﻪﺕ ﻛﻮﻧﺘﯩﺮﻭﻟﻠﯘﻗﻰ ﺗﻪﻟﻪﭖ ﻗﯩﻠﯩﻤﯩﺰ! ﻣﻪﻥ ﭘﯘﻝ ﺑﺎﺳﯩﺪﯨﻐﺎﻥ ﻣﺎﺷﯩﻨﺎ ﺋﻪﻣﻪﺱ! ﺑﺎﺝ ﺗﯚﯞﻩﻧﻠﯩﺘﯩﻠﺴﯘﻥ! ﺋﻮﺑﺎﻣﺎﻧﯩﯔ ﺑﯘ ﺋﯩﺴﻼﻫﺎﺗﻰ ﻣﺎﺭﻛﯩﺴﯩﺴﺖ ﯞﻩ ﺳﻮﺗﺴﻴﺎﻟﯩﺴﺘﭽﻪ ﺑﯩﺮ ﻫﻪﺭﯨﻜﻪﺕ!" ﺩﯦﮕﻪﻧﺪﻩﻙ ﺷﯘﺋﺎﺭﻻﺭ ﻳﯧﺰﯨﻠﻐﺎﻥ ﺋﯩﺪﻯ.

ﺋﯘﻧﺪﺍﻗﺘﺎ ﺋﻮﺑﺎﻣﺎﻧﯩﯔ ﺳﺎﻻﻣﻪﺗﻠﯩﻚ ﺳﯘﻏﯘﺭﺗﯩﺴﻰ ﺋﯩﺴﻼﻫﺎﺗﻰ ﺯﺍﺩﻯ ﻗﺎﻧﺪﺍﻕ ﺑﯩﺮ ﺋﯩﺴﻼﻫﺎﺕ؟ ﺋﻮﺑﺎﻣﺎ ﻧﯧﻤﻪ ﺋﯜﭼﯜﻥ ﺑﯘﻧﺪﺍﻕ ﺋﯩﺴﻼﻫﺎﺕ ﺋﯧﻠﯩﭗ ﺑﺎﺭﻣﺎﻗﭽﻰ، ﺑﯘﻧﻰ ﻛﯩﻤﻠﻪﺭ ﻗﻮﻟﻠﯩﻤﺎﻳﺪﯗ؟ ﺑﯘ ﺳﯘﺋﺎﻟﻼﺭﻏﺎ ﺟﺎﯞﺍﺏ ﺗﯧﭙﯩﺸﺘﯩﻦ ﺋﺎﯞﯞﺍﻝ ﺑﯩﺰ ﺋﺎﻣﯧﺮﯨﻜﯩﻨﯩﯔ ﻫﺎﺯﯨﺮﻗﻰ ﻣﻪﯞﺟﯘﺕ ﺳﺎﻻﻣﻪﺗﻠﯩﻚ ﺳﯘﻏﯘﺭﺗﺎ ﺳﯧﺴﺘﯩﻤﯩﺴﻰ ﺑﯩﻠﻪﻥ ﻗﯩﺴﻘﯩﭽﻪ ﺑﯩﺮ ﺗﻮﻧﯘﺷﯘﭖ ﺋﯚﺗﻪﻳﻠﻰ.

ﺋﺎﻣﯧﺮﯨﻜﺎ ﻗﻮﺷﻤﺎ ﺷﯩﺘﺎﺗﻠﯩﺮﯨﺪﺍ ﺩﻭﺧﺘﯘﺭﺧﺎﻧﯩﺪﺍ ﺩﺍﯞﺍﻟﯩﻨﯩﺶ ﻫﻪﻣﻤﻪ ﻛﯩﺸﯩﻨﯩﯔ ﺋﯚﺯﯨﻨﯩﯔ ﻣﻪﺳﺌﯘﻟﯩﻴﯩﺘﻰ ﺩﺍﺋﯩﺮﯨﺴﯩﺪﯨﻜﻰ ﺑﯩﺮ ﺋﯩﺶ. ﺑﺎﺷﻘﺎ ﺳﺎﻧﺎﺋﻪﺗﻠﻪﺷﻜﻪﻥ ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﺋﻪﻛﺴﯩﭽﻪ، ﺋﺎﻣﯧﺮﯨﻜﺎ ﭘﯘﻗﺮﺍﻟﯩﺮﯨﻨﻰ ﻫﻪﻗﺴﯩﺰ ﺳﺎﻻﻣﻪﺗﻠﯩﻚ ﺳﯘﻏﯘﺭﺗﯩﺴﻰ ﺑﯩﻠﻪﻥ ﺗﻪﻣﯩﻨﻠﯩﻤﻪﻳﺪﯗ. ﺋﺎﻣﯧﺮﯨﻜﯩﺪﺍ ﻧﯘﺭﻏﯘﻥ ﻛﯩﺸﯩﻠﻪﺭ ﺳﺎﻻﻣﻪﺗﻠﯩﻚ ﺳﯘﻏﯘﺭﺗﯩﺴﯩﻐﺎ، ﺋﯩﺸﻠﯩﮕﻪﻥ ﺋﯩﺪﺍﺭﯨﺴﯩﻨﯩﯔ ﺗﻪﻣﯩﻨﻠﯩﺸﻰ ﻳﺎﻛﻰ ﺋﯚﺯﻯ ﺷﻪﺧﺴﻰ ﭘﯘﻝ ﺗﯚﻟﻪﭖ ﺋﻪﺯﺍ ﺑﻮﻟﯘﺵ ﺋﺎﺭﻗﯩﻠﯩﻖ ﺋﯧﺮﯨﺸﯩﺪﯗ. ﺋﻮﺧﺸﯩﻤﯩﻐﺎﻥ ﺳﯘﻏﯘﺭﺗﺎ ﺷﯩﺮﻛﻪﺗﻠﯩﺮﯨﻨﯩﯔ ﺗﻪﻣﯩﻨﻠﯩﮕﻪﻥ ﺧﯩﺰﻣﻪﺗﻠﯩﺮﯨﮕﻪ ﻗﺎﺭﯨﺘﺎ ﺋﻮﺧﺸﯩﻤﯩﻐﺎﻥ ﻣﯩﻘﺪﺍﺭﺩﺍ ﭘﯘﻝ ﺗﯚﻟﻪﻳﺪﯗ.

ﮔﻪﺭﭼﻪ ﺋﺎﻣﯧﺮﯨﻜﯩﺪﺍ ﺩﯙﻟﻪﺕ ﻫﻪﻗﺴﯩﺰ ﺳﯘﻏﯘﺭﺗﯩﺴﻰ ﺑﻮﻟﻤﯩﺴﯩﻤﯘ، ﺋﻪﻣﻤﺎ ﺋﺎﻣﯧﺮﯨﻜﯩﻨﯩﯔ ﺑﯘ ﺟﻪﻫﻪﺗﺘﻪ ﺑﻪﺯﻯ ﺋﻮﺧﺸﯩﻤﯩﻐﺎﻥ ﭘﺎﺭﺍﯞﺍﻧﻠﯩﻖ ﺧﯩﺰﻣﻪﺗﻠﯩﺮﯨﻤﯘ ﺑﺎﺭ. ﻣﻪﺳﯩﻠﻪﻥ ﺋﺎﻣﯧﺮﯨﻜﯩﺪﺍ 65 ﻳﺎﺷﻨﯩﯔ ﺋﯜﺳﺘﯩﺪﯨﻜﯩﻠﻪﺭ ﺩﯙﻟﻪﺕ ﺗﻪﺭﯨﭙﯩﺪﯨﻦ ﻫﻪﻗﯩﺴﺰ ﺩﺍﯞﺍﻟﯩﻨﯩﺶ ﭘﯘﺭﺳﯩﺘﯩﮕﻪ ﺋﯧﺮﯨﺸﻪﻟﻪﻳﺪﯗ.
ﻛﯩﺮﯨﻤﻰ ﺗﯚﯞﻩﻥ ﺋﺎﺋﯩﻠﯩﻠﻪﺭ، ﺑﺎﻟﯩﻼﺭ، ﻫﺎﻣﯩﻠﺪﺍﺭ ﺋﺎﻳﺎﻟﻼﺭ ﯞﻩ ﻣﯧﻴﯩﭙﻠﻪﺭﻣﯘ ﻫﻪﻗﺴﯩﺰ ﺩﺍﯞﺍﻟﯩﻨﯩﺶ ﺧﯩﺰﻣﯩﺘﯩﮕﻪ ﺋﯧﺮﯨﺸﻪﻟﻪﻳﺪﯗ.

ﺑﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ، ﻛﯧﺴﻪﻝ ﺑﺎﻟﯩﻼﺭ ﯞﻩ ﺋﯘﺭﯗﺵ ﻗﻪﻫﺮﯨﻤﺎﻧﻠﯩﺮﻯ ﺋﯜﭼﯜﻧﻤﯘ ﺑﯘﻧﺪﺍﻕ ﺑﯩﺮ ﻣﯘﻻﺯﯨﻤﻪﺕ ﻣﻪﯞﺟﯘﺕ. ﺋﯘﻧﺪﺍﻗﺘﺎ، ﺋﻮﺑﺎﻣﺎ ﻧﯧﻤﯩﺸﻘﺎ ﺳﺎﻻﻣﻪﺗﻠﯩﻚ ﺳﯘﻏﯘﺭﺗﯩﺴﻰ ﺋﯩﺴﻼﻫﺎﺗﻰ ﺋﯧﻠﯩﭗ ﺑﺎﺭﻣﺎﻗﭽﻰ؟ ﺷﯘﻧﺪﺍﻗﻼ ﺋﻮﺑﺎﻣﺎ ﻗﺎﻧﺪﺍﻕ ﺑﯩﺮ ﺳﯘﻏﯘﺭﺗﺎ ﺳﯧﺴﺘﯩﻤﯩﺴﻰ ﺑﻪﺭﭘﺎ ﻗﯩﻠﻤﺎﻗﭽﻰ؟

ﺑﯩﺰ ﺑﯘ ﻫﻪﻗﺘﻪ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﻛﻮﻟﻮﻣﺒﯩﻴﻪ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﺗﯩﺒﺒﻲ ﭘﻪﻧﻠﻪﺭ ﺩﻭﻛﺘﻮﺭﻯ ﻣﻪﻣﺘﯩﻤﯩﻦ ﺋﻪﭘﻪﻧﺪﯨﻨﻰ ﺯﯨﻴﺎﺭﻩﺕ ﻗﯩﻠﺪﯗﻕ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.