ﺧﯩﺘﺎﻱ ﺋﻮﻟﯩﻤﭙﯩﻚ ﺗﺎﯞﺍﺭﻟﯩﺮﯨﻨﻰ ﺋﯩﺸﻠﻪﭖ ﭼﯩﻘﯩﺮﯨﺪﯨﻐﺎﻥ ﻛﺎﺭﺧﺎﻧﯩﻼﺭﺩﺍ ﺋﻪﻣﮕﻪﻙ ﻫﻮﻗﯘﻗﯩﻨﻰ ﺩﻩﭘﺴﻪﻧﺪﻩ ﻗﯩﻠﯩﺶ ﺑﯩﻠﻪﻥ ﺋﻪﻳﯩﺒﻠﻪﻧﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﻪﻟﻘﺌﺎﺭﺍ ﺋﯩﺸﭽﯩﻼﺭ ﺋﯘﻳﯘﺷﻤﯩﻠﯩﺮﻯ ﺑﯩﺮﻟﻪﺷﻤﯩﺴﻰ ﺋﺎﻟﺪﯨﻨﻘﻰ ﻛﯜﻧﻰ ﺩﻭﻛﻼﺕ ﺋﯧﻼﻥ ﻗﯩﻠﯩﭗ، 2008 - ﻳﯩﻠﻰ ﺋﯚﺗﻜﯜﺯﯛﻟﯩﺪﯨﻐﺎﻥ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺋﯜﭼﯜﻥ ﻣﻪﻫﺴﯘﻻﺕ ﺋﯩﺸﻠﻪﭘﭽﯩﻘﯩﺮﯨﺶ ﺭﯗﺧﺴﻪﺗﻨﺎﻣﯩﺴﻰ ﺑﯧﺮﯨﻠﮕﻪﻥ ﺧﯩﺘﺎﻱ ﻛﺎﺭﺧﺎﻧﯩﻠﯩﺮﯨﻨﻰ، ﺋﯚﺳﻤﯜﺭﻟﻪﺭﻧﻰ ﺋﻪﻣﮕﻪﻛﻜﻪ ﺳﯧﻠﯩﺶ ﯞﻩ ﺋﻪﻣﮕﻪﻛﭽﯩﻠﻪﺭ ﻫﻮﻗﯘﻗﯩﻨﻰ ﺋﯧﻐﯩﺮ ﺩﻩﺭﯨﺠﯩﺪﻩ ﺩﻩﭘﺴﻪﻧﺪﻩ ﻗﯩﻠﯩﺶ ﺑﯩﻠﻪﻥ ﺋﻪﻳﯩﺒﻠﯩﺪﻯ. ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺗﻪﺷﻜﯩﻠﻠﯩﮕﯜﭼﻰ ﺋﻮﺭﮔﺎﻥ، ﺋﯩﺸﭽﯩﻼﺭ ﻫﻮﻗﯘﻗﯩﻨﻰ ﻗﻮﻏﺪﯨﻐﯘﭼﻰ ﺧﻪﻟﻘﺌﺎﺭﺍ ﺗﻪﺷﻜﯩﻼﺗﻨﯩﯔ ﺑﯧﺴﯩﻤﻰ ﺋﺎﺳﺘﯩﺪﺍ ﺋﯚﺳﻤﯜﺭﻟﻪﺭﻧﻰ ﺋﯩﺸﻠﻪﺗﻜﻪﻥ ﻳﺎﻛﻰ ﺋﻪﯓ ﺗﯚﯞﻩﻥ ﺋﯩﺶ ﻫﻪﻗﻘﻰ ﺗﯜﺯﯛﻣﯩﮕﻪ ﺧﯩﻼﭘﻠﯩﻖ ﻗﯩﻠﻐﯘﭼﻰ ﻛﺎﺭﺧﺎﻧﯩﻼﺭ ﺑﺎﻳﻘﺎﻟﺴﺎ، ﻣﻪﻫﺴﯘﻻﺕ ﺯﺍﻛﺎﺯ ﻗﯩﻠﯩﺶ ﺗﻮﺧﺘﺎﻣﻨﺎﻣﯩﺴﻰ ﺑﯩﻜﺎﺭ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ ﺋﺎﮔﺎﻫﻼﻧﺪﯗﺭﺩﻯ.

ﺋﻮﻟﯩﻤﭙﯩﻚ ﻣﻪﻫﺴﯘﻻﺗﻠﯩﺮﻯ ﺑﺎﻻ ﺋﯩﺸﭽﯩﻼﺭ ﺗﻪﺭﯨﭙﯩﺪﯨﻦ ﺋﯩﺸﻠﻪﭘﭽﯩﻘﯩﺮﯨﻠﻤﺎﻗﺘﺎ

ﺧﻪﻟﻘﺌﺎﺭﺍ ﺋﯩﺸﭽﯩﻼﺭ ﺋﯘﻳﯘﺷﻤﯩﻠﯩﺮﻯ ﺑﯩﺮﻟﻪﺷﻤﯩﺴﯩﻨﯩﯔ 10 - ﺋﯩﻴﯘﻥ ﻛﯜﻧﻰ ﺋﯧﻼﻥ ﻗﯩﻠﻐﺎﻥ ﻳﯧﯖﻰ ﺩﻭﻛﻼﺗﯩﺪﺍ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﺪﺍ ﺳﯧﺘﯩﻠﯩﺪﯨﻐﺎﻥ ﺗﺎﯞﺍﺭﻻﺭ ﺯﺍﻛﺎﺯ ﻗﯩﻠﯩﻨﻐﺎﻥ ﺑﻪﺯﻯ ﺧﯩﺘﺎﻱ ﻛﺎﺭﺧﺎﻧﯩﻠﯩﺮﯨﺪﺍ ﺑﺎﻻ ﺋﯩﺸﭽﯩﻼﺭﻧﻰ ﺋﯩﺸﻠﯩﺘﯩﺶ، ﺋﯩﺸﭽﯩﻼﺭﻏﺎ ﺋﯩﻨﺘﺎﻳﯩﻦ ﺗﯚﯞﻩﻥ ﺳﻪﯞﯨﻴﯩﺪﻩ ﻣﺎﺋﺎﺵ ﺑﯧﺮﯨﺶ ﻗﺎﺗﺎﺭﻟﯩﻖ ﺋﯩﺸﭽﯩﻼﺭ ﻫﻮﻗﯘﻗﯩﻨﻰ ﺩﻩﭘﺴﻪﻧﺪﻩ ﻗﯩﻠﯩﺪﯨﻐﺎﻥ ﺋﻮﻟﯩﻤﭙﯩﻚ ﺭﻭﻫﯩﻐﺎ ﺧﯩﻼﭖ ﺋﻪﻫﯟﺍﻟﻼﺭﻧﯩﯔ ﺋﯧﻐﯩﺮ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ ﯞﻩ ﺑﯘ ﺋﻪﻫﯟﺍﻟﻼﺭ ﺋﻮﻟﯩﻤﭙﯩﻚ ﺭﻭﻫﯩﻐﺎ ﻗﯩﻠﯩﻨﻐﺎﻥ ﻫﺎﻗﺎﺭﻩﺕ، ﺩﻩﭖ ﻛﯚﺭﺳﻪﺗﺘﻰ.

ﺩﻭﻛﻼﺗﺘﺎ، ﺋﻮﻟﯩﻤﭙﯩﻚ ﺗﺎﯞﺍﺭﻟﯩﺮﯨﻨﻰ ﺋﯩﺸﻠﻪﭘﭽﯩﻘﯩﺮﯨﺶ ﺭﯗﺧﺴﻪﺗﻨﺎﻣﯩﺴﯩﻐﺎ ﺋﯧﺮﯨﺸﻜﻪﻥ ﺧﯩﺘﺎﻱ ﻛﺎﺭﺧﺎﻧﯩﻠﯩﺮﯨﺪﺍ 12 - 13 ﻳﺎﺷﻼﺭﺩﯨﻜﻰ ﺑﺎﻻ ﺋﯩﺸﭽﯩﻼﺭﻧﻰ ﺋﯩﺸﻠﯩﺘﯩﺶ ﺋﻪﻫﯟﺍﻟﻰ ﻣﻪﯞﺟﯘﺕ ﺑﻮﻟﯘﭘﻼ ﻗﺎﻟﻤﺎﻱ، ﺋﯩﺸﭽﯩﻼﺭﻧﯩﯔ ﻣﺎﺋﺎﺷﻰ ﭘﻪﯞﻗﯘﻻﺩﺩﻩ ﺗﯚﯞﻩﻧﻠﯩﻜﻰ، ﺋﻪﻣﮕﻪﻙ ﯞﺍﻗﺘﻰ ﺋﯘﺯﯗﻥ، ﺋﯩﺸﭽﯩﻼﺭﻧﯩﯔ ﻛﯜﻧﯩﮕﻪ 12 ﯞﻩ 13 ﺳﺎﺋﻪﺕ، ﻫﻪﭘﺘﯩﺪﻩ 7 ﻛﯜﻥ ﺋﯩﺸﻠﻪﺷﻜﻪ ﻣﻪﺟﺒﯘﺭﻟﯩﻨﯩﺪﯨﻐﺎﻧﻠﯩﻘﯩﻨﻰ، ﺋﯩﺸﭽﯩﻼﺭﻧﯩﯔ ﺳﺎﻻﻣﻪﺗﻠﯩﻜﻰ ﯞﻩ ﺑﯩﺨﻪﺗﻪﺭﻟﯩﻜﻰ ﻧﻪﺯﻩﺭﺩﻩ ﺗﯘﺗﯘﻟﻤﺎﻳﺪﯨﻐﺎﻧﻠﯩﻘﯩﻨﻰ ﺗﻪﻧﻘﯩﺪ ﻗﯩﻠﺪﻯ.

ﺩﻭﻛﻼﺗﺘﺎ ﺋﻪﺳﻜﻪﺭﺗﯩﺸﯩﭽﻪ، ﺧﻪﻟﻘﺌﺎﺭﺍ ﺋﯩﺸﭽﯩﻼﺭ ﺋﯘﻳﯘﺷﻤﯩﻠﯩﺮﻯ ﺑﯩﺮﻟﻪﺷﻤﯩﺴﻰ 2006 - ﻳﯩﻠﺪﯨﻦ ﺑﺎﺷﻼﭖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﺎﯞﺍﺭﻟﯩﺮﯨﻨﻰ ﺋﯩﺸﻠﻪﭘﭽﯩﻘﺎﺭﻏﯘﭼﻰ ﺧﯩﺘﺎﻱ ﻛﺎﺭﺧﺎﻧﯩﻠﯩﺮﯨﻨﻰ ﺗﻪﻛﺸﯜﺭﯛﺷﻜﻪ ﺑﺎﺷﻠﯩﻐﺎﻥ ﺑﻮﻟﯘﭖ، ﮔﯘﺋﺎﯕﺪﻭﯕﺪﯨﻜﻰ 4 ﺷﯩﺮﻛﻪﺗﻨﻰ ﻳﻪﻧﻰ ﻓﯧﻴﺪﺍ ﺷﯩﺮﻛﯩﺘﻰ، ﻓﯧﻴﺪﺍ ﺑﺎﺵ ﻛﯩﻴﯩﻢ ﺷﯩﺮﻛﯩﺘﻰ، ﻳﯩﯖﮕﯥ ﯞﻩ ﺳﯘﺟﯧﯖﭽﺎﯓ ﺷﯩﺮﻛﻪﺗﻠﯩﺮﯨﻨﻰ ﺗﻪﻛﺸﯜﺭﮔﻪﻥ. ﺟﯘﯕﮕﻮ ﺋﻪﻣﮕﻪﻙ ﺋﯘﭼﯘﺭﻟﯩﺮﻯ ﻣﻪﺟﻤﯘﺋﻪﺳﯩﻨﯩﯔ ﻓﺮﺍﻧﺴﯩﻴﯩﺪﯨﻜﻰ ﯞﻩﻛﯩﻠﻰ ﺳﻪﻱ ﺯﻭﯕﮕﻮﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺧﯩﺘﺎﻳﺪﺍ ﺑﺎﻻ ﺋﯩﺸﭽﯩﻼﺭﻧﻰ ﺋﯩﺸﻠﯩﺘﯩﺶ ﺋﻪﻫﯟﺍﻟﻰ ﺋﻮﻣﯘﻣﻴﯜﺯﻟﯜﻙ ﻣﻪﯞﺟﯘﺕ ﺑﻮﻟﯘﭘﻼ ﻗﺎﻟﻤﺎﻱ، ﺑﻪﻟﻜﻰ ﻳﯧﻘﯩﻨﻘﻰ 2 ﻳﯩﻠﺪﯨﻦ ﺑﯧﺮﻯ ﺗﯧﺨﯩﻤﯘ ﺋﯧﻐﯩﺮﻻﺷﻤﺎﻗﺘﺎ

ﺋﯘ، "ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﺪﺍ ﺑﺎﻻ ﺋﯩﺸﭽﯩﻼﺭ ﺋﯩﺸﻠﻪﭘﭽﯩﻘﺎﺭﻏﺎﻥ ﻣﻪﻫﺴﯘﻻﺗﻼﺭﻧﻰ ﺋﯩﺸﻠﯩﺘﯩﺶ ﺋﻮﻟﯩﻤﭙﯩﻚ ﺭﻭﻫﯩﻐﺎ ﺗﻮﻏﺮﺍ ﻛﻪﻟﻤﻪﻳﺪﯗ. ﺟﯘﯕﮕﻮ ﺋﻪﻣﮕﻪﻙ ﺋﯘﭼﯘﺭﻟﯩﺮﻯ ﻳﯧﻘﯩﻨﺪﺍ ﻳﻮﻟﻠﯩﻐﺎﻥ ﺑﯩﺮ ﺩﻭﻛﻼﺗﯩﺪﺍ ﺑﯘ ﺋﻪﻫﯟﺍﻟﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺟﯘﯕﮕﻮﺩﺍ ﺑﺎﻻ ﺋﯩﺸﭽﯩﻼﺭﻧﻰ ﺋﯩﺸﻠﯩﺘﯩﺶ ﺋﻪﻫﯟﺍﻟﯩﻨﯩﯔ ﻧﺎﻫﺎﻳﯩﺘﻰ ﺋﯧﻐﯩﺮﻟﯩﻘﯩﻨﻰ، ﺑﻮﻟﯘﭘﻤﯘ ﻳﯧﻘﯩﻨﻘﻰ ﺑﯩﺮ ﻧﻪﭼﭽﻪ ﻳﯩﻠﺪﯨﻦ ﺑﯧﺮﻯ ﺗﯧﺨﯩﻤﯘ ﻛﯚﭘﯩﻴﯩﯟﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ. ﺟﯘﯕﮕﻮ ﻫﯚﻛﯜﻣﯩﺘﻰ ﺑﯘ ﺋﻪﻫﯟﺍﻟﻨﯩﯔ ﺟﯘﯕﮕﻮﺩﯨﻜﻰ ﻣﻪﻛﺘﻪﭘﺘﯩﻦ ﻗﯧﻠﯩﺶ ﺧﺎﻫﯩﺸﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺋﯩﻜﻪﻧﻠﯩﻜﯩﺪﯨﻦ ﺋﻪﻧﺴﯩﺮﯨﻤﻪﻛﺘﻪ،" ﺩﻩﻳﺪﯗ.

ﺧﻪﻟﻘﺌﺎﺭﺍ ﯞﻩ ﻫﻪﺭ ﻗﺎﻳﺴﻰ ﺩﯙﻟﻪﺕ ﺋﯩﺸﭽﯩﻼﺭ ﺋﯘﻳﯘﺷﻤﯩﻠﯩﺮﯨﻨﯩﯔ ﺧﯩﺘﺎﻳﺪﯨﻜﻰ ﺋﻪﻣﮕﻪﻙ ﻫﻮﻗﯘﻗﻰ ﻣﻪﺳﯩﻠﯩﺴﯩﻨﻰ ﻣﯘﺷﯘ ﻣﻪﺯﮔﯩﻠﺪﻩ ﺗﻪﻧﻘﯩﺪ ﻗﯩﻠﻐﺎﻧﻠﯩﻘﻰ ﻛﯩﺸﯩﻠﻪﺭﻧﻰ ﺋﻪﺟﻪﭘﻠﻪﻧﺪﯛﺭﻣﻪﺳﻠﯩﻜﻰ ﻛﯧﺮﻩﻙ، ﺩﻩﭖ ﺗﻪﻛﯩﺘﻠﯩﮕﻪﻥ ﺳﻪﻱ ﺯﻭﯕﮕﻮ، ﺑﯘ ﺗﻪﺷﻜﯩﻼﺗﻼﺭ 2008 - ﻳﯩﻠﺪﯨﻜﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﭘﯘﺭﺳﻪﺕ ﺑﯩﻠﯩﭗ، ﺟﯘﯕﮕﻮ ﻫﯚﻛﯜﻣﯩﺘﯩﻨﻰ ﺋﯩﺸﭽﯩﻼﺭ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﯜﺷﻜﻪ، ﺏ ﺩ ﺕ ﻧﯩﯔ ﺋﯩﻘﺘﯩﺴﺎﺩﻯ، ﺋﯩﺠﺘﯩﻤﺎﺋﯩﻲ ﯞﻩ ﻣﻪﺩﻩﻧﯩﻴﻪﺕ ﻫﻮﻗﯘﻗﻰ ﻫﻪﻗﻘﯩﺪﯨﻜﻰ ﺋﻪﻫﺪﯨﻨﺎﻣﯩﺴﯩﻨﻰ ﻫﻪﻗﯩﻘﻰ ﺗﯜﺭﺩﻩ ﺋﻪﻣﻪﻟﯩﻴﻠﻪﺷﺘﯜﺭﯛﺷﻜﻪ ﯞﻩ ﺧﻪﻟﻘﺌﺎﺭﺍ ﺋﻪﻣﮕﻪﻙ ﻫﻮﻗﯘﻗﻰ ﺋﯚﻟﭽﻪﻣﻠﯩﺮﯨﮕﻪ ﺭﯨﺌﺎﻳﻪ ﻗﯩﻠﯩﺸﻘﺎ ﻣﻪﺟﺒﯘﺭﻟﯩﻤﺎﻗﭽﻰ، ﺩﻩﭖ ﻛﯚﺭﺳﻪﺗﺘﻰ.

"ﺋﯘﻳﻐﯘﺭ ﻗﯩﺰﻟﯩﺮﯨﻤﯘ ﭘﻪﯞﻗﯘﻻﺩﺩﻩ ﺗﯚﯞﻩﻥ ﻣﺎﺋﺎﺵ ﯞﻩ ﻧﺎﭼﺎﺭ ﺷﺎﺭﺍﺋﯩﺘﺘﺎ ﺋﯩﺸﻠﻪﺷﻜﻪ ﻣﻪﺟﺒﯘﺭﻻﻧﻤﺎﻗﺘﺎ"

ﻣﻪﺭﻛﯩﺰﻯ ﯞﺍﺷﯩﻨﮕﺘﻮﻧﺪﯨﻜﻰ ﺋﺎﻣﯧﺮﯨﻜﺎ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺋﯩﭽﻜﯩﺮﯨﺪﯨﻜﻰ ﺯﺍﯞﯗﺕ -ﻛﺎﺭﺧﺎﻧﯩﻼﺭﺩﺍ ﻣﻪﺟﺒﯘﺭﻯ ﺋﯩﺸﻠﯩﺘﯩﺸﻜﻪ ﻗﺎﺭﺷﻰ ﺧﻪﻟﻘﺌﺎﺭﺍ ﻫﻪﺭﯨﻜﻪﺕ ﻗﻮﺯﻏﯩﻤﺎﻗﭽﻰ ﺑﻮﻟﯩﯟﺍﺗﻘﺎﻥ ﺗﻪﺷﻜﯩﻼﺗﻼﺭﻧﯩﯔ ﺑﯩﺮﯨﺪﯗﺭ. ﻣﻪﺯﻛﯘﺭ ﺗﻪﺷﻜﯩﻼﺗﻨﯩﯔ ﺑﺎﺵ ﻛﺎﺗﯩﭙﻰ ﺋﺎﻟﯩﻢ ﺳﯧﻴﺘﻮﻑ، "ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﭘﻪﯞﻗﯘﻻﺩﺩﻩ ﺗﯚﯞﻩﻥ ﻣﺎﺋﺎﺵ ﯞﻩ ﻧﺎﭼﺎﺭ ﺷﺎﺭﺍﺋﯩﺘﺘﺎ ﺋﯩﺸﻠﻪﺷﻜﻪ ﻣﻪﺟﺒﯘﺭﻻﺵ ﻣﯘﻧﺎﺳﯩﯟﻩﺗﻠﯩﻚ ﺧﻪﻟﻘﺌﺎﺭﺍ ﺋﻪﻫﺪﯨﻨﺎﻣﯩﻼﺭ ﯞﻩ ﺋﻮﻟﯩﻤﭙﯩﻚ ﺭﻭﻫﯩﻐﺎ ﺧﯩﻼﭖ ﻗﯩﻠﻤﯩﺸﻼﺭﻧﯩﯔ ﺑﯩﺮﻯ،" ﺩﻩﭖ ﻛﯚﺭﺳﻪﺗﺘﻰ.

ﻣﻪﺭﻛﯩﺰﻯ ﺑﯩﻠﮕﯩﻴﯩﻨﯩﯔ ﺑﺮﻳﯘﺳﺴﯧﻞ ﺷﻪﻫﯩﺮﯨﺪﯨﻜﻰ ﺧﻪﻟﻘﺌﺎﺭﺍ ﺋﯩﺸﭽﯩﻼﺭ ﺋﯘﻳﯘﺷﻤﯩﻠﯩﺮﻯ ﺑﯩﺮﻟﻪﺷﻤﯩﺴﻰ 2006 - ﻳﯩﻠﻰ ﺧﻪﻟﻘﺌﺎﺭﺍ ﺋﻪﺭﻛﯩﻦ ﺋﯩﺸﭽﯩﻼﺭ ﺋﯘﻳﯘﺷﻤﯩﻠﯩﺮﻯ ﺋﯩﺘﺘﯩﭙﺎﻗﻰ ﺑﯩﻠﻪﻥ ﺧﻪﻟﻘﺌﺎﺭﺍ ﺧﺮﯨﺴﺘﯩﻴﺎﻥ ﺋﯩﺸﭽﯩﻼﺭ ﺋﯘﻳﯘﺷﻤﯩﻠﯩﺮﻯ ﺋﯩﺘﺘﯩﭙﺎﻗﻰ، ﺩﻩﻳﺪﯨﻐﺎﻥ ﺋﯩﻜﻜﻰ ﺗﻪﺷﻜﯩﻼﺗﻨﯩﯔ ﺑﯩﺮﻟﯩﺸﯩﺸﯩﺪﯨﻦ ﻗﯘﺭﯗﻟﻐﺎﻥ ﺧﻪﻟﻘﺌﺎﺭﺍﻟﯩﻖ ﺋﻮﺭﮔﺎﻥ ﺑﻮﻟﯘﭖ، ﻣﻪﺯﻛﯘﺭ ﺋﻮﺭﮔﺎﻧﻐﺎ ﺋﻪﺯﺍ 150 ﻧﻪﭼﭽﻪ ﺩﯙﻟﻪﺗﺘﯩﻜﻰ 300 ﺩﯨﻦ ﺋﺎﺭﺗﯘﻕ ﺋﯩﺸﭽﯩﻼﺭ ﺋﯘﻳﯘﺷﻤﯩﺴﻰ ﺑﺎﺭ.

ﺧﻪﻟﻘﺌﺎﺭﺍ ﺋﯩﺸﭽﯩﻼﺭ ﺋﯘﻳﯘﺷﻤﯩﻠﯩﺮﻯ ﺑﯩﺮﻟﻪﺷﻤﯩﺴﯩﻨﯩﯔ "ﺋﯩﺸﭽﯩﻼﺭ ﻫﻮﻗﯘﻗﻰ ﻣﯧﺪﺍﻟﻰ ﺑﻮﻟﻤﯩﻐﺎﻥ ﺋﻮﻟﯩﻤﭙﯩﻚ،" ﺩﯦﮕﻪﻥ ﻣﺎﯞﺯﯗﺩﯨﻜﻰ ﻣﻪﺯﻛﯘﺭ ﺩﻭﻛﻼﺗﻰ، ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ 2012 - ﻳﯩﻠﺪﯨﻜﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺋﯚﺗﻜﯜﺯﯛﺷﻜﻪ ﺋﯩﻠﺘﯩﻤﺎﺱ ﻗﯩﻠﻐﺎﻥ ﻧﺎﻣﺰﺍﺕ ﺷﻪﻫﻪﺭﻟﻪﺭﻧﯩﯔ ﺑﯩﺮﻯ ﻟﻮﻧﺪﻭﻧﺪﺍ ﻳﯩﻐﯩﻦ ﺋﺎﭼﻤﺎﻗﭽﻰ ﺑﻮﻟﯩﯟﺍﺗﻘﺎﻥ ﻣﻪﺯﮔﯩﻠﺪﻩ ﺋﯧﻼﻥ ﻗﯩﻠﯩﻨﺪﻯ.

ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﻰ 1936 - ﻳﯩﻠﻰ ﻧﺎﺗﺴﯧﺴﺘﻼﺭ ﮔﯧﺮﻣﺎﻧﯩﻴﯩﺪﻩ ﺋﯚﺗﻜﯜﺯﮔﻪﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﺪﯨﻦ ﻛﯧﻴﯩﻦ، ﺩﯗﻧﻴﺎﺩﺍ ﺋﻪﯓ ﻛﯚﭖ ﺗﺎﻻﺵ - ﺗﺎﺭﺗﯩﺶ ﻗﻮﺯﻏﯩﻐﺎﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ

ﺧﻪﻟﻘﺌﺎﺭﺍ ﺋﯩﺸﭽﯩﻼﺭ ﺋﯘﻳﯘﺷﻤﯩﻠﯩﺮﻯ ﺑﯩﺮﻟﻪﺷﻤﯩﺴﯩﻨﯩﯔ ﺩﻭﻛﻼﺗﻰ ﺋﯧﻼﻥ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺗﻪﺷﻜﯩﻠﻠﯩﮕﯜﭼﻰ ﺋﻮﺭﮔﺎﻥ ﺩﯛﺷﻪﻧﺒﻪ ﻛﯜﻧﻰ ﺑﯘﻧﯩﯖﻐﺎ ﺗﯧﺰ ﺋﯩﻨﻜﺎﺱ ﻗﺎﻳﺘﯘﺭﯗﭖ، ﺑﺎﻻ ﺋﯩﺸﭽﯩﻼﺭﻧﻰ ﺋﯩﺸﻠﻪﺗﻜﻪﻥ ﻳﺎﻛﻰ ﺋﻪﯓ ﺗﯚﯞﻩﻥ ﻣﺎﺋﺎﺵ ﺑﻪﻟﮕﯩﻠﯩﻤﯩﺴﯩﮕﻪ ﺧﯩﻼﭘﻠﯩﻖ ﻗﯩﻠﻐﺎﻥ ﺷﯩﺮﻛﻪﺗﻠﻪﺭ ﺑﺎﻳﻘﺎﻟﺴﺎ، ﺋﯘﻻﺭ ﺑﯩﻠﻪﻥ ﺗﯜﺯﮔﻪﻥ ﺗﻮﺧﺘﺎﻣﻨﺎﻣﻪ ﺑﯩﻜﺎﺭ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ.

ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺗﻪﺷﻜﯩﻠﻠﻪﺵ ﻛﻮﻣﯩﺘﯧﺘﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﺟﺎﯓ ﺷﺎﯞﻳﯜﻱ، ﺩﯛﺷﻪﻧﺒﻪ ﻛﯜﻧﻰ ﺧﻮﯕﻜﻮﯕﺪﯨﻜﻰ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭ ﻛﯘﻟﯘﺑﯩﺪﺍ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ "ﺋﻪﮔﻪﺭ ﺑﯘ ﻛﺎﺭﺧﺎﻧﯩﻼﺭ ﺑﯩﺰﻧﯩﯔ ﺑﻪﻟﮕﯩﻠﯩﻤﯩﻤﯩﺰﮔﻪ ﺧﯩﻼﭘﻠﯩﻖ ﻗﯩﻠﺴﺎ، ﺑﯩﺰ ﺑﯘﻧﻰ ﻗﺎﺗﺘﯩﻖ ﺑﯩﺮ ﺗﻪﺭﻩﭖ ﻗﯩﻠﯩﻤﯩﺰ. ﺋﻪﮔﻪﺭ ﺑﻪﻟﮕﯩﻠﯩﻤﯩﮕﻪ ﺋﯧﻐﯩﺮ ﺩﻩﺭﯨﺠﯩﺪﻩ ﺧﯩﻼﭘﻠﯩﻖ ﻗﯩﻠﻐﺎﻧﻼﺭ ﺑﺎﻳﻘﺎﻟﺴﺎ، ﺋﯘﻻﺭ ﺑﯩﻠﻪﻥ ﺗﯜﺯﮔﻪﻥ ﺗﻮﺧﺘﺎﻣﻠﯩﺮﯨﻤﯩﺰﻧﻰ ﺑﯩﻜﺎﺭ ﻗﯩﻠﯩﺸﯩﻤﯩﺰ ﻣﯜﻣﻜﯩﻦ،" ﺩﻩﻳﺪﯗ.

ﻣﻪﺭﻛﯩﺰﻯ ﺷﯟﯦﺘﺴﺎﺭﯨﻴﯩﺪﯨﻜﻰ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﺋﻮﻟﯩﻤﭙﯩﻚ ﻣﻪﻫﺴﯘﻻﺗﻠﯩﺮﯨﻨﻰ ﺑﯩﯟﺍﺳﺘﻪ ﻛﻮﻧﺘﺮﻭﻝ ﻗﯩﻠﯩﺶ ﻫﻮﻗﯘﻗﻰ ﻳﻮﻗﻠﯩﻘﯩﻨﻰ، ﻟﯧﻜﯩﻦ ﻣﻪﺯﻛﯘﺭ ﺋﻮﺭﮔﺎﻧﻨﯩﯔ ﺋﻪﻣﮕﻪﻙ ﻫﻮﻗﯘﻗﻰ ﺋﯚﻟﭽﯩﻤﯩﮕﻪ ﺭﯨﺌﺎﻳﻪ ﻗﯩﻠﯩﺶ ﻫﻪﻗﻘﯩﺪﯨﻜﻰ ﺳﯩﻴﺎﺳﯩﺘﻰ ﺑﺎﺭﻟﯩﻘﯩﻨﻰ ﺷﯘﻧﺪﺍﻗﻼ ﺳﺎﻫﯩﺒﺨﺎﻥ ﺩﯙﻟﻪﺗﻠﻪﺭ ﯞﻩ ﺋﻮﻟﯩﻤﭙﯩﻚ ﺗﺎﯞﺍﺭﻟﯩﺮﯨﻨﻰ ﺋﯩﺸﻠﻪﭘﭽﯩﻘﺎﺭﻏﯘﭼﻰ ﻛﺎﺭﺧﺎﻧﯩﻼﺭ ﺑﯘ ﺑﻪﻟﮕﯩﻠﯩﻤﯩﮕﻪ ﺭﯨﺌﺎﻳﻪ ﻗﯩﻠﯩﺸﯩﻨﻰ ﺋﯜﻣﯩﺪ ﻗﯩﻠﺪﻯ.

ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﻰ 1936 - ﻳﯩﻠﻰ ﻧﺎﺗﺴﯧﺴﺘﻼﺭ ﮔﯧﺮﻣﺎﻧﯩﻴﯩﺪﻩ ﺋﯚﺗﻜﯜﺯﮔﻪﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﺪﯨﻦ ﻛﯧﻴﯩﻦ، ﺩﯗﻧﻴﺎﺩﺍ ﺋﻪﯓ ﻛﯚﭖ ﺗﺎﻻﺵ - ﺗﺎﺭﺗﯩﺶ ﻗﻮﺯﻏﯩﻐﺎﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺑﻮﻟﯘﭖ ﻗﺎﻟﺪﻯ. ﺑﻪﺯﻯ ﺗﻪﺷﻜﯩﻼﺗﻼﺭ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﻧﺎﺗﺴﯧﺴﺘﻼﺭ ﮔﯧﺮﻣﺎﻧﯩﻴﯩﺴﯩﺪﻩ ﺋﯚﺗﻜﯜﺯﯛﻟﮕﻪﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻐﺎ ﺋﻮﺧﺸﺎﺗﻤﺎﻗﺘﺎ. (ﺋﻪﺭﻛﯩﻦ)