ﻧﻮﺭﯞﯦﮕﯩﻴﻪ ﯞﻩ ﺷﯩﯟﯦﺘﺴﯩﻴﯩﺪﻩ ﺧﯩﺘﺎﻱ ﺋﻮﻟﯩﻤﭙﯩﻜﯩﮕﻪ ﻗﺎﺭﺷﻰ ﻧﺎﻣﺎﻳﯩﺶ ﺋﯧﻠﯩﭗ ﺑﯧﺮﯨﻠﺪﻯ

• ﻣﯘﺧﺒﯩﺮﯨﻤﯩﺰ ﻳﺎﻟﻘﯘﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﻰ13 ‏- ﺋﯚﻛﺘﻪﺑﯩﺮ ﺷﻪﻧﺒﻪ ﻛﯜﻧﻰ ﻧﻮﺭﯞﯦﮕﯩﻴﯩﻨﯩﯔ ﺋﻮﺳﻠﻮ ﺷﻪﻫﯩﺮﯨﮕﻪ ﻳﯩﺘﯩﭗ ﻛﯧﻠﯩﭗ ﺋﯚﺯ ﭘﺎﺋﺎﻟﯩﻴﯩﺘﻰ ﺑﺎﺷﻠﯩﻐﺎﻥ. ﭘﺎﺋﺎﻟﯩﻴﻪﺗﻜﻪ، ﻧﻮﺭﯞﯦﮕﯩﻴﯩﺪﯨﻜﻰ ﺋﯘﻳﻐﯘﺭﻣﯘ ﺋﯩﺸﺘﯩﺮﺍﻙ ﻗﯩﻠﻐﺎﻥ. RFA Photo / Yalqun

ﺧﯩﺘﺎﻳﺪﺍ ﺋﯚﺗﻜﯜﺯﯛﻟﻤﻪﻛﭽﻰ ﺑﻮﻟﻐﺎﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﻰ ﮔﯩﺮﯦﺘﺴﯩﻴﯩﺪﯨﻦ ﺑﺎﺷﻠﯩﻨﯩﭗ، ﺋﯚﺗﻜﻪﻥ ﻫﻪﭘﺘﻪ ﺷﯟﯦﺘﺴﯩﻴﯩﮕﻪ ﻳﯩﺘﯩﭗ ﻛﻪﻟﮕﻪﻥ ﺋﯩﺪﻯ. ﺋﯘ ﺷﯩﯟﯦﺘﺴﯩﻴﯩﻨﯩﯔ ﺟﻪﻧﯘﺑﯩﺪﯨﻜﻰ ﭼﻮﯓ ﺷﻪﻫﻪﺭﻟﻪﺭ ﺑﻮﻟﻐﺎﻥ ﻣﺎﻟﻤﯚ، ﻳﯚﺗﯧﺒﻮﺭﯨﻲ ﺷﻪﻫﻪﺭﻟﯩﺮﯨﻨﻰ ﺑﯧﺴﯩﭗ ﺋﯚﺗﯜﭖ 13 ‏- ﺋﯚﻛﺘﻪﺑﯩﺮ ﺷﻪﻧﺒﻪ ﻛﯜﻧﻰ ﻧﻮﺭﯞﯦﮕﯩﻴﯩﻨﯩﯔ ﺋﻮﺳﻠﻮ ﺷﻪﻫﯩﺮﯨﮕﻪ ﻳﯩﺘﯩﭗ ﻛﯧﻠﯩﭗ ﺋﯚﺯ ﭘﺎﺋﺎﻟﯩﻴﯩﺘﻰ ﺑﺎﺷﻠﯩﻐﺎﻥ.

ﺋﻮﺳﻠﻮ ﺷﻪﻫﯩﺮﯨﺪﻩ ﺋﯚﺗﻜﯜﺯﯛﻟﮕﻪﻥ ﺑﯘ ﭘﺎﺋﺎﻟﯩﻴﻪﺗﻜﻪ ﻧﻮﺭﯞﯨﮕﯩﻴﯩﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﯩﺮﻗﯩﺴﯩﻢ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻠﯩﺮﻯ، ﺋﯘﻳﻐﯘﺭ، ﺗﯩﺒﻪﺕ ﺟﻪﻣﺌﯩﻴﻪﺗﻠﯩﺮﻯ ﯞﻩ ﺑﯩﺮ ﻗﯩﺴﯩﻢ ﻗﻮﺷﻨﺎ ﺩﯙﻟﻪﺗﻠﻪﺭﺩﯨﻦ ﻛﻪﻟﮕﻪﻥ ﯞﻩﻛﯩﻠﻠﻪﺭ ﻗﺎﺗﻨﺎﺷﻘﺎﻥ. ﭘﺎﺋﺎﻟﯩﻴﻪﺗﻜﻪ ﻗﺎﺗﻨﺎﺷﻘﺎﻥ ﺋﯚﻣﻪﺭ ﻫﺎﺟﯩﻢ ﺑﯘ ﭘﺎﺋﺎﻟﯩﻴﻪﺕ ﻫﻪﻗﻘﯩﺪﻩ ﻗﯩﺴﻘﯩﭽﻪ ﻣﻪﻟﯘﻣﺎﺕ ﺑﯧﺮﯨﭗ ﺋﯚﺗﺘﻰ.

ﺋﻪﺗﯩﺴﻰ ﻳﻪﻛﺸﻪﻧﺒﻪ ﻛﯜﻧﻰ ﻳﻪﻧﻰ 14 ‏- ﺋﯚﻛﺘﻪﺑﯩﺮ ﻛﯜﻧﻰ ﭼﯜﺵـﺗﯩﻦ ﻛﯧﻴﯩﻦ ﺳﺎﺋﻪﺕ 2:30 ﺩﺍ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺷﺌﯩﻠﻰ ﺷﯩﯟﯦﺘﺴﯩﻴﯩﻨﯩﯔ ﺳﺘﻮﻛﻬﻮﻟﯩﻢ ﺷﻪﻫﯩﺮﯨﮕﻪ ﻳﯩﺘﯩﭗ ﻛﯧﻠﯩﭗ ﺋﯚﺯ ﭘﺎﺋﺎﻟﯩﻴﯩﺘﯩﻨﻰ ﺑﺎﺷﻠﯩﺪﻯ. ﭘﺎﺋﺎﻟﯩﻴﻪﺕ 2:30 ﺳﺎﺋﻪﺕ ﺋﻪﺗﺮﺍﭘﯩﺪﺍ ﺩﺍﯞﺍﻣﻼﺷﺘﻰ.

ﭘﺎﺋﺎﻟﯩﻴﻪﺕ، "ﺧﯩﺘﺎﻳﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ "ﺟﻪﻣﺌﯩﻴﯩﺘﯩﻨﯩﯔ ﺭﯨﻴﺎﺳﻪﺗﭽﯩﻠﯩﻜﯩﺪﻩ ﺋﯧﻠﯩﭗ ﺑﯧﺮﯨﻠﺪﻯ. ﭘﺎﺋﺎﻟﯩﻴﻪﺗﻜﻪ ﺷﯩﯟﯦﺘﺴﯩﻴﯩﺪﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭ، ﻣﻮﯕﻐﯘﻟﻼﺭ، ﺗﯩﺒﻪﺗﻠﻪﺭ ﺧﯩﺘﺎﻳﻨﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻠﯩﺮﻯ ﻗﺎﺗﻨﺎﺷﻘﺎﻧﺪﯨﻦ ﺳﯩﺮﺕ ﺧﯩﺘﺎﻳﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺋﻪﻫﯟﺍﻟﯩﻐﺎ ﻗﯩﺰﯨﻘﻘﯘﭼﻰ ﺷﯩﯟﯦﺘﻠﻪﺭ، ﺷﯩﯟﯦﺘﺴﯩﻴﻪ ﭘﺎﺭﻻﻣﯩﻨﯧﺖ ﺋﻪﺯﺍﻟﯩﺮﻯ ﯞﻩ ﻛﺎﻧﺎﺩﺍﺩﯨﻦ ﺋﺎﻻﻫﯩﺪﻩ ﺗﻪﻛﻠﯩﭗ ﻗﯩﻠﯩﻨﻐﺎﻥ ﺑﯩﺮ ﻗﯩﺴﯩﻢ ﺋﯩﻨﺴﺎﻥ ﻫﻪﻗﻠﯩﺮﻯ ﭘﺎﺋﺎﻟﯩﻴﻪﺗﭽﯩﻠﯩﺮﻯ ﻗﺎﺗﻨﺎﺷﺘﻰ.

ﭘﺎﺋﺎﻟﯩﻴﻪﺕ ﺩﺍﯞﺍﻣﯩﺪﺍ ﺑﯩﺮﻗﯩﺴﯩﻢ ﺋﯩﻨﺴﺎﻥ ﻫﻪﻗﻠﯩﺮﻯ ﻣﯘﺗﻪﺧﻪﺳﺴﯩﺴﻠﯩﺮﻯ ﺳﯚﺯﮔﻪ ﭼﯩﻘﯩﭗ ﺩﯨﻜﺘﺎﺗﻮﺭ ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺧﯩﺘﺎﻱ ﺧﻪﻟﻘﯩﻨﻰ ﯞﻩ ﺧﯩﺘﺎﻱ ﺗﯧﺮﺭﯨﺘﻮﺭﯨﻴﯩﺴﯩﺪﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ، ﺗﯩﺒﻪﺕ، ﻣﻮﯕﻐﯘﻝ ﻗﺎﺗﺎﺭﻟﯩﻖ ﺑﺎﺷﻘﺎ ﺋﯩﺘﻨﯩﻚ ﻣﯩﻠﻠﻪﺗﻠﻪﺭﻧﻰ ﻗﯩﺮﻏﯩﻦ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ، ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﻩ ﻗﯩﻠﯩﻨﯩﯟﺍﺗﻘﺎﻥ ﺑﯘﻧﺪﺍﻕ ﺩﯨﻜﺘﺎﺗﻮﺭ ﺩﯙﻟﻪﺗﻠﻪﺭﺩﻩ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺋﯚﺗﻜﯜﺯﯛﺵ ﺋﻮﻟﯩﻤﭙﯩﻜﻨﯩﯔ ﺭﻭﻫﯩﻐﺎ ﺋﯘﻳﻐﯘﻥ ﻛﻪﻟﻤﻪﻳﺪﯨﻐﺎﻧﻠﯩﻘﯩﻨﻰ، ﺧﻪﻟﻘﺎﺭﺍ ﺟﻪﻣﺌﯩﻴﻪﺗﻨﯩﯔ ﺧﯩﺘﺎﻳﺪﺍ ﺋﯚﺗﻜﯜﺯﯛﻟﻤﻪﻛﭽﻰ ﺑﻮﻟﻐﺎﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﭗ، ﺧﯩﺘﺎﻳﺪﺍ ﻳﺎﺷﺎﯞﺍﺗﻘﺎﻥ ﺧﻪﻟﻘﻠﻪﺭﮔﻪ ﻳﺎﺭﺩﻩﻣﺪﻩ ﺑﻮﻟﯘﺷﻘﺎ ﭼﺎﻗﯩﺮﺩﻯ.

ﭘﺎﺋﺎﻟﯩﻴﻪﺕ ﺋﻪﻫﯟﺍﻟﻰ ﺷﯩﯟﯦﺘﺴﯩﻴﻪ ﺋﺎﺧﺒﺎﺭﺍﺗﻠﯩﺮﯨﻨﯩﯔ ﻗﯩﺰﻏﯩﻦ ﺧﻪﯞﻩﺭ ﻗﯩﻠﯩﺶ ﺋﻮﺑﯩﻜﺘﯩﻐﺎ ﺋﺎﻳﻼﻧﺪﻯ. ﺩﯛﺷﻪﻧﺒﻪ ﻛﯜﻧﻰ ﺳﺘﻮﻛﻬﻮﻟﯩﻤﺪﺍ ﭼﯩﻘﯩﺪﯨﻐﺎﻥ ﻧﯘﺭﻏﯘﻥ ﮔﯧﺰﯨﺘﻠﻪﺭﺩﻩ ﺑﯘ ﻫﻪﻗﺘﻪ ﺧﻪﯞﻩﺭﻟﻪﺭ ﺑﯧﺮﯨﻠﮕﻪﻥ ﯞﻩ ﺧﻪﯞﻩﺭﻟﻪﺭﺩﻩ ﺋﯘﻳﻐﯘﺭﻻﺭﻧﯩﯔ ﺭﻩﺳﯩﻤﻠﯩﺮﯨﻤﯘ ﺋﺎﻻﻫﯩﺪﻩ ﺋﻮﺭﯗﻥ ﺋﺎﻟﻐﺎﻥ. ﭘﺎﺋﺎﻟﯩﻴﻪﺕ ﺋﺎﺧﯩﺮﯨﺪﺍ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺷﺌﯩﻠﻰ ﻓﯩﻨﻼﻧﺪﯨﻴﻪ ﺩﯙﻟﯩﺘﯩﮕﻪ ﺋﯚﺗﻜﯜﺯﯛﻟﯜﭖ ﺑﯧﺮﯨﻠﺪﻯ.

ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻳﺪﺍ ﺋﯚﺗﻜﯜﺯﯛﻟﻤﻪﻛﭽﻰ ﺑﻮﻟﻐﺎﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺸﻨﻰ ﺗﻪﺷﻪﺑﺒﯘﺱ ﻗﯩﻠﻐﺎﻥ ﺑﯘ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺷﺌﯩﻠﻰ ﻳﺎﯞﺭﻭﭘﺎﻧﻰ ﻣﻪﺭﻛﻪﺯ ﻗﯩﻠﻐﺎﻥ 39 ﺩﯙﻟﻪﺗﻜﻪ ﻳﻪﺗﻜﯜﺯﯨﻠﯩﺪﯨﻜﻪﻥ. (ﻳﺎﻟﻘﯘﻥ)