ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﺋﺎﻗﺴﺎﺭﺍﻱ ﺋﺎﻟﺪﯨﺪﺍ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻛﯜﭺ ﻛﯚﺭﺳﻪﺗﺘﻰ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

2008 - ﻳﯩﻠﻰ 11 - ﻓﯧﯟﺭﺍﻝ ﻛﯜﻧﻰ، ﺧﻪﻟﯩﻘﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ، ﺋﺎﻕ ﺳﺎﺭﺍﻱ ﺋﺎﻟﺪﯨﺪﺍ، ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﺵ ﺋﺎﻟﺪﯨﺪﺍ، ﺋﯩﻨﺴﺎﻥ ﻫﻮﻗﯘﻗﻠﯩﺮﯨﻨﻰ ﻫﯚﺭﻣﻪﺕ ﻗﯩﻠﯩﺸﯩﻨﻰ ﺳﻮﺭﺍﭖ ﻧﺎﻣﺎﻳﯩﺶ ﺋﯧﻠﯩﭗ ﺑﺎﺭﺩﻯ. AFP Photo

ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﯩﯔ ﯞﺍﻗﯩﺖ ﻗﻪﺭﻩﻟﻰ ﻳﯧﻘﯩﻨﻠﯩﺸﯩﺸﯩﻐﺎ ﺋﻪﮔﯩﺸﯩﭗ، ﺑﯧﻴﺠﯩﯔ ﻫﯚﻛﯜﻣﯩﺘﻰ ﺧﻪﻟﻘﺌﺎﺭﺍ ﺗﻪﺷﻜﯩﻼﺗﻼﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﻰ ﻳﺎﺧﺸﯩﻼﺵ ﻫﻪﻗﻘﯩﺪﯨﻜﻰ ﺑﯧﺴﯩﻤﯩﻐﺎ ﺋﯘﭼﺮﺍﭘﻼ ﻗﺎﻟﻤﺎﻱ، ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺷﻤﯘ ﺑﯧﻴﺠﯩﯔ ﺭﻩﻫﺒﻪﺭﻟﯩﺮﯨﻨﻰ ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﻰ ﻳﺎﺧﺸﯩﻼﺷﻘﺎ ﻫﻪﻳﺪﻩﻛﭽﯩﻠﯩﻚ ﻗﯩﻠﯩﺶ ﻫﻪﻗﻘﯩﺪﯨﻜﻰ ﺑﯧﺴﯩﻤﻐﺎ ﺋﯘﭼﺮﯨﻤﺎﻗﺘﺎ. ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﺑﯘ ﺗﻮﻏﺮﯨﺴﯩﺪﺍ ﭘﺮﯦﺰﯨﺪﯦﻨﺖ ﺑﯘﺷﻘﺎ ﺧﻪﺕ ﻳﺎﺯﺩﻯ ﯞﻩ ﺋﺎﻗﺴﺎﺭﺍﻱ ﺋﺎﻟﺪﯨﺪﺍ ﻳﯩﻐﯩﻠﯩﺶ ﺋﯚﺗﻜﯜﺯﺩﻯ.

ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ، ﺋﺎﻣﯧﺮﯨﻜﺎ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ، ﺧﻪﻟﻘﺌﺎﺭﺍ ﺗﯩﺒﻪﺕ ﻫﻪﺭﯨﻜﯩﺘﻰ، ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﻗﺎﺗﺎﺭﻟﯩﻘﻼﺭ ﺩﯛﺷﻪﻧﺒﻪ ﻛﯜﻧﻰ ﺋﺎﻗﺴﺎﺭﺍﻱ ﺋﺎﻟﺪﯨﺪﺍ ﻳﯩﻐﯩﻠﯩﺶ ﺋﯚﺗﻜﯜﺯﯛﭖ، ﺋﺎﻗﺴﺎﺭﺍﻳﻨﻰ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﮕﻪ ﺩﯨﻘﻘﻪﺕ ﻗﯩﻠﯩﺶ، ﭘﺮﯦﺰﯨﺪﯦﻨﺖ ﺑﯘﺷﻨﻰ ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﻰ ﺗﻪﻧﻘﯩﺪﻟﻪﺷﻜﻪ ﭼﺎﻗﯩﺮﺩﻯ ﯞﻩ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﯞﺍﺷﯩﻨﮕﺘﻮﻥ ﺋﯩﺸﺨﺎﻧﯩﺴﯩﻨﯩﯔ ﻣﻪﺳﺌﯘﻟﻰ ﺕ. ﻛﯘﻣﺎﺭ ﻣﻪﺯﻛﯘﺭ ﺗﻪﺷﻜﯩﻼﺗﻨﯩﯔ ﺭﻩﻫﺒﯩﺮﻯ ﻻﺭﯨﻲ ﻛﻮﻛﺴﻨﯩﯔ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﯩﻐﺎ ﻳﺎﺯﻏﺎﻥ ﺑﯘ ﻫﻪﻗﺘﯩﻜﻰ ﺧﯧﺘﯩﻨﻰ ﺋﺎﻗﺴﺎﺭﺍﻱ ﺩﺍﺋﯩﺮﯨﻠﯩﺮﯨﮕﻪ ﺗﺎﭘﺸﯘﺭﺩﻯ.

ﺋﻮﻟﯩﻤﭙﯩﻚ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﯩﯔ ﺋﺎﺳﺎﺳﯩﻲ ﺋﻪﺭﻛﯩﻨﻠﯩﻜﯩﻨﻰ ﻗﻮﻏﺪﺍﺵ ﭘﯘﺭﺳﯩﺘﻰ

2008 - ﻳﯩﻠﻰ 11 - ﻓﯧﯟﺭﺍﻝ ﻛﯜﻧﻰ، ﺧﻪﻟﯩﻘﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ، ﺋﺎﻕ ﺳﺎﺭﺍﻱ ﺋﺎﻟﺪﯨﺪﺍ، ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﺵ ﺋﺎﻟﺪﯨﺪﺍ، ﺋﯩﻨﺴﺎﻥ ﻫﻮﻗﯘﻗﻠﯩﺮﯨﻨﻰ ﻫﯚﺭﻣﻪﺕ ﻗﯩﻠﯩﺸﯩﻨﻰ ﺳﻮﺭﺍﭖ ﻧﺎﻣﺎﻳﯩﺶ ﺋﯧﻠﯩﭗ ﺑﺎﺭﺩﻯ. AFP Photo

ﺷﺎﯞﻗﯘﻥ ﺳﯜﺭﻩﻧﺴﯩﺰ، ﺗﻪﺭﺗﯩﭙﻠﯩﻚ ﺋﯚﺗﻜﯜﺯﯛﻟﮕﻪﻥ ﺋﺎﻗﺴﺎﺭﺍﻱ ﺋﺎﻟﺪﯨﺪﯨﻜﻰ ﻳﯩﻐﯩﻠﯩﺶ ﺟﻪﺭﻳﺎﻧﯩﺪﺍ ﻧﺎﻣﺎﻳﯩﺸﭽﯩﻼﺭ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ " ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﻮﻏﺪﯨﻐﯘﭼﯩﻼﺭﻧﻰ" ﺋﺎﺯﺍﺕ ﻗﯩﻠﯩﺶ، ﻫﯚﻛﯜﻣﻪﺗﻨﯩﯔ ﺋﯩﻨﺘﯧﺮﻧﯧﺖ ﭼﻪﻛﻠﯩﻤﯩﺴﯩﻨﻰ ﺑﯩﻜﺎﺭ ﻗﯩﻠﯩﺶ، ﻣﻪﻫﺒﯘﺳﻼﺭﻧﻰ ﺋﺎﺩﯨﻼﻧﻪ ﺳﻮﺗﻼﺵ، ﺋﯚﻟﯜﻡ ﺟﺎﺯﺍﺳﯩﻨﻰ ﺑﯩﻜﺎﺭ ﻗﯩﻠﯩﺸﻘﺎ ﭼﺎﻗﯩﺮﯨﺪﯨﻐﺎﻥ ﺷﯘﺋﺎﺭﻻﺭﻧﻰ ﺗﻮﯞﻟﯩﺪﻯ.

ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻨﯩﯔ ﺋﯩﺠﺮﺍﺋﯩﻴﻪ ﻣﯘﺩﯨﺮﻯ ﻻﺭﯨﻲ ﻛﻮﻛﺲ ﺧﯧﺘﯩﺪﻩ ﭘﺮﯦﺰﯨﺪﯦﻨﺖ ﺑﯘﺷﺘﯩﻦ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﻗﺎﺗﻨﺎﺷﺴﺎ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﻛﯚﺭﯛﺵ ﺑﯩﻠﻪﻥ ﭼﻪﻛﻠﯩﻨﯩﭙﻼ ﻗﺎﻟﻤﺎﻱ، ﺧﯩﺘﺎﻱ ﺭﻩﻫﺒﻪﺭﻟﯩﺮﯨﮕﻪ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺵ ﺗﻮﻏﺮﯨﺴﯩﺪﺍ ﺑﯧﺴﯩﻢ ﺋﯩﺸﻠﯩﺘﯩﺸﯩﻨﻰ ﺗﻪﻟﻪﭖ ﻗﯩﻠﯩﭗ، ﺑﯘﺷﻨﯩﯔ ﺋﻮﻟﯩﻤﭙﯩﻚ ﺳﻪﭘﯩﺮﻯ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﺎﺳﺎﺱ ﻗﯩﻠﯩﺸﯩﻨﻰ،"ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﻫﺎﺭﭘﯩﺴﻰ ﯞﻩ ﺋﻮﻟﯩﻤﭙﯩﻚ ﺳﻪﭘﯩﺮﯨﻨﯩﯔ ﻣﻪﻗﺴﯩﺪﻯ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻣﻪﺭﻛﻪﺯ ﻗﯩﻠﯩﺸﯩﻨﻰ" ﺗﻪﻛﯩﺘﻠﯩﮕﻪﻥ. ﻛﻮﻛﺲ ﺧﯧﺘﯩﺪﻩ ﻳﻪﻧﻪ " ﻣﻪﻥ ﺳﯩﺰﻧﻰ ﺧﯩﺘﺎﻱ ﺭﻩﻫﺒﻪﺭﻟﯩﺮﯨﮕﻪ ﻧﯚﯞﻩﺗﺘﯩﻜﻰ ﻛﯩﺸﯩﻠﯩﻚ ﻫﻮﻗﯘﻕ ﯞﻩﺯﯨﻴﯩﺘﯩﻨﻰ ﺋﯚﺯﮔﻪﺭﺗﯩﺶ ﻛﯧﺮﻩﻛﻠﯩﻜﻰ، ﺋﻮﻟﯩﻤﭙﯩﻚ ﻫﻪﺭ ﺑﯩﺮ ﺧﯩﺘﺎﻱ ﭘﯘﻗﺮﺍﺳﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻰ ﯞﻩ ﺋﺎﺳﺎﺳﯩﻲ ﺋﻪﺭﻛﯩﻨﻠﯩﻜﯩﻨﻰ ﻗﻮﻏﺪﺍﺷﻨﯩﯔ ﭘﯘﺭﺳﯩﺘﻰ ﺋﯩﻜﻪﻧﻠﯩﻜﻰ ﺗﻮﻏﺮﯨﺴﯩﺪﺍ ﻛﯜﭼﻠﯜﻙ ﺑﯩﺸﺎﺭﻩﺕ ﺑﯧﺮﯨﺸﻜﻪ ﭼﺎﻗﯩﺮﯨﻤﻪﻥ " ﺩﻩﭖ ﻳﺎﺯﯨﺪﯗ.

ﺧﯩﺘﺎﻱ ﭘﯘﻗﺮﺍﻻﺭﻧﯩﯔ ﻧﯧﮕﯩﺰﻟﯩﻚ ﺋﯩﺠﺘﯩﻤﺎﺋﯩﻲ ﯞﻩ ﺋﯩﻘﺘﯩﺴﺎﺩﻯ ﻫﻮﻗﯘﻗﯩﻐﺎ ﻛﯚﺯ ﻳﯘﻣﺪﻯ

ﺕ. ﻛﯘﻣﺎﺭ ﺋﺎﻗﺴﺎﺭﺍﻱ ﺋﺎﻟﺪﯨﺪﯨﻜﻰ ﻳﯩﻐﯩﻠﯩﺶ ﺋﺎﺭﯨﺴﯩﺪﺍ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻨﯩﯔ ﺋﯩﺠﺮﺍﺋﯩﻴﻪ ﻣﯘﺩﯨﺮﻯ ﻻﺭﯨﻲ ﻛﻮﻛﺴﻨﯩﯔ ﺧﯧﺘﯩﻨﻰ ﺋﻮﻗﯩﺪﻯ. ﺕ. ﻛﯘﻣﺎﺭ، ﺋﺎﻗﺴﺎﺭﺍﻱ ﺋﺎﻟﺪﯨﺪﯨﻜﻰ ﻧﺎﻣﺎﻳﯩﺸﭽﯩﻼﺭﻏﺎ ﺳﯚﺯﻟﯩﮕﻪﻥ ﺳﯚﺯﯨﺪﻩ "ﺑﯩﺰﻧﯩﯔ ﺑﯜﮔﯜﻥ ﺑﯘ ﻳﻪﺭﮔﻪ ﻳﯩﻐﯩﻠﯩﺸﯩﻤﯩﺰﺩﯨﻜﻰ ﺳﻪﯞﻩﺏ، ﭼﯜﻧﻜﻰ ﭘﺮﯦﺰﯨﺪﯦﻨﺖ ﺑﯘﺵ ﺧﯩﺘﺎﻳﻐﺎ ﺑﯧﺮﯨﭗ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﻗﺎﺗﻨﺎﺷﻤﺎﻗﭽﻰ" ﺩﻩﭖ ﺧﯩﺘﺎﺏ ﻗﯩﻠﺪﻯ. ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﺪﯨﻜﻰ ﻻﺭﯨﻲ ﻛﻮﻛﺲ ﺧﯧﺘﯩﺪﻩ ﻣﯘﻧﺪﺍﻕ ﺩﻩﻳﺪﯗ،"ﺧﯩﺘﺎﻱ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺧﯩﺘﺎﻳﻨﯩﯔ ﺋﯩﺠﺘﯩﻤﺎﺋﯩﻲ ﯞﻩ ﺋﯩﻘﺘﯩﺴﺎﺩﻯ ﺗﻪﺭﻩﻗﻘﯩﻴﺎﺗﯩﻨﻰ ﻛﯚﺯ - ﻛﯚﺯ ﻗﯩﻠﯩﺪﯨﻐﺎﻥ ﻗﻮﺭﺍﻟﻐﺎ ﺋﺎﻳﻼﻧﺪﯗﺭﯗﯞﺍﻟﺪﻯ، ﺋﻪﻣﻤﺎ ﺑﯘ ﺟﻪﺭﻳﺎﻧﺪﺍ ﭘﯘﻗﺮﺍﻻﺭﻧﯩﯔ ﻧﯧﮕﯩﺰﻟﯩﻚ ﺋﯩﺠﺘﯩﻤﺎﺋﯩﻲ ﯞﻩ ﺋﯩﻘﺘﯩﺴﺎﺩﻯ ﻫﻮﻗﯘﻗﯩﻐﺎ ﻛﯚﺯ ﻳﯘﻣﯘﻟﺪﻯ" ﻫﻪﻣﺪﻩ "ﻣﯩﯖﻠﯩﻐﺎﻥ ﺋﺎﺋﯩﻠﯩﻠﻪﺭ ﻳﻮﻟﺴﯩﺰ ﻫﺎﻟﺪﺍ ﺋﯚﻱ - ﻣﺎﻛﺎﻧﯩﺪﯨﻦ ﻛﯚﭼﯜﺭﯛﻟﺪﻯ ﯞﻩ ﺋﯘﻻﺭ ﺭﺍﺯﻯ ﻗﯩﻠﯩﻨﻤﯩﺪﻯ. ﺗﯩﻨﭻ ﺋﯘﺳﯘﻟﺪﺍ ﻗﺎﺭﺷﯩﻼﺷﻘﯘﭼﯩﻼﺭ ﺑﻮﻟﺴﺎ ﺗﯘﺗﻘﯘﻥ ﻗﯩﻠﯩﻨﺪﻯ ﻳﺎﻛﻰ ﺗﯜﺭﻣﯩﮕﻪ ﺗﺎﺷﻼﻧﺪﻯ. ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻳﻪﻧﻪ ﻣﯘﺧﺒﯩﺮﻻﺭ، ﺋﺎﺩﯞﻭﻛﺎﺗﻼﺭ ﯞﻩ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﻮﻏﺪﯨﻐﯘﭼﯩﻼﺭﻧﻰ ﻗﻮﻟﻐﺎ ﺋﺎﻟﺪﻯ."

ﺑﯘﺵ ﺋﻮﻟﯩﻤﭙﯩﻚ ﺳﻪﭘﯩﺮﯨﺪﻩ ﺧﯩﺘﺎﻳﻐﺎ ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻗﻰ ﻣﻪﺳﯩﻠﯩﺴﯩﻨﻰ ﺧﺎﺗﯩﺮﯨﻠﯩﺘﯩﺸﻰ ﻛﯧﺮﻩﻙ

ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻨﯩﯔ ﺧﯧﺘﯩﺪﻩ ﻳﻪﻧﻪ، ﭘﺮﯦﺰﯨﺪﯦﻨﺖ ﺑﯘﺷﻨﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺩﯨﻨﯩﻲ ﯞﻩ ﺳﯩﻴﺎﺳﯩﻲ ﺯﯨﻴﺎﻧﻜﻪﺷﻠﯩﻜﯩﮕﻪ ﺋﯘﭼﺮﺍﯞﺍﺗﻘﺎﻥ "ﻣﯩﯖﻠﯩﻐﺎﻥ" ﺧﯩﺘﺎﻱ ﭘﯘﻗﺮﺍﻟﯩﺮﯨﻨﯩﯔ ﺟﯜﻣﻠﯩﺪﯨﻦ ﺧﺮﯨﺴﺘﯩﺌﺎﻧﻼﺭ، ﺗﯩﺒﻪﺗﻠﯩﻚ ﺑﯘﺩﺩﯨﺴﺘﻼﺭ، ﻣﯘﺳﯘﻟﻤﺎﻧﻼﺭ ﯞﻩ ﻓﺎﻟﯘﻧﮕﻮﯕﭽﯩﻼﺭﻧﯩﯔ ﺋﻪﻫﯟﺍﻟﯩﻐﺎ ﻛﯚﯕﯜﻝ ﺑﯚﻟﯜﺷﻜﻪ ﭼﺎﻗﯩﺮﯨﺪﯗ. ﻣﻪﺭﻛﯩﺰﻯ ﯞﺍﺷﯩﻨﮕﺘﻮﻧﺪﯨﻜﻰ ﺋﺎﻣﯧﺮﯨﻜﺎ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺸﻨﻰ ﺗﻪﺷﻜﯩﻠﻠﯩﮕﻪﻥ ﺋﻮﺭﮔﺎﻧﻼﺭﻧﯩﯔ ﺑﯩﺮﻯ ﺑﻮﻟﯘﭖ، ﻣﻪﺯﻛﯘﺭ ﺗﻪﺷﻜﯩﻼﺗﻨﯩﯔ ﺑﺎﺵ ﻛﺎﺗﯩﭙﻰ ﺋﺎﻟﯩﻢ ﺳﯧﻴﯩﺘﻮﻑ ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﻰ ﺳﻪﭘﯩﺮﯨﺪﻩ ﺧﯩﺘﺎﻱ ﺑﺎﺷﻠﯩﻘﻠﯩﺮﯨﻐﺎ ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻗﻰ ﻣﻪﺳﯩﻠﯩﺴﯩﻨﻰ ﺧﺎﺗﯩﺮﯨﻠﯩﺘﯩﺸﯩﻨﻰ ﺋﯜﻣﯩﺪ ﻗﯩﻠﺪﻯ.

ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﺋﯩﺠﺮﺍﺋﯩﻴﻪ ﻣﯘﺩﯨﺮﻯ ﻻﺭﯨﻲ ﻛﻮﻛﺴﻨﯩﯔ ﺧﯧﺘﯩﺪﻩ ﻳﻪﻧﻪ،ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﺗﺎﻻﺷﻘﺎﻧﺪﺍ ﺑﻪﺭﮔﻪﻥ ﯞﻩﺩﯨﺴﯩﺪﻩ ﺗﯘﺭﻣﯩﻐﺎﻧﻠﯩﻘﯩﻨﻰ، ﺑﻮﻟﯘﭘﻤﯘ ﺋﻮﻟﯩﻤﭙﯩﻚ ﺟﻪﺭﻳﺎﻧﯩﺪﺍ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺵ ﻫﻪﻗﻘﯩﺪﯨﻜﻰ ﯞﻩﺩﯨﺴﯩﺪﻩ ﺗﯘﺭﻣﯩﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ، ﺑﯘﺷﻨﯩﯔ ﺑﯘ ﺳﻪﭘﯩﺮﯨﺪﻩ ﺧﯩﺘﺎﻱ ﺭﻩﻫﺒﻪﺭﻟﯩﺮﯨﻨﻰ ﺋﯚﺯ ﺧﻪﻟﻘﯩﻐﻪ ﺗﯘﺗﻘﺎﻥ ﺧﺎﺗﺎ ﻣﯘﺋﺎﻣﯩﻠﯩﺴﻰ، ﺳﯩﻴﺎﺳﯩﺘﻰ ﯞﻩ ﻫﻪﺭﯨﻜﯩﺘﯩﻨﻰ ﻗﻪﺗﺌﯩﻲ ﺋﯚﺯﮔﻪﺭﺗﯩﺶ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺵ ﯞﻩﺩﯨﺴﯩﺪﻩ ﺗﯘﺭﯗﺵ ﺗﻮﻏﺮﯨﺴﯩﺪﺍ ﺋﺎﮔﺎﻫﻼﻧﺪﯗﺭﯗﺷﯩﻨﻰ ﺗﻪﻟﻪﭖ ﻗﯩﻠﺪﻯ. ﺋﺎﻣﯧﺮﯨﻜﺎ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﺪﯨﻜﻰ ﺋﺎﻟﯩﻢ ﺳﯧﻴﯩﺘﻮﻓﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﺎﻗﺴﺎﺭﺍﻳﺪﯨﻜﻰ ﺋﻪﻣﻪﻟﺪﺍﺭﻻﺭ ﺑﯘﺷﻨﯩﯔ ﺋﻮﻟﯩﻤﭙﯩﻚ ﺳﻪﭘﯩﺮﻯ ﻫﻪﺭﮔﯩﺰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﻛﯚﺭﯛﺵ ﺋﯜﭼﯜﻧﻼ ﺋﻮﺭﯗﻧﻼﺷﺘﯘﺭﯗﻟﻤﺎﻳﺪﯨﻐﺎﻧﻠﯩﻘﯩﻨﻰ، ﻛﯩﺸﯩﻠﯩﻚ ﻫﻮﻗﯘﻗﻰ ﻣﻪﺳﯩﻠﯩﺴﻰ ﺋﯘﻧﯩﯔ ﻛﯜﻧﺘﻪﺭﺗﯩﭙﯩﺪﻩ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺋﯘﻳﻐﯘﺭ ﺋﯩﻠﻰ ﺳﯩﻴﺎﺳﯩﻲ ﻣﻪﻫﺒﯘﺳﻼﺭ ﺋﯚﻟﯜﻡ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﯩﯟﺍﺗﻘﺎﻥ ﺑﯩﺮﺩﯨﻦ - ﺑﯩﺮ ﺟﺎﻱ

ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﺗﯚﯞﻩﻧﺪﯨﻜﻰ ﺑﯩﺮ ﻗﺎﻧﭽﻪ ﻣﻪﺳﯩﻠﯩﻠﻪﺭﺩﻩ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻗﻪﺩﻩﻡ ﺑﯧﺴﯩﺸﯩﻐﺎ ﺗﯜﺭﺗﻜﻪ ﺑﻮﻟﯘﺷﯩﻨﻰ ﺗﻪﻟﻪﭖ ﻗﯩﻠﺪﻯ. ﺑﯘ ﻣﻪﺳﯩﻠﯩﻠﻪﺭ 1. ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﻮﻏﺪﯨﻐﯘﭼﯩﻼﺭﻧﻰ ﻗﻮﻟﻐﺎ ﺋﯧﻠﯩﺶ، ﺗﻪﻥ ﺟﺎﺯﺍﺳﻰ ﺑﯧﺮﯨﺶ، ﺯﯨﻴﺎﻧﻜﻪﺷﻠﯩﻚ ﻗﯩﻠﯩﺶ ﯞﻩ ﺟﺎﺯﺍﻻﺷﻨﻰ ﺗﻮﺧﺘﯩﺘﯩﺶ، 2. ﻣﯘﺧﺒﯩﺮﻻﺭﻧﯩﯔ ﺋﻪﺭﻛﯩﻦ ﺧﻪﯞﻩﺭ ﺑﯧﺮﯨﺸﯩﮕﻪ ﺭﯗﺧﺴﻪﺕ ﻗﯩﻠﯩﺶ، ﻳﻮﻝ ﻗﻮﻳﯘﺵ، 3. " ﺋﻪﻣﮕﻪﻙ ﺑﯩﻠﻪﻥ ﺋﯚﺯﮔﻪﺭﺗﯩﺶ ﺗﯜﺯﯛﻣﯩﻨﻰ" ﺑﯩﻜﺎﺭ ﻗﯩﻠﯩﺶ، 4. ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﯩﺪﯨﻐﺎﻥ ﺟﯩﻨﺎﻳﻪﺕ ﺗﯜﺭﻟﯩﺮﯨﻨﻰ ﻛﯧﻤﻪﻳﺘﯩﭗ، ﻣﻪﻫﺒﯘﺳﻼﺭﻏﺎ ﺋﺎﺩﯨﻼﻧﻪ ﻫﯚﻛﯜﻡ ﭼﯩﻘﯩﺮﯨﺶ ﻗﺎﺗﺎﺭﻟﯩﻘﻼﺭ. ﺋﺎﻣﯧﺮﯨﻜﺎ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﻣﻪﻫﺒﯘﺳﻼﺭﻏﺎ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﺶ ﻣﻪﺳﯩﻠﯩﺴﯩﮕﻪ ﺋﺎﻻﻫﯩﺪﻩ ﺟﯩﺪﺩﯨﻲ ﻣﻪﺳﯩﻠﻪ ﺳﯜﭘﯩﺘﯩﺪﻩ ﻗﺎﺭﯨﻤﺎﻗﺘﺎ. ﻣﻪﺯﻛﯘﺭ ﺗﻪﺷﻜﯩﻼﺗﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﯘﻳﻐﯘﺭ ﺋﯩﻠﻰ ﺳﯩﻴﺎﺳﯩﻲ ﻣﻪﻫﺒﯘﺳﻼﺭ ﺋﯚﻟﯜﻡ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﯩﯟﺍﺗﻘﺎﻥ ﺑﯩﺮﺩﯨﻦ - ﺑﯩﺮ ﺟﺎﻱ ﺑﻮﻟﯘﭘﻼ ﻗﺎﻟﻤﺎﻱ، ﺳﯩﻴﺎﺳﯩﻲ ﻣﻪﻫﺒﯘﺳﻼﺭﻧﻰ ﺳﻮﺗﻼﺵ ﯞﻩ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﺶ ﺟﻪﺭﻳﺎﻧﻰ ﻣﻪﺧﭙﯩﻲ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺭﺍﻳﻮﻧﺪﯗﺭ. (ﺋﻪﺭﻛﯩﻦ)