ﻣﻪﺯﻛﯘﺭ ﻛﻮﻣﯩﺘﯧﺖ ﺑﯘ ﻗﯧﺘﯩﻢ ﺗﯩﺒﻪﺕ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﯨﻨﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻟﺨﺎﺳﺎﺩﺍ ﻳﻪﺗﻜﯜﺯﯛﺵ ﻣﯘﺭﺍﺳﯩﻤﯩﺪﺍ ﺳﯚﺯﻟﯩﮕﻪﻥ ﻧﯘﺗﯩﻘﻰ ﺗﯜﭘﻪﻳﻠﻰ ﺧﯩﺘﺎﻳﻨﻰ ﺳﯩﻴﺎﺳﻪﺕ ﺑﯩﻠﻪﻥ ﺗﻪﻧﺘﻪﺭﺑﯩﻴﯩﻨﻰ ﺋﺎﺭﯨﻼﺷﺘﯘﺭﯗﯞﻩﺗﻤﻪﺳﻠﯩﻚ ﺗﻮﻏﺮﯨﺴﯩﺪﺍ ﺋﺎﮔﺎﻫﻼﻧﺪﯗﺭﺩﻯ.

ﺑﯧﻴﺠﯩﯔ ﻫﯚﻛﯜﻣﯩﺘﻰ ﻛﯩﺸﯩﻠﯩﻚ ﻫﻮﻗﯘﻕ ﺋﻮﺭﮔﺎﻧﻠﯩﺮﯨﻨﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﻰ ﻣﻪﺯﮔﯩﻠﯩﺪﻩ ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﻰ ﻳﺎﺧﺸﯩﻼﺵ، ﻣﻪﺗﺒﯘﺋﺎﺕ ﺋﻪﺭﻛﯩﻨﻠﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﻫﻪﻗﻘﯩﺪﯨﻜﻰ ﺗﻪﻟﻪﭘﻠﻪﺭﻧﻰ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﺳﯩﻴﺎﺳﯩﻴﻼﺷﺘﯘﺭﻏﺎﻧﻠﯩﻘﺘﯘﺭ، ﺩﻩﭖ ﺭﻩﺕ ﻗﯩﻠﻤﺎﻗﺘﺎ ﺋﯩﺪﻯ. ﻟﯧﻜﯩﻦ ﺑﯘ ﻗﯧﺘﯩﻢ ﺧﯩﺘﺎﻳﻨﯩﯔ ﺋﯚﺯﻯ ﺗﻪﻧﺘﻪﺭﺑﯩﻴﻪ ﺑﯩﻠﻪﻥ ﺳﯩﻴﺎﺳﻪﺗﻨﻰ ﺋﺎﺭﯨﻼﺷﺘﯘﺭﯗﯞﻩﺗﻜﻪﻧﻠﯩﻚ ﺑﯩﻠﻪﻥ ﺋﺎﮔﺎﻫﻼﻧﺪﯗﺭﯗﻟﺪﻯ.

ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﭼﺎﺭﺷﻪﻧﺒﻪ ﻛﯜﻧﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺗﻪﻧﺘﻪﺭﺑﯩﻴﻪ ﺑﯩﻠﻪﻥ ﺳﯩﻴﺎﺳﻪﺗﻨﻰ ﺋﺎﺭﯨﻼﺷﺘﯘﺭﯗﯞﯦﺘﯩﺸﻨﻰ ﺗﻮﺧﺘﯩﺘﯩﺶ ﺗﻮﻏﺮﯨﺴﯩﺪﺍ ﺋﺎﮔﺎﻫﻼﻧﺪﯗﺭﯗﭖ، ﺗﯩﺒﻪﺕ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﻜﻮﻣﯩﻨﯩﯔ ﺳﯧﻜﺮﯨﺘﺎﺭﻯ ﺟﺎﯓ ﭼﯩﯖﻠﯩﻨﯩﯔ 21 ‏ - ﺋﯩﻴﯘﻥ ﻛﯜﻧﻰ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﻟﺨﺎﺳﺎﺩﺍ ﻳﻪﺗﻜﯜﺯﯛﻟﮕﻪﻧﺪﻩ ﺳﯚﺯﻟﯩﮕﻪﻥ ﻧﯘﺗﯩﻘﯩﻨﻰ ﺗﻪﻧﻘﯩﺪ ﻗﯩﻠﺪﻯ. ﻣﻪﺯﻛﯘﺭ ﻛﻮﻣﯩﺘﯧﺖ ﭼﺎﺭﺷﻪﻧﺒﻪ ﻛﯜﻧﻰ ﺋﯧﻼﻥ ﻗﯩﻠﻐﺎﻥ ﺑﯘ ﻫﻪﻗﺘﯩﻜﻰ ﺑﺎﻳﺎﻧﺎﺗﯩﺪﺍ " ﺗﯩﺒﻪﺗﺘﯩﻜﻰ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﯩﻨﯩﯔ ﻳﯧﭙﯩﻠﯩﺶ ﻣﯘﺭﺍﺳﯩﻤﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺳﯩﻴﺎﺳﯩﻲ ﻧﯘﺗﯘﻗﻼﺭ ﺥ ﺋﻮ ﻙ ﻧﻰ ﺋﻪﭘﺴﯘﺳﻼﻧﺪﯗﺭﺩﻯ " ﺩﻩﭖ ﺗﻪﻛﯩﺘﻠﯩﮕﻪﻥ. ﺟﺎﯓ ﭼﯩﯖﻠﯩﻨﯩﯔ ﻧﯘﺗﯩﻘﻰ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﻰ ﺗﻪﺷﻜﯩﻠﻰ ﻛﻮﻣﯩﺘﯧﺘﯩﻨﻰ ﺋﺎﮔﺎﻫﻼﻧﺪﯗﺭﯗﺷﻰ، ﺑﯘ ﺗﯜﺭﺩﯨﻜﻰ ﯞﻩﻗﻪﻟﻪﺭﻧﯩﯔ ﺗﻪﻛﺮﺍﺭ ﻳﯜﺯ ﺑﻪﺭﻣﻪﺳﻠﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﯩﺸﯩﻐﺎ ﺳﻪﯞﻩﺏ ﺑﻮﻟﺪﻯ.

" ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺋﺎﮔﺎﻫﻼﻧﺪﯗﺭﻏﺎﻧﻠﯩﻘﻰ ﺗﻮﻏﺮﺍ "

ﺗﻪﻧﺘﻪﺭﺑﯩﻴﻪ ﺑﯩﻠﻪﻥ ﺳﯩﻴﺎﺳﻪﺗﻨﻰ ﺋﺎﻳﺮﯨﺶ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺋﯜﺯﻟﯜﻛﺴﯩﺰ ﺗﻪﻛﯩﺘﻠﻪﯞﺍﺗﻘﺎﻥ ﭘﺮﯨﻨﺴﯩﭙﻠﯩﺮﯨﻨﯩﯔ ﺑﯩﺮﯨﺪﯗﺭ. ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺭﻩﺋﯩﺴﻰ ﺟﻪﻛﺲ ﺭﻭﮔﯥ ﺋﯩﻠﮕﯩﺮﻯ ﻣﻪﺯﻛﯘﺭ ﺋﻮﺭﮔﺎﻧﻨﯩﯔ ﺗﯩﺒﻪﺗﺘﯩﻜﻰ ﻗﺎﻻﻳﻤﯩﻘﺎﻧﭽﯩﻠﯩﻖ ﯞﻩ ﺑﺎﺷﻘﺎ ﺳﯩﻴﺎﺳﯩﻲ ﻣﻪﺳﯩﻠﯩﻠﻪﺭﺩﻩ ﺧﯩﺘﺎﻳﻐﺎ ﺑﯧﺴﯩﻢ ﺋﯩﺸﻠﻪﺗﻤﻪﻳﺪﯨﻐﺎﻧﻠﯩﻘﯩﻨﻰ، ﭼﯜﻧﻜﻰ ﺗﯩﺒﻪﺕ " ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﺋﺎﺭﯨﻼﺷﺴﺎ ﺑﻮﻟﻤﺎﻳﺪﯨﻐﺎﻥ ﺳﯩﻴﺎﺳﯩﻲ ﻣﻪﺳﯩﻠﻪ" ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﺟﺎﯓ ﭼﯩﯖﻠﯩﻨﯩﯔ ﺳﯩﻴﺎﺳﯩﻲ ﻧﯘﺗﯩﻘﻰ ﺗﯜﭘﻪﻳﻠﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﺎﮔﺎﻫﻼﻧﺪﯗﺭﯗﻟﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ، ﺑﺎﻳﺎﻧﺎﺗﯩﺪﺍ ﻳﻪﻧﻪ " ﺑﯩﺰﻧﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﻰ ﺗﻪﺷﻜﯩﻠﻰ ﻛﻮﻣﯩﺘﯧﺘﯩﻐﺎ ﻳﺎﺯﻏﺎﻥ ﺧﯧﺘﯩﻤﯩﺰﺩﻩ ﺗﻪﻧﺘﻪﺭﺑﯩﻴﻪ ﺑﯩﻠﻪﻥ ﺳﯩﻴﺎﺳﻪﺗﻨﻰ ﺋﺎﻳﺮﯨﺸﻨﯩﯔ ﺯﯙﺭﯛﺭﻟﯜﻛﻰ ﺷﯘﻧﺪﺍﻗﻼ ﺑﯘ ﺋﻪﻫﯟﺍﻟﻨﯩﯔ ﺗﻪﻛﺮﺍﺭ ﻳﯜﺯ ﺑﻪﺭﻣﻪﺳﻠﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﻛﯧﺮﻩﻛﻠﯩﻜﻰ ﺗﻪﻛﯩﺘﻠﻪﻧﺪﻯ" ﺩﻩﻳﺪﯗ.

ﺑﯘ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ 1 ‏ - ﻗﯧﺘﯩﻢ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺋﺎﺷﻜﺎﺭﺍ ﺋﺎﮔﺎﻫﻼﻧﺪﯗﺭﯗﺷﻰ ﻫﻪﻡ ﯞﻩﻗﻪﻧﻰ ﺗﻪﻛﺸﯜﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﺷﯩﺪﯗﺭ. ﺋﺎﻣﯧﺮﯨﻜﯩﺪﯨﻜﻰ ﺧﯩﺘﺎﻱ ﺯﯨﻴﺎﻟﯩﺴﻰ ﻓﺎﯓ ﺟﯚﻱ ﺋﻪﭘﻪﻧﺪﻯ، ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺋﺎﮔﺎﻫﻼﻧﺪﯗﺭﻏﺎﻧﻠﯩﻘﻰ ﺗﻮﻏﺮﺍ، ﺩﻩﭖ ﻗﺎﺭﺍﻳﺪﯨﻐﺎﻥ ﯞﻩﺯﯨﻴﻪﺕ ﻣﯘﻻﻫﯩﺰﯨﭽﯩﻠﯩﺮﯨﻨﯩﯔ ﺑﯩﺮﻯ ﺑﻮﻟﯘﭖ، ﺋﯘ ﺭﺍﺩﯨﺌﻮﻣﯩﺰﻏﺎ ﺑﻪﺭﮔﻪﻥ ﺑﯘ ﻫﻪﻗﺘﯩﻜﻰ ﻣﯘﻻﻫﯩﺰﯨﺴﯩﺪﻩ ﺟﺎﯓ ﭼﯩﯖﻠﯩﻨﻰ ﻣﻪﺩﻩﻧﯩﻴﻪﺕ ﺋﯩﻨﻘﯩﻼﺑﻰ ﺋﯩﺴﺘﯩﻠﯩﺪﯨﻜﻰ "ﺳﻮﻟﭽﻰ ﺋﻪﻣﻪﻟﺪﺍﺭ " ﺩﻩﭖ ﺗﻪﻧﻘﯩﺪ ﻗﯩﻠﺪﻯ. ﺋﯘ ﻣﯘﻧﺪﺍﻕ ﺩﻩﻳﺪﯗ، "ﻣﻪﻥ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺟﯘﯕﮕﻮ ﺩﺍﺋﯩﺮﯨﻠﯩﺮﯨﻨﻰ، ﺗﯩﺒﻪﺕ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﺟﺎﯓ ﭼﯩﯖﻠﯩﻨﻰ ﺗﻪﻧﻘﯩﺪ ﻗﯩﻠﻐﺎﻧﻠﯩﻘﻰ ﻧﺎﻫﺎﻳﯩﺘﻰ ﺗﻮﻏﺮﺍ ﺑﻮﻟﺪﻯ، ﺩﻩﭖ ﻗﺎﺭﺍﻳﻤﻪﻥ. ﺟﺎﯓ ﭼﯩﯖﻠﻰ ﻧﺎﻫﺎﻳﯩﺘﻰ ﺳﻮﻟﭽﻰ ﺟﯘﯕﮕﻮ ﻛﻮﻣﭙﺎﺭﺗﯩﻴﻪ ﺋﻪﻣﻪﻟﺪﺍﺭﻯ، ﺋﯘ ﻣﻪﺩﻩﻧﯩﻴﻪﺕ ﺋﯩﻨﻘﯩﻼﺑﻰ ﺩﻩﯞﺭﯨﺪﻩ ﺋﯚﺳﻜﻪﻥ. ﺋﯩﺴﻼﻫﺎﺕ - ﺋﯧﭽﯩﯟﯦﺘﯩﺶ، ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺗﻪﻧﺘﻪﺭﺑﯩﻴﻪ ﺋﯚﻟﭽﯩﻤﻰ، ﺩﯦﮕﻪﻧﻠﻪﺭﻧﻰ ﻳﺎﺧﺸﻰ ﺑﯩﻠﻤﻪﻳﺪﯗ. ﺋﯘ ﻣﻪﺩﻩﻧﯩﻴﻪﺕ ﺋﯩﻨﻘﯩﻼﺑﯩﺪﯨﻜﻰ ﺳﯚﺯﻟﻪﺭ ﺑﯩﻠﻪﻥ ﺩﺍﻻﻱ ﻻﻣﺎﻧﻰ ﺗﻪﻧﻘﯩﺪ ﻗﯩﻠﻤﺎﺳﻠﯩﻘﻰ ﻛﯧﺮﻩﻙ. ﺑﯘ ﻳﻪﺭﺩﻩ ﻣﻪﻥ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺋﺎﮔﺎﻫﻼﻧﺪﯗﺭﯗﺷﻨﻰ ﺗﻪﻗﺪﯨﺮﻟﻪﺷﻜﻪ ﺋﻪﺭﺯﯨﻴﺪﯗ، ﺩﻩﭖ ﻗﺎﺭﺍﻳﻤﻪﻥ".

" ﺋﯘ ﺧﯘ ﺟﯩﻨﺘﺎﯞﻧﯩﯔ ﻣﯩﻠﻠﯩﻲ، ﺩﯨﻨﯩﻲ ﺳﺎﻫﻪﺩﯨﻜﻰ ﭼﯧﻜﯩﺪﯨﻦ ﺋﺎﺷﻘﺎﻥ ﺳﯩﻴﺎﺳﯩﺘﯩﻨﯩﯔ ﺋﯩﺠﺮﺍﭼﯩﺴﻰ "

ﺟﺎﯓ ﭼﯩﯖﻠﻰ ﻟﺨﺎﺳﺎﺩﯨﻜﻰ ﺑﻮﺩﺍﻻ ﺳﺎﺭﯨﻴﯩﻨﯩﯔ ﺋﺎﻟﺪﯨﺪﺍ ﺋﯚﺗﻜﯜﺯﯛﻟﮕﻪﻥ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﯩﻨﯩﯔ ﻳﯧﭙﯩﻠﯩﺶ ﻣﯘﺭﺍﺳﯩﻤﯩﺪﺍ " ﺗﯩﺒﻪﺕ ﺋﺎﺳﻤﯩﻨﯩﺪﺍ ﻫﻪﺭﮔﯩﺰ ﺋﯚﺯﮔﯩﺮﯨﺶ ﺑﻮﻟﻤﺎﻳﺪﯗ. ﺑﻪﺵ ﻳﯘﻟﺘﯘﺯﻟﯘﻕ ﻗﯩﺰﯨﻞ ﺑﺎﻳﺮﺍﻕ ﺗﯩﺒﻪﺕ ﺋﺎﺳﻤﯩﻨﯩﺪﺍ ﻣﻪﯕﮕﯜ ﻟﻪﭘﯩﻠﺪﻩﻳﺪﯗ.....ﺑﯩﺰﻧﯩﯔ ﺩﺍﻻﻱ ﻻﻣﺎ ﮔﯘﺭﯗﻫﯩﻨﯩﯔ ﺳﯘﻳﯩﻘﻪﺳﺘﯩﻨﻰ ﻣﻪﻏﻠﯘﭖ ﻗﯩﻠﯩﺸﻘﺎ ﭘﯜﺗﯜﻧﻠﻪﻱ ﻛﯜﭼﯩﻤﯩﺰ ﻳﯧﺘﯩﺪﯗ " ﺩﻩﭖ ﺗﻪﻛﯩﺘﻠﯩﮕﻪﻥ ﺋﯩﺪﻯ. ﺟﺎﯓ ﭼﯩﯖﻠﻰ 2006 ‏ - ﻳﯩﻠﻐﺎ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﭘﺎﺭﺗﻜﻮﻣﻨﯩﯔ ﺩﺍﺋﯩﻤﯩﻲ ﻣﯘﺋﺎﯞﯨﻦ ﺳﯧﻜﺮﯨﺘﺎﺭﻯ، ﺭﺍﻳﻮﻧﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ، ﺷﯩﻨﺠﺎﯓ ﺑﯩﯖﺘﯘﻩﻧﯩﻨﯩﯔ ﺑﺎﺵ ﻗﻮﻣﺎﻧﺪﺍﻧﻰ ﻗﺎﺗﺎﺭﻟﯩﻖ ﯞﻩﺯﯨﭙﯩﻠﻪﺭﻧﻰ ﺋﯚﺗﯩﮕﻪﻥ. ﺋﯘ، ﺷﯘ ﻳﯩﻠﻰ ﺋﯚﻛﺘﻪﺑﯩﺮﺩﻩ ﺗﯩﺒﻪﺕ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﻜﻮﻣﯩﻨﯩﯔ ﺳﯧﻜﺮﯨﺘﺎﺭﻟﯩﻘﯩﻐﺎ ﻳﯚﺗﻜﻪﻟﮕﻪﻥ ﺋﯩﺪﻯ. ﻓﺎﯓ ﺟﯚﻱ، ﺟﺎﯓ ﭼﯩﯖﻠﯩﻨﯩﯔ ﺭﺍﻳﻮﻧﯩﺪﺍ ﻳﯜﺭﮔﯜﺯﮔﻪﻥ ﺳﯩﻴﺎﺳﯩﺘﻰ ﺋﯘﻧﯩﯔ ﺋﺎﺭﻗﺎ ﻛﯚﺭﯛﻧﯜﺷﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ، ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

 ﺟﺎﯓ ﭼﯩﯖﻠﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﺑﯩﯖﺘﯘﻩﻥ ﻗﻮﻣﺎﻧﺪﺍﻧﻰ، ﭘﺎﺭﺗﻜﻮﻣﯩﻨﯩﯔ ﻣﯘﺋﺎﯞﯨﻦ ﺳﯧﻜﺮﯨﺘﺎﺭﻯ ﯞﻩ ﻫﯚﻛﯜﻣﻪﺗﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﺷﯘﻧﺪﺍﻗﻼ ﺗﯩﺒﻪﺗﻜﻪ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﺑﻮﻟﯘﭖ ﺋﯚﺳﯜﺷﯩﺪﻩ ﺧﯘ ﺟﯩﻨﺘﺎﯞﻧﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ ﻓﺎﯓ ﺟﯚﻱ، " ﺟﺎﯓ ﭼﯩﯖﻠﯩﻨﯩﯔ ﻣﻪﺩﻩﻧﯩﻴﻪﺕ ﺋﯩﻨﻘﯩﻼﺑﯩﺪﯨﻜﻰ ﭼﯧﻜﯩﺪﯨﻦ ﺋﺎﺷﻘﺎﻥ ﺳﻮﻟﭽﻰ ﺋﯩﺒﺎﺭﯨﻠﻪﺭ ﺑﯩﻠﻪﻥ ﺩﺍﻻﻱ ﻻﻣﺎﻧﻰ ﺗﻪﻧﻘﯩﺪ ﻗﯩﻠﯩﺸﻰ ﺗﯩﺒﻪﺗﻜﻪ ﻛﻪﻟﮕﻪﻧﺪﯨﻦ ﻛﯧﻴﯩﻦ ﺑﺎﺷﻼﻧﻐﺎﻥ ﺋﻪﻣﻪﺱ. ﺋﯘ ﺷﯩﻨﺠﺎﯕﺪﯨﻜﻰ ﻣﻪﺯﮔﯩﻠﯩﺪﻩ ﺋﯘﻳﻐﯘﺭﻻﺭﻧﻰ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﯩﻚ ﺑﯩﻠﻪﻥ ﺋﻪﻳﯩﺒﻠﻪﻳﺪﯨﻐﺎﻥ ﺳﯚﺯﻟﻪﺭﻧﻰ ﻛﯚﭖ ﺗﻪﻛﯩﺘﻠﻪﻳﺪﯨﻐﺎﻥ ﻛﻮﻧﺴﯧﺮﯞﺍﺗﯩﭗ ﺋﻪﻣﻪﻟﺪﺍﺭ ﺋﯩﺪﻯ. ﺋﯘﻧﯩﯔ ﺷﯩﺰﺍﯓ ﯞﻩ ﺷﯩﻨﺠﺎﯕﺪﯨﻜﻰ ﭼﯧﻜﯩﺪﯨﻦ ﺋﺎﺷﻘﺎﻥ ﺳﻮﻟﭽﻰ ﺳﯩﻴﺎﺳﯩﺘﻰ ﺧﯘ ﺟﯩﻨﺘﺎﯞﻧﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﻜﻪﻥ. ﺋﯘ ﻳﺎﻟﻐﯘﺯ ﺋﻪﻣﻪﺱ، ﺋﯘ ﺧﯘ ﺟﯩﻨﺘﺎﯞﻧﯩﯔ ﻣﯩﻠﻠﯩﻲ، ﺩﯨﻨﯩﻲ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﺳﺎﻫﻪﺳﯩﺪﯨﻜﻰ ﭼﯧﻜﯩﺪﯨﻦ ﺋﺎﺷﻘﺎﻥ ﺳﯩﻴﺎﺳﯩﺘﯩﻨﯩﯔ ﺋﯩﺠﺮﺍﭼﯩﺴﻰ ﺧﺎﻻﺱ. ﺋﯘ ﻳﺎﻟﻐﯘﺯ ﺋﻪﻣﻪﺱ، ﺋﯘ ﺧﯘ ﺟﯩﻨﺘﺎﯞﻧﯩﯔ ﻳﺎﺷﻼﺭ ﺋﯩﺘﺘﯩﭙﺎﻗﻰ ﮔﯘﺭﯗﻫﯩﺪﯨﻜﻰ ﺋﺎﺩﻩﻡ" ﺩﻩﭖ ﻛﯚﺭﺳﻪﺗﺘﻰ.

" ﺋﯘﻻﺭ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﻣﯩﻠﻠﯩﻲ ﻏﯘﺭﯗﺭ ﻣﻪﺳﯩﻠﯩﺴﻰ ﺑﯩﻠﻪﻥ ﺑﯩﺮﻟﻪﺷﺘﯜﺭﯛﯞﺍﻟﺪﻯ "

ﺭﻭﻳﺘﯧﺮﺱ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﻟﺨﺎﺳﺎﺩﯨﻜﻰ ﻣﯘﺭﺍﺳﯩﻤﺪﺍ ﺩﺍﻻﻱ ﻻﻣﺎﻧﻰ ﺗﻪﻧﻘﯩﺪ ﻗﯩﻠﻐﺎﻥ ﻛﻮﻣﭙﺎﺭﺗﯩﻴﻪ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﺟﺎﯓ ﭼﯩﯖﻠﻰ ﺑﯩﻠﻪﻥ ﭼﻪﻛﻠﻪﻧﻤﻪﻳﺪﯨﻐﺎﻧﻠﯩﻘﯩﻨﻰ، ﻟﺨﺎﺳﺎ ﺷﻪﻫﻪﺭﻟﯩﻚ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﭼﯩﻦ ﻳﯩﺠﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﯨﻜﻰ ﻧﯘﺗﯘﻗﯩﺪﺍ ﺩﺍﻻﻱ ﻻﻣﺎﻧﻰ ﺗﻪﻧﻘﯩﺪ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﭼﯩﻦ ﻳﯩﺠﻰ" ﺩﺍﻻﻱ ﮔﯘﺭﯗﻫﯩﻨﯩﯔ ﺳﯜﻳﯩﻘﻪﺳﺘﻰ" ﻧﻰ ﻳﯩﻤﯩﺮﯨﭗ ﺗﺎﺷﻼﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﺋﺎﻣﯧﺮﯨﻜﯩﺪﯨﻜﻰ ﻣﯘﻻﻫﯩﺰﯨﭽﻰ ﻓﺎﯓ ﺟﯚﻱ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﻣﯩﻠﻠﻪﺗﻨﯩﯔ " ﻏﻮﺭﯗﺭﻯ" ﻣﻪﺳﯩﻠﯩﺴﯩﮕﻪ ﺋﺎﻳﻼﻧﺪﯗﺭﯗﯞﺍﻟﻐﺎﻧﻠﯩﻘﯩﻨﻰ ﺗﻪﻧﻘﯩﺪ ﻗﯩﻠﺪﻯ. ﺋﯘ،" ﺑﯩﺮ ﻗﯩﺴﯩﻢ ﭘﯘﻗﺮﺍﻻﺭ ﻛﻮﻣﭙﺎﺭﺗﯩﻴﯩﻨﯩﯔ ﻣﯩﻠﻠﻪﺗﭽﯩﻠﯩﻜﻨﻰ ﻗﯘﺗﺮﯨﺘﯩﭗ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﮔﻪ ﺯﻩﺭﺑﻪ ﺑﯧﺮﯨﺶ ﺳﯩﻴﺎﺳﯩﺘﯩﻨﯩﯔ ﻗﺎﻳﻤﯘﻗﺘﯘﺭﯗﺷﯩﻐﺎ ﺋﯘﭼﺮﯨﺪﻯ. ﺋﯘﻻﺭ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﻣﯩﻠﻠﯩﻲ ﻏﯘﺭﯗﺭ ﻣﻪﺳﯩﻠﯩﺴﻰ ﺑﯩﻠﻪﻥ ﺑﯩﺮﻟﻪﺷﺘﯜﺭﯛﯞﺍﻟﺪﻯ. ﺋﻮﻟﯩﻤﭙﯩﻚ ﺑﯩﺮ ﺧﻪﻟﻘﺌﺎﺭﺍ ﺋﺎﻣﻤﯩﯟﻯ ﭘﺎﺋﺎﻟﯩﻴﻪﺕ، ﺋﯘ ﻫﯚﻛﯜﻣﻪﺕ ﺧﺎﺭﺍﻛﺘﯧﺮﻟﯩﻚ ﻳﺎﻛﻰ ﺏ ﺩ ﺕ ﻧﯩﯔ ﭘﺎﺋﺎﻟﯩﻴﯩﺘﻰ ﺋﻪﻣﻪﺱ. ﺋﯘﻧﯩﯔ ﻏﺎﻳﯩﺴﻰ ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﻰ، ﺩﯗﻧﻴﺎ ﺧﻪﻟﻘﯩﻨﯩﯔ ﺋﯚﺯ ‏ - ﺋﺎﺭﺍ ﭼﯜﺷﯩﻨﯩﺶ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﯩﻠﮕﯩﺮﻯ ﺳﯜﺭﯛﺵ ﺑﻮﻟﯘﭖ، ﻗﺎﻧﺪﺍﻗﺘﯘﺭ ﻣﻪﻟﯘﻡ ﺑﯩﺮ ﺩﯙﻟﻪﺗﻨﯩﯔ ﻗﯘﺩﺭﯨﺘﻰ، ﻣﻪﻟﯘﻡ ﺑﯩﺮ ﻣﯩﻠﻠﻪﺗﻨﯩﯔ ﻏﯘﺭﯗﺭﯨﻨﻰ ﻧﺎﻣﺎﻳﻪﻥ ﻗﯩﻠﯩﺶ ﺋﻪﻣﻪﺱ،" ﺩﻩﻳﺪﯗ.

ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﺋﯩﻠﮕﯩﺮﻯ ﺧﯩﺘﺎﻳﻐﺎ ﺗﯩﺒﻪﺗﺘﯩﻜﻰ ﺯﯨﻴﺎﻧﻜﻪﺷﻠﯩﻜﻨﻰ ﺗﻮﺧﺘﯩﺘﯩﺶ ﺗﻮﻏﺮﯨﺴﯩﺪﺍ ﺑﯧﺴﯩﻢ ﺋﯩﺸﻠﯩﺘﯩﺶ ﻫﻪﻗﻘﯩﺪﯨﻜﻰ ﺗﻪﻟﻪﭘﻠﻪﺭﻧﻰ ﺭﻩﺕ ﻗﯩﻠﯩﭙﻼ ﻗﺎﻟﻤﺎﻱ، ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻠﯩﺮﯨﻨﻰ ﺋﯩﻤﻜﺎﻥ ﺑﺎﺭ ﺳﯩﻴﺎﺳﯩﻴﻼﺷﺘﯘﺭﻣﺎﺳﻠﯩﻘﻘﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﺋﯜﭼﯜﻥ ﺗﯩﺮﯨﺸﻤﺎﻗﺘﺎ ﺋﯩﺪﻯ.