ﻫﻪﺭﺑﯩﻲ ﻣﺎﻧﯧﯟﯨﺮ ﯞﻩ ﺋﻮﻟﯩﻤﭙﯩﻚ ﺑﯩﻠﻪﻥ ﺋﯘﻳﻐﯘﺭﻻﺭﻧﯩﯔ ﻣﯘﻧﺎﺳﯩﯟﯨﺘﻰ

• ﻣﯘﺧﺒﯩﺮﯨﻤﯩﺰ ﺋﻪﻛﺮﻩﻣﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﻳﯩﻞ 4 - ﺋﺎﻱ ﺋﯩﭽﯩﺪﻩ 2008 - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻣﻪﺧﭙﯩﻲ ﻫﯚﺟﺠﻪﺕ ﺗﺎﺭﻗﯩﺘﯩﭗ، ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺭﻩﺋﯩﺴﻠﯩﻜﯩﺪﯨﻜﻰ ﺩ ﺋﯘ ﻕ ﻧﯩﯔ ﺗﻮﻗﻘﯘﺯ ﻧﻪﭘﻪﺭ ﺭﻩﻫﺒﯩﺮﻯ ﺧﺎﺩﯨﻤﻠﯩﺮﯨﻨﻰ ﻧﺎﺯﺍﺭﻩﺕ ﻗﯩﻠﯩﺶ ﺑﯘﻳﺮﯗﻗﻰ ﭼﯩﻘﺎﺭﻏﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺧﻪﯞﻩﺭ ﺋﺎﺷﻜﺎﺭﯨﻼﻧﻐﺎﻧﺪﯨﻦ ﻛﯧﻴﯩﻦ، ﺧﻪﻟﻘﺌﺎﺭﺍﺩﺍ ﻫﻪﺭ ﺧﯩﻞ ﺋﯩﻨﻜﺎﺳﻼﺭ ﭘﻪﻳﺪﺍ ﺑﻮﻟﻐﺎﻥ ﺋﯩﺪﻯ.

ﺧﯩﺘﺎﻳﻨﯩﯔ ﺑﯘ ﻫﯚﺟﺠﯩﺘﯩﮕﻪ ﻗﺎﺭﯨﺘﺎ ﺩ ﺋﯘ ﻕ ﺭﻩﻫﺒﻪﺭﻟﯩﺮﻯ؛ "ﺧﯩﺘﺎﻱ ﻫﯚﻛﯜﻣﯩﺘﻰ 2008 - ﻳﯩﻠﻰ ﻳﯜﺯ ﺑﯧﺮﯨﺶ ﺋﯧﻬﺘﯩﻤﺎﻟﻰ ﺑﻮﻟﻐﺎﻥ ﺗﯧﺮﺭﻭﺭﻟﯘﻕ ﯞﻩﻗﻪﻟﯩﺮﯨﻨﻰ ﺩ ﺋﯘ ﻕ ﻏﺎ ﺋﺎﺭﺗﻤﺎﻗﭽﻰ" ﺩﻩﭖ ﺋﯩﭙﺎﺩﻩ ﺑﯩﻠﺪﯛﺭﮔﻪﻥ ﺋﯩﺪﻯ. ﺑﯘ ﻳﯩﻞ 5 - ﺋﺎﻳﺪﺍ ﮔﻮﻟﻼﻧﺪﯨﻴﯩﺪﻩ ﭼﺎﻗﯩﺮﯨﻠﻐﺎﻥ ﺩ ﺋﯘ ﻕ ﻧﯩﯔ 1 - ﻧﯚﯞﻩﺗﻠﯩﻚ ﺋﯩﺠﺮﺍﺋﯩﻴﻪ ﻛﻮﻣﯩﺘﯧﺘﻰ ﻳﯩﻐﯩﻨﯩﺪﺍ "2008 - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﻗﺎﺭﺷﻰ ﻛﻮﻣﯩﺘﯧﺖ" ﻗﯘﺭﯗﭖ ﭼﯩﻘﯩﻠﻐﺎﻧﺪﯨﻦ ﻛﯧﻴﯩﻦ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺩ ﺋﯘ ﻕ ﻏﺎ ﺑﻮﻟﻐﺎﻥ ﺋﻪﻧﺪﯨﺸﯩﺴﻰ ﺗﯧﺨﯩﻤﯘ ﻛﯜﭼﯩﻴﯩﭗ ﻛﻪﺗﻜﻪﻥ.

ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻳﯩﻞ 8 - ﺋﺎﻳﻨﯩﯔ 8 - ﻛﯜﻧﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﺑﯩﺮ ﻳﯩﻞ ﻗﺎﻟﻐﺎﻥ ﺧﺎﺗﯩﺮﻩ ﻛﯜﻧﻨﻰ ﻗﯘﺗﻠﯘﻗﻼﺷﺘﯩﻦ ﺋﯩﻠﮕﯩﺮﻯ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺑﺎﺷﻠﯩﻘﻠﯩﺮﯨﺪﯨﻦ ﯞﺍﯓ ﻟﯧﭽﯜﺋﻪﻥ ﯞﻩ ﻧﯘﺭ ﺑﻪﻛﺮﯨﻠﻪﺭ ﻳﯩﻐﯩﻦ ﭼﺎﻗﯩﺮﯨﭗ، ﺗﯧﺮﺭﻭﺭﭼﯩﻼﺭﻏﺎ، ﻣﯩﻠﻠﯩﻲ ﺑﯚﻟﮕﯜﻧﭽﯩﻠﻪﺭﮔﻪ ﯞﻩ ﺭﺍﺩﯨﻜﺎﻝ ﺩﯨﻨﯩﻲ ﻛﯜﭼﻠﻪﺭﮔﻪ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺸﻨﻰ ﻗﺎﻳﺘﺎ - ﻗﺎﻳﺘﺎ ﺗﻪﻛﯩﺘﻠﯩﮕﻪﻥ. ﺋﺎﺭﻗﯩﺪﯨﻨﻼ ﺑﯧﻴﺠﯩﯖﺪﺍ 8 - ﺋﺎﻳﻨﯩﯔ 7 - ﻛﯜﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﯨﻐﺎ ﺯﻩﺭﺑﻪ ﺑﯧﺮﯨﺸﻨﻰ ﻧﯩﺸﺎﻥ ﻗﯩﻠﻐﺎﻥ ﻣﺎﻧﯧﯟﯨﺮ ﺋﯧﻠﯩﭗ ﺑﯧﺮﯨﻠﻐﺎﻥ. ﺑﯘﻧﯩﯖﻐﺎ ﺋﯘﻻﭘﻼ 8 - ﺋﺎﻳﻨﯩﯔ 9 - ﻛﯜﻧﻰ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ ﺑﯩﺮﻟﻪﺷﻤﻪ ﻣﺎﻧﯧﯟﯨﺮ ﺑﺎﺷﻼﻧﺪﻯ. ﺑﯘ ﻣﺎﻧﯧﯟﯨﺮﻧﯩﯔ ﺗﯜﭖ ﻣﻪﻗﺴﯩﺘﯩﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﯩﻠﻐﺎﻧﻠﯩﻘﻰ ﺩﯗﻧﻴﺎ ﺳﯩﻴﺎﺳﯩﻲ ﺋﺎﻧﺎﻟﯩﺰﭼﯩﻠﯩﺮﻯ ﺗﻪﺭﯨﭙﯩﺪﯨﻦ ﺑﯩﺮﺩﻩﻙ ﺋﯧﺘﯩﺮﺍﭖ ﻗﯩﻠﯩﻨﺪﻯ.

ﺩ ﺋﯘ ﻕ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯦﺸﯩﺖ ﺋﻪﭘﻪﻧﺪﻯ ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭ ﺋﯜﺳﺘﯩﺪﯨﻦ ﻳﻪﻧﻪ ﺑﯩﺮ ﻗﯧﺘﯩﻢ ﻗﺎﻧﻠﯩﻖ ﺑﺎﺳﺘﯘﺭﯗﺵ ﺋﯧﻠﯩﭗ ﺑﯧﺮﯨﺸﻘﺎ ﺋﺎﺳﺎﺱ ﻫﺎﺯﯨﺮﻻﯞﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ ﺋﯚﺗﺘﻰ.

ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﯞﻩ ﻫﻪﺭﺑﯩﻲ ﻣﺎﻧﯧﯟﯨﺮﻧﯩﯔ ﺋﯘﻳﻐﯘﺭﻻﺭ ﺑﯩﻠﻪﻥ ﺯﺍﺩﻯ ﻧﯧﻤﻪ ﻣﯘﻧﺎﺳﯩﯟﯨﺘﻰ ﺑﺎﺭ؟ ﺑﯘ ﻣﻪﺳﯩﻠﻪ ﻫﻪﻗﻘﯩﺪﻩ ﺩ ﺋﯘ ﻕ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯦﺸﯩﺖ ﺋﻪﭘﻪﻧﺪﻯ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺑﯘ ﻫﻪﺭﯨﻜﻪﺗﻠﻪﺭﻧﯩﯔ ﺋﯘﻳﻐﯘﺭﻻﺭﻧﯩﯔ ﺳﯩﻴﺎﺳﯩﻲ ﺗﻪﻗﺪﯨﺮﻯ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ. (ﺋﻪﻛﺮﻩﻡ)