ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺵ ﻫﻪﺭﯨﻜﯩﺘﻰ ﻗﺎﺭﺷﯩﻠﯩﻘﻼﺭﻏﺎ ﺩﯗﭺ ﻛﻪﻟﻤﻪﻛﺘﻪ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

2008- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﻣﻪﺷﺌﯩﻠﯩﮕﻪ 24- ﻣﺎﺭﺕ ﮔﺮﯦﺘﺴﯩﻴﯩﻨﯩﯔ ﺋﻮﻟﯩﻤﭙﯩﻴﻪ ﺗﯧﻐﯩﺪﺍ ﺋﻮﺕ ﺗﯘﺗﺎﺷﺘﯘﺭﯗﻟﯘﭖ ﻣﻪﺯﻛﯘﺭ ﻣﻪﺷﺌﻪﻟﻨﻰ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﯩﻤﯘ ﺑﺎﺷﻠﯩﻨﯩﭗ ﺋﺎﺭﯨﺪﯨﻦ 4 ﻛﯜﻥ ﺋﯚﺗﺘﻰ. ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﻰ ﺑﺎﻳﻘﯘﺕ ﻗﯩﻠﯩﺶ، ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﺪﯨﻜﻰ ﺋﯧﻐﯩﺮ ﻧﯘﻗﺴﺎﻧﻼﺭ ﯞﻩ ﺧﯩﺘﺎﻱ 14- ﻣﺎﺭﺗﺘﯩﻦ ﺑﯘﻳﺎﻥ ﺗﯩﺒﻪﺗﺘﻪ ﺋﯧﻠﯩﭗ ﺑﺎﺭﻏﺎﻥ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﮕﻪ ﺋﯧﺘﯩﺮﺍﺯ ﺑﯩﻠﺪﯛﺭﯛﺵ ﻫﻪﺭﯨﻜﯩﺘﻰ، ﺋﻮﻟﯩﻤﭙﯩﻴﻪ ﺷﻪﻫﯩﺮﯨﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﮕﻪ ﺋﻮﺕ ﻳﯧﻘﯩﺶ ﻣﯘﺭﺍﺳﯩﻤﻰ ﻣﻪﻳﺪﺍﻧﯩﺪﯨﻼ ﺑﺎﺷﻼﻧﻐﺎﻥ ﻫﻪﻣﺪﻩ ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﺋﻪﺯﺍﻟﯩﺮﻯ ﺋﻮﻟﯩﻤﭙﯩﻚ ﻫﺎﻟﻘﯩﺴﯩﻨﯩﯔ ﺋﻮﺭﻧﯩﻐﺎ ﺑﻪﺵ ﺩﺍﻧﻪ ﻛﻮﻳﺰﺍ ﺳﯜﺭﯨﺘﻰ ﭼﯜﺷﯜﺭﯛﻟﮕﻪﻥ ﻗﺎﺭﺍ ﺑﺎﻳﺮﺍﻗﻨﻰ ﻟﻪﭘﯩﻠﺪﯨﺘﯩﭗ ﺑﯘ ﻣﯘﺭﺍﺳﯩﻤﻐﺎ ﺗﻮﺳﻘﯘﻧﻠﯘﻕ ﻗﯩﻠﻐﺎﻥ ﺋﯩﺪﻯ.

ﻧﺎﻣﺎﻳﯩﺸﭽﯩﻼﺭ "ﺧﯩﺘﺎﻱ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﮕﻪ ﺋﻪﺭﺯﯨﻤﻪﻳﺪﯗ"

ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﻫﻪﺭﯨﻜﯩﺘﻰ ﻣﻪﺯﻛﯘﺭ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﯩﮕﻪ ﺋﻪﮔﯩﺸﯩﭗ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﺑﻮﻟﯘﭖ، ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﺪﺍ ﻛﯚﺭﺳﯩﺘﯩﺸﯩﭽﻪ، ﺷﯘ ﺟﺎﻱ ﯞﺍﻗﺘﻰ 27- ﻣﺎﺭﺕ ﭘﻪﻳﺸﻪﻧﺒﻪ ﻛﯜﻧﻰ ﭼﯜﺷﺘﯩﻦ ﻛﯧﻴﯩﻦ ﻣﻪﺷﺌﻪﻝ ﮔﺮﯦﺘﺴﯩﻴﯩﻨﯩﯔ ﺳﺎﻟﻮﻧﯩﻜﺎ ﺷﻪﻫﯩﺮﯨﮕﻪ ﻳﯧﺘﯩﭗ ﻛﻪﻟﮕﻪﻧﺪﻩ ﺑﯘ ﭘﺎﺋﺎﻟﯩﻴﻪﺕ ﺗﯩﺒﻪﺗﻨﻰ ﻗﻮﻟﻠﯩﻐﯘﭼﻰ ﻧﺎﻣﺎﻳﯩﺸﭽﯩﻼﺭﻧﯩﯔ ﻗﺎﺭﺷﯩﻠﯩﻘﯩﻐﺎ ﺋﯘﭼﺮﯨﻐﺎﻥ.

ﻣﻪﻟﯘﻡ ﺑﻮﻟﯘﺷﯩﭽﻪ، ﻧﺎﻣﺎﻳﯩﺸﭽﯩﻼﺭﻧﯩﯔ ﻛﯚﭘﯩﻨﭽﯩﺴﻰ ﮔﺮﯦﺘﺴﯩﻴﯩﻠﯩﻜﻠﻪﺭ ﺋﯩﻜﻪﻥ. ﺋﯘﻻﺭ ﻗﻮﻟﻠﯩﺮﯨﺪﺍ "ﺧﯩﺘﺎﻱ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﮕﻪ ﺋﻪﺭﺯﯨﻤﻪﻳﺪﯗ" ﺩﯦﮕﻪﻥ ﺧﻪﺗﻠﻪﺭ ﻳﯧﺰﯨﻠﻐﺎﻥ ﻟﻮﺯﯗﻧﻜﯩﻼﺭﻧﻰ ﻛﯚﺗﯜﺭﯛﺷﯜﭖ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻥ. ﻧﺎﻣﺎﻳﯩﺸﭽﯩﻼﺭﻏﺎ 50 ﻛﻪ ﻳﯧﻘﯩﻦ ﺳﺎﻗﭽﻰ ﻛﯚﺯ ﺗﯩﻜﯩﭗ ﺗﯘﺭﻏﺎﻥ.

ﻣﻪﺷﺌﻪﻝ ﺋﺎﻣﯧﺮﯨﻜﯩﺪﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻠﻠﯩﺮﯨﻨﯩﯔ ﻗﺎﺗﺘﯩﻖ ﻗﺎﺭﺷﯩﻠﯩﻘﯩﻐﺎ ﺋﯘﭼﺮﯨﺸﻰ ﻣﯘﻣﻜﯩﻦ

ﻣﻪﺷﺌﻪﻝ 30 - ﻣﺎﺭﺕ ﻳﻪﻛﺸﻪﻧﺒﻪ ﻛﯜﻧﻰ 1896 - ﻳﯩﻠﻰ ﺗﯘﻧﺠﻰ ﻫﺎﺯﯨﺮﻗﻰ ﺯﺍﻣﺎﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺑﺎﺷﻼﻧﻐﺎﻥ ﭘﺎﻧﺎﺗﯧﻨﯩﺌﺎﻥ ﺗﻪﻧﺘﻪﺭﺑﯩﻴﻪ ﻣﻪﻳﺪﺍﻧﯩﺪﺍ ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﻟﯩﻤﭙﯩﻚ ﺋﯘﻳﯘﺷﺘﯘﺭﯗﺵ ﺋﻮﺭﮔﺎﻧﻠﯩﺮﯨﻨﯩﯔ ﻗﻮﻟﯩﻐﺎ ﺋﯚﺗﻜﯜﺯﯛﻟﯜﭖ ﺑﯧﺮﯨﻠﯩﺪﯨﻜﻪﻥ.

ﺋﺎﻟﺪﯨﻦ ﻣﯚﻟﭽﻪﺭﻟﯩﻨﯩﺸﯩﭽﻪ، ﺋﻮﻟﯩﻤﭙﯩﻚ ﻣﻪﺷﺌﯩﻠﻰ، 9- ﺋﺎﭘﺮﯦﻞ ﻛﯜﻧﻰ ﺋﺎﻣﯧﺮﯨﻜﺎ ﻗﻮﺷﻤﺎ ﺷﺘﺎﺗﻠﯩﺮﯨﻐﺎ ﻳﯧﺘﯩﭗ ﻛﯧﻠﯩﺪﯨﻐﺎﻥ ﺑﻮﻟﯘﭖ، ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ ﺑﺎﺷﻘﺎ ﻣﯘﻧﺎﺳﯩﯟﻩﺗﻠﯩﻚ ﺋﯘﭼﯘﺭﻻﺭﻏﺎ ﺋﺎﺳﺎﺳﻠﯩﻨﯩﭗ ﺧﻪﯞﻩﺭ ﻗﯩﻠﯩﺸﯩﭽﻪ، ﻣﻪﺷﺌﻪﻝ ﺋﺎﻣﯧﺮﯨﻜﯩﺪﯨﻜﻰ ﺑﯩﺮﺩﯨﻦ - ﺑﯩﺮ ﺗﻮﺧﺘﺎﭖ ﺋﯚﺗﯩﺪﯨﻐﺎﻥ ﺷﻪﻫﻪﺭ ﺳﺎﻧﻔﺮﺍﻧﺴﺴﻜﻮ ﺷﻪﻫﯩﺮﯨﮕﻪ ﻛﻪﻟﮕﻪﻧﺪﻩ، ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻠﻠﯩﺮﯨﻨﯩﯔ ﻗﺎﺗﺘﯩﻖ ﻗﺎﺭﺷﯩﻠﯩﻘﯩﻐﺎ ﺋﯘﭼﺮﯨﺸﻰ ﻣﯘﻣﻜﯩﻦ ﺋﯩﻜﻪﻥ.

ﺧﻪﯞﻩﺭﺩﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﻫﺎﺯﯨﺮ ﺑﯩﺮ ﻗﯩﺴﯩﻢ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﯩﯔ ﺋﺎﻣﯧﺮﯨﻜﯩﺪﺍ ﺗﻮﺧﺘﺎﭖ ﺋﯚﺗﯜﺷﯩﮕﻪ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯚﺯ ﺩﯙﻟﯩﺘﻰ ﺋﯩﭽﯩﺪﻩ ﻛﯩﺸﯩﻠﯩﻚ ﻫﻮﻗﯘﻗﻘﺎ ﺋﯧﺘﯩﺒﺎﺭ ﺑﻪﺭﻣﯩﮕﻪﻧﻨﻰ ﺋﺎﺯ ﺩﻩﭖ ﺑﺎﺷﻘﺎ ﺩﯙﻟﻪﺗﻠﻪﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻗﯩﻐﯩﻤﯘ ﭘﻪﺭﯞﺍ ﻗﯩﻠﻤﺎﻳﺪﯨﻐﺎﻥ ﻣﻪﺳﺌﯘﻟﯩﻴﻪﺗﺴﯩﺰ ﺳﯩﻴﺎﺳﯩﺘﯩﮕﻪ ﺋﯧﺘﯩﺮﺍﺯ ﺑﯩﻠﺪﯛﺭﯛﺵ ﺋﯜﭼﯜﻥ ﻧﺎﻣﺎﻳﯩﺶ ﺋﯚﺗﻜﯜﺯﯛﺷﻜﻪ ﺗﻪﻳﻴﺎﺭﻟﯩﻖ ﻛﯚﺭﯛﯞﺍﺗﻤﺎﻗﺘﺎ ﺋﯩﻜﻪﻥ.

" ﺧﯩﺘﺎﻱ ﻫﯚﻛﯜﻣﯩﺘﻰ ﺩﺍﺭﻓﯘﺭ ﺭﺍﻳﻮﻧﯩﺪﺍ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻖ ﺋﻮﺗﯩﻨﻰ ﻗﻪﺗﺌﯩﻲ ﺋﯚﭼﯜﺭﯛﺷﻰ ﻛﯧﺮﻩﻙ"

ﺧﻪﯞﻩﺭﺩﻩ ﺩﺍﺭﻓﯘﺭ ﺑﯩﺮﻟﯩﻚ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﯩﻨﯩﯔ ﺑﯩﺮ ﺑﺎﻳﺎﻧﺎﺗﭽﯩﺴﯩﻨﯩﯔ ﺋﯧﻴﺘﻘﺎﻧﻠﯩﺮﯨﻨﻰ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﻣﻪﺯﻛﯘﺭ ﺗﻪﺷﻜﯩﻼﺕ ﺋﺎﻣﯧﺮﯨﻜﯩﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﻛﻪﻟﮕﻪﻥ 1000ﺩﯨﻦ ﺋﺎﺭﺗﯘﻕ ﻛﯩﺸﯩﻨﻰ ﻫﻪﺭﯨﻜﻪﺗﻠﻪﻧﺪﯛﺭﯛﭖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺋﯚﺗﯩﺪﯨﻐﺎﻥ ﻟﯩﻨﯩﻴﻪ ﺋﯜﺳﺘﯩﺪﻩ ﻧﺎﻣﺎﻳﯩﺶ ﻗﯩﻠﯩﺶ ﺗﻪﻳﻴﺎﺭﻟﯩﻘﻰ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﻮﻟﯘﭖ، ﺋﯘﻻﺭ " ﺧﯩﺘﺎﻱ ﻫﯚﻛﯜﻣﯩﺘﻰ ﺩﺍﺭﻓﯘﺭ ﺭﺍﻳﻮﻧﯩﺪﺍ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻖ ﺋﻮﺗﯩﻨﻰ ﻗﻪﺗﺌﯩﻲ ﺋﯚﭼﯜﺭﯛﺷﻰ ﻛﯧﺮﻩﻙ" ﺩﯦﮕﻪﻥ ﺧﻪﺕ ﻳﯧﺰﯨﻠﻐﺎﻥ ﻟﻮﺯﯗﻧﻜﯩﻨﻰ ﻧﺎﻣﺎﻳﯩﺸﻘﺎ ﺋﯧﻠﯩﭗ ﭼﯩﻘﯩﺪﯨﻜﻪﻥ.

ﺧﻪﯞﻩﺭﺩﻩ ﺑﯩﻠﺪﯛﺭﯛﻟﯜﺷﯩﭽﻪ، ﮔﻪﺭﭼﻪ ﻛﯚﭘﻠﯩﮕﻪﻥ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺳﺎﻧﻔﺮﺍﻧﺴﺴﻜﻮ ﺷﻪﻫﻪﺭ ﻫﯚﻛﯜﻣﯩﺘﯩﮕﻪ ﻣﻪﺷﺌﻪﻟﻨﯩﯔ ﻣﻪﺯﻛﯘﺭ ﺷﻪﻫﻪﺭﺩﯨﻦ ﺋﯚﺗﯜﺵ ﻟﯩﻨﯩﻴﯩﺴﻰ ﻫﻪﻗﻘﯩﺪﻩ ﺋﻪﻫﯟﺍﻝ ﺋﯩﮕﯩﻠﻪﭖ ﻛﯚﭖ ﻗﯧﺘﯩﻢ ﺗﯧﻠﯧﻔﻮﻥ ﺋﯘﺭﻏﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺷﻪﻫﻪﺭ ﻫﯚﻛﯜﻣﯩﺘﻰ ﺑﯘ ﻫﻪﻗﺘﻪ ﺗﯧﺨﯩﭽﻪ ﺋﯧﻨﯩﻖ ﺑﯩﺮ ﺟﺎﯞﺍﺏ ﻗﺎﻳﺘﯘﺭﻣﯩﻐﺎﻥ ﺑﻮﻟﯘﭖ، ﺳﺎﻧﻔﺮﺍﻧﺴﺴﻜﻮ ﺷﻪﻫﯩﺮﯨﻨﯩﯔ ﺑﯘ ﻗﯩﻠﻤﯩﺸﻰ ﺋﺎﻣﯧﺮﯨﻜﺎ ﯞﻩ ﺧﻪﻟﻘﺌﺎﺭﺍﻧﯩﯔ ﺑﺎﺷﻘﺎ ﺟﺎﻳﻠﯩﺮﯨﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﯩﯔ ﻛﯜﭼﻠﯜﻙ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﯩﻐﺎﻥ.

"ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﯩﭽﻪ ﺳﻪﺯﮔﯜﺭ ﻣﻪﺳﯩﻠﯩﺪﯨﻦ ﺋﺎﺳﺎﻧﻠﯩﻘﭽﻪ ﺋﯚﺗﯜﭖ ﻛﯧﺘﯩﺸﻨﻰ ﺋﺎﺭﺯﯗ ﻗﯩﻠﻤﺎﺳﻠﯩﻘﻰ ﻛﯧﺮﻩﻙ"

ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺳﺎﻧﻔﺮﺍﻧﺴﺴﻜﻮﺩﯨﻜﻰ ﻧﺎﺭﺍﺯﯨﻠﯩﻖ ﻫﻪﺭﯨﻜﯩﺘﯩﻨﯩﯔ ﺗﻪﺳﯩﺮ ﺩﺍﺋﯩﺮﯨﺴﯩﻨﻰ ﻛﯩﭽﯩﻜﻠﯩﺘﯩﺶ ﺋﯘﭼﯘﻥ ﺋﺎﻟﺪﯨﻦ ﭘﯩﻼﻧﻼﻧﻐﺎﻥ 13 ﻛﯩﻠﻮﻣﯧﺘﯩﺮﻟﯩﻖ ﺋﻮﻟﯩﻤﭙﯩﻚ ﻳﻪﺗﻜﯜﺯﯛﺵ ﻣﯘﺳﺎﭘﯩﺴﯩﻨﻰ 10 ﻛﯩﻠﻮﻣﯧﺘﯩﺮﻏﺎ ﻗﯩﺴﻘﺎﺭﺗﻘﺎﻥ.

21ﻣﯩﯔ ﻧﻪﭘﻪﺭ ﺗﻪﻧﻬﻪﺭﯨﻜﻪﺗﭽﻰ ﻗﺎﺗﻨﯩﺸﯩﺪﯨﻐﺎﻥ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﻰ ﺧﯩﺘﺎﻳﻨﯩﯔ ﺑﯧﻴﺠﯩﯔ ﺷﻪﻫﯩﺮﯨﮕﻪ ﻳﻪﺗﻜﯩﭽﻪ 21 ﺩﯙﻟﻪﺗﺘﻪ ﻫﻪﻣﺪﻩ ﻣﯘﺷﯘ ﺩﯙﻟﻪﺗﻠﻪﺭﮔﻪ ﻗﺎﺭﺍﺷﻠﯩﻖ 134 ﺷﻪﻫﻪﺭﺩﻩ ﺗﻮﺧﺘﺎﭖ ﺋﯚﺗﯩﺪﯨﻐﺎﻥ ﺑﻮﻟﯘﭖ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﻰ ﺋﺎﻟﺪﯨﻤﯩﺰﺩﯨﻜﻰ ﺗﯚﺕ ﺋﺎﻱ ﺋﯩﭽﯩﺪﻩ ﻳﻪﻧﻪ ﺧﯩﺘﺎﻱ ﻫﯚﻛﯜﻣﯩﺘﻰ ﻛﯜﺗﻤﯩﮕﻪﻥ ﻧﺎﺭﺍﺯﯨﻠﯩﻖ ﯞﻩ ﺗﻮﺳﻘﯘﻧﻠﯘﻕ ﻫﻪﺭﯨﻜﻪﺗﻠﯩﺮﯨﮕﻪ ﺋﯘﭼﺮﯨﺸﻰ ﻣﯘﻣﻜﯩﻦ.

ﺑﺎﻟﺘﯩﻤﻮﺭ ﻗﯘﻳﺎﺷﻰ ﺧﻪﯞﻩﺭ ﺗﻮﺭﯨﺪﺍ، ﺑﯘ ﻗﯧﺘﯩﻤﻠﯩﻖ ﻣﻪﺷﺌﻪﻝ ﻳﻪﺗﻜﯜﺯﯛﺵ ﻫﻪﺭﯨﻜﯩﺘﯩﮕﻪ ﺑﻮﻟﻐﺎﻥ ﻗﺎﺭﺷﯩﻠﯩﻘﻼﺭﻧﯩﯔ ﻣﻪﺭﻛﯩﺰﻯ ﺋﯩﺪﯨﻴﯩﺴﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﻰ ﻳﺎﺧﺸﯩﻼﺷﻨﻰ ﺋﯩﺰﭼﯩﻞ ﺭﻩﺕ ﻗﯩﻠﯩﭗ ﻛﻪﻟﮕﻪﻧﻠﯩﻜﻰ ﺑﻮﻟﯩﺪﯨﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ ﻫﻪﻣﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﻪﺷﺌﻪﻝ ﻳﻪﺗﻜﯜﺯﯛﺵ ﻫﻪﺭﯨﻜﯩﺘﻰ ﺟﻪﺭﻳﺎﻧﯩﺪﺍ ﻛﯩﺸﯩﻠﯩﻚ ﻫﻮﻗﯘﻗﻨﻰ ﭼﯚﺭﯨﺪﯨﮕﻪﻥ ﻧﯘﺭﻏﯘﻥ ﻗﺎﺭﺷﯩﻠﯩﻘﻼﺭﻏﺎ ﺩﯗﭺ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﻠﯩﭗ: "ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﯩﭽﻪ ﺑﯘﻧﺪﺍﻕ ﺑﯩﺮ ﺳﻪﺯﮔﯜﺭ ﻣﻪﺳﯩﻠﯩﺪﯨﻦ ﺋﺎﺳﺎﻧﻠﯩﻘﭽﻪ ﺋﯚﺗﯜﭖ ﻛﯧﺘﯩﺸﻨﻰ ﺋﺎﺭﺯﯗ ﻗﯩﻠﻤﺎﺳﻠﯩﻘﻰ ﻛﯧﺮﻩﻙ" ﺩﯦﻴﯩﻠﮕﻪﻥ. (ﺟﯜﻣﻪ)