ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﯞﻩ ﺋﺎﻣﯧﺮﯨﻜﺎ ﺋﯘﻳﻐﯘﺭ ﺑﯩﺮﻟﻪﺷﻤﯩﺴﻰ ﺧﯩﺘﺎﻱ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﻣﻪﺧﭙﯩﻲ ﻫﯚﺟﺠﯩﺘﻰ ﻫﻪﻗﻘﯩﺪﻩ ﺋﯩﻨﻜﺎﺱ ﺑﯩﻠﺪﯛﺭﺩﻯ

• ﻣﯘﺧﺒﯩﺮﯨﻤﯩﺰ ﺋﻪﻗﯩﺪﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻣﻪﺗﺒﯘﺋﺎﺗﻼﺭﺩﺍ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ، ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﻣﻪﺯﮔﯩﻠﯩﺪﯨﻜﻰ ﯞﻩﺯﯨﻴﻪﺗﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﻛﺎﭘﺎﻟﻪﺕ ﻗﯩﻠﯩﺶ ﺋﯜﭼﯜﻥ، ﭼﯧﮕﺮﺍ ﺳﯩﺮﺗﯩﺪﺍ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﭽﯩﻼﺭﻏﺎ ﻗﺎﺭﺍﺗﻘﺎﻥ ﻧﺎﺯﺍﺭﻩﺗﭽﯩﻠﯩﻜﯩﻨﻰ ﺋﺎﻻﻫﯩﺪﻩ ﻛﯜﭼﻪﻳﺘﻜﻪﻧﻠﯩﻜﻰ ﺷﯘﻧﯩﯖﺪﻩﻙ 11 ﺗﯜﺭ ﺑﯘﻳﯩﭽﻪ 43 ﺧﯩﻞ ﺋﻮﺑﯩﻜﯩﺘﻨﻰ ﭼﯧﮕﺮﺍ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺩﯛﺷﻤﻪﻥ ﻛﯜﭼﻠﻪﺭ ﺩﻩﭖ ﻗﺎﺭﺍﭖ، ﺋﻮﻟﯩﻤﭙﯩﻜﺘﯩﻦ ﻗﻪﺗﺌﯩﻲ ﻳﯩﺮﺍﻕ ﺗﯘﺗﯘﺵ ﺗﻮﻏﺮﯨﺴﯩﺪﺍ ﻣﻪﺧﭙﯩﻲ ﻫﯚﺟﺠﻪﺕ ﭼﯜﺷﯜﺭﮔﻪﻧﻠﯩﻜﻰ ﺋﺎﺷﻜﺎﺭﯨﻼﻧﺪﻯ.

ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﻗﺎﺗﺎﺭﻟﯩﻖ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﺋﯚﺯ ﺋﯩﻨﻜﺎﺳﻠﯩﺮﯨﻨﻰ ﺑﯩﻠﺪﯛﺭﺩﻯ.

ﻣﻪﺗﺒﯘﺋﺎﺗﻼﺭﺩﺍ

ﺧﯩﺘﺎﻱ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻣﯩﻨﯩﺴﺘﯩﺮﻟﯩﻘﻰ، ﻫﻪﺭﻗﺎﻳﺴﻰ ﺋﯚﻟﻜﻪ، ﺋﺎﭘﺘﻮﻧﻮﻡ ﺭﺍﻳﻮﻥ ﯞﻩ ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﮕﻪ ﺑﯩﯟﺍﺳﺘﻪ ﻗﺎﺭﺍﺷﻠﯩﻖ ﺷﻪﻫﻪﺭﻟﻪﺭﻧﯩﯔ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﻠﯩﺮﻯ ﯞﻩ ﻧﺎﺯﺍﺭﻩﺗﻠﯩﺮﯨﮕﻪ 2008 ‏- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﺪﯨﻐﺎﻥ ﺧﺎﺩﯨﻤﻼﺭﻧﯩﯔ ﺋﺎﺭﻗﺎ ﻛﯚﺭﯨﻨﯩﺸﯩﻨﻰ ﻗﺎﺗﺘﯩﻖ ﺗﻪﻛﺸﯜﺭﯛﺵ ﻫﻪﻗﻘﯩﺪﻩ ﻣﻪﺧﭙﯩﻲ ﺋﯘﻗﺘﯘﺭﯗﺵ ﺗﺎﺭﻗﺎﺗﻘﺎﻥ ﯞﻩ ﺋﻮﻟﯩﻤﭙﯩﻚ ﺟﻪﺭﻳﺎﻧﯩﺪﺍ ﺗﻪﻛﺸﯜﺭﯛﺵ ﺋﻮﺑﯩﻜﺘﯩﻨﻰ 11 ﺗﯜﺭ ﺑﯘﻳﯩﭽﻪ 43 ﺧﯩﻠﻐﺎ ﺋﺎﻳﺮﯨﭗ ﺗﯘﺭﯗﭖ ﻛﯚﺯﯨﺘﯩﺶ ﻛﯧﺮﻩﻛﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺋﯘﻗﺘﯘﺭﯗﺷﺘﺎ ﻳﻪﻧﻪ، ﭼﯧﮕﺮﺍ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ " ﺷﻪﺭﻗﯩﻲ ﺗﯜﺭﻛﯩﺴﺘﺎﻧﭽﻰ 3 ﺧﯩﻞ ﻛﯜﭼﻠﻪﺭ" ﮔﻪ ﻗﺎﺭﯨﺘﯩﻠﯩﺪﯨﻐﺎﻥ ﻧﺎﺯﺍﺭﻩﺗﭽﯩﻠﯩﻜﻨﻰ ﺋﺎﻻﻫﯩﺪﻩ ﻛﯜﭼﻪﻳﺘﯩﺶ ﻻﺯﯨﻤﻠﯩﻘﻰ ﺋﺎﻻﻫﯩﺪﻩ ﺗﻪﻛﯩﺘﻠﻪﻧﮕﻪﻥ.

ﺑﯘ ﺋﺎﺭﯨﺪﺍ ﺋﺎﻣﯧﺮﯨﻜﯩﺪﺍ ﭼﯩﻘﯩﺪﯨﻐﺎﻥ "ﺑﻮﺷﯜﻥ" ﺗﻮﺭ ﺑﯧﺘﯩﺪﻩ " ﺑﯧﻴﺠﯩﯔ، ﺋﻮﻟﯩﻤﭙﯩﻚ ﺗﻪﻧﺘﻪﺭﺑﯩﻴﻪ ﻣﯘﺭﺍﺳﯩﻤﯩﻐﺎ ﻛﺎﭘﺎﻟﻪﺕ ﻗﯩﻠﯩﺶ ﺋﯜﭼﯜﻥ، ﭼﯧﮕﺮﺍ ﺳﯩﺮﺗﯩﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯜﺳﺘﻪﻗﯩﻠﭽﯩﻠﯩﺮﯨﮕﻪ ﻗﺎﺭﺍﺗﻘﺎﻥ ﻧﺎﺯﺍﺭﻩﺗﭽﯩﻠﯩﻜﻨﻰ ﻛﯜﭼﻪﻳﺘﺘﻰ " ﺩﯦﮕﻪﻥ ﺗﯧﻤﯩﺪﺍ ﺧﻪﯞﻩﺭ ﺋﯧﻼﻥ ﻗﯩﻠﯩﻨﯩﭗ، "ﺧﯩﺘﺎﻳﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﭽﻰ ﺋﯜﭺ ﺧﯩﻞ ﻛﯜﭼﻠﻪﺭ" ﮔﻪ ﻗﺎﺭﯨﺘﯩﻠﻐﺎﻥ ﻧﺎﺯﺍﺭﻩﺗﭽﯩﻠﯩﻜﻨﻰ ﺋﺎﻻﻫﯩﺪﻩ ﻛﯜﭼﻪﻳﺘﻜﻪﻧﻠﯩﻜﻰ ﺑﻮﻟﯘﭘﻤﯘ، ﺭﺍﺑﯩﻴﻪ ﻗﺎﺩﯨﺮ، ﺋﻪﺭﻛﯩﻦ ﺋﺎﻟﯩﭙﺘﯧﻜﯩﻦ ﻗﺎﺗﺎﺭﻟﯩﻖ 9 ﻧﻪﭘﻪﺭ ﻛﯩﺸﯩﻨﻰ ﻧﯘﻗﺘﯩﻠﯩﻖ ﻛﯚﺯﯨﺘﯩﺶ ﯞﻩ ﻧﺎﺯﺍﺭﻩﺕ ﻗﯩﻠﯩﺸﻨﻰ ﺗﻪﻛﯩﺘﻠﻪﻧﮕﻪﻧﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺩ ﺋﯘ ﻕ ﯞﻩ ﺋﺎﻣﯧﺮﯨﻜﺎ ﺋﯘﻳﻐﯘﺭ ﺑﯩﺮﻟﻪﺷﻤﯩﺴﯩﻨﯩﯔ ﺋﯩﻨﻜﺎﺳﻰ

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﻣﻪﻣﻪﺕ ﺗﻮﺧﺘﻰ ﺋﻪﭘﻪﻧﺪﻯ ﺧﯩﺘﺎﻱ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺋﻮﻟﯩﻤﭙﯩﻚ ﻫﻪﻗﻘﯩﺪﯨﻜﻰ ﻣﻪﺧﭙﯩﻲ ﺋﯘﻗﺘﯘﺭﯗﺷﻰ ﻫﻪﻗﻘﯩﺪﻩ ﺋﯚﺯ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﻣﻪﻣﻪﺕ ﺗﻮﺧﺘﻰ ﺋﻪﭘﻪﻧﺪﻯ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ 2008 ‏- ﻳﯩﻠﻰ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﯩﯔ " ﺑﯩﺨﻪﺗﻪﺭﻟﯩﻜﻰ" ﺑﯩﻠﻪﻥ " ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﻯ " ﺋﺎﺭﯨﺴﯩﺪﺍ ﺋﺎﻟﺪﯨﻦ "ﻣﯘﻧﺎﺳﯩﯟﻩﺕ ﻗﯘﺭﯗﭖ"، ﺋﻪﮔﻪﺭ ﺋﻮﻟﯩﻤﭙﯩﻚ ﺟﻪﺭﻳﺎﻧﯩﺪﺍ ﺑﯩﺮﻩﺭ ﯞﻩﻗﻪ ﻳﯜﺯ ﺑﻪﺭﺳﻪ، ﺋﯘﻧﯩﯔ ﺟﯩﻨﺎﻳﻰ ﺟﺎﯞﺍﺑﻜﺎﺭﻟﯩﺮﯨﻨﻰ ﺋﺎﻟﺪﯨﻦ ﺑﻪﻟﮕﯩﻠﻪﭖ ﻗﻮﻳﯘﺵ ﺗﺎﻛﺘﯩﻜﯩﺴﻰ ﺋﻮﻳﻨﺎﯞﺍﺗﻘﺎﻧﻠﯩﻘﯩﻨﻰ ﺋﯩﻨﻜﺎﺱ ﻗﯩﻠﺪﻯ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺋﯩﺠﺮﺍﺋﯩﻴﻪ ﻛﻮﻣﯩﺘﯧﺘﯩﻨﯩﯔ ﺭﻩﺋﯩﺴﻰ ﯞﻩ ﺋﺎﻣﯧﺮﯨﻜﺎ ﺋﯘﻳﻐﯘﺭ ﺑﯩﺮﻟﻪﺷﻤﯩﺴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺋﺎﻟﯩﻢ ﺳﯧﻴﯩﺘﻮﻑ ﺋﻪﭘﻪﻧﺪﯨﻤﯘ ﺑﯘ ﻫﻪﻗﺘﻪ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ ﺋﯚﺯ ﻗﺎﺭﺍﺷﻠﯩﺮﯨﻨﻰ ﺑﯩﻠﺪﯛﺭﺩﻯ. (ﺋﻪﻗﯩﺪﻩ)