ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﺧﯩﺘﺎﻱ ﺋﻮﻟﯩﻤﭙﯩﻜﺘﯩﻦ ﺑﯘﺭﯗﻥ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ 9 ﺗﯜﺭﻟﯜﻙ ﺋﯩﺸﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ 25- ﺋﯩﻴﯘﻥ ﻛﯜﻧﻰ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﯩﺪﺍ ﺋﺎﻟﺪﻯ ﺑﯩﻠﻪﻥ، 2001-ﻳﯩﻠﻰ 7- ﺋﺎﻳﻨﯩﯔ 13- ﻛﯜﻧﻰ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﺧﯩﺘﺎﻳﻐﺎ 2008- ﻳﯩﻠﻠﯩﻖ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﺳﺎﻫﯩﺒﺨﺎﻥ ﺑﻮﻟﯘﺵ ﻫﻮﻗﯘﻗﯩﻨﻰ ﺑﯧﺮﯨﯟﺍﺗﻘﺎﻥ ﭘﻪﻳﺘﻠﻪﺭﺩﻩ، ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﻣﯘﺧﺒﯩﺮ، ﺗﻮﺭﺩﺍ ﻣﺎﻗﺎﻝ ﺋﯧﻼﻥ ﻗﯩﻠﻐﯘﭼﯩﻼﺭ ﻗﺎﺗﺎﺭﻟﯩﻘﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺋﯚﻛﺘﯩﭽﻰ ﻛﯜﭼﻠﻪﺭ ﺋﯘﺳﺘﯩﺪﯨﻦ ﺋﯧﻐﯩﺮ ﺑﺎﺳﺘﯘﺭﯗﺵ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ "ﻣﺎﻧﺎ ﺋﺎﻟﺘﻪ ﻳﯩﻠﺪﯨﻦ ﻛﯧﻴﯩﻦ ﻫﯧﭽﻨﻪﺭﺳﻪ ﺋﯚﺯﮔﻪﺭﮔﯩﻨﻰ ﻳﻮﻕ. ﯞﺍﻫﺎﻟﻪﻧﻜﻰ، ﺧﯩﺘﺎﻳﺪﺍ ﺳﯚﺯ-ﭘﯩﻜﯩﺮ ﺋﻪﺭﻛﯩﻨﻠﯩﻜﻰ ﯞﻩ ﻛﯩﺸﯩﻠﯩﻚ ﻫﻮﻗﯘﻗﺘﺎ ﻫﯧﭽﺒﯩﺮ ﺋﺎﻻﻫﯩﺪﻩ ﻳﯜﻛﺴﯩﻠﯩﺶ ﻛﯚﺭﻩﻟﻤﻪﻳﯟﺍﺗﻘﺎﻥ ﺷﺎﺭﺍﺋﯩﺘﺘﺎ، ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ، ﺧﻪﻟﻘﺌﺎﺭﺍﻟﯩﻖ ﺗﻪﺷﻜﯩﻼﺗﻼﺭﻧﯩﯔ ﺧﯩﺘﺎﻳﺪﺍ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﻨﯩﯔ ﻛﯚﻟﯩﻤﻰ ﻫﻪﻗﻘﯩﺪﻩ ﺋﯜﺯﻟﯜﻛﺴﯩﺰ ﺳﯘﻧﯘﭖ ﻛﯧﻠﯩﯟﺍﺗﻘﺎﻥ ﺋﯩﻠﺘﯩﺠﺎﻟﯩﺮﯨﻐﺎ ﻗﯘﻻﻕ ﻳﻮﭘﯘﺭﯗﭖ ﺋﻮﻟﺘﯘﺭﯗﯞﺍﻟﺪﻯ" ﺩﻩﭖ، ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺧﯩﺘﺎﻳﺪﺍ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﺩﺍﯞﺍﻣﻠﯩﻖ ﺑﻮﻏﯘﻟﻤﺎﻗﺘﺎ

ﺋﺎﻧﺪﯨﻦ ﻛﯩﻴﯩﻦ ﺩﻭﻛﻼﺗﺘﺎ ﻳﻪﻧﻪ، ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺑﺎﺷﺘﯩﻦ ﺑﯘﻳﺎﻥ 2008- ﻳﯩﻠﻠﯩﻖ ﺋﻮﻟﯩﻤﭙﯩﻜﻨﻰ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﺷﻜﻪ ﻗﺎﺭﺷﻰ ﺗﯘﺭﯗﭖ ﻛﻪﻟﮕﻪﻧﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﯘﭖ، ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﺋﯧﭽﯩﺸﻘﺎ ﺑﯩﺮ ﻳﯩﻞ ﻗﺎﻟﻐﺎﻥ ﭘﻪﻳﺘﺘﻪ، ﻳﻪﻧﯩﻼ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﻨﻰ ﻗﺎﺗﺘﯩﻖ ﻗﺎﻣﺎﻝ ﻗﯩﻠﯩﭗ ﻛﯧﻠﯩﯟﺍﺗﻘﺎﻧﻠﯩﻘﻰ، ﮔﻪﺭﭼﻪ، ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻐﺎ ﺋﺎﺯﺭﺍﻕ ﺋﻪﺭﻛﯩﻨﻠﯩﻚ ﺑﯧﺮﯨﻠﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﻪﻟﻘﺌﺎﺭﺍﻟﯩﻖ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﯨﻨﯩﯔ ﺧﯩﺘﺎﻱ ﻣﯘﺧﺒﯩﺮﻻﺭﻧﻰ ﻳﺎﻟﻼﭖ ﺋﯩﺸﻠﯩﺘﻪﻟﻤﻪﻳﺪﯨﻐﺎﻧﻠﯩﻘﻰ ﻫﻪﻣﺪﻩ ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺗﻠﻪﺭﺩﻩ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﺋﻪﺭﻛﯩﻦ ﻳﯜﺭﯛﺵ ﻣﯘﻣﻜﯩﻨﭽﯩﻠﯩﻜﻰ ﻳﻮﻗﻠﯘﻗﻰ ﺗﻪﻛﯩﺘﻠﻪﻧﮕﻪﻥ.

ﻫﻪﻣﺪﻩ ﻳﻪﻧﻪ، ﺧﯩﺘﺎﻳﺪﺍ ﺋﺎﺯ ﺩﯦﮕﻪﻧﺪﯨﻤﯘ 30 ﻧﻪﭘﻪﺭ ﻣﯘﺧﺒﯩﺮ ﯞﻩ 50 ﻧﻪﭘﻪﺭ ﺗﻮﺭﺩﺍ ﻣﺎﻗﺎﻟﻪ ﺋﯧﻼﻥ ﻗﯩﻠﻐﯘﭼﯩﻨﯩﯔ ﻗﺎﻣﺎﻗﺘﺎ ﺋﯩﻜﻪﻧﻠﯩﻜﻰ ﻛﯚﺭﺳﯩﺘﯩﻠﮕﻪﻥ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﯩﯖﻠﯩﻐﺎﻥ ﻳﯧﯖﻰ ﺗﻮﺭ ﺑﻪﺗﻠﯩﺮﯨﻨﻰ ﺗﻮﺳﯩﯟﻩﺗﻜﻪﻧﻠﯩﻜﯩﻨﻰ ﯞﻩ ﭼﻪﺗﺌﻪﻟﺪﯨﻦ ﻛﯧﻠﯩﺪﯨﻐﺎﻥ ﺭﺍﺩﯨﺌﻮ ﺩﻭﻟﻘﯘﻧﻠﯩﺮﯨﻨﯩﯔ ﻗﺎﻣﺎﻝ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ: " ﺧﯩﺘﺎﻱ ﻳﻪﻧﻪ ﺧﯩﺘﺎﻳﭽﻪ، ﺗﯩﺒﻪﺗﭽﻪ ﯞﻩ ﺋﯘﻳﻐﯘﺭﭼﻪ ﺭﺍﺩﯨﺌﻮ ﭘﺮﻭﮔﺮﺍﻣﻤﯩﻠﯩﺮﯨﻨﻰ ﺋﯚﺯﺋﯩﭽﯩﮕﻪ ﺋﺎﻟﻐﺎﻥ 10 ﺧﻪﻟﻘﺌﺎﺭﺍ ﺭﺍﺩﯨﺌﻮ ﺋﯩﺴﺘﺎﻧﺴﯩﻠﯩﺮﯨﻨﯩﯔ ﭘﺮﻭﮔﺮﺍﻣﻤﯩﺴﯩﻨﻰ ﺗﻮﺳﯘﯞﺍﺗﯩﺪﯗ" ﺩﻩﭖ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺧﯩﺘﺎﻱ، ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻐﺎ ﺑﻪﺭﮔﻪﻥ ﯞﻩﺩﯨﺴﯩﮕﻪ ﯞﺍﭘﺎ ﻗﯩﻠﻤﯩﺪﻯ

ﺩﻭﻛﻼﺗﻨﯩﯔ "ﯞﺍﭘﺎ ﻗﯩﻠﯩﻨﻤﯩﻐﺎﻥ ﯞﻩﺩﻩ" ﻗﯩﺴﯩﻤﺪﺍ 2008 - ﻳﯩﻠﻠﯩﻘﻰ ﺋﻮﻟﯩﻤﭙﯩﻚ ﺳﺎﻫﯩﺒﺨﺎﻧﻠﯩﻖ ﻫﻮﻗﯘﻗﯩﻨﻰ ﺋﯘﺗﯘﺵ ﺋﯜﭼﯜﻥ ﺧﯩﺘﺎﻳﻨﯩﯔ ﺧﻪﻟﻘﺌﺎﺭﺍﻟﯩﻖ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻐﺎ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺭﯨﻨﻪﺭﻟﯩﻚ ﻳﺎﺧﺸﯩﻼﻳﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﯞﻩﺩﻩ ﺑﻪﺭﮔﻪﻥ ﺑﻮﻟﺴﯩﻤﯘ، ﺋﯧﺸﯩﻜﻰ ﻛﯚﯞﺭﯛﻛﺘﯩﻦ ﺋﯚﺗﯜﭖ ﺑﻮﻟﻐﺎﻧﺪﯨﻦ ﻛﯧﻴﯩﻨﻼ، ﺳﯚﺯ ﺋﻮﺭﺍﻣﯩﻨﻰ ﺩﻩﺭﻫﺎﻝ ﺋﯚﺯﮔﻪﺭﺗﻜﻪﻧﻠﯩﻜﯩﻨﻰ، ﺋﻮﻟﯩﻤﭙﯩﻚ ﺋﯚﺗﻜﯜﺯﯛﺵ ﻫﻮﻗﯘﻗﯩﻨﻰ ﺗﺎﭘﺸﯘﺭﯗﭖ ﺋﯧﻠﯩﭗ 4 ﻛﯜﻧﺪﯨﻦ ﻛﯧﻴﯩﻦ ﻣﯘﺋﺎﯞﯨﻦ ﺩﯙﻟﻪﺕ ﻣﯩﻨﯩﺴﺘﯩﺮﻯ ﻟﻰ ﻟﻪﻧﭽﯩﯔ "ﺟﯘﯕﮕﻮﻧﯩﯔ ﺋﻮﻟﯩﻤﭙﯩﻚ ﻏﻪﻟﯩﺒﯩﺴﻰ" ﻓﺎﻟﯘﻧﮕﻮﯕﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﻫﻪﺭ ﺧﯩﻞ ﻣﻪﺳﯩﻠﯩﻠﻪﺭﮔﻪ ﻗﺎﺭﺷﻰ ﻛﯜﺭﻩﺷﻨﻰ ﺭﯨﻐﺒﻪﺗﻠﻪﻧﺪﯛﺭﯛﺷﻜﻪ ﺋﯧﺮﯨﺸﺘﯜﺭﯨﺪﯗ " ﺩﻩﭖ ﺋﯧﻴﺘﻘﺎﻧﺪﯨﻦ ﻛﯧﻴﯩﻦ ﺧﯩﺘﺎﻳﻨﯩﯔ ﻧﻪﭼﭽﻪ ﻣﯩﯔ ﻓﺎﻟﯘﻧﮕﻮﯓ ﻣﯘﺭﯨﺘﯩﻨﻰ ﻗﻮﻟﻐﺎ ﺋﺎﻟﻐﺎﻧﻠﯩﻘﯩﻨﻰ ﻫﻪﻣﺪﻩ 100 ﺩﯨﻦ ﺋﺎﺭﺗﯘﻕ ﻓﺎﻟﯘﻧﮕﻮﯓ ﻣﯘﺭﯨﺘﯩﻨﯩﯔ ﺳﻮﻻﻗﺘﺎ ﺋﯚﻟﮕﻪﻧﻠﯩﻜﯩﻨﻰ ﻛﯚﺭﺳﻪﺗﻜﻪﻥ.

ﺑﯘ ﺑﯚﻟﻪﻛﺘﻪ ﻳﻪﻧﻪ، ﺋﻪﻳﻨﻰ ﯞﺍﻗﯩﺘﺘﯩﻜﻰ ﻣﯘﺋﺎﯞﯨﻦ ﺭﻩﺋﯩﺲ ﺧﯘ ﺟﯩﻨﺘﺎﯞﻧﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻏﻪﻟﯩﺒﯩﺴﯩﺪﯨﻦ ﻛﯩﻴﯩﻦ " ﺩﺍﻻﻱ ﻻﻣﺎ ﯞﻩ ﺑﺎﺷﻘﺎ ﺧﯩﺘﺎﻱ ﺩﯛﺷﻤﻪﻧﻠﯩﺮﯨﻨﯩﯔ ﺗﻪﺷﻜﯩﻠﻠﯩﺸﻰ ﺑﯩﻠﻪﻥ ﺋﯧﻠﯩﭗ ﺑﯧﺮﯨﻠﻐﺎﻥ ﻫﻪﺭﻗﺎﻧﺪﺍﻕ ﺑﯚﻟﮕﯜﻧﭽﻰ ﻛﯜﭼﻠﻪﺭ ﺑﯩﻠﻪﻥ ﻛﻪﺳﻜﯩﻦ ﺟﻪﯓ ﻗﯩﻠﯩﺶ ﺑﻪﻙ ﻣﯘﻫﯩﻢ" ﺩﻩﭖ ﻛﯚﺭﺳﻪﺗﻜﻪﻧﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ، ﻫﻪﻣﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﺋﯘﻳﻐﯘﺭ ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺗﭽﯩﻠﻪﺭﻧﻰ ﺋﯚﻟﯜﻣﮕﻪ ﻫﯚﻛﯜﻡ ﻗﯩﻠﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ: "ﻧﯘﺭﻏﯘﻧﻠﯩﻐﺎﻥ ﻣﯘﺳﯘﻟﻤﺎﻧﻼﺭ ﻳﺎﺷﺎﻳﺪﯨﻐﺎﻥ ﺑﯘ ﺩﯙﻟﻪﺗﻨﯩﯔ ﻏﻪﺭﺑﯩﻲ ﻗﯩﺴﻤﯩﺪﺍ، ﺷﯩﻨﺠﺎﯓ ﻫﯚﻛﯜﻣﯩﺘﻰ ﺋﯘﻳﻐﯘﺭﻻﺭﻧﻰ "ﺑﯚﻟﮕﯜﻧﭽﯩﻠﯩﻚ" ﺑﯩﻠﻪﻥ ﺷﯘﻏﯘﻟﻼﻧﺪﻯ ﺩﻩﭖ ﺋﺎﺗﺘﻰ" ﺩﻩﻳﺪﯗ.

ﺩﻭﻛﻼﺗﺘﺎ ﺋﯧﻨﯩﻖ ﻗﯩﻠﯩﭗ، ﺩﯦﻤﻮﻛﺮﺍﺗﯩﻚ ﺩﯙﻟﻪﺕ ﻫﯚﻛﯜﻣﻪﺗﻠﯩﺮﯨﻨﯩﯔ "ﺋﻮﻟﯩﻤﭙﯩﻚ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺋﻪﻫﯟﺍﻟﯩﻨﻰ ﻳﺎﺧﺸﯩﻠﯩﺸﯩﻐﺎ ﻳﺎﺭﺩﻩﻡ ﻗﯩﻠﯩﺪﯗ" ﺩﯦﮕﻪﻥ ﺋﺎﺭﺯﯗﺳﯩﻨﯩﯔ ﺋﻪﻣﻪﻟﮕﻪ ﺋﺎﺷﻤﺎﻳﺪﯨﻐﺎﻧﻠﯩﻘﻰ ﯞﻩ ﺑﻪﺯﻯ ﺋﻪﻟﻠﻪﺭ ﻳﺎﻗﻼﻳﺪﯨﻐﺎﻥ "ﺋﯩﺠﺎﺑﯩﻲ ﺩﯨﺌﺎﻟﻮﮒ" ﭘﯩﻜﺮﯨﻨﯩﯖﻤﯘ ﺋﺎﻗﻤﺎﻳﺪﯨﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ.

ﺋﻮﻟﯩﻤﭙﯩﻚ ﻗﯩﻤﻤﻪﺕ ﻗﺎﺭﯨﺸﻰ ﺩﻩﭘﺴﻪﻧﺪﻩ ﻗﯩﻠﯩﻨﻤﯩﺴﯘﻥ

ﺩﻭﻛﻼﺗﺘﺎ ﻳﻪﻧﻪ، ﺩﯗﻧﻴﺎ ﺗﻪﻧﻬﻪﺭﯨﻜﻪﺗﭽﯩﻠﻪﺭ ﺟﻪﻣﺌﯩﻴﯩﺘﻰ ﭼﻮﻗﯘﻡ ﺋﻮﺗﺘﯘﺭﯨﻐﺎ ﭼﯩﻘﯩﭗ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﯞﻩﺩﻩ ﻗﯩﻠﻐﺎﻥ ﻛﯩﺸﯩﻠﯩﻚ ﻫﻮﻗﯘﻗﻼﺭﻧﻰ ﺋﯚﺯ ﺧﻪﻟﻘﯩﮕﻪ ﺑﯧﺮﯨﺸﻜﻪ ﭼﺎﻗﯩﺮﯨﺶ ﺗﻪﻛﯩﺘﻠﯩﻨﯩﭗ، ﺋﻮﻟﯩﻤﭙﯩﻚ ﻧﯩﺰﺍﻣﻨﺎﻣﯩﺴﯩﺪﻩ "ﺋﺎﺩﻩﻡ ﻗﻪﺩﯨﺮ ﻗﯩﻤﻤﯩﺘﻰ ﺳﺎﻗﻼﻧﻐﺎﻥ ﺗﯩﻨﭻ ﺟﻪﻣﺌﯩﻴﻪﺕ ﺑﻪﺭﭘﺎ ﻗﯩﻠﯩﺸﻨﻰ ﺋﯩﻠﮕﯩﺮﻯ ﺳﯜﺭﯛﺵ ﺋﺎﺳﺎﺳﯩﺪﺍ، ﺗﻪﻧﻬﻪﺭﯨﻜﻪﺗﻨﻰ ﺋﯩﻨﺴﺎﻧﻼﺭﻧﯩﯔ ﺋﻮﺭﺗﺎﻕ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﺧﯩﺰﻣﻪﺕ ﻗﯩﻠﺪﯗﺭﯗﺵ" ﻛﯚﺭﺳﯩﺘﯩﻠﮕﻪﻧﻠﯩﻜﻰ، ﺷﯘﯕﺎ ﺗﻪﻧﻬﻪﺭﯨﻜﻪﺗﭽﯩﻠﻪﺭﻧﯩﯔ ﺟﯜﻣﻠﯩﺪﯨﻦ ﺗﻪﻧﺘﻪﺭﺑﯩﻴﻪ ﻣﻪﺳﺘﺎﻧﯩﻠﯩﺮﯨﻨﯩﯔ ﺑﯘ ﻧﯩﺰﺍﻣﻨﺎﻣﻪ ﺭﻭﻫﯩﻨﻰ ﻗﻮﻏﺪﺍﺵ ﺑﯘﺭﭼﯩﻨﯩﯔ ﺑﺎﺭﻟﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﯞﻩ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﻏﻪﻳﺮﻩﺗﻜﻪ ﻛﯧﻠﯩﭗ، ﺋﻮﻟﯩﻤﭙﯩﻚ ﻗﯩﻤﻤﻪﺕ ﻗﺎﺭﯨﺸﯩﻨﯩﯔ ﺧﯩﺘﺎﻳﺪﺍ ﺧﺎﻟﯩﻐﺎﻧﭽﻪ ﺩﻩﭘﺴﻪﻧﺪﻩ ﻗﯩﻠﯩﻨﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﻰ ﻛﯧﺮﻩﻛﻠﯩﻜﻰ ﺗﻪﻛﯩﺘﻠﻪﻧﮕﻪﻥ.

ﺩﻭﻛﻼﺗﺘﺎ ﺭﯗﺳﯩﻴﯩﻠﯩﻚ ﺋﯚﻛﺘﯩﭽﻰ ﯞﻻﺩﯨﻤﯩﺮ ﺑﯘﻛﻮﯞﯨﺴﻜﯩﻴﻨﯩﯔ 1980 ‏- ﻳﯩﻠﻠﯩﻖ ﺋﻮﻟﯩﻤﭙﯩﻜﻨﯩﯔ ﻣﻮﺳﻜﯟﺍﺩﺍ ﺋﯚﺗﻜﯜﺯﯛﻟﮕﻪﻧﻠﯩﻜﯩﻨﻰ ﺋﻪﻳﯩﺒﻠﻪﭖ "ﺳﯩﻴﺎﺳﯩﻲ ﺟﻪﻫﻪﺗﺘﯩﻦ ﻣﯩﺴﻠﯩﺴﯩﺰ ﺧﺎﺗﺎﻟﯩﻖ؛ ﺋﯩﻨﺴﺎﻧﯩﻲ ﺟﻪﻫﻪﺗﺘﯩﻦ ﺭﻩﺯﯨﻞ ﻗﯩﻠﻤﯩﺶ؛ ﻗﺎﻧﯘﻧﯩﻲ ﺟﻪﻫﻪﺗﺘﯩﻦ ﺑﯩﺮ ﺟﯩﻨﺎﻳﻪﺕ" ﺩﻩﭖ ﺋﯧﻴﺘﻘﺎﻧﻠﯩﺮﻯ ﻧﻪﻗﯩﻞ ﻛﻪﻟﺘﯜﺭﯛﻟﯜﭖ، ﺑﯘﻧﯩﯔ 2008- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﻰ ﺳﯜﺭﻩﺗﻠﻪﺷﻜﻪ ﻫﻪﻡ ﺑﺎﭖ ﻛﯧﻠﯩﺪﯨﻐﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺩﻭﻛﻼﺗﻨﯩﯔ ﺋﺎﺧﯩﺮﯨﺪﺍ، ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻐﺎ ﺋﻪﺯﺍ ﺑﺎﺭﻟﯩﻖ ﺩﯙﻟﻪﺗﻠﻪﺭﻧﻰ، ﻛﯩﺸﯩﻠﯩﻚ ﻫﻮﻗﯘﻕ ﺋﻪﻫﯟﺍﻟﯩﻨﻰ ﻳﺎﺧﺸﯩﻼﺵ، ﺑﻮﻟﯘﭘﻤﯘ ﺗﯜﺭﻣﯩﺪﯨﻜﻰ ﺳﯩﻴﺎﺳﯩﻲ ﺟﯩﻨﺎﻳﻪﺗﭽﯩﻠﻪﺭﻧﻰ ﺋﻮﻟﯩﻤﭙﯩﻜﺘﯩﻦ ﺋﯩﻠﮕﯩﺮﻯ ﻗﻮﻳﯘﯞﯦﺘﯩﺶ ﻣﻪﺳﯩﻠﯩﻠﯩﺮﯨﺪﻩ ﺧﯩﺘﺎﻳﻐﺎ ﺑﯧﺴﯩﻢ ﺋﯩﺸﻠﯩﺘﯩﺸﻜﻪ ﭼﺎﻗﯩﺮﻏﺎﻥ.

ﻗﯩﻠﯩﺸﻘﺎ ﺗﯧﮕﯩﺸﻠﯩﻚ 9 ﺗﯜﺭﻟﯜﻙ ﺋﯩﺶ

ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ 9 ﺋﯩﺶ ﺗﯚﯞﻩﻧﺪﯨﻜﯩﭽﻪ :

1. ﺧﯩﺘﺎﻳﺪﺍ ﺳﯚﺯ- ﭘﯩﻜﯩﺮ ﺋﻪﺭﻛﯩﻨﻠﯩﻜﯩﻨﻰ ﻳﯜﺭﮔﯜﺯﮔﻪﻧﻠﯩﻜﻰ ﺋﯜﭼﯜﻥ ﻗﻮﻟﻐﺎ ﺋﯧﻠﯩﻨﻐﺎﻥ ﺑﺎﺭﻟﯩﻖ ﻣﯘﺧﺒﯩﺮﻻﺭ ﯞﻩ ﺋﯩﻨﺘﯧﺮﻧﯧﺖ ﺋﯩﺸﻠﻪﺗﻜﯜﭼﯩﻠﻪﺭﻧﻰ ﻗﻮﻳﯘﭖ ﺑﯧﺮﯨﺶ.

2. ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﻨﻰ ﺑﻮﻏﯘﺩﯨﻐﺎﻥ ﭼﻪﺗﺌﻪﻝ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻠﯩﺮﻯ ﺧﻪﯞﻩﺭﭼﯩﻠﯩﺮﻯ ﻗﻮﻟﻼﻧﻤﯩﺴﯩﺪﯨﻜﻰ ﭼﻪﻛﻠﻪﺵ ﺧﺎﺭﺍﻛﺘﯧﺮﻟﯩﻚ ﻣﺎﺩﺩﯨﻼﺭﻧﻰ ﭼﯩﻘﯩﭗ ﺗﺎﺷﻼﺵ.

3. ﺧﯩﺘﺎﻳﺪﯨﻜﻰ ﻣﻪﺗﺒﯘﺋﺎﺗﻼﺭﻧﻰ ﻛﻮﻧﺘﺮﻭﻝ ﻗﯩﻠﯩﭗ ﺗﯘﺭﯨﺪﯨﻐﺎﻥ ﺗﻪﺷﯟﯨﻘﺎﺕ ﺋﯩﺪﺍﺭﯨﺴﯩﻨﻰ ﺗﺎﺭﻗﯩﺘﯩﯟﯦﺘﯩﺶ.

4. ﭼﻪﺗﺌﻪﻝ ﺭﺍﺩﯨﺌﻮﻟﯩﺮﯨﻨﻰ ﺗﻮﺳﯘﺵ ﻗﯩﻠﻤﯩﺸﻠﯩﺮﯨﻨﻰ ﺩﻩﺭﻫﺎﻝ ﺋﺎﻳﺎﻏﻼﺷﺘﯘﺭﯗﺵ.

5. ﭼﻪﺗﺌﻪﻟﮕﻪ ﺟﺎﻳﻼﺷﻘﺎﻥ ﺧﻪﯞﻩﺭ ﯞﻩ ﺋﯘﭼﯘﺭ ﺗﻮﺭ ﺑﻪﺗﻠﯩﺮﯨﮕﻪ ﺑﻮﻟﻐﺎﻥ ﻗﺎﻣﺎﻝ ﻗﯩﻠﯩﺸﻨﻰ ﺋﺎﻳﺎﻏﻼﺷﺘﯘﺭﯗﺵ.

6. ﺋﯩﻨﺘﯧﺮﻧﯧﺖ ﻣﻪﺯﻣﯘﻧﯩﻨﻰ ﭼﻪﻛﻠﻪﻳﺪﯨﻐﺎﻥ "11 ﺗﯜﺭﻟﯜﻙ ﺋﯩﻨﺘﯧﺮﻧﯧﺖ ﺗﯜﺯﯛﻣﻰ" ﻧﻰ ﻳﻮﻟﻐﺎ ﻗﻮﻳﯘﺷﻨﻰ ﻛﯧﭽﯩﻜﺘﯜﺭﯛﺵ.

7. ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﯩﺸﻨﻰ ﭼﻪﻛﻠﻪﺵ ﺋﯜﭼﯜﻥ ﻣﯘﺧﺒﯩﺮﻻﺭ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﻯ ﺋﯘﺳﺘﯩﺪﯨﻦ ﻗﺎﺭﺍ ﺗﯩﺰﯨﻤﻠﯩﻚ ﺗﯘﺭﻏﯘﺯﯗﺷﻨﻰ ﺗﻮﺧﺘﯩﺘﯩﺶ.

8. ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﯨﻨﯩﯔ ﭼﻪﺗﺌﻪﻝ ﺧﻪﯞﻩﺭﻟﯩﺮﯨﺪﯨﻦ ﻣﻪﺯﻣﯘﻥ ﯞﻩ ﻛﯚﺭﯨﻨﯩﺸﻠﻪﺭﻧﻰ ﻣﯘﻧﺎﺳﯩﯟﻩﺗﻠﯩﻚ ﺩﺍﺋﯩﺮﯨﻠﻪﺭﻧﯩﯔ ﺭﯗﺧﺴﯩﺘﯩﺴﯩﺰ ﺋﯩﺸﻠﻪﺗﻤﻪﺳﻠﯩﻚ ﭼﻪﻛﻠﯩﻤﯩﺴﯩﻨﻰ ﺋﯧﻠﯩﭗ ﺗﺎﺷﻼﺵ.

9. ﻣﯘﺧﺒﯩﺮﻻﺭ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﻣﯘﺳﺘﻪﻗﯩﻞ ﺗﻪﺷﻜﯩﻼﺗﻠﯩﺮﯨﻨﻰ ﻗﺎﻧﯘﻧﻼﺷﺘﯘﺭﯗﺵ. (ﺟﯜﻣﻪ)