ﭼﯩﮕﺮﯨﺴﯩﺰ ﻣﯘﺧﺒﯩﺮﻻﺭ : ﺧﯩﺘﺎﻱ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﯞﻩﺩﯨﺴﯩﻨﻰ ﺋﻮﺭﯗﻧﺪﯨﻤﯩﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﭺ ﻡ ﺕ ﻧﯩﯔ ﺑﺎﺵ ﺳﻪﻛﺮﯨﺘﺎﺭﻯ ﺭﻭﺑﯧﺮﺕ ﻣﯧﻨﺎﺭﺩ (ﺋﻮﯕﺪﯨﻦ ﺋﯩﻜﻜﯩﻨﭽﻰ)، 2007 - ﻳﯩﻠﻰ 6 - ﺋﺎﯞﻏﯘﺳﺘﺘﺎ، ﺑﯧﻴﺠﯩﯖﺪﯨﻜﻰ ﻧﺎﻣﺎﻳﯩﺸﺘﺎ ﺳﯚﺯﺩﻩ. General secretary of Reporters Without Borders Robert Menard (2nd R) speaks as he and three colleagues hold a demonstration across the street across from the Beijing Olympic organising committee's headquarters in Beijing, 06 August 2007. AFP PHOTO/Peter PARKS

ﺧﯩﺘﺎﻱ ﻣﯘﺧﺒﯩﺮﻻﺭ ﻫﻮﻗﯘﻗﯩﻨﻰ ﻗﻮﻏﺪﯨﻐﯘﭼﻰ ﺧﻪﻟﻘﺌﺎﺭﺍ ﺗﻪﺷﻜﯩﻼﺗﻼﺭﻧﯩﯔ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﻫﻪﻗﻘﯩﺪﯨﻜﻰ ﺑﯧﺴﯩﻤﯩﻐﺎ ﺩﯗﭺ ﻛﻪﻟﻤﻪﻛﺘﻪ. ﻣﻪﺭﻛﯩﺰﻯ ﻓﺮﺍﻧﺴﯩﻴﯩﻨﯩﯔ ﭘﺎﺭﯨﮋ ﺷﻪﻫﯩﺮﯨﺪﯨﻜﻰ ﭼﯩﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﺩﯛﺷﻪﻧﺒﻪ ﻛﯜﻧﻰ ﺑﯧﻴﺠﯩﯖﺪﺍ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﺋﯚﺗﻜﯜﺯﯛﭖ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﻛﯧﻠﻪﺭ ﻳﯩﻠﻰ ﺋﯚﺗﻜﯜﺯﯛﻟﯩﺪﯨﻐﺎﻥ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻐﺎ ﻗﻪﺩﻩﺭ ﻣﯘﺧﺒﯩﺮﻻﺭﻧﯩﯔ ﺋﻪﻫﯟﺍﻟﯩﻨﻰ ﻳﺎﺧﺸﯩﻼﺵ، ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﻫﻪﻗﻘﯩﺪﯨﻜﻰ ﯞﻩﺩﯨﺴﯩﻨﻰ ﺋﻮﺭﯗﻧﺪﯨﻤﯩﺪﻯ، ﺩﻩﭖ ﺗﻪﻧﻘﯩﺪ ﻗﯩﻠﺪﻯ. ﺗﯚﯞﻩﻧﺪﻩ ﻣﯘﺧﺒﯩﺮﯨﻤﯩﺰ ﺋﻪﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻨﻰ ﺩﯨﻘﻘﯩﺘﯩﯖﻼﺭﻏﺎ ﺳﯘﻧﯩﻤﯩﺰ.

ﭺ ﻡ ﺕ: ﺧﯩﺘﺎﻱ ﺋﻮﻟﯩﻤﭙﯩﻜﻨﻰ ﮔﯚﺭﯛﮔﻪ ﺋﯧﻠﯩﯟﺍﻟﺪﻯ

ﭼﯩﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺩﯛﺷﻪﻧﺒﻪ ﻛﯜﻧﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺗﻪﺷﻜﯩﻠﻰ ﻛﻮﻣﯩﺘﯧﺘﯩﻨﯩﯔ ﺧﯩﺰﻣﻪﺕ ﺑﯩﻨﺎﺳﻰ ﺋﺎﻟﺪﯨﺪﺍ ﺋﯚﺗﻜﯜﺯﮔﻪﻥ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺭﯗﺧﺴﯩﺘﯩﻨﻰ ﺋﺎﻟﻤﺎﻱ ﭼﺎﻗﯩﺮﯨﻠﺪﻯ. ﻣﻪﺯﻛﯘﺭ ﺗﻪﺷﻜﯩﻼﺗﻨﯩﯔ ﺭﻩﻫﺒﻪﺭﻟﯩﺮﯨﺪﯨﻦ ﺭﻭﺑﯧﺮﺕ ﻣﯧﻨﺎﺭﺩ، ﻓﯧﺮﻧﺎﻧﺪﻭ ﻛﺎﺳﺘﯩﻠﻠﻮ، ﺭﯗﺑﯩﻨﺎ ﻣﯚﺧﺮﯨﯔ، ﯞﯨﻨﺴﯧﻨﺖ ﺑﺮﻭﺳﺴﯧﻠﻼﺭ ﺋﻮﻟﯩﻤﭙﯩﻜﻨﯩﯔ 5 ﻫﺎﻟﻘﺴﯩﻤﺎﻥ ﺳﯩﻤﯩﯟﯗﻟﻰ ﺋﻮﺭﻧﯩﻐﺎ 5 ﻛﻮﻳﺰﯨﻨﯩﯔ ﺭﻩﺳﯩﻤﻰ ﭼﯜﺷﯜﺭﯛﻟﮕﻪﻥ ﻣﺎﻳﻜﯩﻼﺭﻧﻰ ﻛﯩﻴﯩﭗ، ﺧﯩﺘﺎﻱ ﺗﯜﺭﻣﯩﺴﯩﺪﯨﻜﻰ ﻣﯘﺧﺒﯩﺮﻻﺭ، ﺋﯩﻨﺘﯧﺮﻧﯧﺖ ﻳﺎﺯﻏﯘﭼﯩﻠﯩﺮﯨﻨﻰ ﯞﻩ ﭘﯩﻜﯩﺮ ﺋﻪﺭﻛﯩﻨﻠﯩﻚ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﻰ ﻗﻮﻳﯘﭖ ﺑﯧﺮﯨﺸﻜﻪ ﭼﺎﻗﯩﺮﺩﻯ.

ﭼﯩﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺑﺎﺵ ﻛﺎﺗﯩﭙﻰ ﺭﻭﺑﯧﺮﺕ ﻣﯧﻨﺎﺭﺩ ﺑﺎﻳﺎﻧﺎﺗﯩﺪﺍ " ﺳﯩﻠﻪﺭ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻐﺎ ﺋﻮﺧﺸﺎﺵ ﺯﻭﺭ ﺗﻪﻧﺘﻪﺭﺑﯩﻴﻪ ﭘﺎﺋﺎﻟﯩﻴﯩﺘﯩﻨﻰ ﺧﯩﺘﺎﻱ ﺗﯜﺭﻣﯩﺴﯩﻨﯩﯔ ﻛﯚﻟﻪﯕﮕﯜﺳﻰ ﺋﺎﺳﺘﯩﺪﺍ ﺋﯚﺗﻜﯜﺯﺳﻪﯕﻼﺭ ﺑﻮﻟﻤﺎﻳﺪﯗ،" ﺩﻩﭖ ﺋﻪﺳﻜﻪﺭﺗﯩﭗ، " ﺩﺍﺋﯩﺮﯨﻠﻪﺭ ﺑﯘ ﻣﯘﺳﺎﺑﯩﻘﯩﻨﻰ ﮔﯚﺭﯛﮔﻪ ﺋﯧﻠﯩﯟﺍﻟﺪﻯ. ﻫﯚﻛﯜﻣﻪﺗﻨﯩﯔ ' ﺑﯩﺮ ﺩﯗﻧﻴﺎ، ﺑﯩﺮ ﻏﺎﻳﻪ،' ﺩﯦﮕﻪﻥ ﺷﯘﺋﺎﺭﻯ ﺑﺎﺭﻏﺎﻧﺴﯩﺮﻯ ﻗﯘﺭﯗﻗﮕﻪﭘﻜﻪ ﺋﺎﻳﻠﯩﻨﯩﭗ ﻗﺎﻟﻤﺎﻗﺘﺎ. ﺑﯘ ﭘﺎﺭﺗﯩﻴﯩﻨﻰ ﺋﺎﻏﺪﯗﺭﯗﺵ ﺋﻪﻣﻪﺱ، ﺑﻪﻟﻜﻰ ﺑﯘﻧﯩﯔ ﺋﻪﻛﺴﯩﻨﭽﯩﺪﯗﺭ. ﻟﯧﻜﯩﻦ ﺑﯧﻴﺠﯩﯔ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺵ ﯞﻩﺩﯨﺴﯩﺪﻩ ﺗﯘﺭﻣﯩﺪﻯ ﺷﯘﻧﺪﺍﻗﻼ ﺋﻮﻟﯩﻤﭙﯩﻚ ﺭﻭﻫﯩﻨﻰ ﻛﻪﻣﺴﯩﺘﯩﺸﻨﻰ ﺩﺍﯞﺍﻣﻼﺷﺘﯘﺭﻣﺎﻗﺘﺎ،" ﺩﻩﭖ ﻛﯚﺭﺳﻪﺗﺘﻰ.

ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﻧﯩﻤﻪ ﺋﯩﺶ ﻗﯩﻠﯩﺪﯗ ؟

ﺧﻪﻟﯩﻘﺎﺭﺍﻟﯩﻖ ﺋﻮﻟﯩﻤﭙﻚ ﻛﻮﻣﯩﺘﯧﺘﯩﻨﯩﯔ ﭘﺮﻩﺯﯨﺪﯦﻨﺘﻰ ﺟﺎﻛﻜﯘﺋﯧﺲ ﺭﻭﺟﻰ ﯞﻩ ﺋﺎﻳﺎﻟﻰ، ﺧﯩﺘﺎﻱ ﺋﻮﻟﯩﻤﭙﯩﻚ ﺋﻪﻣﻪﻟﺪﺍﺭﯨﻨﯩﯔ ﻫﻪﻣﺮﺍﻟﯩﻐﯩﺪﺍ. 2007 - ﻳﯩﻠﻰ 6 - ﺋﺎﯞﻏﯘﺳﺖ، ﺑﯧﻴﺠﯩﯔ International Olympic Committee (IOC) president Jacques Rogge (R) and his wife Anne are briefed by Chinese officials during a visit to Beijing, 06 August 2007.AFP PHOTO/Frederic J. BROWN

ﭼﯩﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﻻﺗﯧﻦ ﺗﯩﻠﯩﺪﺍ ﺳﯚﺯﻟﯩﺸﯩﺪﯨﻐﺎﻥ ﺭﺍﻳﻮﻧﻼﺭ ﻣﻪﺳﺌﯘﻟﻰ ﻓﯧﺮﻧﺎﻧﺪﯗ ﻛﺎﺳﺘﯧﻠﻠﻮ، ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺭﻩﺋﯩﺴﻰ ﺟﻪﻛﺲ ﺭﻭﮔﯧﻨﻰ ﺑﯧﻴﺠﯩﯔ ﺩﺍﺋﯩﺮﯨﻠﯩﺮﯨﻨﯩﯔ ﺋﻮﻟﯩﻤﭙﯩﻚ ﺭﻭﻫﯩﻐﺎ ﺧﯩﻼﭖ ﻫﻪﺭﯨﻜﻪﺕ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺳﯜﺭﯛﺷﺘﯜﺭﯛﺷﻜﻪ ﭼﺎﻗﯩﺮﺩﻯ.

ﻓﯧﺮﻧﺎﻧﺪﯗ ﻛﺎﺳﺘﯧﻠﻠﻮ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﺪﺍ ﻣﯘﻧﺪﺍﻕ ﺩﻩﻳﺪﯗ ، "ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻐﺎ ﺑﯩﺮ ﻳﯩﻞ ﻗﺎﻟﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺭﻩﺋﯩﺴﻰ ﺗﻪﻟﻪﭖ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﻣﻪﺳﯩﻠﯩﻠﻪﺭﻧﻰ ﻳﻪﻧﻰ ﺗﯜﺭﻣﯩﺪﯨﻜﻰ ﻣﯘﺧﺒﯩﺮﻻﺭﻧﻰ، ﺋﯩﻨﺘﯧﺮﻧﯧﺖ ﻳﺎﺯﻏﯘﭼﯩﻠﯩﺮﯨﻨﻰ ﻗﻮﻳﯘﭖ ﺑﯧﺮﯨﺶ، ﺋﯩﻨﺘﯧﺮﻧﯧﺘﻨﻰ ﭼﻪﻛﻠﻪﺷﻜﻪ ﺧﺎﺗﯩﻤﻪ ﺑﯧﺮﯨﺶ ﯞﻩ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﺋﻪﺭﻛﯩﻦ ﺧﻪﯞﻩﺭ ﺑﯧﺮﯨﺸﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﻗﺎﺗﺎﺭﻟﯩﻘﻼﺭﻧﻰ ﻫﺎﺯﯨﺮﻏﯩﭽﻪ ﺗﻪﻟﻪﭖ ﻗﯩﻠﻤﯩﺪﻯ."

ﺧﯩﺘﺎﻱ ﻫﯚﻛﯜﻣﯩﺘﻰ ﻧﯩﻤﯩﺸﻘﺎ ﯞﻩﺩﯨﺴﯩﺪﻩ ﺗﯘﺭﻣﺎﻳﺪﯗ ؟

ﺋﺎﻣﯧﺮﯨﻜﯩﺪﺍ ﻳﺎﺷﺎﻳﺪﯨﻐﺎﻥ ﺧﯩﺘﺎﻱ ﻣﯘﻻﻫﯩﺰﯨﭽﻰ ﻟﻴﯘ ﺷﺎﯞﺟﯘﻱ، ﺧﯩﯩﺘﺎﻳﻨﯩﯔ ﯞﻩﺩﯨﺴﯩﻨﻰ ﺋﻮﺭﯗﻧﺪﯨﺸﯩﻐﺎ ﺗﻮﺳﺎﻟﻐﯘ ﺑﻮﻟﯩﯟﺍﺗﻘﺎﻥ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﻩ ﺗﻮﺧﺘﯘﻟﯘﭖ، "ﺧﯩﺘﺎﻳﺪﺍ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﻳﻮﻟﻐﺎ ﻗﻮﻳﯘﻟﺴﺎ، ﺑﯩﺮ ﭘﺎﺭﺗﯩﻴﻪ ﺩﯨﻜﺘﺎﺗﯘﺭﻟﯩﻘﯩﻐﺎ ﺩﻩﺯ ﻛﯧﺘﯩﺸﻰ ﻣﯜﻣﻜﯩﻦ،" ﺩﻩﭖ ﻛﯚﺭﺳﻪﺗﺘﻰ.

ﻟﻴﯘ ﺷﺎﯞﺟﯘﻱ، " ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﻳﺎﻛﻰ ﺋﯘﭼﯘﺭﻧﻰ ﺑﯩﻠﯩﺶ ﺋﻪﺭﻛﯩﻨﻠﯩﻜﻰ ﺑﯘ ﺑﯩﺮ ﺋﯘﻧﯩﯟﯦﺮﺳﺎﻝ ﻗﯩﻤﻤﻪﺕ ﻗﺎﺭﯨﺸﯩﺪﯗﺭ. ﺑﯘ ﺋﯩﻨﺴﺎﻧﯩﻴﻪﺗﻨﯩﯔ ﻣﻪﺳﺌﯘﻟﯩﻴﯩﺘﻰ، ﻣﻪﺟﺒﯘﺭﯨﻴﯩﺘﻰ ﯞﻩ ﻫﻮﻗﯘﻗﯩﻨﯩﯔ ﺋﺎﻳﺮﯨﻠﻤﺎﺱ ﺑﯩﺮ ﻗﯩﺴﯩﻤﻰ. ﺟﯘﯕﮕﻮﻧﯩﯔ ﺩﯙﻟﻪﺕ ﺋﻪﻫﯟﺍﻟﯩﻤﯩﺰ ﺋﻮﺧﺸﯩﻤﺎﻳﺪﯗ، ﺩﯦﮕﻪﻧﻠﯩﻚ ﺋﻪﻣﯩﻠﯩﻴﻪﺗﺘﻪ ﺑﯩﺮ ﭘﺎﺭﺗﯩﻴﻪ ﺩﯨﻜﺘﺎﺗﯘﺭﻟﯘﻗﯩﺪﯨﻦ ﺋﯩﺒﺎﺭﻩﺕ ﺑﯘ ﺋﻪﻧﮕﯜﺷﺘﻪﺭﺩﯨﻦ ﯞﺍﺯ ﻛﯧﭽﯩﺸﻨﻰ ﺧﺎﻟﯩﻤﯩﻐﺎﻧﻠﯩﻘﺘﯘﺭ. ﺷﯘﯕﺎ ﺋﯘﻻﺭ ﺑﯩﺮ ﭘﺎﺭﺗﯩﻴﻪ ﺩﯨﻜﺘﺎﺗﯘﺭﻟﯩﻘﯩﺪﺍ ﻛﯩﺸﯩﻠﻪﺭﻧﻰ ﻗﺎﻧﭽﯩﻠﯩﻚ ﺋﺎﻟﺪﯨﻴﺎﻟﯩﺴﺎ، ﺷﯘﻧﭽﯩﻠﯩﻚ ﺋﺎﻟﺪﺍﺵ ﻳﻮﻟﯩﻨﻰ ﺗﯘﺗﯩﯟﺍﺗﯩﺪﯗ. ﺋﻪﮔﻪﺭ ﺋﯘﭼﯘﺭ ﺋﻪﺭﻛﯩﻨﻠﯩﻜﻰ ﻳﻮﻟﻐﺎ ﻗﻮﻳﯘﻟﺴﺎ، ﭘﯘﻗﺮﺍﻻﺭﻧﻰ ﺋﺎﻟﺪﺍﺵ ﻣﯘﻣﻜﯩﻨﭽﯩﻠﯩﻜﻰ ﻗﺎﻟﻤﺎﻳﺪﯗ. ﺑﯘ ﺋﻪﻫﯟﺍﻟﺪﺍ ﺑﯩﺮ ﭘﺎﺭﺗﯩﻴﻪ ﺩﯨﻜﺘﺎﺗﯘﺭﻟﯘﻗﻰ ﻳﯩﻤﯩﺮﯨﻠﯩﺸﻰ ﻣﯜﻣﻜﯩﻦ. ﺷﯘﯕﺎ ﺧﯘ ﺟﯩﯖﺘﺎﯞ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﮕﻪ ﺋﻪﺷﻪﺩﺩﯨﻲ ﭘﻮﺯﯨﺘﺴﯩﻴﻪ ﺗﯘﺗﻤﺎﻗﺘﺎ،" ﺩﻩﭖ ﻛﯚﺭﺳﻪﺗﺘﻰ.

ﭺ ﻡ ﺕ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻼﻣﺪﯗ ؟

ﺧﯩﺘﺎﻱ ﺳﺎﻗﭽﯩﻠﯩﺮﻯ، 2007 - ﻳﯩﻠﻰ 6 - ﺋﺎﯞﻏﯘﺳﺘﺘﺎ، ﺑﯧﻴﺠﯩﯖﺪﯨﻜﻰ ﻧﺎﻣﺎﻳﯩﺶ ﻗﯩﻠﻐﺎﻥ ﯞﻩ ﻧﺎﻣﺎﻳﯩﺸﻨﻰ ﺯﯨﻴﺎﺭﻩﺕ ﻗﯩﻠﯩﯟﺍﺗﻘﺎﻥ ﻣﯘﺧﺒﯩﺮﻻﺭﻧﻰ ﺳﻮﺭﺍﻕ ﻗﯩﻠﻤﺎﻗﺘﺎ. Beijing police (L) question foreign journalists, including an AFP reporter, who were covering a protest by an international press freedom group opposite the Beijing Olympic organising committee's headquarters in Beiijing, 06 August 2007. AFP PHOTO/Peter PARKS

ﭼﯩﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﺪﯨﻜﻰ ﺧﺎﺩﯨﻤﻼﺭ ﺑﯘ ﻳﯩﻠﻨﯩﯔ ﺑﺎﺷﻠﯩﺮﻯ ﺧﯩﺘﺎﻳﻨﯩﯔ ﺗﻪﻛﻠﯩﭙﯩﮕﻪ ﺑﯩﻨﺎﺋﻪﻥ ﺑﯧﻴﺠﯩﯖﻨﻰ ﺯﯨﻴﺎﺭﻩﺕ ﻗﯩﻠﻐﺎﻧﺪﺍ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﻣﻪﺯﻛﯘﺭ ﺗﻪﺷﻜﯩﻼﺗﻨﯩﯔ ﻣﻪﺳﺌﯘﻟﻰ ﯞﯦﻨﺴﯧﻨﺖ ﺑﺮﯗﺳﺴﯧﻠﻰ ﺑﯧﻴﺠﯩﯖﺪﯨﻜﻰ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﺪﺍ ﺑﯘ ﻣﻪﻳﺪﺍﻧﯩﻨﻰ ﻳﻪﻧﻪ ﺗﻪﻛﯩﺘﻠﻪﭖ، "ﺋﻪﯓ ﻣﯘﻫﯩﻤﻰ ﺑﯩﺰ ﺑﯘ ﻳﻪﺭﮔﻪ ﺑﺎﻳﻘﯘﺕ ﻗﯩﻠﯩﺶ ﺋﯜﭼﯜﻥ ﺋﻪﻣﻪﺱ، ﺑﻪﻟﻜﻰ ﺳﯩﻴﺎﺳﻰ ﻣﻪﻫﺒﯘﺳﻼﺭﻧﻰ ﻗﻮﻳﯘﭖ ﺑﯧﺮﯨﺶ، ﺗﻮﺭ ﺑﻪﺗﻠﯩﺮﯨﮕﻪ ﻛﯩﺮﯨﺸﻨﻰ ﺋﺎﺳﺎﻧﻼﺷﺘﯘﺭﯗﺵ ﯞﻩ ﺭﺍﺩﯨﺌﻮ ﻛﺎﺷﯩﻠﯩﺴﯩﻐﺎ ﺧﺎﺗﯩﻤﻪ ﺑﯧﺮﯨﺸﻜﻪ ﻛﻪﻟﮕﻪﻧﻤﯩﺰ،" ﺩﻩﭖ ﻛﯚﺭﺳﻪﺗﺘﻰ.

ﺋﻮﻟﯩﻤﭙﯩﻚ ﺩﯗﻧﻴﺎﻏﺎ ﺋﯧﭽﯩﻠﯩﺸﺘﯩﻜﻰ ﻛﯚﺯﻧﻪﻙ

ﺭﺍﺩﯨﺌﻮﻣﯩﺰﻏﺎ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﻫﻪﻳﯟﻩ ﻛﯚﺭﺳﯩﺘﯩﺶ ﻣﻪﻗﺴﯩﺘﯩﺪﻩ ﺋﯚﺗﻜﯜﺯﻣﻪﻛﭽﻰ ﺑﻮﻟﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﻟﻴﯘ ﺷﺎﯞﺟﯘﻱ، ﻟﯧﻜﯩﻦ ﺑﯘ ﻣﯘﺳﺎﺑﯩﻘﻪ ﺩﯗﻧﻴﺎﻧﯩﯔ ﺩﯨﻘﻘﻪﺕ ﻧﻪﺯﯨﺮﯨﻨﻰ ﺧﯩﺘﺎﻳﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﯞﻩﻗﻪﻟﻪﺭﮔﻪ ﺗﺎﺭﺗﯩﺸﺘﯩﻜﻰ ﻛﯚﺯﻧﻪﻙ ﺑﻮﻟﯘﭖ ﻗﺎﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺋﯘ ﻣﯘﻧﺪﺍﻕ ﺩﻩﻳﺪﯗ، " ﺑﯘﺭﯗﻥ ﻛﻮﻣﭙﺎﺭﺗﯩﻴﻪ ﺩﻩﺭﯞﺍﺯﯨﻨﻰ ﺗﺎﻗﯩﯟﯦﻠﯩﭗ ﺟﺎﻫﺎﻥ ﺳﻮﺭﺍﺷﻨﻰ ﻳﺎﺧﺸﻰ ﻛﯚﺭﻩﺗﺘﻰ. ﺑﻮﻟﯘﭘﻤﯘ ﺧﯘ ﺟﯩﯖﺘﺎﯞﺩﺍ ﺑﯘ ﺧﺎﺋﯩﺶ ﺗﯧﺨﯩﻤﯘ ﺋﯧﻐﯩﺮ. ﺑﯘﺭﯗﻥ ﺳﯧﺴﺘﯩﻤﺎ ﺩﻩﺭﯞﺍﺯﯨﻨﻰ ﺗﺎﻗﯩﯟﯦﻠﯩﺸﻘﺎ ﺑﺎﻏﻠﯩﻨﺎﺗﺘﻰ. ﻟﯧﻜﯩﻦ ﺋﻮﻟﯩﻤﭙﯩﻚ ﺋﯘ ﺗﺎﻗﯩﺴﯩﻤﯘ ﺗﺎﻗﯩﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﺑﯩﺮ ﻛﯚﺯﻧﻪﻙ ﺑﻮﻟﯘﭖ ﻗﺎﻟﺪﻯ. ﺋﻪﻣﺪﻯ ﺑﯘ ﻛﯚﺯﻧﻪﻛﻨﻰ ﺗﺎﻗﯩﯟﯦﻠﯩﺶ ﺗﻪﺱ، ﺗﺎﻗﯩﯟﺍﻟﻐﺎﻥ ﺗﻪﻗﺪﯨﺮﺩﯨﻤﯘ ﭘﯜﺗﯜﻥ ﺩﯗﻧﻴﺎ ﺳﯩﺰﻧﯩﯔ ﻧﯩﻤﻪ ﺋﯩﺶ ﻗﯩﻠﯩﯟﺍﺗﻘﺎﻧﻠﯩﻘﯩﯖﯩﺰﻧﻰ ﻛﯚﺭﯛﭖ ﺗﯘﺭﯨﺪﯗ."

ﺧﯩﺘﺎﻱ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﮔﻪ ﻗﻮﺵ ﺋﯚﻟﭽﻪﻡ ﻗﻮﻟﻼﻧﻤﺎﻗﺘﺎ

ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻳﯩﻠﻨﯩﯔ ﺑﺎﺷﻠﯩﺮﯨﺪﺍ ﺑﻪﻟﮕﯩﻠﯩﻤﻪ ﭼﯩﻘﯩﺮﯨﭗ، ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﺧﯩﺘﺎﻳﺪﯨﻜﻰ ﻫﻪﺭ ﻗﺎﻳﺴﻰ ﺋﯚﻟﻜﻪ - ﺋﺎﭘﺘﻮﻧﻮﻡ ﺭﺍﻳﻮﻧﻼﺭﻧﻰ ﺭﯗﺧﺴﻪﺗﺴﯩﺰ ﺳﺎﻳﺎﻫﻪﺕ ﻗﯩﻠﯩﺶ ﯞﻩ ﻳﻪﺭﻟﯩﻚ ﺩﺍﺋﯩﺮﯨﻠﻪﺭﻧﯩﯔ ﺭﯗﺧﺴﯩﺘﯩﺴﯩﺰ ﺧﺎﻟﯩﻐﺎﻥ ﻛﯩﺸﯩﻠﻪﺭ ﺳﯚﻫﺒﻪﺕ ﺋﯚﺗﻜﯜﺯﯛﺵ ﺋﻪﺭﻛﯩﻨﻠﯩﻜﻰ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﯞﻩ ﺑﯘ ﺑﻪﻟﮕﯩﻠﯩﻤﻪ 2008 - ﻳﯩﻠﻰ 10 - ﺋﺎﻳﻨﯩﯔ 18 - ﻛﯜﻧﯩﮕﯩﭽﻪ ﻳﻮﻟﻐﺎ ﻗﻮﻳﯘﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﻟﯧﻜﯩﻦ ﺧﯩﺘﺎﻱ ﺗﺎﺷﻘﯩﻲ ﺋﯩﺸﻼﺭﻣﯩﻨﯩﺴﺘﯩﺮﻟﯩﻜﻰ ﮔﯧﺮﻣﺎﻧﯩﻴﯩﻨﯩﯔ ﺑﯧﻴﺠﯩﯖﺪﯨﻜﻰ ﺑﯩﺮ ﻣﯘﺧﺒﯩﺮﻯ ﺑﯩﻠﻪﻥ ﻳﻪﻧﻪ ﺑﯩﺮ ﺋﺎﻣﯧﺮﯨﻜﺎ ﻣﯘﺧﺒﯩﺮﯨﻐﺎ ﺑﯘ ﻳﯩﻞ 4 - ﺋﺎﻳﺪﺍ ﺗﯩﺒﻪﺗﻨﻰ ﺯﯨﻴﺎﺭﻩﺕ ﻗﯩﻠﻐﺎﻧﻠﯩﻘﻰ ﺋﯜﭼﯜﻥ ﺋﺎﮔﺎﻫﻼﻧﺪﯗﺭﯗﺵ ﺑﯧﺮﯨﭗ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺑﯩﻠﻪﻥ ﺗﯩﺒﻪﺕ ﺑﻪﻟﮕﯩﻠﯩﻤﯩﺪﯨﻜﻰ ﺭﺍﻳﻮﻧﻼﺭﻏﺎ ﻛﯩﺮﻣﻪﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﻟﻴﯘ ﺷﺎﯞﺟﯘﻱ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺑﯘ ﻣﻪﺳﯩﻠﯩﺪﻩ ﻗﻮﺵ ﺋﯚﻟﭽﻪﻡ ﻗﻮﻟﻠﯘﻧﯘﺵ ﺑﯩﻠﻪﻥ ﺋﻪﻳﯩﭙﻠﯩﺪﻯ. ﺋﯘ، "ﺋﯘﻻﺭ ﻗﻮﺵ ﺋﯚﻟﭽﻪﻡ ﻗﻮﻟﻼﻧﻤﺎﻗﺘﺎ. ﺧﻪﻧﺰﯗﻻﺭ ﺭﺍﻳﻮﻧﯩﻐﺎ ﺑﯩﺮ ﺧﯩﻞ ﺋﯚﻟﭽﻪﻡ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺭﺍﻳﻮﻧﯩﻐﺎ ﻳﻪﻧﻪ ﺑﯩﺮ ﺧﯩﻞ ﺋﯚﻟﭽﻪﻡ ﻗﻮﻟﻠﯘﻧﯘﺵ ﺑﯘ ﭘﯜﺗﯜﻧﻠﻪﻱ ﺋﺎﻟﺠﯩﻐﺎﻧﻠﯩﻘﺘﯘﺭ. ﺋﻪﮔﻪﺭ ﺟﯘﯕﮕﻮ ﺋﺎﺗﺎﻟﻤﯩﺶ ﻛﯚﭖ ﻣﯩﻠﻠﻪﺗﻠﯩﻚ، ﺋﯩﺘﺘﯩﭙﺎﻗﻼﺷﻘﺎﻥ ﺑﯩﺮ ﺩﯙﻟﻪﺕ ﺑﻮﻟﺴﺎ، ﻫﻪﻣﻤﻪ ﻳﻪﺭﮔﻪ ﺋﻮﺧﺸﺎﺵ ﻣﯘﺋﺎﻣﯩﻠﻪ ﻗﯩﻠﯩﺶ ﻻﺯﯨﻢ. ﻣﻪﺭﻛﯩﺰﻯ ﻫﯚﻛﯜﻣﻪﺕ ﺑﯘ ﺑﻪﻟﮕﯩﻠﯩﻤﯩﻨﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺭﺍﻳﻮﻧﻠﯩﺮﯨﻐﯩﻤﯘ ﻗﻮﻟﻠﯩﻨﯩﺸﻰ ﻛﯧﺮﻩﻙ،" ﺩﻩﻳﺪﯗ.

ﭼﯩﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺑﯧﻴﺠﯩﯖﺪﺍ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﺋﯚﺗﻜﯜﺯﮔﻪﻥ 4 ﻛﯩﺸﯩﻠﯩﻚ ﮔﯘﺭﯗﭘﭙﯩﺪﯨﻜﻰ ﺭﯗﺑﯩﻨﺎ ﻣﯚﺧﺮﯨﯔ، ﻣﯘﺧﺒﯩﺮﻻﺭ ﻫﻮﻗﯘﻗﯩﻨﻰ ﻗﻮﻏﺪﯨﻐﯘﭼﻰ ﻣﻪﺯﻛﯘﺭ ﺗﻪﺷﻜﯩﻼﺗﻨﯩﯔ ﺋﺎﯞﺳﺘﯩﺮﻳﯩﻠﯩﻚ ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺘﻰ. ﻣﯚﺧﺮﯨﯔ، ﺋﺎﺧﺒﺎﺭﺍﺕ ﻳﯩﻐﯩﻨﯩﺪﺍ "ﺧﯩﺘﺎﻱ ﻫﯚﻛﯜﻣﯩﺘﻰ ﻫﻪﻣﻤﻪ ﺋﺎﺩﻩﻣﻨﻰ ﺟﯜﻣﻠﯩﺪﯨﻦ ﺑﯩﺰﻧﯩﻤﯘ ﺋﯚﺗﻜﻪﻥ 1 - ﺋﺎﻳﺪﺍ ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﻐﺎﻥ ﯞﺍﻗﺘﯩﻤﯩﺰﺩﺍ ﻛﻮﻟﺪﯨﺮﻻﺗﺘﻰ. ﺋﯘﻻﺭ ﺑﯩﺰﮔﻪ ﺑﻪﺭﮔﻪﻥ ﯞﻩﺩﯨﺴﯩﻨﯩﯔ ﻫﯩﭻ ﺑﯩﺮﯨﺪﻩ ﺗﯘﺭﻣﯩﺪﻯ،" ﺩﻩﭖ ﻛﯚﺭﺳﻪﺗﺘﻰ. (ﺋﻪﺭﻛﯩﻦ)