ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺲ ﺋﻪﺯﺍﻟﯩﺮﻯ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻗﺎﻧﯘﻥ ﻻﻳﯩﻬﯩﺴﻰ ﺳﯘﻧﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻳﻨﯩﯔ ﺟﻮﺭﻧﺎﻟﯩﺴﻼﺭﻧﯩﯔ ﻫﻮﻗﯘﻗﯩﻨﻰ ﭼﻪﻛﻠﯩﺸﯩﮕﻪ ﻗﺎﺭﺷﻰ ﻛﯩﺘﺎﭖ. Bob Dietz, Asia coordinator for media watchdog, Committee to Protect Journalists (CPJ) holds up its just released report titled "Falling Short" in Beijing, 07 August 2007. China is facing mounting pressure to honour media-freedom pledges it made for the 2008 Olympics, with Western groups accusing the government of harassing and unfairly jailing journalists. AFP PHOTO/Peter PARKS

ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﺋﺎﺯ ﻗﺎﻟﻐﺎﻥ ﺑﯩﺮ ﻣﻪﺯﮔﯩﻠﺪﻩ ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻗﻰ ﺧﺎﺗﯩﺮﯨﺴﻰ ﻧﺎﭼﺎﺭ ﺑﯩﺮ ﺩﯙﻟﻪﺗﻨﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺋﯚﺗﻜﯜﺯﯛﺵ ﺳﺎﻻﻫﯩﻴﯩﺘﯩﮕﻪ ﺋﯩﮕﻪ ‏- ﺋﯩﮕﻪ ﺋﻪﻣﻪﺳﻠﯩﻚ ﻣﻪﺳﯩﻠﯩﺴﯩﮕﻪ ﺩﯗﭺ ﻛﻪﻟﺪﻯ. ﺧﯩﺘﺎﻱ ﻫﯚﻛﯜﻣﯩﺘﻰ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻗﻰ ﺗﻪﺷﻜﯩﻼﺗﻠﯩﺮﯨﻨﯩﯖﻼ ﺋﻪﻣﻪﺱ، ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺲ ﺋﻪﺯﺍﻟﯩﺮﯨﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻫﻪﻗﻘﯩﺪﯨﻜﻰ ﺑﯧﺴﯩﻤﻰ ﯞﻩ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﯩﺪﯨﻜﻰ ﺩﯦﻤﻮﻛﺮﺍﺕ ﻧﺎﻣﺰﺍﺗﻼﺭﻧﯩﯔ ﺗﻪﻧﻘﯩﺪﯨﮕﻪ ﺩﯗﭺ ﻛﻪﻟﻤﻪﻛﺘﻪ. ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﻨﯩﯔ 8 ﻧﻪﭘﻪﺭ ﺋﺎﯞﺍﻡ ﭘﺎﻻﺗﺎ ﺋﻪﺯﺍﺳﻰ، ﺋﻪﮔﻪﺭ ﺧﯩﺘﺎﻱ ﻫﯚﻛﯜﻣﯩﺘﻰ ﻛﯩﺸﯩﻠﯩﻚ ﻫﻮﻗﯘﻗﻰ ﺧﺎﺗﯩﺮﯨﺴﯩﻨﻰ ﻳﺎﺧﺸﯩﻠﯩﻤﯩﺴﺎ، ﺑﯘﺵ ﻫﯚﻛﯜﻣﯩﺘﯩﻨﻰ 2008 - ﻳﯩﻠﺪﯨﻜﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺸﻘﺎ ﭼﺎﻗﯩﺮﯨﺪﯨﻐﺎﻥ ﺑﯩﺮ ﻗﺎﻧﯘﻥ ﺗﻪﻛﻠﯩﭗ ﻻﻳﯩﻬﯩﺴﻰ ﻫﺎﺯﯨﺮﻟﯩﺪﻯ.

ﺟﯘﻣﻬﯘﺭﯨﻴﻪﺗﭽﻰ ﭘﺎﺭﺗﯩﻴﻪ ﺋﻪﺯﺍﻟﯩﺮﻯ ﺑﯘ ﻻﻳﯩﻬﯩﻨﻰ ﺳﯘﻧﺪﻯ

ﻛﯧﻠﻪﺭ ﻳﯩﻠﻰ ﺋﯚﺗﻜﯜﺯﯛﻟﯩﺪﯨﻐﺎﻥ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻫﻪﻗﻘﯩﺪﯨﻜﻰ ﻗﺎﻧﯘﻥ ﺗﻪﻛﻠﯩﭗ ﻻﻳﯩﻬﯩﺴﯩﻨﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻗﻰ ﺧﺎﺗﯩﺮﯨﺴﯩﻨﻰ ﺗﻪﻧﻘﯩﺪ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺟﯘﻣﻬﯘﺭﯨﻴﻪﺗﭽﻰ ﺋﺎﯞﺍﻡ ﭘﺎﻻﺗﺎ ﺋﻪﺯﺍﻟﯩﺮﯨﺪﯨﻦ ﺩﺍﻧﺎ ﺭﻭﺑﺎﻛﯧﺮ ﺋﻪﭘﻪﻧﺪﻯ ﯞﻩ ﺋﯩﻠﺌﯧﺌﺎﻧﺎ. ﺭﻭﺱ ﻟﯧﺘﯩﻨﺎﻧﺖ ﺧﺎﻧﯩﻤﻼﺭ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﯘﭖ، ﻣﻪﺯﻛﯘﺭ ﻗﺎﻧﯘﻥ ﺗﻪﻛﻠﯩﭗ ﻻﻳﯩﻬﯩﺴﻰ ﻫﺎﺯﯨﺮﻏﯩﭽﻪ ﺋﺎﯞﺍﻡ ﭘﺎﻻﺗﺎﺳﯩﺪﯨﻜﻰ 6 ﻧﻪﭘﻪﺭ ﺋﻪﺯﺍﻧﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﻜﻪﻥ. ﻗﺎﻧﯘﻥ ﺗﻪﻛﻠﯩﭗ ﻻﻳﯩﻬﯩﺴﯩﺪﻩ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﭘﯘﻗﺮﺍﻻﺭﻏﺎ ﭘﯩﻜﯩﺮ ﻗﯩﻠﯩﺶ، ﺳﯚﺯ، ﺩﯨﻨﯩﻲ ﺋﯧﺘﯩﻘﺎﺩ ﯞﻩ ﻳﯩﻐﯩﻠﯩﺶ ﺋﻪﺭﻛﯩﻨﻠﯩﻜﻰ ﺑﯧﺮﯨﺸﻨﻰ ﺋﯜﺯﻟﯜﻛﺴﯩﺰ ﺭﻩﺕ ﻗﯩﻠﻤﺎﻗﺘﺎ، ﺩﻩﭖ ﺋﻪﻳﯩﺒﻠﻪﺵ ﺑﯩﻠﻪﻥ ﺑﯩﺮﮔﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﻣﯩﯖﻠﯩﻐﺎﻥ ﺳﯩﻴﺎﺳﯩﻲ ﻣﻪﻫﺒﯘﺳﻼﺭﻧﻰ ﺳﻮﺕ ﺋﺎﭼﻤﺎﻱ، ﺳﯘﺋﺎﻝ- ﺳﻮﺭﺍﻗﺴﯩﺰ ﺗﯘﺗﯘﭖ ﺗﯘﺭﻣﺎﻗﺘﺎ، ﺩﻩﭖ ﺗﻪﻧﻘﯩﺪ ﻗﯩﻠﺪﻯ. ﻗﺎﻧﯘﻥ ﺗﻪﻛﻠﯩﭗ ﻻﻳﯩﻬﯩﺴﯩﺪﻩ ﻳﻪﻧﻪ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ 1936 ‏- ﻳﯩﻠﻰ ﻧﺎﺗﺴﯧﺴﺘﻼﺭ ﮔﯧﺮﻣﺎﻧﯩﻴﯩﺴﯩﺪﻩ ﺋﯚﺗﻜﯜﺯﯛﻟﮕﻪﻥ ﺑﯧﺮﻟﯩﻦ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺑﯩﻠﻪﻥ ﺳﯧﻠﯩﺸﺘﯘﺭﯗﭖ، ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺋﯚﺗﻜﯜﺯﯨﺪﯨﻐﺎﻥ ﺳﺎﻫﯩﺒﺨﺎﻥ ﺩﯙﻟﻪﺗﻨﯩﯔ ﺋﻮﺑﺮﺍﺯﻯ ﺋﯩﻨﺘﺎﻳﯩﻦ ﻣﯘﻫﯩﻢ، ﭼﯜﻧﻜﻰ ﺑﯘ ﻣﯘﺳﺎﺑﯩﻘﯩﮕﻪ ﻗﺎﺗﻨﯩﺸﯩﺪﯨﻐﺎﻥ ﺗﻪﻧﻬﻪﺭﻛﻪﺗﭽﯩﻠﻪﺭﻧﯩﯔ ﻛﯩﺸﯩﻠﯩﻜﻰ ﯞﻩ ﺋﻮﻟﯩﻤﭙﯩﻚ ﺭﻭﻫﯩﻐﺎ ﻧﯘﻗﺴﺎﻥ ﻳﻪﺗﻜﯜﺯﻣﻪﺳﻠﯩﻜﻰ ﻛﯧﺮﻩﻙ، ﺩﻩﭖ ﻛﯚﺭﺳﯩﺘﯩﻠﺪﻯ.

ﻧﯚﯞﻩﺗﺘﻪ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺗﻪﺗﯩﻠﺪﻩ ﺑﻮﻟﯘﭖ، ﻣﻪﺯﻛﯘﺭ ﻗﺎﻧﯘﻥ ﺗﻪﻛﻠﯩﭗ ﻻﻳﯩﻬﯩﺴﻰ ﺩﯙﻟﻪﺕ ﻣﻪﺟﻠﯩﺲ ﺋﻪﺯﺍﻟﯩﺮﻯ 9 - ﺋﺎﻳﺪﺍ ﺧﯩﺰﻣﻪﺗﻜﻪ ﭼﯜﺷﻜﻪﻧﺪﯨﻦ ﻛﯧﻴﯩﻦ، ﺋﺎﯞﺍﻡ ﭘﺎﻻﺗﺎﺳﯩﻨﯩﯔ ﺗﺎﺷﻘﻰ ﻣﯘﻧﺎﺳﯩﯟﻩﺗﻠﻪﺭ ﻛﻮﻣﯩﺘﯧﺘﯩﺪﺍ ﻣﯘﺯﺍﻛﯩﺮﯨﮕﻪ ﻗﻮﻳﯘﻟﯘﺷﻰ ﻣﯘﻣﻜﯩﻦ. ﻣﻪﺯﻛﯘﺭ ﻗﺎﻧﯘﻥ ﺗﻪﻛﻠﯩﭗ ﻻﻳﯩﻬﯩﺴﻰ ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﻣﺎﻗﯘﻟﻠﯩﺸﯩﺪﯨﻦ ﺋﯚﺗﻜﻪﻥ ﺗﻪﻗﺪﯨﺮﺩﯨﻤﯘ، ﻟﯧﻜﯩﻦ ﺑﯘ ﻗﺎﻧﯘﻥ ﺑﯘﺵ ﻫﯚﻛﯜﻣﯩﺘﯩﻨﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﭼﻪﻛﻠﻪﺷﻨﻰ ﺋﻮﻳﻠﯩﺸﯩﭗ ﻛﯚﺭﯛﺷﻜﻪ ﺋﯜﻧﺪﻩﻳﺪﯨﻐﺎﻥ ﺗﻪﯞﯨﺴﯩﻴﻪ ﺧﺎﺭﺍﻛﺘﯧﺮﻟﯩﻚ ﻗﺎﻧﯘﻥ ﺑﻮﻟﯘﭖ، ﺋﯘ ﺑﯘﺵ ﻫﯚﻛﯜﻣﯩﺘﯩﻨﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﭼﻪﻛﻠﻪﺷﻜﻪ ﺑﯘﺭﯗﻳﺪﯨﻐﺎﻥ ﻣﻪﺟﺒﯘﺭﻻﺵ ﺧﺎﺭﺍﻛﺘﯧﺮﯨﮕﻪ ﺋﯩﮕﻪ ﺋﻪﻣﻪﺱ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻣﻪﺯﻛﯘﺭ ﻗﺎﻧﯘﻥ ﺗﻪﻛﻠﯩﭗ ﻻﻳﯩﻬﯩﺴﯩﻨﻰ ﻗﻮﻟﻠﯩﺪﻯ

ﺭﺍﺑﯩﻴﻪ ﺧﺎﻧﯩﻢ MIT ﺩﺍ ﺳﯚﺯﺩﻩ. Photo by UAA

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﯘ ﺗﻪﺷﻜﯩﻼﺗﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺗﻪﺷﻪﺑﺒﯘﺳﻰ ﺑﯩﻠﻪﻥ ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭﺩﻩ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﭘﺎﺋﺎﻟﯩﻴﯩﺘﻰ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﻮﺭﮔﺎﻧﻼﺭﻧﯩﯔ ﺑﯩﺮﻯ ﺑﻮﻟﯘﭖ، ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﯩﻨﯩﯔ ﻣﻪﺯﻛﯘﺭ ﻗﺎﻧﯘﻥ ﺗﻪﻛﻠﯩﭗ ﻻﻳﯩﻬﯩﺴﯩﻨﻰ ﻗﻮﻟﻠﯩﺪﻯ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺳﯚﺯﯨﺪﻩ ﻳﻪﻧﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯜﺋﻪﻧﻨﯩﯔ ﺳﻪﻳﺸﻪﻧﺒﻪ ﻛﯜﻧﻰ ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﺋﯩﺪﯦﺌﻮﻟﻮﮔﯩﻴﻪ ﯞﻩ ﺳﯩﻴﺎﺳﯩﻲ ﻗﺎﻧﯘﻥ ﺳﯧﭙﯩﺪﯨﻜﻰ ﻛﺎﺩﯨﺮﻻﺭﻏﺎ ﻗﯩﻠﻐﺎﻥ ﺳﯚﺯﯨﺪﻩ "ﻛﯩﺸﯩﻠﯩﻚ ﻫﻮﻗﯘﻗﻨﻰ، ﻣﯩﻠﻠﯩﻲ ﯞﻩ ﺩﯨﻨﯩﻲ ﻣﻪﺳﯩﻠﯩﻠﻪﺭﻧﻰ ﺑﺎﻫﺎﻧﻪ ﻗﯩﻠﯩﭗ، ﻣﻪﺳﯩﻠﻪ ﺗﯘﻏﺪﯗﺭﻏﯘﭼﯩﻼﺭﻏﺎ 'ﺯﻩﺭﺑﻪ ﺑﯧﺮﯨﺶ ﯞﻩ ﺋﯧﻐﯩﺮ ﺑﯧﺴﯩﻢ ﺋﯩﺸﻠﯩﺘﯩﺶ ﯞﻩﺯﯨﻴﯩﺘﯩﻨﻰ'ﺳﺎﻗﻼﭖ ﻗﯧﻠﯩﺶ ﻫﻪﻗﻘﯩﺪﯨﻜﻰ ﺳﯚﺯﻯ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻜﻪ ﺟﻪﯓ ﺋﯧﻼﻥ ﻗﯩﻠﻐﺎﻧﻠﯩﻘﺘﯘﺭ " ﺩﻩﭖ ﻛﯚﺭﺳﻪﺗﺘﻰ.

ﺋﺎﯞﺍﻡ ﭘﺎﻻﺗﺎ ﺋﻪﺯﺍﺳﻰ ﺩﺍﻧﺎ ﺭﻭﺑﺎﻛﯧﺮ ﯞﻩ ﺋﯩﻠﯧﻨﺎ. ﺭﻭﺱ ﻟﯧﺘﯩﻨﺎﻧﺘﻼﺭﻧﯩﯔ ﻗﺎﻧﯘﻥ ﺗﻪﻛﻠﯩﭗ ﻻﻳﯩﻬﯩﺴﯩﺪﻩ ﻳﻪﻧﻪ، ﺧﯩﺘﺎﻱ ﻫﯚﻛﯜﻣﯩﺘﯩﺪﯨﻦ ﺳﯘﺩﺍﻧﻨﯩﯔ ﺩﺍﺭﻓﯘﺭ ﺭﺍﻳﻮﻧﯩﺪﯨﻜﻰ ﺋﯧﺮﻗﯩﻲ ﻗﯩﺮﻏﯩﻨﭽﯩﻠﯩﻘﺘﺎ ﺳﯘﺩﺍﻧﻐﺎ ﻳﺎﻥ ﺑﯧﺴﯩﺸﻨﻰ ﺗﻮﺧﺘﯩﺘﯩﺶ، ﺑﯧﺮﻣﺎ ﯞﻩ ﺷﯩﻤﺎﻟﯩﻲ ﻛﻮﺭﯨﻴﻪ ﻫﯚﻛﯜﻣﻪﺗﻠﯩﺮﯨﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻰ ﺩﻩﭘﺴﻪﻧﺪﯨﭽﯩﻠﯩﻜﯩﻨﻰ ﻗﻮﻟﻼﺷﻨﻰ ﺗﻮﺧﺘﯩﺘﯩﺸﻨﻰ ﺗﻪﻟﻪﭖ ﻗﯩﻠﺪﻯ. ﺑﯘﺵ ﻫﯚﻛﯜﻣﯩﺘﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﻰ ﻣﻪﺳﯩﻠﯩﺴﯩﺪﻩ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﻨﯩﯖﻼ ﺋﻪﻣﻪﺱ، ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻗﻰ ﺗﻪﺷﻜﯩﻼﺗﻠﯩﺮﯨﻨﯩﯔ ﺑﯧﺴﯩﻤﯩﻐﺎ ﺋﯘﭼﺮﯨﻤﺎﻗﺘﺎ.

ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻨﯩﯔ ﯞﺍﺷﯩﻨﮕﺘﻮﻧﺪﯨﻜﻰ ﯞﻩﻛﯩﻠﻰ ﺕ. ﻛﯘﻣﺎﺭ ﺧﯩﺘﺎﻳﻨﻰ ﺗﻪﻧﻘﯩﺪﻟﯩﺪﻯ

ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻨﯩﯔ ﯞﺍﺷﯩﻨﮕﺘﻮﻧﺪﯨﻜﻰ ﯞﻩﻛﯩﻠﻰ ﺕ. ﻛﯘﻣﺎﺭ ﺳﻪﻳﺸﻪﻧﺒﻪ ﻛﯜﻧﻰ ﯞﺍﺷﯩﻨﮕﺘﻮﻧﺪﯨﻜﻰ ﺋﺎﻣﯧﺮﯨﻜﺎ ﻣﯩﻠﻠﯩﻲ ﺋﺎﺧﺒﺎﺭﺍﺕ ﻛﯘﻟﯘﺑﯩﺪﺍ ﺳﯚﺯﻟﯩﮕﻪﻥ ﺳﯚﺯﯨﺪﻩ، ﭘﺮﯦﺰﯨﺪﯦﻨﺖ ﺑﯘﺵ ﯞﻩ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﺎﻧﺪﯨﻠﯩﺰﺍ ﺭﺍﻳﯩﺴﻨﻰ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﺴﻪ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﻳﻤﯩﺰ، ﺩﯦﮕﻪﻥ ﯞﻩﺩﯨﺴﯩﺪﻩ ﺗﯘﺭﯗﺷﻘﺎ ﻫﻪﻳﺪﻩﻛﭽﯩﻠﯩﻚ ﻗﯩﻠﯩﺸﻨﻰ ﺋﯚﺗﯜﻧﺪﻯ.

ﺕ. ﻛﯘﻣﺎﺭ، " ﺧﯩﺘﺎﻳﻨﯩﯔ ﻗﯩﻠﯩﻘﻰ ﻧﺎﻫﺎﻳﯩﺘﻰ ﻏﻪﻟﯩﺘﻪ . ﺋﯘﻻﺭ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺋﯚﺗﻜﯜﺯﯛﺵ ﻫﻮﻗﯘﻗﯩﻨﻰ ﺗﺎﻻﺷﻘﺎﻧﺪﺍ ﺑﯩﺮ ﻗﺎﺗﺎﺭ ﯞﻩﺩﯨﻠﻪﺭﻧﻰ ﺑﯧﺮﯨﭗ، ﺋﻪﮔﻪﺭ ﺋﯚﺗﻜﯜﺯﯛﺵ ﻫﻮﻗﯘﻗﯩﻐﺎ ﺋﯧﺮﯨﺸﺴﻪ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﻳﺪﯨﻐﺎﻧﻠﯩﻘﯩﻐﺎ ﻛﺎﭘﺎﻟﻪﺕ ﺑﻪﺭﮔﻪﻥ. 3 ﻧﻪﭘﻪﺭ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻪﻣﻪﻟﺪﺍﺭﻯ ﻗﺎﻳﺘﺎ - ﻗﺎﻳﺘﺎ ﯞﻩﺩﻩ ﺑﯧﺮﯨﭗ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﻳﻤﯩﺰ، ﺩﯦﮕﻪﻥ ﺋﯩﺪﻯ. ﻗﯩﺴﻘﯩﺴﻰ ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﺑﺎﻏﻠﯩﻐﺎﻥ " ﺩﻩﻳﺪﯗ. ﺋﯘ ﻳﻪﻧﻪ، ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ "ﻗﯩﻠﻐﯩﻠﻰ ﺑﻮﻟﯩﺪﯨﻐﺎﻥ" ﺑﻪﺯﻯ "ﺋﻪﻫﻤﯩﻴﻪﺗﻠﯩﻚ" ﻣﻪﺳﯩﻠﯩﻠﻪﺭﺩﻩ ﺧﯩﺘﺎﻳﻨﯩﯔ ﺋﯚﺯﮔﯩﺮﯨﺶ ﻳﺎﺳﯩﺸﯩﻨﻰ ﺗﻪﻟﻪﭖ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ، ﺧﯩﺘﺎﻱ ﻫﯚﻛﯜﻣﯩﺘﻰ ﻗﯩﻼﻻﻳﺪﯨﻐﺎﻥ ﺑﯘ ﺋﻪﻫﻤﯩﻴﻪﺗﻠﯩﻚ ﻣﻪﺳﯩﻠﯩﻠﻪﺭ ﺋﯚﻟﯜﻡ ﺟﺎﺯﺍﺳﯩﻨﻰ ﺋﺎﺯﺍﻳﺘﯩﺶ، ﺧﯩﺘﺎﻱ ﻳﺎﻛﻰ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﺳﯚﺯ ﺋﻪﺭﻛﯩﻨﻠﯩﻜﻰ، ﺗﯜﺭﻣﯩﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﻮﻏﺪﯨﻐﯘﭼﻰ ﺯﺍﺗﻼﺭﻧﻰ ﻗﻮﻳﯘﯞﯦﺘﯩﺶ، ﺋﻪﻣﮕﻪﻙ ﺑﯩﻠﻪﻥ ﺋﯚﺯﮔﻪﺭﺗﯩﺶ ﺗﯜﺯﯛﻣﯩﻨﻰ ﺑﯩﻜﺎﺭ ﻗﯩﻠﯩﺶ ﻗﺎﺗﺎﺭﻟﯩﻘﻼﺭ، ﺩﻩﭖ ﻛﯚﺭﺳﻪﺗﺘﻰ.

ﺟﻴﺎﯓ ﺷﺎﯞﻳﯜﻱ: "ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺳﯩﻴﺎﺳﯩﻴﻼﺷﺘﯘﺭﯗﺷﻘﺎ ﻗﺎﺭﺷﻰ ﺗﯘﺭﯨﻤﯩﺰ "

ﺋﺎﻣﯧﺮﯨﻜﺎ ﯞﻩ ﻳﺎﯞﺭﻭﭘﺎ ﺳﻪﻧﺌﻪﺕ ﺳﺎﻫﻪﺳﯩﺪﯨﻜﻰ ﺯﺍﺗﻼﺭ ﯞﻩ ﭼﻮﻟﭙﺎﻧﻼﺭ، ﺋﻪﮔﻪﺭ ﺧﯩﺘﺎﻱ ﺳﯘﺩﺍﻧﻨﯩﯔ ﺩﺍﺭﻓﯘﺭ ﺭﺍﻳﻮﻧﯩﺪﯨﻜﻰ ﻗﯩﺮﻏﯩﻨﭽﯩﻠﯩﻘﻨﻰ ﺗﻮﺧﺘﯩﺘﯩﺶ ﺗﻮﻏﺮﯨﺴﯩﺪﺍ ﺳﯘﺩﺍﻧﻐﺎ ﺑﯧﺴﯩﻢ ﺋﯩﺸﻠﻪﺗﻤﯩﺴﻪ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺸﻘﺎ ﭼﺎﻗﯩﺮﻣﺎﻗﺘﺎ. ﺋﺎﻣﯧﺮﯨﻜﯩﺪﯨﻜﻰ ﻣﻪﺷﻬﯘﺭ ﻛﯩﻨﻮ ﺭﯦﺠﯩﺴﺴﻮﺭﻯ ﺳﭙﯧﻠﺒﯧﺮﮒ، ﺋﻪﮔﻪﺭ ﺧﯩﺘﺎﻱ ﻫﯚﻛﯜﻣﯩﺘﻰ ﺩﺍﺭﻓﯘﺭ ﻣﻪﺳﯩﻠﯩﺴﯩﺪﻩ ﻳﻪﻧﻪ ﺟﯩﻢ ﺗﯘﺭﯗﯞﺍﻟﺴﺎ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺳﻪﻧﺌﻪﺕ ﻣﻪﺳﻠﯩﻬﻪﺗﭽﯩﻠﯩﻚ ﯞﻩﺯﯨﭙﯩﺴﯩﻨﻰ ﺗﺎﺷﻼﻳﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ. ﺋﺎﻣﯧﺮﯨﻜﯩﺪﯨﻜﻰ ﺧﯩﺘﺎﻱ ﻣﯘﻻﻫﯩﺰﯨﭽﻰ ﻟﻴﯘ ﺷﺎﯞﺟﯘﻱ، ﺋﻮﻟﯩﻤﭙﯩﻚ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺩﯗﻧﻴﺎﻧﯩﯔ ﺩﯨﻘﻘﻪﺕ ﻧﻪﺯﯨﺮﻯ ﺧﯩﺘﺎﻳﻐﺎ ﺑﯘﺭﺍﻟﻐﺎﻧﻠﯩﻘﯩﻨﻰ، ﻟﯧﻜﯩﻦ ﺑﯘ ﺧﯩﺘﺎﻱ ﺭﻩﻫﺒﻪﺭﻟﯩﺮﯨﻨﻰ ﺑﯩﺌﺎﺭﺍﻡ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘ،" ﻣﯧﻨﯩﯔ ﭘﻪﺭﯨﺰﯨﻤﭽﻪ، ﺋﻮﻟﯩﻤﭙﯩﻚ ﻳﯩﻐﯩﻨﻰ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﻤﯩﺴﻪ،ﺧﯘ ﺟﯩﯖﺘﺎﯞ ﺧﯘﺭﺳﻪﻥ ﺑﻮﻟﯘﺷﻰ ﻣﯘﻣﻜﯩﻦ. ﭼﯜﻧﻜﻰ ﺋﻮﻟﯩﻤﭙﯩﻚ ﺑﯩﺮ ﺗﻪﺭﻩﭘﺘﯩﻦ، ﺟﯘﯕﮕﻮﻧﯩﯔ ﺧﻪﻟﻘﺌﺎﺭﺍ ﺋﻮﺭﻧﯩﻨﻰ ﻛﯚﺗﻪﺭﺳﻪ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ، ﺟﯘﯕﮕﻮﻧﯩﯔ ﻧﯘﺭﻏﯘﻥ ﺳﻪﺗﭽﯩﻠﯩﻜﻠﯩﺮﻯ ﭘﺎﺵ ﺑﻮﻟﯩﺪﯗ. ﻛﯩﺸﯩﻠﻪﺭﻧﻰ ﻧﻪﺯﯨﺮﻯ ﺑﯧﻴﺠﯩﯖﻐﺎ ﻣﻪﺭﻛﻪﺯﻟﯩﺸﯩﭗ ﻧﯘﺭﻏﯘﻥ ﻗﺎﺭﺍﯕﻐﯘﻟﯘﻗﻼﺭ ﺋﻮﺗﺘﯘﺭﯨﻐﺎ ﭼﯩﻘﯩﺸﻰ ﻣﯘﻣﻜﯩﻦ " ﺩﻩﭖ ﻛﯚﺭﺳﻪﺗﺘﻰ.

ﻟﯧﻜﯩﻦ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﺗﻪﺷﻜﯩﻠﻠﯩﮕﯜﭼﻰ ﺋﻪﻣﻪﻟﺪﺍﺭﻻﺭ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺵ ﺗﻪﻟﻪﭘﻠﯩﺮﯨﻨﻰ ﺋﻮﻟﯩﻤﭙﯩﻜﻨﻰ ﺳﯩﻴﺎﺳﯩﻴﻼﺷﺘﯘﺭﻏﺎﻧﻠﯩﻘﺘﯘﺭ، ﺩﻩﭖ ﺋﻪﻳﯩﺒﻠﻪﭖ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﭼﻪﺗﺌﻪﻟﻠﯩﻜﻠﻪﺭﻧﯩﯔ ﺳﯩﻴﺎﺳﯩﻲ ﻣﻪﻗﺴﯩﺪﯨﻨﻰ ﺋﯩﺸﻘﺎ ﺋﺎﺷﯘﺭﯗﺷﺘﯩﻜﻰ ﻗﻮﺭﺍﻟﻰ ﻗﯩﻠﯩﯟﯨﻠﯩﺸﻘﺎ ﺭﯗﺧﺴﻪﺕ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺋﺎﮔﺎﻫﻼﻧﺪﯗﺭﻣﺎﻗﺘﺎ. ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﺷﻜﯩﻠﻰ ﻛﻮﻣﯩﺘﯧﺘﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﺟﻴﺎﯓ ﺷﺎﯞﻳﯜﻱ ﺋﺎﻟﺪﯨﻨﻘﻰ ﻛﯜﻧﻰ "ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺳﯩﻴﺎﺳﯩﻴﻼﺷﺘﯘﺭﯗﺷﻘﺎ ﻗﺎﺭﺷﻰ ﺗﯘﺭﯨﻤﯩﺰ " ﺩﻩﭖ ﺗﻪﻛﯩﺘﻠﯩﮕﻪﻥ.(ﺋﻪﺭﻛﯩﻦ)