ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﻫﻪﻗﻘﯩﺪﯨﻜﻰ ﻣﯘﻧﺎﺯﯨﺮﯨﻠﻪﺭ ﻛﯜﭼﻪﻳﻤﻪﻛﺘﻪ (2)

• ﻣﯘﺧﺒﯩﺮﯨﻤﯩﺰ ﺋﯚﻣﻪﺭ ﻗﺎﻧﺎﺗﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

2008‏- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻐﺎ 360 ﻛﯜﻥ ﻗﺎﻟﺪﻯ. ﻟﯧﻜﯩﻦ ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﯩﯔ ﻧﺎﭼﺎﺭﻟﯩﻘﻰ، ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺗﺘﻪ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﻰ، ﺩﺍﺭﻓﯘﺭﺩﯨﻜﻰ ﻗﯩﺮﻏﯩﻨﭽﯩﻠﯩﻘﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺳﯘﺩﺍﻥ ﻫﯚﻛﯜﻣﯩﺘﯩﻨﻰ ﺋﯜﺯﻟﯜﻛﺴﯩﺰ ﻗﻮﻟﻼﯞﺍﺗﻘﺎﻧﻠﯩﻘﻰ ﻗﺎﺗﺎﺭﻟﯩﻖ ﺋﻪﻫﯟﺍﻟﻼﺭ، ﺗﯩﻨﭽﻠﯩﻘﻨﻰ، ﻛﯩﺸﯩﻠﻪﺭ ﺋﺎﺭﯨﺴﯩﺪﺍ ﺩﻭﺳﺘﻠﯘﻕ ﯞﻩ ﻗﯧﺮﻧﺪﺍﺷﻠﯩﻘﻨﻰ ﺋﯜﻧﺪﻩﻳﺪﯨﻐﺎﻥ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯧﻐﯩﻨﯩﯔ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﯩﺸﯩﻨﯩﯔ ﺗﻮﻏﺮﺍ ﺑﯩﺮ ﻗﺎﺭﺍﺭ ﺑﻮﻟﯘﭖ -ﺑﻮﻟﻤﯩﻐﺎﻧﻠﯩﻘﻰ ﻫﻪﻗﻘﯩﺪﻩ ﺧﻪﻟﻘﺌﺎﺭﺍ ﺟﺎﻣﺎﺋﻪﺗﺘﻪ ﺟﯩﺪﺩﯨﻲ ﻣﯘﻧﺎﺯﯨﺮﻩ ﻗﻮﺯﻏﯩﻤﺎﻗﺘﺎ.

ﺑﯧﻴﺠﯩﯖﺪﺍ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﺵ ﻫﻪﻗﻘﯩﺪﻩ ﺋﯜﺯﻟﯜﻛﺴﯩﺰ ﻣﯘﻧﺎﺯﯨﺮﻩ

ﺋﺎﻟﺪﯨﻨﻘﻰ ﭘﺮﻭﮔﺮﺍﻣﯩﻤﯩﺰﺩﺍ، 11‏-ﺋﺎﯞﻏﯘﺳﺖ ﻛﯜﻧﻰ ﺋﯩﺴﺮﺍﺋﯩﻠﯩﻴﯩﻨﯩﯔ ﻳﯧﻨﯧﺖ ﺧﻪﯞﻩﺭ ﺗﻮﺭ ﺑﯧﺘﯩﺪﻩ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯧﻐﯩﻨﻰ ﻫﻪﻗﻘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﻣﺎﻗﺎﻟﯩﺪﻩ، 2008‏- ﻳﯩﻠﻠﯩﻖ ﺑﯧﻴﺠﯩﯔ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﯩﯔ 1936‏- ﻳﯩﻠﻰ ﻓﺎﺷﯩﺴﺖ ﮔﯧﺮﻣﺎﻧﯩﻴﯩﻨﯩﯔ ﭘﺎﻳﺘﻪﺧﺘﻰ ﺑﯧﺮﻟﯩﻦ ﺷﻪﻫﯩﺪﻩ ﺋﯚﺗﻜﯜﺯﯛﻟﮕﻪﻥ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﺑﯩﻠﻪﻥ ﺳﯧﻠﯩﺸﺘﯘﺭﯗﻟﻐﺎﻧﻠﯩﻘﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﻪﺭﮔﻪﻥ ﺋﯩﺪﯗﻕ.

13 ‏-ﺋﺎﯞﻏﯘﺳﺖ ﻛﯜﻧﻰ ﻛﺎﻧﺎﺩﺍﺩﺍ ﭼﯩﻘﯩﺪﯨﻐﺎﻥ "ﺋﯩﺪﻣﻮﻧﺘﻮﻥ ﺳﻪﻥ" ﻳﻪﻧﻰ ﺋﯩﺪﻣﻮﻧﺘﻮﻥ ﻗﻮﻳﺎﺵ ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﻣﺎﻗﺎﻟﯩﺪﻩ 2008‏-ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯧﻐﯩﻨﻰ 1980‏- ﻳﯩﻠﯩﺪﯨﻜﻰ ﻣﻮﺳﻜﯟﺍ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯧﻐﯩﻨﻰ ﺑﯩﻠﻪﻥ ﺳﯧﻠﯩﺸﺘﯘﺭﯗﻟﻐﺎﻥ.

ﭘﯧﺘﻪﺭ ﯞﻭﺭﺗﯩﯖﺘﻮﻥ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻥ ﻣﻪﺯﻛﯘﺭ ﻣﺎﻗﺎﻟﯩﺪﻩ، 1979‏- ﻳﯩﻠﻰ ﻳﻪﻧﻰ 28 ﻳﯩﻞ ﺑﯘﺭﯗﻥ ﺋﺎﻣﯧﺮﯨﻜﯩﻨﯩﯔ ﺋﻪﻳﻨﻰ ﯞﺍﻗﺘﯩﺪﯨﻜﻰ ﭘﺮﯦﺰﯨﺪﯦﻨﺘﻰ ﺟﯩﻤﻰ ﻛﺎﺭﺗﻪﺭﻧﯩﯔ ﺳﻮﯞﯨﺖ ﺋﯩﺘﺘﯩﭙﺎﻗﯩﻨﯩﯔ ﺋﺎﻓﻐﺎﻧﯩﺴﺘﺎﻥ ﺋﯩﺸﻐﺎﻟﻰ ﺳﻪﯞﻩﺑﯩﺪﯨﻦ 1980‏- ﻳﯩﻠﻠﯩﻖ ﻣﻮﺳﻜﯟﺍ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺸﻘﺎ ﭼﺎﻗﯩﺮﻏﺎﻧﻠﯩﻘﻰ، ﺑﯜﮔﯜﻥ ﺑﻮﻟﺴﺎ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﻗﺎﺗﺎﺭﻟﯩﻖ ﻧﯘﺭﻏﯘﻧﻠﯩﻐﺎﻥ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺸﻘﺎ ﭼﺎﻗﯩﺮﯞﺍﺗﻘﺎﻧﻠﯩﻘﻰ ﺋﻪﺳﻜﻪﺭﺗﯩﻠﮕﻪﻥ.

ﮔﻪﺭﭼﻪ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﭘﺮﯦﺰﯨﺪﯦﻨﺖ ﺟﯩﻤﯩﻲ ﻛﺎﺭﺗﻪﺭﻧﯩﯔ ﺗﻪﻛﻠﯩﭙﯩﻨﻰ ﺭﻩﺕ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﺎﻣﯧﺮﯨﻜﺎ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﺋﯘﻧﯩﯔ ﺗﻪﻟﯩﭙﯩﻨﻰ ﻗﻮﺑﯘﻝ ﻗﯩﻠﯩﭗ، ﺋﺎﻣﯧﺮﯨﻜﺎ ﺗﻪﻧﻬﻪﺭﯨﻜﻪﺗﭽﯩﻠﯩﺮﯨﻨﯩﯔ ﻣﻮﺳﻜﯟﺍ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻐﺎ ﻗﺎﺗﻨﺎﺷﻤﺎﻳﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ ﭘﯧﺘﻪﺭ ﯞﻭﺭﺗﯩﯖﺘﻮﻥ ﻣﺎﻗﺎﻟﯩﺴﯩﻨﻰ ﺩﺍﯞﺍﻣﻼﺷﺘﯘﺭﯗﭖ ﻣﯘﻧﺪﺍﻕ ﺩﻩﻳﺪﯗ": ﻧﻪﺗﯩﺠﯩﺪﻩ 60 ﺋﻪﺗﺮﺍﭘﯩﺪﺍ ﺩﯙﻟﻪﺕ ﻣﻮﺳﻜﯟﺍ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﺪﻯ ﯞﻩ 1980‏-ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯧﻐﯩﻨﻰ ﺳﻮﯞﯨﺖ ﺋﯩﺘﺘﯩﭙﺎﻗﻰ ﺋﯜﭼﯜﻥ ﭼﻮﯓ ﺋﯩﻘﺘﺴﺎﺩﯨﻲ ﯞﻩﻳﺮﺍﻧﭽﯩﻠﯩﻖ ﺋﯧﻠﯩﭗ ﻛﻪﻟﺪﻯ."

ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﯩﯔ 1980‏- ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯧﻐﯩﻨﻰ ﺑﺎﻳﻘﯘﺕ ﻗﯩﻠﯩﺶ ﺋﺎﺭﻗﯩﻠﯩﻖ ﺋﺎﻓﻐﺎﻧﯩﺴﺘﺎﻧﻨﻰ ﺋﯩﺸﻐﺎﻝ ﻗﯩﻠﻐﺎﻥ ﺳﻮﯞﯨﺖ ﺋﯩﺘﺘﯩﭙﺎﻗﯩﻨﻰ ﺟﺎﺯﺍﻻﻧﺪﯗﺭﻏﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ ﺋﺎﭘﺘﯘﺭ، ﺑﯜﮔﯜﻥ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺶ ﺗﻮﻏﺮﯨﺴﯩﺪﺍ ﻧﯘﺭﻏﯘﻥ ﭘﺎﺋﺎﻟﯩﻴﻪﺗﻠﻪﺭ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘ ﭘﺎﺋﺎﻟﯩﻴﻪﺗﻠﻪﺭﻧﯩﯔ ﺗﯧﺨﻰ ﺑﯩﺮ ﻧﻪﺗﯩﺠﻪ ﺑﻪﺭﻣﯩﮕﻪﻧﻠﯩﻜﯩﻨﻰ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ 2008‏- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻐﺎ ﺑﯩﺮ ﻳﯩﻞ ﻗﺎﻟﻐﺎﻧﻠﯩﻘﯩﻨﻰ ﺗﻪﻧﺘﻪﻧﯩﻠﯩﻚ ﻣﯘﺭﺍﺳﯩﻤﻼﺭ ﺑﯩﻠﻪﻥ ﻗﺎﺭﺷﻰ ﺋﺎﻟﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﺑﯧﻴﺠﯩﯔ ﻫﺎﻛﯩﻤﯩﻴﯩﺘﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺩﻩﭘﺴﻪﻧﺪﻩ ﻗﯩﻠﯩﯟﺍﺗﻘﺎﻧﻠﯩﻘﻰ ﺗﻪﻛﯩﺘﻠﻪﻧﻤﻪﻛﺘﻪ

ﻣﺎﻗﺎﻟﯩﺴﯩﺪﻩ ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ، ﺧﻪﻟﻘﺌﺎﺭﺍ ﻣﯘﺧﺒﯩﺮﻻﺭﻧﻰ ﻗﻮﻏﺪﺍﺵ ﺗﻪﺷﻜﯩﻼﺗﻰ، ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯜﺯﯨﺘﯩﺶ ﺗﻪﺷﻜﯩﻼﺗﻰ ﯞﻩ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﻗﺎﺗﺎﺭﻟﯩﻖ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻠﻠﯩﺮﯨﻨﯩﯔ، ﺑﯧﻴﺠﯩﯔ ﻫﺎﻛﯩﻤﯩﻴﯩﺘﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺩﻩﭘﺴﻪﻧﺪﻩ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﯩﺴﭙﺎﺗﻠﯩﻖ ﭘﺎﻛﯩﺘﻼﺭ ﺑﯩﻠﻪﻥ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺋﺎﭘﺘﯘﺭ": ﺳﯘﺩﺍﻥ ﻫﯚﻛﯜﻣﯩﺘﯩﻨﻰ ﺋﯩﻘﺘﺴﺎﺩﯨﻲ ﯞﻩ ﺳﯩﻴﺎﺳﯩﻲ ﺟﻪﻫﻪﺗﺘﯩﻦ ﻗﻮﻟﻼﯞﺍﺗﻘﺎﻥ ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺩﺍﺭﻓﯘﺭ ﺩﺍ ﻳﯜﺯ ﺑﯧﺮﯨﯟﺍﺗﻘﺎﻥ ﻗﯩﺮﻏﯩﻨﭽﯩﻠﯩﻘﺘﺎ ﭼﻮﯓ ﻣﻪﺳﺌﯘﻟﯩﻴﯩﺘﻰ ﺑﺎﺭ" ﺩﻩﭖ ﻛﯚﺭﺳﻪﺗﻜﻪﻥ.

ﺳﻮﯞﯨﺖ ﺋﯩﺘﺘﯩﭙﺎﻗﯩﻨﯩﯔ ﺋﺎﻓﻐﺎﻧﯩﺴﺘﺎﻧﻨﻰ ﺋﯩﺸﻐﺎﻟﻰ ﺳﻪﯞﻩﺑﯩﺪﯨﻦ 1980‏- ﻳﯩﻠﻠﯩﻖ ﻣﻮﺳﻜﯟﺍ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﻐﺎﻥ ﺩﯙﻟﻪﺗﻠﻪﺭﻧﯩﯔ 2008‏-ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻣﻪﺳﯩﻠﺴﯩﺪﻩ ﺳﯜﻛﯜﺗﺘﻪ ﺗﯘﺭﯗﯞﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺋﺎﭘﺘﯘﺭ ﻳﻪﻧﻪ": ﺧﯩﺘﺎﻱ ﻫﯚﻛﯜﻣﯩﺘﻰ، 2008‏-ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻐﺎ ﺳﺎﻫﯩﭙﺨﺎﻧﻠﯩﻖ ﻗﯩﻠﯩﺶ ﻫﻮﻗﯘﻗﻰ ﺑﯧﻴﺠﯩﯖﻐﺎ ﺑﯧﺮﯨﻠﮕﻪﻥ ﻣﻪﺯﮔﯩﻠﺪﻩ، ﻛﯩﺸﯩﻠﯩﻚ ﻫﻮﻗﯘﻕ ﯞﻩﺯﯨﻴﯩﺘﯩﻨﻰ ﻳﺎﺧﺸﯩﻼﻳﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﺑﻪﺭﮔﻪﻥ ﯞﻩﺩﯨﻠﯩﺮﯨﮕﻪ ﺋﻪﻣﻪﻝ ﻗﯩﻠﻤﺎﻳﻼ ﻗﺎﻟﻤﺎﺳﺘﯩﻦ، ﺗﯩﻨﭽﻠﯩﻖ ﭘﻪﺭﯞﻩﺭ ﺋﯘﻳﻐﯘﺭ ﺧﻪﻟﻘﯩﮕﻪ ﯞﻩ ﺗﯩﺒﻪﺗﻜﻪ ﻗﺎﺭﺍﺗﻘﺎﻥ ﺑﺎﺳﺘﯘﺭﯗﺷﯩﻨﻰ ﺋﯜﺯﻟﯜﻛﺴﯩﺰ ﺩﺍﯞﺍﻣﻼﺷﺘﯘﺭﯗﯞﺍﺗﯩﺪﯗ ﻫﻪﻣﺪﻩ ﻫﯚﺳﻪﻳﯩﻦ ﺟﯧﻠﯩﻠﻐﺎ ﺋﻮﺧﺸﺎﺵ ﮔﯚﺭﯙﮔﻪ ﺋﯧﻠﯩﯟﺍﻟﻐﺎﻥ ﻛﯩﺸﯩﻠﻪﺭﻧﻰ ﺗﯧﺮﺭﻭﺭﭼﻰ ﺩﻩﭖ ﺋﻪﻳﯩﺒﻠﻪﭖ، ﺋﯘﻻﺭﻧﻰ ﺋﯘﺯﯗﻥ ﻳﯩﻠﻠﯩﻖ ﻗﺎﻣﺎﻕ ﺟﺎﺯﺍﻟﯩﺮﻯ ﺑﯩﻠﻪﻥ ﺟﺎﺯﺍﻻﯞﺍﺗﯩﺪﯗ" ﺩﻩﭖ ﻛﯚﺭﺳﻪﺗﻜﻪﻥ. (ﺋﯚﻣﻪﺭ ﻗﺎﻧﺎﺕ)