32 ﺩﯙﻟﻪﺗﺘﯩﻜﻰ 100 ﺷﻪﻫﻪﺭﺩﻩ ﺧﯩﺘﺎﻳﻐﺎ ﻗﺎﺭﺷﻰ ﭘﺎﺋﺎﻟﯩﻴﻪﺗﻠﻪﺭ

• ﻣﯘﺧﺒﯩﺮﯨﻤﯩﺰ ﺋﻪﻛﺮﻩﻣﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﻮﻟﯩﻤﭙﯩﻜﻨﻰ ﺑﺎﻳﻘﯘﺕ ﻗﯩﻠﯩﺶ. Photo courtesy of UAA

2008 - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﺑﯩﺮ ﻳﯩﻞ ﻗﺎﻟﻐﺎﻥ ﺧﺎﺗﯩﺮﻩ ﻛﯜﻧﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ، 4 - ﺋﺎﯞﻏﯘﺳﺖ ﻛﯜﻧﯩﺪﯨﻦ ﺑﺎﺷﻼﭖ ﺧﻪﻟﻘﺌﺎﺭﺍﺩﯨﻜﻰ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭ ﺗﻪﺭﯨﭙﯩﺪﯨﻦ ﻧﺎﻣﺎﻳﯩﺶ ﯞﻩ ﺑﺎﺷﻘﺎ ﻧﺎﺭﺍﺯﯨﻠﯩﻖ ﭘﺎﺋﺎﻟﯩﻴﻪﺗﻠﯩﺮﻯ ﺋﯧﻠﯩﭗ ﺑﯧﺮﯨﻠﻐﺎﻥ ﺋﯩﺪﻯ. ﺑﯘ ﭘﺎﺋﺎﻟﯩﻴﻪﺗﻠﻪﺭﻧﯩﯔ ﺋﺎﺳﺎﺳﻰ ﻣﻪﺯﻣﯘﻧﻰ: 2008 - ﻳﯩﻠﻠﯩﻖ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺋﯚﺗﻜﯜﺯﯛﺵ ﻫﻮﻗﯘﻗﯩﻨﯩﯔ ﺧﯩﺘﺎﻳﻐﺎ ﺑﯧﺮﯨﻠﮕﻪﻧﻠﯩﻜﯩﮕﻪ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﺵ ﯞﻩ ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﯩﮕﻪ ﻗﺎﺭﺷﻰ ﺗﯘﺭﯗﺷﺘﯩﻦ ﺋﯩﺒﺎﺭﻩﺕ ﺑﻮﻟﯘﭖ، ﺑﯘ ﻣﻪﺯﻣﯘﻧﺪﯨﻜﻰ ﻫﻪﺭﯨﻜﻪﺗﻠﻪﺭ ﭘﯜﺗﯜﻥ ﺩﯗﻧﻴﺎ ﻣﯩﻘﻴﺎﺳﯩﺪﺍ ﺋﻪﯞﺟﻰ ﺋﺎﻟﻤﺎﻗﺘﺎ.

ﺧﻪﻟﻘﺌﺎﺭﺍﺩﯨﻜﻰ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﻧﯩﯔ ﻏﻪﺯﯨﭙﻰ ﻗﻮﺯﻏﺎﻟﻤﺎﻗﺘﺎ

ﻣﻪﺗﺒﯘﺋﺎﺗﻼﺭ ﺑﯜﮔﯜﻧﮕﻪ ﻗﻪﺩﻩﺭ ﻫﯩﭻ ﻗﺎﻧﺪﺍﻕ ﺑﯩﺮ ﺩﯙﻟﻪﺗﻨﯩﯔ، ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺋﯚﺗﻜﯜﺯﯛﺵ ﺷﻪﺭﯨﭙﯩﮕﻪ ﺋﯧﺮﯨﺸﻜﻪﻧﺪﯨﻦ ﻛﯧﻴﯩﻦ، ﺑﯘﻧﺪﺍﻕ ﻗﺎﺭﺷﯩﻠﯩﻘﻼﺭﻏﺎ ﺋﯘﭼﺮﺍﭖ ﺑﺎﻗﻤﯩﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﺷﻤﻪﻛﺘﻪ. ﺑﯘﻧﺪﯨﻦ ﺑﯩﺮ ﻳﯩﻞ ﺋﯩﻠﮕﯩﺮﻯ ﺧﯩﺘﺎﻱ ﺗﻪﺭﻩﭘﻨﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺋﯚﺗﻜﯜﺯﯛﺵ ﻫﻮﻗﯘﻗﯩﻐﺎ ﺋﯧﺮﯨﺸﺴﻪ، ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﻨﻰ ﻳﺎﺧﺸﯩﻼﺵ ﻫﻪﻗﻘﯩﺪﻩ ﺑﻪﺭﮔﻪﻥ ﯞﻩﺩﯨﻠﯩﺮﯨﻨﻰ ﺋﻮﺭﯗﻧﺪﯨﻤﯩﻐﺎﻧﻠﯩﻘﻰ ﯞﻩ ﺋﯘﻳﻐﯘﺭ ﺩﯨﻴﺎﺭﻯ ﺑﯩﻠﻪﻥ ﺗﯩﺒﻪﺗﺘﻪ ﺗﯧﺨﯩﻤﯘ ﺩﻩﻫﺸﻪﺗﻠﯩﻚ ﻣﯩﻠﻠﯩﻲ ﺯﯗﻟﯘﻣﻼﺭﻧﯩﯔ ﺩﺍﯞﺍﻡ ﻗﯩﻠﯩﯟﺍﺗﻘﺎﻧﻠﯩﻘﻰ ﻫﻪﻣﺪﻩ ﺩﺍﺭﻓﯘﺭ ﻗﯩﺮﻏﯩﻨﭽﯩﻠﯩﻘﯩﻐﺎ ﺧﯩﺘﺎﻳﻨﯩﯔ ﺑﯩﯟﺍﺳﺘﻪ ﺳﻪﯞﻩﺑﭽﻰ ﺑﻮﻟﻐﺎﻧﻠﯩﻘﻰ ﺑﯘ ﻗﺎﺭﺷﯩﻠﯩﻘﻼﺭﻧﯩﯔ ﻫﻪﺳﺴﯩﻠﻪﭖ ﻛﯜﭼﯩﻴﯩﺸﯩﮕﻪ ﺗﯜﺭﺗﻜﻪ ﺑﻮﻟﻤﺎﻗﺘﺎ. ﺧﯩﺘﺎﻱ ﺗﻪﺭﻩﭘﻨﯩﯔ ﻗﯘﻻﻕ ﻳﻮﭘﯘﺭﯗﯞﯦﻠﯩﭗ، ﺧﻪﻟﻘﺌﺎﺭﺍﻟﯩﻖ ﻧﺎﺭﺍﺯﯨﻠﯩﻘﻼﺭﻏﺎ ﺋﯩﻨﻜﺎﺱ ﺑﯩﻠﺪﯛﺭﻣﻪﺳﻠﯩﻜﻰ ﺧﻪﻟﻘﺌﺎﺭﺍﺩﯨﻜﻰ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﻧﯩﯔ ﺗﯧﺨﯩﻤﯘ ﻛﯜﭼﻠﯜﻙ ﻏﻪﺯﯨﭙﯩﻨﻰ ﻗﻮﺯﻏﯩﻤﺎﻗﺘﺎ.

9 - ﺋﺎﯞﻏﯘﺳﺖ ﻛﯜﻧﻰ ﮔﺮﯦﺘﺴﯩﻴﯩﻨﯩﯔ ﺋﺎﻓﯩﻨﺎ ﺷﻪﻫﺮﯨﺪﻩ ﺑﺎﺷﻼﻧﻐﺎﻥ 2008 - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﻗﺎﺭﺷﻰ ﺋﻮﻟﯩﻤﭙﯩﻚ ﻣﻪﺵ' ﺋﻪﻟﯩﻨﻰ ﻳﯧﻘﯩﭗ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﺵ ﭘﺎﺋﺎﻟﯩﻴﯩﺘﻰ، ﻳﺎﯞﺭﻭﭘﺎ ﯞﻩ ﺋﺎﻣﯧﺮﯨﻜﯩﻨﻰ ﻣﻪﺭﻛﻪﺯ ﻗﯩﻠﻐﺎﻥ 32 ﺩﯙﻟﻪﺗﺘﯩﻜﻰ 100 ﺷﻪﻫﻪﺭﺩﻩ ﺩﺍﯞﺍﻡ ﻗﯩﻠﯩﺶ ﺋﺎﻟﺪﯨﺪﺍ ﺗﯘﺭﻣﺎﻗﺘﺎ.

25 - ﺋﺎﯞﻏﯘﺳﺖ ﻛﯜﻧﻰ ﻳﻪﻧﻪ ﺑﯩﺮ ﻗﯧﺘﯩﻤﻠﯩﻖ ﻛﻪﯓ ﻛﯚﻟﻪﻣﻠﯩﻚ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﻠﯩﺪﯗ

ﺩ ﺋﯘ ﻕ، ﺧﯩﺘﺎﻱ ﺩﯦﻤﻮﻛﺮﺍﺗﯩﻚ ﻓﯧﺪﯨﺮﺍﺗﺴﻴﻮﻧﻰ، ﺧﻪﻟﻘﺌﺎﺭﺍ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻰ، ﻓﺎﻟﯘﻧﮕﻮﯓ ﺗﻪﺷﻜﯩﻼﺗﻰ ﯞﻩ ﮔﯧﺮﻣﺎﻧﯩﻴﯩﺪﯨﻜﻰ ﺑﺎﺷﻘﺎ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﻧﯩﯔ ﺑﯩﺮﻟﻪﺷﻤﻪ ﺑﺎﻳﺎﻧﺎﺗﯩﻨﯩﯔ ﺭﻭﻫﯩﻐﺎ ﺋﺎﺳﺎﺳﻼﻧﻐﺎﻧﺪﺍ، ﺑﯘ ﺗﻪﺷﻜﯩﻼﺗﻼﺭ 25 - ﺋﺎﯞﻏﯘﺳﺖ ﻛﯜﻧﻰ ﮔﯧﺮﻣﺎﻧﯩﻴﯩﻨﯩﯔ ﻣﻴﯘﻧﺨﯧﻦ ﺷﻪﻫﺮﯨﺪﻩ ﻳﻪﻧﻪ ﺑﯩﺮ ﻗﯧﺘﯩﻤﻠﯩﻖ ﻛﻪﯓ ﻛﯚﻟﻪﻣﻠﯩﻚ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﺸﻨﻰ ﻗﺎﺭﺍﺭ ﻗﯩﻠﻐﺎﻥ.

ﻣﻴﯘﻧﺨﯧﻦ ﺷﻪﻫﺮﯨﺪﻩ ﻣﻪﺷﺌﻪﻝ ﻛﯚﺗﯜﺭﯛﭖ ﻳﯜﮔﺮﻩﺵ ﯞﻩ ﻧﺎﻣﺎﻳﯩﺶ ﻗﯩﻠﯩﺶ ﭘﺎﺋﺎﻟﯩﻴﯩﺘﯩﻨﻰ ﺋﯘﻳﯘﺷﺘﯘﺭﻏﺎﻥ ﺑﯘ ﺗﻪﺷﻜﯩﻼﺗﻼﺭﻧﯩﯔ ﺋﺎﺧﺒﺎﺭﺍﺕ ﺑﺎﻳﺎﻧﻨﺎﻣﯩﺴﯩﻨﯩﯔ ﺑﺎﺵ ﺗﯧﻤﯩﺴﻰ "ﺋﯩﻨﺴﺎﻥ ﻫﻪﻗﻠﯩﺮﻯ ﺑﻮﻟﻤﺎﻳﺪﯨﻜﻪﻥ، ﺧﯩﺘﺎﻳﺪﺍ ﺋﻮﻟﯩﻤﭙﯩﻚ ﺑﻮﻟﻤﺎﻳﺪﯗ" ﺩﯦﮕﻪﻧﺪﯨﻦ ﺋﯩﺒﺎﺭﻩﺕ ﺑﻮﻟﯘﭖ، ﺋﯘﻧﯩﯖﺪﺍ ﺧﯩﺘﺎﻱ ﺧﻪﻟﻘﻰ ﺑﯩﻠﻪﻥ ﺑﯩﺮﮔﻪ ﺋﯘﻳﻐﯘﺭﻻﺭ ﯞﻩ ﺗﯩﺒﻪﺗﻠﯩﻜﻠﻪﺭﻧﯩﯔ ﻛﯩﺸﯩﻠﯩﻚ ﻫﻪﻕ - ﻫﻮﻗﯘﻗﻠﯩﺮﯨﻨﯩﯔ ﺩﻩﭘﺴﻪﻧﺪﻩ ﻗﯩﻠﯩﺸﻼﺭﻏﺎ ﺋﯘﭼﺮﺍﯞﺍﺗﻘﺎﻧﻠﯩﻘﻰ ﺷﻪﺭﻫﯩﻠﻪﻧﮕﻪﻥ.

ﻣﯩﻴﯘﻧﺨﯧﻨﺪﺍ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ ﺑﯘ ﭘﺎﺋﺎﻟﯩﻴﻪﺕ ﺋﻮﻟﯩﻤﭙﯩﻚ ﻣﻪﻳﺪﺍﻧﯩﺪﺍ ﻣﻪﺷﺌﻪﻝ ﻳﺎﻧﺪﯗﺭﯗﭖ، ﺷﻪﻫﻪﺭﻧﯩﯔ ﺋﻪﯓ ﺋﺎﯞﺍﺕ ﺭﺍﻳﻮﻧﻰ ﺑﻮﻟﻐﺎﻥ ﻣﯜﻧﭽﻪﻧﻪﺭ ﻓﺮﻩﺋﯩﻬﻪﺋﯩﺖ ﺩﯦﮕﻪﻥ ﻛﻮﭼﯩﺴﯩﻐﯩﭽﻪ ﻣﻪﺷﺌﻪﻝ ﻛﯚﺗﯜﺭﯛﭖ ﻳﯜﮔﺮﻩﺵ ﺑﯩﻠﻪﻥ ﺑﯩﺮﮔﻪ، ﺑﯘ ﻳﻪﺭﺩﯨﻦ ﺷﻪﻫﻪﺭﻧﯩﯔ ﻳﻪﻧﻪ ﺑﯩﺮ ﭼﻮﯓ ﻣﻪﻳﺪﺍﻧﻰ ﺑﻮﻟﻐﺎﻥ ﺋﻮﺩﯨﺌﻮﻧﻪﺱ ﭘﻼﺗﺰ ﺩﯦﮕﻪﻥ ﻳﯧﺮﯨﮕﯩﭽﻪ ﻧﺎﻣﺎﻳﯩﺶ ﻗﯩﻠﯩﭗ ﻳﯜﺭﯛﺵ ﺋﯧﻠﯩﭗ ﺑﯧﺮﯨﺶ ﺋﯩﻜﻪﻥ.

ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﺪﯨﻦ ﭼﻪﺗﻨﻪﭖ ﺋﯚﺗﯜﭖ ﻛﻪﺗﻜﯩﻠﻰ ﺑﻮﻟﻤﺎﻳﺪﯗ

ﺑﯘ ﻳﯩﻞ 8 - ﺋﺎﻳﻨﯩﯔ 4 - ﻛﯜﻧﯩﺪﯨﻦ ﺑﺎﺷﻼﭖ ﺩﯗﻧﻴﺎﻧﯩﯔ ﻫﻪﺭ ﻳﯧﺮﯨﺪﻩ 2008 - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﻗﺎﺭﺷﻰ ﭘﺎﺋﺎﻟﯩﻴﻪﺗﻠﻪﺭﻧﻰ ﻗﺎﻧﺎﺕ ﻳﺎﻳﺪﯗﺭﻏﺎﻥ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﻰ، ﺧﻪﺗﻪﺭ ﺋﺎﺳﺘﯩﺪﯨﻜﻰ ﻣﯩﻠﻠﻪﺗﻠﻪﺭﻧﻰ ﻗﻮﻏﺪﺍﺵ ﺗﻪﺷﻜﯩﻼﺗﻰ، ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﯞﻩ ﺑﺎﺷﻘﺎ ﻧﯘﺭﻏﯘﻧﻠﯩﻐﺎﻥ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭ ﺧﯩﺘﺎﻳﻐﺎ ﻗﺎﺭﺷﻰ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﻛﯜﻧﺴﯧﺮﻯ ﻛﯜﭼﻠﯜﻙ ﺷﻪﻛﯩﻠﻠﻪﺭﺩﻩ ﺋﯧﻠﯩﭗ ﺑﯧﺮﯨﺸﻘﺎ ﺑﺎﺷﻠﯩﺪﻯ. ﺑﻮﻟﯘﭘﻤﯘ، ﮔﯧﺮﻣﺎﻧﯩﻴﯩﻨﯩﯔ ﻫﻪﺭ ﻗﺎﻳﺴﻰ ﺷﻪﻫﻪﺭﻟﯩﺮﯨﺪﯨﻜﻰ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭ ﺑﯩﻠﻪﻥ ﺑﯩﺮﮔﻪ ﺩ ﺋﯘ ﻕ، ﺗﯩﺒﻪﺕ ﺗﻪﺷﻜﯩﻼﺗﻠﯩﺮﻯ ﯞﻩ ﻓﺎﻟﯘﻧﮕﻮﯕﭽﯩﻼﺭ ﺗﻪﺷﻜﯩﻼﺗﻠﯩﺮﯨﻨﯩﯔ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﻛﯚﻟﯩﻤﻰ ﯞﻩ ﺳﺎﻧﻰ ﺗﯧﺨﯩﻤﯘ ﻛﯚﭖ ﺑﻮﻟﯘﭖ، ﺑﯘ ﺗﻪﺷﻜﯩﻼﺗﻼﺭ 2008 ﻳﯩﻠﻰ 8 - ﺋﺎﻳﻐﺎ ﻗﻪﺩﻩﺭ 32 ﺩﯙﻟﻪﺗﺘﯩﻜﻰ 100 ﺷﻪﻫﻪﺭﺩﻩ ﻧﻪﭼﭽﻪ ﻳﯜﺯ ﻗﯧﺘﯩﻢ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﺎﺭﯨﺪﯨﻜﻪﻥ.

ﺳﯩﻴﺎﺳﯩﻴﻮﻧﻼﺭﻧﯩﯔ ﻗﺎﺭﺍﺷﻠﯩﺮﯨﻐﺎ ﺋﺎﺳﺎﺳﻼﻧﻐﺎﻧﺪﺍ، ﺑﯘ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﻧﯩﯔ ﭘﺎﺋﺎﻟﯩﻴﻪﺕ ﺳﺎﻧﯩﻨﯩﯔ ﻛﯚﭘﻠﯩﻜﻰ، ﭘﺎﺋﺎﻟﯩﻴﻪﺕ ﺗﯜﺭﻟﯩﺮﯨﻨﯩﯔ ﻫﻪﺭ ﺧﯩﻠﻠﯩﻘﻰ ﺩﯗﻧﻴﺎ ﺟﺎﻣﺎﺋﯩﺘﯩﻨﯩﯔ ﻛﯜﻧﺴﯧﺮﻯ ﻛﯜﭼﻠﯜﻙ ﺩﯨﻘﻘﯩﺘﯩﮕﻪ ﺋﯧﺮﯨﺸﯩﯟﺍﺗﻘﺎﻥ ﺑﻮﻟﯘﭖ، ﺑﯘﻧﯩﯖﺪﯨﻦ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﺑﯩﺌﺎﺭﺍﻡ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ، ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻕ ﻛﻮﻣﯧﺘﯩﺘﻠﯩﺮﯨﻤﯘ ﺑﯩﺌﺎﺭﺍﻡ ﺑﻮﻟﯘﺷﻘﺎ ﺑﺎﺷﻠﯩﻐﺎﻥ. ﻧﯘﺭﻏﯘﻧﻠﯩﻐﺎﻥ ﺗﻪﺷﻜﯩﻼﺗﻼﺭ ﺋﯚﺯ ﺩﯙﻟﯩﺘﯩﻨﯩﯔ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﯨﻐﺎ ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﯞﻩﺯﯨﻴﯩﺘﻰ ﺋﯚﺯﮔﻪﺭﺗﯩﺶ ﻫﻪﻗﻘﯩﺪﻩ ﺑﯧﺴﯩﻢ ﺋﯩﺸﻠﯩﺘﯩﺶ ﺋﯘﺳﯘﻟﯩﻨﻰ ﻗﻮﻟﻼﻧﻐﺎﻥ. ﺑﯘ ﺧﯩﻞ ﺑﯧﺴﯩﻤﻼﺭﻧﯩﯔ ﻛﯜﭼﯜﻳﯜﭖ ﺑﯧﺮﯨﺸﻰ، ﻏﻪﺭﺏ ﺩﯙﻟﻪﺕ ﺋﻪﺭﺑﺎﺑﻠﯩﺮﯨﻨﻰ ﺧﯩﺘﺎﻱ ﺩﯙﻟﻪﺕ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﺑﻮﻟﻐﺎﻥ ﺋﯘﭼﺮﯨﺸﯩﺸﻼﺭﺩﺍ ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﺪﯨﻦ ﭼﻪﺗﻨﻪﭖ ﺋﯚﺗﯜﭖ ﻛﯧﺘﻪﻟﻤﻪﻳﺪﯨﻐﺎﻥ ﻫﺎﻟﻐﺎ ﻛﻪﻟﺘﯜﺭﯛﭖ ﻗﻮﻳﻐﺎﻥ.

2008 - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﻗﺎﻳﺘﺎ ﻛﯜﻥ ﺗﻪﺭﺗﯩﭙﻜﻪ ﻗﻮﻳﯘﻟﯘﺷﻰ ﻣﯘﻣﻜﯩﻦ

ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﺪﯨﻜﻰ ﺋﺎﻧﺎﻟﯩﺰﻻﺭﻏﺎ ﺋﺎﺳﺎﺳﻼﻧﻐﺎﻧﺪﺍ، 2008 - ﻳﯩﻠﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺋﯚﺗﻜﯜﺯﯛﺵ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ، ﺧﯩﺘﺎﻳﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﭽﯩﻠﯩﻜﯩﻨﯩﯔ ﺩﯗﻧﻴﺎ ﺟﺎﻣﺎﺋﯩﺘﯩﻨﯩﯔ ﺑﯘ ﻗﻪﺩﻩﺭ ﺩﯨﻘﻘﯩﺘﯩﮕﻪ ﭼﯜﺷﯜﭖ ﻗﯧﻠﯩﺸﯩﻨﻰ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻮﺑﺮﺍﺯﯨﻨﯩﯔ ﻳﯘﻗﯩﺮﻯ ﻛﯚﺗﯜﺭﯛﻟﯜﺵ ﺗﯜﮔﯜﻝ، ﺑﺎﺭﻏﺎﻧﺴﯩﺮﻯ ﻳﻪﺭﮔﻪ ﺋﯘﺭﯗﻟﯘﺷﯩﻨﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺳﻪﯞﯞﯗﺭ ﻗﯩﻠﯩﭙﻤﯘ ﺑﺎﻗﻤﯩﻐﺎﻥ ﺑﻮﻟﯘﭖ، ﭼﻪﺗﺌﻪﻟﻠﻪﺭﺩﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻠﯩﺮﯨﺪﯨﻦ ﺳﯩﺮﺕ، ﺧﯩﺘﺎﻱ ﭘﯘﻗﺮﺍﻟﯩﺮﯨﻤﯘ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﻨﯩﯔ ﺋﻪﭘﺘﻰ - ﺑﻪﺷﯩﺮﯨﺴﯩﻨﻰ ﺋﯧﭽﯩﺶ ﺗﻪﺭﻩﭘﺪﺍﺭﻯ ﺑﻮﻟﯘﭖ ﺧﯩﺰﻣﻪﺕ ﻗﯩﻠﻤﺎﻗﺘﺎ ﺋﯩﻜﻪﻥ. ﺑﻮﻟﯘﭘﻤﯘ، ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ، ﺋﯘﻳﻐﯘﺭﻻﺭ ﯞﻩ ﺗﯩﺒﻪﺗﻠﯩﻜﻠﻪﺭ ﻣﻪﺳﯩﻠﯩﺴﻰ ﺩﯗﻧﻴﺎ ﺳﯩﻴﺎﺳﯩﻲ ﺳﻪﻫﻨﯩﺴﯩﺪﻩ ﻳﻪﻧﯩﻤﯘ ﺑﯩﺮ ﺑﺎﻟﺪﺍﻕ ﻛﯚﻛﻜﻪ ﻛﯚﺗﯜﺭﯛﻟﯜﺵ ﭘﯘﺭﺳﯩﺘﯩﮕﻪ ﺋﯧﺮﯨﺸﯩﺪﯨﻜﻪﻥ.

ﺧﯩﺘﺎﻳﻨﯩﯔ ﺋﻪﯓ ﭼﻮﯓ ﺋﻪﻧﺪﯨﺸﯩﺴﻰ ﺑﻮﻟﺴﺎ؛ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺋﯚﺗﻜﯜﺯﯛﻟﮕﯩﭽﻪ ﯞﻩ ﻣﯘﺳﺎﺑﯩﻘﻪ ﺑﺎﺷﻼﻧﻐﺎﻥ ﻣﻪﺯﮔﯩﻠﻠﻪﺭﺩﻩ ﻫﻪﺭ ﺗﯜﺭﻟﯜﻙ ﻛﯜﺗﯜﻟﻤﯩﮕﻪﻥ ﻗﺎﺭﺷﯩﻠﯩﻖ ﻫﺎﺩﯨﺴﯩﻠﯩﺮﯨﻨﯩﯔ ﻳﯜﺯ ﺑﯧﺮﯨﺸﯩﺪﯨﻦ ﺳﺎﻗﻼﻧﻐﯩﻠﻰ ﺑﻮﻟﻤﺎﻳﺪﯨﻜﻪﻥ.

ﺩﯨﻘﻘﻪﺗﻨﻰ ﭼﯧﻜﯩﺪﯨﻐﯩﻨﻰ ﺷﯘﻛﻰ، ﺧﯩﺘﺎﻳﻨﯩﯔ ﺑﯘ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﺷﯘﺋﺎﺭﻟﯩﺮﯨﻨﯩﯔ ﭘﯜﺗﯜﻥ ﺩﯗﻧﻴﺎ ﻣﯩﻘﻴﺎﺳﯩﺪﺍ ﺑﺎﺭﻏﺎﻧﺴﯩﺮﻯ ﺋﻪﺩﻩﭖ ﺑﯧﺮﯨﺸﻰ، 2008 - ﻳﯩﻠﻠﯩﻖ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺧﯩﺘﺎﻳﺪﺍ ﺋﯚﺗﻜﯜﺯﯛﻟﯜﺵ ﻣﻪﺳﯩﻠﯩﺴﯩﻨﻰ ﻗﺎﻳﺘﯩﺪﯨﻦ ﻛﯜﻥ ﺗﻪﺭﺗﯩﭙﻜﻪ ﻗﻮﻳﯘﺵ ﺋﯧﻬﺘﯩﻤﺎﻟﻠﯩﻘﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺸﻰ ﻣﯘﻣﻜﯩﻦ ﺋﯩﻜﻪﻥ. (ﺋﻪﻛﺮﻩﻡ).